Çfarë (nuk) do të dëgjojmë në Hagë?

Ballafaqimi i radhës në fushën diplomatike ndërmjet Kosovës dhe Serbisë tashmë ka filluar në Hagë.

Pallati i Paqes në Hagë, gazetarë të shumtë dhe opinioni botëror, për 10 ditë, sërish do të jenë të fokusuar te raportet Kosovë-Serbi, do të dëgjojnë argumentet e njërës dhe palës tjetër, për të pritur pastaj mendimin këshillëdhënës, por jo obligues të Gjykatës Ndërkombëtare të Drejtësisë.

Dhe, cili mund të jetë epilogu i këtij ballafaqimi?

Këtu, në Hagë, shumë njohës të së drejtës ndërkombëtare nuk e fshehin se do të ishin të befasuar, nëse mendimi këshillëdhënës do të ishte në tërësi në favorin e njërës ose palës tjetër.

Pra, gjithnjë sipas tyre, duhet pritur një kompromis që do të bënte që, si Kosova, ashtu edhe Serbia, të thoshin se ishin fituese të GJND.

Por, shtrohet pyetja: Përse kompromis rreth një çështjeje që ka të bëjë me lirinë dhe demokracinë?

Cinikët do të përgjigjeshin shkurt - sepse zhvillimet në relacionet ndërkombëtare dhe rrjedhimisht edhe e drejta ndërkombëtare shpesh janë kombinim i pragmatizmit, raportit të forcave dhe balancave të njohura dhe të panjohura!

Pavarësisht nga epilogu dhe shpjegimet e komentimet që do të bëhen në mbyllje të këtij procesi, tashmë shumëçka është e ditur se si dhe nga kush do të thuhet.

Pak a shumë është e ditur edhe ajo që fare nuk do të thuhet.

Në dokumentet zyrtare të GJND është marrë formulimi nga Kombet e Bashkuara, ku, pos të tjerash, figuron: “Deklarimi (shpallja) unilateral i pavarësisë nga institucionet e përkohshme të vetadministrimit në Kosovë”.

Nuk jemi të sigurt, nëse dikush do të merret me këtë çështje dhe formulim gjatë 10 ditëve të ardhshme, por e shohim të arsyeshme që këtë çështje ta shtrojmë në një formë tjetër - nëse Kosova ka bërë shpallje unilaterale të pavarësisë, ç’do të thotë dhe a ekziston fare në praktikën e marrëdhënieve dhe të së drejtës ndërkombëtare shpallja bilaterale ose multilaterale e pavarësisë së një vendi?!

Pavarësia e Sllovakisë, ndonëse krejtësisht e harmonizuar, megjithatë nuk është shpallur paralelisht në Pragë dhe Bratislavë, por vetëm në këtë të dytën dhe si e tillë është në harmoni absolute me të drejtën ndërkombëtare.

Kroacia dhe Sllovenia, kur shpallën pavarësinë, këtë e kanë bërë në Zagreb dhe Lubjanë, pa kërkuar që një gjë të tillë ta bëjë edhe Beogradi. Dhe këtë, deri më sot, askush nuk e ka kontestuar.

Kosova ka bërë të njëjtën gjë. As më pak dhe as më shumë.

Një çështje tjetër që do të dëgjohet zëshëm, është çështja e integritetit territorial që do të ngrihet nga Serbia.

Beogradi do të ngrejë zërin dhe do të thotë se e drejta ndërkombëtare është në anën e tij, sa i përket ruajtjes së integritetit territorial, duke heshtur, kuptohet, parimin e vetëvendosjes.

Pala kosovare do të përgjigjet me pohimin se Kosova gjithnjë në histori ka pasur kufijtë e vet. Por, nuk jam i sigurt, nëse dikush do ta përkujtojë ose pyesë Beogradin se kush i bëri kufijtë e pas vitit 1945, përkatësisht cilat forca vendosën se kush do të jetë republikë dhe kush krahinë?

Ishte Partia Komuniste e Jugosllavisë që e bëri këtë.

Vendimet e regjimeve totalitare nuk janë në harmoni me të drejtën ndërkombëtare dhe si të tilla nuk kanë validitet juridik ndërkombëtar. Pse të jetë ndryshe në rastin e Kosovës?

17 Komente

Kosova o Melo, i eshte dhene Serbise nga fuqite e medha. Nuk i eshte dhene Jugosllavise, por Serbise. Serbia ka patur pretendim territorial kunder Shqiperise, jo Jugosllavia.

Nuk e marr vesh pse duhet te behen lemsh gjera qe jane shpjeguar me mijera here!

Kosova nuk ka patur si te marre status republike, derisa ne Jugosllavi u perfshi si pjese perberese e Serbise. Nuk ja vlen fare te zgjatesh me ne kete pike...

Dhe meqe e permende, Kosova nuk e ka bere ate lloj mbrojtjeje qe thua ti. As histori as gje.

Dhe meqe e permende, perseri Kosova nuk ka patur gjithmone ato kufinj qe ka tani. Ja fut kot ti.

Serbise nuk i eshte dhene Kosova qe ka shpallur sot e kesaj dite pavaresine, por pjesa me e madhe e vilajetit te Kosoves mbas luftes se pare ballkanike, qe do te thote te gjitha territoret Shqiptare qe sot gjenden ne Mal te Zi, Kosoven shtet, Serbine (pa Kosoven), dhe Maqedonine.   Keto territore jane ndare pasaj midis Republikave te Serbise, Malit te Zi dhe Maqedonise ne Jugosllavine komuniste, ne menyre qe te dobesohej ne menyre te konsiderueshme forca gjeopolitike e shqiptareve brenda Jugosllavise, dhe si entitet te kishim vetem nje Kosove (te cunguar) me nje fare autonomie brenda Republikes Serbe.

E vertete. Vetem se ne gjykate po behet fjale vetem per kete Kosove tani. Pra, pa Sanxhakun, Tregun e ri, Nishin, Presheven, Shkupin, Tetoven, Gostivarin, pa Bjello Poljen, pa Plaven, Gucine, etj... thjesht per kete Kosove qe eshte tani.

Zotrules!!!

"Gjera qe jane shpjeguar me mijra here" mos e ke fjalen per "shpjegimet" e dhena nga Akademia e Shkemcave Serbe??????

Edhe ato Roni. Edhe ato. Se Jeremici po i perdor ne Hage si prova mbrojtese.

S'ka rendesi nese jane te verteta apo te sajuara(qe ne e dime), po ai po i perdor, dhe pala jone, nuk po perdor nje kunderargument, qe te hedhe poshte dhe te zhvleftesoje keto prova. Te zhvleftesosh keto prova eshte t'i hedhesh ne ere 99% te strategjise mbrojtese dhe fakteve qe po perdor pala serbe. E kupton tani se pse habitem gjithmone me "mbrojtjen" e pales sone?

Jo per gje, por kur Giuliano Ferrara thirri ne studion e LA7 per emisionin "otto e mezza", Pellumb Xhufin(ambasadori i Shqiperise ne Rome ne ate kohe) dhe ambasadorin e Serbise ne Rome per te sqaruar ceshtjen e Kosoves, e di ti cfare ndodhi?

Ambasadori serb zuri 90% te kohes nderkohe qe Xhufi mori fjalen vetem 2 here. Serbi e beri byth fare Xhufin vetem duke perdorur tezat e Akademise Serbe. E di ti cfare teze perdori Xhufi?

"kosovaret dhe ne shqiptaret jemi tashme dy kombe te ndryshme; kemi kultura te ndryshme, kemi tradita te ndryshme, mentalitet te ndryshem dhe gjuhe te ndryshme; dhe askush, as ne Shqiperi e as ne Kosove nuk e do bashkimin; ne jemi dy popuj te ndryshem!"

Tani jepi dum ti kesaj. Xhufi eshte "historian" me profesion. Ambasadori serb, nuk ja kam idene fare se cfare ishte... Por e beri zhele, e poshteroi fare; dhe Xhufi na poshteroi te gjithe ne shqiptareve ne menyre te turpshme perpos atij poshterimi qe na beri serbi.

...............

Per shpjegimet, jane pika te thjeshta te historise, qe kam pershtypjen se i dine te gjithe. Kosova nuk i eshte dhene Jugosllavise, por Serbise. Ka ndryshim RRENJESOR!
Ti si shqiptar shko me tezen e ketij artikulli, dhe te skuq serbi me shpulla publikisht aty kur te duash.

Injorant dhe historian, nuk behen bashke. Jane dy gjera qe minojne njera tjetren.

Zotrules, e drejta nderkombetare dhene pas luftes se pare boterore, njeh Jugosllavine si entitet federal, dhe nuk ka pune me federimin e brendshem te ketij entiteti. E drejta nderkombetare njeh Serbine vetem nepermjet Jugosllavise, njesoj sic njeh shtetin e Wyoming, vetem nepermjet Shteteve te Bashkuara. Keshtu qe, Kosova nuk iu dha Serbise nga nderkombetaret, por Jugosllavise, dhe eshte kjo, Jugosllavia, qe ia dha Kosoven Serbise. Kjo eshte e vertete per sa i perket autonomise se Kosoves brenda Jugosllavise, deri sa kjo autonomi u hoq nga nje regjim "totalitar," dhe ju dha Serbise nga Jugosllavia. Une te pakten keshtu e kuptova argumentin me larte. Shkurt, Jugosllavia eshte eksperiment i deshtuar, ku Kosova eshte pjese e ketij deshtimi, gje qe nuk do te thote se te gjitha trojet shqiptare ne territore te ish shteteve te Jugosllavise, jane te deshtuara.

p.s. ka rendesi ne jane te sajuara apo te verteta, sepse po qe se e verteta eshte qe Kosova ju dha Jugosllavise me status autonom, atehere Serbia nuk mund te kete asnje pretendim.

tek nje prej episodeve te komedise angleze, Only Fools and Horses (vetem budallenj/te edhe kuaj/t) , karakteret kryesor, dy vellezer, shkojne ne Miami edhe aty se si plisken me ca mafioze e me trafikim droge edhe duke u arratisur neper keneta e gjera.. u del nje krokodil. Ja fusin vrapit kta edhe njeri thot, mos o zot, s'me besohet desh na hengri krokodili. Nuk eshte krokodil, i thot tjetri, eshte aligator? Aligator??? Po aligator. Po a te ha aligatori? Po, te ha. Po nje m.t qenkan pra.. crendesi ka nese eshte krokodil apo aligator kur te dy te hane?

E kam fjalen se, artikullshkruesi ka kapur nje pike shume te rendesishme. Se dallimet midis dy gjerave, (Unilaterale v Multilaterale.. ose Krokodil v Aligator), jane te vlefshme vetem brenda nje konteksti. Psh ne kontekstin e ktyre dy tipave qe jane duke vrapuar prej nje kafshe zvarranike qe te ha.. kujt i hyn ne pune nese bisha quhet krokodil, apo aligator? Kjo i hyn ne pune vetem Darvinit, por jo Dell Boy-t. E njejta gje me klasifikimin "unilaterale", eshte nje klasifikim irelevant, sepse duke e pare ne kontekstin e gjerave, sic ben artikullshkruesi.. NUK EKZISTON dika e tille si "deklarate multilaterale", prej vete natyres se tyre, deklaratat e pavaresise jane unilaterale.

Po te futesh ne google e te shtypesh "deklarate multilaterale", googli thot "me fal por s'e do me thene me kte".

Zotrules!!!

Para nja 2 vjetesh ne NY Book review u be nje votim per te shpallur Romanin me te mire te te gjitha kohrave!

Fitoi "Don Kishoti"!!!!

NY Book review pas fitores beri nje analize letrare vepres. Midis te tjerash thuhej "Kush mundohet te kthej mbrapsh ose te ndaloje rroten e historise pa diskutim qe do te shrypet nga kjo rrote"

Serbet po mundohen te kthejne rroten mbrapsh dhe padiskutim qer do shtypen.

Pak rendesi ka se cfare tha e se si jane mbrojtur Serbet. Don Kishotet serbe mendojne se eshte akoma koha kur perhapnin "zbulime" biologjike se ne Ballkan jeton nje popull qe jeton ne peme dhe ka akoma bisht.  I ka hikur koha perrallave Serbe zotrules dhe po nuk me besove po te shkruaj adresen e International Court of Justice qe te kesh mundesi ti lexosh Prezantimet Gojore qe jane bere deri tashti. Dhe te siguroj se po i lexove do te mbushet mendja se ekipi i Kosoves ka bere nje prezantim shume te denje.

http://www.icj-cij.org/docket/files/141/15712.pdf

Shume dakord qe u ka ikur Roni.

Dhe te them te drejten, perdorimi i historise aty, eshte me shume per t'i mbushur mendjen opinionit dhe masave te popullit sesa nje trupi gjykues.

Edhe me histori, edhe vetem me thjesht keto 10-20 vitet e fundit, Kosova e ka pavaresine mese legjitime. Kete mund ta provojne gjithsesi para GJND-se.

Puna eshte, se...

Gjykimi nuk eshte thjesht per llogari te dy paleve. Eshte edhe per llogari te paleve te tjera te interesuara. Deshen s'deshen kosovaret, historia ka per t'u perfshire ne mbrojtje; sepse gjenocidi dhe krimet kunder njerezimit mbi kosovaret serbet nuk i kane kryer ne nje istance, apo 2; ato jane te vazhdueshme; dhe me vertetimin e kesaj; u heq te pakten dyshimet dhe friken shume shteteve qe ngurrojne te njohin Kosoven, se nuk kemi te bejme me nje precedent qe pritet te infektoje shtete te tjera.

Qe eshte precedent, po, eshte. Sepse, te jemi te ndergjegjshem, nuk ka komb ne Evrope qe te kete vuajtur aq keq sa shqiptaret nen Serbi; dhe per aq gjate, ne menyre te vazhdueshme non stop.

Prandaj, e kam pak si me dyshim kete lloj mbrojtjeje pa permendur fare histori. Sepse nuk behet thjesht per nje gjykates dhe nuk mbetet thjesht brenda salles. Dokumentat, ligjeratat, dosjet e te dyja paleve nje dite do te arkivohen dhe do te jene te disponueshme nga masat e gjera. Do te kete mundesi edhe te shqyrtohen nga pale te interesuara.

Une flas keshtu, se per mendimin tim, nuk eshte thjesht nje ceshtje juridike qe na u dashka gjykimi i GJNDse. Nese synimi eshte thjesht pavaresia dhe rritja e njohjeve; mire, mjafton. Per mua behet fjale per nje dicka me teper, shume me shume se aq. Sidomos kur mendon se pavaresia e Kosoves eshte perfunduar dhe NUK KA KTHIM MBRAPA per asnje lloj aresye. Bashkim me shqiperine mund te kete, por kthim nen Serbi nuk mund te kete kurre! Kete e dine edhe Prishtina, edhe Beogradi, edhe Tirana, edhe Washingtoni, edhe Moska e Pekini... Mendja eshte e fjetur.

Po te mos kishte nevoje per legjitimimin qe po flas une, as ne ketu konkretisht, nuk do kishim nevoje te flisnim per kete... apo jo. As ti nuk do permendje "akademine serbe", as si keqkuptim, as si sqarim e as per ndonje aresye tjeter. - gjithmone nese legjitimimi i Pavaresise eshte i vetmi synim.

Zotrules!!!

Me korigjo nese e kam kabim por po me jep pershtypjenn se po "Diskuton per librin pa e lexuar librin" nuk ma mer mendja se e ke lexuar deklaraten e ekipit Kosovare. 

Po ta kishe lexuar do ta dije se Michael Wood dha nje report te hisorise se Kosoves nga 1912 deri te zegjedhjet e fundit. 

 

Roni. qe te mos zgjatemi.

Michael Wood, eshte gje kosovar?

Tjetra, historia e Kosoves nuk fillon ne 1912. Nuk mund t'i gudulisesh tezat e serbeve qe e fillojne pretendimin qe ne shekullin e 7. E merr vesh ku e kam fjalen apo po luajm cicmic ne te dy.

Zoterlues

Nese ti pretendon qe nje gjykate e shekullit te 21te te mari ne shqyrtim "prova" te dhena nga ekipi Serb qe vijn nga shekulli i 7te atehere me keqardhje po konstatoj se paskam humbur kohen kot duke diskutuar me ty sepse me sa po kuptoj nga komentet e tua ti ose je nja 12-13 vjec ose je komplet injorant per subjektin e ligjit nderkombetare.

Sa per pyetjes qe ben per Michael Wood qe nuk eshte Kosovar po te pergjigjem me poshte

e ke pare se sa Jo Serb ka ekipi serb????  me siguri qe nuk e di keshtu qe po te ndihmoj te zvogelosh injorancen tende per ceshtjen ne fjale!

Marcelo G. Cohen

Malcolm N. Shaw

Andreas Zimmerman

 

 

 

Ti nuk merrke vesh shqip o Rono. S'kam c'te te them me. Do te ta ksiha thene dhe ne anglisht, po kur tregon te tilla veshtiresi ne gjuhen "meme" dyshoj, madje treshoj qe do kuptoje gje ne anglisht. Ca them une e ca thua ti!!! Hajt kalofsh mire.

Zotrules, paskam pasur te drejte 13 vjec qenke!!!!!

13 jam o Roni... vetem aman mos e perdor ne Hage.

"treshoj"

 

zotrulsi e fitoi ndeshjen mo nokaut

Kosova në Hagë, Kina e Qipro kundër, Kroacia pro   HAGE- Në Gjykatën Ndërkombëtare të Drejtësisë, të hënën kanë dhënë mendimet e tyre mbi ligjshmërinë e pavarësisë së Kosovës Kina, Kroacia, Qiproja dhe Danimarka. Siç ishte pritur, Kina dhe Qiproja e kanë kundërshtuar atë, duke insistuar në parimin e paprekshmërisë së tërësisë territoriale; Kroacia, e ka mbrojtur fuqishëm shtetin e ri, duke elaboruar edhe proceset politike që kanë çuar deri tek krijimi i tij.

Në Gjykatën Ndërkombëtare të Drejtësisë, fillimisht është paraqitur Kina. Ambasadorja e këtij vendi në Holandë, Su Hançin, duke iu referuar Rezolutës 1244 të Këshillit të Sigurimit, ka thënë se “ajo fton për respektimin e sovranitetit dhe integritetit territorial të Serbisë”.

Su Hançin i është kthyer vitit ’99, duke pohuar se “NATO-ja kishte intervenuar në Kosovë pa miratimin e Këshillit të Sigurimit dhe kishte shkaktuar katastrofë humanitare”.

Sipas saj, “Rezoluta 1244 ka ftuar për autonomi substanciale të Kosovës” dhe “shpallja e pavarësisë ishte shkelje e Rezolutës 1244”.

Edhe përfaqësuesja kineze ka pranuar se “e drejta ndërkombëtare nuk e ndalon dhe as nuk e sanksionon çështjen e secesionit”, por, megjithatë, ajo ka konstatuar se “Gjykata Ndërkombëtare e Drejtësisë në Hagë nuk mund të jetë neutrale rreth kësaj problematike në rastin e Kosovës”.

Su Hançin ka thënë se “vetëvendosja mund të miratohet në rastet e kolonive dhe okupimeve të jashtme dhe jo në raste të pjesëve integrale dhe multietnike të një shteti sovran, siç është rasti me Kosovën”.

Qiproja në këtë seancë është përfaqësuar me tre përfaqësues dhe në thelb, argumentet e tyre ishin në fakt në anën e Serbisë.

Ata thanë se “secesioni nuk është akt neutral dhe, rrjedhimisht, Gjykata Ndërkombëtare në Hagë duhet të deklarohet për këtë çështje”. Aspekti tjetër i ngritur nga ky vend është fakti se “Qiproja mohon se Kosova ishte rast ‘sui generis’ dhe vetëvendosja nuk u takon pakicave, siç i kanë cilësuar ata shqiptarët e Kosovës”.

Në mbrojtje të pavarësisë së Kosovës argumentoi Kroacia. Përfaqësuesja e saj, Andrea Metelko Zgombic, me fjalimin e saj, ka zgjuar interesim në mesin e gazetarëve dhe qarqeve tjera diplomatike, për faktin se Kroacia ishte pjesë përbërëse e ish-Jugosllavisë dhe tash vend fqinj i Serbisë.

Zonja Zgombic fillimisht ka thënë se “pavarësisë së Kosovës i ka paraprirë një proces politik” dhe se “Kosova është një rast ‘sui generis’”.

Ajo ka pohuar se “pas Kroacisë, pavarësinë e Kosovës e kanë njohur edhe vende të tjera fqinje, që ishin pjesë përbërëse të ish-Jugosllavisë”.

Duke folur për çështjen nëse shpallja e pavarësisë së Kosovës është në harmoni me të drejtën ndërkombëtare, zonja Metelko Zgombic ka thënë se “pavarësia e Kosovës nuk e ka cenuar me asnjë dispozitë të drejtën ndërkombëtare”.

“Nuk ka asnjë rregull në të drejtën ndërkombëtare që ndalon ose sanksionon secesionin”, ka thënë Metelko Zgombic, për t’i bërë pastaj një vështrim pozitës së Kosovës brenda ish-Jugosllavisë dhe represionit e dhunës që ishte ushtruar mbi shqiptarët.
(s.g/Europaelire/BalkanWeb)

.......................................................................................................

 

Sic e shpreha dhe me siper; nese nuk perdoret karta historike, nese injorohet me kembenguljen me te madhe, Kina & CO do te kene gjithmone nje argument me vete.

Nese shqiptaret jane aty - Kosove, - sic na eshte mesuar, sic na e meson historia, sic jemi te bindur, sic e di dhe katunari me shpellar, malesor dhe i izoluar, atehere karta historike nuk mund te injorohet kurre!

Nese do ishte bere me kohe nje paraqitje e tille, te pakten sic e ka bere Serbia me kohe e me vakt, nje goje do ishte mbyllur perfundimisht, nemos do kish dale te deshmonte PRO Kosoves; goja e Kines!

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).