Made In Albania


Në këtë mal bombardues nga lajmet pa lajme që na servilen, bëra një dietë le të themi pikërisht nga bombardimet mediatike, jo nuk shkova për pushime, nuk u largova nga Tirana, thjesht TV-ja mbeti i pa ndezur për plot dy javë të tëra dhe mënjanova po ashtu dhe shtypin e shkruar. Nuk e di në ishte hapja e ndonjë universiteti planetar apo galaktik, nuk e di në ishte beteja pa betejë brenda PS-së, sikurse lufta pa luftë jashtë saj, ku shohim bojkote dhe nuk shohim kërkesë pavlefshmërie zgjedhjesh, nuk e di në ishte prania e cinikëve të përjetshëm tek opinionet televizive që filluan të përhapen si kërpudha nga një kanal në tjetrin por di që për plot dy javë të tëra, bëra një test në veten time pikërisht sepse po më dukej se gjithnjë e më shumë pasqyrimi mediatik ishte larg realitetit të përditshëm ku jetojmë.

Por tani pas dy javësh regjimi mediatik, vëmendja ime u përqendrua tek këto të parëndësishmet…tek qesja e plehrave që komshia lë para derës e ku unë ia ndjej erën atyre sa herë që hap derën time, tek ata adoleshentët që qeshin sepse të qëlluan me një kërcell misri pas koke, tek shpejtësia qartësisht mbi 80 km në orë në mes të qytetit, tek dyqanxhesha që i servir para meje një djaloshi të bukur që në fakt ishte në radhë pas meje. Këtu shtoj dhe atë shitësin e mishit në pjesën gjumashe të Bllokut që e ka të varur atë kofshën e mishit në grepin gjigand, e vetë ulet në shkallët e dyqanit, ndërkohë që temperaturat janë akoma rreth 30 gradë. Pikërisht në këto të parëndësishmet bën pjesë dhe ai pseudo artizani që më montoi dollapin e rrobave dhe që për një orë mori 4000 lekë (të reja kuptohet), e që më bëri të mendoja se në fakt ai paguhej shumë herë më mirë se unë që përdor më shumë trurin, e që të nesërmen, po këtij dollapi i ranë menteshat dhe desh pësuam një aksident real në shtëpi. Tek këto të parëndësishmet bën pjesë dhe montimi i kondicionerit i cili sërish kushtoi më shumë së 7000 lekë të reja, fillova të mendoj se mbase duhet të bëj një kurs për teknikë kondicionerësh, eh ashtu pa dashje…sërish po mendoja se në shoqërinë tonë, truri nuk vlen asgjë… Dhe ndërkohë kam parasysh ofertën e fundit të bërë nga alb telekom për më pak së 1000 lekë në muaj për internetin, ata të falin dhe dy muaj ashtu sikurse të falin dhe instalimin, por ja që megjithëse oferta ishte mes 21 dhe 31 tetorit, tani që jemi më 29 dhe do gdhihemi më 30, kam parasysh se megjithëse bëra një kërkesë për nr. fiks më dt. 22, ata të Alb Telekomit akoma nuk janë zgjuar…u pa puna iku dhe kjo ofertë…mbase do më telefonojnë të hënën për ta instaluar atë, por ja që unë nuk do jem më e interesuar.

Por, ndër këto të pa rëndësishmet, bën pjesë dhe fakti që për të tretën herë zhvillova një takim pune më personin e gabuar…për të tretën herë radhazi brenda një periudhë 6 mujorë, personi në postin në fjalë pushohet nga puna. Nuk bëhet fjalë për një biznes të parëndësishëm, përkundrazi pa dashje pyes se si është e mundur që të shkarkohen kaq lehtë nga puna këta punonjës…tek ajo zonja në rrugë që vijon të më bekojë duke pritur t’i fal ndonjë monedhë por që më mallkon sapo kaloj hapësirën 20 cm.

Sërish tek këto të parëndësishmet futet dhe faqja zyrtare e MOI (Ministrisë Brendshme) që është akoma nën ndërtim, natyrshëm më kujtohet Luigji i 14-të dhe dekorimet a la baroque virtuale që ministri i ri i brendshëm mbase ka ndërmend të bëjë, ndërkohë sondazhi i javës tek dritarja e ministrisë se Integrimit është nëse mendoni se presidenca suedeze do ta shqyrtojë brenda këtij viti kërkesën e Shqipërisë për statusin e vendit kandidat në BE? Dhe opsionet janë: Po, jo dhe nuk e di?! Kërkoj të mendoj kush mund të jetë hartuesi i një sondazhi të tillë, mos vallë ministria e Integrimit e pret përgjigjen nga ne?

Tek këto të parëndësishmet bën pjesë dhe faqja zyrtare e Bankës së Shqipërisë që në adresarin e saj të zyrave qendrore të bankave në Shqipëri ka mbi 30 për qind të adresave të pasakta. Tek këto të parëndësishmet futet dhe faqja zyrtare e Bashkisë së Tiranës ku për të bërë një kërkesë online lexon « mbimri» e jo mbiemri lë mënjanë vetë hartën ë Tiranës që ka mbi 10 vjet që nuk është rifreskuar. Tek këto të parëndësishmet bëjnë pjesë dhe pushuesit që erdhën të lodhur nga pushimet të cilët gati gati sa filluan të më bëjnë të kem mëshirë për ta. Për fat të keq, të gjitha këto detaje sot klasifikohen të parëndësishme por pikërisht ky cilësim i tillë e ka emrin Made in Albania.
Tirana Observer 6/10/2009

6 Komente

Eh, une kam nje jete qe jam me diete lajmesh, dhe sa here bej gabimin qe e prish dieten, me prishet gjaku e me ngrihen qimet e kokes perpjete. Me mire te merresh me keto "cikerrimat", ( jo se keto s'ta prishin gjakun, t'i kam treguar peripecite dhe nervat e mia me OSSH-ne),  por ti s'heq qe s'heq dore nga idealizmi yt.

ps. si perfundim, beri efekt dieta, apo do t'i rikthehesh prape zakonit te vjeter te "te ngrenit" te lajmeve?! smiley

Hmmm me sa po shoh une punon, te pakten deri diku!

http://www.moi.gov.al/

Sa jane perhapur idealistat! Me sa di une edhe siti i Bankes se Shqiperise sikur nuk ka shume lidhje me bankat e nivelit te dyte. Po kerkove ato thjesht bej nje kerkim ne google edhe dalin qendrat perkatese. Pastaj, normal konstatohen shume pasaktesira e gabime gjithandej, po nese qendron pa bere gje ashtu do mbeten. Kerko pune ne nje nga keto institucionet edhe ndrysho dicka, lere Tirana Observer, qe mbetet gazete e perditshme si ato burime informacioni prej te cilave mesa duket ti pate nisur diete 2 javore.

The connection has timed out

       

       
The server at www.moi.gov.al is taking too long to respond.

       

       
      

    *   The site could be temporarily unavailable or too busy. Try again in a few
          moments.

 

 

 

 

 

   *   If you are unable to load any pages, check your computer's network
          connection.

    *   If your computer or network is protected by a firewall or proxy, make sure
          that Firefox is permitted to access the Web.

Me vjen keq qe sot nuk e kam aparatin me vete ne kete menyre do i kisha bere nje foto kesaj faqeje. Nejse ky detaj eshte me i pakti ne kete liste mini problemesh qe kam hedhur.

Gjithsesi mirpres kritikat por sa per T. O nuk punoj aty. Thjesht kontribuoj me shkrimet e mija.

 

       
       
     

     
     

c'me kujtova dicka me kete rreshtin:

"dyqanxhesha që i servir para meje një djaloshi të bukur që në fakt ishte në radhë pas meje"

para disa vjetesh, m'u desh te hyja ne njerin nga dyqanet e shumta te bllokut, sa po behesha gati t'i flisja shiteses, nje vajze simpatike, fsht. me kalon perpara nje vajze me kapele, e kqyra me vemendje se me beri pershypje veshja e ekzagjeruar ne ate ore te dites, kur shitesja me haroi mua dhe me nje buzeqeshje letyrese i sherbeu asaj. prit e s'ka prit e s'ka, kthehem te iki, ate cast shitesja me flet, -ku po iken, jam gati te te sherbej tani.

-po iki te blej nje kapele - ia ktheva, se mbase me nje te tille do me sherbesh me shpejt!!!

-uu po ti mos u merzit , - tha shitesja,- nuk e pe kush ishte ajo, ishte jonida maliqi!!!

une ngrita supet dhe e pyeta se cfar qe jonida maliqi, kisha jetuar ca kohe larg shqiperise dhe nuk i njihja trendyzmat "e epokes"

- ti nuk njeh jonida mailiqin !!!!- me berititi ajo perpara fytyres me syte e pershkenditur, ndersa une kapa dorezen e deres te kisha gati per cdo eventualitet....

ehh smiley imagjino te ishte ndonje VIP nderkombetar do te kishte thene dil nga dyqani smiley

edhe ato te "rendesishmet" jane Made in Albania smiley

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).