Një sqarim për GAZETEN

Një sqarim për GAZETEN

Morali ynë dhe morali i tyre

Leart Kola

Për numrat e parë të gazetës bashkë me urimet kemi marrë dhe shumë kritika, që sigurisht na mbushën me shpresë (ekzistenca e kritikës na bëri të kuptojmë që kjo ndërmarrje nuk u anashkalua me indiferencë).

Në mes të shumë kritikave teknike, parimore apo filozofike ato që ishin më të shpeshtat e më këmbëngulëset e për pasojë më bezdisëset ishin etiketimet mbi përmbajtjen, etiketime te larmishme për përkatësinë tonë bolshevike, komuniste pra me pak fjalë totalitare (sic!)...

Së pari të diskutosh mbi komunizmin do që për së paku të kesh lexuar për të, gjë që “kritikët” etiketues në shumicën e rasteve nuk e kishin bërë. Meqenëse ata nuk e zoterojnë si dije as unë për pasojë nuk dua të debatoj në rrafsh filozofik ideor. Nëse do të na krijohet mundësia me debutues kritikë më të thellë e më seriozë, sigurisht që do të ishte interesante që faqet e gazetës sonë të shndërroheshin edhe në hapësirë për një betejë të lirë e të mirëpritur, një betejë gërmash e idesh që do të kontribuonte në rritjen e mendimit dhe informimit shoqëror.

Duke mos u zgjatur shumë, por me ndjenjën që një shpjegim gjithsesi duhet dhënë, konstatoj që një pjesë e kritikëve tanë (që na quajnë promovues të mendimit totalitar) ishin simpatizantë të PD-së. E meqë gjithçka që është PD është Sali, le t’u drejtohemi me emrin e tyre të vërtetë, Salista.

Shumica e kontributorëve të GAZETËS kanë lindur në vitet kur Saliu spiunonte dhe dërgonte në dënim me vdekje në gjyqet totalitare shtetas shqiptarë pa skrupullin më të vogël, pra që në start krahasimet janë të tepërta, se cili është totalitari dallohet qartë. Por ndoshta do të thoni se “ashtu ishte koha atëhere”. Si ka mundësi që për Fatos Lubonjën psh. nuk paska qenë “ashtu koha”?

T’u kujtojmë “kritikëve” tanë që idhulli i adhuruar prej tyre i ka grabitur pronën private shqiptareve, e kjo është botërisht e ditur. Sikurse një totalitar i mirë ai e ka shkatërruar çdo nocion publik që krijohet dhe i ndihmon komuniteteve. Si një totalitarist i mirë ai ndryshon historinë zyrtare sa herë vjen në pushtet, këtë më parë veç Enveri e ka bërë, ai diktatori i keq që ka vdekur në ’85 (që ta dalloni më qartë nga kryeministri ‘09).

I kërkojmë këtyre pishtareve të demokracisë që na akuzojnë për totalitarizëm në mendim që t’i bëjnë një pyetje vetes, si ka mundësi që Berisha nuk i kompensoi kurrë ish-të përndjekurit? Si ka mundësi që ish-udhëheqësit me duar të përgjakura u dënuan me pak vite burg në mënyrën më qesharake, për kafe apo për shpenzime garderobe? Unë e kam një pergjigje, Saliu nuk e duron dot demokracinë e aq më pak mendimin, ashtu sikurse edhe shpura e “kritikëve” salistë. Për këtë arsye me goditje nën brez, me thashetheme e me argumente ad personnae ju përpiqeni ta shmangni argumentin tonë. Kush është totalitar në mendim në këte rast? Le ta bëjmë publike këtë pyetje, ashtu si ju që na akuzoni dhe ne jemi të interesuar që ta sqarojmë një herë e mirë moralin tonë përkundrejt moralit tuaj, se sa më e thellë të jetë diferenca mes nesh, aq më qartë do të jetë se kujt i përket mendimi totalitar. Ne nuk jemi përtej të majtës e të djathtës, ne nuk ju kerkojmë që të na pëlqeni, ne përkundrazi duam që ta thellojmë sa më shumë këtë diferencë, që vlerat dhe antivlerat të dalin haptazi në dritën e diellit, aty ku gjithkush mund të ketë mundësi t’i kundrojë.

Pse GAZETA për të thelluar diferencën?

Sepse ne besojmë që thellimi i diferencës duhet bërë në dy koncepte bazë? Së pari për të diferencuar ata që politikën e shohin si shprehi të organizimit dhe ideimit, të rregullimit të jetës së komuniteteve në të cilat aplikohet, përkundrejt atyre që në shtypin shqiptar sot promovojnë pushtetin për hir të pushtetit. Për të kuptuar që më shumë se politikanë kemi nevojë të promovojmë politika. Duhet thelluar diferenca sa më shumë mes atyre që punën në administratë shtetërore e shohin si përfitim personal, dhe atyre që besojnë te statusi dhe përgjegjësia që u ka ofruar shoqëria.

Duke e thelluar këtë diferencë ateherë gjasat janë që të ngushtohet hendeku i të ardhurave mes të pasurve dhe të varfërve. Duhet thelluar diferenca mes atyre që gjatë këtyre viteve arsimin, shëndetësinë dhe ushtrinë i kanë parë si nocione përfitimi nëpermjet shkatërrimit dhe atyre që arsimin e duan e kanë dhënë jetën për të, mjekëve që rropaten me rroga të vogla e me ankth në zemër prej apetiteve e vajzës së kryeministrit që për një dorë para mund ti lërë pa punë, apo ish-ushtarakëve që shohin që ajo strukturë ku prej vitesh kanë punuar ka sot në krye dallaverexhinj të nivelit më të ulët, dallaveret e të cilëve jo vetëm që si mbrojtën qytetarët e tyre por edhe i vranë në masë. Duhet thelluar kjo diferencë për të kuptuar se cili është morali i tyre e kush i yni.

Por ne besojmë që diferenca mes nesh duhet thelluar po aq në nivel të filozofisë politike që gjithsecili përfaqëson. Unë nuk besoj që nuk ka më të majtë dhe të djathtë por paska vetëm halle e probleme. Natyrisht që ka halle dhe probleme por këto mund të gjejnë zgjidhje vetëm duke debatuar për mënyrat e rrugët e zgjidhjes, që janë të majta apo të djathta.

Meqenëse ne promovokemi mendim totalitar, atëherë le të kuptohet kush është morali ynë dhe morali i tyre. Shqipëria që prej ’90 drejtohet me axhendë emergjente pushteti dhe jo me vizion ideologjik. Ne kemi nevojë të jemi të informuar për sa më shumë variante të ndryshme, që të zgjedhim sepse në fund të fundit kjo është diferenca mes mendimit totalitar dhe atij demokratik?

Politika sot, tek të gjitha partitë ka të njëjtën shije të keqe, e vetmja gjë që ndryshon është ambalazhi në të cilin propozohet. Ne po jetojmë nën terrorin e aktualitetit që na zvjerdh çdo dëshirë solidariteti. Kjo mënyrë politike e vendos qytetarin në një pozicion pafuqie për të vendosur, parashikuar apo imagjinuar të ardhmen e tij, kësisoj e transformon në një kafshë që kujdeset vetëm të gjejë bukën e sotme.

Ndryshimi i kësaj gjëndje kërkon transformimin e shijes dhe jo të ambalazhit. Ofrimi i alternativave të majta e të djathta do të krijonin një imagjinatë të sinqertë mbi atë çka ofron politika. Në këtë mënyrë shqiptarët nga qenie e debilizuar prej formateve të spektakleve që zëvendësojnë mendimin të trasformohej në qenie politike që do ta merrte në dorë të ardhmen e tij. Për këtë arsye GAZETA synon të thellojë hendekun mes ideve të majta e të djathta që gjithsekush të ketë mundësi të informohet e te ketë mundesi të zgjedhë. Thellojmë diferencën për të pasur mundesinë që të zvogelojmë sa më shumë fatkeqesinë tonë të përbashket të të jetuarit nën terrorin e individëve pa ide. Nën terrorin e Salës dhe Edit, e jo nën alternativën e të majtës apo të djathtës. Të thellojmë diferencën mes nesh dhe atyre që të kuptohet qartë se kush është morali ynë, e kush është morali i tyre.

Emëruesi i përbashkët i ideatorëve të GAZETA-s, është e majta humaniste, e kjo jo prej prejardhjeve të familjeve tona, por për hir të zhvillimit intelektual që kemi marrë prej asaj sasie librash dhe ideve që kemi tërhequr prej tyre. Ne nuk jemi të majtë utopikë, ashtu sikurse nuk kritikojmë për hir të kritikës, por besojmë që duke qenë qartësisht kundër bëjmë të qartë se për çfarë jemi pro.

Duke qenë kundër betonizimit jo vetëm të Tiranës, por të të gjithë Shqipërisë, e kundër ndotjes së saj, sigurisht që jemi pro natyrës. Duke qenë kundra taksës së sheshtë, qartazi e kemi shprehur në më shumë se një rast që jemi pro taksës progresive. Jemi për të ulur diferencën mes të pasurve dhe të varfërve jo për të krijuar shoqërinë utopike të barazisë absolute, por për të krijuar shoqërinë që nuk e vetëprodhon krimin dhe mizerjen siç po bën qeveria shqiptare, duke e thelluar këtë diferencë. Jemi të majtë sepse besojmë që investimet e mëdha në arsim dhe në shëndetësi nuk e prishin tregun, por ekzekutojnë parimin themelor kushtetues që ka çdo shtet demokratik, të drejtën e shanseve të barabarta dhe garancinë e jetës të kujtdo anëtari të shoqërisë nëpërmjet shëndetësisë falas.

Jemi të majtë sepse besojmë që në bregdetin e Vlorës dhe të të gjithë jugut turizmi duhet të menaxhohet nga shqiptarët, e të stimulohen ato familje që kanë dhoma e restorante verore, kësisoj paraja do të mbetej në Shqiperi e zona do të zhvillohej. Gjithashtu besojmë që do të ishte shumë më mirë të kishim bregdet në jug se sa një pellg nafte, që nuk do të sillte asnjë përfitim përveç një prodhimi që do t’i shërbente multinacionaleve që shesin energjinë gjetiu duke shfrytëzuar shqiptaret e Shqipërinë.

Nuk besojmë tek zgjidhjet prej politike fast-food që jep Sala për fshatin duke ua marrë tokën, apo tek politikat prej shok-doctrine që propozon Veliaj për të hequr tre vjet taksat fshatit (të gjithë e dinë mirë që parcelat e fshatarit shqiptar janë aq të vogla sa as subvencionimi i naftës, as heqja e taksës nuk i vë në punë). E vetmja zgjidhje janë bashkimet e tokave në kooperativa të fshatarëve, e ndërmjetësimi i shtetit mes prodhuesve të bujqësisë dhe fabrikave apo bizneseve që përpunojnë e nxjerrin në treg do i nxjerrin ne treg.

Edhe kur jemi kundra, shpjegojmë gjërat për të cilat jemi pro, jemi kundra trajtimit të shqiptarit si idiot gjenetik, si qenie që nuk kupton. Për këtë arsye partitë duhet të jenë pragmatiste. Jemi kundra mendimit “fundja ne jemi popull i vogël më mirë të kolonizohemi”.

Ne besojmë që shqiptarët janë inteligjentë dhe mund të kuptojnë sa çdo etni tjetër. Ne jemi kundra totalitarizimit të kastave te mendimit për këtë arsye jemi pro pluralizmit të ideve dhe mendimeve.

Armët tona janë idetë që materializohen në gërma e kushdo mund t’i lexojë, t’i pranojë, t’i kritikojë apo apriori t’i refuzojë. Jemi për bashkimin në mbrojtje të diversitetit të mendimit për të thelluar sa më shumë diferencën mes nesh dhe atyre që mendimin dhe ndryshimin nuk e duan. Vetëm në këtë mënyrë populli mund të shohë qartë nën dritën e diellit se cili është morali ynë, e cili është morali i tyre.

96 Komente

Vajza dhe djem, ma boni hallall qe po ju shkruj, mbase nuk duhej, por pak kritike besoj se nuk ju ben keq. Kritikat pergjithesisht kaperdihen.>>

Pikesepari, kur shkruan nje sqarim per publik gjeja me evidente eshte nevoja për të, dmth qe me publikun, per aq çkeni bere e thene deri me tash, jeni ende te pasqaruar.>>

Se dyti, kam pershtypjen se po i vishni vetes nje kostum se paku dy numra me te ngushte, qe do ua shtrengoje levizjen, ne mos do te griset ne vende te pakenshme smiley

E them sepse pjesa me e madhe e pjesës me siper eshte rrobaqepesi fjalesh e siç e theksoni vetë kopsitje gërmash. Vëre atë stemkën në xhepin e majtë:>>

lace>Kushlace> jeni ju / lace>Kushlace> jemi ne/ ne kemi një sasi librash / ju jeni individe pa ide.>>

Tkurrja fillon nga perjashtimi. Ne e duam shqiperine, natyren, te varferin e pasur dhe pasanikun e varfer, ju jeni materie makuterie. Hapeni pak gjirin tuaj, mbyllni vrimat ne diafragme, ka edhe te lekundur jashte jush qe edhe nese mund t’ju jepnin nje shans (dhe ju besoj se per nje shans perpiqeni) do tu rrine larg. >>

Se treti, me duket mua apo keto bindje po i mesoni e forconi keshtu “ne ecje e siper”?  Se te thuash “ Në kete menyre shqiptaret nga qenie e debilizuar prej formateve te spektakleve qe zevendesojne mendimin te transformohej ne qenie politike qe do ta merrte ne dore te ardhmen e tij” dhe te vijosh me “jemi kundra trajtimit te shqiptarit si idiot gjenetik, si qenie qe nuk kupton” më duket shume adoleshenciale si thurje. Pak a shume ne cilesine e togfjaleshit “dihet boterisht”.>>

Se katerti, thellimi i hendekut midis njerezish qe duan te bashkejetojne, nuk me duket e mençur. Sa here qe takon doren, rrezikon te terheqesh tjetrin, veten ose te gjithe bashke ne ate hendek. Ndertoni lace>urlace>a o njerez, kerkoni çfare ju bashkon, me respekt e deshire. Pleeeease.>>

Me respekt e deshire. Duke shpresuar ne mirekuptimin tuaj smiley>>

 

Duke mos u zgjatur shumë, por me ndjenjën që një shpjegim gjithsesi duhet dhënë, konstatoj që një pjesë e kritikëve tanë (që na quajnë promovues të mendimit totalitar) ishin simpatizantë të PD-së. E meqë gjithçka që është PD është Sali, le t’u drejtohemi me emrin e tyre të vërtetë, Salista.

 

Mjafton kjo fraze , dhe idea qe jeni komuniste eshte me e forte.

 

 

 

Gazete apo trakt e keni? Sepse gjuha patetike  dhe perjashtuese  e perdorur tingellon si gjuhe traktesh te nje kohe te perenduar.

Te majte? Po ku e shihni veten ne spektrin e majte? Marksiste?Bolshevike? Trockiste? Anarkiste? Komuniste? Zapatiste? Maoiste?Socialiste? Komuliste? Socianiste?

 

ps. Per dreq edhe Saktivista me kujton Sandinista.

Berisha no pasaran!

lol

Ok, seriozisht  tani meqe ke dale te sqarosh se cilet jeni. Thua jeni te majte. Atehere po u bej ca pyetje pergjigjet e te cilave do na sqarojne me mire  se cfare te majtesh jeni.

Cfare  qendrimi keni ndaj Marksit dhe marksizmit?

Po per Leninin dhe Stalinin?

Po ndaj revolucionit proletar me dhune?

Po ndaj diktatures se proletariatit?

Po ndaj prones?

Po ndaj luftes se klasave?

Po ndaj besimit fetar?

Po per  raportin shtet - individ?

C'mendoni per ""rrugen e trete" te socializmit te Tony Blair?

 Dhe ne rang me lokal:

Cili eshte qendrimi juaj ndaj  diktatures komuniste ne Shqiperi dhe diktatorit shqiptar Hoxha? A i njihni krimet e komunizmit ne Shqiperi dhe a distancoheni nga ato?

Cili eshte vizioni juaj per Shqiperine nese nje dite do e drejtonin mendje si tuajat?

Dhe e  fundit: a keni ndonje shtet te botes si model drejt te cilit do arrijme nje dite nese udhehiqemi nga idete tuaja, ndonje sistem ekonomik-politik te ndonje vendi te zhvilluar te botes apo modeli qe keni ne mendje ju do te kaloje neper rruge te reja eksperimentale  deri sa nje dite do krijoje precedentin?

I bera keto pyetje sepse ne nje prezantim sic bere ti  Leart si zedhenes i Gazetes ne kete rast nuk mjafton vetem pergjithesimi "jemi te majte e na digjet shpirtti per popullin tone te shumevuajtur". Me retorika te tilla eshte mbushur plot pazari  shqiptar, e po ashtu edhe me gazeta apo forume politike te tilla te majta qe "iu digjet shpirti per vatanin".

Deri tani edhe Gazeta, edhe Saktivista kane qene ne nivel konstatimi te se keqes sipas tyre., por perderisa deri tani nuk kam lexuar nga ju as edhe nje material se si mendoni ju sipas jush mund te ndryshoje gjendja e keqe e vendit (sipas jush gjithnje). Vetem atehere ju si forum politik i majte me emrin Saktivista apo Gazeta  do mund te dini se kush dhe sa njerez u vene pas, dhe nga ana tjeter edhe ne te tjeret do dime se me ke kemi te bejme, me nje grup parole parole parole , konstatime, konstatime, konstatime,"saliu keshtu  e saliu ashtu", apo me ca njerez qe nuk jane vetem te rinj enderrimtare, por jane ca te rinj qe per mire apo per keq kane ca ideale te respektuara dhe ofrojne edhe rrugedaljet e duhura te cilat ia vlen te debatohen.

Pra nese doni qe t'ju marrim seriozisht duhet te tregoheni serioze dhe transparente ne bindjet tuaja politike dhe jo vetem ne retoriken bajate "jemi te majte qe na digjet xhani per popllin e shkrete  shqiptar"

Leart  ka mbi nje muaj qe te jane bere keto pyetjet e mesiperme  ty dhe tere sak(a)tivistave  dhe nuk  keni  dhene akoma nje pergjigje. jane pyetje  qe sipas meje e ndajne "shapin nga sheqeri" dhe pergjigjet e tyre do ndihmojne goxha ne vizatimin e sakte te autoportretit ideologjik te saktivites.

he more trima, sajoni nje pergjigje.

merr lexo shkrimet me radhe dhe aty i ke pergjigjet, se keshtu rezyme per idiota nuk bejme dot.

sol fjalen idiot merre mbrapsht  se nuk  kemi ndonje njohje per mire apo per keq  bashke. pra perdore me te tute  fjalen idiot dhe jo me  mua.

shoh jeni nje tufe  kalamajsh dredharake qe fshiheni pas gjethes se fikut  te Zizek per sa kohe qe nuk keni kurajon tu pergjigjeni pyetjeve te mesiperme drejtperdrejte. dhe kur nuk keni kurajon te pergjigjeni merret me mend se sa kurajo do keni ju per te bere realitet ndryshimet marksiste qe doni tu beni realiteteve socekonomike  shqiptare. mblidh njesitin  sol dhe bashkarisht formuloni nje pergjigje per sfiden e atyre pyetjeve me siper. do ishte ne nderin tuaj nese nje i tille ekziston  sepse u eshte bere sfide publike.

 

shoh qe jqenke femije. po te them qe te gjitha ato pyetje kane pergjigje ne shkrimet tona, nuk jemi edukator kopshti qe te merremi me kalamajte qe duan te dine ne tre fjali se si e krijoi zoti boten.

Sol,

Dje kam hyre dhe pare disa numra te gazetes suaj. I do pershtypjet e nje te thjeshti ? Nese po, si me poshte :

- Nuk kam asgje me ideologjine qe mbeshtetni, fundja lufta dhe perplasja duhet te mbetet ne rrafshin e ideve dhe jo ne fushebeteje. Deri ketu, asgje e keqe.

- Vura re se artikujt kishin nje gjuhe goxha te renduar, do te thosha teorike-teoretike, qe sinqerisht ishte e pakapshme per nje te interesuar ndaj ideve tuaja. Termat ishin te pazgjedhur mire, te pashpjeguar, dhe te paftilluar me ndonje permbledhje ne fund apo ne krye te artikujve.

- Filozofet e perzgjedhur ishin te shtresave siperore (Zizek, Badiou, Bourdieu), dmth pa kurrfare parapergatitje lexuesi per te mberritur deri tek keta.

- Pedagogjia e shkrimeve, ngelej pothuaj e paqene. Nese gazeta ka nje synim pergatitje terreni per lindjen e nje debati te ri, atehere ajo duhet te shkoje ngadale sepse nuk besoj se ka njeri qe i futet Adriatikut pa e mesuar notin ne ndonje kanal kooperative.

- Disa shkrime letrare (artistike) te Krenar Zejnos, psh, ngeleshin te padepertueshme. Nuk munda te krijoj asnje ide mbi autoret apo veprat e paraqitura.

_________

Po te jete per mua, beni mire te uleni me rrafsh dhe te afroheni me jeten reale te prekshme, me fjale tokesore, me nje zberthim te mire te koncepteve, me shembuj e kundershembuj. Mua me dha pershtypjen se ju keni krijuar nje grup shokesh dhe miqsh te se njejtes ide dhe mirekuptoheni (dmth merreni vesh) vetem ndermjet vetes. Kam frike se idete qe keni dashur te percillni kane ngelur brenda per brenda rrethit tuaj.

Qofsha i gabuar por kjo ishte pershtypja ime. Mbase kjo vjen dhe nga pergatitja ime e paket politike, por sidoqofte, ju nuk kishit bere asgje qe te me terhiqnit ne keto çeshtje. Me nje fjale, theva koken me te paren.

Suksese per me tej.

mblidh njesitin  sol nocturn  dhe pergjigjju  sfides se atyre pyetjeve. nje e per nje dhe drejtperdrejte. eshte me e pakta qe duhet te beje dikush qe ka dale ne publik duke predikuar. saktivista ka shume kohe tanime qe predikon  dhe filozofon ne ajer. jeni ne realitetet  shqiptare, ne nje vend qe quhet Shqiperi e qe ka nje histori te dhimbshme nga komunizmi qe ju aspironi. eshte detyrimi juaj madhor te ndani shapin nga sheqeri duke iu pergjigjur atyre pyetjeve me siper. sot ua bej une ketu ne kete blog, neser keto pyetje do ua bejne  ne vende me publike se sa ky blog dhe nqs prap nuk do keni kurajon dhe ndershmerine tu pergjigjeni   do beheni realisht karagjoze me K.

formuloji ne nje liste te respektueshme, pa emocione e paragjykime dhe ne menyre serioze ato pyetjet, se te pergjigjem une o TheNext.

Hurbinek, ne fakt ke te drejte, Gazeta shpeshhere nuk perdor gjuhen e mediave popullore, po kjo ndodh sepse nuk e kemi per qellim. Ne nuk jemi shpetimtaret e ketij vendi, as njerez qe po kerkojme vote deri me tash. Ne kemi qendrime e bindje tonat, te cilat i diskutojme e ua themi te tjereve, bujrum per debate. Gjithashtu grupi i filozofeve te perkthyer eshte disi me i madh, Marcuse, Althusser, Adorno, Trotsky, Bloch, Lukacs dhe Laclau do te shtohen ne numrat ne vijim.

Por cuditerisht, brenda pak muajsh, pa asnje fond, pa asnje feste apo aktivitet partiak, kemi arritur te nxjerrim nje gazete me kontribute financiare te me se 700 vetave ne Shqiperi e Kosove dhe me kontribute ne shkrime te me se 50 vetave (qe bashkohen ne kornizen tone) nga te gjitha trojet shqiptare.

Jemi nje grup qartesisht politik, por jo politik si keta qe mblidhen e flasin per dashnoret, dhe ne mbledhjet tona ne Tr apo Pr mblidhemi ne grupe me 60 - 70 veta. Kaq na mjafton per momentin. Ate njeriun e gjuhes se thjeshte dhe te mendimit te thjeshte politik jemi te sigurt qe nuk e marrim dot, ate e ka marre tashme Berisha apo Rama, dhe tabori i politikaneve-skiftere qe gjuajne qorra neper nate.

Me ben pershtypje  nxitimi i dikujt per ta etiketuar me termat "bolshevike"  "komuniste" "marksiste" "totalitariste" grupin Saktivista. Kjo tregon se paku cektesi dhe dobesi te atyre qe metojne te jene ne nje pozicion te kundert ose jopajtues me nje, disa apo te gjitha pikpamjet/pozicionet e saktivistave.

Si mund te dialogohet dhe debatohet me nje apo disa persona te cilet, pasi te kane ngjitur ne kryq, te kane vene nje etikete denigruese dhe te kerkojne me "miresjellje" na thuaj pak, cilat jane mendimet e tua per kete,.. per kete... per ..kete.

Kush ka deshiren dhe takatin te perplaset ne fushen e ideve, le te ulet dhe parashtroje me argumente diferencen ose kundershtimet teorike.

Te mohosh dicka nuk mjafton te thuash JO, te kundershtosh dicka , etiketimi dhe , per me keq, britmat perjashtuese dhe denigruese tregojne mjerim.

Me insisnuata dhe parrulla te vitit 40 " kta jan kamunista se dun me na kolektivizu pronat, tokat dhe grate"  nuk prodhohet asgje. Vetem nje spektakel shfryrjes dhe asgje me shume.

Ketu eshte RODI, djema.

Problemi qendron se keta te Saktivistes thone qe nuk jemi as me Ramen as me Berishen,kurse Learti tek shkrimi tjeter thote qe isha ne mitingun e PS.

Nuk i ndalon njeri me ke te jene se eshte e drejta e gjithkujt te jete me ke te doje por kush i detyroi te japin deklarata se me ke jane apo me ke duhet te jene?

keto aftesite e te lexuarit i ke te tuat, apo i ke blere me ulje per vit te ri?

isha une te mitingu i PD-se gjithashtu, te thote ndonje gje kjo?

o Brad gjermoni, mesoni te shkruani e te flisni me logjike si fillim, lexoni se dyti, pastaj ndoshta ju prodhon ingranazhi ndonje pyetje. se nuk kemi gje sekret as ndaj jush, as ndaj ndonje tjetri, shkruajme publikisht, dhe shkruajme me emra reale, jo me emra te shpikur neper accounte facebook-u me nje perdorim.

une nuk mbyllem ne shtepi dite mitingu, qe ta kuptosh ti, dhe kam qejf t'i shoh nga afer keto evenimente madheshtore te mbareshtimit te derrave.

Te jesh aty ne momentin e mitingut eshte tjeter gje, dhe te marresh pjese ne euforine e protestes dhe mitingut eshte gje tjeter.

Ne nuk e fshehim, jemi te majte, dhe shkruajme gjithe kohen per kete, jo vetem ne blog apo te GAZETA, por edhe ne media me mainstream se keto. Dhe kritikat qe i bejme Rames nisen nga ky pozicion. Dhe sa per dijenine tende dhe te The Next-it, sa e kemi kritikuar ne Ramen dhe PS-ne nuk ka patur ende bythe apo tru ta kritikoje ndonje i PD-se (me gjithe respektin qe mund te kem per nja dy deputete te PD-se qe i kam shoke dhe qe ua vleresoj intelektin).

Po te kesh pyetje dhe ti, ulu e shkruaji, bujrum, nje e nga nje, por vetem kujdes, nese do pergjigje serioze bej pyetje serioze. Nese s'do pergjigje, por do te shtysh kohen, thats also ok, po pergjigje s'merr.

"....ndonje i PD-se (me gjithe respektin qe mund te kem per nja dy deputete te PD-se qe i kam shoke dhe qe ua vleresoj intelektin)"

sol, kam pershtypjen qe qe te jesh deputet i PD, duhet te jesh ose kodosh (ne kuptimin qe do te shfrytezosh momentin per te bere leke) ose duhet te jesh derr duke e ditur qe do komandohesh nga shpellari se nuk besoj qe hyn njeri ne PD per ideale apo politike. Cila nga keto te dyja hyn tek intelekti?!

intelekti... shiko te mbijetosh ne ate fole grerezash dhe te mberrish te behesh deputet nuk eshte aspak e lehte. Pastaj natyrisht qe jane te kastruar politikisht, po kjo ndodh nga te dyja krahet...

Faleminderit Sol,nuk kam pyetje tjeter,e ke sqaruar shume mire qe jeni te majte,ska asgje te keqe,pune te mbare gazetes.

Spiritus me duket se nuk je i sakte me siper.

Nqs saktivista  dhe saktivistet do ishin krijuar sot dhe po sot do fillonin aktivitetin e tyre publicistik me artikuj, perkthime, komente etj ateher  natyrisht nuk do kishte te drejte ti paragjykonte askush me etiketimet bolshevik, komunist etj. por saktivista dhe saktivistet kane shume muaj qe shkruajne, replikojne dhe komentojne idete e tyre. une kam lexuar ndofta  shumicen e shkrimeve te atij blogu. Ata vetdeklarohen si te majte. madje si e majta e re  shqiptare. si e majta e vertete. kjo gje me ngazellen duke menduar se me ne fund erdhi dita qe Shqiperia te njohe nje te majte te vertete. cfare te majtesh  jane, se te majte ka shume, sidomos varietetet  shqiptare te majtizmit  jane te shumte. ka njohur Shqiperia  qe ne vitet 30 lloj lloj  te majtesh. marksiste, arqiomarksiste, bolshevike, leniniste, trockiste,titiste, staliniste, maoiste dhe aty kane stopuar te gjithe. kjo eshte e majta shqiptare e tradites  pra.si pasoje e aplikimit te kesaj te majte ne shqiperi  fitoi nje grupim politik  aventurieresh  komuniste  te cilet instaluan  ne vend nje diktature  qe per nga bemat ia kalon cdo  diktature tjeter proletariati ne Europen  Lindore. nje diktature komuniste e cila e shkaterroi kete vend, vrau dhe depersonalizoi njerezit e tij. memoria 50 vjecare  historike e vendit tone  ka vene senjene barazimit mes krimit dhe komunizmit. kjo eshte e verteta  dhe fakti. prandaj dhe vrulli i rinise studentore dhe i shumices se popullit e permbysi diktaturen  komuniste vrasese. filloi  nje epoke e re per zhvillimet socekonomike shqiptare. u krijuan parti te majta e te djathta. PPSH qe dikur ishte PKSH siguroi vazhdimiesine e saj nen siglen PSSH  dhe e mbajti Marksin  dhe marksizmin si ideologji te veten deri afer viteve 2000. me pas pa u distancuar publikisht nga trashegimia e tyre kriminale si promotor i diktatures  komuniste per 50 vjet, vazhduan aktivitetin e tyre politik  gjithnje duke iu shmangur distancimit publik  nga e kaluara e tyre komuniste. duke mos denuar krimet e diktatures. duke mos bere nje mea culpa para popullit. duke mos bere katharsisin. ish funksionaret  e larte marksiste te rregjimit hoxhist  per 20 vjet postkomunizem ishin promoteret e te majtes "se re"  shqiptare. nano, gjinushi, ruci e nje aradhe e pafund pinjollesh te bllokut,  gjoner  e bushater. kjo pra ishte e majta  e ketyre viteve  te tranzicionit. nje e majte  e diskrediduar ne sy te publikut dhe e ndeshkuar me lenien ne opozite per shume vite me rradhe.

tani  na kane dale keta cunat e gocat  e saktivistes me nje arrogant pallavraxhi si ky Arber Zaimi ne krye,  se ata jane te majte ndryshe, jane te majte  te vertete. kjo tingellon shume bukur  ne kuadrin e ketyre fjaleve. por jane disa detaje  te cilat e dekonspirojne kete te majte  saktiviste. e dekonspirojne dhe e nxjerrin zbuluar  si nje te majte radikale, nje amalgame leninistesh  dhe anarkistesh, oratore demagoge te cilet i karakterizon nje energji dhe vrull rinor i admirueshem.

pse ua bera ato pyetjet me siper saktivistave? ua bera pikerisht per te pare se ku saktesisht  jane koordinatat e tyre te majta. nese gjykoj nga  artikujt e tyre do i quaja pa frike fare leniniste, sepse evokojne  teorite leniniste te marrjes se pushtetit me dhune. artikujt e tyre ne vazhdimesi  me ane retorikash teper demode i bejne thirrje njerezise per "ngrihuni dhe shtypini", evokojne mosbindjen civile, evokojne  dhe retushojne Leninin dhe leninizmin  i cili eshte forma me e dhunshme dhe vrastare e teorive bolshevike. Me Zizekun perpiqen te evokojne nje Lenin te cilin sado ta zbukurojne  nuk mund tia heqin thelbin  e teorise dhe vepres se tij qe eshte dhuna e armatosur, gjakderdhja dhe vrasja, lufta e pameshirshme e klasave bashke me pasojat katastrofike socekonomike qe e pasojne. kane lexuar histori keta djem e vajza te saktivizuar? dine gje per krimet e komunizmit keta tipa? dine gje se cberi aplikimi i kesaj teorie ne vendin e tyre? kane sy  ne balle keta  garipa te se majtes "se re"?

te organizuar ne grupe propagandistike sic e pranojne vete ata shembellejne me grupet marksiste  te viteve 20-30  ne Europe,nje marksizem qe u  be moda trendy e asaj epoke  pasi me te lidheshin edhe nje sere formash te reja  e moderne te artit  dhe te filozofise. pra marksizmi i asaj epoke teorikisht ishte tundues per te rinjte, intelektualet, filozofet  e rinj  te epokes etj. Por ne mes te viteve 40  pjesa me e madhe e mbeshtetesve te shquar intelektuale te marksizmit  hoqen dore nga ajo teori.pse? sepse krimet sovjetike arriten te mesoheshin edhe ne Europe pavaresoisht politkes propagandistike staliniste viktime e se ciles rane shume intelektuale te shquar te perendimit qe ne thelb nuk kishin asnje lidhje shpirterore  me marksizmin. nefundin e viteve 60  rilulezoi nje e majte anarkiste dhe e dhunshme, shfaqje kjo qe detyrimisht do conte ne instalimin e diktaturave te djathta dhe juntave militarene vende te ndryshme. radikalizimi i  majte con gjithnje ne instalim diktaturash. nese te majtet fitojne instalohet diktature komuniste. shfaqen Fidelet e kompani. nese e majta radikale shtypet me dhune shfaqen Pinocetet  e kompani. kjo eshte ajo qe na tregon historia boterore e afert dhe e larget.

e bera kete  review mesiper  me qellim qe te vi te argumenti  i meposhtem: ju saktiviste te saktivizuar  sigurisht nuk jeni nje grupim filozofik qe ndersa pini kafene tuaj edhe diskutoni dhe hallakateni  mes teorive te ndryshme te filozofise duke pasurkujdes te jeni atraktive per bashkebiseduesit tuaj. sigurisht jo. ju jeni nje grupim i majte politik me nje synim te percaktuar qarte per ju, por te kamufluar ne syte e publikut.

ku do aplikohet  majtizmi juaj? ne Shqiperi. me cilet do kete te beje majtizmi juaj? me shqiptaret. cili vend do ndryshoje  nga aplikimi hipotetik i majtizmit tuaj? Shqiperia. pra sado te perdridheni e sperdridheni  me filozofite dhe teorite tuaja ne dukje perkthime artikujsh dhe referenca marksistesh te huaj aktiviteti juaj  do te jete real  dhe shqiptar. biem  dakort per kete gje besoj. ky fakt  u detyron edhe me shume te sqaroni koordinatat  tuaja  para shqiptareve ne lidhje me ato pyetjet legjendare te mesiperme. fakti qe nuk pergjigjeni  eshte shenje e dukshme pandershmerie, ose ndofta pasigurie ne rastin me te mire.

ne mbyllje dua te profetizoj se saktivistat  e sotem neser do jene me nje lecke te kuqe ne koke duke  hedhur shishe me benzine apo "molotov" sic quhet ndryshe kunder  institucioneve qeveritare cdo pervjetor  datash leniniste, e po keshtu para ambasades amerikane, dmth nje imitacion  i anarkisteve fqinj greke. deri aty keni mendere. jo me shume. por nuk eshte vec ceshtje mendereje por edhe rethanash aktule historike: vektori aktual  i zhvillimeve socialekonomike boterore dhe shqiptare ne vecanti shkon kunder jush dhe ideve  tuaja "te reja" ne makiazh dhe shume te vjetra ne dhunen qe percojne.duhet ta dinit meqe hiqeni si erudite  se  revolucionet nuk krijohen ne boshllek e as ne nje gote me uje te trendafilte. ajo qe quhet "situate revolucionare" mungon dhe nuk  krijohet kurre dot artificialisht me grupet tuaja propagandistike ne format tuja te edukimit leninist ne vitin 2009.

ky eshte parashikimi  im per ju te nderuar saktiviste te saktivizuar. jane pasione rinore qe ikin  nje dite. te gjithe kemi qene rebele dikur ose sic i quan dikush heronj pa shkak. mendoj se njeriu mund te ndjehet dy here  komunist (dmth ekstremist i majte) ne jeten e tij: heren e pare nga padija, heren e dyte nga idiotesia.

 

Me perjashtim te cilesimit te Arber Zaimit si "arrogant pallavraxhi", i tere teksti me lart qendron. Dhe mbase ky tekst, per hir te debatit te shendoshe, do te duhet botuar ne vete GAZETEN e nismetareve. Ky eshte debati. Duke mos e ulur ne nivelet personale, debati mes "the next" dhe djemve te "gazetes" eshte i mirepritur. Te pakten per mua. Sepse jam i bindur qe, ashtu sikurse djemte e "gazetes" kane pasuesit e tyre, çka eshte krejt e natyrshme, edhe "the next" percjell nje mendim qe mund ta ndajne shume vete. Nder ta dhe une.

Mire eshte qe keto gjera duhen sqaruar. Do te ishte dhe ne te mire te djemve te "gazetes". Ata duhet te dine ku ta vendosin veten, ne ç'pjese te segmentit politik. Majtas, por ku ? Sa majtas ? Me ç'mjete ? Dhe cili eshte raporti i tyre me periudhen komuniste, socialiste ? Po me ideologet e se majtes, ç'raporte kane ? Kush eshte ideologu i tyre kryesor, Marksi, Engelsi, Lenini, Stalini, Trocki, Buharini, Mao Ce Duni, Enver Hoxha, eurokomunistet e viteve 60-70, socialistet e sotem, majtistet ekstreme tip Chomsky dhe Badiou, cili pra ?

Sepse, vertet, "the next" ka te drejte kur kerkon sqarime per keto pune, thjesht per faktin qe ne kemi nje te kaluar te dhimbshme. Eshte njelloj sikur te ngrihet nje grup i djathte gjerman dhe te mos sqarohet qe ne fillim se ç'mendim dhe ç'qendrim mbajne ata ndaj Hitlerit. Gjerat jane ende epidermike, askush s'i ka harruar gjemat qe kane ndodhur ne Shqiperi, jo para shume kohesh.

Gjithashtu, me ç'levizje te tjera europiane ndihen te afert keta djem ? Mua me pelqen fakti qe ka te rinj qe duan te dine dhe te permiresojne fjalorin e tyre politik, me pelqen ideja e futjes ne politike, per te sjelle ndryshim dhe zhvillim, por ama, per te shkuar deri atje, votuesi duhet te dije me ke ka te beje.

Them se kjo iu sherben dhe djemve dhe gocave te reja te ketij grupimi. Veç ne mos qofte ndonje "perllogaritje zgjedhore", ku kufinjte lihen qellimisht turbull per te çukitur zgjedhes majtas-djathtas. Nuk e di.

Po mor, patjeter qe do te botohen tek Saktivista, ne rast se arrin ta rishkruaje me nje lloj ortografie qe respekton publikun. S'ka problem etika, le te thone arrogant, mjaft te mos shajne nga motra, se nuk duam ta vulgarizojme gazeten.

Por, sic i thashe the next-it, qe te marre pergjigje e qe te botohet ne gazete duhet te jete shkrim serioz, me fraza qe nisin e qe perfundojne ne menyre racionale, pa le te na bejne pelte fare.

Madje nuk ka nevoje te sjelle as emrin, ia botojme me pseudonim (atij e kujtdo tjeter xhanem)

majtistet ekstreme tip Chomsky dhe Badiou, cili pra?

 

N.Chomsky majtist ekstrem? Na ca kuptimi Hurbo se diku e humba, une Ch. gjithmone e kam konsideruar nje fare "kryeplaku boteror" e ky percaktimi jot po me habit tej mase.

Chomsky eshte "mesuesi" i altermondializmit boteror. Te pakten sot per sot. Bashke me Badiou, Baudrillard, e ndonje filozof tjeter. Ne pergjithesi, keta shquhen per nje antiamerikanizem dhe antisionizem (qe nje fije peri e ndan nga antisemitizmi) te theksuar. Antiamerikanizmin e fshihnin nen petkat e antibushizmit, dhe antisionizmin nen ato te antisharonizmit.

Per me teper, mund te lexosh "Le monde diplomatique". Eshte gazeta e tyre, versioni francez. Ne Amerike, nuk di ke kane si organ shtypi.

te ky googli im chomsky del nje social liberal

ai eshte hebre feston hanukah,ti me thu antisemit

Hm

Po me habit.

Une kam lexuar goxha nga Ch. dhe njoj nje intelektual te madhe e gjithmone te ekuilibruar, nje Ch. qe me shume se sa mik i Badiou & Baud eshte afer mendimeve te Vidal e Vonnegut.

Dhe anti-am. i tij eshte shume antik ashtu si vete Am, mjafton te ri-lexosh sot se çfare shkruante ne vitet 70 per ata palaçon, Kennedy-n.

 

Po, Chomsky eshte majtist ekstrem. E cileson veten si perfaqesues i rrymes libertarian socialism, rryme qe i perket anarshizmit, si edhe eshte nje nga perfaqesuesit ideologjik te anarkosindikalizmit.

Une i bashkohem postimeve te the next, sepse vete kam kohe qe e pyes Arber Zaimin, se per cfare te majte behet fjale ne levizjen e tyre, a i kane te qarta ata konturet, brenda te cilave po levizin keta te majte?

Pervec asaj se cfare sistemi socekonomik mund te na tregojne si reference eshte edhe pyetja tjeter, se cilet jane kontrahentet e tyre?

Cili eshte edhe sistemi ekonomik, per te cilin ata aspirojne? Eshte socializmi ( i tipit te Chavez, Castros apo i tipit nordik?), ekonomia e tregut social si ne Gjermani apo laissez faire francez?

E kam pyetur Arbrin ne disa tema, por asnjehere nuk me eshte pergjigjur ne menyre te sakte dhe te qarte se per cfare jane.

Megjithate, si iniciative te rinjsh, bashke me gazeten e tyre i kam pershendetur, pasi i bejne mire teatrit politik shqiptar, ku nuk po dihen se ku jane sinoret, ku eshte e majta dhe ku eshte e djathta. I ben mire politikes shqiptare, se po te formohet nje e majte e sakte atehere detyrimisht nevoja i skarcon keta pseudo te djathtit e sotem te PD-se dhe PR-se me rradhe. Keshtu shendoshet edhe e djathta e moderuar demokratike.

Pikerisht. Plotesisht dakort. Pata kerkuar qe ne fillim te sqarohen ca gjera, por s'kam pasur asnjehere pergjigje. Dhe per me teper, sol-nocturnus sapo dha nje pergjigje per keto pyetje dhe u zhgenjeva. Nejse, une e mbylla kete kapitull.

The next,

Kam mbritur me vonese dhe shikoj qe tashme ke marre pergjigjen adekuate te  pyetjeve  te cilat , megjithe dyshimin tend te admirueshem dhe te justifikuar, nuk i shpetojne paragjykimit te tipit: perderi sa nuk jeni me ne, jeni komunista/

Duke marre shkas nga komenti im mbi "etiketuesit" (ku ti ishe i perfshire ne ate "disa" por jo si me i rendomti etiketues, per kete jam i bindur) me je adresuar me nje goxha apelacion.

Flm per adresimin edhe pse e kuptoj qe une jam nje "casus belli" per shpalosjen tende perseri te admirueshme.E pash qe heret, por nuk munda te pergjigjesha. Ajo qe do thoshja dhe po e them, (pa marre persiper rolin e padomosdoshem te   avokatit te  saktivistave) eshte se nisma e tyre per tu grupuar, per te artikuluar bindjet dhe idete e tyre ne spektrin e te majtes, duhet pershendetur.

Eshte me teper se e dobishme strukturimi rreth ideve edhe pse idete mund te mos jene qarte te strukturuara. Ne mocalin e ujrave te ndenjura te kenetes nderkomunikuese majtas-djathtas, pak uje i fresket, se paku ,eshte shenje e mire e shendetit ambientalist. Sfida eshte te mos behesh pjese e mocalit.

Nga sa kam lexuar ne Gazeten e tyre dhe shkrime te tjera , nuk shikoj afinitete dhe frymezime per dhunen si mami te nje ndryshimi radikal.

Kuptoj se ky grupim (pse djemte ? aty ka dhe vajza)  ka zgjedhur si instrument "kritiken e arsyeshme" kurse nga parashtrimi yt spikat, bashke me  interesimin per burimet dhe referencat e tyre, edhe shqetsimi...per "arsyet e kritikes"

E kuptoj gjithashtu paralajmerimin profilaktik per rrezikun e yshtjeve anarkiste dhe destruktive(sic!) por jemi ende ne sferen e ideve. Aksioni mbetet per tu vezhguar.Nuk mund ti veme nje emer asaj qe ende s ka ndodhur.

Per ta mbyllur, ajo qe shpresoj dhe deshiroj te shikoj eshte nje debat qe udhehiqet nga mendja, jo nga zemra dhe, jo e jo, nga pjese te tjera te trupit.

i radhes, dakort me pershkrimet dhe situation assessment qe bere me lart, por a nuk mendon qe, pavaresisht saktivistave, vrullit te tyre rinor "te admirueshem" e kujdesit te tyre per t`u dukur te pashem kundrejt bashkbiseduesit, Pinocetet dhe kompani, bashke me Fidelet dhe kompanjeros, kane kohe qe kapardisen ne qeverisjen e atij vendi te perbashket qe adhurojme?

i humbur, e pamohueshme ajo kapardisja  qe thua, por mendoj se ne nje sistem demokratik qe pretendojme se kemi, ne nje bote demokratike ku pretendojme te hyme nje dite jo te larget, nuk ka vend per leniniste.

semundjet e demokracise sherohen me mjete demokratike dhe dhunen e ligjit.

semundjet e diktaturave sherohen me mjete diktatoriale e dhune  turmash popullore. te mos dalim nga konteksti i demokracise sepse ne ate kontekst jemi realisht.

Pa ju pergjigjur atyre pyetjeve te "the next", keta nuk mund te merren seriozisht dhe etiketimet do te variojne pasi vete e kane lene cdo gje evazive. Nuk ka absolutisht asnje ketu qe mund te jete edhe lexues i rregullt i tyre qe mund te jape nje ide te qarte se ku qendrojne keta tek e majta. Jane per evolucion apo revolucion; me shqip, a jane per komunizem qe kerkojne ta sjellin me permbysje (sado enderr te jete kjo) apo social-demokraci qe e ka gjetur hapesiren ne kapitalizem dhe kerkon permiresimin e gjendjes se proletariatit gradualisht dhe me instrumentat legal qe ofrohen ne kete sistem? Nga ky sqarim varet edhe kendveshtrimi per kritikat qe medemek bejne per aktualitetin ne Shqiperi.

Nuk besoj Next, duke qene se e kam shfletuar ca here gazeten, qe djemte e Sakt te kene kete pasion " komunist" per te cilin i akuzon. Me sa kam vene re kane nje fare po...rivleresimi kunder periudhes se kalua, por qe ketu deri ti quash komunist rruga eshte pak e larte.

Nga ana tjeter nuk  e prisja edhe une qe pyetjet e tua te gjenin nje pergjigje te shpejte dhe sqaruese, gje qe nuk ndodhi dhe ne fakt me le pak te habitur. Mendoj ama se ndodh sepse ne Sakt bejne pjese shume njerez dhe jo te gjithe kane te njejtet mendime.

Shpresoj te jete keshtu.

perkthimi i sakte do ishte "tekst i humbur," por nejse, zbavitese kjo, per aq sa ka vlere nenqeshja ne psiken e dikujt.

tjetri, teorikisht e dime te gjithe se q`ashtu eshte, por s`besoj qe ke ndonjefare iluzioni se sistemi q`egziston ne shqiperi ka ndonje ngjashmeri reale me ate demokratik. e aq me pak te presesh fairness prej atij sistemi kriminelesh klanore (ketu futi vete epitetet qe te vjne per mbare...)

 

tekst i humbur

sistemi ekzistues ne Shqiperi eshte sistem i pranuar dhe i votuar demokratik qe pas viteve 90. se pse eshte sistem demokratik nuk besoj se duhet te filloj te sqaroj ekzistencen e institucionit te fjales se lire, te lirive themelore te individit, te institucionit te votes, te ndarjes se pushteteve etj etj. vend antar i nje organizmi te demokracive prendimore qe quhet NATO, ecuria ne proceset e integrimit ne BE  dhe zhvillimet e fundit,pra te gjitha keto deshmojne de jure dhe de fakto qe vendi po ecen perpara edhe pse shpesh me zvarritje.

ti ndofta po nenkuptoje qe dukurite  qe shfaqen ne kete demokraci infantile tonen i ngjajne shume pak ose aspak demokracise. ashtu eshte. por s'duhet te harrojme se jemi akoma ne fillimet  e shtetit demokratik perendimor. njeriu  i ri i djeshem akoma perben shumicen dermuese te shoqerise shqiptare  dhe mentaliteti i tij bie ndesh dhe pengon cdo zhvillim te shpejte demokratizimi te stilit perendimor  te shoqerise shqiptare. dhe kjo e vlefshme per te dy krahet e politikes aktuale shqiptare. por edhe pse me ritmin e breshkes eshte e pamohueshme qe vendi po ecen perpara, vektori i demokracise sone  teper te vonuar ecen  drejt niveleve demokratike perendimore, edhe pse shume ngadale.

por mendon ti se kjo ecje e ngadalte eshte argument dhe alibi per leniniste dhe aplikime teorish leniniste te dhunes? me e pakta qe do te ndodhe eshte shfaqja per here te pare ne Shqiperi i grupimeve ultra te djathta te cilat do kacafyten sipas ritualit  te datave me keta leninistet e saktivizuar. dhe te dy palet do hane drurin e duhur nga ligji. ne te ketilla realitete  cojne mendesite ekstreme te dhunes se turmave  qofshin ultra te majta e ultra te djathta. ultradjathtizmi nuk ka asnje tradite ne vendin tone ndaj e konsideroj tani per tani te pallogaritshem, por ultramajtizem vendi yne kishte per 50 vjet  dhe ti tekst i humbur e di shume mire se cfare nenkupton ai 50 vjecar shkaterrues  per shqiptaret.  ndaj  e shoh te aresyeshme nje kqyrrje te vemendshme nga publiku te saktivistave  dhe leninizmit te tyre.

demokracia e perjashton dhunen e turmave. njeh vetem dhunen e ligjit  i cili  perpilohet ne parlament nga ligjvenesit te cilet normalisht zgjidhen nje here ne kater vjet. ligjet nuk ndryshohen me dhunen leniniste. ndryshon  qeveria  dhe forca e re qe vjen ne pushtet nqs ka shumicen ne parlament mund te beje nje legjislacion me te favorshem  qe shkon sipas programit te elektoratit te saj. sorry qe te bera ne tabllo te vogel te funksionimit te demokracise por me duket se kishe nevoje per nje rifreskim te njohurive te tua mbi demokracine.

te ky artikull se te tjerat si kam lexuar nuk pashe ndonje ushtje per dhune perkundrazi

i radhes,

a s`te duket se nxitohesh ca ne perfundimet qe nxjerr per njohurite e mia mbi funksionimin e dhimokracise?! e them kete pasi ti vete bie dakort mbi ate c`ka doja te thoja une, packa se ti, o tjetri ne radhe, parapelqen arbitrarisht ta quash infantil atefare sistemi ne Shqiperi, ndersa une e quaj, ndoshta po aq arbitrarisht, te korruptuar ne thelb.

Edhe dicka tjeter; vete e pranon qe shumica e njerezve "te rinj" te djeshem jane ajo qe jane, pra shumice, dhe thua se eshte mentaliteti i tyre qe bie ndesh me perparimin flurthi te vektorit demokratik shqiptar drejt sibllingjeve uesteuropiane, dhe kur thua kete, harron ose ben sikur, se ky mentalitet nuk eshte nje mase amorfe qe ndyn ajrin e demokracise si ajo pordha me ere te cilen mezi e durojme derisa pastrohet, por se pari eshte menyre jetese dhe menyre te te berit te "gjerave" ne shqiperi, ndac ne sferat politike e ndac ne ato te biznesit (ketu as po permend fare kulturen e shendetin). dhe si e tille, e trashegueshme edhe tek njerezit e rinj te rinj, tek te cilet mejton se qendron edhe pershpejtimi i juropjanizimit te shqiperise meme.

ore po ju lexoni apo jo

"Emëruesi i përbashkët i ideatorëve të GAZETA-s, është e majta humaniste"

 

jo po ca e majte jo po sa e majte jo po te morim metrin te masim sa majtas edhe sa djethtas

Losttext,

Ca pyetje nga keto qe ka bere "the next", i pata bere dhe une, sapo doli gazeta. Por s'pata ndonje pergjigje te sakte.

Une e kuptoj fort mire qe sistemi demokratik atje nuk funksionon mire dhe s'kam pse iu bie ne qafe djemve per kete apo ate. Por kam menduar thjesht qe keta ishin me te shkolluar, me te zellshem, dhe si te tille, jo njelloj me, psh, Gramoz Ruçin apo Shaban Memiaj. Shkurt, ndaj ketyre kam me shume kerkesa, sepse i shoh si diçka e re. Eshte tjeter pune pastaj nese edhe keta duan te ecin ne gjurmet e pararendesve, qe nga Dritero Agolli e deri tek Ditmir Bushati.

@ dooks, a mund te na thuash çfare do te thote "E majta humaniste" ? Nese jo, keputja me mire gjumit se te trazuam kot.

si tip majttista social liberalesh, kshu me duket mu smiley))

tashi perkufizimet ndryshojne me kohen

 

ka ene humanist konservative psh

kshu  kom nigju

humanizmi rryme me vete  plus i majte

çfare do te thote "E majta humaniste" ?

Do te thote erjonvelizem. Fillon si shkundes apatie, fiton nje audience dhe ca ndjekes qe kerkojne gjera te reja, pastaj vazhdon si shkundes vote, pastaj mbasi deshton ne partine/levizjen e krijuar i bashkangjitesh partise meme dhe gjithe atyre qe deri dje i ke denoncuar si te vjeter, dmth partise (ish)komuniste, qe sot sic tha PF udhehiqet nga nje ish-antikomunist. smiley

Tashti sa mund ti kerkosh nje peshku te denoncoje ujin si te demshem (me perjashtim te peshqve pa uje) aq eshte llogjike ti kerkosh nje komunisti te denoncoje ikonat dhe referencat historike, nga Marksi e poshte. Ka llogjike, jo. smiley

E shumta mund te presesh "korrigjim gabimesh" te komunizmit te aplikuar qe nuk zbatoi tamam ideologjine marksiste, e cila duhen rafinuar, leterzmeriluar, dhe aplikuar sic duhet.

Kjo eshte demokracia fundja. Ne Greqi e gjetke ke akoma parti komuniste jo vetem de facto po dhe de jure. Pse habiteni kaq shume juve apo ndiheni si jo rrehat me keta te LS-se (Levizjes Sakvista)? smiley

hallal plako  je njeshi  ti po qe ja nxjerr laknat ne shesh  ketyre

ti  je ai  qe e di se ku e ka bishtin dardha

demaskoi te gjithe

beji nje fletrrufe

haghahahga

Obobo, ketu ka nje indoktrinim te skajshem me propaganden leniniste qe behet rendom keto kohera ne Shqiperi nga te majte te cdo lloji por edhe sharlatane pa kurrfare bindje dhe ideologjie pervec parase. Ketu nuk jemi per te folur per mire apo keq qeveriseje pasi ky debat mund te behet vetem nese keto sqarojne vendin e tyre tek e majta. Nuk mund te ecet me tej me ate qe tjeter ke bindje dhe mendon, tjeter thua dhe ne fund tjeter vepron. Nese pyet te djathtet ata do te te pergjigjen qarte se cfare kane bindje, cfare kerkojne te bejne ne Shqiperi dhe ku synojne te mberrijne. Sqarimi i kesaj nga keta djemte, sigurisht qe nuk i detyron gje, por ne respekt te debatit, eshte domosdoshmeri ne Shqiperine e zhuritur nga totalitarizmi komunist.

Kur te jepet pergjigje per te gjitha ato qe ka pyetur "the next" athere mund te diskutojme mbi baza te tjera, keshtu nuk shkojme asgjekundi.

cfare bindje kane te djathte ne shqiperi,cfare synojne ne shqiperi edhe ku synojne te mberrijne???

se as kto sjane te qarta nga e djathta shqiptare

se me duket  sikur  mbajne   vetem emrin  e djathte

Po, Hurbinek, shume dakort jam me te gjitha keto qe po thuhen. Fakti qe saktivistes i kerkohet dicka me shume e me qarte nga ajo qe ata vete mund te kishin patur ndermend kur u krijuan, them se tregon se pari nevojen e pamohueshme qe ka sot shoqeria shqiptare per dicka te re dhe te njemendte, zhveshur nga llafollogjite e dogma. 

Kam mendimin se Ju z.te gazetes duhet te pergatiteni dicka me mire per t'ju pergjigjur pyetjeve nga Gjykatesit e ceshtjes "Djegja e raishtagut" ne kohen e Rajhut te Trete. Ato nuk na i kaloni dot neve te Demokracise Berishiane.....njeshtas ...dhe keto pyetje une i kam bere disa kohe me pare po nuk kam marre pergjigje Perse ? Cfare fshihni ? Perse Ju keni AFTESINE TE MENDONI ?

Seriozisht do te vleresoja nderhyrjen kritike te fh ,

Tkurrja fillon nga perjashtimi. Ne e duam shqiperine, natyren, te varferin e pasur dhe pasanikun e varfer, ju jeni materie makuterie. Hapeni pak gjirin tuaj, mbyllni vrimat ne diafragme, ka edhe te lekundur jashte jush qe edhe nese mund t’ju jepnin nje shans (dhe ju besoj se per nje shans perpiqeni) do tu rrine larg. Jo vetem qe ja vlen ne se pretendoni te merrni ( fdhe uroj qe ju te merrni) persiper per fatet e atij vendi !!!!!

Nga keta qe perkthejne libra me filososfe dhe ju mbushet mendja se kane dije per LIBRAT , ka sa te duash biles tere frymezim , ne cdo qoshe Xhibistesh. Asnjehere nuk keni per te"perplasur" mendimin me ta , sepse chipi i tyre ose pllaka e gramafonit eshte gervishtur tek shprehja "komunist" dhe nuk ben asnje cap me tutje pa pare nga llozha e BERISHES. Pastaj edhe nga kategoria e atyre "te tjerreve" qe pranojne pluralizmin pa pluraliste , ka tek kafet para PD-se ....me tonelata mish .

Urime per Gazeten si dhe me pare , por them se duhetrishikuar apo plortesuar e diferencuar pergjigjja .

 lerini mer çunat te shprehen si duan. po te mos i pelqeni ose nuk keni se ç'lexoni, kaloni tutje (siç bej une psh).

po kur beni kritika qe nuk e kalojne nivelin e shkrimeve te tyre, tregoheni ose xheloze ose patetike. 

çfare jeni ju ? baballaret e kombit ? po sikur ata te jene ne rruge te gabuar, ça pastaj ? 

pse nuk i lini te hidhen nga taraca me koke poshte neqofte se duan ? jeni ambulanca a si ?

nje japonez psh u hodh nga maja e pallatit me te larte te qytetit te tij, vetem e vetem per te lene gjurme ne trotuar. pra çmenduria e tij ne dukje, kish qellimin artistik ne thelb. 

pra shihini gjonat me shpirtin artistik e jo ate politik. pastaj kush ju tha juve qe komunizmi deshtoi ? gazetat qe lexoni ?

mund te kete qene drejtuar nga budallenj, ose ishte teori me avantgardiste seç duhej per koken ne te cilen u krye. nuk i kish ardh sahati, kur thone.

me  tipa me te zgjuar, e ne kohera me te pershtatshme, mund te gjeje me zbatim. 

hajt shnet.

Shumica e kontributorëve të GAZETËS kanë lindur në vitet kur Saliu spiunonte dhe dërgonte në dënim me vdekje në gjyqet totalitare shtetas shqiptarë pa skrupullin më të vogël, pra që në start krahasimet janë të tepërta, se cili është totalitari dallohet qartë.

 

Me fal Leart me beri shume pershtypje kjo pjesa, sidomos ajo pjesa me e zeze. Mund te ma shpjegosh me mire per ça e ke fjalen te lutem, apo, me sakte, ka ndonje prove per kete?

 

berisha e futi ne mode i pari kete te akuzumin pa prova

kshu qe prite gjithanej te ndodhi se kshu eshte moda

Të gjitha pyetjet tuaja, janë produkt presupozimesh dhe paragjykimesh. Çunat bëjnë mirë që nuk u përgjigjen.

the next, dje me replikën, në fakt këtë doja të vija në dukje: paragjykimin mbi çunat dhe përdorimin e loaded questions.

 

Une personalisht nuk shoh asnjefare problemi qe nje grup njerezish me ide te njejta, te mblidhen, diskutojne dhe botojne mendimet e tyre - per aq kohe sa nuk nxisin dhune fizike. Tek e fundit, kjo eshte dhe baza e demokracise.

E kam thene edhe me pare, cfare me le shije te hidhur eshte arroganca.

 

ja dhe keto "pietjet" po u jap nga nje pergjigje personale, sepse ne, ndryshe nga klikat berishiste, nuk kemi bere ndonje betim per koke te kryetarit, keshtu qe kemi ende te drejte te kemi mendimet tona personale.

Cfare  qendrimi keni ndaj Marksit dhe marksizmit?

Marksi si person me duket i cuditshem, ezmer dhe me mjeker te gjate. Ka shkruar shume, e per shume gjera, dhe per te gjitha ato qe kam lexuar kam nga nje mendim. Mendimi eshte i ndryshem per secilen.

Marksizmi eshte term qe sot eshte zhveshur nga kuptimi, per shkak te keqperdorimit. Propaganda amerikane dhe euroatllantike qe prej kohes se luftes se ftohte e ka perdorur kete term per te treguar kundershtarin politik, pavaresisht vendosjes se tij (ai mund te ishte madje antimarksist, gjithsesi etiketohej i tille). Ne kete sens duhet te besh te qarte se c'nenkupton me marksizem, qe te te them se c'mendim kam.

Vete pyetja "C mendim ke per Marksin dhe Marksizmin?" ka nje qasje fetare brenda, mistifikuese, a thua se marksizmi eshte fe e marksi profet. Ne rast se me marksizem nenkuptojme teorine e shtjelluar prej qindra shkencetareve e artisteve te medhenj, te pyesesh se c'qendrim ke ndaj saj eshte si te pyesesh "C'mendon per muziken klasike?" apo "C'mendim ke per algjebren?".

Po per Leninin dhe Stalinin?

Lenini dhe Stalini cfare? Me pyet nese do te te flas per gjyqet e Moskes, per paktin Molotov-Ribentrop, per marredhenien Lenin-Trotsky, per marredhenien Stalin-Trotsky, per vrasjet e luftes civile, per regjimin leninist, per regjimin stalinist, per materializmin dhe empiriokriticizmin, per marredhenien Stalin-Eisenstein, per letrat e dashurise, per teorine e shtetit, apo per poezite e Stalinit? Apo do te dish thjesht se c'mendoj une ne pergjithesi. Se ne pergjithesi mendoj qe kane qene burra me balls!

Po ndaj revolucionit proletar me dhune?

Revolucionit proletar me dhune? Kjo pyetje nenkupton qe ekziston edhe alternativa e revolucionit proletar pa dhune? Se do zgjidhja kete te dyten po te qe e mundur.

Une personalisht jam kunder dhunes, dhe mendoj qe ne paradigmen baze te te majtes qendron lufta ndaj dhunes!

Tek "Morali i tyre dhe Yni" Trotsky shkruante "a slaveholder who through cunning and violence shackles a slave in chains, and a slave who through cunning and violence breaks the chains - let not the contentible eunuchs tell us that they are equals before a court of morality!"

Keshtu qe puna e dhunes ka nevoje per analiza te metejshme, natyrisht qe jam kunder, por ndodhem i hedhur mes saj...

Sa per revolucionin e proletariatit, mendoj se nuk ka me proletariat ne sensin e asaj qe marksi nenkuptonte me kete fjale. Keshtu qe pyetja duhet shtruar me me shume seriozitet.

Po ndaj diktatures se proletariatit?

Mendoj qe eshte nje sistem teorik qe nuk eshte provuar ende te aplikohet. Mendoj se sot eshte edhe me i paaplikueshem, sepse mungon proletariati. Kjo s'do te thote se jam dakord me diktaturen Mafiozo-Punisto-Mediatiko-Bizneso-Berishiano-Ramiste.

Po ndaj prones?

Ne kete pike mendoj qe njerezit nuk duhen shpronesuar, por taksuar ne proporcion te asaj qe marrin prej shoqerise! Gjithashtu mendoj qe gradualisht duhen edukuar!

Po ndaj luftes se klasave?

Mendoj se po jetojme ne nje sistem te karakterizuar nga nje lufte e ashper dhe e mprehte klasash!

Po ndaj besimit fetar?

Jam agnostik, dhe kam pasion studimin e misticizmit. Gjithashtu mendoj se njerezit gradualisht duhen edukuar!

Po per  raportin shtet - individ?

Mendoj qe shteti duhet te marre persiper detyren e vet edukuese dhe zbutese derisa te tejkalohet situata e luftes se klasave, te arrihet uniteti social, decentralizimi (qe do te thote sovraniteti i shoqerise komunitare e jo i shtetit). Pasi ta arrije kete, shteti duhet te shkrihet ne menyre te menjehershme ne te gjithe boten.

C'mendoni per ""rrugen e trete" te socializmit te Tony Blair?

Mendoj qe eshte si puna e Mishit te Derrit me Sherbet Bakllavaje.

Cili eshte qendrimi juaj ndaj  diktatures komuniste ne Shqiperi dhe diktatorit shqiptar Hoxha? A i njihni krimet e komunizmit ne Shqiperi dhe a distancoheni nga ato?

I njohim krimet, dhe deklarojme qe nuk kemi patur te bejme me to. Distancohemi nga ato krime, ne solidaritet me viktimat. Ne te njejten kohe deklarojme qe ato krime nuk jane bere ne emer te komunizmit, por ne emer te pushtetit te nje klike njerezish te paedukuar, qe jane paraardhesit (jo ne sensin biologjik) te ketyre qe kemi tani. Gjithashtu distancohemi nga krimet qe po ndodhin tani, ne solidaritet me viktimat e sotme.

Cili eshte vizioni juaj per Shqiperine nese nje dite do e drejtonin mendje si tuajat?

Per kete duhet me te vertete te lexosh shkrimet, nese psh. ne kritikojme sistemin zgjedhor, dhe japim nje alternative, domosdoshmerisht ajo eshte vizioni jone, nese kritikojme sistemin e taksave dhe japim nje alternative, ajo eshte vizioni jone. Po perderisa ne nuk pertojme te shkruajme e te artikulojme, edhe ti po pate vertet deshire te njohesh se kush jemi, mos perto ti lexosh, se perfundon si spikeri pastaj, qe ka dy vjet qe ka shpetuar nga duart e infermiereve te cilat ende vazhdojne ta kerkojne per tetanozin.

Dhe e  fundit: a keni ndonje shtet te botes si model drejt te cilit do arrijme nje dite nese udhehiqemi nga idete tuaja, ndonje sistem ekonomik-politik te ndonje vendi te zhvilluar te botes apo modeli qe keni ne mendje ju do te kaloje neper rruge te reja eksperimentale  deri sa nje dite do krijoje precedentin?

Jo, nuk kemi asnje parajse per te premtuar. Kritika teorike e praktike ndaj kesaj qe kemi eshte e vetmja rruge drejt permiresimit. Premtimet per "Shqiperine si gjithe Avropa" i ke te dera tjeter.

Madje e di cfare, mos me pyet nje nga nje, se do te qe vertet lodhese. Sic sugjeron dhe Hurbineku, ulu, pervish menget, shkruaj nje artikull te gjere e te gjate, me pyetje te shtjelluara e specifike, dhe te jesh i sigurt qe do marresh pergjigje.

Sepse nuk i kemi fort qejf muhabetet e kafeneve.

Sol, nuk jam i sigurte se kesi lloj pergjigjesh ju ndihmojne. Megjithate, problemi juaj. 

As kesi lloj pyetjesh Hurbinek, as kesi lloj pyetjesh.

Ja me thuaj ti pershembull, c'mendim ke per "letersine lindore"?

Pyetjet jane te sakta, sol. Nuk di ku çalojne. Pyetjet jane brenda kuadrit te se majtes. Perderisa thoni se jeni te majte, publiku deshiron te dije ç'raporte keni me te djeshmen, te sotmen, dhe te ardhmen. Ku eshte vendi juaj ne kete te majte ?

Pyetjet jane te shkoqura, madje une mendova se ky do te ishte nje rast i mire per njohjen tuaj me nje publik te gjere. Sepse kur te lexoja qe saktivista ka kete apo ate qendrim ndaj diktatures se proletariatit apo dhunes revolucionare, mbase mund te vija edhe une me ju. Publiku kerkon pozicionimin e vet : me shkon mua pershtat kjo levizje apo jo ? Kaq e thjeshte eshte.

Pyetjet jane aty dhe meritonin vertet nje pergjigje serioze. Te thashe, pedagogjia nuk eshte diçka e keqe, sidomos nese kemi pretendime per te drejtuar ndonjehere. Pa pedagogji, pa aftesi shpjeguese, askush s'te merr vesh, sikur edhe Martin Hajdari ta kesh emrin.

O Hurbinek, e kam dhene pergjigjen per qendrimin ndaj diktatures se proletariatit, duke thene se a) nuk besoj se ka me proletariat b) duke thene se nuk besoj tek dhuna c) duke thene se shteti duhet te marre nje rol edukues me te forte d) duhen luftuar klasat (te cilat sot e kesaj dite luftojne njera tjetren) dhe e) kam thene qe me t'u bere keto, shteti duhet te shperbehet per t'i lene komunitetet te veteqeverisen ne menyre dinjitoze e qytetare. Mendova se me kishe lexuar.

Dhuna revolucionare eshte nje togfjalesh pa kuptim. Ta thashe qe jam kunder dhunes, por gjendem ne mes te nje kulture te dhunshme, qe ushtron dhune vazhdimisht ndaj meje e ndaj shoqerise. Strukturat aktuale te shoqerise jane te dhunshme. Pra mos prit nga une te te them qe do reagoj pa dhune (e cila nuk eshte aspak e barabarte me ate qe ushtron struktura ndaj meje). Ka dallim te madh dhuna per t'u cliruar dhe dhuna per te te mbajtur skllav.

Une e kuptoj qe mund te kesh deshire te provokosh, nuk ka asgje te keqe kjo gje. Por pergjigjet jane aty, nese dhe pyetjet e tua jane njesoj me te the-next.

Nuk dua te provokoj, aspak. Nuk me hy gje ne xhep nga provokimi. Ideja eshte kjo :

Edhe me pranimin qe keto pyetje do te ishin te formuluara keq, per hir te levizjes suaj, dmth per respekt ndaj saj, ti do te duhet te kishe dhene pergjigje te qeta, te rrafshta, dhe shpjegime te hollesishme. Qofte dhe duke thene qe kjo pyetje eshte e paqarte.

Sepse, ti shume mire thua qe dhuna keshtu e ashtu, por publiku kerkon te dije ne ç'rast kjo dhe ne ç'rast ajo. Duhet ta dije ç'pret nga ju, ose ç'mund te prese.

Je kunder dhunes, por ama nuk e perjashton dhunen. Atehere, a nuk te duket se kjo fjali kerkon shpjegime serioze, te hollesishme, ç'kupton ti me dhune te tjetrit ndaj teje, dhe tendes ndaj tjetrit ? Deri ku e sheh dhunen ti ? Dhe ç'forma mund te kete dhuna jote ?

Me kupton ? Ja keto gjera shoshiten nje nga nje, dhe njerezia e kane nje ide ku jeni dhe ku s'jeni. Sepse keshtu jeni si te padukshem dhe mund te na dilni nga njeri cep ne tjetrin, si OVNI, qe s'merret vesh ku zhduket dhe ku shfaqet.

Pyetjet jane te shkoqura, madje une mendova se ky do te ishte nje rast i mire per njohjen tuaj me nje publik te gjere.

Pikerisht or mik, kete ja kam thene edhe ne nje teme tjeter.

I thashe se eshte njesoj sikur Martin Luther King te dilte para turmes dhe te thoshte: "I have a dream.........but I don´t wanna talk about it"

Si mendon ti, a do te rrinte turma ta degjonte deri ne mbarim te fjalise se dyte, apo do te kthente majat nga thembrat dhe do ja mbathte per ne shtepi, atje ku eshte me ngrohte dhe ku sheh ndonje telenovele tjeter sipas preferences se vet?

ej a e kupton sa absurde eshte kjo qe thua? po mor mik, "we have a dream" if you want to put it like that, dhe shkruajme gjithe kohen per ate. Jane 250 shkrime aty. Nuk eshte faji jone qe e kemi endrren te detajuar qarte, e shume dimensionale, dhe nuk shohim endrra monokromatike. Ti tani me thuaj mua qe te vij e te te rishkruaj ne nje koment gjithe shkrimet qe kam bere? Edhe nje here nga e para? S'me duket hic e arsyeshme.

sol, problemi ndoshta eshte tek shumedimensionalizmi i paraqitjes se endrres.

250 shkrime, nuk mund te them qe i kam lexuar te gjitha, por kam lexuar shume prej tyre dhe konkluzioni im eshte qe jane shume shkrime ne linja te ndryshme, qe nuk japin konturet e qarta te te majtes tuaj, sepse dikush i meshon Marksit, dikush te reciton Badiou (maoist), dikush Chomsky, dikush te mban para hundes "gjenialitetin"e Naomi Klein, dikush qe te gjithe bashke.

Ndoshta eshte difekti i juaj fillestar, qe jeni nje trupe shumengjyreshe dhe nuk keni nje lajtide (ide udherrefyese), por nje mjegull idesh.

Ma provon dot, qe jam gabim?

Edhe pse nuk e kam synim jetesor te te provoj qe je gabim, qe ku dolem

Nuk besoj se askush nga ata qe shkruajne te saktivista eshte nxitur nga besimi qe ka te marksi, apo te badiou, apo te njeqind autore te tjere qe jane cituar, as frymezimi nuk rrjedh prej andej.

Besimi yne i vetem i perbashket eshte tek Logjika Racionale, dhe frymezimi rrjedh prej realitetit tone, qe eshte i yni, dhe jo i autorit x apo y. Qendrimi ndaj ketij realiteti na bashkon.

Pastaj do thuash ti pse i referohemi autoreve, e thjeshte fare more Pedro, sepse biem dakord me ate cka referojme. Pra te referosh nje ese te X nuk do te thote ta shpallesh X filozofin absolut e te pagabueshem qe ne adhurojme.

Ne nuk adhurojme askend.

mire sol, nuk dua ta kaloj tani tek e lagu apo nuk e lagu....

Une per veten time i kam dy grame tru, mjafton qe te te lexoj ty disa poste me lart, dhe e kuptoj fare mire se ku rreh.

Tani doja ti drejtoja dy fjale Leartit. Tek thua

Së pari të diskutosh mbi komunizmin do që për së paku të kesh lexuar për të, gjë që “kritikët” etiketues në shumicën e rasteve nuk e kishin bërë.

a nuk te duket vetja si dikush qe po flet ne ndonje rreth debatuesish, le ta themi franceze, italiane apo angleze, te cilet nuk ia kane idene komunizmit, se nuk e kane pare ndonjehere me sy, vetem sa studiojne teorirat komuniste nga librat.

Qe te debatoj une me ty, u dashka qe une te lexoj mbi komunizmin? Mos u bej qesharak! Une jo vetem kam lexuar mbi komunizmin, por edhe kam ngrene ne komunizem, edhe kam pire ne komunizem edhe kam marre fryme ne komunizem. Nese ti vetem ke lexuar mbi komunizmin, ti or mik, nuk je akoma ne lartesine time dhe te disa te tjereve, qe te debatosh mbi komunizmin.

Ashtu sic edhe thote Manifesti komunist: "Nje fantazme po endet mbi Europe: fantazma e komunizmit!"

Dhe kjo fantazme eshte si virusi i gripit, qe ti e mund vit per vit dhe ai kthehet po vit per vit dhe cdohere ne nje mutacion te ri.

Grupi rreth jush eshte mutacioni i rradhes i fantazmes.

 

Këto janë karakteristikat e të majtës në çdo vend të botës. E forta është që ju në këtë moment e trajtoni si dogmë të caktuar që duhet të konturohet shumë ngushtë në bazë etiketash (marksist, maoist, antiglobalist etj).

Huttingon te Clash thotë se: Pyetjes "kush jam unë?" mund t'i përgjigjem më drejt nëse gjej dhe kuptoj cili nuk jam, apo cilët janë të kundërtit e mi.

I majti është gjithnjë inovatori, ai që gjen dhe sfidon ide dhe mendime të reja. Përballë këtyre çunave psh, unë mund të jem ca i ndryshëm nga ta, por jam i majtë si ata. Njësoj si me kombet. Përballë fqinjëve jemi shqiptarë. Po ca nga Vlora, ca nga Tirana e ca nga Tropoja. Përballë aziatikëve jemi evropianë. Përballë marsianëve jemi të gjithë tokësorë etj.

 

Ja në më lejohet, ta them unë ku çalojnë...

Një të majti francez çfarëdo, do ia bëje këto pyetje me kaq lehtësi? ti mund të thuash, jo po historiku, jo po lidhjet, jo po diktatura komuniste. Dhe unë do të të thosha që këto lidhje janë paragjykuese negative dhe unë psh, nuk do doja që dikush të më paragjykonte negativisht pa më njohur. Unë madje do të të thosha më tej se nuk më intereson mendimi atyre që e kanë të nevojshëm paragjykimin kur përdorin llogjikën. Kështu tashmë topi luhet në gjysëmfushën tënde, siç do ti të vësh përballë provës, po të vë unë përballë provës time, edhe të them:

(pyetje si të tuat këto)

- A je ti kaq mendjehapur sa të konsiderosh çdo lloj ideje por që nuk predikon dhunën?

- A je ti aq i ndershëm intelektualisht sa të mos akuzosh, aludosh, konkludosh mbi njerëz që nuk i njeh?

dhe në rast se do të përfshihesh realisht me këta çunat psh:

- A ndan ti të njëjtat vlera morale dhe etike të larta me ta?

- A ndan të njëjtin botkuptim?

- A je, dhe sa je i gatshëm të japësh mbi këto ide të tuat?

(edhe pyetjet e mia, në thelb, janë paragjykuese ndaj teje. Por ama unë i jap të drejtë vetes ta bëj aq sa i jep ti, në të njëjtin nivel).

Atëherë, çfarë bëhet Hurbinek, a dalim gjëkundi?

  Për mua nuk del asgjëkundi me deklarata të momentit, vetëm duke pohuar dhe mohuar. Këto debate, janë si një pazar i madh idesh. Dikush vendoset brenda, dikush jashtë tyre, dikush në tentativë për të blerë dhe dikush në tentativë për të shitur.

Ajo që sugjeroj unë, është të lihet një zonë gri "no man's land", e zhveshur nga paragjykimet, aludimet dhe insinuatat dhe siç ndërtojnë këta çunat profilin politik të tyre me kohën dhe me shkrimet, ashtu ndërto dhe ti qëndrimin tënd ndaj tyre.

 Të gjitha pyetjet tuaja, janë produkt presupozimesh dhe paragjykimesh. Çunat bëjnë mirë që nuk u përgjigjen.

problemi eshte qe çunave u shqeteson imazhi ose pershtypja qe lene tek te tjeret. duan te dine sesi duken nga larg, çfare paraqitje kane (qesharake apo serioze) ngaqe u mungon si duket pasqyra ose imagjinata per ta pare veten e tyre vete, ose per ta vene ate ne kontekst te jetes shoqerore te vendit.

ndryshe nuk do t'u binte ne mend te benin nje artikull te tille.

ncuk. për mendimin tim, çunat "kanë dalë për gjah" me këtë artikull.

Në këtë mbasdite dhjetori, ia vlen të gjuash ca concerned trolls.

 

 po te jete keshtu, vetem sa rrejne veten.

ne fakt nje grupi(mi) te forte, qe ka bindje te forta tek ato qe beson apo qe ka per ideal, i mafton vetvetja (energjia e mbrendshme i del e i tepron).

nuk ka pra pse del per gjyeti shtrigash, ose per te bere buje, ose per tu bindur qe ekzistojne, ose.... ose .....

 

 

me ne fund  erdhi dhe pergjigja  e kerkuar. askush nuk vdiq e nuk pesoi gjesendi  nga  te pergjigjurit. ne si publik perfituam nje vizion te perafert  nga  imazhi i saktivistes sipas vete fjaleve te tyre. nuk e di se ne c'mase e perfaqeson nocturni saktivisten ne nje dialog  dhe bashkebisedim te tille.

pra  pergjigja e permbledhur e nocturnit ne lidhje me disa pyetje qe une i drejtova saktivistes  dhe saktivisteve eshte kjo:

1- marksizmi eshte keqperdorur nga amerikanet  dhe euroatlantiket.

2- pavaresisht se permend nje sere bemash  te tyre (te mira apo te keqia kete nuk na e thote) nocturn mendon se Lenini dhe Stalini  kane qene burra me balls.

3- eshte kunder dhunes por  i frymezuar nga  nje "pacifist" te shquar si Leon  Trocki shton se nuk e perjashton dhunen ne reagimine tij ndaj kesaj shoqerie  (apo shteti  donte te thoshte) te dhunshem, nje dhune e vazhdueshme kjo.

4- sistemi  teorik  i diktatures se proletariatit  sipas nocturnit nuk eshte aplikuar akoma  ne bote  dhe per momentin eshte e paaplikueshme si pasoje e mungeses se proletariatit.

5- njerezit nuk duhen shpronesuar por duhen  taksuar ne baze te asaj qe  ata  marrin nga shoqeria

6- lufta e klasave ekziston  dhe eshte shume e ashper  dhe e mprehte.

7- besimi fetar  arrihet me ane te edukimit te njerezve

8- jam per nje shtet  qe te punoje per zhdukjen e luftes se klasave  deri ne arritjen e unitetit social, decentralizimin dhe pastaj shkrirjen e shtetit ne  gjithe boten.

9- rruga e trete per ne socializem e Tony  Blair  eshte si mish  derri me sherbet  bakllavaje persiper

10- diktatura ne Shqiperi nuk ka qene komuniste por e nje klike njerezish te paedukuar. krimet e saj nuk jane krime te bera ne emer te komunizmit por te klikes  se paedukuar.

11-solidarizohet me viktimat e diktatures se klikes  dhe po ashtu edhe me viktimat e dhunes se sotme  shteterore.

12- nese nje dite saktivista  do te drejtoje shtetin  do kete si vizion nje Shqiperi me te mire.

13- nuk kemi asnje model dhe nuk premtojme asnje parajse

 

pra kjo eshte esenca e pergjigjeve te nocturnit. tani  kemi nje tabllo me te qarte tuajen  saktiviste. mire do ishte qe te ishte nje tabllo e unifikuar  e perfaqesuese  e ideologjise se Saktivistes  ne lidhje me pyetjet e bera nga une dhe Hurbinek e ndonje tjeter . e them sepse  nuk dua te tingelloje i personalizuar dialogu qe mund te pasoje. nuk i vlen publikut nje dialog i personalizuar.

nocturn  para se te dialogojme ne lidhje me kete topic  ne driten e pergjigjeve te tua  doja te te dija nese i kam paraqitur sakte dhe te pa deformuara pergjigjet e tua apo duhen rishikuar. dhe nese je i gatshem per nje dialog-bashkebisedim  ne lidhje me kete topic  le ta bejme me gjak te ftohte pa rremuje dhe duke i marre ceshtjet e diskutueshme  nje nga nje  dhe jo en bloc. edhe administratoret  e blogut mund te ndihmojne duke lejuar sa me pak nderhyrje qe nuk ndihmojne dialogun.

 

sol, nuk besoj se deshmon ndonje pjekuri te madhe, me keto qe po nxjerr nga goja.

Une kujtova, se kisha te beja me njerez, qe kane dy gram kulture dhe mend ne koke, por qenkam gabuar. Qenka nje tufe kalamajsh, qe i paska mbledhur bashke vetem gjaku i nxehte, ku sic thote edhe Qafir Arnauti, i mbledh me teper seksi, se ai behet me i mire kur ndihesh revolucionar.

Shendet e te mira e ja pafsh hajrin rruges qe ke nisur!

S'duhet tu ishe përgjigjur. Nuk u hidhet ushqim qenve. smiley

 

nocturn nqs fjalia e mesiperme ka lidhje me komentin tim do te me beje te mendoj  qe ti zoteri po kalon nje krize te forte identiteti politik. se qe nje komunist si ti  te kerkoje shpetim te Hitler nuk ka si shpjegohet ndryshe. apo  dyzimi i personalitetit brenda teje eshte nje miniature e paktit Molotov - Ribentrop?

nqs nuk ka lidhje me komentin tim te kerkoj ndjese paraprakisht.

Ca behet ketu mor hahahhhh  ca gallate, edhe komuniste por edhe pro prones private ???

 

 

 

 

 

 

 

Po ndaj prones?

Ne kete pike mendoj qe njerezit nuk duhen shpronesuar, por taksuar ne proporcion te asaj qe marrin prej shoqerise! Gjithashtu mendoj qe gradualisht duhen edukuar!

Vallahi keta duhet te kene nje krize te forte identiteti. Ketej ne France i kane karakterizuar mire keta tipa me ate frazen " edhe kunder luftes edhe per revolucion" .

O shqipe ose ju s'jeni komuniste po jeni socialiste, ose keni dale ketu per te mashtruar njerezit. Kjo e dyta eshte me e mundshme po te kihet parasysh edhe  ai shkrimi i meparshem i sjelle ketu.

kto jane te majte jo  domosdoshmerisht komunista

O gjergj rri mos u ngaterro me keto muhabete se ja te fella.Ti ngaterro Komunizmin me leninizem-stalinizmin .Rri menjane degjo mu, shif mu qe sngaterrohem ne gjona qe sdi me dhone xhevap.

Ndonjehere robi tregohet me i zgjuar kur se hap gojen

Une ngaterroj komunizmin me leninizem ... ??

 

Ca thua mor, C'fare dmth Komunizem njehere, a e di ti c'fare dmth komunizem ??? ??

po kapitalizem c'fare dmth ???

Po kur se di pse po me thua atehere qe i ngaterroj ?? 

Po pra nga e do ta filloj nga teoria e akumulacionit te kapitalit apo qe nga fillimi nga merkantilistet dhe Colbertistet.

Lere ate muhabet se per ekonomi e kam mbaruar shkollen ketej, dhe pastaj vetem perkthe c'fare dmth komunizem ne shqip dhe e kupton vete ca dmth komunizem. 

 

Ndryshimi midis sistemit komunist dhe sistemit kapitalist eshte pikerisht menyra se si trajtohet prona. Nuk mund te jesh edhe komunist edhe per pronen private. Ky qendrim eshte ose gafe e madhe ose mashtrim i madh.

Po ta permbledhim me pak fjale debatin e zhvilluar vecanerisht ketej nga fundi i temes njerezit e ketij blogu (saktivistes), jane puro komuniste por te turperuar dhe i tremben reagimit te opinionit qe mund te lexoje ketu po te flasin hapur per idete e tyre. Pergjigjet e dhena jane me raste lojra fjalesh dhe me raste kontradiktore. Dielli i tyre mbetet komunizmi, por e kane te veshtire edhe prej trysnise te na "ndricojne" edhe ne te tjereve qarte me rrezet e tij dhe kam pershtypjen qe edhe vete aktualisht ndodhen ne nje paqartesi dhe krize ideologjike dhe veshtiresi per t'u profilizuar qarte. Here na shfaqen si kozmopolite, here si nacional-komuniste, here flasin si social-demokrate dhe here si bolshevike. Megjithate me lejoni te them vetem pak fjale per t'i vene kapak, sistemin social-politik dhe ekonomik te perendimit komunizmi dhe asnje derivat i tij nuk e konkuron dot me. Mbaroi. Ky eshte fundi i historise. Per ate se cfare mund te sjelle e ardhmja si rival te ketij sistemi, edhe mund te flasim por s'eshte ketu tema.

Respekte!

si kuptohet kur njoni eshte komunist?

 nga mosha. po te jete i ri dhe borgjez, eshte loqe.

po ashtu po te jet plak komunist, eshte loqe.

 

dmth, nje njeri normal, i ri eshte kamunist, mesoburre eshte liberal, ndersa plak behet borgjez. 

Nje ide konkrete mbi te majten e Saktivistes eshte dhene me kohe ne nje artikull te prure ketu.  Artikulli eshte i gjate por po shkepus vetem ate pjese qe ka lidhje me idene/hipotezen e nje te majte shqiptare:

CILA ËSHTË FORMA QË DUHET TË NDJEKË NJË HIPOTEZË  E MAJTË.

Do më lejoni që të jem fare pak arrogant, duke pretenduar që mund të jepen zgjidhje në formë tablete. Për të sqaruar titullin e mesipërm, sygjerimet që vijojnë janë një diskutim, që për mendimin tim të majtët në Shqipëri duhet të fillojnë ta hapin me njëri-tjetrin, për të kuptuar se cilat janë pozicionet reale, dhe se cilat janë pengesat për të arritur në një ringjallje të idesë së majtë në një Shqipëri që çdo ditë që kalon po shkon drejt një sistemi të individualizmit fashist, ku strukturat i shërbejnë egove të liderit përkatës

Kjo është lufta që del përpara, lufta për liri, e cila për herë të parë që prej rënies së sistemit totalitar në Shqipëri duhet filluar e duhet vazhduar deri në fitoren përfundimtare.

Së pari, në krijimin e hipotezës së majtë është e dmosdoshme që të fillojnë të diskutohen parimet kryesore si liria, hapësira publike dhe çlirimi i territoreve të mendimit të pavarur. Çfarë nënkuptoj me këtë?

Së pari duhet që këto nocione të rifitohen nga pushteti komerçial i medias i cili i lidhur me biznesin që furnizon dhe kontrollon politikën, nën flamujt e neo-liberalizmit (që më shumë se liberalizëm është kolonializëm), e ka bërë të pamundur fabrikimin dhe perçuarjen tek publiku të ideve novatore apo ideve që nuk janë blerë tashmë nga ndonjë biznesmen.

Liria fillon nga heqja dorë prej pushtetit politik, në këtë formë do të mund të krijohej një atmosferë revolucionare. Duke përjashtuar veten nga format klasike të organizmit si parti politike klasike, apo si OJQ, ne krijojmë atmosferën e duhur për të ndërtuar lirinë e mendimit të komunitetit që përfaqësojmë. Në këtë formë krijojmë lirinë që nuk përpiqet (nën këtë terror përditshmërie) të prodhojë individin apo grupin e suksesshëm, por ka si princip krijimin e lirisë te komunikimit e të krijimit të mendimit.

Sot liria universale e mendimit është e pamunduar, dhe nuk ka ku krijohet. Në universitete, rrethuar nga kafet me muzikë të lartë, ndërtuar nën një format diktatorial kreditesh e mendimi të fotokopjuar sipas gustove te kujtdo pedagogu, sot centralizohet liria e mendimit dhe transformohet studenti në një qenie pa ambicje, servile dhe të
budallallepsur.

Në refuzimin e institucioneve të manipulimit të dijes si gazetat e përditshme, lajmet e televizioneve dhe printimet universitare, e kemi më të lehtë të absorbojmë lirinë e mendimit të pavarur. Duke refuzuar format klasike si partitë apo organizatat, e kemi më të lehtë që të mos joshemi nga pushteti strukturor, e të vazhdojmë përpara në besimin tonë. Vetëm në këtë mënyrë do të mund të plotesojmë kushtin e parë, atë të fitimit të lirisë dhe krijimin e komuniteteve horizontale që bashkohen në një besim e jo në një përfitim strukturor.

Refuzimi i strukturave klasike na sjell përpara një problemi kryesor, si do të jetë organizmi i ri? Pikërisht ajo që individit i vjen në mënyrë më të natyrshme, “shoqëria”, që në këtë rast nënkuptohet si forma transhendentale e konceptit “shok, shoqe”, në kalimin e një faze më të gjerë, pra krijimin e “shoqërisë sociale”. Në jetën tonë të përditshme ne shoqërohemi me të njgjashmit, e vendosim të shpenzojmë kohë me ata njerez që ndajne me ne të njejtat besime dhe ide. Duke e transformuar këtë strukturë nga një hapësirë kalimi të kohës së lirë, në një organizim politik, atëherë forca dhe solidariteti që e karakterizon do të jetë me e fortë se cilido institucion me sasi të mëdha parash.

Sot ne mund të lidhemi me njëri-tjetrin nëpermjet internetit, duke krijuar kësisoj një alternativë horizontale nën bashkësinë e krijuar mes “shoqerisë” fillestare. Një grup shokësh nga Korça që ndajnë një parim politik të majtë e ka më të lehtë që të bashkëveprojë me një grup nga Gjirokastra me të njëjtin parim, sesa me një grup që jeton në Korçe por që ka të tjera qëndrime. Problemi më i madh sot me grupet e
majta është të ndjerit i margjinalizuar në qytetin apo lagjen ku jetojnë, për këtë arsye ajo çka duhet të bëjmë nëpërmjet komunikimit me të njgjashmit tanë në qytete apo lagje të tjera është shkëmbimi i informacionit që do ta zhdukte problemin e hapësirës trysnuese gjeografike, duke e zhvendosur diskursin në hapësiren ideore.

Revolucioni teknologjik e ka bërë të parëndësishme afërsinë gjeografike dhe i ka dhënë më shumë shanse afrisë ideore. Kjo në Shqipëri nuk është sa duhet e kultivuar kështu që është detyra jonë ta trasfomojmë në një armë të rëndësishme për krijimin e hipotezës së majtë në Shqipëri. Në këtë mënyrë arrijmë të ruajmë lirinë tonë, dhe krijojmë hapësirën publike, komunikimin horizontal që ka interes të vetin vetëm dhe ekskluzivisht forcimin e lidhjeve mes të njëllojtëve në ide, dhe trasformimin e individëve apo grupeve të vegjël të të njëjtit mendim në një lumë individësh, që do të përbënin komunitetin e parë të lirë në Shqipëri, e do të krijonte territorin e parë të çliruar nga Pushteti-Media dhe Politika.

Është e dosmodoshme që intelektualët majtistë progresistë të fillojnë të organizohen, që të ndërtohet një komunitet i tillë. Përfshirja e artit dhe e mendimit politik është e domosdoshme. Në kushtet ku asnjë mendim dhe asnjë ide nuk prodhohet, krijimi i një infrastrukture të lartpërmendur jep mundësinë e përfshirjes qoftë dhe individuale të intelektualëve të ndryshëm që do të ishin të gatshëm të përbënin avantgardën e kësaj lëvizje në Shqipëri.

Vetëm nëpërmjet mendjes dhe alternativave intelektuale dhe energjisë organizative të rinisë, do të mund të krijojme frontin e parë të rezistencës ndaj trysnisë së pushtetit të parasë që përditë e më shumë bëhet arrogant. Krijimi i një fronti të tillë jashtë parlamentar dhe jashtë strukturor, do të kanalizonte në diskursin publik problemin e shkatërrimit me qëllim të fshatarit shqiptar, e për pasojë, të tokës së tij, shitjen e çdo aseti publik me tendera të manipuluar, shkatërrimin përfundimtar jo vetëm të shkollës së mesme dhe fillore por mbi të gjitha të universiteteve, favorizimin e enteve private në dëm të publikëve në shëndetësi e në çdo hapësirë publike.

Sot më shumë se kurrë është e domosdoshme që të identifikojmë njëri-tjetrin dhe ta trasformojmë forcën tonë nga një qaravitje kafenesh në një front serioz i cili do të ndalonte trysninë e pa fre të të pushtetshmëve në Shqipëri. Vetëm nëpërmjet këtij fronti horizontal që bashkohet në ide, mund të krijojmë lirinë tonë, hapësirat tona publike, territorin tonë të parë të lirë, vetëm në këtë formë do të mund të materializonim ëndrrën e përbashkët të të jetuarit një jetë me dinjitet njerëzor, nëpërmjet kësaj sjellje do të mund ta vinim zhvillimin ekonomik në shërbim të njerëzve dhe jo njerëzit në shërbim të zhvillimit ekonomik.

Një hipotezë e majtë endet si re mbi kokat tona, e vetmja mënyrë për ta parë është që të ngremë sytë lart e të fillojmë të ëndërrojmë për një botë më të mirë, sepse një botë më e mirë është e mundshme.

Shoqe dashamirese apo pjesetare e saktivistes, e ke lexuar kete me siper apo jo? Ne kete shkrim nuk jepen sqarime per pozicionin e tyre ne Te majten apo hipotezen e majte qe propozojne, por jepet apo me mire shprehet deshire per nje menyre ose metodologji apo forme (ekstremiste) per te ndertuar hipotezen e majte. Pyetjet me karakter ideologjik dhe programor qe kane bere parafolesit nuk sqarohen ketu. Nese ke deshire t'i mbrosh beje me mend ne koke jo thjesht per te shenuar emrin.

Ne Shqiperi nuk ka asnje mundesi qe idete marksiste dhe bolshevike te ketyre te saktivistes apo te kujtdo tjeter te marrrin vemendje dhe perkrahje. Shqiperia eshte velur nga komunizmi, bile eshte peshtirosur nga ai. Shqiperia megjithe problemet ne periudhen kalimtare nga totalitarizmi ne demokraci, sot ka bere progres, eshte pjese e botes perendimore ne Nato dhe shume afer BE. Filozofia e te Djathtes ne Shqiperi ka triumfuar me kohe, vrapimi pas totalitarizmit apo ideve qe pjellen kete i ketyre te rinjeve nuk mund ta kuptoj tjeter vetem si nje trill rinor, dicka per t'u dukur ndryshe. Edhe komunistet ne vitet 30 merreshin me pune perkthimesh te shkrimtareve te bolshevizmit dhe propagande leniniste per "mjerimin" dhe "klasen shtypese", por atehere koha dhe rrethanat e benin me te mundshem suksesin, jo vetem ne Shqiperi por edhe ne vende te tjera, ndersa sot komunizmi eshte zberthyer ne detaje, sado te mos flasin hapur saktivistet dhe t'i marrin gjera me "prioritete", sot ky prioritet dhe neser ai tjetri, deri ne triumfin total te revolucionit, nuk mund te genjejne njeri. Hypni ne anijen e te djathtes, kemi harte, ekuipazh dhe destinacionin te konfirmuar, ose hypni ne gomonen e Rames dhe aty do te gjeni edhe keta te saktivistes me tollumbace qe perpiqen ta mbajne mbi uje, por me kot.

Sol,

Qe ka te rinj qe i futen politikes, sinqerisht me vjen mire. Pavaresisht kahut nga ia mbajne. Politika eshte menyra e vetme e derisotme per te drejtuar nje vend. Jo dhuna, as anarkia. Politika vjen dhe nga polis, qytet, por ka lidhje me polite, i sjellshem, ngaqe mendohej se nje njeri pjesetar i qytetit kishte menyra te sjellshme.

Shkurt, togfjaleshi "politikan i dhunes" eshte nje oxymoron. I sjellshmi i dhunshem, kjo s'ben.

Me nje fjale, kur dikush i hyn politikes, ai heq dore automatikisht nga dhuna : çfaredo qofte ajo, e rruges, e bombave, e malit, apo e sabotimit.

Eshte pushteti ai qe te ligjeron dhunen. Vetem shteti ushtron dhune, thjesht ngaqe ajo eshte e ligjshme. Pushtetar eshte nje politikan i sjellshem qe ka fituar zgjedhjet. Ne çastin e zgjedhjes, politikani qe behet pushtetar merr ne dore çekiçin qe vete populli ia jep ne dore. Kjo, per hir te bashkejeteses ne shoqeri.

________

Mua me erdhi keq qe debati vajti keshtu sepse kishte shume mundesi te tjera. Nuk eshte turp te jesh socialist, komunist apo anarkist. Turp eshte te mos marresh persiper ate çka je. Nese levizja ime eshte anarkiste, atehere une duhet te kem aq kurajo sa te them qe eshte e tille. Kur i hyj nje udhe, i marr parasysh te gjitha : rreziqet dhe pasojat.

________

Pyetjet qe t'u shtruan, eshte e natyrshme qe ato t'u bene nga nje i djathte, psh nga une dhe "the next"(nese e kam kuptuar mire). Por t'u bene dhe nga te majte, nga Pedro psh. Me nje fjale, nuk ishte çeshtje ujqsh apo qensh, por ishte thjesht deshire per te marre vesh me mire. Sigurisht qe une nuk jam dakort me kahun tuaj politik, qofte dhe duke u nisur nga logoja e gazetes, ku dallohen qarte : ylli, draperi dhe çekani. Te tre keta simbole, une kam kohe qe i shoh ne rruget e Gjenovas, Seattlit, Kopenhagenit apo Stockholmit. Jane altermondialistet, qe kane marre tashme nje profil tip : shkaterrues.

Tipologjia e tyre, sipas meje, eshte pak a shume kjo :

- te rinj antiamerikane.

- te rinj antisemite, por antisemite te majte (dhe jo naziste).

- te rinj te droguar (hashashi eshte me i perhapuri ne grumbullimet e tyre)

- te rinj romantike, te dhene pas Che Guevares.

- te rinj ne pergjithesi ne nje situate jo te mire ekonomike, perveç atyre qe flene ende tek mami dhe babi.

- te rinj qe kane nje veshje dhe simbole te tyret, psh : floke me rrica, shalle te Intifades, foto te Che Guevares, pantallona te gjera qe iu rrine poshte tuleve, dhe hashashi ne qese llastiku.

Keta te rinj, me ç'shohim kendej, nuk kane kurrfare veprimtarie politike, por jane thjesht shkaterrim per shkaterrim, zbatim i metodave trockiste te dhunes, gueriljeve, etj.

Para ca kohesh, ca te majte te tille, qe ishin nga familje te pasura, pa asnje problem jetese, por te ideologjizuar ne kulm, filluan te kryejne akte sabotimi ne shinat e SNCF, derisa arriten te krijojne goxha probleme, dhe madje gati katastrofa (kur u zbulua nje hekur i vene ne filet elektrike te trenit - se nuk i di mire une keto pune).

____________

Kam pershtypjen se kjo nuk eshte rruga juaj. Perndryshe do te me vinte shume keq. Rinia nuk shpenzohet ne kete menyre. Leximet e ideologeve jane shume mire, por duhet ama te perzgjidhen keta ideologe. Fakti qe ju zgjidhni majtiste ekstreme, do te thote se ju aderoni ne idete e tyre. Me vjen keq, por zgjedhja qe keni perpara eshte me e gjere se kaq. 

Nje filozof te nderuar, qe une e di per majtist, eshte Edgar Morin. Nuk do te me vinte aspak keq nese do te merreshit me te. Ose dhe me Jurgen Habermas, edhe ky i majte. Filozof i madh, i respektuar, dhe me mendime te vlefshme.

Por te shkoni pas figurash "sulfuroze" si Badiou, sinqerisht nuk e kuptoj. Une kam menduar se ne Shqiperi nuk do te kishte me ekstremiste te majte, qofte dhe te shkolluar. Mendoja se me zhdukjen e brezit e vjeter te komunisteve te zellshem te PPSH, do mbaronte kjo histori. Por nuk mund ta mendoja qe ne Shqiptaret do te na duhet te bejme ende kujdes nga ekstremi i majte.

Pyetjet qe t'u bene ishin vertet te sakta, te drejta, te hapura. Megjithese vinin nga nje kundershtar politik, ato e meritonin te merrnin pergjigje. Megjithate, mbase kjo do te vije me vone.

Kalofsh mire. 

Pyetjet qe t'u shtruan, eshte e natyrshme qe ato t'u bene nga nje i djathte, psh nga une dhe "the next"(nese e kam kuptuar mire). Por t'u bene dhe nga te majte, nga Pedro psh.

Kisha ndermend te mos postoja me ne kete teme, pasi e quaja te ezauruar. Por nuk me rrihet te saktesoj dicka; une nuk tendoj nga e majta, madje veten e konsideroj te djathte te qendres, pavaresisht se ne kuadrin e rrjeshtimit te partive politike ne Shqiperi nuk e gjej veten ne asnje nga ato qe e quajne veten te djathte, thjesht prej faktit, qe ne Shqiperi akoma nuk ka parti te djathte te qendres. Me fjale dhe te vetequajtura te djathta ka shume, por ne praktike asnje nuk eshte e tille, qe te gjitha ndajne hemisferen e majte.

He dolen pergjigjet sic ju thashe apo jo, qe marksizmi dhe komunizmi duhet sipas tyre ri-gurzmeriluar dhe aplikuar si duhet, jo gabim sic u aplikua anembane botes per gjysem shekulli, cuditerisht gabim nga te gjthe? smiley

Keta keto gjera i kane thene dhe me pare, sidomos ne komente te ndryshme mbi politiken, po juve s'jane keni vene veshin.

 

Nuk eshte turp te jesh socialist, komunist apo anarkist. Turp eshte te mos marresh persiper ate çka je.

Ne fakt eshte dhe e para, shume biles. Mund te mos jete ne nje vend qe s'ke ka provuar kurre komunizmin dhe eshte nje nga shume gjerat 'egzotike' qe provon ndonje i ri, sidomos meqe andej komunizmi eshte hasur vetem s teori. Po jo tek ne. Si thone, mos kujto litar te shtepia e te varurit, dhe keta e dine mire kete, se vertet jane komunista, po s'jane hajvane, jane cuna te qut.

Dhe prandaj i tremben si djalli temjanit daljes hapur, dmth ata jane mjaft hapur ne shkrime e qendrime, po hapur qe ta pranojne me gojen e tyre dhe ti pergjigjen pyetjeve tuaja pa lojera fjalesh, ndaj vazhdon ky valsi me juve (apo tango? lol) tip po ja shko lexo 250 shkrimet tonaj, apo po varet ca kupton me marksizem, po marksi e kishte leshin te gjate, po varet ca kupton me komunizem, etj.

Si te pyesesh dike nje diskutim me subjekt fiziken se ca mendon per Ajnshtajnin dhe teorine e relativitetit dhe te thote qe se pari ai kur u plak kishte thinja dhe floke bubuxhele, ngiste bicikleten, po dhe i binte violines, dhe shkonte dhe per peshk here pa shere. Ore po per fiziken e kisha fjalen te thote tjetri, se per ate eshe i njohur ai jo per bicikleten. E per fiziken s'them dot tamam se varet ca kupton me relativitet, se eshte relative nga vete fjala, sidomos kur aplikohet keq teoria e tij. Po ja lexo artikujt dhe e kupton. smiley

http://www.peshkupauje.com/2009/11/blogo...

PS-ja do të vazhdojë të jetë një perfaqësuese e borgjezisë tregtare dhe e të pushtetshmëve e të pasurve, kjo është rruga që PS ka marrë nga vitet 2000 e këtej, pra e ka lëshuar vullnetarisht idenë e të majtës. Është e pamundur që të majtët në Shqipëri të arrijnë të shohin aspiratat e tyre për një të majtë nën ombrellën e asaj partie.

Besoj kjo duhet te sherbeje si pikenisje e debatit me saktivistat: Cilat jane diferencat e tyre me programin dhe platformen aktuale te PS e cila, sipas tyre, nuk perfaqson me aspiratat e te majtes ne Shqiperi.

Eshte  me konstruktive dhe me konkrete sesa inkursionet teorike dhe kersherite per  mjekren e Marksit, llullen e Stalinit dhe bereten e Che guevares.

Nje kundershtar i mire dhe dinjitoz nuk mer rolin e prokurorit me nje liste pyetjesh ne dore por ulet, njihet me  pikpamjet e tyre dhe i rrezon ose etiketon (si marksiste, maoceduniste, anarkiste, neomarksiste, socialiste etj.) ato mbi bazen e argumentave.

Te gjykosh nje levizje , nje grupim ne terrenin shqiptar, me ane te simboleve te gjithfare grupimeve qe enden sot neper bote, ti paragjykosh ata per nga veshja, menyra e krehjes se flokeve dhe mbajtjes se pantallonave, eshte , nga pikpamja mentale, nje kthim mbrapa tek plenumi IV, dhe, nga pikpamja praktike, nje perpjekje per diskreditimin  e nje kauze  me te cilen mund te mos jesh dakord.

 

Te gjykosh nje levizje , nje grupim ne terrenin shqiptar, me ane te simboleve te gjithfare grupimeve qe enden sot neper bote, ti paragjykosh ata per nga veshja, menyra e krehjes se flokeve dhe mbajtjes se pantallonave, eshte , nga pikpamja mentale, nje kthim mbrapa tek plenumi IV, dhe, nga pikpamja praktike, nje perpjekje per diskreditimin  e nje kauze  me te cilen mund te mos jesh dakord.

Or ti shoko jo-komunist. smiley

Nese ne Gjermani nje grup politik do kishte retorike te ngjashme me nazizmin dhe do i referohej here pas here Hitlerit pozitivisht, normal njerzit do deshin te dinin (nese do i merrnin ndonjehere sadopak ne konsiderate, qofte per debat apo qofte dhe si muhabet kafesh) ca qendrimi kane keta ndaj Hitlerit dhe nazizmit, se kur digjesh nga qulli i fryn jo vetem cdo gjelle qe ngjan me qullin, po dhe kosit, sic eshte shprehja.

Tani keta sakvistat kane thene dhe thone keto gjera per marksizmin, komunizmin etj, nuk ka nevoje ti "paragjykojme" ne se shprehen vete ashtu.

Ti del tani si me katolik se papa dhe na ben moral demokracie (cuditerisht juve (jo)komunistet jeni shquar gjithmone per moral demokracie ndaj neve te tjereve smiley) dhe na thua mos paragjykoni njerzit per gjerat me te cilat ata vete identifkohen si te tille. Si te thuash mos e paragjyko si boothq*re nje mashkull thjesht se ai thote qe ja ka qefi ta beje me cunat. smiley

Kot per muhabet kjo e, jo se keta kane aq rendesi ne jeten politike shqiptare apo diskurset politike popullore (with all due the respect) sa komente jane bere ne kete teme dhe vemendje i eshte kushtuar ketu tek Peshku. Po kjo sterzgjatje komentesh ka ardhur pjeserisht nga disa qe i kane mare seriozisht ne debat dhe duan te dine ku qendrojne ne kete pike dhe te tjerat, dhe shume  te tjera qe kane bere replika ndaj komenteve te tilla futjasikaupeliste, si ne kete rast ndaj komentit tend.  smiley

Bo-bo-bo dhe te gjitha keto ne shqip smiley

Hajt mo, te gjithe e kemi kalu nga i fazë te tillë smiley

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).