Na duhet të r(r)uhemi përditë...

1 – Jemi “seksi i fortë”. Edhe jetojmë mesatarisht shtatë vjet më pak sesa “seksi i dobët”

2 – Mendojeni: Plot shtatë vjet jete më pak(!) se seksi i dobët.

3 – Dhe vetëm këto shtatë vjet mjaftojnë që të bjerë poshtë miti i shfrytëzimit të grave prej burrave. E ku është parë që të shtypurit të jetojnë më shumë se shtypësit?

4 – Vetëm në dukje, - parë nga jashtë thuhet se është shfrytëzim. Kjo moj zonja të nderuara, është shpikja juaj! Provokoni, njësoj si terroristët provokojnë diktatorët dhe pastaj e shfrytëzojnë alibinë për ta kthyer në revolucion mbarëpopullor. Kështu edhe ju, na pagëzoni “shfrytëzues” me qëllim ndërtimin e terrorizmit të ndjenjës së fajit.

5 – Nuk ka më të madh shfrytëzim, sesa ai i ndjenjës së fajit!

6 – Burrë do të thotë fajtor! Për gjithçka.

7 – E filloni shpërndarjen e ndjenjës së fajit (viktimizimit) në rolin e nënës. Dhe më pas vazhdoni si motra, të dashura dhe gra.

8 – Nga të gjitha monopolet botërore, nuk ka më të keq se ai i ndjenjës së fajit. Dhe këtë monopol e keni vetëm ju!!

9 – Kjo ndjenjë faji na këput shtatë vjet! Është kjo ndjenjë faji që të bën me zemër dhe diabet!

10 – Për shkakun tuaj... ndjehemi gjithnjë fajtorë! Që nga momenti kur nuk e veshim bluzën (Vishe se do mërdhish, të keqen mamaja! Vishe se më vdiqe!!) deri në momentin kur vdesim (Pseeee!! Pse vdiqe e më le vetëm, oiiiiiiiii!)

Kështu na duhet gjithnjë tu kërkojmë falje!

11 – Fajtorë kur ju pushtojmë, (ju mbisim).
Kur nuk ju prekim (indiferentë).
Kur jetojmë vetëm (unë kam dhënë jetën për ty!),
kur jetojmë me prindërit (ça lesh burri je ti?).
Kur martohemi (të kam dhënë vitet e mia më të mira!)
Kur nuk martohemi (lëre fare këtë!)
Kur bëjmë seks me ju (më gënjeve! Më mashtrove!)
Kur nuk bëjmë (oh lëre... ! Mos mbaj më pantolle)
Kur sillemi me edukatë (ça pederi!)
Kur nuk sillemi (ça kafshe!)
Dhe bobo, le të mos e përmendim kur gjatë aktit bën vaki e nuk ndodh tu vijë teta Orgazma për vizitë. Fajtor ne, edhe për këtë. Eskluzivisht. (nuk ia dole dot shpirti!)

12 Na duhet të r(r)uhemi dhe përditë...

13 Fajtorllëku na përfshin në gjithçka. Jemi fajtorë për inflacionin, për luftërat, për krizën energjitike, akoma dhe për motin.

14 Në të vërtetë matriarkalizmi asnjëherë nuk përfundoi. Thjesht ndryshoi vetëm formë. Nga tirania e egër e kopaçes, u kthye në egërsi të ëmbël të fajit.

15. "Pas çdo burri të madh, fshihet një grua". Mbase. Po sidomos pas çdo nevrasteniku, mamaqi, të pavendosuri, të tredhuri, dhe të mjeri ndodhet me të vërtetë një grua!

16. Një studim sociologjik ka vërtetuar se 85% të vendimeve familjare merren prej grave, drejpërdrejtë, apo tërthorazi. Sidomos tërthorazi.

17. Jeni perla të politikës makiaveliane. Na bëni të përkrahim një vendim tuajin dhe pastaj (nëse gjërat nuk shkojnë mbarë) na bëni përgjegjës për ta.

18. Prandaj na duhet të r(r)uhemi përditë.

19 Propaganda feministe na ka marrë mendjen me simbolikën e gruas–skllave që i këputen duart duke larë penevreke.

20 Po ikona e burrit hyzmeqar që punon për të shoqen, e cila i harxhon lekët nëpër bingo, ku është?

21 Duket qartë që nuk ka mjaftueshëm gra të cilat këputen për punët e shtëpisë. Mbase nuk ka dhe aq shumë që luajnë bingo, po burra që nuk janë hamallë, nuk ka.

22. Nuk ju mjafton që shijoni shtatë vjet më shumë jetë, po keni edhe privilegje në dashuri.

23. Gratë janë të afta të përjetojnë orgazma të shumëfishta. Ti zotëri, a shënon dot trepikësh?

24. Si të mos mjaftonte kjo, pas revolucionit seksual, kanë arritur të na bëjnë përgjegjës për kënaqësinë e tyre.

25. Kështu nëse një zonjë është shkarpë e lagur, je i detyruar të punosh si hamall me orë të tëra, duke përdorur të gjitha teknikat e mundshme të Alex Comfort, Masters & Johnson, Kamasutrës dhe Sifujagit nëse do të ndizet zjarri.

26.Nëse nuk ndizet, fajin ia vënë shkrepses, jo druve.

27 Po privilegji më tragjik? Një grua asnjëherë nuk është impotente. (dhe nëse është, nuk duket)

28. Ah ti venitje e burrit lakuriq! Vetëm duke i hedhur një sy ia kuptoni menjëherë gjendjen psikologjike.

29. Na duhet dhe të rruhemi përditë.

30. Thonë se nuk ka gjë më të bukur në botë, sesa të bësh qejf dhe të paguhesh për të.

31. A ka qejf më të madh se të bërit dashuri?

32. Gjejeni tani se kush paguhet për ta bërë!

33. Konkubinat, janë tregues madhor i fuqisë femërore.

34. Bënin qejf, qeverisnin, zgjidhnin të dashurit dhe u merrnin pasuri të mëdha, vetëm që të jepnin atë të cilën natyra e jep falas.

35. Njësoj si të taksosh diellin, apo oksigjenin.

36. Por edhe prostitutat e thjeshta, janë tregues fuqie. Sepse, cili paguan kë? Natyrisht ai që ka nevojë paguan.

37. Dhe ju zonja, nuk keni patur ndonjëherë nevojë. Ligji i kërkesë ofertës rregullonte marrëdhëniet në favorin tuaj.

38. Na duhet dhe të rruhemi përditë...

39. Gratë, konsumojnë katër fish më shumë sesa fitojnë. Në këtë mënyrë, burrat marrin një të katërtën e asaj që japin. Ku je more Marks, të shikosh kush punon më shumë! Apo më mirë kush ia punon kujt...

40. Dy gjëra kam urryer në jetë. Ushtrinë dhe punën. Dhe më kapte zilia sa herë mendoja që seksi i bukur nuk ka asnjërën prej të dyjave të detyrueshme.

41. Gratë ankohen se nuk paguhen si burrat. Keni parë ndonjë grua të punojë si burrë?

42. Disa të dhëna statistikore thonë se gratë tradhëtojnë më pak se burrat. (35% ndaj 48)

43. Një tjetër e dhënë thotë se gratë gënjejnë më shumë (58% ndaj 22.)

44. Dmth statistika e parë është e gënjeshtërt në rendin 58%. Dmth gratë tradhëtojnë më shumë.

45. Nuk është tradhëti të flesh me dikë tjetër. Tradhëti është të gënjesh.

46. Shikoni çiftet në plazh psh. Sa kalon koha, burri vjen dhe këputet dhe merr formën e të mjerit dhe të moshuarit, të shumëduruarit pensionist. Ka të shkruar në fytyrë dorëzimin, pritjen dhe nënshtrimin.

47. Ndërsa me gratë... gratë me kalimin e viteve transformohen në kuçedra. Nevrike, histerike, shtypëse, thashethemaxhie... gjendja normale e një vjehrre.

48. Me kalimin e viteve, secila gjini tregon surratin e vet të vërtetë.

49. Dhe surrati ynë, do rruar përditë.

50. Përderisa gratë janë seksi i fortë, çfarë na duhet atëherë emancipimi i femrës?

51. Emancipimi i grave, është për ato vetë kurthi më tinzar, dhe shpresa jonë e fundit.

52. Nëse përmbushet, shpëtuam! E ku krahasohet larja e tre pjatave përpara përgjegjësisë (dhe fajësimit) të të gjithë botës?

53. Në pamje të jashtme, emancipimi i femrës kërkon të shembë shfrytëzimin e dukshëm – duke shpresuar se do mirëmbajë të fshehtin që gëzon sot.

54. Gabim! Rrjeta e fajësimit, është armë eskluzive e njeriut teorikisht të dobët. Në rast se i dobëti forcohet, atëherë e humbet. Dhe ne do të çlirohemi prej penjve të padukshëm që na lidhin përjetësisht me fajin.

55. Kështu emancipimi i gruas shndërrohet në emancipim të burrit.

56. (Nuk do ju hap më derën pra, as do ju mbaj pallton, as e kam kuptuar ndonjëherë pse duhet ta bëj xhanëm)

57. Rroftë emancipimi i gruas! Një dhjetëvjeçar pasi të përmbushet, do ta shihni kush do jetojë shtatë vjet më shumë.
.
58. Do ta shihni çdo të thotë të ndjeheni në faj kur (dhe nëse) nuk eksitoni dot dikë seksualisht.

59. Do ta shihni kush do bëjë lekë duke bërë qejf.

60. Fallokratë të të gjithë botës bashkohuni! Mbajini dhe për pak akoma mjetet e presionit në dorë (e di që është e vështirë).

61. Lërini gratë të shqetësohen për pushtetin fallik. Do ta shndërrojnë kështu në një produkt të domosdoshëm.

62. Dhe atëherë, bota vërtet do të sundohet me k*qe!

Fund.
***

Artikulli më lart, është shkruar për herë të parë në vitin 1979 në revistën "Postieri" ("Ταχυδρόμος" ) nga Nikos Dimou.

Teksti origjinal këtu.
Info të mëtejshme për autorin këtu.

Përktheu dhe përshtati - J. (c)

16 Komente

J, përse i hap punë vehtes? smiley

Para martese:

Burri: Më në fund! Oh sa e kam pritur këtë çast

Gruaja: Do që të ik?

Burri:U çmënde? As ndërmënd të mos të të shkojë

Gruaja:Më do?

Burri:Natyrisht! Gjithmonë!

Gruaja:Më ke tradhëtuar?

Burri:Oh Zot! Natyrisht që jo.

Gruaja:Do bësh sex vetëm me mua?

Burri:sigurisht. Do shfrytëzoj çdo rast për atë punë.

Gruaja:Do më rrahësh??

Burri:U çmënde? Pyetje është kjo?

Gruaja:Duhet të të besoj???

Burri:Duhet ta dish mirë këtë.

Pas martese: lexoni dialogun nga poshtë lart smiley (Natyrisht, duke ndërruar dhe rolet burrë grua smiley&nbspsmiley

 

Ehhh, kush i la ne shesh t'i gjeni juve smiley

PS: Pak si vone sonte, neser Jul do te te kap ne ndonje rrëzë gjakundi dhe do t'i numeroj te 50-ta smiley.  Me sa plumba e vrane Katanin mer?  Me 50 e vijim ... ? smiley

Me 50 e vijim ... ? Big Grin

62. Skanë dalë të gjitha akoma këtu.

E o mire, sikur c'na thate! Po sigurisht,ne jemi strumbullari, e nevojshmja,e padiskutueshmja jo perfekte. Ka dhe me keq se grate psh, te te shkoje jeta m'ut dhe pa to. 

 

Po shkoj s'tia fus i teke raki me sabah...qe te jem gati per sherrsmiley)  

E mi mirë, po nga ty prisja më shumë. Si psh ndonjë kritikë për përkthimin. smiley

Ka dhe me keq se grate psh, te te shkoje jeta m'ut dhe pa to.

lol,

m'pelqeu

Shtjellim i lezetshem smiley

t'keqen tushja,

po t'ishin gjithe mashkullat me kshu humori t'holle , ja u kish bo hallall tushja t'gjitha.  Po cer ti bojsh se jane shumica bidona smiley

Kjo ben qe cmimi i mallit te mire te rritet Tushesmiley

Spirituso, qenke në mënyrë të mahnitshme brenda frymës së këtij xhaxhit që e ka shkrujt. Kjo është të flasësh të njëjtën gjuhë.

Akvll thnx smiley

Tushe, mos kërko shumë. As mos e TM ti... mbaje me shkumë. smiley

 

 

Si u be puna me mjetet e presionit? Zgjidji gje protesta e mbajtjes me dore?

Kemi prova nga lashtësia ti Bletë, që ka zgjidh. (Po të jenë dakort të gjithë çunat, unë e nënshkruaj madje.) smiley Vetëm nuk shkon se del si thotë Melardi. smiley

Pak historik...

 Në Athinë, burrat kishin shkuar në luftë dhe Aristofani satirizon një grua (Lisistratën) që vajton mungesën e burrave. Madje edhe të tregëtarëve të Militit që herë pas here i sillnin... dildo.

Aristofani i pacipë (pagan mo!) shkruan te Lisistrati:

se mos ngeli ndonjë burrë, sa për numër?

dhe që nga koha kur na tradhëtuan militët

smë kanë parë më sytë "dildo" prej lëkure

dy pëllëmbë ngushëllim mes këmbëve.

***

Ndërsa një herë tjetër, në luftë më duket midis Athinës dhe Tebës, gratë e të dy kampeve bien dakort që... të mos e TM derisa të nënshkruhej paqja mes burrave.

I qenka mbush shpirti plot cunit. Ja e zbrazi.

Shpetuam smiley

une mendoj qe kete ne origjinal e ka shkruar ndonje autore femer me ironi smiley

Jo, jo burrë është ai që e ka shkruar. Normal ama që shpotit të dyja anët.

 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).