this cooks my goose

any time any place anywhere. there is simply no other way to recite this poem. i tried for many years and in front of a lot of mirrors, but i can’t do it.

ah the times when watching a film actually made me cry, made me feel patriotic, made me feel like going out there and killing a couple of nazis.

now i watch chick flicks but there aren’t any sexier lead men than Timo Flloko.

Be still my heart!

Timo Flloko reciton Anes Lumenjve nga Fan Noli,marre nga filmi "Lulekuqet mbi mure"

Arratisur, syrgjynosur,

Rraskapitur dhe katosur

Po vajtonj pa funt, pa shpresë,

Anës Elbë-s, anës Spree-së.

Ku e lam' e ku na mbeti,

Vaj-vatani e mjer mileti,

Anës detit i palarë,

Anës dritës i paparë,

Pranë sofrës i pangrënë,

Pranë dijes i panxënë,

Lakuriq dhe i dregosur,

Trup e shpirt i sakatosur.

Se ç'e shempnë derbederët,

Mercenarët dhe bejlerët,

Se ç'e shtypnë jabanxhinjtë,

Se ç'e shtrythnë fajdexhinjtë,

Se ç'e pren' e se ç'e vranë,

Ç'e shkretuan anembanë,

Nënë thundrën e përdhunës

Anës Vjosës, anës Bunës.

Çirem, digjem i vrerosur,

Sakatosur, çarmatosur,

As i gjall', as i varrosur,

Pres një shenj' e pres një dritë,

Pres me vjet' e pres me ditë,

Se ç'u tera, se ç'u mpaka,

Se ç'u çora, se ç'u mplaka,

Lark prej vatrës dhe prej punës,

Anës Rinit, anës Tunës.

Çakërdisur, batërdisur,

Përpëlitur dhe zalisur,

ËndËronj pa funt, pa shpresë,

Anës Elbë-s, anës Spree-së.

Dhe një zë vengon nga lumi,

Më buçet, më zgjon nga gjumi,

Se mileti po gatitet,

Se tirani lebetitet,

Se pëlcet, kërcet furtuna,

Fryhet Vjosa, derdhet Buna,

Skuqet Semani dhe Drini,

Dridhet beu dhe zengjini,

Se pas vdekjes ndriti jeta

Dhe kudo gjëmon trumbeta.

Ngrehuni dhe bjeruni,

Korini dhe shtypini,

Katundar' e punëtorë,

Që nga Shkodra gjer në Vlorë!

Ky ilaç e ky kushtrim

më bën djal' e më bën trim,

më jep forc' e më jep shpresë,

anës Elbë-s, anës Spree-së.

Se pas dimrit vjen një verë,

që do kthehemi njëherë,

pranë vatrës, pranë punës,

Anës Vjosës, anës Bunës.

Arratisur, syrgjynosur,

Raskapitur e katosur,

brohoras me bes' e shpresë,

anës Elbë-s, anës Spree-së.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).