Jemi të gjithë grevistë… (në vazhdim të shkrimit të Muç Nanos)

Normal 0 false false false MicrosoftInternetExplorer4 /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0in 5.4pt 0in 5.4pt; mso-para-margin:0in; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;}

Jemi të gjithë grevistë… (në vazhdim të shkrimit të Muç Nanos)



Andi Kananaj

Pohoj që në nisje se jam shumë dakort që të luftohet për votën e lirë, pohim ky që vlen dhe kur në mendje na shkon mjeti i fundit demokratik (s'kam rënë ende dakord me veten se cili është). Besoj, fatkeqësisht në mënyrë abstrakte, se vota është e shenjtë, dhe se vetëm me anë të votës mund të ketë një sistem demokratik. Besoj gjithashtu se sistemi demokratik është sistemi i vetëm i pranueshëm, nga gama e ngushtë e zgjedhjes (Demokratik apo Diktatorial). Besoj (dhe shpresoj që s'do të lodheni me këtë fjalë), që nëse do të mund te zgjidhja prej nënndarjeve të dy mundesive të vena në kllapa më siper, do të kisha zgjedhur çdo herë që do të pyetesha, formën më garantiste të "lirive themelore". Ajo që thashë deri tani, për çfarë shërben?

Pak a shume duket sikur nxora nga sirtari CV-në time prej djali model, që çdo ditë pas dhjetorit të vitit ‘90, bën be që e do demokracinë. Dua gjithashtu të bëj me dije që qëndrimi im personal, përtej çdo cinizmi, është pro numëruesit të votave, për të cilin po flitet me kaq zell këto ditë. Partive të vogla thonë se do tu’ pakësohen votat, me parimin “të marrësh pak nga ai që ka shumë është ndarje, e jo vjedhje”. Po nëse kanë njeriun e tyre në numërim, ai do të bëjë potere të madhe sa herë do të cenohen votat . E drejtë padyshim kërkesa. Mbas këtij pohimi që me lan moralisht me grevistet (ndoshta në masë të madhe familjarë të Ilir Metes siç është ngritur dyshimi), dua të ngre disa dyshime të vogla në lidhje me luftën e shenjtë. Kush e garanton LSI-në, partinë me esnafë-anetarë që dinin – thotë legjenda – se si t'i manipulonin votat kur e kishin në dorë pushtetin (2001), se anëtari i tyre nuk do të blihet me para në duar. Po kur të mos duan ta degjojne numëruesin e "madh" (siç po bëhet këto ditë me deputetet), çfarë do të ndodhë? Por kjo nuk do të ishte kurrsesi thelbi i asaj që dua të shikoj më nga afër.

Këto ditë, brenda mureve të parlamentit shqiptar janë ngujuar, 10 deputetë, në masë të madhe të zgjedhur drejtpërdrejtë nga populli. Sikur të mos mjaftonte, ata kanë hequr dorë dhe nga e drejta për ushqim që do të cënonte të drejtën e tyre për jetën. Nuk besoj tek greva e urisë, ashtu siç nuk besoj tek asnjë formë eleminimi fizik, dhe si rrjedhim nuk e gjej efikase si mënyrë komunikimi. Por dihet se të jetosh në vendin tonë, nuk të lejon të ngresh dilema të tilla me karakter humanist. Kështu që format e forta janë ndonjë herë të justifikuara (justifikim besoj që është fjala më e ndyrë e viteve të tranzicionit tonë politiko-socio-ekonomik) për të arritur rezultatin, që në këtë rast duket sikur anon nga garantimi i lirive themelore (liria e votës që ka të përfshirë lirinë e të shprehurit). Nga ana tjeter pas këtij akti sublim të shprehur me anë të nulizimit personal të deputetëve, opinioni publik nuk ka reaguar ashtu siç duhet. Indiferenca absolute ka qenë muzika që ka shoqëruar (perveç këngëve të shekullit në model karaoke) luftën e shenjtë. Thashë luftën e shenjtë, se dua të them që nuk u nis nga Papa i Romës, por këtë radhë nga Papa i Skraparit. Këtu më lindin disa dyshime, sado akt hyjnor që të jetë lufta për demokracinë. Po të shkoje në Skrapar në vitin e zgjedhjeve lokale, e të uleshe me nëndrejtoreshën e gjimnazit, do të dëgjoje, se zoti Meta e ka kthyer këtë zonë, në sarajet e tij personale. Nëse shtyhesh pak më tej, do të dëgjosh (nuk e di nëse me të drejtë) se Mali i Tomorrit është kthyer në gurore të kësaj politike shumë aktive. Kur kthen kokën pas në historinë e shkurtër të demokracisë në tentativë, do të gjesh këtë zotëri hem si abuzues, e hem si viktimë të të njëjtës matrice matematike (Dushku). Emri tjetër që do të ngjallte dyshime serioze për cilësinë e vetëflijimit, është Nard Ndoka. Abuzimet me tenderat, dyshimet mbi arsimin, format makiaveliste me të cilat ka mbijetuar, të bëjnë që të ndjehesh si minimum jo i perfshirë në këtë betejë. Ka dhe emra te tjere… por nuk dua të bëj dyshuesin akuzues. Dua vetëm të bëj pyetjen se pse njerëz si unë të përfshirë dhe emocionalisht në luftën për votën ta ndjejnë veten jashtë dhe të papërfaqësuar nga ata njerëz, që më shumë kanë format kusherinjsh me deputetët. Kësaj pyetje të ngritur me të drejtë dhe nga njerëzit që po qëndrojnë përballë parlamentit në pritje, dua t’i gjej një përgjigje?

Mos vallë ata që nuk janë dukur para parlamentit nuk i kujtojnë skenat e manipulimit? Një herë një profesor informatike, gjithnjë prezent në përpunimin matematik të të dhënave nga komisioni qendror i zgjedhjeve, me tregonte se zgjedhjet më të ndershme kishin qenë (për fat të zi), ato te vitit ‘92. Por dhe atë vit, për të më treguar (në mënyrë figurative) sesa manipulohej, më tregonte se në Qytetin Studenti kishin votuar 170% e zgjedhësve. Vlera e votës në Shqipëri ka lënë gjithmonë për të dëshiruar….

Po nëse do të futej Rama, Berisha, Erjon Veliaj, Dash Shehi, Paskal Milo, Skënder Gjinushi, Fatmir Mediu… dhe kryetarët e 56 partive të tjera në greve urie… do t’i lija të gjitha dhe do të vrapoja në mbrojtje të votës time të mohuar? (Ky skenar nuk është dhe kaq i pabesueshëm mbas korrikut)

Nuk do të tundesha nga shtëpia e sigurtë…dhe ka një PSE logjike. Pjesa më e madhe e emrave të lartpërmendur janë profesionistë në politikë, dhe gjithashtu në teknika pasurimi. Ata e kanë patur shansin e tyre për të qenë të besueshëm, dhe e kanë shpërdoruar. Ata janë të gjithë kohën në garat e thashethemeve nëpër kafene, jo për moral të patundur. As për praktikat që kanë ndihmuar këtë vend të dalë nga zona e panikut ku ndodhet prej 18 vjetesh. Ndihmon ca në këtë perceptim dhe mënyra e tyre e jetesës, që kalon si me urdhër peshku… janë makinat e tyre që i tradhtojnë thirrjet për idealizëm.

Ky grup, sigurisht që më pas ka dhe nënndarjet e veta të besimit… ku ca të mbarojnë punë, e ca jo. Ca që të mbajnë mend, e ca janë vetëm për b…e tyre… Më shumë s’do të zgjatem, se sidoqoftë raportet në mënyrë ironike flasin vetem për perceptimin popullor. (Rama betonizon duke ndërtuar pallate, Berisha shet nga armët tek Armo, nga jugu në veri).

Të gjithë kanë të përbashkët pushtimin e pushtetit, dhe marrjen e kënaqësisë nga servilizmi që i rrethon. Imoralitetin galopant, pasuritë me format astronomik, thashetheme qe vetem i miklojnë. Për fajësinë e tyre flitet vetëm në kohë zgjedhjesh, ose në kohë kodesh… nga kolegët deputetë. Të merr malli ta degjosh nga prokurorë çështjen.

Ata vetë janë dhe ndihen jashtë çdo kufiri ku ligji mund t’i cënonte. Ata janë super njerëzit. Dhe unë për super pushtetarët nuk do të dilja në barrikadë (s'do ndërroja as shampo), edhe pse kanë si retorikë fituese demokracinë. Nuk ka dalë ende një politikan që të na kërkojë ndjesë për radhët e bukës në vitet 91. Nuk dalë ende një individ të na krijojë sigurinë që ndryshimi që prisnim me ditë në fillimin e demokracisë, do të ndodhë qoftë dhe pas 20 vjetësh. Nuk ka dalë ende një njeri nga kjo sërë të na sigurojë që s'do të jemi skllever në këtë, apo në cilindo vend që do gjendemi. S'ka dalë ende një politikan serioz që arsimin ta heqë nga kthetrat e mosdijes dhe praktikave korruptuese ku është zhytur sa ka mundur. Nuk ka dalë ende ai që dipllomat e universiteteve t’i bëjë të japin dije, dhe jo të jenë shkëmbim i 15 mijë eurove, kur dhe si të duash.

Duhet një Elitë e re me sa duket. Duhet një Elitë e re, se njerëzit nuk ndihen të përfshirë nga ky grupim politikanësh. Aq e vërtetë është kjo sa janë gati t’i lënë të vdesin urie (deputetë që vdesin urie, duket kaq e pavertetë). Ndoshta ky është fundi i një cikli. Ashtu siç ndodhi me administratën komuniste, e cila e mbylli kohën e saj kur mbaroi besimi popullor (perceptimi i famshëm), kështu dhe plejada e politikanëve tranzicionistë duhet të zhvendoset.

Protestuesit e vërtetë… po protestojnë. Ata janë në grevën më të madhe të urisë së mendimit, duke cenuar e sakrifikuar dhe lirinë e tyre për të votuar. Protestuesit e vërtetë jemi ne të gjithë, që duke lënë mënjanë naivitetin, nuk po ndihemi të përfshirë duke lëshuar dhe nga liria jone. Ne po cënojmë lirinë që mesazhi të lexohet qartë.

22 Komente

njerëzit nuk ndihen të përfshirë nga ky grupim politikanësh. Aq e vërtetë është kjo sa janë gati t’i lënë të vdesin urie (deputetë që vdesin urie, duket kaq e pavertet&eumlsmiley. Ndoshta ky është fundi i një cikli.

 

Shume e bukur, shume e vertete kjo pjese.

me gjithe cinizmin qe andi e ka si stil personal, shkrimi permbledh nej analize te drejte e legjitime. OK, po behet greve per pjesemarrjen (jo per voten, po per pjesemarrjen ne numerim), po shtrohen ca argumenta qe sistemit aktual i rrine si baze, por kush po i shtron keto argumenta. A ndotet argumenti nese parashtrohet nga njerez te piste? A mund te sherbeje ngritja e nje argumenti pozitiv, demokratik per qellime te uleta individualiste. A mundet valle qe "demokracia" te funksionoje, qofte dhe me komisionerin e partive te vogla?
Se dyti, ceshtja e precedentit. Edhe me pare njerez te kesaj sere (madje dhe disa prej tyre) kane patur raste me fisnike e me sublime per te thirrur popullin ne greve. Por nuk e kane bere. E bene vetem ne momentin qe u rrezikohet pushteti...
Se treti, historikisht keta njerez, e te tjere si keta kane luftuar fort e kane ngritur la e me la flamurin e demokracise . Ashtu bejne here here politikanet e vjeter a te rinj. Mirepo, ne te gjitha rastet, kane qene po keta qe kane shkelur parimet per te cilat kane luftuar me pare...

Shkrim i nevojshem andi, shkrim i nevojshem...

Andi! Nëqoftë se sigurimi i votës së lirë është PARIM atëherë kalon mbi personalen e çdo individi që duket se përfaqëson parimin.

Mirëpo ne i kemi sikterisur parimet që kur iu ofruam alternativën e barit për të ngrënë. Në fund mesa po shoh, edhe bar do hamë, edhe parimet do i shkelim në vjim të revizionzmit dhe çmitizimit që po u bëjmë shprehjeve dhe sistemit që pa të drejtë e quajmë demokraci.

 

"A ndotet argumenti nese parashtrohet nga njerez te piste?"

Nuk eshte hera e pare qe e degjoj kete argument. E degjova edhe nga Lubonja dhe me erdhi shume keq. Dhe fatkeqesia eshte se eshte pikerisht kjo menyre te menduari qe eshte fosilizuar ne institucionet shqiptare, duke e mbajtur argumentin jashte, dhe reputacionin brenda. Argumenti pozitiv demokratik i sherben edhe qellimeve individualiste, edhe qellimeve shoqerore. Ne fund te fundit eshte kjo balance mes shoqerise dhe individit cka kuptohet me demokraci. Argumenti nuk ndotet nga askush qe e parashtron. Ne qofte se eshte argument me legjitimitet te brendshem logjik, atehere eshte asnjeanes, pavaresisht nese kjo paanesi mund te perdoret per qellime te uleta. Kjo qe po them i perket nje "situate ideale te komunikimit" ku argumenti me i mire do fitonte gjithmone. Por a nuk duhen krijuar kushtet, strukturat, lehtesirat, (duke filluar qe nga kushti elementar se argumenti nuk duhet pare nga argumentuesi, pavaresisht historise se tij, pasi argumenti me i mire eshte gjithmone ahistorik perballe paleve argumentuese) ne menyre qe te shkohet drejt kesaj situate ideale?

Eshte gjeja me e lehte pretendosh se kur argumenton nuk je duke marre parasysh interesat e tua personale. Me e veshtira eshte te pretendosh se edhe argumentuesi tjeter po ben te njejten gje.

ata zoterinj qe bejne greve e dine shume mire qe voten te dhunuar e kane sot por e dine edhe me mire se te dhunuar e kishin edhe dje me te vetnin ndryshim qe dje e dhunonin ata..ata sot bejne greve qe te kene neser mundesi te dhunojne vota te tjera e jo pse i plas se vota dhunohet sot

"Sot ne jemi te gjithe gjeorgjiane" tha McCain nje dite kur po behej lufta ne Gjeorgji. Kurse ky mjaftisti thote "Sot ne jemi te gjithe anal-ista, jemi MuçNanoista". True, true.
 

 

 

 

Te marte e mira smiley.  Nuk komentoja ne kete artikujt (Jemi I & II) vetem nga titulli se me kujtonin ato parrullat e matufit "jemi te gjithe gjeorgjiane".  Tani po pres vetem kur te dalin me "po, do behet/si, se puede" apo "po ne mundemi/yes we can." smiley.

 

Po ne qofte se ne fakt mundemi, Monda, si te thuhet, nuk mundemi, per hir te te qenit origjinal?

Jo mer Lul, s'kam gje me origjinalin (ne fakt per ate te gjeorgjianeve kam, po tjeter ceshtje.)  Llafin ta kam me origjinalitetin "e parrullave." 

Monda, mos u dekurajo. Yes we can, we can become te gjithe grevista, Metista, Ramista dhe Berishista, yes we can. Ne dhe keta jemi ata per te cilet kemi pritur, cdo populli ben partia dhe cthote partia ben populli, nje per te gjithe dhe te gjithe per nje, etj.

Keta anal-istat mbase kane te drejte kur thone qe jemi te gjithe grevista, se ne kete kontekst te greves keshtu reagojne shumica e politikaneve; secili duan te behet sic thone ata dhe pike, ose ne te kundert e bojkotojne parlamentin ose e zaptojne per greva, ose per zenie me karrige, ose per presione me dosje te opozites, ose me sharje nga motra, etj. Ne kete kontekst jane te gjithe "grevista".

Ironia e anal-istave (dhe po se po e pusht-litikaneve) eshte qe keta keto slloganet ne emer te popullit nuk u kujtuan ti perdorin ndonjehere ne rastet kur vertet ka pasur tragjedi te mirfillta te popullit, po vetem kur preken interesat e partive. Vetem atehere behen gjyhnaqare dhe Lula te vocer.

Ironia e anal-istave (dhe po se po e pusht-litikaneve) eshte qe keta keto slloganet ne emer te popullit nuk u kujtuan ti perdorin ndonjehere ne rastet kur vertet ka pasur tragjedi te mirfillta te popullit, po vetem kur preken interesat e partive.

C'te shtoj tjeter se i vure vulen kesaj pune.  Ne fakt artikulli me lart kete pune ka bere, po i ka rene ca si gjate.  Nejse, une e kam dhene mendimin per "gjeorgjianet" ne nje teme tjeter: Fshati digjet e "ato" krihen. 

Lulian, une e kuptoj shume mire ate cka po thua. Por e nis gabim, pasi une nuk parashtroj nje argument, por nje pyetje. Sic e sqaron andi, nuk behet fjale per lirine e votes, pasi ajo eshte gjithsesi e shkelur, dhe me shkelje te garantuar, me unanimitetin e grevisteve madje. Behet fjale thjesht per lirine e zhytjes se luges ne kazanin ku po hane dy te medhenjte, ne kazanin qe eshte mbushur me gjellen qe i eshte mohuar miliona gojeve te thjeshta...

 

Nuk deshiroj te abuzoj me termin "demokraci" apo princip i saj. Por nje komisioner nuk do te sillte demokracine...keshtu qe le te mos e blejme si te tille argumentin

"[...]nuk behet fjale per lirine e votes, pasi ajo eshte gjithsesi e shkelur, dhe me shkelje te garantuar, me unanimitetin e grevisteve madje. Behet fjale thjesht per lirine e zhytjes se luges ne kazanin ku po hane dy te medhenjte, ne kazanin qe eshte mbushur me gjellen qe i eshte mohuar miliona gojeve te thjeshta..."

E shikon pra qe eshte argument, dhe jo thjesht nje pyetje e pafajshme (le qe s'ka thjesht pyetje, njehere).  Nuk me duket se e ke kuptuar tamam ate qe kam thene, pasi nuk behet fjale thjesht per lirine e makuterise, por njekohesisht edhe per lirine e votes. Perndryshe nuk do thuhej qe ne titull, "Jemi te gjithe greviste". Qe liria e votes eshte shfrytezuar, shfrytezohet, dhe do vazhdoje, as qe ka dyshim, por kjo, sic edhe besoj se je dakord, nuk perben shkak qe te mos luftohet per kete liri. Perderisa liria e votes eshte gjithsesi e shkelur, a nuk perben kjo nje arsye me shume per t'a ngritur zerin pikerisht per kete. Grevistet mund te jene duke i paguar thjesht nje "lip service" lirise se votes, por ben vaki qe liria e votes te jete e tille qe te jete e pamundur te permbushet ne tere lirine e vet, cka dhe e ben "lip service" te nevojshem qe te permbushet aq sa te kete mundesi. Ne qofte se eshte keshtu puna, ka lip service e lip service, lip serice te llojit te grevisteve, dhe lip service te llojit te artikujve te gazetave.

Une besoj se ka nje pike kritike, (fundi i nje cikli) qe vjen ne nje prej dy menyrash. E para eshte qe grevistet, kur ta fitojne lirine e votes per vete te mos e shkelin per te tjeret. Nuk mund te mos shpresoj tek ndryshimi. Greva e urise si dhe agjerimi kane nje efekt me shume se siperfaqesor ne katarsin e pjesmarresit. Dhe e dyta, ne qofte se grevistet e sotshem eshte e garantuar qe neser do e shkelin voten, apo ne qofte se nuk eshte e garantuar por shpresojme se nuk do e shkelin dhe pastaj ne fakt e shkelin, atehere fundi i nje cikli nuk duhet te vije me ne formen e lip service te artikujve te gazetave, pasi ky do te ishte riciklim i se njejtes, por duhet te vije ne formen e greves.

Kryesore ne kete mes eshte argumentimi i qellimeve te perbashketa, dhe jo argumentimi i interesave personale te tjetrit. Ne qofte se kjo greve ka nje minimum qe drejton per nga qellimet e perbashketa, pyetja me e rendesishme eshte ne ia vlen te bashkohesh ne greve per keto qellime te perbashketa, apo mjafton lip service i artikujve te gazetave?

 

Nuk eshte hera e pare qe e degjoj kete argument. E degjova edhe nga Lubonja dhe me erdhi shume keq.

Lulian,

Lubonja nuk ka thene dicka te tille. Ne piken 2 te artikullit te tij per greven, ai perpiqet te shpjegoje se perse kjo greve nuk ka pasur mbeshtetje popullore, dhe e shpjegon me ate qe:

një nga arësyet e topitjes së opinionit pubik është zhgënjimi masiv në tërë klasën politike.

 

Dhe, Lubonja kapte ne piken e trete te artikullit qe jo vetem duhet te sigurohet liria e votes (pra grevistet kane te drejte, pika 1.) por edhe qe:

e keqja më e madhe vendit i ka ardhur e po vazhdon t’i vijë nga pushteti i pakontrolluar i partive qofshin këto një parti, dy parti apo grupe partish. Vendi ka nevojë urgjente të forcojë institucione të pavarura nga partitë që të kenë jo vetëm besueshmëri, por edhe pushtet e kontroll mbi to në emër të interesave të publikut.

Nese behet kjo qe thote Lubonja, ndoshta nuk do kete nevoje per greva te ngjashme ne te ardhmen.

Self, Lubonja si dhe Andi me lart, apo Mustafa Nano, vazhdojne te kembengulin se fajin qe gjerat kane ardhur deri ketu, e kane elitat qe kane humbur besueshmerine. Kjo eshte e vertete vetem ne momentin fillestar te humbjes se besueshmerise. Ne qofte se pas ketij momenti, vazhdojme e perserisim pergjumesh se fajin e kane elitat qe kane humbur besueshmerine dhe nderkohe nuk e ndeshkojme kete humbje (Lubonja ka meritat e veta per trajtimin e mosndeshkueshmerise) atehere thjesht sa fosilizojme dhe justifikojme te njejtet njerez te pabesueshem. Dhe per kete nuk na e kane me fajin elitat, por e kemi vete.

Elitat kane humbur besueshmerine ndaj institucioneve qe kane ngritur vete ne kembe (nqs e marrim te mireqene se kane ngritur institucione).

Ne leter gjerat funksionojne ne menyre demokratike. Deputetet e zgjedhur nga populli miratojne kodin zgjedhor, komisionet e zgjedhjeve perbehen nga anetare te te dyja paleve, vendimet mund te ankohen deri ne KQZ dhe deri ne gjykata. Vjen nje moment ku duhet hedhur vallja sipas muzikes (sistemit). Nqs nje pjese e politikes, per me teper e perfaqsuar ne Kuvend, vazhdon ta kundershtoje sistemin ne kete menyre, atehere vate sistemi dhe institucionet. 

Institucionet nuk jane mure prej guri qe i ke te ngritur aty dhe nuk i tund as stuhia e as termeti. Institucionin e rrezon poshte nje fjale goje. Edhe pse mund te ekzistojne nje mije arsye per te perligjur greven e 10 deputeteve, ata jane duke i bere nje dem shume te madh demokracise shqiptare. Ata po kontribuojne te zhdukin edhe ate pak besim qe mund te kene shqiptaret ne institucione. Keshtu, ne do te vazhdojme te qeverisemi ne menyre instiktive dhe jo te organizuar, ngelemi ne xhungel dhe nuk arrijme te krijojme nje hapesire politike normale.

Ja dhe nje artikull interesant per gangsterizimin e politikes, per "elitaret" tane mafioze qe kane mare politiken peng per te permbushur ambicjet e tyre karieriste dhe financiare.

E per shqiptarin e thjeshte, kjo e vitit 2008 eshte nje skene e ngjashme me "Gangsta's paradise", me ndryshimin vertet cilesor se ata qe akuzojne njeri-tjetrin per gangstere, mashtrues, hajdute e abuzues, nuk kane zinxhire floriri dhe xhinse te ulura ne gjysme te muskujve gluteale, por kostume e kravata te shtrenjta dhe debatojne ne emisione prestigjioze per integrimin euroatlantik. Ata nuk zihen me grushte, por me sms; ata nuk pergjaken hundesh e gervishen gjunjesh, por pudrosen para se te filloje emisioni. Ne pritje qe media, kjo pararoje e shoqerise se sotme megjithe njemije e nje problemet e difektet e veta, te zbuloje skandalin e rradhes per ndonjerin prej tyre.

Nga Naimi:

"Keshtu, ne do te vazhdojme te qeverisemi ne menyre instiktive dhe jo te organizuar, ngelemi ne xhungel dhe nuk arrijme te krijojme nje hapesire politike normale."

Naim, gjithmone ne qofte se "e marrim te mireqene se kane ngritur institucione". Te kishte institucione bese, do isha dakord me ty se keta te dhjete po e minojne. Por fakti eshte qe institucionet jane institucione mashtrimi, mosbesimi. Mos po thua qe nuk bejne mire qe kontribuojne ne zhdukjen e atij pak besimi tek keto institucione zhgenjyese?

Lulian, kjo puna e institucioneve eshte proçes. Nuk jane institucionet zhgenjyese. Zhgenjyese jane sjelljet e shqiptareve dhe pike se pari te politikaneve shqiptare ndaj tyre. 

Institucionet shqiptare mund te drejtohen nga njerez qe ia ulin besueshmerine por perpara se keto institucione te veprojne ato paragjykohen. Nuk ka zgjidhje te arte qe mund te propozohet. Institucionet do te drejtohen nga njerez dhe jo nga jashtetokesore, nga shqiptare dhe jo te huaj. Vjen nje moment dhe kundershtimi abuziv ndaj tyre duhet te ndal sepse ndryshe futemi ne nje vorbull (ne fakt po bejme kohe qe jemi futur) dhe nuk dalim dot me. 

 

 Nuk dua te mbroj LSI , se nuk jam antar i asaj partie, por si qytetar me lind nje pyetje;

 kush do ta mbroj voten time, tate, te tjerve, nese ngaterrojme biznesin e nje njeriu, me çeshtjen qe ai mbron. Disa e quajne Meten; kok lope, (biles dhe plaka ime keshtu e quan), disa ; sulltan,  disa; ambicioz etj.  mirpo ç'lidhje kane shperthimi i emocioneve tuaja me nje te drejte qe ai mbron, dhe qe mua me duket se e ka mire. 

a eshte e gabuar te mbrosh voten e qytetarit.

Pjer Thomas, u kujtove vone. Meta sapo e la fare ate punen e mbrojtjes te se drejtes te qytetarit, se u lodh. Kishte kujtuar se po te bente 5 dite greve do e fitonte ceshtjen, nuk e kishte me te vertete ate muhabetin e sakrifices, veteflijimit etj..

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).