Sa i mirë debati politik!

Javët e fundit gjendja politike në vend ka pasur një lloj tensioni. Jo aq për faktin se opozita nuk është paraqitur ende në Kuvend, sepse fundi i fundit kjo gjë ka kohë që po ndodh. Më shumë, sepse pasi kërkoi të hapeshin kutitë e votimit, ajo iu drejtua protestës së rrugës, më mirë të bulevardit “Dëshmorët e Kombit”, për ta përforcuar kërkesën e saj me lëvizje masive protestuesish. Në njëfarë mënyrë ka shenja që beteja politike të dalë nga forumet, nga gazetat, nga mediat në përgjithësi, nga tribunat institucionale dhe politike, për të shkuar drejt ballafaqimeve në rrugë, me mitingje nga të dyja palët.

E rrezikshme.

Pa dyshim që nuk është kjo rruga e zgjidhjes dhe as nuk besoj se klasa politike e vendit tonë nuk është pjekur aq, nuk ka stokuar aq përvojë në ndërgjegjen e vet kolektive sa ta çojë naivisht rrjedhën e ngjarjeve politike në këtë kah. Në të vërtetë, kështu nuk ka veçse të humbur. Nuk është se humbet vetëm politika, se kjo nuk do të ishte ndonjë problem i madh, puna është serioze, sepse rrezikojmë të humbasim ne si qytetarë.

Deri këtu gjërat njihen dhe nuk kam thënë asgjë të re. Mirëpo që në orët e ditët që zhvillohej mitingu a protesta para ndërtesës së Kryeministrisë, e më pas, të folurit politik nisi të përforcohej shumë dhe të bëhej boll i ashpër dhe me tone agresive. Më pas, Kryeministri Berisha, në foltoren e Kuvendit, e drejtoi në mënyrë të drejtpërdrejtë të folurin e vet në planin e komunikimit politik drejt drejtuesit të partisë socialiste në opozitë, Edi Rama, mënyrës së jetesës së tij duke e akuzuar për ushtrim dhune dhe më tej se kaq formuloi akuzën e kapjes së Partisë Socialiste nga interesa punisto-mafioze, të lidhura me transaksione trojesh, leje ndërtimi, mosrespektim të drejtash pronësore etj. Pak më vonë, grupi i deputetëve socialistë që nuk paraqiten për të zënë kolltukët e tyre në sallën e Kuvendit, i konsideroi të papranueshme këto sulme, ndërsa vetë kryetari i partisë, pak ditë më vonë e drejtoi sulmin e vet me terma shumë të fortë e fjalë të ashpra, tani ndaj kryetarit të qeverisë.

Edhe kjo histori dihet.

U përdorën epitete denigruese, sigurisht. Nga të dyja palët. Toni ishte me majë të mprehtë. Nga të dyja palët. I personalizuar. Nga të dyja palët. Pa dyshim që nëse dy njerëz të zakonshëm i drejtohen kështu njëri-tjetrit, të tjerët do të ishin munduar t’i përmbanin.

Në shtyp u shfaqën menjëherë ulësit e gjakrave. U paraqitën moralistët që bënë të shokuarin nga gjuha e përdorur, nga etika problematike e komunikimit mes dy politikanëve apo midis zëdhënësve të tyre. U shfaqën ruajtësit e moralit publik, të cilëve nuk u pëlqeu gjuha e përdorur.

Këtu dëshiroj të ndërhyj.

Pa dyshim është mirë që edhe komunikimi politik të jetë po aq i sjellshëm sa edhe ai i dy grave pensioniste që kanë shkuar për të bërë pazar te cepi i rrugës.

“Si je zotrote?

Mirë - mirë.

Po zotninë si e ke?

Mirë - mirë.

Po kalamaj, të mëdhenj e të vegjël? Mirë - mirë. I gjithë kallaballiku mirë?

Mirë - mirë, pra, mirë”.

Gjithmonë nuk do të rresht së përsërituri se tjetër është etika familjare, fqinjësore, fetare dhe tjetër ajo e politikës. Duket se është e papranueshme, por kjo që them përbën një nga standardet më bazike të analizave të komunikimit politik. Kur dy individë grinden në jetën e zakonshme me shkëmbime fjalësh që e kalojnë kufirin e etikës familjare apo fqinjësore apo të pushuesve në një hotel bregdetar apo malor, ka shenja se gjendja mund të shkojë për keq. Duket se debati oral mund të jetë si ato retë e zeza që grumbullohen për të prodhuar pastaj rrufe e furtuna.

Kurse në komunikimin politik nuk është gjithmonë kështu. Komunikimi verbal politik i tendosur, që kalon parametrat e etikës së jetës së zakonshme, në raste të caktuara mund të bëhet një faktor i dobishëm për stabilizimin dhe për qetësimin e situatës të tendosur politike.

Dhuna verbale politike ndonjëherë e përkeqëson tensionin fizik politik, por herë të tjera, po kjo dhunë verbale bën që tensioni politik të kanalizohet drejt shkëmbimit të fjalëve dhe jo drejt përballjes fizike. Dhuna verbale shpesh është as më shumë e as më pak, por vetë ilaçi i kurimit të simpotave të dhunës fizike.

Fjala zëvendëson veprimin trupor. Është një zëvendësim jetëdhënës për demokracinë. Lufta reale mes palëve, e kam fjalën, në planin fizik, protestues në rrugë, shndërrohet në shkëmbim fjalësh, fjalish, të cilat sado të forta, të nxehta dhe agresive që të jenë, përsëri e kalojnë konfrontimin drejt e në rrafshin semantiko-linguistik.

Lidhur me këtë, kam një qëndrim tjetër nga sa mbajnë moralistët dhe mbrojtësit e një etike të kulluar në debatin politik. Jo se nuk jam i tillë. Absolutisht do të dëshiroja që i foluri politik t’i ngjante atij që i përmbush më së miri kriteret etike. Por, puna nuk është te dëshirat tona, puna është se jemi para fakteve dhe duhet të analizojmë se sa këto fakte shkojnë në njërin apo në tjetrin drejtim të koniunkturës dhe të ekuilibrave politikë.

Po ta shoh problemin në këtë plan, do të thosha se ky debat i tensionuar politik ka pasur disa pasoja ose mund të ketë disa pasoja, që paradoksalisht i shërbejnë qytetarit.

Nga njëra anë, sikurse thashë, kemi një proces zëvendësimi. Është i bekuar ky proces.

Zëvendësimi i veprës nga fjala. Thuhet se ka ndodhur një hap i madh emancipimi kur engjëlli e kapi për mënge Abrahamin, i cili kishte shkuar në një lëndinë pylli për të therur djalin e tij, Isakun, dhe për ta bërë kurban për Zotin.

“Mos! - i tha engjëlli. - Ti e bëre tënden, e tregove gatishmërinë tënde për t’i treguar nënshtrim Zotit, tani në vend t’i bësh kurban djalin, bëj këtë qengj. Rëndësi ka akti i kurbanit, jo ajo që bëhet kurban”.

Kështu ndodhi atëherë, thotë miti, dhe lindi simboli zëvendësues, kurbani simbolik. Fjala është një kurban simbolik. Nuk duhet marrë si i vërtetë.

Kush nuk do të dëshironte nga qytetarët që çështjet të zgjidheshin jo me konfrontime në rrugë, por me debate verbale?

Ecim më tej. Debati brenda komunikimit politik të tanishëm u personalizua. Moralistët kanë të drejtë që shqetësohen, sepse nëpër libra dhe manuale thuhet se lufta politike në shoqëritë demokratike nuk është personale, por është mes kampesh, për idetë, për programe politike.

Naivitet i pastër.

Përtej kësaj që nuk kam vend as kohë për ta shpjeguar këtu, mund të thuhet se personalizimi përsëri është një mekanizëm i uljes së tensionit politik mes militantësh kur ky tension ka rrezik të zbresë në rrugë, sikurse e shtyjnë të ndodhë kështu edhe disa tipa që kur konflikti shpërthen e kanë zakon të fshihen apo të ikin nga sytë këmbët.

Pra, akti i personalizimit është mekanizmi i dytë zbutës, sepse duke u drejtuar edhe ndaj ngjarjeve apo sjelljeve jopolitike të kundërshtarit, në mënyrë reciproke, kryen një zhvendosje simbolike të konfliktit nga zona e rrezikshme e tensionimit politik masiv drejt horizonteve jopolitike, por familjare, historike, bile edhe drejt çështjeve pronësore etj.

Në një rrafsh tjetër mund të thuhet se personalizimi i debatit solli dashje pa dashje edhe një lloj ngjyre institucionalizimi të tij. Rierdhën në forma të zbutura institucionet në skenën e komunikimit politik. Nga njëra anë foltorja e Kuvendit, e Këshillit të Ministrave, e Partisë Demokratike, nga ana tjetër ajo e Partisë Socialiste, e Bashkisë së Tiranës. Pavarësisht se nuk janë në raportet e normalizuara që duhet të kenë institucionet me njëra-tjetrën, përsëri në vend të njerëzve që shëtisin apo qëndrojnë në çadra mbi bulevard, pamë politikanë dhe politikane që përdorin foltore institucionesh.

Akuzat juridike nga të dyja palët vërshuan. Qeveria akuzon individë në grupet drejtuese të opozitës si të lidhur me transaksione imobiliare të paligjshme, duke përfituar nga fakti se opozita është aktualisht qeveria e kryeqytetit, kurse opozita u bën thirrje individëve të akuzuar që ta hedhin në gjyq për shpifje akuzuesin.

Çfarë të keqeje ka për ne si qytetarë, fakti që mes fjalëve të ashpra, sinonimeve të forta, ironive, çka nuk është veçse shkuma e debatit politik, ana më e parëndësishme e komunikimit politik, atje ku iu mbeten sytë joprofesionistëve në analizën e të folurit politik, të dalin edhe të dhëna, të vërteta ose jo (kjo do të shihet më pas) për interesa, lobingje financiare dhe ekonomike?

Për qytetarin, asgjë të keqe, përkundrazi. Fjalët ikin e vijnë, por në tensionin e debatit, kundërshtarët janë të detyruar të relatojnë fakte konkrete.

Asgjë të keqe, përkundrazi të mirë.

Së pari, sepse të dyja palët po u drejtohen gjykatave. Ah, erdhën përsëri gjykatat! Ja, pra, se pa to asgjë nuk bëhet. Dashur pa dashur, në një shtet të së drejtës nuk bëhet pa to. Te ato duhet drejtuar edhe për korrupsionin e vërtetuar ose jo, edhe për legjitimitetin e zgjedhjeve, të vërtetuar apo jo, edhe për shpifjen e konsumuar apo jo. Ja ku erdhi fundi i debatit. Te gjykatat. Por, ne sikur i kishim anashkaluar gjykatat, duke mos i besuar ato?

Së dyti, sepse marrim vesh se si bëhen shpërndarjet e të mirave publike në duart e privatëve. Komunikimi i ashpër politik nxjerr boll të dhëna dhe fakte për to. Ne si qytetarë nuk i dimë, sepse, megjithëse e kemi kërkuar që mbledhjet e këshillave të territorit të bëhen të hapura për publikun lokal (falë Zotit teknologjia e lejon këtë!), ato bëhen si të mbyllura në kala. Në këtë mënyrë komunikimi politik po na mëson të dhëna të shumta se si funksionojnë institucionet që bëjnë kalimin nga pronat publike te ato private.

Së treti, përsëri te gjykata. Gjykata do të ketë shumë punë. Ca se do të gjykojë nëse ka ose jo korrupsion, ca se do të gjykojë nëse ka ose jo shpifje. Po ç’të keqe ka këtu? Përse fundja i paguajmë gjyqtarët tanë? Aq më shumë se edhe po nuk pati elemente korruptive, urojmë që Shqipëria të jetë vend i pastër nga korrupsioni, përsëri kupton qytetari nga pak se si mblidhen grupet e interesit rreth politikës, si lidhja politike ka edhe mbështetje ekonomike pas, se si vendosen urat e marrëdhënies midis botës së pasurisë dhe botës së parasë, në mos paçim prirje për t’u njehsuar në segmente të caktuara.

Ja pra se përse nuk jam dakord me moralistët në lidhje me komunikimin politik, sado uroj që gjuha e politikës të ketë sa më pak epitete të ashpra negative, që gati sa nuk po thonë:

“Shëëët! Po na zgjoni fëmijët nga gjumi! Mos përdorni atë fjalor se na edukoni jo mirë kalamajtë!”

Agresiviteti verbal mund të jetë pikërisht një nga mekanizmat e shkrehjes së tensionit politik. A nuk po shohin qytetarët se gjithçka sillu e vërtitu një fund ka: në gjykatë. Pra, në institucion. A nuk po bëhen të ndërgjegjshëm këto javë se nëse jeta do t’i ngjante logosit politik, atëherë konvejeri i dhunës, këtë herë jo verbale, do të prodhonte dhunë gjithnjë e në rritje? Fundja, si është më mirë për qytetarët: Që klasa politike të jetë e ndarë në të majtë e në të djathtë, quajini si të doni, dhe t’i bëjnë konkurrencë e transparencë njëra-tjetrës përpara publikut apo që përtej së majtës dhe të djathtës, t’i përmbyllin aktet e tyre, në një mjedis ku asgjë nuk shfaqet para publikut, brenda një konsensusi dhe paqeje tërësore? Pa dyshim që e para është më mirë.

28 Komente

Kete Artan Fugen nuk do ta marr vesh ndonjehere. Ky do te me kaloje si kometa e Hallit, 1986, nje cope mjegull shihja, dhe kaq.

Nuk di sa rreshta jane ketu me lart por per pertacet qe nuk mund te lexojne gjate, ideja e vetme e Fuges eshte kjo :

ME GOJE HA M..., ME DORE MOS LUAJ

Le qe nuk ia vlente gjithe ky shkrim per kaq pak gje, por edhe vete ideja me lart eshte nje ide, per mua, e demshme, dhe shume e demshme.

Sepse, zoti Filo, goja dhe dora kane te njejtin mekanizem veprimi : truri.

Per mua, pas 74 vjet jete qe po bej, me eshte mbushur mendja top qe dikush i cili eshte i dhunshem verbalisht, eshte POTENCIALISHT dhe me gjasa te medha te jete i dhunshem dhe fizikisht.

Une nuk i shoh dot te ndara. Kush i sheh, do te doja te rrija nje dite ne shtepine e tyre dhe te degjoja grindjet familjare (i perfytyroj qe tani sharjet dhe fyerjet, ama krejt te qete ne kolltuk, per hir te edukates se jo-dhunes fizike).

Aq me teper kur personat e dhunshem gojarisht kane ndikim mbi turmat. Ruçi, Rama, Shalsi, Ngjela, Berisha, Mehilli, Ymeraj, me fjalorin e tyre te dhunshem nuk jane larg dhunes se vertete fizike. Kjo duhet ngulitur mire.

Plus asaj, me vjen te mbaj brinjet me dore kur shoh Fugen duke ironizuar familjet shqiptare te cilat skandalizohen ne 8 te darkes nga çirrjet e majta dhe te djathta, çirrje ramore e berishore. Si qenka kjo pune se keto familje po na kerkokan nje moral bajat ?

Ne emer te ç'lloj feje apo ideje ky Fuga me thote mua "i prapambetur", ngaqe nuk dua te degjoj ne TV, ne oren 8, me femijet, palljet e Rames, Ruçit dhe Berishes ? Ku ne djallin ushqehet ky Fuga, ne ç'restorant valle ?

Pra, akti i personalizimit është mekanizmi i dytë zbutës, sepse duke u drejtuar edhe ndaj ngjarjeve apo sjelljeve jopolitike të kundërshtarit, në mënyrë reciproke, kryen një zhvendosje simbolike të konfliktit nga zona e rrezikshme e tensionimit politik masiv drejt horizonteve jopolitike, por familjare, historike, bile edhe drejt çështjeve pronësore etj.

Thirrje politikaneve: hapni librat e shpis dhe mos i lini kusur njeri tjetrit ....sepse  kshu shendoshet demokracia.

Ne fakt dhe mua, ky artikulli i profesorit mu duk si shum filozofik dhe me dy kuptime, sidomos ne fund, ku dukej sikur rrezonte ate qe kish thene me pare. Mendoj se profesori  duhet te shprehet me qarte ne kete çeshtje, qe ka zaptuar padrejtesisht ter shtypin dhe mendjet shqiptare.  

Sec ishte nje ide per te patur pervec 1-5 yje, edhe mundesine e yjeve "negative."  Rasti i pari qe doja t'i perdorja.  Megjithese shpesh here kam insistuar qe te mos kihet parasysh autori por cfare eshte shkruar, kur i ve te dy bashke ne kete rast, eshte per te ardhur keq.

Kështu ndodhi atëherë, thotë miti, dhe lindi simboli zëvendësues, kurbani simbolik. Fjala është një kurban simbolik. Nuk duhet marrë si i vërtetë.

Profesor Fuga ka ca kohe qe merret me argumenta teologjike.  Nder te tjerash.  Do bente mire t'i linte menjane.  Megjithese e kam te qarte qe duhet te germosh thelle per argumenta mbeshtetese per nje katrahure te tille.  Gjithesesi, heres tjeter, do i sygjeroja Gjoni 1:1: "Ne fillim ishte Fjala." 

Per te tjerat, pak a shume ne nje vije mendimi me Hurbin.

Politika ne nje sistem pluralist eshte nje arene perplasje dhe ballafaqimesh, ne kete kontekst duhet pare edhe gjuha dhe komunikimi politik ndermjet aktoreve dhe forcave te tyre politike. Keta jane njerez qe kerkojne te percojne nje mesazh dhe bindin nje audience te caktuar per idete dhe argumentet e tyre, nuk po konkurojne per mister apo miss miresjellja.

Edhe ne vendet e tjera politika eshte e ashper, me fjalor te forte, te mprehte, me goditje te ndersjellta (kujtoni reklamet dhe antireklamat qe bejne kandidatet ne US) etj. Sigurisht qe fjalori dhe perplasja apo intensiteti ndryshon nga vendi ne vend, ne varesi te zhvillimit dhe tradites demokratike, te shoqerise e keshtu me rradhe, por edhe keto vende kane kaluar neper keto rruge e shtigje. Ne Angli apo Amerike (megjithese ne US eshte bajagi e forte) p.sh. nuk kane pse perdorin kete fjalor sot pasi e kane kaluar me kohe kete lloj perplasje, bile edhe luften civile ndermjet vedi. Ndersa Italia psh. eshte me e nxehte ne kete aspekt etj.

Shqiperia pervec nje periudhe te vogel ne vitet '20 nuk ka pasur pluralizem politik te mirefillte. Cdo gje ka filluar pas renies se komunizmit. Pastaj edhe nese shikojme prapa ne kohe, do te shohim qe nga Noli e te tjere qe etiketonin kundershtaret e tyre nga paraqitja fizike e si barkmedhenje apo llupsa dhe kerkonin t'i nxirrnin sa me keq.

Por kjo pak rendesi ka, ajo qe thote Fuga eshte se ky komunikim politik, megjithese duhet te vije duke rene dhe ikur me kalimin e kohes, ka edhe te mirat e tij ne funksionin te stabilizimit te situates politike, duke e zhvendosur ate nga perplasjet ne rruge, qe mund te shkojne deri ne fizike, ne nje nivel politik dhe institucional perplasjesh verbale.

E mira tjeter eshte qe ky debat nxjerr ne pah edhe probleme me korrupsionin, pronat, lejet e ndertimit, personalitetin dhe problemet e politikaneve etj. qe ju interesojne qytetareve. Ne fund te drejten ta gjeje dhe vendose gjykata.

Fuga e ben te qarte qe institucionet duhet te jene vendi ku jepet-merret dhe vendoset. Si per ZGJEDHJET, si per akuzat dhe dosjet etj.

Spiker,

Po, jam dakort me çka thua. Por jo me çka thote Fuga. Se ai na ben budalla te gjitheve, duke na thene : te kthehemi njehere ne epoken e gurit (te pakten gojarisht), dhe mbase kjo na shpeton nga rrahjet dhe grushtat. Nuk di ç'filozofi eshte kjo. Se nga e ka shpikur kete, nuk e di. Ne ndonje mejhane me Arian Canin, me siguri.

Debati, jo vetem qe eshte i nevojshem, por dhe i domosdoshem. Ama debat, dhe jo peshtyrje.

Por pak faj kane dhe njerezit qe e durojne njeri-tjetrin keshtu : kur Rama llomotit mbi Berishen, apo Berisha mbi Ramen, pse nuk ngrihet njeri prej ketyre dhe t'i drejtohet gjykates per shpifje dhe ofendime ?

Ketu ne France paguan qimet e kokes per shume me pak se kaq. Pertoj tani te nxjerr rastet. Por nese do te beheshin shembull disa, me gjoba te majme dhe madje dhe me ndonje ndalim "zgjedhshmerie", atehere urtesohen keta, dhe jo me katarsisin qe keshillon Fuga :

Peshtyni, peshtyni se keshtu lodheni dhe nuk ziheni ne grushte.

Kot me kot. Filozof, biri i botes.

o shoku, ti me ngjan me ata xhuxhmaxhuxhet qe per t'u lartesuar vete shkojne dhe godasin tek kembet kolloset. Me respekt or burre per Fugen se nuk eshte njeri qe flet pa lexuar. Ti po te ishe student i tij do ta kishe per nder, prandaj nese do te kundershtosh ato qe thote Fuga beje, se ne cfare restoranti drekon ose me ke pi kafe, nuk hyjne fare ketum si pune medemek ironie.

Po ska gje o mik, se nuk eshte fjala per mua. Dihet mire se une jam nje xhuxh, nuk eshte çeshtja ketu. Une thjesht po merrem me nje vigan qe flet kot. Nga nje filozof nuk pres gjera te tilla. Imagjino ku eshte Fuga : ne merremi ende me ligjshmerine e debatit, dhe si duhet bere ai. E kupton ku jemi ? Nderkohe qe shoket dhe shoqet tona keto gjera i mesojne qe ne djep, rritet femija demokrat nga natyra.

Fuga lexon, OK. Por mullirin, nuk e di ç'marke e ka. Sepse per mua, bluan trashe.

Te me kishte folur Fuga siç fole pak me lart (aty ku te thashe qe jam dakort), atehere nuk e kam per fyerje qe si xhuxh qe jam ta pranoj shtatlartesine e tjetrit. Me kupton, mik ?

Dhe per student i tij, sinqerisht jo. Pa pike ironie, jo. Kam sa te duash profesore te vdekur qe iu ecen ende fjala. S'kam shume besim tek te gjallet.

Puna e restorantit nuk eshte per te ditur vertet emrin, se nuk i njoh as vete, por thjesht per te thene se diçka nuk shkon mire ne stomakun e tij.

Dhe ta kesh bindje : ne rastin e Fuges, une eci hap pas hapi, ose françuski thote : "jugement sur preuve". Asnje a priori. Pershendetje mik. 

Jam dakort qe me ane te debatit mund te zbulohen genjeshtrat, mashtrimet, e te kryhen hetimet perkatese (drejt te vertetes dhe drejtesise) nepermjet konfrontimit te fjaleve e akuzave. Por kurre nuk kerkohet, e as eshte e nevojshme, qe niveli i debatit te perdhosetper ta arritur kete. Kete e di dhe bufi! Biles, kam pershtypjen qe sa me shume te ndotet debati me detaje personale aq me shume largohemi nga qellimi i debatit, qe sic thot Fuga na sherben ne te gjithe qytetareve. Por kur debati del prej shinave dhe perdoret per qellime demaskimi te tjetrit ne emer te 'popullit' dijeni qe cdo rezultat eshte i perlyer dhe nuk sherben ne te miren e qytetarit por ne te miren e politikanit. Te ishte i vertete ky mekanizem qe ka shpik Fuga nuk do ishim sot ne kete gjendje pas gjithe llafefe e ndyrsinave qe kane nxjerr nga goja politikanet tane deri sot qe do te kishin vepruar kohe me pare ashtu sic parashikon Fuga.

Qe keto konfrontime verbale nuk kane funksionuar per 20 vjet per te arritur qellimet e nenshruara prej Fuges tregon qe nuk pi uje kjo filozofi e rradhes.

 

 

5 yje artikullit. Vetëm për një arsye. Mbi elokuecën e argumentit për domosdoshmërinë e qëndrimit të Berishës në pushtet. Fugë, unë gjithnjë e kam pyetur veten: Po sikur të na lërë shëndenë në mënyrë natyrale, apo politike, çfarë do bëjnë dhunuesit? Çfarë do bëjnë këta që e kanë krimbin brenda? Gjithnjë kam qënë i bindur se dhuna do delegohej në familje, shoqëri dhe ambjentin e afërt. Larg qoftë mund t'i bënin dëm dhe vetes e jo të tjerëve.

 

 

Je shume i njeanshem. Ketu nuk behet fjale per nje Berishe. Eshte nje huq jashtezakonisht i keq kjo qe beni ju : po iku Berisha, Shqiperia 365 dite me diell. Po iku, Nano, njelloj. Po iku Rama, po njelloj.

E pra jo. Ja iku Nano, dhe s'pati asnje sekonde diell me shume. Ja neser do ike Rama (dhe sa me pare aq me mire), perseri do jete njelloj. Ja dhe Berisha do lodhet, se fundja nuk eshte nipi i Mujit apo Halilit dhe s'na u lodhka.

Por perseri nuk do kete ndryshim. Sepse ka gjera qe nuk shkojne ne edukaten tone te punes, te fjales, te bisedes, debatit. Keto gjera duhen ndrequr, pa per emra, ata i fshin kur te duash.

Pa mendo ti J., ku vete Partia Socialiste me ate lloj kulture pune qe ka krijuar nen udheheqjen famelarte te Rames ? Me kercenimin e perjashtimeve nga partia, e gjera keshtu. Keto praktika duhen shkulur, nje parti duhet te jete demokratike brenda per brenda, e pastaj te qeveris ne demokraci. Ja erdhi Rama kryeminister. Vertet mendon ti J., se qeverisja do te jete demokratike ? Ne nje kohe qe te gjitha simptomat lene te shohesh nje katrahure ne te gjitha drejtimet.

Po ashtu, edhe PD. Ajo duhet te filloje te marre fryme me lirisht. Te filloje te mendoje pas-Berishen. Duhet t'i nxise debatet brenda partise, programet dhe gjera te tjera.

Pakez me te favorizuar jane te djathtet sepse jane ne pushtet dhe keta mund te punojne mire (po te duan) dhe te korrin frytet. Kurse te majtet, ku do t'i shohim qe te na mbushin mendjen ? Po ku tjeter perveçse ne menyren e tyre te organizimit te brendshem, ne debatet e tyre, ne opoziten ne parlament, ne debatet per gjera te prekshme dhe jo ende si ne 1992 ku grindeshin per nje nen kushtetute.

Ka ikur koha e debateve kushtetuese e budalliqe. Populli do buke, qetesi, arsim, shendetesi. Kaq do. Pastaj punet e neneve jane per specialistet, dhe keta te mos dalin çdo nate ne TV duke na shpjeguar neni keshtu e neni ashtu. Nenet le t'i rrasin ku eshte per t'i rrasur, populli do keto qe thashe me lart. Ja keshtu ti J., qe ta mban ana gjithmone nga poshte lumit.

Stë kam faj unë që u zure gafil, më mirë të mos kishe shkruar 

Këtu nuk bëhet fjalë se për çfarë e ke fjalën ti, po për çfarë e ka fjalën artikulli. Ti atë kuptove, dhe mirë bëre. Artikullit në vend tjetër i rreh, sipas mendjes time.

Hajt se flasim kur të lodhet Berisha.

 

Nga lajmet per kroniken e dites, shof se termometri i dhunes verbale eshte ngjit nje shkall me lart. Kurse akademiku dhe filozofi ka shtrydhur mendjen se si ti justifikoje shperthimin e tubave te yjrave te zeza.Eshte kollaj te filozofosh per teorite e sublimimit te agresionit verbal. Ne fakt po ndodh projketimi agresivitetit te turmes tek TJETRI. Nga te dy krahet.

Rrofte kolltuku akademise, rrofte sofizmi dhe filozofia "edhe..edhe" Turp kur kjo logori justifikimesh vjen nga gojet e atyre qe duhet te beheshin zeri i arsyes dhe mospajtimit me kete maskarade regjizoresh populiste.

Te kishin pak pergjegjsi qytetare Fuga,akademiket, taborri i profesoreve ne universitete dhe intelektualeve te ketij vendi kishin dale me nje manifest per ti thene JO rreshqitjes drejt kaosit dhe anarkise.

Jam habitur nga analiza e Fuges, po aq sa  nga JERMI  i KryeKreut ne faltoren e Parlamentit.
Vihet re nje fenomen lehtesisht i dallueshem  ne qasjen e opinionisteve te Tiranes ndaj ngjarjeve dhe personazheve te politikes. Nese listojme emrat e tyre  e kemi fare te thjeshte te vendosim ne krah te cdo syresh se me ke apo kunder kujt eshte secili.

Qw do te thote , Ata mund t'i ndajme ne komentatore qe shkruajne gjithmone kunder Berishes dhe komentatore qe shkruajne gjithmone kunder Rames. Per te paret asgje qe ben , thote , sillet  sjell, Berisha nuk vlen te komentohet per mire...dhe per te dytet asgje qe bwn, thote, sillet apo sjell Rama nuk vlen te komentohet per mire. Shume i ngjashem ky qendrim me ate  qasje te vete partive , militaneve apo me gjere "popullit" mazhoritar dhe atij opozitar ...Per te paret  Partia Socialiste i ka te gjithe njerezit komuniste, mafioze , te shthurrur dhe te ligj. Per te dytet..Partia demokratike i ka te gjithe anetaret e saj katundare, te pazhvilluar, te pakulturuar , hajdute dhe po aq te ligj...

Nuk do te kete asnje rast te vetem kur Lubonja do te komentoje per mire  ndonje akt te Rames edhe sikur ky i fundit te sjelle mrekulline ne toke, perkundrazi ...ai do te gjeje  edhe aty , "mizorine" e rradhes.

Po ashtu , nuk do te kete asnje rast kur Mustafa Nano do te pershendese ndonje "beme" te hajrit te kryeministrit, sepse e urren  njehere e pergjithmone atw.

 Ndermjet njerit grup dhe tjetrit ka disa qw jane pa dyshim, edhe ata,  kunder ose njeres pale ose tjetres,  por qe rrotullohen rreth vetes  me shpejtesine e levizjes se fuges dhe perpjekjes per te ruajtun "qendren"  duke u fshehur pas reflektimeve teorike skolareske...dhe pretendimeve me demek akademike per te tingelluar ndryshe dhe te sofistikuar.

 FUGA  jone , psh...sforcohet me siper  te na binde se nuk i ka bere fort pershtypje perdhosja e tribunes se parlamentit...
  
 "U përdorën epitete denigruese, sigurisht. Nga të dyja palët. Toni ishte me majë të mprehtë. Nga të dyja palët.  I personalizuar. Nga të dyja palët ." - shkruan Fuga
 
 A thua ky "filozof"  nuk e kupton se ne nje rast si ky,  vendosja e shenjes se barazisw -  sado e djallezuar  dhe " shpetimtare" te duket, eshte vetem nje perpjekje e deshperuar e po aq naive,  e cila, nw pamundesi per ti dhene pafajesi Berishes ,  kerkon me patjeter  qw  se paku te bashkefajesoje sa te munde,  "viktimen" e  atij sulmi sojsez  (  qe me shume i ngjante vrerrit te nje putane te lenduar) e te paprecedente  per ndonje  tjeter burre shteti ...

Nga ky  "mesonjes" i ditur, na u be me dije sot se  te gjithe ata qe jane  revoltuar, fyer e dhunuar nga harbuteria  e  kryeministrit  te tyre, e derdhur bash ne  kuvendin e "burrave te kombit", ...nuk jane gje tjeter vec ca MORALISTE dhe se "eshte me mire për qytetarët që e majta dhe e djathta t’i bëjë transparencë si kjo  njëra-tjetrës përpara publikut "

Keshtu foli FUGA...
 

Zakonisht filozofet ne vendet e zhvilluara, udheheqin mendimin intelektual,kurse ne Shqiperi,filozofet ose nuk i kuptojne,ose i kuptojne por ju eshte bukosur truri nga politika,pra jane palo intelektuale sherbetor te politikes!Keshtu qe filozofit i ka mbetur vecse te filozofoje per qef te vet!

 

Nuk e di çfarë shoqërie e rendi civil ka analizu Fuga kur ka dalë në këtë konkluzion, po vetëm shoqëria shqiptare nuk mund të jetë. Historia e këtyre 20-vjetëve na e ka tregu mirë që sharjet, akuzat, ulëritjet, thirrjet për drejtësi (lexo anarki) nga liderët partiakë, janë transmetuar tek militantët 100% si të tilla, në mos më të amplifikuara dhe nuk kanë shërbyer ndonjëherë si punching bag për të nxjerr stresin. Stresi është nxjerr vetëm kur i është vënë flaka gjithë Shqipërisë.

Gjithë kjo zullumha verbale nuk ka për objekt shkrythjen e muskujve të militantëve, por ekzaltimin e tyre, vënien në flakë të llogjikës, rrahje gjoksi e tregim dhëmbësh. Në dy fjalë ligji xhunglës dhe i më të fortit. Përgatitje e turmës për skenarin më të keq.

 

O cuna lexojeni mire Fugen, se e perserit shume here fjalen "gjykata", pra asnje nuk mund te dale mbi gjykatat, as kryekutia, dhe as ai doktor i forti nga Tropoja, qe i duket vetja Skenderbe.

 

Gjykatat sipas Fugës:

  1. do kenë shumë pune dhe do bëjnë namin duke nxjerr fakte e të vërteta.
  2. duke pas këto të vërteta nëpër duar ato do të jenë, në mënyrë indirekte, amortizatorë që zbusin agresionin verbal të tanishëm dhe nuk e lejojnë të rreshkasë në agresion fizik. Si rrjedhim në sytë e Fugës agresioni verbal ekstrem i tanishëm nuk paraqet rrezikshmëri por më tepër do shërbeje si material bazë për gjykatat.

Gjykatat si element janë komplet out në këtë mishmash dhe janë garante të hiçgjëje. Gjykatat nuk janë Prokurori. Kur çështjet çohen para saj dhe po të llogarisësh faktorin kohë për dosje të tilla, 2 vite do kenë kaluar gjë që e bëjnë null elementin gjykatë në këtë tensionin politik të sotshëm.

Sula këto dokumentat kompromentuese nuk i mblodhi brenda natës. N.q.se ato dokumenta vërtetojnë shkelje të ligjit, pse i ka mbajt në sirtar?! Plus Sula ka zero kredo kur tund në ajër dosjet dhe ulëret nga foltoret publike. Ju kujtohet Sula kur ishte në opozitë që betohej nga foltorja e Kuvendit, me dosje nëpër duar, që do i burgoste gjithë komunisto-mafiozët e cacët e maçët. Erdhi në pushtet, ç'ndodhi? Trapin! Kurkush nuk u akuzua, kurkush nuk u burgos. Lojë e vjetër bajate. Dosjet e Sulës janë si puna e programit elektoral të PS-së; 1000 faqe A4 letra të bardha.

Robin n.q.se kam kalu komplet anash dhe se kam kuptu elementin gjykatë që Fuga po servir, jam krejt i hapur që të më korrigjosh.

Gjykatat si element jane komplet brenda asaj qe parashtron Fuga. Si qeveria dhe Berisha dosjet e korrupsionit do t'i cojne ne organet e drejtesise, ashtu edhe opozita dhe Rama artikuluan qe do t'i drejtohen po prokurorise dhe gjykatave, megjithese sic veren me te drejte Fuga, per zgjedhjet PS dhe Rama nuk ka besim tek gjykata por per keto akuzat dhe dosjet po. Thelbi ketu eshte qe institucionet duhet te jene qendrore ne drejtimin nga duhet te shkojne problemet dhe perplasjet per zgjidhje. Dhe mesa shihet kjo ndodh. Eshte gjeja me e domosdoshme per Shqiperine. Institucionet dhe vetem institucionet.

Ky reagim qe erdhi nga mazhoranca qeverisese ka nje shtyse te forte per te destabilizuar kundershtarin dhe prishur fushen ku kerkon te luaje ky kundershtar: rrugen. Nderkohe qe akuzave monstruoze te Rames dhe njerezve te tij, qe kane permendur deri edhe mbesat (vajzat e vajzes) e Berishes, kerkon t'i ktheje mbrapsht dhe diskretitoje si shpifje dhe perplasjen ta kene tashme dy kundershtaret politike dhe forcat respektive, duke ulur ndjeshem emocionet dhe elektrizimin ne bazen e militanteve qe fryhen e fryhen me premtime e iluzione e nese plasin ne ndonje forme te shemtuar keta lloj politikanesh ja mbathin e ikin.

Perplasjet e forta politike ne Shqiperi nuk ndodhen sot dhe as nuk do te ndalojne neser. Qe nga vitet '20 kemi pasur te tilla perplasje. E rendesishme eshte qe cdo gje te jete ne binaret e ligjit dhe te sherbejne per me shume llogaridhenie dhe informim tek qytetaret kur artikulohen akuza dhe dosja te tilla korruptive.

Institucionet dhe vetem institucionet..... Ja plas Tellalli .

Edhe kur thua ndonjë gjë jashtë mësimeve te Mixhizmit prapë budallallëqe flet ose më mire Fantazon , aty ku çquhesh me shumë ne fluturimin me ....... fantashkencë smiley

Po ku ka Institucione në DREJTIMIN VERTIKAL mor palluq , që vetëm rendit gërma dhe jo mendime ? Nga ky lloj Drejtimi  Pushteti te cilësuara e të theksuar më së bukuri ne Shqipri  , dy njeh Historia :

Hitlerin dhe Saliun .

Saliu nuk është Hitler ( mos ti rritet mëndja shum&eumlsmiley por në një pikpamje i ngjason sepse ka m;suar prej tij në krijimin dhe nxitjen e BANDAVE (Rëmëve) dhe më pas në deklarimin e vendosjes së " Rregullit të Madh " smiley (pasi te lëshojë Shivolat )

Ti me shokët e tu mund ti hash ato koqe llokume mor pafille po jo kaq naivisht sa na i shet si teori magjistare ???

Me çfarë Institucionesh do e Luftojë ? Me ato organizma po politike ( me ide prej të marri ) që do ti emërojë po vetë smiley  

Z. Fuga,

Meqenese i je futur Abrahamit, fjales dhe djales, shife njehere edhe nje performance te Woody Allen ne rolin e Abrahamit. Kur e merr vesh Isaku se c'i kishte kerkuar Zoti, e pyet se s'i do ia bejme hallit. Dhe Woody Allen i pergjigjet se fjala e Zotit do behet, as qe ka dyshim, por halli ishte tjeter kund, se me qe Zoti ia kish kerkuar kete ne mes te nates, ky nuk kishte pasur kohe te vishte ndonje gje te hajrit, dhe Zoti e kish pare vetem me nje gjethe fiku persiper.

Pastaj eja serish dhe fol per atributet subliminale te fjales se Perendise, apo te Berishes, dhe kurbanin simbolik te Isakut, apo te djalit te Gjethes se Fikut, qofte.

Dhe mbi te gjitha, na e bej te ditur edhe llojin e agjentit qe ofron kete clirim prej dhunes nepermjet fjales. Nuk besoj te jesh dakord qe te "vijne Ata... analfabetet" patjeter deri ne Parlament qe zgjidhja te shkoje deri ne Gjykate. Nuk besoj se shmangja e dhunes duke share nga gruaja ne rradhen e qumshtit vlen si shembull legjitimues per praktikat e parlamentit. Besoj se deri ne televizion, tek Portokallia, apo tek Zona e Lire, Ata mjaftojne. Nuk besoj se kemi nevoje per cshenjterimin paraprak te institucioneve qe te afirmohet shenjteria e tyre. Perndryshe, me te njejten logjike, te nevojitet dhuna, dhe nuk te mjafton fjala, per te parandaluar dhunen.

Me falni por kete shkrim te Fuges nuk e kuptova.. smiley i paqarte sipas meje .. heret e tjera e kam lexuar me kenaqesi.

Fuga flet shume dhe nuk thote asgje. Ne menyre diabolike i ben apologji indirekte perversitetit te Berishes. Me duket ky Fuga nje tip pa shtylle kurrizore qe ben hajer ne shqiperi vetem ne saje te mungeses se psikologeve apo filozofeve te vertete.

Turp i madh esht ky kur shoh si grinden dy shqiptar Edi dhe Berisha me duket sikur kan probleme dy kombesi..

Po eshte e vertete , njeri serb e tjetri shqipetar.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).