13 vargje - Vetëm për Malevonezët -

Prej sa e sa kohësh popujt e Rajonit
ia kishin parë hairin ilaçit Patrium,
një lloj viagre për të rritur atdhetarinë.
Vetëm malevonezët e kishin injoruar.

Së fundi e kishin ndier edhe ata lezetin,
filluan përdorimin, filluan porositë.

U prish terezia, u prish dhe qetësia.
‟Kujdes malevonezët!„ - u ngrit dhe thirri
Oktapodh Tentakulgjati i nderuar.
Por s'mund të ndalonin shitjen e ilaçit
çudibërës. U menduan, u menduan...
Dhe e gjetën zgjidhjen: ‟Vetëm për Malevoni„,
vunë etiketë në një ilaç të skaduar.

---

Ll. K.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).