Opozita e Protestës, e Parlamentit dhe Opozita Reale

Opozita e Protestës, e Parlamentit dhe Opozita Reale

Ermira Danaj

Ka tre opozita sot në Shqipëri. Një është opozita e rrugës e cila kërkon numërimin e një sasie kutish votimi. Opozita e dytë është ajo parlamentare sipas së cilës në parlament bëhet politikë dhe aty zgjidhen problemet e vendit dhe të qytetarit. Në fakt këto dy të parat përbëjnë atë që quhet opozitë juridike. Ndërsa e treta është opozita reale, ajo që mund të jetë në rrugë apo në Kuvend, por që nis tek problemi që ka qytetari dhe përfundon tek rruga për zgjidhjen e këtij problemi. E para përfaqësohet nga disa drejtues kryesorë të partive të majta të kryesuar nga Rama. Qëllimi i tyre direkt nuk është qytetari, por tentativa për të fshehur humbjen, mospushteti dhe mjeti i justifikimit të tij. Ndërsa indirekt është edhe qytetari me anë të ndonjë deklarate shtypi ku flitet për gjendjen ekonomike !! E dyta përfaqësohet përsëri nga disa deputetë të së majtës që duan parlamentin dhe politikën e tij. Opozita reale deri tani nuk përfaqësohet. Ajo ekziston por nuk ka përfaqësues të saj. Ka copëza deklarimesh, copëza lajmërimesh etj, por nuk ka përfaqësuesit e saj, problemet e saj dhe rrugët e zgjidhjes së këtyre problemeve. E megjithatë kjo opozitë përbën shumicën e popullsisë në Shqipëri. Përbën shumicën sepse opozita reale sot në Shqipëri janë të varfërit të cilët kanë dëgjuar betime e përbetime për shumë vite por që prapë janë në të njëjtën gjendje pavarërsisht se loja e shifrave apo e pragjeve të varfërisë herë i nxjerr sipër e herë poshtë pragut në funksion të forcës politike që i përdor shifrat. (Ndryshon vetëm pragu i varfërisë si cilësor i problemit, por jo varfëria si thelb i problemit.) Opozita juridike për 4 vjet rrjesht nuk artikuloi një ligj që të ishte në shërbim të opozitës reale. Konsensuset për ndryshimin e Kushtetutës, për Prokurorinë, për Kodin zgjedhor, nuk patën asnjë ndikim tek jeta e qytetarit. Dhe në tërësi ligjiet e miratuara vetëm në një pakicë i janë drejtuar direkt qytetarit.

Opozita reale sot në Shqipëri janë fëmijët e fshatit të cilët duhet të kalojnë lumin me këmbë për të vajtur në shkollë duke i futur librat në qese; opozita reale sot në Shqipëri janë banorët e disa fshatrave në Fier ku ambulanca hapet vetëm dy herë në javë dhe larg qoftë të sëmuresh në ndonjë nga ditët kur është e mbyllur. Opozita reale sot në Shqipëri janë nënat e reja që kontrollin e parë të mjeku gjinekolog e bëjnë ditën që shkojnë për të lindur sepse në fshatin e tyre nuk ka qendër shëndetësore ose qendra nuk ka mjete. Opozita reale sot në Shqipëri janë fëmijët e porsalindur në maternitete që nuk kanë paisjet dhe mjekët e specializuar, ose që kthehen nga maternitet në universitet privat; janë bizneset e vogla totalisht të pambrojtura nga kriza ekonomike dhe të rrezikuara në cdo moment nga falimentimi ose kalimi papritmas në biznes të madh; janë të rinjtë shqiptarë absolutisht të paorientuar për të ardhmen e tyre, të cilët futen në një proces arsimor të palidhur me tregun e punës apo politikat e zhvillimit afatgjatë. Opozitë reale ishin punëtorët burra, gra e fëmijë të punishtes që shpërtheu në Gërdec; opozitë reale ishin shumica e shqiptarëve të cilët në shkurt të vitit 2008 u prekën nga rritja e cmimit të bukës; opozitë reale do të jenë përsëri shumica e shqiptarëve që do të preket nga rritja e cmimit të energjisë (lajm që hidhet herë pas here në treg, mesa duket si një taktikë për ti mësuar shqiptarët me idenë se një ditë do të rritet); janë pacientët e spitaleve të Shqipërisë të cilët shkojnë në spital jo vetëm me hallin e sëmundjes së tyre por edhe me plackat, me ujin, me bukën dhe ilacet me vete; e të tjerë e të tjerë.

Por kjo opozitë nuk ka përfaqësues, ajo përfaqësohet vetëm me deklarata dhe e shumta me disa fotografi nëpër emisione televizive për të atakuar kundërshtarin, por jo për të dhënë zgjidhjen e fotografisë. Debatet politike në Shqipëri nuk bëhen rreth zgjidhjes së ndonjë prej temave të sipërpërmendura. Temat e sipërpërmendura nuk bëjnë për të qeshur, nuk prodhojnë as batutë. Ndërsa sot duket sikur politikanët më të suksesshëm janë ata që dinë të përdorin batutën. Batuta e bën një politikan të suksesshëm në Shqipëri, përfaqësimi i ndonjë shqetësimi të popullit nuk e bën të tillë. Madje edhe kur përmendin ndonjë hall popullor disa prej tyre e bëjnë në formë batute që të duket sa më “interesant”. E thënë shkurt, opozita reale e mësipërme e ka shumë të vështirë të gjejë përfaqësim tek opozita juridike sot.

Një ditë pas humbjes së zgjedhjeve, Partia Socialdemokrate e Gjermanisë, ka vendosur të thërrasë strukturat drejtuese për të parë se cilat ishin gabimet që u bënë. Një ditë pas humbjes së zgjedhjeve, në Partinë Socialdemokrate gjermane po flitet për rigjetjen e identitetit të majtë dhe sa më social, për qartësimin e elektoratit që do të përfaqësojnë si dhe për bashkëpunimin me Të Majtën- Die Linke të Lafontaine. Tre muaj pas humbjes udhëheqja e PSSH, vazhdon të zgjedhë kryetarin e saj, dhe nuk e ka vënë asnjë ditë në diskutim problemin e identitetit dhe të përfaqësimit !!! Sot flitet për nisjen e disa protestave të opozites gjoja për mbrojtjen e votës së lirë. Por nuk dihet se kur kjo opozitë politike do të bëjë një protestë, dy, tre, për bukën e gojës, për sigurinë e jetës, për sistemin shëndetësor, etj, duke përfaqësuar kështu interesat e opozitës reale!!

Për disa, opozitë e vërtetë quhet bashkimi i kryetarëve të partive, pavarsisht nga ngjyrat apo etiketat. Por deri tani mbetet vetëm një bashkim agallarësh dhe jo një përfaqësim qytetarësh. Askush nga drejtuesit e së “majtës” opozitare, sot nuk ka asnjë artikulim të asnjë ideje se si do të përfaqësojë opozitën reale, përvecse idesë së stërthënë të një bashkimi që gjithashtu nuk bazohet në asnjë strategji konkrete por vetëm në shfaqje dhe batuta të castit. Thelbi i mentalitetit mbizoterues tek opozita juridike e sotme duket se ështe të varferit të varfërohen, të pasurit të pasurohen, që kurrsesi nuk përfaqëson të majtën moderne dhe socialdemokracinë, por vecse një « socializëm feudal ». Dhe për sa kohë do të jetë kështu, po për aq kohë Berisha do të jetë në pushtet dhe herë pas here do miratojë ndonjë ligj bamirësie gjoja « të majtë », po për aq kohë shoqëria shqiptare do ecë por nuk do të dijë nga ecën, po për aq kohë opozita reale do të jetë e papërfaqësuar nga opozita juridike.

13 Komente

Një ditë pas humbjes së zgjedhjeve, në Partinë Socialdemokrate gjermane po flitet për rigjetjen e identitetit të majtë dhe sa më social, për qartësimin e elektoratit që do të përfaqësojnë si dhe për bashkëpunimin me Të Majtën- Die Linke të Lafontaine.

 

 

Ja do ta shohim, nese social-demokratët gjermane do bashkohen me "Te Majten" e Lafontaine e do vihen ne krye te protestave te gjermanëve...

 

Shkrimi i Saktivistes eshte jo vetem nje shkrim i keq, per dhe mashtrues (me demek, e majta shqiptare nuk eshte vertet e majte, ndersa ajo gjermane, na qenka !!).

 

Problemi eshte i thjeshte : aktualisht, ne jo pak vende te Europes, e Majta nuk arrin te vije ne pushtet per shkak te votave qe shkojne per ekstremin e majte. Ne kohe krizash ekonomike, nje pjese e votave te majta (social-demokrate) shkojne per ekstremin e majte, ne forme revolte per veshtiresite qe krijojne krizat ekonomike : Kjo gje ben haperdarjen e votave si dhe pamundesine e qeverisjes te se majtes (marrjen nga ajo e pushtetit).

Ne kohe jo-krizash, ndodh "rrjedhja" e votave ne kampin e kundert :  e djathta nuk arrin te vije ne pushtet, per shkak te votave qe shkojne per ekstremin e djathte (ne France, per vite te tera e Djathta nuk arrinte te vinte ne pushtet, per shkak te votave qe shkonin per ekstremistet e djathte te fashisteve te Le Pen-it). 

 

Analiza e Saktivistes eshte jo vetem e gabuar (ne shqiperi, e majta nuk e mori pushtetin JO per ndonje "rrjedhje" votash drejt ekstremit te majte), por dhe hileqare (me demek, e majta nuk interesohet per hallet e verteta te popullit dhe ky na qenka mekati i saj kryesor !).

 

Hey Saktivista, jemi ne kapitalizem, do ta hedhim vallen ashtu siç e pranuam qe ne fillim ta hedhim, pra me pozite dhe opozite juridike. Po patet koqe ju te Saktivistes, dilni e beni siç bene grekët ne rruge para 6 muajsh ! Perndryshe, qepeni siç e qepim edhe ne te tjerët. Pike.  

O Stalker, nese ti ke deshire ta qepesh, qepe, mos eja te na besh moral, pa ta kerkuar kush.

Analiza jote eshte plot mllef, reaksionare de regresive.

PS-ja e Edi Rames mund te kete humbur per keto tre arsye

a) nuk pati program

b) pati program te njejte me Berishen, dhe e fshehu pasi nuk do ta votonte populli i majte

c) pati program te majte, por e fshehu sepse kishte frike nga biznesmenet qe kane kapur Ramen per koqesh.

zgjidh vete arsyen.

Askush nuk po kerkon ekstrem te majte (revolucion, diktature proletariati etj). Por ama mos eja te na thuash qe duhet te votojme te majtet hermafrodite qe jane per taksen e sheshte, e per favorizimin e biznesev te medha...

Politika mbeshtetet mbi debat, dhe kjo lloj e majte qe mbron ti nuk eshte n gjendje te ofroje asnje argument ne debat me te djathten, ne gjermani, apo ne shqiperi qofte. Si SPD-ja, si PS-ja ishin parti qe kishin ndermend ta merrnin pushtetin per te mbajtur te njejtin kontekst politik si ai qe do te mbanin kundershtaret e tyre! Kjo nuk eshte politike. Dhe vendin ia tregoi votuesi (i majte).

do ta hedhim vallen ashtu siç e pranuam qe ne fillim ta hedhim

nuk e di kush e ka pranuar kete vallen, po une jo. E majta eshte progresive daje, ajo nuk bie kurre dakod me te tashmen, po duhet te kesh formim politik e filozofik qofte dhe minimal per ta pranuar kete. Nuk mund te votohej per ata qe premtojne te ndryshojne gjithcka me kusht qe te ruhet sistemi aktual(ekonomik, politik, kulturor, social etj.).

Lexoje kete nga Alan Badiou: http://www.lacan.com/thesymptom/?page_id=535 meqe i do me te thella analizat

Sol, ndjek me vemendje analiziat e tua. Vetem me habiti, cuditi (apo surprizoi-sic thon sot), kjo thenia jote:

"E majta eshte progresive daje, ajo nuk bie kurre dakod me te tashmen,"

Kjo bindje e perhapur ne Eurpopen perndimore, si pasoje e perpjekjes se klasave pothuaj teresisht te djathta te ruanin, (pra konservonin, pra konservatore )pushtetin, u hodh poshte, u shkel dhe u zvetenua ne Europen Lindore. Ku 50 vjet ne pushtet ishin te majtet. Dhe ne kte rast ishin keta te te fundit qe u kthyen ne "konservatore", ne "ruajtes te status quo-se" duke perdorur edhe diktaturen me te eger.

Pra i dashur Sol, problemi qenka me i thjeshte se sa etiketat "e majta progresive" dhe e djethta konsevatore"

 Mesa duket, qenka "partia ne pushtet =konservatore" dhe "partia-qe-kerkon-te-marre-pushtetin normalisht progresive" me kuptimin qe duhet te beje, premtoje, induktoje besimin e nje te ardhmeje me te mire dhe ne rradhe te pare, NDRYSHE!

Jo me me etiketa te shekullit te 20. Totalitarizmi i djathte apo i majte, ishte nje murtaje per kte shekull. Te pranosh se totalitarizmi i majte kishte qellime me te mira apo fisnike apo progresive se i djathti, je futur ne nje rreth vicioz me rrugdalje te rezikshme. Pa permendur pastaj ekstremin ku arriti totalitarizmi "progreesiv " i majte, qe totalitarizoi, shtetezoi edhe pronen mjaft te vogel private. Me preteksin se kjo lind cdo dite kapitalizmin. Me rezultat, konsevatorizmin e skajshem, deri ne privimin e mjetevebaze te jeteses, te popullit tend dhe jo te nje populli tjeter.

Pra i dashur Sol, mire eshte te pakten ne te Ish-Lindjes, qe provuam edhe sundimin-qeverisjen e te majteve, e pakta, te qendrojme larg klisheve dhe etiketave.

Perndryshe vime tek parimi m-l qe "progresivitetin" ose anen e barrikades e percakton pronesia mbi mjetet e prodhimit. I provuar ne kurrizin tone ky parim. Me dhimbje! Shume! 

A deshiron vertet t'i hyjme ketij diskutimi? Te gjitha regjimet e majta totalitare (qe une i kritikoj, sepse historikisht deshtuan n rrugen qe zgjodhen), ne te vertete e pranonin shprehimisht qe kerkonin (nepermjet diktatures se proletariatit) te ndertonin nje shoqeri te re, me te edukuar, me te barabarte, etj etj. Deri edhe te tmerrshmit, Stalin e Mao e kane shprehur synimin e tyre per te qene nje hallke drejt te ardhmes (sipas konceptit te tyre). Ata deshtuan jo tek qellimi, po tek mjetet. Ata u perpoqen qe procesin evolutiv qe pritet te ndodhe nen qeverisjen e majte ta sforconin, duk patur ego personale te semure, ata u perpoqen qe te hidhnin hapa vigane, duke sforcuar njerezimin e shoqerine (qe ka nj ritem te vetin evolucionar, qe diktohet edhe nga konservatoret etj etj). Pra problemi i diktaturave te lindjes qe pikerisht tek totalitarizmi qe impononte nje ritem te panatyrshem, jo tek paradigma. Asnje regjim, sado i poshter 'komunist' nuk ka shprehur kurre idene e "fundit te historise", ide qe po shpallet gjithnje e me teper sot, nga "liberalo"konservativet e situates aktuale. Ideja e fundit te historise eshte totalisht anti-evolutive, dhe per pasoje negative per njerezimin e shoqerine.

E megjithate, sot nuk diskutohet totalitarizmi (qe ne vetvete eshte shnderruar ne term klishe). Sot diskutohet krijimi i nje shoqerie te prirur drejt komunitetit, nje filozofie te sociales etj etj. Jo nje shoqeri korruptive, qe mbyll syte perballe cdo Gerdeci, si kjo qe propozon Rama me Berishen. Ndaj abuzimit te kapitalit, ndaj thyerjes se barazise me arrogancen e parase, duhet me qene radikal! Kaq. Nuk po thote njeri te zhduket prona private, ama bizneset gjigande duhet te taksohen me shume se fshesaxhija! Sistemi aktual denon me shume njeriun qe nuk ka pushtet simbolik, politik e ekonomik, sesa njeriun qe e ka kete. Ndaj kesaj duhet me qene radikal! 

Sol, mos kujto se Hitleri kishte qellim tjeter pervecse afirmimit te "Njeriut te tij te Ri". Dhe begatise se races-kombit te vet. Pra flasim per "bashkesi" ne te dy rastet dhe jo per "individe". Mqs lexon filozofi, e kupton ndryshimin per afirmimin e geneve apo per afirmimin e llojit.

Ndryshimi ketu qendron kush esht lloji. Per Hitlerin , lloji ishte RRACA ose PJESA E "PASTERT" e KOMBIT, per te majtet ishte KLASA.

Rrjedhimisht shkojme llogjikshem ne termat Nacional-Socializem,(nazi) (SHOQERIZIMI KOMBETAR) dhe INTERNACIONALIZEM (SHOQERIZIMI NDERKOMBETAR).

Qellime te njejta, mjete te njejta, objekt paksa i ndryshem.

Nga ana tjeter, as diskutoj afsare per nevojen e drejtesise ne marredheniet ne prodhim, nevojen e ndarjes se drejte te te ardhurave, kontributin me te madh te atyra qe fitojne me teper etj etj.

Me nje fjale, jam i teri me ty per ate qe kerkon. Por nuk pranoj etiketat , te asnje lloji.

Hitleri, nese do flasim per ate cfare ka qene, jo per ate cfare thuhet se ka qene, e para e bazonte "vizionin" e tij tek okultja e tek mistikja, e dyta synonte rikthimin e kombit te tij ne pozitat e dikurshme te races se paster, superioritetit fizik e politik etj etj. Hitleri (si te gjithe te djathtet) perpiqej te ngrinte retorike mbi TE SHKUAREN, qe eshte komplet e ndryshme ne koncept nga E ARDHMJA.

e ke shume gabim paralelizmin me qellimet e mjetet. Duhet me qene me rigoroz ne terminologji (se nuk jane etiketa). Nazistet e komunistet psh, te dyja palet nuk e lejojne ekzistencen e lypesve. Por nazistet e zgjidhin duke i vrare (sepse i shohin si barre sociale), ndersa komunistet e zgjidhin duke i shkolluar e duke i punesuar. Pra qellimi eshte i njejte ne dukje, qe te mos kete lypes, por pikenisja eshte e ndryshme. Asnjehere ne histoi nuk ka ndodhur qe regjimt e majta te veprojne si regjime te djathta apo anasjelltas, duke krahasuar ketu synimin ne pikenisje, qellimin perfundimtar, paradigmen e veprimit dhe etiken (mjetet etj). Nuk besoj se ti do te arrish ne perfundimin qe meqe te dyja palet kane vrare njerez, qenkan njelloj. se jo per gje, po edhe kjo demokracia jone liberale po vret, ketu e gjetiu. Mos qenka dhe kjo njelloj? Analiza jote duhet te shkoje me thelle per te pare se edhe regjimt me te semura komuniste nuk mund te krahasohen asfare me ato naziste (nese flasim per politologji komparative). Sa per etiketat, per mua jane te parendesishme totalisht, shpeshhre jane eufemizma. Une i them psh politike "e majte", por po deshe ti mund ti them de politike "praktike". Duhet me u fut me thelle qe te arrish te vleresosh, e jo te ngecesh te etiketat. Gjithses, po pate kohe, e po pate interes, lexoje ate artikullin e Badiou-se qe kam vene m lart ne link, sepse eshte aktual per diskutimin.

Pse e keni bere muhabetin corap ju te dy. Mua analiza e Ermires m'u duk shume me e sakte se sa komentet historike qe kini sjelle ju. C'lidhje ka "opozita reale" me faktin qe "e majta" e Hoxhes, apo e te gjithe regjimit te ish-lindjes ishte ekstrem i djathte? Jeni t'u fol njeri per te shkuaren tjetri per te ardhmen. I afroheni te tashmes te dy, kesaj te tashmeje:

"Opozita reale sot në Shqipëri janë fëmijët e fshatit të cilët duhet të kalojnë lumin me këmbë për të vajtur në shkollë duke i futur librat në qese; opozita reale sot në Shqipëri janë banorët e disa fshatrave në Fier ku ambulanca hapet vetëm dy herë në javë dhe larg qoftë të sëmuresh në ndonjë nga ditët kur është e mbyllur. Opozita reale sot në Shqipëri janë nënat e reja që kontrollin e parë të mjeku gjinekolog e bëjnë ditën që shkojnë për të lindur sepse në fshatin e tyre nuk ka qendër shëndetësore ose qendra nuk ka mjete. Opozita reale sot në Shqipëri janë fëmijët e porsalindur në maternitete që nuk kanë paisjet dhe mjekët e specializuar, ose që kthehen nga maternitet në universitet privat; janë bizneset e vogla totalisht të pambrojtura nga kriza ekonomike dhe të rrezikuara në cdo moment nga falimentimi ose kalimi papritmas në biznes të madh; janë të rinjtë shqiptarë absolutisht të paorientuar për të ardhmen e tyre, të cilët futen në një proces arsimor të palidhur me tregun e punës apo politikat e zhvillimit afatgjatë. Opozitë reale ishin punëtorët burra, gra e fëmijë të punishtes që shpërtheu në Gërdec; opozitë reale ishin shumica e shqiptarëve të cilët në shkurt të vitit 2008 u prekën nga rritja e cmimit të bukës; opozitë reale do të jenë përsëri shumica e shqiptarëve që do të preket nga rritja e cmimit të energjisë (lajm që hidhet herë pas here në treg, mesa duket si një taktikë për ti mësuar shqiptarët me idenë se një ditë do të rritet); janë pacientët e spitaleve të Shqipërisë të cilët shkojnë në spital jo vetëm me hallin e sëmundjes së tyre por edhe me plackat, me ujin, me bukën dhe ilacet me vete; e të tjerë e të tjerë,"

por jeni shume thelle ne akademizma qe te dy.

Nga ana tjeter, kam edhe dicka me Ermiren. Kjo qe ke pershkruar me larte, nuk eshte opozita reale, por nenshtrimi real, kushtet reale. Nuk duhen ngaterruar keto me njera tjetren se ka rrezik te themi qe opozita reale ekziston, dhe duke qene reale dhe ekzistente, eshte duke ndryshuar dicka, kur ne fakt asgje nuk po ndryshon, kur ne fakt jane pikerisht keta qe ke numeruar qe zgjedhin te perfaqesohen nga opozita parlamentare, apo opozita e protestes. Keto qe jane numeruar, vene ne dukje qe asgje nuk ka ndryshuar, pra qe opozita reale eshte mungesa e ndryshimit, pra qe opozita reale ekziston per faktin qe nuk ekziston. Ndoshta ishte pikerisht kjo kontradikte ajo qe doje te vije ne dukje. Sido qe te jete, opozita eshte ndryshim i ketyre kushteve te nenshtrimit qofte edhe nepermjet perfaqesimit te drejte te tyre. Gjithcka varet se sa i drejte eshte ky perfaqesim, dhe me te drejte thua se opozita parlamentare, apo ajo e protestes deri me sot, nuk e kane kryer perfaqesimin e opozites reale. Por edhe te thuash se keta jane opozita reale, kur ne fakt keta te numeruarit nuk kane bere asgje per te qene opozite, me duket gabim.

Se pari, "ne te dy" nuk ekzistojme. Dikush shtroi nje pyetje me te drejten e vet, dhe pse ndoshta pak jashte teme, edhe per efekt te sqarimit te qendrimit tim (dhe tonit) duhet te pergjigjesha.

Se dyti, "akademizma" eshte derogativ per ndonje pjese te mendimit?

Se treti, paragrafi jot, ku ti ben nje diference mes te shtypurve dhe opozites reale ka sipas meje nje problem konceptual. Realisht te shtypurit jane opozita e vertete (sipas konceptit lacanian te reales), ne sensin qe a) jane realiteti social, b) nuk mundet per arsye esenciale dhe ekzistenciale te bien dakord me te qenit te shtypur, dhe c) jane ata qe duhet te reagojne.

Se pse s'reagojne (sipas pershtypjes se shumices), kete ndoshta do ta sqaronte psikanaliza ne kete moment (por une vete mendoj se reagojne, dhe po reagojne gjithnje e me shume. Thjesht duhet organizim komunitar).

Akademizma ishte derogativ per daljen nga tema per te sqaruar llojet e komunizmit.

Problemi nuk eshte i imi ne qofte se jemi ne terren konceptesh. Realisht, thua, te shtypurit jane opozita e vertete. Une te them qe kjo nuk qendron, pasi realisht, te shtypurit, edhe pse duhet te jene opozita e vertete, ata nuk jane. E kam shume te qarte konceptin lacanian, dhe nuk eshte aty ku nuk po biem dakord. Por pikerisht qe nuk reagojne, qe nuk plotesojne ate kushtin c) dhe nuk jane opozita reale. Ti thua qe po reagojne, dhe po reagojne gjithnje e me shume. Ashtu qofte, me behet qejfi, dhe do doja t'a shihja si reagim gjithnje e me teper, e mbi te gjitha, ti e njeh realitetin aty me mire se une, keshtu qe dhe e sheh reagimin me shume se une. Keshtu qe, nese ka ndonje problem nga ana ime, nuk eshte konceptual, por perceptual, pra qe jam duke e perceptuar realitetin ndryshe nga c'eshte. Megjithate, reagimi mbetet ekzemplar, qe iu perket shembujve, dhe si te tilla, te pakten ne nje bote mediatike do me kishin mberritur. Shembujt e sjella nga Ermira, nuk jane shembuj reagimi, por shembuj nenshtrimi. Ti gjithashtu mendon se reagojne. Por kete mendim duhet t'a kesh krijuar ne baze te disa shembujsh reagimi qe ke vene re, apo jo? Nejse, ti mund t'i dish shume mire keto shembuj, por une jo, pasi nuk jam aty.

Ku do te duhet te dukej reagimi? Ne media? Sabotimi, bojkotimi, jane ende individuale. Por ndodhin...

Jo domosdoshmerisht ne media, por patjeter ne ndryshimin e kushteve.

E majta shqiptare eshte plotesish e percare, kete e kupton edhe nje analfabet ne politike.Lideret e se majtes ne vend se te punojne per te unifikuar te majten dhe per te bere nje opozite reale konstruktive jane vene ne gare se kush shan njeri tjetrin me shume.Dhe ne fakt te majten e percajne dora e vjeter qe i perket PPSH.Nuk behet opozite neper rruge,me konferenca bajate shtypi,pa asnje alternative per te ardhmen,por kane ngel

duke bertitur cdo dite na jane vjedhur votat.Kush ua vodhi votat,a nuk kishin komisionere ata?Gjinushi thote me vodhi votat PS ,Rama me vodhi votat PD ,kjo eshte e majta.

Lulian, une e sqarova perse ishte nderhyrja ime. Mund ta tejkalosh, te siguroj se nuk kam as keqardhjen me te vogel.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).