Potenciali e shpresa për ta marrë kthesën majtas dhe Blushi.

Potenciali e shpresa për ta marrë kthesën majtas dhe Blushi.

Arbër Zaimi

E kotë ta përsërisësh që në Shqipëri sot e kësaj dite nuk artikulohet politikë e majtë, dhe nuk ka ndonjë vizion social për ardhmërinë. Të paktën nga asnjë subjekt politik, se aty këtu nëpër blogje apo në ndonjë gazetë, duke iu infiltruar çensurës, edhe mund të evidentosh ndonjë kokëkrisur “kamunist” apo “anarshist” siç i quan rëndom kitsch-i popullor (se s’meriton të quhet as kulturë as folk). Të tillë individë gjen psh. edhe në këtë blog, e gjithsesi po këtu gjen dhe dëshpërimin e pandërprerë për sa i përket realitetit dhe të ardhmes. Sepse mjerisht, shqetësimi qytetar apo shqetësimi individual i shprehur nëpër mediat qofshin mainstream, qofshin alternative, nuk e ka ende fuqinë numerike për të ndikuar politikat e këtij vendi. I vetmi mjet për të ndikuar këto politika, tani për tani janë partitë politike (dy të mëdhatë flas, jo çapaçulët), që deri më sot kanë paraqitur një tabllo gri, pa ndryshim nuancash. Mirëpo këto dy parti nuk qenkan njësoj.

Ky nuk është një zbulim i bërë së fundi, e nuk habit aspak, por Partia Socialiste, për shkaqe nga më të ndryshmet e mbi të gjitha për shkak të një atmosfere deri diku tolerante ndaj përplasjeve ideore, e kishte të paktën ambientin për të prodhuar diçka më të mirë. Pra, e kemi kritikuar dhe vazhdojmë ta kritikojmë këtë parti, sepse nuk është e majtë, sepse la Berishën në pushtet, sepse është krimbur në korrupsion, sepse nuk bëri program, sepse është shkëputur nga populli, sepse grumbulloi një tufë me "ekspertë" parazitarë e oportunistë, që po aq mirë mund t'i rrinin dhe Metës, apo Berishës, apo kujtdo që premton para, famë e pushtet, etj. etj. por ja që kjo organizatë kaq difektoze, në të vërtetë është e vetmja parti që ka potencialin për t’u bërë një parti e majtë.

Kjo ka qenë ajo çka kemi besuar e çka kemi paraqitur vazhdimisht në analizat tona të mëparshme, duke menduar se për një zhvillim të shëndetshëm të debatit politik ka nevojë për krahë politikë e për përplasje të vizioneve të zhvillimit. E meqenëse djathtas është pozicionuar shumë fort PD-ja me historinë e saj që nis që nga Shocktherapy-ja e të ndjerit Pashko, tek piramidat e '97 që sonte blejnë Bolonjën, e deri tek privatizimi njëevrosh i Nënës Shqipëri; majtas, për arsye të nevojave të votuesit, mbetej një hapësirë bosh, që askush nuk mund ta kulmonte më mirë se PS-ja. Zhgënjim ishte kur kjo parti u shndërrua në një Yellow Submarine të dekoruar me topa të kuq, me këngë elektorale e me parrulla me rimë, zhgënjim ishte kur u tentua populizmi dhe marketingu masiv me batutën “përtej të majtës e të djathtës”, batutë që u shndërrua menjëherë në mantran e Ilir Metës. Patjetër që gabuan kur e trajtuan elektoratin e majtë si një popull pa tru, që voton duke parë në reklamë një kovë me ngjyra që derdhet për të formuar togfjalëshin e pakuptimtë “kohezion social”. Nëse ka një gjë që e shquan të majtën, është pikërisht inteligjenca e filozofia praktike e materialiste, dhe shkëputja nga përrallat e formalizmat. Por jo çdo piktor e di këtë.

Dje PS mbërriti në një bigëzim rrugor, e tashmë qartazi dallohen dy rrugët potenciale që mund të marrë kjo parti. Rruga që ha djathtas, që me sa duket do të jetë ajo më e mundshmja, është ajo e rikandidimit dhe e rifitimit të mandatit të kryetarit nga Rama. Kjo do të thotë vazhdimi i të njëjtit avaz, të cilit ia kemi bërë dhe do t’ia bëjmë kritikën sa herë të kemi kohë.

Ndërsa rruga që ha majtas u paraqit në mënyrë deri diku surprizuese (sepse nuk e prisnim kaq hapur dhe kaq ngjashëm me analizat e mëparshme të Saktivistës) nga Blushi. Ky i fundit, sikur të kish qenë në një mendje me ne, gati-gati sikur të kish qenë bashkautor i blogut tonë, radhiti një nga një arsyet e humbjes: shkarjen drejt qendrës; mungesën e programit; mungesën e retorikës opozitare; dështimin në krijimin e një identiteti politik; mungesën e kritikave konstruktive apo marrjes parasysh të tyre nga Rama; si dhe megalomaninë e vetëpërmbushjen vanitoze të kryetarit aktual, etj. etj. etj. Do të ishte hipokrite që të bëja kritikë për një person i cili sapo ka artikuluar gjëra që ne i kemi shkruar e shprehur për një kohë kaq të gjatë. Madje ky është rasti për të treguar që ne nuk jemi aspak kundër të gjithëve e kundër gjithçkaje. Ajo çfarë artikuloi Blushi, për ne është pozitive, dhe mund të jetë një hap i parë për krijimin e një të majte të pakompleksuar, konstruktive e vizionare. Natyrisht që Blushi mund të jetë duke folur dhe i detyruar nga rrethanat, ende nuk ia njohim sinqeritetin analizës së tij, dhe ende nuk e dimë se sa i aftë është që të krijojë dinamikat politike që kanë munguar. Por këto diskutohen në një moment të dytë. Se sa do t’i jepet mundësia Blushit, dhe se sa do të dijë Blushi ta shfrytëzojë këtë mundësi, kjo është punë tjetër. Besoj se ne do të jemi po aty, për të bërë kritikat tona, kur ta shohim të arsyeshme.

Gjëja më e mirë që do të mund të ndodhte në PS në këto momente (e që si çdo gjë e mirë ka shumë shumë pak gjasa të ndodhë), do të qe që Rama të jepte dorëheqjen, të mos rikandidonte dhe shprehimisht të ofronte ndihmën dhe mbështetjen konstruktive për kryesinë e ardhshme. Rama është politikan i ri, e sigurisht që do t’i vinte rasti shpejt (kur i erdhi dhe Nanos...). Në rast se ndodhte kjo nuk do të thotë që gjithçka është bërë e bukur dhe me ngjyra. Tabloja do të mbetej po aq gri nëse lideri i ardhshëm do të rrethohej nga të njëjtët servila miopë, dhe nëse do të vijonte populizmin e qendrës, apo eksperimente , third apo fourth way e kështu me radhë.

Shënim: Përdor hera-herës numrin shumës (ne), pasi shkrimi e qëndrimi i shprehur është rezultat bisedash e analizash me disa anëtarë e lexues të blogut. Ky shkrim nuk nënkupton asnjë plan apo lidhje me Blushin gjithsesi, as personale, as kolektive, as pasionale. Është vetëm çështje qëndrimesh.

63 Komente

majtas, për arsye të nevojave të votuesit, mbetej një hapësirë bosh, që askush nuk mund ta kulmonte më mirë se PS-ja.

Themeli teorik i ketij pohimi eshte se ka nevoje per nje "politike te majte" apo jo? smiley

me mjafton te kujtoj faktin qe para disa kohesh Blushi dha doreheqjen nga sekretar i ps-se, qe te mos me bindin qellimet "e mira" te tij...

 cfare ishte negative ne dhenien e doreheqjes se Blushit?

Mua me duket se thelbi i ketij shkrimi nuk ben sens, pra qe "ne shqiperi nuk artikulohet politike e majte" pasi po ti hedhesh nje sy te gjithe programeve elektorale ato jane kaq te majta e kaq prane njera tjetres sa ne kushte ideale e te mireqena te aplikimit real te tyre nuk ben shume ndryshim te votosh per PD apo per PS apo edhe PR,legalitetin, ballistet etj.

Problemi eshte qe ne shqiperi nuk ka pasur e nuk ka nje parti me peshe thellesisht te qendres se djathte dhe qe perpjekja e LZHK e te tjereve ne kete drejtim ishte  e destinuar te vdiste qe ne lindje.

Kjo sjell edhe situaten qesharake te Berishes dhe PD qe flasin per pozicionim te djathte por deri me sot me legjislacionin, pushtetin e tyre dhe klientelizmin e shfrenuar kane demtuar me shume se kushdo tjeter intersat e biznesit, pronareve dhe te vete te djathtes "historike" duke e bere ate irrelevante ne jeten politike te vendit.

 shiko, kjo varet nga pozicionimi subjektiv. Ne rast se ti qendron djathtas tyre, patjeter qe per ty jane te majte, ndersa per mua qe qendroj majtas tyre, keta jane djathtas (PD-ja e kam llafin), ndersa PS-ja s'eshte askerkund.

jo, jo athere, asgje negative nuk kishte, perkundrazi tregoi emancipim

tani me stonon mua kjo dalje haptaz e tij kundra rames, me duket sikur mezi kishte duruar qe edi te humbte...

 

 

te gjithe shqiptaret mezi kane pritur qe Rama te humbiste zgjedhjet e te kthehej tek bunkeri

Po ne fund te fundit nuk ka me arsye per te pritur, normalisht Rama duhet te kishte pranuar humbjen e te hapte krahun.

Nuk besoj se sjellja e tij eshte shume me ndryshe nga ajo e vete Rames ne 2005.

Eshte momenti i tij, dhe e thote dikush qe ne kete blog ishte pro Malajt kur filloi ky muhabet. Kete e ndien jo vetem Blushi, po dhe ata qe po perpiqen t'ia mohojne.  Eshte momenti i tij edhe sepse ndryshimet e rendesishme ne nje parti behen ne keto momente, behen kur ajo ka dale nga humbja. Eshte momenti i tij sepse nuk ka me asnje lloj kodi, politik apo moral, qe e detyron Blushin e te tjeter te vazhdojne te mbrojne Ramen. Ai kod mbaroi ne 29 qershor, kur rezultatet per ata qe kane sy ishin te qarta. Eshte momenti i tj sepse "besnikeria" ndaj nje kryetari te humbur e filozofie te deshtuar nuk eshte gje tjeter vetem se tradheti ndaj asaj partie per te cilen kemi votuar para, gjate, e pas periudhes Rama. 

 

sepse nuk ka me asnje lloj kodi, politik apo moral, qe e detyron Blushin e te tjeter te vazhdojne te mbrojne Ramen.

A, pse kshu qeka ?  E provojme i her bashke, ne spo ndihemi hic si fillim. Pasanej po fitove mire, po s'fitove, une ta heq stolin smiley

Kushdo duhet ta pranoje se loja me (mos)hapjen e (mos)rinumerimin e votave te diskutueshme ne Berat ne vecanti i kane dhne pozita me te forta dhe i kane justifikuar ne nje fare menyre Rames qe te radikalizoje dhe te mos njohe rezultatin e zgjedhjeve.

Dhe duhet te pyesim veten perse valle berisha nuk ka qene aspak e gatshem qe te bej leximin e plote te votes ne zonat e diskutueshme qe sipas tij vecse do ta rriste avantazhin dhe fitoren e tij.

Blushi, pamvaresisht nga shtysa dhe motivimi i tij, nuk eshte fort i besueshem pasi ai vete e ka pranuar mese njehere qe ai ka qene thellesisht pjese e vendimarrjes ne PS, nje nga kreret e saj e madje fare prane me Ramen dhe si  i tille mban pergjegjesi te madhe per mosaritjen e rezultateve te pritshme (jo aq sa Rama padyshim po aty afer) dhe si i tille veshtire se mund ta quaj veten si nje fillim i ri "pertej rames".

Disfatizmi i tij pastaj eshte kaq deshperues e irritues sa une nuk e imagjinoj se kush do te mblidhe t e ti shkoj pas nje lideri te tille " qaraman".

Blushi padyshim ka te drejte ne princip ne disa pika (dhe Rama duhet ta kete kuptuar se ku gjerat kane caluar e ku lidershipi i tij nuk funksionoj e duhet te riformohet e ndryshoje me rrnje) por nese ky debat do te behej ne nje vend normal e me demokraci te konsoliduar. Ne shiperi keto tingellojne me teper si gjetje te castit dhe jo te sinqerta. Shpresoj dhe besoj se Blushi niset nga qellime pozitive e genuine ne nderrmarrjen e tij te deshperuar por qe eshte as ne kohen e as ne vendin e duhur.

Padyshim!

Edhe Rama ka me ju ndigjue shume mire madje...dmthen grini sallate,grini...

per mendimin tim vitet e tranzicionit ne radhe te pare jane vitet e deshtimit katostrofik te anal...isteve tane kucurru dhe sidomos sidomos servilizmi i tyre ndaj pushtetit ne keto vitete e fundit ka kaluar shuem kufijte e nje pershtirosje ...Ka shume e shume syresh qe dje me "luften" ndaj Saliut dogjen dhe shkaterruan shqiperine dhe sot me dashurine e pakufijt ndaj tij po mbysin cdo element te lirise,demokracise dhe jane versulur si cakejte te grabisin gjithcka duke e cuar ne varferim te tejskajseshem kete popull ne aspektin material dhe shpirteorr...!

persh me vjen per te vjelle kur shoh sot ate Pezen  e nje tv-je nje idhtar te doktorit ,kur "dje" villte zjarr ndaj tij....hmmm jane shuem ne fakt....

Edhe nje peshkatare fort shume ishte duke luftue dje live ne nje tv te "kohes se re"...smiley)

Rama ka ne dore nje justifikim te forte per sa kohe nuk u arrit te vertetohet e kunderta. E kam fjalen per pretendimet e PS per disa zona ne Berat, Tirane e Shkoder. Fakti qe keto ankimime nuk u moren parasysh nga shumica e KQZ (teresisht e politizuar dhe e njeaneshme ne favor te PD-se) si dhe mosprishja e qejfit nga anetaret e kolegjit zgjebor (zgjebor nuk eshte gabim ortografik) tregon se ne zgjedhje kishte abuzime te renda dhe tjetersim te votes. Po te kemi parasysh edhe zgjedhjet e 2005 kur ankimimet e LSI apo LZHK sidomos per votimet ne proporcional nuk u moren parasysh asnjehere te vetme, tregon qarte se vjedhja apo tjetrsimi i votave eshte nje vazhdimesi konstante. Nese keto shqetesime apo edhe te tjera konfirmohen edhe nga vezhguesit nderkombetar te cilet ishin me bollek ne teren gjate votimeve por sidomos gjate numurimit te votave, atehere Rama eshte teresisht i legjitimuar per nje humbje te pamerituar ose per nje mosfitore per shkak te abuzimeve me voten e popullit.

Parashikimi im eshte qe ne Prill ose Maj te vitit 2010 do te kemi zgjedhje te reja parlamentare dhe nje shkaterim total te formacionit Berishian dhe PD-se. Vetem se per nje vit do te shohim grabitje spektakolare te pasurise se perbashket nga politikanet ne pushtet te cilet do te futen edhe ne nje konkurence te ashper se kush do te grabise me shume dhe me shpejt.

berbero , une them se kemi per te patur zgjdhje te parakoshme shume me perpara muajit prill

 

Nuk e besoj per disa aresye:

1. Ne dimer jo se nuk kemi infrastrukture (te pakten keshtu thone baballaret) megjitheseSula i ka asfaltu te gjitha rruget rurale;    smiley

2. Duhet disa muaj derisa te riformulojne ligjin per zgjedhjet, ku kesaj radhe do te tentohet tek proporcional i paster, dmth pa rajone;

3. Taktikisht Edit i duhet nje  vonese mbi 6 muaj pas Shtatorit me qellim qe frytet e krizes ekonomike te kene depertuar thelle ne ekonomine shqiptare, gje qe rrit zemerimin popullor ndaj qeverise;

Nje levizje e goditur e Berishes do te ishte  dorreheqja e tij e menjehershme mbas krijimit te qeverise dhe kerkesa nga ana e tij per zgjedhje te reja. Por kete gje ai nuk e ben dot se eshte i zhytur koke e kembe ne korupsion dhe maskarallek.

Me duket se dja rama u paska thene:

"ne humbem zgjedhjet, por lirine e te fantazuarit per zgjedhje te parakohshme ne 4 vitet e ardhshme sna e heq njeri"

Ju shikoni enderra me sy hapur o milet.

Distancohuni nga humbesi (rama) , ose do beheni edhe ju humbesa.

Zakonisht fitues apo humbes ka ne nje ndeshje me regulla dhe qe kontrollohen nga nje arbiter. Nese arbitri do te vendosi qe regullat ne nje ndeshje jane shkelur dhe per rjedhoje duhet te luhet nje tjeter, mendoj se nuk ka as fitues dhe as te humbur. Prandaj Elton te mos nxitohemi, le te presim edhe disa dite per te pare se cfare do te thote arbitri. Apo ti hyn ne kategorine e atyre qe njohin vetem ligjet e xhungles? 

spo kam qejf te rishruaj nje koment qe dikush ketu me ka fshire, por varileshet

 

lexo mire ca ke shkruar dhe kupto qe rregullat e lojes dhe 1/2 e arbitrit ishit te humbesit

Edhe mua ma paskan fshire pergjigjen qe i dhashe pergjigjes tende> smiley

Sinqerisht nuk e kuptoj pse na i paskan fshire pasi nuk kishte asgje jashte regullave te PPU. Ndoshta pa dashje. Nejse,

Per mua arbitri nuk jane komisioneret. Ata jan lojtare dhe arbitri i vetem per kete vend ku une jetoj (dhe jo ti) eshte bashkesia nderkombetare e kryesuar nga OSBE-ja. Nese ata i certifikojne zgjedhjet ke te drejte ti dhe jam une gabim.

Shpresoj qe kesaj radhe te mos na i fshijne komentet. Jo per gjo po pse te shahen kot nga nonat e motrat!  smiley

..po po, pa dashje me qellim..

- ne nuk duhet te presim ca mendon bota, por te jemi te zotet e vetes, edhe nese bota thote qe zgjedhjet shkuan mire, per mua kane shkuar keq, pasi opozita se pranon humbjen !

- sikur komisioneret te ishin pa parti, sdo kishte pasur loje ? (meqe sdo kishte pasur lojtare...)

- e vertete se une nuk jetoj ne shqiperi, por jo per kete ti je me shqiptar se une, apo mendimi yt vlen me shume se imi !

admina, nenat dhe motrat nuk ua shan njeri, vetem mos censuroni mendimin e lire !

Eshte e kote te vazhdoj bashkebisedimin me ty pasi nuk po kuptohemi. Une them qe shqiperia per fat te keq ashtu sic eshte katandisur nuk mund te beje asgje pa monitorimin nderkombetar, ju thoni se ne duhet te jemi zoter te vehtes. Duhet dhe a je jane dy gjera te ndryshme. Une o djale i mbare nuk jam me shqiptar se ty, por une jam shqiptar i nxehur sepse votova dhe pretendoj se mu vodh vota dhe e vetmja shprese qe me ka ngelur eshte te besoj se ndoshta arbitri do me jape te drejte. Te shpresosh per drejtesi kjo eshte ceshtja.

Kesaj here gjithcka eshte filmuar me telekamera e vota nuk eshte vjedhur nga askush, eshte vetem humbesi rama qe pretendon nje gje te tille !

Kij inatin, foli hakun !

Prape po ngutesh megjithese je larg dhe duhet te jesh me i rezervuar. Arbitrat kesaj radhe kane qene me shumice dhe sigurisht qe kane qene non stop prane qendrave te numurimit. Nese ata thone ate qe ti pa te drejt thua, atehere ti ke te drejt te thuash ate qe po thua. Nese ata thone qe ne disa qendra numurimi pati probleme me fimimet me telekamera gje qe ka ndikuar edhe ne tjetersim potencial te votave, atehere ti ja ke fut kot me ato qe thua.

Bej vetem pak durim.

 edhe ti prit sa te fluturoje gomari, vetem pak durim

Si do vazhdoje Rama ne te ardhmen, nese zgjidhet perseri,:"pertej se majtes dhe te djathtes"?

Apo do te therrasi Meten se beri gabim qe nuk beri koalicion?

Si nuk e kuptojne qe Berisha ja futi duke e lene ate te bente ligjin zgjedhor, si dhe e kuptoi qe ai nuk do ta kishte te lehte me Meten.

Tani qe ka pushtetin, jo Rama, por te gjithe do ta kendojne kengen e tij, me hir ose me pahir. Perpara jane "levizja e lire", eshte "aplikimi ne bashkesine Europiane", gjera qe PS me Ramen as ka guximin ti kundershtoje. E ne mes ketyre dhe investimet, per te cilat ai nuk ka kohe te beje oponence sepse po i vine zgjedhjet lokale, dhe do ti zieje koka prap.

keiendi

Rama nuk do te kete nevoje per Meten, me zgjedhje te parakoheshme Meta eshte i mbaruar, mbi 90% te atyre qe ja dhane voten nuk ja japin me mbas bashkepunimit me Berishen. Keto vota kalojne tek PS-ja dhe ajo vazhdon te jete partia me e madhe ne vend me nje distance akoma me te madhe.

Tjetra, me nje ndryshim te sistemit Ps-ja do te kete me vehte ndihmen e te gjith te vegjelve dhe Big-ave te tyre, perfshi ketu ndoshta edhe te vegjlit e djathte qe e urrejne kete sistem, dhe mos tju duket cudi te forcoje zgjedhje te ardhshme dhe kryeminister i ardhshem brenda nje viti te jete Rama.

Ngelet per tu pare por per mendimin tim i do ti mjaftonin vetem dy kartona te LSI-se qe kjo te behet realitet.

Me vjen keq se do te shikosh qe Saliut jo qe nuk i hiken me askush tashme, por po ben llogarite te shkepusi edhe nga grupi i opozites disa. Se sa...?

Ne Kongresin e PS do te shihen qarte sa sa do ta dominoje grupin parlamentar Rama, si dhe si do ti komandoje te pakenaqurit qe tashme po formojne fraksion. Ai pranon Rama frksionet, dhe sa eshte i afte ti mbaje nen supervizion, ketu qendron ceshtja? Pastaj te thithi nga LSI qe tashme ka merre portofolet e ministrive dhe shprendan % ne prefekte e zyrtare periferike.

Ti e kupton mire qe socialistet nuk jane idealiste por pragmatiste, si dhe kryetari i tyre, keshtu qe ndonje cope torte e mire nuk kishte pse mos tua prishte mendjen, sidomos atyre te biznesit, qe e mendojne mire te ardhmen e kater viteve.

Dakort por po injoron bazen e LSI-se qe ka qene elektorati me i vendosur anti-Berishe dhe partite e vogla qe jane plagosur por skane vdekur akoma, dhe me nje premtim per ndryshim sistemi rrezik e hedhin dhe nje grusht.

Ajo e krizes pastaj e dhimbshme por e vertete, sidomos kur buxheti i shtetit eshte qe tani me deficit. Si do i mbuloje qeveria premtimet e bera ?

:-D

Oh, ç'u kenaqa! Perla, ore perla. Mrekulli qe nga artikulli e ne te gjithe pergjigjet me pas gjen me bollek.

Njeri thote se

Nëse ka një gjë që e shquan të majtën, është pikërisht inteligjenca e filozofia praktike e materialiste, dhe shkëputja nga përrallat e formalizmat. Por jo çdo piktor e di këtë.

Kush kshu mer?! E majta internacionaliste, no-global, barazi per te gjithe qenka praktike e materialiste?! Praktike e Materialiste e majta?! Qurramanet, teoricienet, hallemedhenjte, abstraket e majte qenkan filozof praktik e materialist smiley

Tjetri thote se ne Shqiperi ka vetem parti te majta. Ne Shqiperi ku jeton populli me pro-Nato, pro-Amerikan ne bote. Ku flat tax 10% pranohet ne heshtje nga partite e majta. Ku privatizimet jane pare si sherimi i çdo te keqe e mbi te gjitha jane bere nga gjithe qeverite pa asnje dallim, te djathta apo te majta. Ku rritja e moshes per pension eshte bere nga nje qeveri e majte.

Nje tjeter shton se PS eshte e vetmja force zhvillimi e progresi ne Shqiperi. Ama s'ka rendesi fakti qe nga PS ne 18 vjet nuk ka dhene nje ide te hajrit, qe te thuash: Hallall, kjo eshte merite e socialisteve. Fantazohet per vitalitetin e nje partie ku drejtuesit jane komunista o bij komunistash te llastuar e pa ide, por mbi te gjitha nje parti ku elektorati eshte i VJETER. Hapni veshet, PS votohet nga te vjetrit. E pastaj me thote vitaliteti i PS :-D

I fundit pastaj flet per zgjedhje te reja pas nje viti. Aty mbaje, as mos e rruaj fare. Te vjen te qeshesh, sikur i njejti person te mos t'i uronte bashkatdhatareve te vet mjerim e mizerje "Edit i duhet nje  vonese mbi 6 muaj pas Shtatorit me qellim qe frytet e krizes ekonomike te kene depertuar thelle ne ekonomine shqiptare, gje qe rrit zemerimin popullor ndaj qeverise"

 

aa gjuetari i perlave nuk e paska lexuar ende faqjen tejet te domosdoshme per semantiken e tij politike. Le ta ndihmojme pak

http://www.dialectics4kids.com/

Pas kesaj, merr e lexo ndonje review mbi "Materializmi dhe Empirokriticizmi" i Leninit, "Materializmi Dialektik" i Spirkinit, "Ludvig Fojerbahu dhe Fundi i Filozofise Klasike Gjermane" nga Engels, "Anti-Dyringu, Revolucioni Shkencor i Zotit Eugen Dyring" nga Engels, "Dialektika e Natyres" nga Engels, "Mbi ceshtje te dialektikes" nga Lenini, "Materializmi Historik dhe Dialektik" nga Stalini, "Mbi kundershtite" nga Mao, "Materializmi dhe Materializmi Historik" nga Harper, dhe c te te doje zemra tjeter. Qe ta kuptosh se sa te urryer dhe sa materialiste e praktike jane ne te vertete te majtet, sa antagoniste te strukturave efemere shoqerore, sa antagoniste te besimit empirik, te ideologjise etj etj. Jane popull i poshter te majtet...

Po pse me ka lene truri te lexoj "Dialektizmin e Natyres" te Engels?

Punoj une o shpirt. Populli i djathte punon dhe me taksat e popullit te djathte paguhen profesorat dhe asistenca e te papuneve qe filozofojne mbi "Dialektizmin e Natyres" smiley

E dija e dija, prandaj te thashe te lexosh vetem reviews. Rrofshi qe s'lexoni po punoni gjithnje e me shume dhe paguani gjithnje e me shume taksa... Gjithsesi u perpoqa thjesht te te shpjegoj qe politika dhe filozofia e majte lind e zhvillohet prej ekonomistesh, sociologesh e antropologesh, e per pasoje ka patur nje qasje teresisht materialiste ne vizionet e saj te zhvillimit. Te pakten sipas terminologjise me te cilen kane rene te gjithe, quhet materializem. Idealizmi etj etj gjendet me shpesh ne doktrinat e "LIRISE", liberizmi, apo ne doktrinat tradicionaliste fetare, apo dhe ne individet karizmatike qe ndertojne politika rreth fetishit.

flm. per mundimin. Nese Ll me lejon (flm Ll smiley ) filozofia e majte lind nga sociolog qe kujtonin veten se jane ekonomista. Ideolog jashte rruge totalisht, si ne teori, si ne praktike.

Te uroj shendet

hmm, nuk di te kete ekonomist pas marksit qe te mos jete ndikuar nga marksi (perfshi kundershtare e ithtare). megjithate ne kete pike debati shnderrohet ne tifozllik, une di te them qe filozofia dhe ekonomia e majte mbajne vulen e materializmit. Pra quhen materialiste. Ty kjo s'tu duk e besueshme, tu duk "perle". Mire. Gabimi eshte imi qe perdor terminologjine shkencore ne etiketimin e se majtes. Duhet te perdor qe sot e tutje ate popullore. 

gabimi yt, si i shume te tjereve eshte se e kujton Marksin ekonomist, kur ne fakt ishte sociolog. Edhe Keynes, qe disa heretik e quajne te influencuar nga Marksi, s'ka gje te perbashket me Marksin.

faktikisht te jep te drejte e gjithe shkenca globale, jam une qe e kam kuptuar gabim. Nje pyetje, po Marksin e ke lexuar? "Kapitalin"? "Teorine e Mbivleres"? Jane traktate teper interesante sociologjie, sic duket dhe nga titulli xhanem.

Keynesi nuk kishte asnje lidhje me Marksin, kot ia fusin.

http://www.dollarsandsense.org/archives/...

"Kapitali" e "Teorine e Mbivleres" si teori sociale jane intersante, e pranoj. Si teori ekonomike te çmontuar ne çdo paragraf. Per Marksin shteti duhej te komandonte ekonomine; per Keynes shteti nuk duhej te udhehiqte ekonomine, por vetem te nderhynte per te ndrequr çekuilibrin natyral te ekonomise te lire. Disa keqadashes (çmime Nobel mes tjerash) shkojne me tej sa ta quajne teorine e Keynes si te vlefshem vetem ne raste krize.

Titulli terheqes "Kapitali" nuk e ben traktat ekonomie, po ç'ka ka brenda eshte ajo qe vlen.

eh, e drejte e drejte. kush e di si eshte ekonomia e vertete...nuk i kam lexuar as marksin as keynesin keshtu qe ia fus kot here pas here, natyrisht qe ka vetem smith dhe vetem friedman. 

hunter

Mendon ti se e drejta vidhet duke shtremberuar ato qe thote bashkebiseduesi? Kam thene qe nuk eshte cudi sepse opozita tashme e ka ndare mendjen, do i duhet ndoshta mbeshtetja e te vegjelve qe e urrejne sistemin dhe nja dy kartona te fshehte te LSI-s ose gjetke ne parlament. Pse te duket e pamundur ty?

Kurse ato te tjerat per mjerim e mizerje nuk i kam thene une smiley

Mendon ti se e drejta vidhet duke shtremberuar ato qe thote bashkebiseduesi?

nuku e mora vesh kete.

per ate muhabetin e mjerim e mizerjes, e kisha me berberin e Jean Louis David, jo me ty.

Shnet

Të paktën nga asnjë subjekt politik, se aty këtu nëpër blogje apo në ndonjë gazetë, duke iu infiltruar çensurës, edhe mund të evidentosh ndonjë kokëkrisur “kamunist” apo “anarshist” siç i quan rëndom kitsch-i popullor (se s’meriton të quhet as kulturë as folk).

S'arrij ta kuptoj dot argumentin. Sipas artikullit, s'ka përkrahje të mjaftueshme nga populli as për të pasur nja dy "subjekte politike" megjithatë duhet që partia e madhe opozitare të kthehet më majtas?? Me çfarë përkrahjeje? Në qoftë se as me emrin e majtë s'morri dot pushtetin si do ta marrë duke shkuar edhe më shumë majtas? Mos ka të majtë që s'votuan për PS-në se s'ishte edhe aq e majtë?

Ideja se per 6 muaj ka zgjedhje nuk vetem se nje infantilitet politik. Tjeter deshira dhe tjeter llogjika e ftohet. Por edhe tjeter eshte propaganda ngushelluese.

Vetem 60-65 milione euro qe u shpenzuan nuk ka kush i fut ne loje edhe nje here. Forcat tanime jane rreshtuar per te "rikuperuar plaget" dhe mbledhur "flamujt dhe parrullat".

Nje shikim i holle i grupit te ambasadoreve ne Kolegjin Zgjedhor ishte domethenie e madhe per stabilitetin ne Shqiperi. Dukej qartasi qe ata ishin te kenaqur dhe morren masat per mosberjen e ndonje "prrocke".

Dhe transformimi i kodit zgjedhor duhet te behej prej dy paleve gje qe Saliut tashme i duket si lojra me kuklla ose gara me makina prej lodre. Besoj se nuk harroni 97 kur kishte rene shteti e kerciste pushka, dhe ai rizgjidhej president.

I nerum zaim Ne smiley duhet te bindemi perfundimisht edhe ne ndertimin e artikujve te tille duhet te mbeshtetemi me shembuj qe jane provuar katerciperisht nga HISTORIA si teza e Napoleonit : Ne vezmen e ushtarit fle shkopi i Marshallit ....Nje tjeter shembull me i lashte per te cilin per momentin mendoj se kemi ( ne ) nevoje ABSOLUTE eshte shprehja Spartane  Lind Sparta djem( bij ) me te mire se ky . Me po aq vlere eshte edhe eksperimentimi me ndrimin e vendit te nenes MBRETERESHE me nje Milingone "punetore" skllave e sherbetore...e cila i kreu detyrat te njenjejta me ish nenen Mbretereshe .Ben Blushi per mendimin tim eshte as me shume e as me pak por nje nga potencialet e PS per nje kandidature te tille po aq sa dhe Malaj , Meksi , Seseri apo te tjere. Vecse kushdo duhet te jete i BINDUR qe ajo qe i vihet Blushit si artikulim eshte nje diskutim ...dmth nje Diskutim ...dhe patjeter nje Diskutim....Ta vecosh ate me nje diskutim eshte nje pese me hic .Te gjitha qe i vihen atij ne goje jane copra te mbledhura me durim e me objektiva te percaktuara nga Blogu PPU...ndoshta edhe te cunguara...por te paraqitura si teresi . Ne Memedhembje per mua ( jo per ne ) mbizoterojne dy faktore .... nga me negativet. Levizja e LIRE dhe PUNESIMI . Kush ka projekt per ti zgjidhur , (ne te kundert te sharlatanit me Petrolifera e parqe Eolike, me fambrika cimentoje e dengla atomike ), ka shansin dhe duhet te kete perkrahjen me te madhe. Po qe per Korupsionin ai eshte nje loje fjalesh ose perde e perdorur nga cdo force Politike ( ku me tipikja mbetet PD-ja si arkitektja e Hajdutllekut ne Shqipri ) per te mbuluar VJEDHJET e nje lloi te ri qe do te beje kur te marre karriken . Vetem (NE e perseris NE) naivet , qe sot hapem syte ne ekonomine e TREGUT , mendojne se ka zhvillim - pa vjedhje ne sisteme te tregut te LIRE . Biles vijme edhe me propozime e reforma ekonomike  ligjore .

Jam shume dakord me ty, dhe kete analize kam ndjekur. Per mua Rama eshte i pambrojtshem, dhe duhet te largohet. Por jo sepse humbi, sic thote rendom qytetari i thjeshte qe ben pulitike nga stoli i dominose.

Rama duhet te largohet sepse nuk qe ne gjendje te bente program, nuk solli program. Rama dhe po te fitonte, do te duhej te largohej, si politikan pa plan qe ishte, si politikan qe s'ka patur skrupuj per t'u ruajtur nga biznesi.

Sa per Blushin, as e njoh, as e kam idene se si do sillet. Deklarata e tij e pare m'u duk e ftohte, analize e sakte. Program s'ka si te kete qe tani Blushi, por ama mundesine per te bere nje program e ka, dhe me sa duket dhe deshiren. Se sa do t'ia dale eshte tjeter pune. Jam i sigurt qe Blushi nuk eshte biri me i mire i Spartes, po nepermjet individualizmit Sparta s'ka per ta mundur kurre Kirin (Cyros sipas Grekeve, Kurosh sipas Perseve, shahanshah, perandor mbi perandore). Spartes i duhet program, i duhen ide, i duhet identitet. Perndyshe thjesht do t'i zgjatet agonia...

Ende nuk arrij te kuptoj se cfare mbrohet kur mbrohet Rama.

Rama nuk hyn ne kete mes. Ai eshte nje i cfaredoshem ne rendin e ecjes perpara. Rendesi ka qe Rama te perkrahet ( apo kushdo) ne se projekti i tij eshte i zbatueshem .Persa u perket cilesive personale duhet vecuar si njeri qe E DO PUNEN...dhe kete ne inters te KOMUNITETIT jo si nje dashamires i thjeshte i punes nga ata qe u themi eshte punetor ( si tkm Bosh - alias Saliu ) . m edhe nje mendim personal per zgjedhjet Ne asnje menyre nuk eshte nr Mandateve ai ka fituar Sala . Ate e di gjith BOTA qe eshte HAJDUT me perqindje te njohur vjedhjeje deri 20%. Dikur si ne zgjedhjet plebishitare smiley te 92 u perkar sepse ishte e vetmja alternative HE per HE. Me pas gjithmone eshte seleksionuar e portretizuar si HAJDUT Votash. Pra ne kete pikpamje ai Kurre nuk ka FITUAR dhe nuk ka mundesi te fitoje si nje PARTI e DJATHTE . Ashtu si edhe ne keto zgjedhje. Por per mua duhet te na gezoje fakti se PD si Parti ka nje rritje prej 1o% te elektoratit ..pra nga 25 % ne 35 %. Dhe me kete di se cfare them!!!!! Nga ky shembull i thjeshte por mjaft REAL them se RAMA jo vetem qe nuk ka humbur por duhet ti tregoje DHEMBET ...Mjaft me VJEDHJE . HAJDUT! Nuk eshte me 97 as 2005 ..eshte nje situate krejt e RE . Po pergatitet nje brez i ri per te DREJTUAR per tu INTEGRUAR etj. Por a duhet te vazhdoje me retorika kush eshte i denje Blushi letrar ne diskutim apo Patozi gravure e minatorit hero ? Apo eshte nje situate e lloit te debatit Seseri ne dyluftim me Bajlozet e Saliut Ruli - Olldashi ? E cfare paraqiti BLUSHI pervec nje paragjykimi te "brendshem" nga njerez te orientuar ??????

shkrim i shkrujt gjithe pathos dhe mllefe (pervecse aspak origjinal).

Se ka e shef(ofin) autori(ret) shpresen per te marre kthesen majtas me Blushin ne timon une nuk e marr vesh... Blushi mund te marre shume kthesa por ne asnje menyre nuk do te jete konsistent ne kthesat e tij dhe kjo eshte vetem per nje arsye: Se bashku me Ramen kane marre patente per biciklete, dhe po mundohen me i dhene autobusit!!!!

 Edi Rames duhet ti jepet shansi i dyte dhe i fundit(mos harroni sa shanse kane patur Berisha-Nano).Besoj se ka mundesi reale qe Rama te udheheqe te majten ne zhjedhjet lokale te 2011-s.Me siguri qe ne qofte se i fiton ato ai do te kete mundesi per te vazhduar me tej ne zgjedhjet parlamentare te radhes.Ne qofte se i humbet ato atehere me siguri ai do te hape krahun per tjetrin.Dhe ky tjetri sigurisht qe do te kete mbeshtetjen e shumices ne partine socialiste.Pasuesi i tij nuk do jete arroganti apo djali i Nanos ne politike Blushi as piramida Malaj por do jete PANDELI MAJKO.

pssmileyo te mireprisja kamerat e fshehta qe tregojne pazaret e komisionerve me voten, ne djall te vene standartet mos te na vije turp nga nderkombetaret.

komisioner(numerus vote me matematike 5)=para kash ne dore.

Pse qendron kjo ide fikse,se Ps nuk eshte e majte?

Nuk njohin zgjedhjet, kane vjedhur votat, e vjeter sa shteti Shqiptar.

Nuk u thuhet e majte?

Apo kur te marrin pushken, ateher eshte e majte 100%.

8 vjet do kemi pd-n ne pushtet, mbas 8 viteve ta marrin kushdo, se punet jane vene ne vije.

Ps eshte bere si kazan bakri, edhe pse mundohen ta kallaisin eshte jashte perdorimi.

 

Me vjen per te qeshur kur njerezit flasin per te majten shqiptare apo te djathten shqiptare.

Cila e majte? Ajo qe ka si udheheqes ka nje ekstrem djathtis shume afer me nazizmin? Cila e majte ajo qe ne progemin e saj nuk pati azgje per shtresen e varfer popullore por flet per bisnese te medha e dobesmin e shtetit?. Cila e majte ajo qe sa here ishte ne pushtet ( qendror apo lokal) beri ate qe vec nje e djathte ekstreme do te bente?

Cila e djathte? Ajo qe ka ne krye ka nje usheheqes te ardhur nga opinga e malsise fshatareske, pa asnje lidhje me aristokracine shqiptare?. Ajo qe tere kohe qe ishte ne pushtet nuk beri gje tjeter vec  veprime populiste qe shkateruan ekonomine dhe bisnesin e madh shqiptar. Cila e djathte ajo qe ne cdo fjale permend popullin si baza e saj?

Per cilen te majte e te djathte behet fjale? Per ate qe si base partiake ka lidhjet familjare e karahinore te mbeshtetura ne klanet mafioze qe financojne e urdherojne keto parti?

Te dy forcat e medha politike shqiptare nuk kane krahe politike. Krahet e tyre jane vetem ato ekonomike ndersa njera eshte lidhur me mafian qe pastron parate nepermejt  veprave te ndertimit, tjetra eshte e lidhur me mafian qe pastron parate nepermjet veprave te privatizimit. Jam kurioz te dij cdo te ndodhe ne Shqiperi kur sheshet e ndertimit te mbarojne ( do te mbarojne nje dite se aq eshte shqiperia 28 mije km2)dhe kur tere ekonomia shqiptare do te jete privatizuar e kther ne dyqane tregetie, klube dite e nate, dhe magazina ushqimesh ( se ne fund te fundit ekonomia jone e varfer nuk eshte hapsire pa fund).

Ndersa njera pale ndihmon klanin e saj mafioz te investoj ne shqiperine cope e cike ne turizem, pa rruge, ura, drite e uje, tjetra ndihmon klanin e saj mafioz tek ndertmi i objekeve te industrise se rende kur vendi s'ka as resorset natyrore e as kushtet natyrore per ti zhvilluar ato.

Ne fund e fundit cfare rendesie kane te tera keto kur si krah i cdo force politike ne shqiperine tone te mjere eshte xhepi i politkaneve, kur ata nderojne krahet publikisht apo me aktivitet ne pushtet sipas interesave te atyre qe i paguajne

E majte.....? e djathte.......? Ketyre ju i thoni ju e majtye dhe e djathte?........

Per sol-noct,

Une mendoj se pertej deklaratave e mashtrimeve elektorale, partite dhe liderit e tyre percaktohen mjaft qarte lidhur me orientimin e tyre politik ne programet dhe politikat e tyre, pra me fjale te tjera ne ate qe ato bejne dhe kane bere ne 18 vjetet e fundit. Mendimi im (dhe jo vetem) eshte qe sot ne shqiperi nuk kemi nje parti te mirefillte te djathte por me shumice parti e particka qe jane kopje ose modele te partise se punes, qofte ne menyren organizative ashtu edhe per frymen dhe etho-is qe perhapin ne popull dhe ku gara elektorale kthehet nga nje gare idesh, planesh, "filozofish" te zhvillimit te vendit dhe programesh afatgjate ne nje kacafytje tribale e primitive qe nuk u sherben aspak njerezve por liderve dhe makuterise se tyre.

Vetem i gjo skuptoj une : kthesa me duket duhet marre Djathas e jo Majtas.

Mund ta marresh nga te te vij me per mbare desparacidos - sic thone "eshte e rendesishme se ku do te perfundosh" megjithese per mua vete rruga (me kthesa) ka shume rendesi. Ne i kemi treguar vetes gjate gjithe historise sone se nuk jemi ne gjendje te gjejme "shortcuts"...

Degjo Tono, une te PS shoh nje parti qe i pelqen kapitalizmi por ben sikur eshte akoma komuniste me gjysem zeri, niset nga Djathtas per te premtuar qe do beje politike te Majte, gje qe ne fund nuk ben. I vjen turp per te kaluaren e saj ndersa e ardhmja eshte mjegull. Nuk ka nje personalitet te afte ta çoje partine majtas, nuk ka nje njeri te afte te ndaloje te shkuaren Djathtas, siç ne fakt po shkon. Ne kete pike me mire shko Djathas e na thuaj qe po shkon Djathas e pike.

 

Me keqardhje? Po, sigurisht. Po me mire nje identitet se sa asnje identitet.

Ti mund te keshte drejte - por besoj se ti je i vetmi person qe une kam degjuar qe ta etiketoj PS-ne si te djathte -jo se kjo ka ndonje rendesi - por sipas kesaj llogjike i bie qe te djathte jane edhe laburistet ne UK apo demokratet dhe Obama ne USA. Te te pelqej kapitalizmi dhe te kesh politika ne perkrahje dhe mbrojtje te biznesit e sipermarrjes nuk te ben te majte apo te djathte, te ben realist ne kushtet e nje kapitalizmi global ku sipermarrja shihet si burim punesimi dhe te ardhurash per arken e shtetit e si rrjedhoje te pasurimit te vendit.

Tamam. Nese politikat qe ti ke ndjekur jane te Djathta, ti mund ta quash veten edhe Partia M. Leniniste, po prape i djathte jo.

 

Une jam i vetmi qe e percakton te Djathte? Ndoshta. Po une shikoj ça bejne e jo si quhen. Skam degjuar kurre as Nanon as Meten ne kohe te vet as Ramen te thone diçka te Majte me shume se sa B. ( nese ndonjerit i vjen nder mend ju lutem, thojini )

 

Kete nuk ta imponon ideali apo bindjet, keta ta imponon atdheu shqiptar. Per te qeverisur sot duhet vetem pak zgjuarsi, se sme vjen tamam ne shqip, ajo qe italianet quajne "buonsenso!"

ne fakt PS pati nje orientim thellesisht te djathte nen drejtimin e rames.

nuk them se ishte gabim por ashtu ishte.

Diskutimi lidhur me orientimin te djathte apo te majte ne shqiperi eshte ne fakt i kote dhe ste sjell kerkund.

Ne vendet anglosaksone ne fakt nuk ka pasur kurre parti apo rryma te majta te mirefillta ashtu sic ne i njohim ne (po te mos marresh parasysh ato komuniste/socialiste etj.) por megjithate qofte laburistet apo edhe demokratet ne USA edhe pse pro sipermarrjes dhe kapitalizmit kane qene dhe jane ne kundershti  fare te qarte me konservatoret ne Uk dhe dhe republikanet pertej atlantikut lidhur me pozicionimin e shtetit ndaj shtresave shoqerore te pafavorizuara apo ne nevoje dhe rolin e shtetit aktiv ne ndihme te tyre. Pra kjo perben " te majten" anglosaksone qe mesa duket edhe Rama ka marre si model  dhe ka dashur te eksperimentoje ne vendin e shqipeve. Pra nuk behet fjale per ideologji por synimi per ta bere shtetin si puna e kandarit qe perpiqet te rruaje nje lloj kohezioni social dhe ben rishperndarjen e pasurise duke ndihmuar shtresat ne nevoje, e ben per mua nje force "te majte" - dhe ne kete pikepamje PS dhe PD aspak ndryshojne. Madje berisha eshte ne kete pike eshte per mua politikani me i "majte" e populiste qe ne kemi pasur ndonjehere. Dhe kjo nuk eshte domosdoshmerisht dicka e keqe.

Të tjerët dhe Blushi

 

Edmond Arizaj

 

Pas 28 qershorit shumëkush e ka të lehtë të gjejë argumentë për të kritikuar kryesocialistin Edi Rama, ndokush edhe për ta sulmuar, pakkush për ta eleminuar politikisht. Jo pse para kësaj date nuk ka pasur argumente, madje të shumëllojshëm, shumëngjyrshëm e shumëanshëm, por askush prej shumëkushave, ndokushave dhe pakkushave I shpalosi ato parimisht në publik, apo në parti me qëllimin “hyjnor” të fitores. Ndoshta shumica e tyre kanë qenë pjesë e tortës që do të ndahej në rast fitoreje, një pjesë e vogël vërtetë, por gjithsesi tortë. Tashmë shohin se tortës nuk I ka mbetur as era. Një pjesë sot janë në rolin e Edi Ramës katër vite më parë karshi Fatos Nanos, duke uruar me gjithë shpirt humbjen, për të pëfituar personalisht, ose me grupin që kërkon një strumbullar për t’u mbështetur. Ka dhe pjesë të tjera, si ata që nuk e kanë dashur kurrë Edi Ramën, ata që e kanë zilepsur, apo ata që tjetërkund u rreh zemra. Gjithsesi atëherë kur duhej folur, të gjithë heshtën, siç edhe ka pranuar fajin njerëzor Ben Blushi, dhe atëherë kur duhej heshtur, nisën të flasin. Vërtetë heshtja ishte flori, atëherë kur duhej folur, sepse siguronte emrin në listë, por kjo sjellje pragmatiste sot nuk duhet fshehur pas argumentave se e lamë Ramën të bënte si donte vetë për të mos e penguar projektin e tij, megjithëse shumëkushat, ndokushat dhe pakkushat kishin dyshime të forta për suksesin e këtij projekti. Pra nëse e ndjenin se projekti I Ramës “unë mbi të gjithë”, ishte I destinuar të dështonte dhe nuk folën ata kanë njësoj përgjegjësi si Rama. Këtu nuk bëhet më fjalë për gabime njerëzore që sollën dënimin e një njeriu, këtu bëhet fjalë për gabime që sollën dënimin e mijëra e mijëra njerëzve, për katër vjet të tjerë të gjatë e të egër. A mund të ketë një falje hyjnore për këtë gabim njerëzor?!

Sigurisht që nëse nuk foën atëherë, duhet të rrinë të heshtur sot, por e folura e sotme duhet të nisë nga heshtja e atëhershme. Asnjë nga ata që flasin sot nuk duhet të akuzojë Ramën për teknikë të gabuar në lidhje me LSI, sepse asnjë prej tyre nuk ka kundërshtuar marrëveshjen e natës për ndryshimin e kushtetutës dhe turpërisht asnjë prej tyre nuk ka përkrahur qoftë edhe për njerëzillëk deputetët grevistë për kodin anti-LSI.

Asnjë prej tyre nuk duhet të akuzojë për personalizim të fushatës nga Rama, sepse të gjithë pa përjashtim ishin amplifikuesit e saj dhe askush prej tyre nuk guxoi të fliste duke heshtur, si ish-kryetari, por të gjithë (kur ua dha Rama mundësin&eumlsmiley folën duke folur.

Këtu, me një përqindje të mirë hyn edhe Ben Blushi. Por në përjashtim nga gjithë të tjerët, Blushi nuk është as shumëkushi, as ndokushi dhe as pakkushi. Megjithëse pa karizmën e një lideri, pa ngjitësin e një populisti të domosdoshëm, pa vrullin e një udhëheqësi, Blushi ishte I vetmi që lëshonte edhe më parë sinjale drite nga bunkeri I PS së Ramës. Asnjë, theksoj, asnjë tjetër nuk I ka bërë një kritikë publike këtij kryetari që për katër vjetë hermetizoi partinë më liberale shqiptare dhe për katër vjetë të tjera demoralizoi një pjesë të mirë të “gjakut të ri socialist”, I cili u zëvendësuar me “gjak të ri Edramist”.

Blushi nuk është nxituar deri më tani në asnjë hap, siç është munduar ta paraqesë një pak a shumë koleg. As dalja e tij tek “Fevziu I Berishës” nuk duket se është ndonjë nxitim. Për dhimbje të ndokujt, “Opinioni” është ende programi më I ndjekur, pavarësisht skajësisë pro Berishë, sepse rivali I tij direkt u skajësua pro Ramës.

Blushi as nuk është shprehur saktë e qartë për rivalitetin e rij karshi Ramës, duke pritur me sa duket zhvillimet e tjera brenda partisë, apo duke ndjerë se nëse Rama “do ta hajë turpin me bukë” dhe do të rikandidojë, nuk ka asnjë shans për fitore. Blushi as nuk ka marrë shpatën në dorë duke u përpjekur t’I presë kokën Ramë-humbësit. Blushi në mënyrën më të kënaqshme për kokat me llogjikë, po paraqet pikat pse humbi Partia Socialiste, si humbi Partia Socialiste, ku ka faj për humbjen e Partisë Socialiste dhe po përpiqet I vetëm, tërësisht I vetëm t’I analizojë ato, madje duke bërë edhe sakrilegjin e madh të politikës shqiptare që rrallë ndodh, të marrë mbi vete edhe faje e përgjegjësi. Gjithë të tjerët po pastrojnë biografinë e tyre me humbjen e Ramës.

Por ndoshta Blushi mund të mos jetë ende gati kaq shpejt për një fitore mbi Ramën, gjithmonë nëse kryetari rikandidon. Blushi nuk ka mbështetje në strukturat e bazës, shumica të zgjedhura dhe të kontrolluara nga Rama dhe njerëzit e tij. Blushi nuk ka, ose të paktën nuk është dukur se ka, fuqinë për të elektrizuar turmat. Eshtë më shumë një fitues tryezash, sesa një fitues mitingjesh. Forca e Blushit qëndron tek arsyetimi, teksa ende parapëlqehet arroganca dhe toni luftarak.

Beteja e Blushit ndoshta duhet të zhvendoset tek anëtarët e Partisë Socialiste. Fillimisht atyre u duhet mbushur mendja se kush janë fajtorët dhe kryefajtori për humbjen e zgjedhjeve. Me ata duhet bërë përballja reale, sepse prej bazës së Partisë Socialiste duhet pritur shfrimi I një dufi të paimagjinueshëm dhe të plotëjustifikueshëm. Blushi duhet të përzgjedhë edhe stafin, apo grupin e tij, ku ndoshta të mos ketë njerëz që lehtësisht mund të atakohen për humbjen e zgjedhjeve në një mënyrë apo tjetër. Blushi realisht duhet të forcojë një grup të rinjsh, shumica e të cilëve të mos jenë ish-dashnorë të politikës së Ramës deri në momentin e bërjes së listave. Natyrshëm që nëse vendos t’I japë një frymë tjetër Partisë së lodhur Socialiste Blushi duhet të paraqesë një program ambicioz dhe serioz.

Të gjitha këto, duke u bashkuar edhe me logjikën e thjeshtë se Edi Rama nuk duhet të ketë më të bëjë me drejtimin e Partisë Socialiste dhe se vetë Partia Socialiste duhet të shërohet nga sëmundja Ediramiste, mund të sjellin një epokë të re jo vetëm brenda socialistëve, por edhe gjithë politikës shqiptare; epokën e civilizimit politik.

 

Une nuk e kuptoj se me sa men, Edi Rama hodhi zera sa andej-kendej se ne rast fitoreje ( "dhe do fitojm"-thosh me sigurine e budallait) do te zgjidhej/behej kryeminister, a thua se elektorati kete gje po priste, nderkoh qe edhe gjysma e elektoratit te majte nuk e donte per kryeminister. Edi Rama po te ish i zgjuar nuk e permendte fare kete gje, perkundrazi te hidhte tezen se nuk i interesonte te behej kryeminister, biles  per kryeminister te zgjidhte nje femer (aq me teper qe ishte dhe nje deshire e qarqeve politike perendimore te europes veriore) nga e cila do te fitonte jo vetem PS por dhe Shqiperia. Mirpo c'ti besh kur tjetrit i hypen vetja ne qejf dhe kthehet ne pallosh.

Se pari,Edi Rama nuk hodhi zera se do behej kryeminister, ai e tha kete publikisht qe do te ishte kryeminister i ardhshem i vendit ne rast fitoreje.

Se dyti, po! elektorati i majte kete po priste, qe Edi te behej kryeminister! Dhe per kete e votoi pak me shume se gjysma e votuesve.

Se treti, ska hipje ne qejf apo metamorfozime ne pallosh, por investimi shume vjecar i Rames ne politik ne poste drejtuese te se majtes, sillte pretendimin legjitim nga ana e tij per tu bere kryeminister i ardhshem.

as; "....Se dyti, po! elektorati i majte kete po priste, qe Edi te behej kryeminister! Dhe per kete e votoi pak me shume se gjysma e votuesve...."

 

Ku e di ti se elektorati i majte kete po priste, dhe nese ishte keshtu pse duhej te votonte "pak me shume se gjysma e votuesve",  kur mund te votonte shumica e votuesve te majte. Mirpo sic treguan bathet, elekterati i majte, plus 30% e te pavendosurve te te ter votuesve, mund dhe do te kish votuar per PS nese Edi Palloshi  do te ishte me modest, dhe te kish zgjedhur nje ekip me ekspert e kryeminister nje femer. Mirpo c'te te them une ty, qe nuk je ne brendesi te frymes se dy qarqeve kryesore qe kontrrollojne  planetin.

Pse duhet te zgjidhte kryeminister nje femer? kush jane dy qarqet kryesore qe kontrollojne planetin? (a ndoshta gjithe sistemin diellor?)

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).