Berishianë VS. Antiberishianë dhe mungesa e Së Majtës

Berishianë VS. Antiberishianë dhe mungesa e Së Majtës


Arbër Zaimi

Zgjedhjet e 28 qershorit, të përshëndetura anembanë si “hap përpara” në historinë e demokracisë shqiptare madje të përshëndetura dhe nga liderët konfliktualë e nga “sekretaret” e tyre të buzëqeshura majë podiumeve të zyrave të shtypit, në të vërtetë nuk qenë gjë tjetër veçse farsë e radhës, një tragjikomedi e shpifur, që përmbante në vetvete fenomene nga më të pështirat, që nga mashtrimet, vjedhjet, partitë potemkin, loja me ndërgjegjjen e nënndërgjegjjen e elektoratit (me ndihmën e medias së ndotur), e deri tek vrasjet, presioni, terrori i bardhë i një sistemi pervers. Në këto zgjedhje klasa politike hyri si moniste, e bashkuar në interesin thjeshtësisht korruptiv, dhe doli po njësoj.

Por zhvillimet janë të shpejta, e siç ndodh rëndom pas zgjedhjeve, njerëzit rendin pas informacionit që frenetikisht rrjedh, i programuar që të mos lërë kohë për të reflektuar. Kështu askush nuk do të ngrejë shqetësimin e kutive në Shkodër që përmbanin 100% vota të PD-së, apo kutive në Vlorë që përmbanin 100% vota të PS-së. Asnjë analist, gazetar apo njeri i thjeshtë nuk e ngre pyetjen dyshuese, si ka mundësi që në mijëra vota të shpallura të pavlefshme (pasi ishin zgjedhur më shumë se një parti nga votuesit) nuk mungonte asnjëherë përzgjedhja e LSI-së apo Polit të Lirisë... mos vallë abstenuesit ishin marrë vesh që në dy partitë që do të zgjidhnin për të bërë fletën nul, të qenë dhe koalicionet kryeneçe? Askush nuk është duke i përmendur më vrasjet e të ndjerit deputet, aktivistëve të PD apo funksionarëve të PDK. Pak kanë rëndësi këto, rëndësi ka rezultati, apo jo. Rëndësi ka ndarja e tortës tek e cila kemi sytë të gjithë, edhe pse nuk ditëm as kësaj radhe të mbërrijmë të torta në mënyrë të civilizuar, pa shtyrë, pa shkelur, pa pështyrë, si shqiptarë të mirë që jemi.

Roli i ndërgjegjjes popullore është tepër i rëndë për shpatullat e mia, dhe nuk kam ndërmend ta bëj këtu, e askund tjetër. Sovrani popull votoi i hutuar nga një fushatë jo etike mashtrimesh, u vodh pasi votoi, iu përplasën syve exit-polls dhe rezultate paraprake e përfundimtare, dhe me atë heshtjen e vet që e karakterizon, me urtësinë e naivitetin e një populli fëmijë, legjitimoi këtë situatë, që s’ mbetet veç ta analizoj. Në krevatin e tij të lëngimit sovrani popull belbëzoi alea est iacta, plaudite.

Duartrokitjet

Kur vota e popullit të dikton duartrokitjen, nuk ke ç’bën, do rrahësh duart përballë këtij spektakli të dështuar e përballë këtij humori të zi realpolitik që na e servirin si një seri evenimentesh të sinqerta moralpolitik-e.

Në këto zgjedhje “titanët” që përballeshin ishin Rama dhe Berisha (e pas tyre ushtria e lakejve). Dy “titanët” pasi i dhanë dorën njëri-tjetrit në prill të 2008, vendosën të caktojnë kushtet e luftës. Synimi i Berishës ishte të mposhtte Ramën dhe të qëndronte në pushtet, ndërsa synimi i Ramës ishte që të mposhtte “partizën” e Metës që mund t’i fuste shkopinj nëpër rrota. Që këtu Berisha u avantazhua, pasi në kampin kundërshtar nuk kish plane të qarta, por thjesht konfuzion, dhe një luftë e Goliathit kundër Davidit (parabola biblike tepër e papërshtatshme, pasi në të vërtetë kishim veç dy Goliathë, një vertikal e një horizontal, po ky i fundit i çarmatosur e disi leshko).

Analiza e situatës është mirë të fillojë me sqarimin që në këto zgjedhje Shqipëria vendosej para katër mundësive (që përfaqësonin vetëm dy alternativa reale). Ishin PS, LSI dhe Poli i Lirisë që përfaqësonin politikën antiberishiane dhe PD, që natyrshëm qëndronte në konfirmim të historisë së saj, dhe politikës berishiane. Ky sqarim duhet mbajtur parasysh gjithnjë, në Shqipëri nuk pati kampe të majta e të djathta, por vetëm anti e pro Berisha. Për politologët që ende nuk e njohin mirë Shqipërinë, vlen të theksohet se “Berisha” dhe “berishiane” nuk qëndrojnë për ndonjë filozof apo mendimtar të politikës, por për një lider tranzicional autoritar, të cilin shumë e duan pse i ka futur në punë ata apo ndonjë të afërm të tyre, e shumë e urrejnë pse i ka hequr nga puna ata, apo ndonjë të tarafit. Pra në elitë e në popull, kryefjala e këtyre zgjedhjeve, thelbi i paradigmës politike të të gjitha krahëve, ka qenë Berisha dhe praktikat e tij tribale-klanore për të shpërndarë të mirat që të jep pushteti.

Le të bëjmë një shikim të shpejtë të atyre që deshën t’ia merrnin pushtetin Berishës, opsionet që ata sillnin, vizioni që kishin, mënyra me të cilën punuan:

PS, trashëgimtare (e vetëmohuar disa herë) e PPSH-së është fenomen tipik i vendeve lindore që nuk e hodhën vetë komunizmin, por pritën të kolapsonte ngadalë (përshembull Rusia, Rumania apo Bullgaria). Në mënyrë të ngjashme me simotrat e veta PS nuk trashëgoi asnjë lloj ideologjie nga paraardhësja e saj. Është e qartë që partitë udhëheqëse në Bllokun Lindor, edhe pse mbanin emra e etiketa komunistë, socialistë apo laburistë, ç’prej kohësh i kishin humbur idealet e ideologjinë, e qenë shndërruar në aparatura të ngadalta burokratike të mbushura me njerëz oportunistë nga më të pamoralshmit. Kështu PS lindi prej një partie që veç në kopertinë mbante ngjyrën e kuqe, sepse në thelb s’mbante veç ngjyrën e verdhë të parasë.

Mes vuajtjeve të para (ku reagimi popullor antidiktatorial u drejtua disi edhe kundër PS), socialistët ditën të tërheqin turmat e pakënaqura nga Berisha, që për hir të reformave, po shumë më shpesh për hir të një shteti korruptiv e konjuktural që po formonte (edhe ky fenomen i ngjashëm me Rusinë apo Rumaninë e post ’89), kishte lënë shumë njerëz pa punë, e ç’është më e keqja, pa shpresë, pa vizion për të ardhmen, jetimë në atdheun e tyre. Paradigma legjitimuese e PD-së dhe e Berishës qe antikomunizmi, një paradigmë reaksionare që nuk vonoi të ketë viktima, duke shpënë në burg dhe kryetarin e opozitës (që fitoi një aureolë të pamerituar heroi me këtë rast). Meqenëse komunistët ishin këta të PS-së, dhe këta nuk dilnin dot me ndonjë slogan antidemokratik, u fokusuan te vetë Berisha, dhe shpikën antiberishizmin.

Antiberishizmi mbeti në rend të ditës tek e majta shqiptare deri sot e kësaj dite, parti të vogla e të mëdha, përfshi dhe fraksionin e LSI-së vazhduan ta përdorin si strumbullar të politikës së tyre, njësoj siç bën ende në konferencat gjithnjë e më të rralla lideri i opozitës së re, Edi Rama.

Ku qëndroi problemi?

Fokusimi i politikës tek një person i vetëm, heqja apo ruajtja e tij, së pari është mashtrim i keqformuar që mund të përtypet vetëm nga një publik dement. Pasi të gjithë e dinë që nëse opozita do të merrte pushtetin, ikja e Berishës do të kryhej brenda çastit, ndërkohë që vijojnë dhe katër vjet të tjerë për të cilat duhet të ketë ca plane e ca vizione të qarta e transparente.

Së dyti, fenomeni i antiberishizmit nuk lejoi zhvillimin e një diskursi politik që ndoshta do të mund të sillte krijimin e një të majte moderne që i përshtatet antropologjisë sociale të Shqipërisë së sotme (ky fenomen ka ndodhur në vendet lindore me kulturë institucionale e politike, vende që diktaturën totalitare e rrëzuan vetë e nuk pritën t’u shembej mbi koka, si Polonia apo Çekia). Shtypja e diskursit konstruktiv apo kritik për krijimin e një të majte reale është realisht një mëkat i madh që i bëhet një populli të përbërë në masë dërrmuese nga shtresa që kanë nevojë urgjente për politika të ekuilibruara nga ana sociale, e jo thjesht për dorën magjike të tregut (kryesisht informal) që zhvillohet këndej.

Mirëpo PS e Ramës ishte tepër e fokusuar tek zhdukja e LSI-së, ndaj të cilës ushtroi gjithë fuqinë parlamentare për t’i përgjysmuar shanset nëpërmjet kodit elektoral (ata që thonë se qenka mirë që të zhduken partitë e vogla, nuk kërkojnë demokraci por oligarki). Kjo parti e madhe e opozitës nuk mbërriti kurrë, ashtu e orientuar drejt spektaklit, vitrinave dhe kopertinave, të ofrojë qoftë dhe një hije mendimi të majtë, programi apo vizioni.

Sa për LSI-në, nuk ka dyshim që kjo ishte një parti krejt pragmatiste. Ilir Meta i pati shanset të krijonte një parti të majtë diku mes 2005 dhe 2007, por i fokusuar tek fuqizimi ekonomik ai e ktheu partinë në një stan biznesmenësh, ndërkohë që anëtarët ishin kryesisht të punësuarit apo kushërinjtë e këtyre biznesmenëve. Pa një kapacitet real për të zhvilluar diskurs politik, LSI gjatë gjithë kohës ka qenë një parti pa pozicion në spektrin politik shqiptar.

Poli i Lirisë ndryshe nga dy partitë e mëparshme deshi të krijonte atmosferë të djathtë, por një përzierje retorikash tradicionaliste – konservatore – religjioze – liberale, e bëri në të vërtetë mishmash politik ku binin në sy ca figura të ngritura e të shpluhurosura nga dosjet më të hershme të PD-së. Edhe këta ashtu si Meta, elektoratin e kishin kryesisht konjuktural të ngushtë, kushërinj, të njohur, e njerëz me të cilët i lidhte ndonjë marrëdhënie ekonomike.

Sado të vogla elektoratet e Polit të Lirisë apo LSI-së ato u vodhën në mënyrë domethënëse. Në asnjë dokument ligjor të Shqipërisë nuk di të garantohet liria e vjedhjes ndaj më të vegjëlve, dhe moralisht ky është një krim ndaj demokracisë, nëse ndokush e ka patur ndonjëherë për zemër këtë sistem utopik.

Këto parti, e parti të tjera të vogla, u vodhën haptazi prej PD dhe PS, që sipas të gjitha gjasave e kanë vazhduar mirëkuptimin e tyre edhe në mes të luftës, kësaj lufte misenscene që u servir si ngjarje e madhe historike.

Faktori tjetër, berishianët e PD ndërkohë mbërritën pa shumë mundime të kalojnë para, falë dritëshkurtësisë të Edi Ramës. Mungesa e strategëve të mirëfilltë politikë që njohin terrenin, mungesa e statisticienëve të mirë (mjaft të aplikonin shifrat e 2005 në këtë formulë për të parë që s’fitonin), imazhi negativ dhe snob i Edi Ramës e entourage-it të tij, por mbi të gjitha arroganca e një vakuumi të dukshëm, bënë që vetë socialistët e bazës të punonin me gjysëm zemre për Edin, që i urdhëroi të promovonin kandidatë të panjohur, të sapoimportuar nga “jashtështetit”.

Fitorja e PD do të thotë shumë për Berishën. Ajo i garanton këtij testadura të tranzicionit një pushtet të gjatë e të qetë për këto arsye. Së pari ky rezultat do të shkaktojë probleme të brendshme në PS, përplasje mes mbështetësve të Ramës (deputetë të rinj e biznesmenë), dhe kundërshtarëve të tij (popull votues që do rrijë dhe katër vjet pa punë). Kjo do të sillte një shkundje të opozitës nga themelet, dhe do të vinte në diskutim Ramën (s’është çudi që Rama të krijojë një parti “të qendrës” nëpërmjet deputetëve të vet dhe aksesit në pushtet e para që i ofron bashkia). Me po të njëjtat zgjedhje Berisha diskreditoi Nanon, që e la të vardisej pas Metës, por edhe Metën, që në fund fare, i gjendur para pamundësisë financiare për të qëndruar në opozitë (nuk ka më asnjë mundësi ekonomike për të mbajtur LSI-në në opozitë dhe katër vjet), e detyroi të pranonte kërkesën e tij.

Planet e Berishës kanë ecur më së miri, vijimi i privatizimeve korruptive, kalcifikimi i klaneve që kontrollojnë gjithçka, e mbi të gjitha meritat e mëdha të “Rrugës së Kombit” apo pranimit të “Statusit të Kandidatit”, ia bëjnë tepër të lehtë Berishës mbarëvajtjen e këtij mandati, madje dhe pretendimin e të tretit.

Pra në krye të shtetit mbeti krimi, korrupsioni, i përforcuar e i lustruar prej ndërkombëtarëve. Por edhe para zgjedhjeve, nuk kishte ndonjë alternativë shprese. Privatizim, liberalizim, treg i shfrenuar, informalitet, korrupsion e mbi të gjitha krim, ishin shtyllat politike të të gjitha krahëve, berishianë ose jo. Hynë në këto zgjedhje si politikë e bashkuar, e dalin edhe më të bashkuar. S’mbetet të them veçse rroftë monizmi korruptiv që përparon me hapa galopantë drejt një të ardhmeje të pasigurt! (ndërkohë që pres me padurim të lindë prej kushteve aktuale një diskurs i majtë që do të dijë të flasë e të dialogojë me logjikën e me arsyen e popullit, e jo me instiktet e fetishet e tij.)

53 Komente

....një diskurs i majtë që do të dijë të flasë e të dialogojë me logjikën e me arsyen e popullit, e jo me instiktet e fetishet e tij.)....

Shume po kerkon nga jeta. Si mund te lindi nje mendim i majte ne nje popullsi akoma (te pakten ne dukje) te dashuruar me kapitalizmin dhe perparimin individual e cila vazhdon te bombardohet nga ana mediatike me premtimet e te mirave materiale qe sjell kapitalizmi?

Edhe ti Llukan je nja nje shekull mbrapa me kete qe pretendon. Sot dhe qe prej disa dhjetevjecaresh "e majta" dhe "e djathta" nuk jane asgje tjeter vecse dy nominative per te emertuar dy grupe politike qe gati s'i ndan gje.

Ndersa ti akoma pret te krijohet proletariati!!

Ndersa ti akoma pret te krijohet proletariati!!

Po ti nga e nxorre kete? smiley

që do të dijë të flasë e të dialogojë me logjikën e me arsyen e popullit

Per mendimin tim kete premisen e ke te gabuar. Ajo cka une shoh te nevojshme eshte zhvillimi i logjikes e arsyes se popullit nepermjet edukimit politik, perpara se te fillosh te besh diskurs te majte (apo te djathte). Ama sdi te te them si mund te arrihet kjo, ne kushtet qe populli p.sh. fjalen komunizem e barazon me 'diktature dhe persekutim'.

Mbase para se te kalojme tek "edukimi politik" duhet te merremi thjesht me "edukimin".

Ok, Ll, me paska marre shume kohe dergimi i komentit smiley

Ama sdi te te them si mund te arrihet kjo, ne kushtet qe populli p.sh. fjalen komunizem e barazon me 'diktature dhe persekutim

Kur nuk di si te thuash se si arrihet, mos ja keput kot.

Nuk arrin qe te kuptosh akoma qe komunizmi ka ne baze diktaturen e proletariatit, marrjene pushtetit me dhune e pastaj predikimin e luftes se klasave.

Cfare duhet te kuptoje populli i tmerruar qe sapo e ka kaluar, te kthehet tek ilumunistet apo komuistet idealiste? Ta provoje edhe nje here!

Lexoje edhe njehere fjaline time, dhe mundohu ta kuptosh. Po se bere dot, keputja kot sa te duash.

Bobio, duke analizuar votat e partis se Finit, me 11-14 % shkruante.

"Nuk eshte koiçidenc qe % e partis aleanca nacionale sot 1994, me ato te Musolinit 1920 jane njesoj. 14 % e Italianeve votonin fashistet.Italia nuk ishte me shume fashiste se 14 %".

 

Sipas Bobios, kur per 80 vjet, nuk nderron %, pse duhet besuar se tek ne ndryshon ne pak vite?

Duke u bazuar tek ky arsyetim , do thote se 40 % qe adhuronin diktaturen, korrispondon me 40 % qe ka Ps.

 

Lumidrin te lutem mos na fut ne keto hullite pa krye te shoqerimit PPSh-PS. Jane bere 18 vjet qe nga ndryshimi i sistemit dhe ironikisht ne kete periudhe i vetmi qe ka arritur te mbaje ne kembe nje gjysem-diktature ka qene Berisha (dhe PD).

Besoj se ajo qe e shqeteson autorin e shkrimit jane pasojat per te ardhmen e mangesive ne jeten/kulturen politike ne vend. Tema eshte mjaft interesante ne vetvete keshtu qe s'eshte e nevojshme te hapemi si vaji ne lakra.

Ll.

Se si mund te formohet logjika e aresyeja nepermjet edukimit politik, vetem ti e kupton. Ne fakt u munduan per 50 vjet me kete ide por harruan qe njeriu eshte, edhe eshte pra, qenie materiale. Pra kjo qenie materiale operon mbi materie, mbi prone, dhe mbi kete baze formon edhe gjykimin.

Me pak fjale e kam tek elementi i mireqenies, dhe si pasoje fillon te konceptosh e me pas te aresyetosh.

Berishianë VS. Antiberishianë dhe mungesa e Së Majtës

Ke harruar edhe mungesen e se Djathtes !!

Sa Shpejte e harruat Fan Nolin qe thote se ne shqiperi nuk ekzistojne krahe por dhemb per te kapur pushtetin dhe kolltuqet !!

Eshte e paevitushme ne kete situate qe te sulmohet njeriu, udheheqesi, quajeni si te doni. Shekuj mbas revolucionit francez ne jemi kthyer perseri tek " Shteti jam une!"

 

Shume kujt prej nesh do i behej qejfi te sulmoheshin idealet, por smund te sulmosh diçka qe nuk egziston. I gjithe sistemi politik shqiptar eshte sistem i bazuar tek njeriu  :  rrezon njeriun rrezon sistemin. Nese rrezon idealet, idete, fjalet, nuk rrezon asgje sepse jane dy gjera te ndara, qe jetojne shume mire pa njera-tjetren e ndoshta nuk jane takuar kurre.

nuk ke pse e fillon nga sulmi, ne radhe te pare fillohet nga prodhimi i programeve e planeve politike per vete, pastaj sulmohet tjetri...

pastaj nese biem dakord me situaten, dhe themi qe mire jemi keshtu si jemi eshte tjeter pune smiley

gjithsesi e shoh qe bie shpesh dakord me ty neper komentet qe shperndahen neper peshk smiley

Antiberishizmi nuk eshte thjesh vrasja e diskursit te majte por vrasja e diskursit politik ne Shqiperi. Megjithate, perpara se te fokusohemi tek diskursi i majte apo i djathte, ne kemi nevoje ti japim me shume rendesi etikes politike. Nuk mund te diskutohet per ide ne zullumin politik shqiptar te mbingarkuar nga fyerjet dhe sharjet. 

Pra në krye të shtetit mbeti krimi, korrupsioni, i përforcuar e i lustruar prej ndërkombëtarëve.

Kete fjali te autorit e propozoj te perfshihet ne "thenjen e dites"

Bobio me duket sikur ja keput ne tym ose duhet marre si element propagande per shtim elektorati nga nostalgjiket.

Mbas 5 vjetesh dmth, ne 1925 italianet votonin 35% fashistet, por kjo nuk do te thote qe ne 2009 ( 5 vjet me pas 2004) te votojne po aq.

Fashizmi ne 1920 ishte tendence po aq sa ishte komunizmi. Me ndryshimin e historise dhe te teorive te deshtuara si te fashizmiit e te komunizmit, ndryshimet ne konceptin e jetes dhe mireqenies se popujve, edhe ne relacion ndermjet ndryshimit dhe levizjes se krizave kane qartesuar politikat e politikanet.

Vetem rasti Irakut i ndryshoi dhe i pruri politikanet ne prag te deshtimit po aq edhe te fitores. te grindjes se tyre po aq te aleancave e kompromiseve.

Tek ne eshte ajo qe pronaret e rinj jane duke formuar te djathten, dhe keta qendrojne paster ne te ashtuquajtur te majte. Por nderkohe e djathta tradicionale e cila pjeserisht i ka marre pronat, po ruan me zor te madh elementet tipik te konservatorizmit dhe moralit, dy shtyllat e te djathtes.

Ne kete perzierje te "zengjinevete rin me te vjeter", kerkohet pak kohe te precipitoje dhe do te kemi nje realitet te ri pas 10-20 vjetesh.

Italia nuk e shkaterroi asnjehere borgjezine dhe kryesisht pronen. As besimin e moralin fetar e si pasoje ka shtylla te forta.

Keiendi qenka i shkolles se materializmit dialektik. Pse dialektik? Se duket progresist. Thote qe pa mireqenie nuk vjen zhvillimi njerezor. Por barazimin mashtrues dhe te cuditshem materie=prone vetem nje njeri ne mbrojtje te prones se vete shume te ngushte mund ta beje. Por prona eshte perjashtuese. Atehere ai i paproni, pa elementin e mireqenies, si do te mesoje te arsyetoje? Apo me lemoshet e tua dhe te arsyes tende?

Shum pyetje ben njekohesisht e nuk del me ndonje perfundim tendin llogjik.

Megjithate nuk eshte vendi te bejme shtjellime te filozofise.

Por askush nuk eshte pa prone. Ideja eshte se sa me mire materialisht te jete nje grup shoqeror edhe arsyetimi i grupit do te kete koncepte te ndara prej grupit tjeter me nje lloj mireqenie tjeter. Askush ne kapitalizem nuk eshte i pa prone sepse do te pranonim pastaj dogmen e "Leninit qe proletariati nuk humb asgje vecse prangat".

Nuk flas per Shqiperine, prandaj quhet ne tranzicion. Ku ka njerez te xhveshur prej te gjithave qe presin me ankth liberalizimin e vizave per tu zhdukur. Edhe emigrante te cilet bejne disa viet pune, gjeja e pare qe bejne eshte blerja e shtepise, pra behen pronare te dickaje. Nuk do te thote latifondiste dhe pronare industrish.

Ketu edhe fillon pastaj ndarja ne parti dhe grupe ideologjike.

 me nje lloj mireqenie tjeter

cfare lloj mireqenie eshte kjo tjetra?

Mirqenia tjeter eshte ajo qe vjen si pasoje e trashegimise ose e zotesise intelektuale, punes etj. me te cilen e ke fituar por kurre prej asj te xhvatjes ose rrembimit banditesk.

Ceshtja e edukimit nuk eshte aq e thjeshte, dhe nuk jam dakord kur problemet ia mveshim popullit si i paedukuar, i pazhvilluar, i papergatitur etj.

Vertet qe elitat politike kane ne dore mjetet, dhe kane detyren per te edukuar dhe emancipuar popullin, por ama eshte e domosdoshme nga ana tjeter qe keto elita te reflektojne nevojat dhe deshirat e popullit, pra edukimi te mos ndodhe ne menyre arrogante dhe te sforcuar.

sa per "te majten" probleme te ngjashme has dhe ne vende te tjera te ish bllokut lindor. jane fenomene te nje politike pragmatiste qe ne forme ngjan me catch-all obamist, ndersa ne thelb ngjan me steal-all alibabist.

"e majta" eshte e destinuar te kete nje lindje te veshtire, ajo do te nise nga grupe te margjinalizuara te mendimit politik, gjithsesi larg PS apo partive kelyshe. gjithnje ne kombinim te mendimit elitar me nevojat komunitare (kjo ne fakt eshte nje nga vetite me te mira te se majtes, arrin t'i pershtatet sociologjise dhe zhvillimeve antropologjike, nuk ka nevoje te domosdoshme per ekzistencen e proletareve te fillimshekullit xx)

Cfare eshte Berishizmi ?

Pervec se demagogji e paster dhe menyre mashtrimi per te qendruar ne pushtet ,nuk eshte gje tjeter !!

Pervec se korruptim i paster ,nen slloganet propagandistike ,nuk eshte  gje tjeter !

Pervec se nje zhvillimi primitiv , te pa drejte ne favor te nje pjese dhe ne dem te tjeres,pjeses me te madhe te shoqerise ,nuk eshte gje tjeter !

Perves nje grupimi qe nuk ka lidhje me Kombin ,as gje tjeter !!

Cfare eshte Anti Berishizmi ?

Eshte pervecse nje  emancipim shoqeror i drejte te nje shoqerie normale ,ku ligji eshte i barabarte per te gjithe njesoj ,as gje tjetr .

Pervecse nje vlersim te vlerave me te mira te Kombit tone ,as gje tjeter !

antiberishizmi nuk eshte asgje tjeter pervecse mohim i berishes. pra as pohim nuk eshte.

sic thoshin shpesh g-99-shat, ne jemi kunder anti-vleres smiley

O artian sa bardh e zi je mor burre, shiko se kjo bote eshte e mbushur edhe me plot ngjyra te tjera.

Nuk do te thote qe antiberishe ka te gjitha vlerat dhe e kunderta berishizem eshte plot vlera.

keindi,une shpjegova dy ngjyra ,ti shpjegoi pese te tjerat !

Ruges do ti shikosh.

Do kenaqesh vellai, si puna e filmit me ngjyra ne dallim me ate bardhe e zi. Vetem nje dicka nuk di nese do te dallosh. Lartesine aktoriale, sepse edhe ne filmin pa ngjra ka pase loje me te vertete te bukur.

Sol, great job. Te lumte dhe falemnderit!

Sol efendi, ene me pelqevi ene s'me pelqevi artikulli jot. Po ti sigurisht qe e e prisje qe nje i djathte si puna ime s'pajtohet dot me ato diskurset anti privatizim apo me tundjen e gogolit, krize.

Per privatizimet nuk ja vlen te flasim fare se o teme krejt tjeter dhe s'ka lidhje me thelbin e artikullit tat.

Kurse puna e krizes, dume s'dume eshte si puna e gotes gjys bosh apo gjys plot. Per mendimin tim dhe te shume specialisteve te ekonomise, Shqiperia u prek me pak nga kriza se shume vende te tjera. Ose te pakten nuk ra ne recesion po ruajti nje rritje pozitive (masa e te ciles mund te diskutohet gjate) Sidoqofte nuk perben argument kritike apo lavderimi per qeverine.

Persa i perket nevojes emergjente qe ne kemi per pole politike reale, une jam plotesisht dakort me dy. Por edhe veshtiresia e krijimit te ketyre poleve nuk varet vetem nga niveli i edukimit te militetit (se per nje "ekstremist" si una mileti o dele me dy kome gjithandej), por nga 4 faktore qe une i shof si me te rendesishmit.

I pari eshte mungesa e idealeve tek rinia dhe mania per te fitu fame apo para sapo nisim me bo diçka. Kjo pengon kryesisht krijimin e nje rryme te majte se e majta eshte e bazuar kryesisht te idealet. Por jo vetem. Fjala bie, pse duhej Veliaj te tentonte me çdo kusht te kapte mandate apo post ne qeveri nje vit pasi kishte kriju nje parti? Po bej nje pyetje naive sikur nuk e di qe ai kete e priste jo per merita po si shperblim te sherbimeve ndaj Rames, se dua ta sjell si shembull te faktit se ne nuk dime te japim prova duke punuar, para se te marrim frutet e punes.

I dyti eshte mungesa e nje klase te pasurish me tradite qe vjen nga pislliku i politikes qe refuzon kthimin e prones, po perkundrazi (Sala kryesisht) ta perdor pronen tate per te bere fushate, duke shperndare legalizime ndertimesh vend e pa vend. Aktualisht ne kemi vetem te pasur qe jane pasuruar fale pislliqeve nga me te ndryshmet. Ku me te rendat jane trafiqet e droges e kurvave, dhe me te "lehtat" korrupsioni dhe evazioni fiskal. Ne te dyja rastet keto jane bere me aprovimin e te pakten nje pjese te politikes (dmth nje pjese per secilin, se te pjeset bashke jane e tere politika). Ndaj askush prej ketyre edhe sikur me paret qe kane bere te blejne trru, nuk ka mundesine e reflektimit politik se detyrimisht ata do i binden atij apo atyre politikaneve qe i bene "me pare". (une njof ish te persekutume qe jane gati te votojne PS-ne e Gramoz Ruçit, se Rama i ka dhene leje ndertimi, me pare sigurisht)

E treta, ajo per te cilen juve (ty, Leartit, Andit, etj) ju doli goja mbrapa, financimi i partive politike. Po te rregullonim disi rregullat e lojes gjithçka do behej me e drejte. Transparenca ne financat e partive do limitonte  financimet nga firma private qe pas zgjedhjeve kerkojne te shperblehen ne nje menyre apo nej tjeter. Limitimi i posterave elektorale ne vende apostafat per kete dhe jo ne çdo billboard ku politikanet reklamohen si produkte komerciale (pra ne shitje) se zyrtarisht nuk jane as gigolo as prostituta, do na kursenin nje mal me para. Ne fund te fundit pavaresisht se kush eshte "dorezuesi" i parave tek partia, nuk diskutohet qe ato para na jane zhvatur ne. (ndoshta keto rregullat qe permenda jane shume te frymezuar nga modeli frong po une kete njoh mire, pra konsiderojini si shembuj zgjidhjesh dhe jo si zgjidhje)

I katerti eshte roli KRIMINAL i mediave gjate kesaj fushate, dhe jo vetem. Sot ne Shqiperi (kjo qe akoma me flagrante ne zgjedhjet e fundit) nuk ke akses asgjekundi per te shprehur idete e tua, nqs ti nuk paguan televizionet ose nqs ti s'ke ndermend te kthehesh ne papagallin qe del e reciton interesat e pronarit te televizionit. Kjo beri qe te kishim vetem dy partite prezente ne çdo debat dhe qe per njerzit te shkonin ne kutite e votimit si ne agjencite e basteve (pritja e rezultatit me aq ankth edhe nga peshkataret, une i pari, te kujtonte ambjentet e klubeve ku robt shanin e turfullonin se teleteksi nuk kishte nxjerr akoma rezultatin perfundimtar te ndeshjes nga e cila varej skedina). Votimi per partite e vogla pra u be pak a shume ekuivalent me bastin "Tirona do fitoje Champion's League".

 

Ti mbetesh i papare ne mendimet e tua. Te pastra djathtas kuptohet.

Si e the edhe me siper vete, qe e majta ka nevoje per ideale, edhe keto te majtet nuk kan se ku ti gjene idealet tek PS, jam totalisht dakort.

Edhe ti po kerkon ideale nga a djathta me duket Lizander !!!! Por ska mo lal, ska se me rregullen e treshit perderi sa permende Qe te majtet duhet te kene ideale, i bin qe ne te djathtet te mos i kemi ato smiley ,se ndryshe do te thoje,Ideale duhet te kete e gjith politika.

 

Njs Njs.

 

Je shume aktual edhe i drejte per drejte. Do te votoja per ty, meqe do kthehesh ne Tr smiley Po kuptohet po ishe me siglen e partise djathtas smiley

 

Guce, jam dakord me ty (dhe mos me thuaj qe je i djathte radikal ti qe degjon Ska-P smiley )

flm emigrant dhe alternativa.

Llukan,

Autori e kupton shume mire pse solla si shemull Bobion.

1991, e majta votoi te majten apo antiBerishen, 1996, te majten apo antiBerishen, 1997 Nanon, apo antiBerishen, e me rradhe 2001, 2005.

Eshte nje elektorat qe nuk ndryshon %, kushdo te vije kushdo te iki, mbetet i pandryshuar 40 % , fjale tjera jane vetem luster.

Me dy gazeta thua diktature, me 15 gazeta e 5-6 tv, nuk eshte diktature.

 

 

keiendi!

Bobio, thote, nuk duhet te friksohemi per % qe perfaqeson partia e Finit ne parlament, te jeni te sigurt se do mbesi gjithmon ne 12-14% aq sa ishin fashista Italianet.

Une pyes, ne duhet te friksohemi ngase e kemi 40%?

Me 14 % Musolini nuk kishte asnje parlamentar, ndryshimit te ligjit qe beri Gjioliti,partia fashiste  arriti te marra 33 mandate,ne 1923 nuk priti zgjedhje tjera, e mori me force parlamentin.

 

Nuk vlen analogjia. Neofashizmi i Finit nuk eshte vijim i fashizmit musolinian, dhe gjithsesi ndikimi qe analizon bobbio eshte nostalgjia.

Ne shqiperi 40% qe voton PS nuk e ben per ideologji, nuk eshte as komunist as i majte, e ben thjesht sepse situatat ngushtesisht pragmatike e kane vene ne hendekun tjeter (pra nuk gjeten pune etj etj etj)

Ne shqiperi 40% qe voton PS nuk e ben per ideologji, nuk eshte as komunist as i majte, e ben thjesht sepse situatat ngushtesisht pragmatike e kane vene ne hendekun tjeter (pra nuk gjeten pune etj etj etj)

Jo ore jo, e ben nga shkollimi dhe kyltyra e tepert! smiley  

Normal
0
14

napToGridInCell />

MicrosoftInternetExplorer4

ection1;}
-->

/* Style Definitions */
table.MsoNormalTable
{mso-style-name:"Tabella normale";
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:"";
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:"Times New Roman";}

Arber bukur.

>>Pervec trashigimise jo te majte qe ka e majta jone, mungesa e se majtes vjen edhe si rrjedhim i drejteperdrejte i mungeses se nje te djathte te mirefillte te pakten ashtu si e konceptohen e majta dhe e djathta boterisht.

>>Perderisa asnjera pale te mos identifikohet paster e fuqimishem ne politika te majta apo te djathta te cilat nuk kane pasur e nuk kane ‘’shkolle’’ te tyre ne Shqiperi do vazhdojme te kemi keto anti/pro Berishe-Rame-Nano apo Mete me pak fjale anti/pro lider, kjo edhe pse mentalitetin shqiptar vuan nga uni-liderizmi e te jemi  te gjithe bejlere apo kapedane me vete.> >

Mire e thate se politika eshte fokusuar tek personi dhe vetem keto anti/pro indentifikojne per momentin politiken shqiptare e kam frige se do vazhdoje shume gjate sepse jemi te detyruar te kemi lider partish, kapedane .

>>Mqs nuk jemi te zote te bejme si duhet gjerat eshte mire qe te limitohet e percaktohet me ligj cdo gje e kjo edhe per sa i perket pushtetit.

Isha i idese te percaktohej me ligj jo me shume se dy mandate per kryeminister per nje lider, keshtu mire a keq do ishim te detyruar te kemi here pas here rotacion si rrjedhoje levizje, ndeshje ferkime e ndoshta ketu mund te lindin idete apo vlerat perkatese per cdo krah ,e ndoshta do kishim edhe lindjen e te majtes apo te se djathtes.

>>Thuhet : Uji qe nuk rrjedh nuk pihet , prandaj duhet trazuar politika postkomuniste ne Shqiperi (jemi te vonuar ne kete).Hyrja e Metes ne koalicion shihet si dicka e keqe nga shume por eshte dicka e re ne politiken shqiptare sepse trazoi paksa ujin, trazoi paksa mentalitetin politik shqiptar. Te presim si do vene punet, edhe pse per standartet tona pritja do jete e gjate>>>>>>

Sol,

nuk besoj se pret vetem komplimente, kushtojne me pak se nje koment .

Kendveshtrimi yt, eshte i qarte, po e verteta eshte tjeter.

Sepse i njejti elektorat ka votuar per Nanon ne 2001 e ne 2005.

Nuk mund te presesh nje te djathte "liberale" persa te ekzistoje nje e majte nostalgjike.

 

 

 

Lumidrin, nuk pres komplimenta, po nuk po e kuptoj nese po me pyet per dicka. Jam shume dakord me qendrimin qe ke, mungesa e te majtes se artikuluar ben qe dhe e djathta te mos vije sic duhet, dhe e zhduk diskursin.

Nga ana tjeter, mire a keq, Berisha ka ndjekur disa hapa qe perputhen me nje vizion trashesisht neoliberal. Taksa e sheshte, qeveria ne diete, privatizimi (shqiperia nje euro), investimi ne ndertim infrastrukture (qe sic u shpreh vete Berisha me pas do t'i kalohet per menaxhim privateve), hapja e tregut etj etj. Mua ky me duket qendrim neoliberal, megjithate patjeter qe jam dakord dhe me kritikat qe i behen naivitetit te artikulimit te djathte, si dhe perdorimit qe i behet ketij artikulimi per te hedhur hi syve elektoratit...

Gjithsesi, e djathta neoliberale bie jashte fokusit tim real, duke qene se vete keta besojne qe gjithcka do e rregulloje tregu, edhe diskursin e tyre politik pres ta rregulloje tregu. Keta "liberalet e djathte" te KOP-it tregu i beri kashte e koqe, ca i beri pronare universitetesh, ca i beri nacionaliste reaksionare naive, ca i beri te majte dekonstruktiviste...le vie dell mercato sono infinite...

"....Këto parti, e parti të tjera të vogla, u vodhën haptazi prej PD dhe PS, që sipas të gjitha gjasave e kanë vazhduar mirëkuptimin e tyre edhe në mes të luftës, kësaj lufte misenscene që u servir si ngjarje e madhe historike...."

 

PD e PS gjithmone ja kane futur partive te vogla dhe popullit.  

Perderisa duam idealizma, (dhe pse jo, duhet filluar nga diku) mendoj se gjithshka ne Shqiperi do ishte me frytdhenese nqs:

 

1. e majta formale (pra ajo qe ne i referohemi si e majte) do pastrohej nje here e mire nga mbreturinat e elementeve komuniste dhe ajo qe eshte me e rendesishmja, nga mentaliteti komunist qe sic u duk qarte ne keto zgjedhje, akoma e nxjerr koken sa here qe i jepet rasti.

2. do kishim nje alternative te qarte te djathte si kunderbalance te se majtes. Nuk eshte folur kurre ne Shqiperi nga asnje parti per shembull per nje qeveri te vogel, ulje te deficitit buxhetor, qartesimi pa ekuivok i ligjit mbi pronen private dhe mbrojtja e interesave te biznesit ne menyre te ndershme dhe pa ekuivoke, rritja e mireqenjes jo nepermjet programeve te qeverise por si rezultat i aktivitetit privat, etj, etj,,, te gjitha keto principe te pakompromentueshme te nje partie te djathte. 

Mendoj se kjo eshte kyc ne emancipimin e politikes dhe si rrjedhoje shoqerise e ekonomise shqiptare. Per momentin, per mua nuk ka ne Shqiperi te djathte te mirefillte, vetem disa parti (kryesisht PD) qe ne perpjekje per t'u diferencuar nga e majta formale (kryesisht PS) e quajne vehten te djathte. Kjo tendence e djathte nuk manifestohet per momentin ne asnje nga programet e kesaj partie (ose e partive te tjera te djathta). Mendoj se ne Shqiperi ekziston akoma nje frike e pergjithshme nga perqafimi i nje programi te mirefillte te djathte nga cilado force politike pasi ekziston akoma nga ana e publikut ideja qe shteti eshte pergjegjes per gjithshka.

 

Rezultati i tashem eshte qe duke qene qe nuk ka diferenca te verteta ne program, patjeter do kapesh te te tjera gjera per te fituar ne zgjedhje. Debati i mirefillte nga i cili publiku te zgjedhe krahun qe deshiron te votoje duke perfshire ketu programin, rruget e venies se tij ne jete, pasojat e zgjedhjes se kesaj rruge, si dhe avantazhet/disavantazhet e njeres alternative ne krahasim me tjetren, jane vite-drite larg ne politiken shqiptare.   

O Arber,

Une nuk kom thone qe jom i djathte radikal ne sencin kara-bushian (per te more nje shembull ekstrem). Une Ska-p i degjoj ene dal ene me bluzen e tyne rrugve me shume qejf (me qe ra llafi albumi i funit o shume i bukur, apo jo Enka) Puna o se ajo bluzja eshte nje mesazh kunder denimit me vdekje pra ideologjikisht ne rregull me mu.

Sa per pergjigjen qe i ke dhene Drinit, une nuk jam dakort me ty. As une nuk mendoj se Fini eshte njesoj me Duçen, po kjo shume pak rendesi ka. Njerzit qe votuan per te ne fillim (se tani ka ndryshu goxha me sa di une) nuk jane njerez qe ndjekin ndonje ideologji. Ata jane thjesht disa njerez te mbushur me urrejtje per tjetrin qe me zorr prisnin qe tu dilte dikush qe t'i jepte nje mesazh qe shkonte drejt asaj qe ata mendonin (shume fjale e madhe per ta kjo po s'gjeta tjeter)

Ne keto kushte paralelizmi qendron qe ç'ke me te. Se jo vetem qe Rama per nga natyra eshte nje kopie e Dulles, po sepse pjesa me e madhe e atyre qe votojne PS, e bejne per nostalgjine e kohes kur "benin ligjin". Ato qe thua ti, se nuk gjejne pune apo ku di une se çfare, nuk qendrojne se une mund te te garantoj se shume njerez qe jane pa pune votojne per Salen pa e dite fare pse. I dashur Arber (ore si shpjegohet qe nuk te kom gjet emer akoma une ty? po mos u merzit do vije edhe dita e Arberit!) fatkeqesisht ne Shqiperi ke akoma shume njerez (sigurisht jo shumica) qe jane gati te kthehen ne nje regjim te ngjashem em diktaturen, vetem e vetem se nuk pranojne dot qe dikush qe ka qene "poshte" tyre dje, sot mund te jete "siper". Paçka se te dy mund te jene shume me siper se ç'ishin ne ate kohe. Eshte shume e veshtire ne nje vend te vogel dhe me diktature aq te eger te çrrenjosesh kete lloj mentaliteti se perqindja e njerzve te implikuar ne kete lloj çorbe te prishur, eshte shume e madhe.

Me thuaj ti mua se sa njerez njeh ti, qe jane gati te pranojne gabimet e gjysherve te tyre (lene prinderve pastaj). Une kam nje shoqe qe e ka pas gjyshin prokuror qe ka marre ne pyetje 3 muaj rresht, time me qe ishte shtatzane (pranej kom dale kshu une! lol). Dhe kur une ja quaj gjyshin thjesht kriminel, asgje me teper ju betohem, se ka fut ne burg e internu edhe shoket e tij se e mundnin ne poker, ajo me hidhet ne fyt. Le qe pse shkoj kaq larg une. Jo me vone se dy dite me pare pashe ne lajme qe Valbona Hoxha pa piken e turpit kishte botuar ditarin e gjyshit te saj. Kjo tregon qarte se ajo jo vetem nuk ndihet fajtore per krimet e tij po kerkon qe te na bonde se ai ka qene nje gjysh i mire pra qe kot i bien ne qafe.

Pra ne nuk kemi bere kurre nje pastrim te ndergjegjes sone. Ndaj dhe njerzit mendojne se eshte e drejte qe te ndihesh superior se ke nje mik apo nje familjar ne pushtet. Nuk kemi pra se si mos te shqetesohemi per pjesen me te madhe te atij 40%-it. Per me teper qe jane pikerisht ata qe shtyjne 40%-in perballe te votoje per Berishen qe u hiqet si luftetari me besnik kunder diktatures.

o lizandro, prinderit e mi nuk kane qene as pushtetare as arrogante ne kohen e enverit. nuk e duan enverin, as nostalgji nuk kane. e quajne veten "intelektuale" ose "shtrese e mesme" dhe pse une kam kritika per te dyja cilesimet qe pa te drejte i perdor 90% e brezit te tyre. nuk e di ne jane te majte apo te djathte, gjithsesi s besoj se jane larg qendres.

por votojne gjithnje ps, madje zihen dhe me mua qe nuk votoj per parim (une do votoj vetem kur dikush te punoje aq shume sa te paraqese minimalisht nje program decent). votojne ps jo per nostalgji, as per ideologji, po se i ka heq dikur sala nga puna. tani sala nuk e ka pas me keta, se as nuk i njef, as nuk i ngrene peshe, po kshu ndodhi. kaq mjafton. si prinderit e mi ka shume...

rast tjeter, nje goce qe kam qene tu e gjujt para ca kohesh. ajo eshte me "te djathten" se tradicionalisht keshtu ka qene familja (tradicionalisht nenkupton 18 vjet). Kjo goca me thoshte se ishte e majte ne bindje, po meqe s'ka te majte ne shqiperi ndjek salen, se ky te pakten i ka dhene pune familjes se saj...

 

une nuk e di me ke rri ti kur vjen ne tirane, ti mbase rri me njerez qe kane sens ideollogjik, po une o guce, njof vetem andin dhe leartin (dhe ca cuna e goca) qe jane si une, dhe ty me llukanin (dhe hasimen) qe jeni si njeri tjetri...

te tjeret mer daj, nuk iu rref fare po fare. as lexojne, as mendojne, as kane ndermend te fillojne te vrasin mendjen per politike, vizion etj etj. buken e perditshme falna sot daje, a kupton?

votojne ps jo per nostalgji, as per ideologji, po se i ka heq dikur sala nga puna.

je cun king, sol-o. Mbare t'u boft!

Le qe pse shkoj kaq larg une. Jo me vone se dy dite me pare pashe ne lajme qe Valbona Hoxha pa piken e turpit kishte botuar ditarin e gjyshit te saj. Kjo tregon qarte se ajo jo vetem nuk ndihet fajtore per krimet e tij po kerkon qe te na bonde se ai ka qene nje gjysh i mire pra qe kot i bien ne qafe.

Mire Valbona qe e kishte botuar pa piken e turpit (gje qe une e kuptoj), por qe Panorama i bente aq reklame direkt e ne faqe te pare, ishte e paturpshme fare dhe mua ketu me duhet te bashkohem me opinionin tend.

Enver Hoxha i relativuar: diktator por ama gjysh i mrekullueshem. S'na ngelet vetem ta admirojme, si Enverin ashtu edhe Valbonen per fatin e saj. Shume moshatare te saj nuk paten fatin e saj, sepse gjysherit e tyre gjyshi i Valbones i kalbi neper burgje ose ju futi nje plumb kokes, e mbesat i internoi ne fundin e botes, me shpresen se nuk do ta gjenin me rrugen e kthimit. 

A nuk tha edhe Blendi Gonxhe tek opinioni, le te mos jemi kaq te ashper me Berishen dhe Ramen. Ata jane njerez, dhe ketu duhet ta fillojme diskutimin.

Po ky ngjan edhe si trend nderkombetar: mendo "the reader", vertet ajo ishte mizore, por ama dashuronte literaturen, librin. wow.

Mezi po pres botimin per dashurine e Hitlerit me Eva Brownin, helbete, Hitleri kaq i keq nuk duhet te kete qene, perndryshe a do ta dashuronte nje grua ashtu sic e dashuroi Eva Browni? 

 Keshtu i nderuar Keiendi     Nuk arrin qe te kuptosh akoma qe komunizmi ka ne baze diktaturen e proletariatit, marrjen e pushtetit me dhune e pastaj predikimin e luftes se klasave. ... ????? smiley Erdha sepse ke perdorur pak me siper fjalen "mos ja keput kot " si nderhyrje ndaj nje tjeteri. Ti jo vetem qe nuk ke lexuar GJE e ja Keput KOT ,  por s'ke as idene me te vogel qe njerzimi po kalon HAP pas HAPI ne rrugen qe quhet SISTEM Komunist! . Nje premise e tille eshte psh thelbi i teorise Komuniste i " shuarjes se Shtetit" ..si pengesa NR 1 dhe e VETME ndaj sistemit Demokratik , si perfaqsusi HISTORIK i vetem dhe i BARAZUAR me D H U N E N ne cdo forme qe te shfaqet . Je shume larg per te hyre e kuptuar teori te tilla ndaj mos u fut KOT se KOTI. Lerua teoricieneve te henes  smiley qe kane ndruar e do vazhdojne te ndrrojne njeqindhere Flamur ,  qe e kane mjelur dhe mjelin shoqerine ne cdo Hap , me personalitete te thyera e mushrumsa prej sh....qenit , te flasin per perfitimet e AFERTA . Eshte MODE dhe si cdo MODE do kete edhe topmodelet . Per teori te duhet SHUME po SHUME qe te marresh guximin te shprehesh .

(ata që thonë se qenka mirë që të zhduken partitë e vogla, nuk kërkojnë demokraci por oligarki).

 

Ketu nuk jam dakord me Arberin, edhe pse e kuptoj qe pozicioni im eshte pak ekstrem. Besoj ama se ne kete moment historik qe po jetojme ne, partite e vogla ne parlament jane luks dhe nuk mund t'ia lejojme vetes. Personalisht pra preferoj nje qeveri te forte qe vepron ne vend te nje parlamenti te larmishem, aq te larmishen saqe nuk veprojne. Nga ana tjeter partite e vogla ne vendin tone bejne njesoj si partite e madhe, pra kane pak ndryshim nga keto, qofte ne programe qofte ne arrogance. Te shohim si do sillet PDI-ja.

 

Lizandri siper tregon mire e ftohte 4 arsyet per te cilat ne jemi ata qe jemi. Shume dakord me te katra. S'jam shume dakord per sa i perket SKA P, te keshilloj Farm nga Dinosaur Jr nese do ndonje gje te re, surprize e kendshme do e quaja.

 

parti e vogel mund te jem une ti e ndonje tjeter, parti me tre veta e me tre vota. nuk ka njeri te drejte te na zhduke apo te na mbylle gojen. ne parlament natyrisht qe s shkojme dot, po retorika me "zhdukje", "shfarosje" te partive te vogla eshte retorike fashiste...dhe sa per luksin, ne nuk e kemi luksin te kemi parti te medha. po e shoh me vemendje ceshtjen, nje nga problemet e medha te politikes shqiptare eshte kosto e te berit politike. PD dhe PS kushtojne nje djall e gjysem, fushatat gjithashtu, duhet shfryre kjo flluske qe e detyron politiken ti shitet krimit e biznesit. po per kete jam duke shkruar nje shkrim tjeter.

Siç e thua ti, " mund te jem une ti e ndonje tjeter,", por ne fakt nuk jemi. Nuk egziston ne Shqiperi hapesire ne te cilen mund te futesh e te rritesh. There is a crap everywhere / that's how the light gets is. Ne Shqiperi as kjo nuk eshte, por besoj se kete ti e di me mire se une.

 

Kur them parti te vogla e kam llafin per disa prostituta te cilat duke qene se nuk kane mundesi te hapin bordello personale, ushtrojne ne rruge e kur i ftojne ne bordello shkojne me nje kembe. Ekologjist, demokristian etj etj. Sot per sot tre jane ruget qe te çojne ne Parlament, kalon nga partite e medha, nga bota e ndertimit a nga ajo e kriminalitetit te organizuar. Pike.

 

Nje parti e vogel si ajo qe kam ne mendje une, ti e Lizandri mund te lindi e te rritet vetem ne rruge, ne universitete e ndoshta te mos e shikoje kurre parlamentin, as me dylbi.

Krahasimi me partine fashiste me duket pak i tepruar dhe i pavend, mund ta marrim si baze por pa abuzuar.

 

Sa per Valbonen, natyrisht qe mund te botoje ça te doje. Aftesia e nje populli klase politike qendron ne faktin qe ta perballoje kete me argumente te tjera, me nje diksutim serioz dhe jo me nje pre-censure.

 

Natyrisht qe po qe se nuk flasim seriozisht per financimin e partive, te gjithe diskutimet e tjera jane kot. Deri kur te vije momenti ne te cilin te shohim online bilancin e ps pd grijme sallate vetem mes nesh, vete pyesim e vete pergjigjemi.

Ne rradhe te pare, dhe ne vijim te gjithe komenteve, qofte edhe nga tema e Blendit ku nuk kishte asnje fitues, dua te them qe keto zgjedhje e paten nje fitues, dhe ky ishte sistemi tre-partiak. Do kete gjithmone argumente, si Des, me larte, qe kjo iu duket e shtrenjte, por po te behet nje bilanc me i sakte, ky eshte sistemi me ekonomik i mundshem. Qelloi qe ishte LSI, pak rendesi ka. Une kam shpresa tek ky bashkepunim, me shume se c'do kisha tek nje qeverisje ala-gjermane, si ajo qe sugjeronte Arben Xhaferi, pasi i lejon ze jo te vogel dhe te dyfishte opozites, si ne qeverisje, dhe ne parlament. Idealisht, kjo nuk do te thote pavendosshmeri, por kontroll kunder pushtetit per hir te pushtetit. Opozita dhe mos-renia-dakord e cdo lloj forme, per mua eshte ideali me i larte qe mund te shfaqe e majta, pasi cdo akt qe do te kryhej do te kursente fryrjen e pamate te xhepave. Disensusi para modelit ekstremisht te djathte te konsensusit qe ofron NATO, pasi kjo do te siguronte kalcifikimin oligarkik. Quajeni edhe anarki po deshet. Kesaj rradhe ka potencial te shprehet ne shume nivele, megjithese shpresa eshte e ulet, packa se me e larte se zakonisht. Nga ana tjeter, e majta nuk duhet te trembet nga retorika nekrofilike qe ia atribuon e djathta. Ne thelb te "nekrofilise" se majte duhet te jete mireqenia e gjithsecilit perpara sakrificave individuale per mireqenien e pergjithshme te perfaqesuar nga nje pakice.

Keto jane truizma, e di, por me qe po flitej per ideale...

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).