Kolonializem

Kolonializem

Leart Kola

Ne pushtimet e spanjolleve e gjithashtu ne kolonite e shumta britanike, nje prej arsyetimeve qe politikanet e asaj kohe benin ne favor te kolonializmit te popujve, ishte ajo e mos aftesise se tyre per te arritur rezultate dhe per tu vete-administruar. Shpesh here eshte shume e cuditshme se cfare ndodh me mendjen e njeriut dhe me klasifikimin e informacionit qe sistemi e kanalizon ne trurin e gjithsecilit. Psh. a nuk eshte arsyetimi i mesiperm nje rast i paster i diskriminimit racial, ne nje fare menyre do te thote qe mosaftesia e vetmenaxhimit te territorit perkates per disa popullsi eshte e pamundur dhe jo rezultative!!! (atehere pyetja eshte cfare tha Hitleri me shume?). Nqs do te krahasojme nderhyrjet kolonialiste te SH.B.A. ne shtetet amerikanolatine e se fundmi ne Irak duke propozuar nje politike te caktuar e cila i shkon per shtat multinacionaleve amerikane qe ne boten arabe shihnin nje lloj rezistence ndaj kultures konsumiste aq shume te deshiruar, atehere a mund t'i shohim keto nderhyrje ne menyre analoge me pushtimin e Hollandes, Frances, Belgjikes etj. nga Gjermania naziste?

Sot askush nuk guxon te heqe nje paralele midis ketyre realiteteve, ne nje menyre perverse informacioni eshte i permbajtur ne siperfaqesi, e cila denon vetem pjeserisht, pa vene ne pikepyetje pikerisht kulturen intervecioniste me arme ne nje vend Sovran. Paralelizma te tille nuk behen dhe per arsyen se Lufta e Dyte Boterore nuk mbaroi asnjehere, vaniteti i pushteteve te medha per te pasur pushtime territoriale vijoi dhe pas atij testimi te rendesishem ushtarak qe rezultoi me humbjen e miliona jetesh. Por tashme kjo vijueshmeri e luftes dhe intervencionit eshte dukshem me perfitime te larta ekonomike, tashme eshte bere nje forme e mire perfitimi. Qe pas Luftes se Dyte Boterore vatrat e luftes nuk u mbyllen me kurre ne bote, e kjo sepse humanizmi mori nje goditje te rende. Arsyetimi i perfitimit individual u be perhere e me i forte, shumica e shteteve e kane pranuar qe ne terma ekonomike lufta ka perfitime te medha si ne zhvillimin e ekonomise vendase ashtu dhe ne placke lufte. Ne nje fare menyre politika e sotme vazhdon te jetoje ne nje forme piraterie, shih luften ndaj Irakut e cila, ne vend te eksportimit te demokracise degjeneroi ne nje placktije te naftes, duke hedhur bomba mbi koka te pafajshme. Pra arsyetimi eshte shume i thjeshte, jeta e njerezve del ne plan te dyte dhe arsetimi ekonomik kthehet ne paresor.

Kolonializmi shpesh here shihet si nje fenomen artisik me shume sesa politik, madje emrat e shumices se kolonive jane ekzotike dhe kjo shpesh here perendimorin e drejton drejt imagjinimit te nje komuniteti primitiv, te mbushur me ngjyra, te paafte per te kuptuar teknologjine, qe jeton ne nje lloj filmi te vjeter qe te ben te qeshesh me menyren e jeteses. Madje vihet gjithmone nje vije raciale mes popujve superiore "udheheqes" dhe popujve "inferiore", dhe bash per kete arsye rasti i Kubes eshte nje kokecarje per shumicen e vendeve neokolonialiste, sepse hapi nje dritare te re ne perceptimin boteror per boten e trete. Karaibiket tashme filluan te mos i shihnin vetem dhe ekskluzivisht si kamariere te sjellshem, qe duhet te ndihet me fat qe ka gjetur nje pune kaq fisnike.

Por do te ishte shume e veshtire qe te trajtonim absurditetet e vazhdueshme qe shoqerite neo-kolonialiste me politikat e veta neo-liberale ushtrojne ne shumicen e vendeve te varfra, sepse do na duhet te flisnim per Venezuelen e cila administronte vetem 20% te prodhimit te saj te naftes ndersa pjesa tjeter shkonte ne multinacionalet amerikane, apo per Bolivine, Nikaraguan e shume vende te tjera. Megjithate per ta bere me te prekshme le te kthehemi ne Shqiperi dhe ne Kosove, te flaism per veten, sepse shpesh here keto shembujt me shtete te tjera na duken shume hipotetike dhe te paarritshem, tregues edhe i faktit shume skandaloz, mungeses se informacionit dhe solidaritetit me te njellojtin me ty.

Kosova sot drejtohet nga nje agjensi nderkombetare, praktikisht nuk zoteron asnje te drejte ekskluzive mbi teritorin e saj, cka eshte forma me klasike e kolonializmit. Politika dhe parlamenti kane me shume pozicione honorifike, per sa kohe qe Kosova udhehiqet me ane te Pakos se Ahtisarit dhe i vetmi njeri qe ka tagrin per te percaktuar normativat e Pakos se Ahtisarit eshte Peter Faith. Ai eshte de fakto mbret ne Kosove (sigurisht mos prisni te shihni kurore, ai vazhdon te mbaje kollaro) por kjo nuk e pengon te kete te drejte per c'do gje qe nxjerr nga goja. Spektri politik shfaqet perhere e me i kriminalizuar, cka perben terrenin perfekt per kompanite e medha per te perfituar me cmime shume te ulta favore te medha. Ne Kosove gati asgje nuk eshte e shtetit, e jo vetem kaq, por duke qene se pas luftes Kosova nuk pati nje shtet ekskluzivisht te sajen atehere gjithe procesi i privatizmit u udhehoq nga ata qe nuk do jetojne neser ne kete shtet, nga nje administrate provizore mu bash nen hunden e gjithe analisteve politikaneve dhe shoqerise civile. Kjo eshte forma me e larte e arrogances kolonialiste, shtet i privatizuar pa pritur qe me pare te behej shtet. Kjo do te thote qe cka do trashegoje politika Kosovare neser kur te kene shkuar nderkombetaret do te jete nje ekonomi e privatizuar me terma te panegociuara nga shqiptaret e Kosoves, per pasoje nje popull i cili vetem konsumon (pergjithesisht produkte qe zoterohen nga multinacionale, te cilat nuk kane asnje detyrim karshi konsumatorit) sipas idese se madhe te neo-liberalizmit. Llogarite jane te bera mire, nje popull qe nuk zoteron akses te ekonomia e tij e ka te pamundur te krijoje nje identitet te vetin, kjo madje shkon dhe pertej liberalizmit me ekstrem. Nqs. lexojme mendimtaret e ekonomise liberlale, ajo cka kuptojme eshte mos nderhyrja e shtetit ne nismen e lire, nderkaq ajo cka ne Kosove ndodh eshte nderhyrja ne mase e funksionareve shteterore per te favorizuar kompanite e medha. Ky pra eshte rasti sui generis i Kosoves, e po te kthehemi ne fillim te shkrimit atehere paralelizmi eshte i qarte. Kolonializmi ne vendet e botes se trete ku guvernatori britanik vendoste per gjithcka, ku kompanite e botes "se pare" zoteronin gjithcka. Pas me shume se 100 vjetesh ajo cka bota ka ndertuar eshte nje perseritje e shemtuar e vetvetes dhe e pjeseve me te erreta te saj. Atehere si do te jete e ardhmja e Kosoves e cila sot gati 40% te GDP se saj e mer nga te ardhurat e emigranteve? Cila do te jete e ardhmja e saj jo vetem ekonomike por dhe territoriale, kur neser te gjendet e varur vetem nga eksporti?

Po meqenese po flasim per nje rast qe dhe miqte tane europiane e konsiderojne sui generis per vete formimin e saj, edhe shtet edhe jo shtet, le te levizim pak me poshte aty ku sot jane te percaktuar kufijte politike te republikes se Shqiperise.

Ne vitet '90 pas daljes nga nje ekonomi dhe kulture komuniste tmerresisht e centralizuar me ne fund dhe ne u futem ne boten e lirise. Aq shume donim te ishim te lire, sa gjeja e pare qe absorbuam ishte pikerisht iniciativa e lire ekonomike, endrrat kinematografike te nje shoqerie te pasur. Pati shume kontribut dhe tv italian qe na beri te hidheshim pa e menduar aspak ne nje ekonomi ekstremisht liberale. Te gjithe mund ta mbajne mend mire faktin se ne fillim vitet '90 ishe i lire te vendosje ndertesa pa leje ku te donte qejfi, por nuk kishe te njejten liri fjala bie te kritikoje qeverine. Megjithate duke qene se fuqia blerese e Shqiperise ne fillim viteve '90 ishte e ulet praktikisht ne ndertuam ate qe do ishte liberalizmi klasik, iniciativa personale ishte ne rend te dites, deri para se te fillonin firmat piramidale. Gjithshka zoterohej nga gjithkush, u be nje privatizim i aseteve minimaliste shteterore ne nje forme gati komuniste. Sic u nda toka me reforma agrare, ashtu u veprua edhe me letrat me vlere duke e ndare fabrikat mes punetoreve, pra Berisha ndoqi te njejten rruge qe ndoqi dhe Enver Hoxha ne fillimet e veta te pushtetit (po nuk do ta gjeni kurrkund te shkruar, se Berisha nuk eshte komunist). Pas krizes se piramidave, me ardhjen e socialisteve ne pushtet, atehere ne menyre graduale filluan te privatizoheshin sektor te rendeishem te ekonomise e iu dhane licenca te majme biznesit, i cili ishte ne hapat e para te ravijezimit te tij.

Periudha 8 vjecare socialiste karakterizohet nga fillimet e krijimit te shtresave te te pasurve, kjo solli edhe perfshirjen e biznesit ne politike, qe tanime eshte nga gjerat me normale sot ne Shqiperi, per te gjithe krahet e politikes. Gjate periudhes socialiste u riprivatizuan per here te dyte te gjithe asetet e firmave piramidale, praktikisht ajo cka duhet te behej duhet te ishte kthimi i ketyre parave tek populli, por nuk u pa e udhes nga pushteti politik. Per pasoje u privatizuan me cmime qesharake cka gradualisht solli stabilizmimin e nje klase biznesmenesh te paskrupullt me lidhje te forta politike e dallimin per here e me shume ne klasa te caktuara.

Nderkaq pas viteve 2000 u vu re nje perfshirje per here e me e madhe e biznesmeneve ne politike. Sot ne parlamentin shqiptar, te cilin e supozojme qe e kemi me demokraci perfaqesuese, ka me shume se dy duzina deputetesh qe jane biznesmene me te ardhura miliona eurosh. Akoma eshte mister se ke perfaqesojne, sepse praktikisht votat i kane marre ne zona shume te varfra te Shqiperise, pra nuk i kane votuar te njellojtet e tyre per tu perfaqesuar (sepse te njellojtet e tyre jane prezente vete ne parlament). Ky absurditet politik ka bere qe Shqiperia te merret ne menyre te hapur peng nga njerez te cilet kane nje interes plotesisht individual ne rolin e tyre publik. Por ne vitet ne vazhdim gjerat nuk shkuan me mire, shume spekulatore jane afruar pas fitores se Berishes ne 2005. Shumica e industrise eshte praktikisht ne duart e multinacionaleve te cfaredolloj shteti, bankat jane ne pronesi pergjithesisht te huaj, gjithahstu sherbimet celulare. Ne fund meqenese nuk ka mbetur asgje per te privatizuar, kemi filuar te japim dhe fusha te lira, per te vendosur biznese ndotese. Ankthi i madh drejt neo-liberalizmit, e kushtet e varferise qe u krijuan nga te gjithe qeverite nga 90 e ketej e zhveshen nga cdo lloj ndjenje komunitare qytetarin shqiptar, si pasoje me te krijuar keto kushte establishmenti i multinacionaleve gjeti tek ky vend nje strehez perfekte. Sot psh. i biri i kryeministrit punon per nje multinacionale turke,qe ka privatizuar albtelekom-in, nderkaq e bija e kryeministrit ka nje rol aktiv ne nje tjeter multinacionale, EUROMAX e zoteruar nga biznesmene serbe. Politika e paskrupullt neo-liberale, lidhja ekstreme e biznesit deri ne rangjet me te larta te shtetit, e te politikes ne pergjithesi ka krijuar dhe nje fenomen shume interesant qe fare mire mund te konsiderohet nje "socializem neo-liberal". Neo-liberalizmi pergjithesisht ekziston te klasat e varfra te shoqerise ku qytetaret jane te detyruar cdo mengjes te konkurojne mes tyre per te shkuar ne vende pune te keqpaguara, pa sigurime shendetesore as sigurime sociale, ku raporti me shefin nuk rregullohet nga asnje ligj, nje konkurrim ku e drejta jote eshte gati pa ze dhe e percmuar, ku bombardohesh per dite me pop-emisione, ku ne TV ka vetem njerez te sukseshem qe vishen mire e me te ardhura te sigurta. Cdo mengjes qytetarit shqiptar i duhet qe pervecse te duroje pafundesisht kushtet mizerabel me te cilat kontratat e punes behen (kur behen) por te ndjeje per here e me shume arrogancen e me te fortit dhe supermacine jo vetem sociale por dhe ligjore qe ata kane.

Nderkaq nga ana tjeter ne raportin mes politikes dhe biznesit ekziston nje socializem gati perfekt, pra nje shperndarje e te mirave te bere ne menyren me te mire. Shih fushatat zgjedhore, ndjehet fare pak diferenca mes partive ne shpenzimet zgjedhore, tenderat ndahen pa dallime politike sepse pergjithesisht biznesment qe kane arritur ne ato nivele kane krijuar nje lidhje simbioze me politiken si te tere, duke shperndare para ne menyre te barabarte e po ne menyre te barabarte duke i marre perseri mbrapsht, pasi partite te vijne ne pushtet. Psh si ka mundesi qe parti te treta ose te katerta si LSI shpenzojne kaq sasi te medha parash ne promovimin e vetes se tyre (sepse politika shqiptare nuk prodhon politika, prodhon vetem njerez)? Pergjigjet e ketyre pyetjeve do i gjeni ne arsyetimin e nje pushtimi kolonialist qe i eshte bere individit nga biznesi i lidhur me politiken, me kolonializmin e qytetarit shqipetar si ne Kosove ashtu dhe ne Shqiperi. Nuk eshte rastesi pse shqiptaret jane rasti me i mire per te shpjeguar neo-kolonializmin qe ka ardhur ne formatin e politikes neo-liberale,sepse Shqiperia dhe Kosova gjate kesaj kohe nuk prodhojne me asgje, u shkaterruan totalisht nga mungesa e vizionit politik. Ne si popull nuk prodhojme asgje dhe jemi konsumatoret par-exellance. Tashme jemi kthyer ne skllever moderne te nje grushti njerezish qe zoterojne para, mund te shihni dhe natyren e bizneseve te huaja qe vijne ketu, jane gati te gjitha biznese sherbimi e jo prodhimi, banka, kompani celularesh, supermarkete etj.

Cdo dite qe kalon ne keto kushte, e pa nje reflektim te gjere sidomos te asaj pjese intelektuale shqipetare po humbim mundesine per te ngritur nivelin shoqeror tonin. Nje shoqeri nuk zhvillohet nepermjet individesh te suksesshem, por nepermjet nje ndergjegje shoqerore qe i zhvillon si grup, zhvillohet duke vene ne krye te parimeve te veta humanizmin dhe jo de-humanizimin e vetvetes ne kerkim te suksesit personal. Duhet medoemos qe te kete nje debat te gjere neper aulat tona univeristare, ndryshe nuk do te jete vetem ceshtje sociale, por shume shpejt do trasformohet dhe ne nje kauze territoriale. Nje komb qe nuk zoteron asgje ndalon se qeni komb e trasformohet ne nje mase amorfe kozmopolite individesh. Koha ka ardhur per te pasur nje reagim te menjehershem, ndryshe gjithcka qe vjen me pas eshte dhe ka per te qene shume e erret, format kontemporan estetike ku pushtimet moderne mund ti ndryshojne formen dhe perspektiven, por ne substance mbetet gjithsesi pushtim.

16 Komente

të lumtë pushka. Hajt se boll u hallakatët edhe ju si të majtë internacionalista. It was about time. Shajini nga nona politikanët lokalisht. lol

 

 Shpesh here eshte shume e cuditshme se cfare ndodh me mendjen e njeriut dhe me klasifikimin e informacionit qe sistemi e kanalizon ne trurin e gjithsecilit. Psh. a nuk eshte arsyetimi i mesiperm nje rast i paster i diskriminimit racial, ne nje fare menyre do te thote qe mosaftesia e vetmenaxhimit te territorit perkates per disa popullsi eshte e pamundur dhe jo rezultative!!! (atehere pyetja eshte cfare tha Hitleri me shume?).Nqs do te krahasojme nderhyrjet kolonialiste te SH.B.A. ne shtetet amerikanolatine e se fundmi ne Irak duke propozuar nje politike te caktuar e cila i shkon per shtat multinacionaleve amerikane qe ne boten arabe shihnin nje lloj rezistence ndaj kultures konsumiste aq shume te deshiruar, atehere a mund t'i shohim keto nderhyrje ne menyre analoge me pushtimin e Hollandes, Frances, Belgjikes etj. nga Gjermania naziste?

Gjate luftes se ftohte perendimi demokratrik  u perpoq te na tregonte ne banuesve te vendeve te Evropes Lindore Komuniste te mirat e sistemit demokratik. Jo vetem kaq por perendimi demokratik u perpoq te shkateronte sistmin komuinist te lindjes komuniste. Po te shkojme me kete llogjiken e ketij autoirit me siper  atehere une do te thoja se gjate luftes se ftohte perendimi demokratik ishte nje shprehje e hapur e diskriminimit racial. Cfare m...tin deshte pernendimi te na detyronte ne te rezonim komunizmin dhe te vendosmin sistemmin  tyre? Valle kaq te pa vet menaxhushem ishim ne sa te na duhej te nderhyne pereniidmi me te gjihtha menyrat qe nga arti e kultura e deri tek sherbimet sekrete e ushtria per te na sjelle shoqerine e konsumit aq shume te deshirurar.

Duke vazhduar keshtu me Irakun, Ameriken Latine, e deri me Kosoven une do te thoja kur keto  popuj nuk jane vete ne gjendje te clirojne veten e tyre, kur qajne se jane nen varferi e diktaure dhe ju luten perndedimit ti cliroj apo tu jape lirine dhe t emirat e shoqerise demokratike, pastaj cfare m....ti kane e ankohen se po i kolonializojne. Pse cfare kujtojen keto popuj se shtetet dhe politikat e tyre jane OJQ apo shoqeri bamirese? Jo or jo ato do te shikojne interensin e tyre mbi cdo gje dhe "kolonilaizmi" eshte cmimi qe keta popuj te pazotet te vetmenaxhohen  paguajn ndaj menaxhuesve te tyre.

Kur nuk je i zoti dhe kur kekron ndihem do te pranosh ate qe japin ata qe ju je drejtuar per ndihme.

Ceshtje te drejta, argumentim i hallakatur. Nuk e kuptova nga llogaria qe ben se pse eshte Shqiperia rast i ketij kolonializmi. Ashtu sic tregon me le te kupoj se Shqiperia drejtohet nga nje dore e forte Biznesmenesh shqiptare qe bejne aleancat e tyre sipas interesave te veta, sa me Serbin, sa me Turkun, e sa me kedo qe mund te perforcoje pozitat e ketyre politikaneve. Kjo nuk mund te konsiderohet kolonializem, pasi tenderat jane ne dore te politikaneve Shqiptare, dhe subjekt i ligjeve dhe politikes Shqiptare dhe nderkombetare. Kjo mund te jete korrupsion, nepotizem, etj, por jo kolonializem. Ketu mund te beje nje lidhje, por qe nuk e ke bere. Bizneset e huaja i ke trajtuar per faktin qe ofrojne sherbime, dhe jo prodhime. Ne qofte se bizneset e huaja do t'i trajtoje si OJQ dhe sherbimet e tyre si keshilla juridiko-ekonomike, atehere argumenti do te kishte me teper vlere, pasi do te vije re rracen superiore Anglo-Amerikane ne funksion te keshilltareve juridiko-ekonomik, dhe ne shumicen e rasteve, do te vije re se keta keshilltare theksojne korrupsionin dhe nepotizmin, qe fare mire mund te jene atribute i primitivizmit.

Ne rastin e Kosoves je me i sakte, por e ke anashkaluar me nje paragraf. Mund te kishe bere pune me te mire ne qofte se do kishe bere nje kerkim pak me cilesor para se te merrje lapsin e te shkruaje. Kosova fare mire mund te konsiderohet koloni per arsyet qe ke parashtruar, Peter Faith jo me pak e jo me shume se Princ Vidi qe na ra per hise ne 14en, dhe statusi i saj tipik kolonial ne qofte se kihet parasysh gjuha e perdorur nga Albin Kurti, pra status i pavarur por jo sovran.

Nje gjuhe konservatore anti-globaliste, madje edhe kombetariste do kishte shume vlere ne Kosove, dhe eshte folur e flitet. Ka ndryshim sidoqofte me Shqiperine, ku nje gjuhe e tille perdoret per te maskuar vjedhjet e rrugeve.

 

Perseri lemshi "neo-liberalizem/kolonializem/globalizem" dhe paraleli me shoqerine shqiptare?! 

E megjithese respektoj kendveshtrimin dhe idete e autorit, argumentat e sjella jane "apples" dhe "oranges."  Plus qe edhe pse te gjitha rruget te cojne ne Rome, s'ka pse t'i biesh nga Kina, ta zeme.

Toko,

Kur nuk je i zoti dhe kur kekron ndihem do te pranosh ate qe japin ata qe ju je drejtuar per ndihme.

Ky është argumenti i më të fortit, kush është më i fortë, ka të drejtë. Vlen si argument shfajësues, në këtë rast i parë globalisht shigjetat drejtohen te Amerika, që ju bën juve konfuz. Ky lloj argumenti mund të shtrohet edhe më i përqëndruar në rajon, se aty e ka vlerën e tij më të madhe. Në të njëjtën mënyrë i nderuar Toko, po justifikon ndërhyrjen e shteteve fqinje ndaj Shqipërisë. Me një fjalë; pse USA ok, edhe Greqia apo Italia jo?

Këtë nuk e marrin parasysh globalistat pa kushte. Po pse është kaq e vështirë xhanëm, mund të jesh globalist me gjithë botën përveç vendit tënd. Si? Po ja pra, çfarë ke fituar jashtë e zëmë, i investon në Shqipëri. Lobi hebre i Amerikës, i parashtron kërkesat e tij të lidhura ngushtë me shtetin e Izraelit. Jo aleancë sa për sy e faqe. Aleancë me dinjitet. Është shumë e vështirë? Apo duhet të zihemi për konceptet. Ok meqë unë anti-globalist e zëmë, ju globalista dmth nuk biem dakort. Kalitni pak vlerën e përkatësisë, nëse kjo ju intereson për të mos "u hallakatur".

 

Lulian, ndoshta vërtet nuk ia vlen të artikulohet në gjuhë anti-globaliste në Shqipëri, po shumë mirë mund të trajtohet "patriotizmi ekonomik". Mbështesni prodhimet vendase. Faji normal u bie edhe elitave të politikës, po nuk duhet anashkaluar lëvizja popullore që mund të aktivizohet lehtë me sensibilizim. Shqiptar dhe Shqipëri do të thotë gjuhë zakone kulturë, por (sidomos) edhe prona, biznese, mirëqënie. Këto të dyja duhet të shkojnë bashkë që të mos prishet ndërtesa.

 

edhe ëmbëlsira në fund. smiley

Plus qe edhe pse te gjitha rruget te cojne ne Rome, s'ka pse t'i biesh nga Kina, ta zeme.

Hë de se të thashë edhe te ajo tema tjetër, futja për Milot me not. Te tema e globalizmit të kisha shkruar përgjigje, pa shikoje njëherë dhe thuaje të shkretën çfarë ke në mendje, bjeri drejt.

Në të njëjtën mënyrë i nderuar Toko, po justifikon ndërhyrjen e shteteve fqinje ndaj Shqipërisë. Me një fjalë; pse USA ok, edhe Greqia apo Italia jo?

Po une prandaj i quaj politikanet tane tradhetare te kombit sepse ne 20 vjet na kane shkateruar (dobesuar)  ne piken qe shtetet fqinje ( disa prej tyre jo mike te Shqiperisie) nderhyjne ne vendin tone .

Une prandja kerkoj qe te koruptuarit dhe hajdutet te varen apo denohen me vdekje se ata jane njesoj tradhetare te vendin tone. Me vjedhjet, shkaterimet dhe korupsionin e tyre, ata e  kena dobsuar vendin tone ne ate pike qe tani nuk dime nga tja mbajme Hall me globalizem hall pa globalizem 

Se fundi une prandaj nuk bej fajtor as Grekeun as Serbin as Italianin as Ameriken e as Rusin Ata more vellezer kane intersa e tyre ne kemi tona. Ne qofte se nuk dime te mbrojme veten tone por ju lutemi atyre te nderhyjne ne vendin tone atehere cfare faji kane ata? Kjo nuk eshte vetme per sot por edhe per 100 apo 200 vjet me pare deri ne ditet tona. Nuk te do njeri me shume se sa do ti veten tende dhe me shume se kushdo do veten e tij.

Ja qe shoqeria komuniste "e drejte per kedo" nuk u arit te behej. Sa keq.

Shoku Enver fliste per "Imperializem", i kishte me teper lezet atij, LOL   smiley

Hitleri tha :- Kush i ndau zonat e influences dhe tregjet kur nuk isha une i fuqishem ? Kjo ka qene nje ndarje e kohes SUAJ . Tani jam une me i forti dhe tregjet e zonat ose do ti rindajme me mirkuptim (por sic dua une) ose une do ti rindaj pa u pyetur JUVE (sich dhe tentoi te bente).

Prurja Juaj eshte  nje kendveshtrim shume interesant me probleme teper te ndieshme dhe te lidhura me jeten e perditeshme dhe jo vetem ne Memedhembje. Arroganca e me te fortit e shprehur mjaft qarte tek prurja JUAJ "... qytetaret jane te detyruar cdo mengjes te konkurojne mes tyre per te shkuar ne vende pune te keqpaguara, pa sigurime shendetesore as sigurime sociale, ku raporti me shefin nuk rregullohetnga asnje ligj, nje konkurrim ku e drejta jote eshte gati pa ze dhe e percmuar,..." dhe ne se do te duhej tu jepej pergjigje  ketyre problemeve atehere do te fillonte me te vertete nje jete dinjitoze njerezore . 

Artikull i shkelqyer, sidomos pjesa e dyte.  

 

"....Ky absurditet politik ka bere qe Shqiperia te merret ne menyre te hapur peng nga njerez te cilet kane nje interes plotesisht individual ne rolin e tyre publik...."

 

Le te jete kjo jo vetem shprehja e dites, por shprehja e shekullit.

Learto, sapo lexova shkrimin tend, qe eshte interesant. Per disa pika, po bej nje koment-kritike:

"Nqs do te krahasojme nderhyrjet kolonialiste te SH.B.A. ne shtetet amerikanolatine e se fundmi ne Irak duke propozuar nje politike te caktuar e cila i shkon per shtat multinacionaleve amerikane qe ne boten arabe shihnin nje lloj rezistence ndaj kultures konsumiste aq shume te deshiruar, atehere a mund t'i shohim keto nderhyrje ne menyre analoge me pushtimin e Hollandes, Frances, Belgjikes etj. nga Gjermania naziste?"

Pergjigja e pyetjes ne paragrafin e pare eshte JO! Krahasimi eshte i gabuar midis kapitalizmit (sistem ekonomik dhe social) dhe nazismit (ideologji politike nacionaliste, raciste, etj). Pra kjo nuk shkon mendoj une!

"Qe pas Luftes se Dyte Boterore vatrat e luftes nuk u mbyllen me kurre ne bote, e kjo sepse humanizmi mori nje goditje te rende." 

Luftra ka pasur, ka dhe do te kete, per sa kohe ka lidhje interesash gjeopolitke dhe ekonomike midis paleve. Pra nuk ka te bej me faktin qe humanizmi mori goditje te rende dhe per kete ka ende lufte. Argument i gabuar.

"ne raportin mes politikes dhe biznesit ekziston nje socializem gati perfekt, pra nje shperndarje e te mirave te bere ne menyren me te mire"

Ky nuk quhet socializem Learto. Socializem eshte kur mjetet prodhuese jane prone kolektive! Dhe ne shembullin tend eshte krejt e kunderta, sepse eshte kapitalizem.

 

Pershendetje.

 

"""""Ky nuk quhet socializem Learto. Socializem eshte kur mjetet prodhuese jane prone kolektive! Dhe ne shembullin tend eshte krejt e kunderta"""" Eshte pikerisht sic e cileson Saktivista. Problemi kryesor nga lindi studimi per NDRYSHIMIN e PRONESISE eshte SHPERNDARJA . Kjo eshte puro SOCIALIZEM . Domosdoshmeria e nje shperndarje tjeter solli dhe teorine marksiste per shndrimin e Pronesise . Ndryshe nje sqarim te tille , per nje shperndarje te mbeshtetur ne mekanizma ekonomike , ka bere edhe Engels ndaj "socializmit barazimtar" te Djuring . Dhe shpronesimi i te shpronesuarve per nje shperndarje te ardheshme te "barabarte sipas nevojave " si premise te pare ka shndrimin e pronesise. Dhe per aq sa shtetet kapitaliste mund te kene nje performance sociale ose te jene "shtete socialiste" eshte sepse pikerisht kane nderhyre me mekanizma ekonomike ( sic thote Saktivista ) tek shperndarja e te mirave materiale . Prandaj edhe politikisht fitojne e alternohen ne pushtet Socialistet...prandaj jane nje force e domosdoshme per te mos dominuar krahu tjeter Arrogant , prandaj nuk ka me nder te djathte ne Shqiperi, po vetem llafazane qe bertasin si "anti te majtes" pa kuptuar se cfare thone .

 IDRIZ,

jam dakort me cfare ti shkruan, por ne rastin konkret te shembullit nuk ka socializem midis vetem atyre dy elementeve qe thote autori, politikes dhe biznesit, ne nje puzzle te pergjithshem (qe eshte shoqeria). Se socializem nuk eshte vetem, citoj autorin, "shperndarja e te mirave ne menyren me te mire" por socializmi perfshin dhe nocionin e drejtesise sociale. Mendoj se fjala socializem ndoshta eshte perdorur ne menyre figurative dhe pjeserisht. 

plus sic e thash me lart, socializmi eshte sistem i bazuar ne pronen kolektive te te mirave (apo mjeteve te prodhimit). Dhe ne kete pike, politika dhe biznesi, ne singularitetin (njejesin) e tyre, nuk ndajne prone te perbashket. 

Se pastaj, kot qe klasa punetore lufton per nje sistem socialist, nese ai ekzistoka nderkohe ne raportin Politike/Biznes (brenda sistemit kapitalist).

Pjesa e pare e artikullit me nxori mallin e xhaxhi Enverit.

Pjesa e dyte me nxorri mallin e nostalgjikeve qarramane  shqiptare qe vetem ankohen per cdo gje.Edhe Kina qe eshte socializem ka futur kapitalin amerikan.

Bravo Leart!Shoku Bertinoti eshte krenar per ty! 

ne fillim te artikullit flitet per mendesine e kolonizimit ne te shkuaren dhe kjo nga autori pershkruhet si "diskrimin racial".

une ketu do e ndaloja autorin dhe do i thosha te nisej nga premisa te tjera. Nese amerika psh hyri ne Irak dhe e drejtoi per disa kohe duke menduar se irakianet nuk jane te afte per momentin, kjo nuk do te thote qe ata menduan se irakianet jane njerez inferiore qe do te jene gjithnje te paafte. Te pakten ne leter pas nje fare kohe amerika ia dorezoi drejtimin e vendit qeverise se Irakut. E njejta gje mund te thuhet per shume situata. Psh, ne shume here ne kete blog themi qe mjaftistat jane te vegjel, kjo nuk do te thote se nuk do rriten.

prandaj termi diskrimin racial duhet hequr nga artikulli...

pjesa tjeter eshte pyetje retorike. Ne shume raste qe permend ti dikush mund te argumentoje qe arsyeja per "kolonizim" ka qene tjeter. Psh, ne rastin e komunizmit, amerika e shikonte komunizmin si kercenim. E njejta gje edhe per Irakun. Ti mund ta shkruash artikullin shume sakte dhe shume bukur, por une mund te nisem nga ky argumentim psh dhe te te shkruaj nje kunderartikull po aq te sakte. kush ka te drejte? muhabet pa fund...

Per luften e Irakut, autori nuk i di arsyet kryesore, megjithate kjo nuk ia ul vlerat artikullit, sidomos pjeses se dyte, kur flitet per Kosoven dhe Shqiperine. Tri arsyet e luftes se Irakut ishin; (i kam thene dhe me perpara)

1) Venia ne levizje (rrotullimi) i letrave me vlere (aksione dhe obligacione) te "fjetura", perfaqesuese te aseteve te armatimeve, vlera e te cilave i kalonte milionat dhe qe perbenin 1-2% te GDP, siç flitej nga burime te brendeshme ekspertesh.

2) Ndryshimi i statukuos, ndryshimi i gjendjes gjeo-politike ne rajonin aty, qe kish filluar me Afganistanin. 

3) Zoterimi i puseve naftmbajtese nga firmat amerikane. 

Keto ishin tre arsyet kryesore, te renditura sipas rendesise. 

Ne perendim, ka banka qe financojne prodhimin e minave p.sh., megjith kundershtimin nga qarqet paqeruajtese. Mirpo lind pyetja nga ju amatoret  smiley  se pse e financon X banke nje investim pa krrejtur/nxjerre nje fitim. Nga dalin parate per nje investim te kote apo shkaterues, do te pyesi me te drejte ndonje nga ju.  Pikerisht nga aksionet/asetet e protezave te duarve dhe kembeve, te viktimave qe vriten nga minat, aksione qe kane njohur rritje te vleres se tyre ne bursa per shkak te shitjes se kenaqeshme te ketyre protezave (apo produkti).  

 

Puna e socializmit mes elitave ekonomiko politike natyrisht qe eshte perdorur si metafore (besoj qe kjo duket haptazi, kur flitet per shperndarje te financimeve sa majtas djathtas duke e ditur qe keto leke do te merren mbrapsh).

Shkrimi eshte pak i gjate, dhe do kohe per t'u lexuar, po mua me pelqeu.

Se pari shtrohet problemi i paragjykimit kulturor, i cili gjithnje niset prej nje pikeveshtrimi "western". Eshte diskutim shume i gjate, po pas revolucionit industrial krejt bota "perendimore" ka perjetuar nje transformim social por edhe individual-psikologjik, nepermjet ndryshimit te marredhenieve njeri-njeri, njeri-biznes, njeri-shtet etj. Ky ndryshim shpjegohet ne nje seri librash filozofike e historike, dhe eshte i pranuar me sa di une nga nje spekter i gjere i mendimit, majtas e djathtas. Kjo nuk ndodhi ne lindje te evropes, e as ne azi, afrike apo amerike latine. Aty ku nuk ndodhi epoka e industrializmit, ku procesi "prodhim-konsum" solli zhvillim ekonomik, pati prapambetje ekonomike (theksoj ekonomike). Sot, ne epoken postindustriale, njeriu konsumator tenton qe te shohe si inferiore gjithcka qe zoteron me pak asete ekonomike (para). Pikerisht per kete arsye "perendimori" e sheh si inferior lindorin, jugorin etj. Diskriminimi shfaqet si racial, etnik, social, kulturor etj. Dhe gjithe kjo perplasja e madhe qe duket sikur na qenka mes feve, realisht eshte midis shoqerise ultrakonsumiste dhe shoqerise "me pak konsumiste", qe per arsye gjeografike qellon te jete e banuar nga muslimane, orthodokse, katolike apo hindu (pra nuk jane fete te diskriminuara, eshte kultura sociale dhe perqasja ndaj konsumit ne keto shoqeri qe diskriminohet).

Se dyti, procesi i kolonizimit. Kolonizimi mund te ndodhe ushtarakisht, pra nepermjet strukturave, por paralelisht ndodh edhe nepermjet superstrukturave, qe sot perfaqesohen nga institucionet shumekombetare (nderkombetare), nga korporatat tejkombetare e keshtu me radhe. Prezenca e ketyre njesive qe gjithnje zoterojne me teper pushtet se sa vete shteti, per arsye te ndryshme qe s'ka nevoje ti sqaroj, kufizon kontraten sociale qe banoret realisht e kane me shtetin, e jo me OKB apo me FMN, apo me BB apo me McDonalds, apo me dreqin e te birin...

Si te mos mjaftonte, biznesi per te maksimizuar fitimin tenton te shperndaje sa me teper kulturen e konsumit, nepermjet reklamave, marketingut, nderhyrjes ne procesin edukues, promovimit te modeleve etj. Te gjitha keto behen duke imituar vendet ku tashme kjo kulture ka hedhur rrenje, e duke diskriminuar kulturat tradicionale...gjithashtu per te rritur konkurencen e per te mbajtur nivel sa me te ulet te pagave, shtohet presioni per brainwash, per te mbajtur nje nivel te caktuar injorance, ne menyre qe te mos lindi stofi social i gatshem per rezistence...

Per te ulur risqet biznesi gjithashtu tenton te marre pushtet politik...dhe sic e thote learti, kjo i heq sensin perfaqesimit...etj. Per mendimin tim biznesi nuk duhet te jete i pranishem ne politike me teper se c'i takon (pra me teper se sa duhet per te qene i perfaqesuar ne raport te drejte).

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).