Çfarë është 8 Dhjetori

Ç‘është 8 dhjetori? Kjo pyetje që gazetarja e një prej televizioneve informative të Tiranës ia bënte kalimtarëve në një kryqëzim të populluar të qytetit, mori çuditërisht përgjigje, që bashkoheshin në të njëjtën pikë: është një ditë feste, festa e demokracisë! Natyrisht, përgjigjet qenë më të thjeshta dhe me pak fjalë, por në përfundim të tyre, duke dashur të bëjë një përmbledhje, gazetarja nënvizoi se 8 dhjetori është një festë politike dhe për ta bërë më të kuptueshme e renditi në një seri prej tyre, ku përmendi atë të Pezës, anëtarësimin e Shqipërisë në NATO, 22 marsin e 1992 dhe dy-tre data të tjera më pak të rëndësishme. Duke menduar se mosha e re e gazetares e lejon një amalgamë të tillë, mendova se si mund t’i përgjigjet historia një pyetjeje të tillë? D.m.th., ç‘është 8 Dhjetori 1990? Apo edhe më tej, jo thjesht 8 dhjetori, por gjithë ajo javë e trazuar që nga mbrëmja e datës 8, deri pasditen e vonë të datës 12 dhjetor 1990?
Duke mos pasur një përkufizim të qartë, e vetmja gjë që më erdhi ndër mend është fakti se data 8, ose ato 5 ditë që përbëjnë kompleksin e protestave të studentëve në dhjetor 1990 kanë shënjuar thellë historinë e shtetit shqiptar. E kanë shënjuar shumë më thellë se sa data të tjera si Konferenca e Pezës, 22 Marsi, hyrja në NATO, apo kushedi çfarë. 8 Dhjetori nuk shënon thjeshtë përmbysjen e një diktature gjysmë shekullore në Shqipëri; as zëvendësimin e sistemit monopartiak me atë shumëpartiak; as braktisjen e izolimit dhe varfërisë; as dhënien fund dhunës dhe persekutimit. Padyshim që brenda saj i ka të gjitha këto, madje edhe më shumë. Por 8 dhjetori, ose ato 5 ditë dhjetoriane, krijuan edhe elitën e re shqiptare. Elitë që fillimisht u shfaq si elitë politikë, më pas e biznesit, më pas si elitë kulturore dhe pak nga pak në përgjithësi elita e shoqërisë shqiptare.
Në ‘97 vitet e Shtetit Shqiptar, pra në më shumë se 35 mijë ditë, vetëm tre prej tyre kanë krijuar elita. Elita që më pas kanë dominuar për disa dekada shoqërinë shqiptare.
Elita e parë politike është krijuar më 28 nëntor 1912. Një elitë, e cila me shumë ulje dhe ngritje, me shumë firo dhe shtesa, e drejtoi vendin deri më 28 nëntor 1944, pra plot 32 vjet. Pavarësisht ndryshimit të qeverive, sistemit, luftërave dhe pushtimeve, klasa politike që doli nga loja me fitoren e komunistëve në vjeshtën e 1944, ishte klasa politike që kishte krijuar Shqipërinë e Pavarur dhe që e kishte udhëhequr atë drejt konsolidimit të Shtetit të vërtetë.
Klasa e dytë politike hyri në Tiranë më 28 nëntor 1944. E re në moshë, ajo hodhi tej klasën e vjetër që kishte dominuar politikën dhe shoqërinë shqiptare deri atë ditë. Një pjesë u larguan në mërgim, vdiqën atje të harruar; të tjerë u burgosën dhe një pjesë jo e vogël u pushkatuan. Më 1944, drejtuesit komunistë të kohës, instaluan edhe një elitë të re politike dhe shoqërore, që qëndroi në pushtet deri më 11 dhjetor të vitit 1990, pra plot 46 vjet. Nuk po i hy analizës se cili qe produkti i kësaj elite të re, padyshim më problematikes dhe më shkatërrimtares për shoqërinë shqiptare. Elita komuniste që kish humbur sensin e realitetit; që ishte atrofizuar fizikisht dhe mendërisht, u largua, dhunshëm në vitin 1990, ashtu siç ajo vetë kishte larguar klasën e shkuar politike në vitin 1944. Por me një ndryshim, që në vitin 1990, nuk pati as ekzekutime dhe as ndëshkime, si ato që pësoi klasa e vjetër e shpallësve të pavarësisë.
Klasa e re politike, ose e treta në historinë e Shqipërisë, ka nisur po në ato ditë. Demokratë apo socialistë, republikanë apo socialdemokratë, ata janë të gjithë produkte të pas 8 dhjetorit. Një klasë politike që drejton që prej 2 dekadash Shqipërinë dhe që me sa duket, do ta bëjë këtë ende për shumë kohë.
Në këtë vështrim, 8 dhjetori është më shumë se sa një festë e thjeshtë, më shumë se sa një ndryshim sistemi. Është ditëlindja e një elite, fjalën për të cilën, do ta thotë historia…

130 Komente

prandja i kishe thirrur ti dje ne emision dhe u thoshe: une per t'iu hedhur ne sherr jam???

dhe blendi ( gonxhen ) e shkrete, te vemtit qe i kishte mbetur pak njerzillek ne ate histeri barbare

c'horror ai emision

mjere ne qe jetojme ne shqiperi, e mjere femijet qe ushqehen perdite me sharje politikanesh ne vend te te tjerave

Na thuaj ndonje gje me teper per kete emisionin sa te dale online? smiley

Kush ishte i ftuar dhe ca behej?

qe ftuar tur zheji mesiiiiila dodddaaaa

skender gjinushi

blendi gonxhe

mentor nazarko

dhe nje tjeter qe nuk e njihja

 blendit te shkrete ia kishin prere koken nga fotografite e dokumenteve te greves se studenteve te dhjetorit si ne kohen e dulles

...po e sheh 8-dhjetorin si lindjen e elitès shqiptare tè kètyre 20 vjetève...parespekt e jomiqèsisht tè 10-sha elitèn e jo vetèm atè politike!!!!

8 dhjetor 1990, dite e shtune.

Nje nate me pare, me 7, kishte plasur transformatori i godines 21-22, godina e Inxh. se minierave. Flaket vajten deri ne katin e katert. Erdhen zjarrfikeset me ca zorre qe nxirrnin uje sa nje curril keci, ne muajt e pare te jetes mbi toke. Dikush thoshte se ato nuk nderhynin ngaqe kishin frike mos i zinte korenti permes ujit, prandaj duheshin fikur te gjitha dritat. U fiken, s'u fiken, kati i dyte qe gjendej poshte dhomes se transfomatorit, u "ngroh" mire ate nate. Mire.

Me 8 pra, dite e shtune, asokohe e shtuna ishte pune (Te punojme 48 ore ne jave !), dhe profesoret donin te dinin pse nuk i kishim bere detyrat. Tironcit thane shprehjen e zakonshme : me ka vdeke gjyshja ; kurse ne zhulcat kishin arsye te forte : s'kishim drita, zoti kujdestar. Profesoret, ata me te keqinjte, na thane : po mire, pse nuk i bete gjate dites, pse pritet darken pa drita ? Ahera ne pergjigjeshim : po sepse behet nate shpejt tani. Plus dhe kemi ftohte, batanijet s'na dalin. Profesori pastaj s'kishte ç'thoshte, dhe shpjegonte rrupaskup ç'kishte per te thene.

Me 8 dhjetor pra, dite e shtune, nata kishte rene, ora rreth 17.30 degjojme ca zhurma nga godina e transformatorit, 21-22. Azemi flinte ne ate godine, megjithese ishte ne juridik. Juridikcat (ose siç iu thoshim ne ate kohe : sekretaret e pare) flinin tek 14, poshte rruges, ngjitur me restorantin e Kadriut (tungatjeta Kadri !).

Zhurmat erdhen duke u shtuar, dhe duke iu afruar godines 15, godines se kovaçeve (mekaniksat, elektriksat, tekstilsat, e metalurget, e terrci e verrci). Turma e pare, rreth 20-30 vete, me ne krye Azemin, u ndalen para 15-es. Edhe therrisnin : Mekaniksit jane me ne ! Mekaniksit jane me ne ! Duam drita ! duam drita !

Godina 15 kishte per kujdestar nje nga Dibra, ia harrova emrin, por fytyren ia mbaj mend fooooooort mire. Kishte dhe nje roje qe flinte gjithe diten e naten gjume. Nje burre tironc me thinja, i urte dhe s'prishte qeder i shkreti. Kushedi sa 15 femije kishte ne shtepi. Kujdestar-surrat-patatja kishte mbyllur godinen me çeles, dhe nuk linte student per te dale jashte. Kujdestari ishte anti-demokrat, ishte komunist i bindur. Ishte gjithashtu dhe hajdut. Vidhte furnelat e korentit te studenteve. Vidhte, vidhte, ç'te donte ai.

Por meqe ishte ora e darkes (mencat hapeshin ne 18.30), atehere studentet mekaniks qe donin te dilnin jashte ne demonstrate, demokratet e pare pra, nxoren pretekstin se po shkonin te hanin buke dhe se kujdestari s'kishte te drejte t'i ndalte. Dera u hap. A kishte shume mekaniks qe u bashkuan ? Jo dhe aq. Por kishte ndonje.

Autori i ketyre rreshtave nuk do te thote asnje fjale nese ka qene vete aty apo i ka pare me dylbi apo ia ka treguar ndonje plak ne burg, si Edmond Dantesit qypin e florinjve.

Pastaj turma e vogel e perbere prej rreth 50 vetesh eshte vene per udhe drejt godines 14, juridiksave. Azemi ishte ne krye. Ne stolat e betonit mes dy godinave, ndane rruges, Azemi eshte ndalur dhe ka hipur ne nje stol. Dhe ka thene keshtu :

"Degjoni ketu : jemi nisur per nje udhe qe duhet t'i shkojme deri ne fund. Nuk kam nevoje per frikacake. Nese dikush ka frike, le te kthehet qe tani. Po qe se rrine, atehere deri ne fund." 

Asnje nuk levizi, me gjase ngaqe shqiptarit, po i the qe s'je burre, atehere atij i dalin briret dhe behet burre mbi burra. Me nje fjale, nuk kishte asnje frikacak. Grupi vazhdoi udhen, me parullat e zakonshme. Nuk ishte e thene qe te brohorisnin te gjithe sepse edhe s'dinin gje per çfare behej fjale, por kjo puna e bertitjes eshte edhe me takat, por edhe me qejf. Kur s'ke qejf, s'behet. Nejse.

Para godines 14, grupi thirri fort : juridiksat jane me ne ! Nja 15-16 here. Asnje nuk doli, ndoshta nje apo dy, sa per te mos hyre ne gjynah. Azemi mendonte mos te pakten shoket e vet te klases, por harroi qyqari se atje ishin mbledhur gjithe çunat e sekretareve dhe kryetareve. Me nje fjale, turma doli si rruar qethur, nuk fitoi gje aty.

Pastaj kane ardhur dhe pak perforcime nga godina 5 e matematikes, dhe me duket 4 (nuk mbaj mend çka qene). Pastaj turma ka menduar qe te larushohet pak me perzierjen me vajza. Dhe eshte drejtuar nga godina 11-12, femrat kovaçe, mekanikset. Nderkaq, ndersa turma ishte ende tek 14 dhe po i ngjitej godines 13 (ekonomiksat - ose patericat), ca makina policie me sirena kane filluar te shfaqen ne rrugen kryesore, andej qe shkon nga peshkopata. Ishin kalecet.

Po thosha, tek godina 12, turma tashme kishte marre nje forme goxha te ngjeshur, por s'kishim ende vajza. Dhe pa vajza ske ku shkon, madje s'mban dot ne kembe asnje shtepi. Aty, nder te parat qe ka dale, ka qene nje vlonjate, Alma B., dhe pastaj kane dale dhe ca te tjera. Azem Hajdari, kur e pa qe turma u be vajza dhe djem bashkuar, mendoi per ndonje rrezik etjere etjere, e dini vete ju, dhe ka hipur mbi nje stol betoni para godines, dhe ka thene :

"Kush i prek vajzat, motrat tona, do ta vari me duart e mia".

Pastaj turma eshte drejtuar per nga rruga e Elbasanit. Ora po i afrohej tashme rreth 10-11, diçka e tille. Me turmen ka marre pjese dhe Xan Gallata (ndjese paste - rene heroikisht ne krye te detyres, me nje faqore raki anash, te thare, bosh). Xan Gallata, sipas fjaleve te tij te mbledhura ne vend nga pjesemarresit, u pergjigj se po merrte pjese ne demonstrate "per te bere ndonje plaçke".

Pastaj, ne gryken e formuar nga nje shtepi tiranase dhe nje kopsht femijesh i rrethuar me gardh hekurash, policia kishte zene priten dhe nuk linin te kalohej. Nuk ka vonuar shume dhe aty eshte afruar vete ministri i Arsimit, kryeqelbaniku dhe kryemaskarai, Skender Gjinushi. I cili na ka perrallisur gjera qe askush nuk i ka degjuar : do te kishim drita, do te kishim batanije, e dokrra te tilla. Makina e tij, Peugeot, siç thoshte ministrja tjeter, Tefta Cami, eshte qelluar me gure dhe guraleca, me mjete rrethanore, me nje fjale.

Pastaj eshte kaluar ne operacionin "Hekri". Hekri ishte Hekuran Isai, i cili, te nesermen, dite e diel, eshte cilesuar nga studentet "Hekuran-Sllobodan" (Millosheviçi, vetem nje vit me pare, kishte shtypur kosovaret). Operacioni Hekri ka qene pak a shume ky : vlim shkopi gome, kerbaç ku te binte. Nga ana e studenteve, ky operacion ka qene "rrembe ndonje gur dhe vertitja dushmanit, se na shkaterroi fare". Ndeshja ka perfunduar... ka perfunduar. Ka pasur lendime nga te dyja palet. Brinje te nxira, police te gjakosur nga ndonje gur i mbrapshte, me nje fjale, lufte. Me gjak, edhe kesaj rradhe.

Nderkohe, Ramiz Taip Alia, çon fjale se meqe nuk kishte gjume ate nate, mund te takonte ca studente. Vendi i takimit : korpusi qendror (UT). Si jane perzgjedhur delegatet e studenteve ? Kuturu. C'te kapnin policet e ç'te rrasnin ne makine. Nuk kishte zgjedhje perfaqesish apo tjeter, por thjesht duheshin nja 30 vete dhe kaq.

Per takimin duhet te flase ndonje takimtar. Arben Broci, shkodrani i mire qe s'dinte te thoshte nje fjale te keqe, ka qene ne ate takim. Ka qene dhe Shinasi Rama, me pardesyne e tij legjendare, ngjyre qumeshti. (Ne fakt, gjysma e Shqiperise kishte te njejten pardesy, dhe gjysma tjeter peliçe blu pambuku me tegela vertikale).

(hajt tani, keputni qafen, shihemi njehere tjeter - se ka pune puna). 

Shume e sakte, Hurb! Une kam qene atje gjithashtu. Me kujtohet edhe ajo vajza vlonjate, Alma. Te nesermen e asaj dite qe tregon ti, me dt. 9, jemi mbledhur nje perfaqesi studentesh per te shkruar programin e levizjes - ishim gati 15 veta nga fakultete te ndryshme. Une kam qene nga Shkencat. Qe te mos ngaterrohet ndonjeri: Nuk behet fjale per perfaqesine e studenteve qe u takuan me Ramizin, as per mbledhjen pergatitore per ate takim; ishte me heret. Nga cfare kishte ndodhur nje nate me pare, u be e qarte se duhej te formulonim me qarte cfare ishte ajo qe kerkonim. Azemi, dhe disa te tjere, jo se ishin kunder, por per aresye taktike e quanin te pershpejtuar ne se pluralizmi do te ishte ndermjet kerkesave tona. Disa nga ne kembengulnim qe ajo kerkese duhet te ishte me patjeter pjese e programit tone. Pati debate, por argumentat nuk ishin bindese. Kjo vajza, Alma, tha (pak a shume): "A e dini se e ka marre vesh gjthe Shqiperia per kete qe po bejme? Dje me kane marre ne telefon nga Vlora dhe te gjithe i kane syte nga ne. A e mendoni se sa zhgenjyese do te jete per ta kur te marrin vesh se ne jemi ngritur per nje pjate makarona?" Pas kesaj nuk pati me debate. Pluralizmi ishte ne krye te listes.

Ka shume detaje te tjera qe jane diku ne kujtesen time prej asaj kohe. Mbase komentet e tjera do te me ndihmojne ti nxjerr prej andej...

E sheh, Permetar ? Sa mire vertet qe i kujtuam ! Une te kujtova Almen dhe ti me kujtove fjalet e saj ! E vertete, plotesisht keshtu ! Alma me ate te ecuren karakteristike, me ate balluken ngjyre bjonde qe i rrinte siper ballit dhe i tundesh kur ecte. E kam pasur ne kurs. Ca vite. Alma B., nga Vlora. Mbase na lexon rastesisht. Po e pershendes keshtu naivçe.

Sa u beme ? Une, ti, Ani, Kasandra, e kush ishte tjeter ? Ah po, Spiritusi paska qene pedagog ne ate kohe, tek 18-ta.

Une kete Almen e mbaj mend qe ishte e Gjeologjikes!

Me dhembe pak te rralle, me sy te medhenj, dhe me nje te ecur si me thua!

Apo e kam gabim!

Nejse, kjo ka dale nga menca dhe na ka sqaru neve per situaten!

Goce mo trime nuk e bo nona!

Edhe ishte edhe "girly girl", nuk ishte noi tip Laje!

Me te vertete ka qene nje dite e lavdishme per zjarrvensit dhe rrugacet e te gjitha kalibrave. Inteligjenca dhe  krahu me i shendoshe i punes mori rrugen "e ndritur" te kurbetit te Evropes dhe Amerikes. (vajzat dhe grate lajne koqet e pleqve te Greqise dhe Italise). PERMBYSJE E LLAHTARSHME E ARSYES SHQIPTARE! Nese ky ishte cmimi per te vendosur kapitalizmin ne Shqiperi, te pakten te mos u jepen copat e tokave fqinjve.  Efkaristo qirjes Berisa- thote Bollanoja ne kulmin e orgazmes patriotike greke. Nuk sheh nje stacion tv qe personazhet te mos i referohen opinioneve te te huajve  e sidomos figurave te mesjetes duke zvendesuar deri ne 70% te fjaleve shqipe me fjale te huaja. Te gjithe vrapojne si te cmendur per te peshtyre mbi  kombin e tyre sepse te luftojne me njeri tjetrin nuk jane te zot.

adriatik i ke seriozisht keto qe shkrun? Pa mendohu edhe i herë...

@Hurb.  Gjithmone me ka bere pershtypje se nga e gjeti Azemi gjithe ate largpamesi se keshtu nga e folura te pakten nuk eshte se ta mbushte mendjen.  Cfare mendon ti qe e ke patur kaq afer?

 Edhe mua. Dhe te mendosh qe bente rripa oresh ne dyqan riparim-sherbimesh ne Tropoje. Por edhe kaq i zgjuar nuk ishte, jo, se ndryshe nuk do ikte si qeni ne vreshte nga "shoket e armeve".

Ishte ceshtje guximi dhe trimerie ajo pune, se per largpamesi asnje s'kishte se s'dinin ca ishte pluralizmi e demokracia, e aq me pak si do venin punet ne shtetin me te ashper komunist ne Evrope.

Tani juve ekspertet e midhjes dhe te dhjetorit te 2009-tes do mundoheni te 10sni mbi cdo gje historike qe eshte kundra komunizmit?

 

P.S. FH, pse habitesh aq shume, harron qe je tek Peshku, vatra virtuale me e madhe komuniste e shqiptareve? smiley

Ani,

Do te te flas me syte e mi, dmth pa u ndikuar fare nga majtas-djathtas. Dhe, edhe nqs deshmia ime bie ndesh me deshmine e ndonje tjetri, ta dish qe deshmia ime eshte krejt e sinqerte dhe pa kurrfare prapamendimi.

Azemin, pak vete e njihnin deri ate nate. Ishte nje student normal, mbase njeçike me i rritur se te tjeret, dhe mbase mund te binte ne sy nga xhupi i tij i zi i enkelitit. Por vetem kaq. Te pakten une, nuk kisha degjuar per te.

Ate nate, fjalet e perdorura nga Azemi, kane qene fjale jo teorike, jo skolastike apo dijetare. Kane qene fjale, per mendimin tim, fjale shpirti ose pasioni ose ndezje, ose ç'te duash ti. Di qe zeri i tij kishte nje vendosmeri per t'u habitur. Nuk eshte folur as per parti, as per permbysje. Eshte folur per drita, per kushte jetese normale. Deshmitaret e kohes, ata qe kane qene aty, e dine fort mire qe viti 90 ka qene nje vit i tmerreshem urie nder studente. Nuk ngopeshim me buke. Me kupton ? Studenti, qe nderkohe ka aq shume nevoje te haje mire me tere ate bombardim truri qe ka. Nuk kishte pjata, nuk kishte luge, as pirunj, as gjelle, nje supe te qelbur dhe marsh ! ne godine. Oreksi i studenteve, mbaj mend, ka shkuar ne renie te lire. Kur shkoja te bleja buke ne cepin e caktuar, merrja gjithmone 4 leke buke. E nje dite, nje shitese buke, nje plake e mire, me tha : "te kam vene re, ti ha shume pak, ku mbahet gjithe ky djale me 4 leke buke ? Te pakten ne dreke, ha." Po s'kisha ç'te haja, sepse uria e kishte bere te veten, ishim shkaterruar pak a shume.

Duke i shtuar kesaj kushtet e fjetjes, ku mberdhinim gjithe naten nen dy batanije te vjetra burgjesh, me xhama te thyer dritaresh, me pllaka e me dysheqe qe kishin 50 vjet sherbim, e pamundur qe te te mos vije shpirti ne maje te hundes. Imagjino te kishe dhe nje dege te veshtire, dhe pastaj paç fat !

______

Me nje fjale, fjalet e Azemit dilnin vetvetiu, pa ndonje nevoje per pergatitje te larte teoriko-taktike. Po ashtu dhe studentet, ishin bindur me se s'mbante me uje pilafi.

Vulen ia ka vene rrahja barbare tek liceu Jordan Misja. Te dielen ne oren 9, kur na kane ndalur IFA-t me police. Pas kesaj, te gjithe e moren vesh se nuk ka kthim prapa, dhe se diçka po luhej, e se nuk ishte me fjala per buke e drita.

Ne lidhje me oratorine, Azemin mund ta quash me teper nje foles i mire katundi sesa nje specialist teknokrat. Dhe kete katundi nuk e kam me tallje. Psh, Azemi mund te te organizonte fare mire nje dasem ne katund, fundja dhe ne qytet - se ne ate kohe, grumbull ishim. E kam fjalen, qe kishte ca veti organizatore. Dhe s'duhet t'ia humbasim.

Me pas, fjalori i tij politik eshte zgjeruar, por pa arritur asnjehere te dale jashte asaj çka ishte tashme : nje udheheqes tip Zapata, apo Pancho Villa. Te cilet kane edhe keta vendin e nderuar ne histori. Azemi, me sa kam mundur te bluaj une, nuk ishte lindur per akademik, as per president, as per nobelist. Prandaj nuk duhet ta ngarkojme me shume barre dhe t'i kerkojme edhe qe te ishte i zgjuar, i ditur, i urte dhe largpames. Gjithçka eshte me mase.

Punet e partive kane filluar me pas, kur Ramiz Alia ka pranuar kushtin e studenteve per rikthimin ne mesim : te lejohej pluralizmi partiak.

Ne fillim, Arben Imami ishte per nje tip partie intelektuale ku te mos kishte as punetore as fshatare. Mendonte me teper nje levizje nga lart, nje grup te rinjsh qe mendojne per vendin. Mirepo kjo u hodh poshte nga te tjeret dhe u vendos qe levizja te shtrihej dhe tek punetoret e kush te mundte. Sepse ka pase shume debate qe te mos ngaterroheshim me punetoret qe donin te na bashkoheshin.

Per hir te se vertetes, Azem Hajdari dhe Arben Imami ishin dy figurat e para te levizjes. Nuk e di a jane njohur me pare. Nuk e kam idene. Di qe ata ishin te paret qe kane fjetur ne godinen 15, me studentet, ngaqe perndiqeshin per t'u kapur sapo te dilnin nga QS. Te dy keta, kane pasur si dhome fjetje, si strehim, dhomen e dy shkodraneve, A.P. dhe S. (ia kam harruar mbiemrin), e qe i pari nuk eshte me gjalle (aksident automobilistik ne Itali). Keta kane qene si me thene : strehuesit e pare te levizjes.

Pastaj gjerat kane rrjedhur siç kane rrjedhur, diku mire e diku keq, por ja qe keshtu.

Edhe nje episod mbi Azem Hajdarin : Nje profesor i moshuar i Juridikut, kishte ardhur kastile te takonte Azem Hajdarin dhe t'i mbushte mendjen te hiqte dore. Dhe Azemi i thoshte : "Une e di fort mire qe duan te me kapin, e di fort mire qe ndoshta ma marrin shpirtin, por kesaj udhe qe i kam hyre, do ta çoj deri ne fund".

_________

Se ç'ndodhi pastaj me Azemin, eshte tjeter pune. Ngjarjet e historise duhen studiuar nga e hershmja ne ditet tona. Dmth studiohet 90-ta pavaresisht çfare ndodh ne 2009-en. Nuk ka studim mbrapsht te historise. 90-ta duhet studiuar duke marre parasysh çfare ka ndodhur deri atehere, dhe jo çfare ka ndodhur me pas.

Salut.

I je drejtu Anit dhe do m'falesh per ket futjen time ne mes si xhol, por ate Salutin qe ia the asaj, du me ta kthy edhe une, sa t'a them edhe terhiqem. Sepse ke shkrujt bukur bukur bukur mire (me perjashtim te asaj "keput qafen" qe nuk eshte as shaka, as afersi, as dreq, po c'boni, ajo prish synin qe thone); trunin tim po e shkallmon mendimi qe pse ti nuk shkruan gjithnji kshu? Prrallat dhe perkthimet e filozofise nuk ti lexoj dot (me sinqeritet ABSOLUT kjo), por per kto siper t'pershnes, pa prit, sigurisht, pergjigje prej teje.

Salut!

Hera e pare qe lexoj nje shkrim te detajuar per kete ngjarje pa asnje ngjyrim apo urrejtje apo tallje. Bravo Hurbinek-ut sepse me tregove nje ngjarje nga nje tjeter kendveshtrim dhe me shume realitet.

Xhib, pa shaka tani, roli I Azemit gjate atyre diteve te para eshte padyshim I vecante. Per me tej pastaj, thjesht ishte jashte kapacitetit te tij. Ajo qe me cudit mua eshte se si edhe pas 10 vjetesh nuk ka dale asnje biograf nga keta te PD qe ta biografikoje jeten dhe bemat e Pishtarit qe e bene per rafmet. smiley

E ka pas te trashegume nga gjyshi zgjuarsine,po ca lesh i zgjute ishte ai pash zotin,zgjuarsia e tije ishte se ishte me budallai nga te gjithe ata qe ishin aty dhe asnjonit nuk ja mbante me dale se nuk u dinte si do merrnin punet dhe i thane Azemit dil ti se je me trimi.Nganjehere historia te merr dhe me zor per dore.

Une i boj lomsh keto datat!

A ra gje e Djele 8 Dhjetori,  qe e bene dite shkolle keto?

Apo 8-ta ishte e Shtune, dhe pastaj me 9-te doli mileti ke Liceu?

Du t'them, a perkujtojme ne naten kur u rrafen studentet ke kryet e rruges me policine, apo diten kur studentet dolen deri tek Liceu ku u ndaluan nga policia, dhe u shperndane me shkop?

Se me c'me kujtohet mua, ajo dita para Liceut ishte me tamam, dites per diell, shi ne fakt,  dhe ne mes te qytetit, me audience ke trutuaret perballe Parkut te Lojrave dhe pallatit gri ngjitur me te!

8 dhjetor ishte e shtune.

9 dhjetor ishte e diel dhe ne e kishim dite mesimi sepse kishim ngrene nje dite pushimi, nuk e mbaj mend ç'kishte ndodhur, por ishim mangut me nje dite mesimi, dhe ka qene vendosur prej ca javesh qe me 9 do te benim mesim, dite e diel.

Dhe ne vend te mesimit, kemi ngrene dru. Dita nuk ka qene me shi, as me diell, por ka qene e vrenjtur dhe e lagesht. Ato pjerresite e fushes qene qullur mire dhe rreshqiste kemba ne to sa ata bythemedhenjte nuk arrinin te ngjiteshin per t'ia mbathur vrapit. Se kerbaçi valonte andej matane.

Ne rrugicen tek amabasada franceze (e saporipunuar) qe shkon nga stadiumi, dhe te gjitha rrugicat e tjera prapa nesh qe binin ne ate drejtim, kane qene te zena me ushtare me lopata xheniere. S'kishin arme, por nje lopate kokes dhe e merrje dozen, besoj. Por nuk kane nderhyre. Vetem shoket e Hekrit kane bere nam.

Falemnerit per shpjegimin!

T'gjitha qe ke thone per kete pune i ke t'sakta!

Lopatat i kisha harru, po t'tjerat i ke n'rregull! 

 

Ne mos gaboj, me date 9, te djelen, ishte ndeshja Tirana-Partizani (ose nje "derbi" tjeter i forte) tek "Qemal Stafa dhe studentet u perpoqen te shkonin nga stadiumi qe te bashkoheshin me tifozet. Por ia prene rrugen tek Liceu. 

Nderkohe Qyteti Studenti u rrethua - por njerezit e Tiranes i gjeten ca shtigje smiley  Ne mos gaboj, te Henen filluan te vijne njerez edhe nga Kavaja dhe Shkodra. Kishte Kavajsa qe e moren gjithe rrugen me biciklete!

8 dhjetori 1990 ishte e shtune

Du t'them, a perkujtojme ne naten kur u rrafen studentet ke kryet e rruges me policine, apo diten kur studentet dolen deri tek Liceu ku u ndaluan nga policia, dhe u shperndane me shkop?

Tani mesa e di, 8-12 kane qene ditet/netet qe de facto sollen shembjen e komunizmit si sistem, protestat, shpallja e pluralizmit nga Alia pas takimit me studentet, themelimi i PD, etj.

Ne takimin me studentet ku Peshqit gostiten edhe me fjalimin e Mixhes , eshte deklaruar SOLEMNISHT dhe ZYRTARISHT ne Mikrofon nga Arben Imami , nuk me kujtohet mire por ndoshta i alternuar edhe nga i ndjeri Pashko!.

Ju njoftoj se SOT u formua Partia Demokratike .

Dhe jo per gje por ndoshta tregon thyerjen e monizmit pra nje faze te re te Shoqerise Pluraliste si premise e Shoqerise Demokratike . Dhe n; se ZGJEDHJET e LIRA jane Hapi i Pare dhe Guri i themelit per nje Rend te Ri Demokratik .....them se nuk ka ardhur AKOMA!

shembjen e komunizmit smiley ...te pakten ti qe ke nje nivel normal adrenaline nuk besoj se i ke seriozisht te PellituraT !

Nuk po i hy analizës se cili qe produkti i kësaj elite të re, padyshim më problematikes dhe më shkatërrimtares për shoqërinë shqiptare (rritja e një fare Skarco siç jeni realisht ) smiley

Mentlitet tipike i elitës së dalë nga elita 3 . Po ti heqësh dhe nja dy rreshta më poshtë ku Blendi si yakpnisht bajgoset e muallit, them se është një GJETJE eshkëlqyer për të afruar shtetasit e Shqiprisë.

Asgjë e RE në Botë . Në Shqipri PO. Sapo ka filluar 100 vjeçari dhe Elitat duhet të mësohen se Vjen një ditë...që nga shpresëdhënëse shndrohesh në pengesë. Kjo  është Dialektika e Historisë që Blendi me urra PD-istët me në krye Mixhën nuk do ta kuptojë.

Do ketë dhe nga ata që do shesin për trimëri përshkrimin e stolave prej guri dhe trim tribunin e vegjëlisë hypur në të . Një pjesë prej tyre e quajnë veten pjestar të përgjimit të telefonatave , një pjesë raportues të kujdestarëve që vidhnin etj etj e çfarë trimash nuk gjen sot në DHJETOR 2009 .

Për një jam dhe duhet të gjithë të jenë të SIGURT!.

Historinë e bënë përsëri Fëmijët e atyre dhe niprit e atyre që bënë 44 .

Dhe nuk mund të ishte ndryshe. Ndryshe ? Për sa u tentua ndryshe Shqipërinë e "pushtoi " PELIKANI .

Një dhjetor i mbarë për Shqiptarët , një erë e mirë për Shqiptarët ...por që fatkeqësisht ra në duar MATRAPAZËSH, INJORANTËSH të Pa AFTËSH dhe HIPOKRITËSH.

Kjo eshte Feste dhe Gëzim për te Ardhmen deri ku do shkojë dhe JO gëzim për PD-istët në mënyrë të veçantë për Vandalët dhe Leshpalarët e saj që Qeverisisn shkak i se cilës jemi në këtë gjëndje .

Dhe Azemi i thoshte : "Une e di fort mire qe duan te me kapin, e di fort mire qe ndoshta ma marrin shpirtin, por kesaj udhe qe i kam hyre, do ta çoj deri ne fund".

Le ta lënë llapaqenët të ndjerin ti prehen eshtrat rehat . Edhe ketu do ndyjnë e sdo lenë më për Belulin

R. Alia kishte dhënë disa porosi nje prej te cilave Përgjigjeni me kokë për jetën e pardesyve të bardha .

Mund dhe të mos ndërhzya sepse nuk është ndonjë kushedi se çfarë , por nuk durova . Ky njeri i rëndomtë që sfiguron asgjëkundi na shet dëngëla sikur ka bërë revolucion proletar me proletar me zemër të madhe smiley

@Hurb.  Falemnderit per shpjegimin.   Ne te vertete une kam qene studente ne dhjetor 1990.  Azem Hajdarin e kisha degjuar me pare dhe me thene te drejten ne kushte jo shume te favorshme.  Mund ta kem edhe gabim po qe atehere me eshte mbushur mendja se ngjarjet e verteta zhvilloheshin ne ca prapaskena qe ishin komplekt te pakapshme nga ne te tjeret. Une vetem doja te kuptoja nese Azemi u perdor apo ishte i ndergjegjshem per cfare po ndodhte.

Ani,

Me vika shume mire qe gjeta dike te asaj kohe, dhe kam deshire te me mos lesh te genjej (jo nga mungesa e sinqeritetit por nga kujtesa qe mbase ka te meta).

Qyteti Studenti, gjate gjithe brezave te tij, ka pasur kokat e forta. Ti duhet ta mbash mend grupin e Vlores, apo te Beratit. Sigurisht dhe grupin e Tropojaneve apo Kuksianeve. Por sinqerisht, tropojanet kane filluar t'iu ndihet zeri shume (dhe madje ne menyre te padrejte, bashke me kuksianet, por jo te gjithe, sepse te forte ekzistonin gjithandej, edhe ne Lushnje ku thuhet se lepujt bejne kerdine neper shtepia njerezish) vetem pas levizjeve, kur moren superxhiro.

Azemi nuk ka qene i hurit, ne ate kohe. E thashe, ai binte ne sy sepse vishej ashtu, ai enkeliti shkelqente dhe rrezellinte dhe e mbante veten shume. Nuk ka qene Azemi kokepalare, se me sa di une, i pelqente ca vetja.

Ngjarjet, qe thua ti, ashtu kane rrjedhur, pa e ditur kush ben çfare. Perderisa edhe vete madhoret, Sali, Gramoz, Aleksander, Budina, Imami, e ca te tjere, por po t'i shoh ne film, me kujtohen te gjithe, dmth edhe vete keta nuk e kishin te qarte ç'duhej bere. Njeri keshtu e tjetri ashtu.

Mbaj mend, Zekeria Cana, nje intelektual i mirefillte kosovar, ka ardhur dhe na ka folur ne sallen e TV te godines 15, ne katin e pare. Vetem aty kemi mundur te kuptojme pak ç'eshte pluralizmi e gjera. Sepse ai i dinte, ishte profesor biri i botes. Kurse keta tanet, megjithese permendnin ca fjale, nuk kishin ndonje ide te qarte si funksionon.

Regjistrimet e para ne PD, selia e pare, ka qene dhoma 13, ose 14, nuk e mbaj mend tani, ne katin e pare te 15, krahu perballe rruges.

Shinasiu, me sa mbaj mend, ka filluar te menjanohet nga pak kur kane ardhur keta kokat e medha qe kishin tituj pa vetes, profesore e gjera. Shinasiu ishte thjesht nje student, megjithese ne moshe dhe ky, mbase 30 ne ate kohe.

Per t'u permendur, duhet permendur dhe Arben Lika. Ky ka pase nje oratori te jashtezakonshme. Nuk e di ku i gjente ato fjale, por leshrat e kokes t'i ngrinte perpjete. Pastaj me vone kam marre vesh se ka rreshqitur ne punera te tjera, por ne ate kohe ka qene goxha figure.

Gjithashtu dhe Bardhyl Ukcama, edhe ky djale zotni, dhe goxha i fjales.

Mbaj mend gjithashtu dhe Ardian Klosin, tek fusha e futbollit poshte, edhe ky fliste goxha mire. Me vone, edhe ky mori udhen e nuk e di kujt.

Cuditerisht, nuk kam asnje kujtim te Edi Rames ne levizjen e dhjetorit. Te shkurtit po. Por ne dhjetor, kurrsesi. Kujtesa ime do e kete fshire fare, ose me teper nuk ka qene fare aty.

Gjithashtu dhe Blendi Gonxhe, ky ka qene me i dalluar ne shkurt se ne dhjetor. Ne shkurt po. Ka qene si frymezuesi i mitingjeve, tregonte gjera e te tjera, e keshtu kaloi ajo kohe. Nejse.

Rama ka qene ne Greqi ato dite dhe ka ardhur me vone. Plus qe, pervec "kokave" (Pashko, Imami, Meksi, Demeti, etj. etj.), aty u krijua nje klike Tropojane qe s'para i pelqente te tjeret, sidomos studentet nga Tirana, me pretendimin se "luften e bene konviktoret".

Nuk e mbaj mend daten,dhjetor ka qene por aty kam qene une ne nje miting tek stadiumi qemal stafa,kur Edi Rama ka mbaj nje fjalim te pa harruar per shprehjet,"..komunizmi ..na skuqi si ruset,na zverdhi si kinezet,dhe nxiu si shqiptar" e mban mend njeri ?

Si jane perzgjedhur delegatet e studenteve ? Kuturu. C'te kapnin policet e ç'te rrasnin ne makine. Nuk kishte zgjedhje perfaqesish apo tjeter, por thjesht duheshin nja 30 vete dhe kaq.

O Ani, a vetem kto 2-3 rreshta flasin sa 100 komente. Eshte tregu king fare po t'them! me ka befasu ne menyren me pozitive qe mund te behet sot!!!

em,

Nuk kuptoj diçka : kush eshte autori i ketyre rreshtave "Nuk kishte zgjedhje perfaqesish apo tjeter, por thjesht duheshin nja 30 vete dhe kaq" . Kush i ka shkruar ??

Arben Imami nuk ishte perzgjedhur ???

Ilir Meta nuk ishte perzgjedhur ???

I kish kapur policia dhe i kish rras ne makine ???

 

Jeni ne vete kur shkruani keto ??????!!!!!!!!!!!!!!!!!!!

 

 

I ngaterron pak gjerat Stklr!

A. Imami etc kane shkuar te takojne Ramizin me vone, jo naten kur u takuan studentet me Ramizin tek Korpusi!

Ate nate, vertet ashtu jane marre/perzgjedhur. Prej skalafaresh, direkt ne "grenxe" ose Izaura te Policise! smiley

M'beso! smiley

Ndofta ka fillu me m'lonë kujtesa : kam mendu se Ramizi vetem nje here i ka taku studentet: më 11.

Stalker, behet fjale per naten e 8 dhjetorit - ishin vetem studentet bllokuar nga forcat e policise me skafandra ne koke e shkopinj ne duar diku aty ne nje nga rruget qe lidhin Q. Studenti me Rrugen e Elbasanit. Takimi ku morren pjese Imami e Meta ka qene me vone (dt.11 dhjetor).

Si jane perzgjedhur delegatet e studenteve ? Kuturu....

Mos u entuziasmo dhe aq shume smiley

Problemi qendron se   ...Perse u zgjodh BLENDI dhe perse nuk u zgjodh Belul Gjeraqina smiley qe kushedi nga fshinte qurrat nga te ftohtit ( ne se me te vertete ka qene) .

Me qete i dashtun .

Idris,

emrat jane lexuar nga Arben Imami publikisht ne Qytetin Studenti se kush do shkonte ne takim.

Eshte dhene me ze e figure ne Tv edhe keto dite.

Hurbi ja fut pak si kot aty me siper.

PF,

per ate rol te vecante ta kam fjalen dhe une po mos i hyjme kot se pale ku dalim. smiley

Lavdi zotit qe nuk i kemi me te lexuara ca gjera. 8 Dhjetori eshte 8 Dhjetor dhe as me shume as me pak, eshte dita qe ata qe aspiruan moren rruget e kurbetit dhe vemje te tjera ngelen ketu per te tu bere heronj apo heroina : Mesila Doda dhe Blend Fevziu. smiley

Lexo me siper se t'a ka dhene dikush tjeter pergjigjen. Me siguri po e ngaterron me takimin e dyte, me date 11, qe eshte i incizuar, ku R. Alia deklaroi qe Biroja kishte heq ca antare dhe lejohej pluralizmi.

Une nuk di pse po flasim ketu, por une po flas per pyetjen Çfarë është 8 Dhjetori ? dhe kesaj i permbahem. Dhe nuk e kam fjalen per mekaniksit jane me ne !

Se po mos kishin ngrene dru nga 326 te nesermen keta urithet prape me nuk kemi drita do vazhdonin.

Xhanem une kot diskutoj ne kete teme vetem desha te them qe ngjarjet per rrezim jane ndryshe nga c`tregohen.

Koth,

Siç te tha dhe shoku me lart, mos i ngaterro takimet.

Ate nate ka pase ca studente qe as ne enderr nuk e kishin pare te takonin Ramiz Aline. Nje 30 vete te ngopur ne makina policie, ç'te kapnin policet.

Dhe kur kane vajtur ne oren 1 te nates tek korpusi, ata i jane ankuar Ramizit se policet i kane rrahur. Dhe Ramizi iu ka thene se askush nuk do t'ju rrahe, kam dhene urdher une qe do te shkoni pa ju prekur kush me dore. Dhe kur kane dale nga takimi, ata perseri jane rrahur.

Dhe ky ka qene nje motiv me teper te nesermen, kur eshte thene para studenteve se Ramiz Alia na preu ne bese : na e dha fjalen, dhe na rrahen prapeseprape.

Mos ngaterroni 8 dhjetorin 1990 me 47 prillin 2007, s'kane lidhje keto. 8 dhjetori ka dinamiken e vet, dhe 47 prilli te veten. Eshte 47 prilli ajo qe varet nga 8 dhjetori, dhe jo 8 dhjetori nga 47-ta.

Keshtu qe levizja studentore, Azem Hajdari i asaj nate, nuk duhet njollosur me asgje, as perlyer me asgje. Ka qene levizje naive, e çilter, me zemer, burrerore, dhe teper e paster per te gjithe ne.

Kemi besuar se njeriu nuk eshte me kafshe.

Kemi besuar se njeriu ka te drejte te ngopet me buke.

Kemi besuar se njeriu ka te drejte te kete ngrohje.

Shkurt, ka qene nata qe u vetedijsuam qe po kalonim nga stadi i kafshes ne stadin e njeriut. Te pakten persa iu perket nevojave elementare (buke, ngrohje, strehim).

Gjithashtu, ju duhet ta merrni me mend friken tone ate nate. Kur kemi pare makinat e policise, mos mendoni se nuk jemi frikesuar. Te gjithe kishim babe e nane ne shtepi, te gjithe mendonim per ta. Por ja qe rinia ben gjithçka dhe instinkti i rinise eshte gjithmone para. Dhe ngelem aty. Dikush vazhdoi me vone, e dikush u ndal. Por ajo nate ka qene e veçante.

Dhe per mendimin tim, kjo nate e kjo dite 8 dhjetori, e meritonte prej kohesh qe te jete dite pushimi dhe te festohet ne Qytetin Studenti, jo me me fjalime gjigande, por me grumbuj te vegjel bisedash pjesemarresish, ku te krijohet pak a shume e njejta atmosfere. Jane gati 20 vjet qe kane kaluar dhe te rinjte duhet ta dine ç'ka ngjare.

Jane gati 20 vjet qe kane kaluar dhe te rinjte duhet ta dine ç'ka ngjare... smiley

Admin ! Je i lutur mos ma fshi kete histori !

Korrik 1968 . Voskopoje.

Kishim vendosur ti hanim nje dreke drejtorit te Kampit te Pionereve ( nje miku yne ) po nuk donte dhe dredhonte . Erdhi 10 Korriku dhe ai nuk kishte se cfare te bente. I gjetem nje "XHAXHI veteran" (qe nuk kishte qene ne Lufte sepse ishte 10 vjec ne ate kohe) dhe ja derguam tu llafoste pionereve me kusht qe drejtori te na shtronte dreken . Pranoi  nga Halli smiley  

Xhaxhi "Veterani" ishte rrembyer  aq shume nga Historite me Lufte sa po vonohej mbi gjysem ore ...dhe ne u beme te padurushem . Nje shoku jone nuk duroi dhe hapi deren per ta "mbyllur " kete mesele . Kur c'te shikoje nje si HU ( xhaxhi Veterani ) kishte hypur mbi tavoline dhe po bertiste:

"Na u mbaruan fisheket shoke pionere. Afhernaj c'te benim ? Perveshem lleret , vume thikat ne goje dhe fyt me fyt me armikun " smiley

Ne se lexon ndonje bashkemoshatar kete histori qe e tergonim gjithnje  smileybesoj po qesh lot kur lexon budallalleqe si 

 Jane gati 20 vjet qe kane kaluar dhe te rinjte duhet ta dine ç'ka ngjare... smiley

Nigjo lalin ketu,

Historia drita ne qytet studenti eshte e mocme shume, sa nuk ta pret mendja. Edhe kur ulerinin studentet per qereles UJE se kalonte ndonje p... i bukur aty, tek ambasada italiane interpretonin si revolte studentesh qe protestonin per uje e drita. Ketu ndalo. Dhe kjo fillo shume heret ee.

Transformatore dhe linja jane djeg gjithe kohen ne qytet Studenti, qe nuk kemi  drita e qe nuk jane bere projekte ka pas gjithe kohen. Pse natarrohesh kot fare.

Ne shume qytete kishin fillu rremujat dhe keta te qeveriut ishin me te mencur se ata te periferise. Duhen mbajt gjerat nen kontroll. Nuk ka takim me Ramiz Aline se i ngatarron gjerat ti jo une. Takim ishte ajo kur po mendohej se kujt do i kalohej krijesa e re. E be lemsh ti se te duket vetja hero i Dhjetorit.

Kur me thua takim te pare me shkrin gazit, sepse histori mund te kete qene ndryshe : mund te jene nis per te taku psh Hekrin apo Gjonin ene ka ka beh Ramizi.

Ta thashe me siper , ju , urithat te nesermen perseri do vazhdonit me duam drita, nese nuk do ju kishin dhi me hu 326-ta. Ka shume qe pohojne qe dualiteti i Ramizit ishte mjeshteror dhe njera nga format thone ata ishte kjo dhenia dru apo dajak si e do ti dhe tjetra ajo qe me 11 ja u beri si film me seri duke u dale si qingj vete dhe u nxorri pengese Lenka Cukon e Hekrin. smiley

Nese do i qendrojme asaj qe sapo the se Ramizi u vleresua nga ju se ju hengri ne bese, atehere bie formulimi qe beri Demeti qe Ramizit i ishte propozuar qe te ikin konservatoret dhe me ty president te bejme perpara.

Ca me nattaron mu vrullin e rinise me shembjen. Kush me mire se ata mund ta bente , se nuk mendohen dhe gjate per ate pune, ndersa kur me thu Azem e Sali me ben lemsh fare ti mu.

Shkodra kishte tjeter organizim dhe ishte jashte kontrolli ndaj gjerat duhet te vinin nga Tirana dhe nga andej erdhen. Ca beni kesisoj shakash qe as vete nuk i besoni. Rinia mund te permbyse cdo gje nese revoltohet kjo dihet por perralla per antikomunizmin e saj mos m`i trego mu.

Dite te vrullshme po deri ketu jam dakort, por te vrullshme prej verteti dhe domethenese nuk ishin ne Dhjetor por ne shkurt. Ta leme me simbolike si dite rinie por keshtu dite antikomunizmi , dita e lirise apo si tja u ndjeje cave ketu vetem se provun per here te pare me shku jashte orarit ne shpi sikur nuk shko.

Kur ti bije te flase Irakli Kocollari per keto pune, nese flet, apo nese del nje deshmitar i besueshem per cer foli Ramizi ne Antoni Athanasin ne Boston, atehere do jesh dhe me i kthjelet ti dhe une.

Xhanem le te flase dhe Neritan Ceka se aty gjalle eshte.

Koth djali,

Me duket se je duke me ngaterruar kot. Lali yt (meqe po me thua ashtu) nuk ka qene asnjehere ne ingranazhet e PPSH apo te PD dhe nuk e ka kusheri te pare Ramiz Aline apo Sali Berishen.

Lali yt ka treguar gjera qe i ka pare vete, e qe i ka degjuar vete, pa e vrare rradaken se ku do te dilte gjithe kjo mesele.

Une nuk jam Historia, tha ai xhaja, e po te them dhe une. Une jam thjesht nje deshmi nder mijera te tjera. A ka vlere deshmia ime ? Po sigurisht qe ka. Se ta tha Kristida me Kasandren, qe nga keto copeza te vogla shkruhet historia dhe jo me urdher te peshkut.

Une tregova ketu naten e 8 dhjetorit, e pare me syte e njerit qe ka qene ne garrumullin e pare. A rastesi a moskokeçarje, e kujt i hyn ne pune kjo ? Fakt eshte qe gjithçka qe kam folur, madje dhe citimet e Azem Hajdarit, jane te degjuara me veshet e mi, e te pare me syte e mi. Kam harruar kam harruar, por jo deri aty, ta marre djalli.

Ti mund t'ia nisesh dhe Tatra qe shpertheu ambasaden italiane, e per dreq, kam qelluar dhe aty. Me ndjekin mua keto belarat. Mund t'ia nisesh dhe nga "greva" apo lajthitja e arteve, e godines se arteve, qe nuk di ç'bene ca vajza, a pine droge apo pine ndonje çaj mali nga te gjysheve tona, dhe filluan te na i tregojne gjokset vajzerore, nga ballkoni ose dritarja.

Mund te na flasesh dhe per rremujat ne Kavaje dhe Shkoder dhe Fier me ndeshjet e futbollit. Lali yt nuk di nga keto. Lalit mos i bjer ne qafe per gjera qe s'ka qene aty. Ama Lalin degjoje pak per gjera qe i ka pare, se s'kam ndonje leverdi te te genjej ketu.

Mire Koth, jemi shoke bashke, e di, kemi qene qysh heret shoke lufte. Te pershendes dhe naten tani, se data eshte 11 dhjetor 2009 dhe me duhet te ushqehem ca. Nuk rrohet vetem me kujtime. Salut.

Keto shkrimet e fevzos pa kurrfare analize ashtu si dhe emisionet e tij sa vijne e po behen gjithnje e me qesharake. Niveli i tij si moderator eshte per toke, i cili bashkuar me "paanshmerine e tij" po e kthejne ne nje reality show nga ata me te shemtuarit ku ndodhin bresheri zenkash gjinushi-doda te tipit te djeshem. Kjo nuance reality po e kthen ne nje nga emisionet me te shikuara te darkes cuditerisht dhe mjerisht.

Eshte fakt qe shume ngjarje historike shpesh jane keqperdorur dhe instrumentalizuar nga kahe te ndryshme per te legjitimuar cdo veprim te tyren, ashtu sic po behet me kete 8 dhjetor te uruar. Po vazhduan te shpallin festa kombtare ngjarje te tilla, per nja 50 vjet gjysma e vitit do jene dita feste per shqiptaret, gjysma tjeter palle.

@Idris.  Mos ja fut kot te lutem.  Emigranti ka te drejte kur thote se Hurbi ka folur shume mire dhe me shume sinqeritet.  Shqiptaret kane nevoje ta dine cfare ka ndodhur me te vertete ne dhjetor.  Kushedi mund te na ndihmoje te kuptojme ku kemi arritur.

Më vjen shumë keq Ani . Cfarë dhe ku  sheh që ja fus KOT!

Nuk eshte ndonjë gjë e madhe se nuk e di  Xhibi se si ka ndodhur apo e di unë me Hurin me mirë smiley .

Fal teknologjisë është gjithçka e inçizuar , përpunuar dhe filmuar .Fale qindra e mijra deshmitareve ka episode nga me te vecantat e mbreseleneset . Kjo tregon se askush nuk ka nevoje per histori si ajo që unë  pashë trim tribunin  e vegjëlisë, kur i kapte për leckash vajzat Mozen ? ) dhe i nxirrte nga godina 15 . Gjithkush mund te tregoje po me ç kuptova ( ndoshta jam gabim) prurja nuk fliste kush ka qenë BELUL GJERAQINA .

Banalitete mund te tregoje edhe Xhib antikomunisti qe ka nivel te larte adrenaline e jo me ky prallisesi .

Bej habi qe ketu tek Peshku, ngjarja e 8 dhjetorit tregohet sikur te ishte diçka e rëne nga qielli ! Pfff........

E di njeri ketu qe ne gusht te po atij viti, pra te vitit 1990, ambasadat ishin mbush plot dhe frika tashme ishte thyer ?? 

Une NUK bej pjese tek ata qe hyne ne ambasada, por per mua, ata kane qene inaguruesit e vertete te ndryshimeve qe filluan. Keto qe shkruhen me lart per 8 dhjetorin, nuk perbejne as kersherine me te vogel per mua ! ( i kam jetuar vete, me mjaftojne ato qe di).

E VETMJA GJE qe do te deshiroja te dija nga historia post '90 ne Shqiperi eshte : KUSH I HAPI AMBASADAT ? (nese dikush i hapi, sigurisht). Te tjerat, per mua personalisht, nuk perbejne as më te voglen enigme. 

 

E VETMJA GJE qe do te deshiroja te dija nga historia post '90 ne Shqiperi eshte : KUSH I HAPI AMBASADAT ? (nese dikush i hapi, sigurisht). Te tjerat, per mua personalisht, nuk perbejne as më te voglen enigme. 

 

Lexo librin MEKATARET 3 se e gjen aty pergjigjen per hapjen e ambasadave.

 @Hurbinek, Keto qe ke shkruar me siper jane vertet brilante. Nuk me ka rastisur te lexoj per ate kohe ne kete menyre, kaq te drejtperdrejte dhe te zhveshur nga kendveshtrimet partiake. Thjesht ke treguar cfare ke pare dhe ke degjuar. Kjo eshte historia dhe keshtu duhet bere.

Por ashtu si Ani, edhe une mendoj qe guximi i Azemit nuk mbiu nga dheu. Pra dicka kishte filluar te levizte qe me pare ( pervec asaj qe ndodhte jashte kufijve te Shqiperise situate e cila, per hir te se vertetes nuk arrinte deri ne veshet e Azemit).

Por te lutem vazhdo te tregosh cfare ke pare dhe degjuar dhe do ishte shume me vlere nese ato qe tregon ti dhe te tjere ketu te shkundeshin nga komentet plehra dhe te dilnin ne nje teme te vecante.

Cassandraa,

Dhe diçka tjeter, se ja keshtu me dalin, pak nga pak, por sikur te kisha ketu prane ndonje prej shokeve te mi te asaj kohe, do te na ishin kujtuar te gjitha. Nuk eshte e lehte t'i trazosh nga kujtesa.

Une flas drejtperdrejt dhe pa pasione partiake sepse s'kam qene asnjehere ne asnje lloj partie. Siç e the dhe vete, jane pershtypje te drejtperdrejta, te para dhe degjuara me syte e veshet e mi.

Nje diçka qe desha ta ve ne dukje : kam qene habitur nga nje lloj permase "kosovare", keshtu po e quaj, e kesaj levizje. Mbaj mend se qysh ne fillim, flitej per njelloj ndihme qe keshtu do t'iu jepnim vellezerve kosovare, dhe ma besoni, kjo ka qene pershtypja ime e asaj kohe, te mbushej gati mendja se sapo te kishim pluralizmin, Kosoven do ta kishim me vete. Nuk e di pse, kjo pershtypje shperndahej nder ne. Mbase mbi vetem mua ngaqe ndjeshmeria ime kosovare eshte paksa me e madhe (per arsye te ndryshme qe s'po i permend).

Por ne pergjithesi, ne te gjitha fjalimet qe mbanin keta çunat, Lika, Hajdari, Ukcama, permendej Kosova. Ka mundesi qe kjo te jete bere per te lidhur regjimin e Millosheviçit me te Hekuranit. Dhe per te thene qe studentet ne Tirane ishin kosovaret e rrahur ne Prishtine.

Mbaj mend te bijen e Jusuf Gervalles, Doniken, duke biseduar me Sali Berishen, ne lulishten mes mences 7.3 dhe rruges qe lidhte 14-en me 15-en. Perveç disave (nder ta dhe une) qe e njihnim emrin e Gervalles, askush nuk dinte per te. Di qe Berisha fliste me nje lloj simpatie te skajshme gati si i nenshtruar para kesaj goces, qe kjo mund te ishte nja 20 vjeçe (aty rrotull).

Mbaj mend gjithashtu, nje minator nga Tepelena, nje njeri shume i urte, i cili na ka folur ne sallen e televizorit te godines 15. Ky na ka treguar çfare hiqnin minatoret nga Memaliaj, vuajtjet atje. Dhe na ka bere te kuptojme se levizja jone per buke kishte shtrirje me te gjera, sepse fundja gjithandej qenka njelloj. Ky minatori ka qene vertet nje orator se na ka bere ta degjojme gjithe sy e veshe. E habitshme, askush s'di gje per kete minator, ku behet e si behet.

Di qe shume studente kane qene dyshues ndaj levizjes, sepse fundja ne shkolle nuk shkonte i biri i te pushkatuarit. Te gjithe ne qe ishim aty, te pakten nuk flisnim ndaj regjimit. Por ka pasur dhe qe ishin bij te regjimit, sigurisht. Sidomos juridiksat, siç e permenda, sepse ata do te ishin neser gjykatesit e diktatures se proletariatit.

Salut. 

Faleminderit per prurjen (jo Fevziu, por Hurbi). Une sapo kisha filluar gjimnazin ne ate kohe, dhe kam shkuar te qyteti studenti kur u be mitingu i shpalljes se pluralizmit, si edhe me vone kur behej 'eksorcizmi' i pare disa here edhe me humor i diktatures nga studentet (per shembull nje arkivol me emrin e E.H, nje dore qe dilte nga arkivoli dhe qe shkruante 'vepra 95' se atij vazhdoheshin t'i botoheshin edhe pas vdekjes), e deri pastaj ne ngjarjet e shkurtit 91'.

Per levizjen e studenteve komentet kane qene gjithmone se ne fillim ishte per kushte jetese e me pas u kthye ne levizje me kerkesa/ambicje politike. Kam pershtypjen se koha nga dhjetori 90' ne shkurt 91' ka qene kyce. Pas shkurtit, levizja ishte per mua qartesisht jo me e kontrolluar nga idealistet e dhjetorit por nga ata qe edhe sot jane ne krye te shtetit nga te dyja krahet politike.  Kurioziteti eshte, kur ndodhi transferimi dhe si?

Se nuk me rrihet pa e thene, shumica e studenteve te dhjetorit shprehen (edhe Hurbi me lart ne komentin e tij) se njera nga figurat me te neveritura ishte/eshte Skender Gjinushi. E ja pra, ai edhe tani n'a del neper forume per te 'shpjeguar' historine e per te nxjerre vehten te lare. Se mos vetem ai xhanem...

Shih Kristida, ka shume gjera qe jane thene per levizjen e studenteve, dhe nje pjese e mire e tyre jane thene me keqdashje. Kjo qe insinuon ti se sikur studentet donin vetem kushte ekonomike, jo politike, s'eshte aspak e vertete. Une kam qene atje, nuk e kam me te degjuar. Urrejtja ndaj sistemit politik ne Shqiperi dhe vecanerisht ndaj kastes politike ne fuqi ka pas qene mbrujtur vite me pare ne Q. Studenti, nuk ishte produkt i rastesishem apo i imponuar nga jashte, sic pretendojne disa me keqdashje apo nga injoranca. Kishte filluar qysh atehere kur sa here kishte kongrese idiote te partise apo levave te saj ndihmese, delegatet strehoheshin ne Q. Studenti dhe studentet duhet te kalonin nga 6 vete ne nje dhome ne 8 veta ne nje dhome (me ka ndodhur mua ne vit te pare). Mensat me te mira u viheshin ne sherbim ketyre delegateve, ndersa studenteve jo vetem qe u linin ato "te ngelurat", por i trajtonin me mosperfilljen me te madhe. Me kujtohet nje qershor, ne sezon provimesh, kur ne duhet te zinim radhe per te ngrene para se mensa te hapej - jo vetem se ishte dyndje e madhe, por sepse po te shkoje me vonese nuk gjeje dot pjata te lara (s'kishte uje): ishte fat te merrje te haje nga pjata e shokut - i futej nje e fshire me kore buke dhe ishte "good to go". Tani do thuash ti po te gjitha keto kane te bejne me kushte ekonomike, jo me politiken. Vertet thua? A mendon se ishim vertet aq budallenj ne se te mos e kuptonim se kush qe shkaku i ketyre kushteve mizerabel? 

Ne ate periudhe ishte frike te dilje hapur kunder regjimit - duhej guxim i madh. Por ne Q. Studenti ka patur dy ngjarje pararendese te levizjes se dhjetorit. E para ishte ajo qe ndodhi nga maji i '90, ose sic e quajti shtypi italian i asaj kohe "revolta e seksit" dhe tjetra ka qene nje takim i Adil Carcanit me studente ne nje nga godinat e Q. Studenti ku ai u vu ne pozite tejet te veshtire nga pyetjet qesendisese te studenteve.

Ajo qe dua te them eshte se perfshirja e kerkesave politike (pluralizmi) ne listen e kerkesave te studenteve ishte nje zhvillim natyral i ndergjegjes se studenteve dhe ngjarjeve ne Q. Studenti, nuk ishte e imponuar nga jashte.

Permetar,

historia nuk fillon diten qe ke pare buke te bardhe ti. Gjendja e mjere ushqimit dhe strehimit ne Qytet Studenti ka filluar qe nga viti 1982.

Ja po te ishte swedi ketu do qeshte po ti thoja une qe ishte problem dhe te larit se nuk punonin kaldajat. smiley

Keshtu qe ata qe ishin afer shkojshin ne shpi cdo jave, durrsaket coheshin qe me 5 te mjesit cdo dite vetem qe te mos jetonin ne ato kushte te renda, ndera ata qe ishin nga p... i arushes shkonin nje here ne 6 muaj ne shpi ene mendoje vete.

Nuk ka pas zhvillime poltike nder studente pervec se ne vitin e fundit ( `90 ). A e beson vertet ate qe thua ketu me siper apo jo ? Nuk kishte iluminizem nder femijet qe vinin nga familje me "biografi te mire" sic quheshin ne ate kohe.

Pse te bejme sikur ajo qe them eshte e vertete absolute , vetem per faktin se : une isha aty .

Ishin disa ngjarje me te hershme si takimi me intelektualet i Ramiz Alise dhe ka pas formulime : shoqeria shqiptare nuk eshte gati per pluralizem.

Tani a s`me thua kush nga ne atehere kuptonte ( studentet dhe te rinjte e asaj kohe ) se cfare ishte pluralizmi politik ? Ku e mesuan ata qe e dinin ? Se a nuk themi qe ishim damell nga infot qe merrnim.

Revolte kishte plot se mbriti thika ne palce, po gjithe miletit ama, ndaj mos e banalizoni 8 Dhjetorin me filmin Lulekuqet mbi Mure qe Sulua luftonte Fashizmin .

Cer beni keshtu se po ndyni kot na se koti nje gje qe nuk duhet prek.

 

Cer beni keshtu se po ndyni kot na se koti nje gje qe nuk duhet prek.

Une nuk e di se kush po kerkon ta ndyje ate levizje, por te siguroj qe nuk jam une. Fakti qe une kam qene pjesmarres ne te nuk eshte per te thene se une kam ne dore te verteten absolute per te - Jo! Une po shkruaj per pervojen time ne ate levizje, si i kam pare une ngjarjet - dhe me beso, i kam pare nga afer fare. As nuk them se jam i pagabueshem kur kujtoj ato ngjarje te gati 20 viteve me pare dhe prandaj, i ftoj te gjithe ata qe kane qene pjesmarres te sjellin kujtimet e tyre. Ama, nuk pres te me korrigjoj ne keto kujtime dikush qe s'ka qene fare aty.

Nuk ka pas zhvillime poltike nder studente pervec se ne vitin e fundit ( `90 ). A e beson vertet ate qe thua ketu me siper apo jo ? Nuk kishte iluminizem nder femijet qe vinin nga familje me "biografi te mire" sic quheshin ne ate kohe.

Nuk e kuptoj se c'do te thuash me "nuk ka pas zhvillime politike nder studente". Protesta masive mbase s'ka patur, por zhvillime politike ndermjet studenteve po. Kete argumentin e biografise e kam degjuar dhe here tjeter. Por ti ndoshta harron nja dy gjera te tjera: 

1. Jo te gjithe ishim me biografi te mire (sic kuptohej biografi e mire ne ate kohe). Shume studente, sidomos ata qe studionin ne shkencat apo inxhinerite, ne pergjithesi, nuk ishin me biografi te keqe. Une, p.sh nuk mund te them kurrsesi se isha me biografi te mire. Pervec kesaj, pas '85 ka patur dicka me toleruese per sa i takon pranimit ne shkolle te larte. P.sh une kam patur ne kurs nipin e Gjon Marka Gjonit nga Mirdita. U pranua ne shkolle te larte ne 1986. Ishte goxha djale.

2. Ato studente qe shkoni jashte (aq sa shkonin) mund te ishin me biografi te mire, por ne pergjithesi, nuk ishin budallenj. Une kisha nje kusheri te pare qe shkonte ne France qysh me 1983 per studime, dhe kur vinte qe andej gjithmone me fliste per c'kishte pare, dhe madje me mllef ndaj "qelbesirave" te ketushme. E papranueshme? Pse? Babai i tij gjithashtu ka qene atashe kulturor ne disa ambasada tonat jashte, dhe ndonese hapur nuk dilte, ishte kunder sistemit te atehershem. S'ka asgje per t'u cuditur ketu. Historia ka raste plot kur pinjolle te nje klase te caktuar politike jane bere protagoniste te klases kundershtare. 

3. Studentet ishin te ndergjegjesuar per ndryshim sistemi, ndoshta jo te gjithe, por nje pjese e mire e tyre, absolutisht. Kjo s'do te thote se ato ishin te qarte se si do te behej ky ndryshim, apo hollesi te tjera. Shumica e jone, pjesmarres ne ate levizje ishim protestues te lirise, nuk ishim gati per t'u bere militante te partise. Pse eshte kaq e veshtire per ta pranuar qe ne ishim per ndryshim sistemi dhe e kerkuam ate hapur ne '90.  

Sidomos shkodranet ! Pothuaj te gjithe, te gjithe te gjithe, ishin talles te regjimit. Neper godine, vetem ata i degjoje duke folur hapur. Kishim njerin, shume i kendshem, sa here qe fikeshin dritat, dilte ne koridor dhe kendonte :

Moj Parti ta lumsha synin,

s'guxon kush o me t'preke kufinin

Keto gjera ishin bere te zakonshme. Por problemi eshte se gjerat i mendonim, por nuk kishim guxim t'i shprehnim. 8 dhjetori - kjo ka qene : mposhtja e frikes. Ata nga Kavaja na tregonin ngjarjen e stadiumit te vet ku kishin share qeverine, etj.

Por deri tek Byroja Politike, s'na e mbante. Kur njeri ka leshuar thirrjen (me data 10 mbase)  Poshte Byroja Politike ! ne ia kemi bere ooooooooooo (medemek, mos e tepro tani). Jo se na dhimbseshin ata hunjte atje, por s'na mbushesh mendja qe mund ta benim kete pune. Na dukesh shume deri aty.

Madje ne fillim, ne mendonim te benim thjesht nje organizate rinie studentore qe do te merrte pjese ne zgjedhje, njelloj si bashkimet profesionale, e gruas, etj. Por pastaj siç duket ata kreret e menduan : jo ore, te kerkojme parti tamam, dhe u be.

Me date 11 dhjetor, si sot para 19 vjetesh, kemi qene tek sheshi ne kete kohe. Duke festuar lindjen e pluralizmit, dhe te drejten per te formuar Partine. Me duket se me 12 eshte dorezuar dosja ne Ministrine e Drejtesise. Dhe keshtu lindi pluralizmi, dhe jo demokracia, sepse demokracine e ka pase ne zemer gjyshi im qysh ne 1978 kur ia kepuste te sharat qeverise thjesht ngaqe i shkonte gozhda shtrember ne ndonje derrase.

Nejse se eshte koncidence qe e vendosa ate citimin kur t`u pergjigja ty .

Shif tani shume shkurt :

Per piken e pare je duke pranu qe sistemi po moderohej ngadale gje qe shkon kunder rrjedhes se pergjegjesise : kishte zbut luften e klasave. Je gabim ne 1988 u var nje poet ne mes te Kukesit. Gjate kjo histori por mbase nje here tjeter.

Per piken e dyte , te behemi me serioze . Nuk ka pas njeri qe nuk ka pas revolte se te thash kishte vajt thika ne palc, une e kisha fjalen per pluralizmin. Dhe ate shprehjen qe shoqeria shqiptare nuk ishte gati e ka thene Sali Berisha, jo une. Une nuk di sa i kthjellet ke qene ti kur te fliste per qelbesinat ai kushua jot, por mos ngataro iluministet komuniste me te tjeret. Edhe ketu mbase nje here tjeter me gjate.

Per piken e trete : kete po e pohon vetem ti se dikush ketu tha qe ate Almen nga Vlora e kishin marre e telefon ( konviktore me telefon kjo ) dhe se Vlora u kish thene harram po nuk vute ne krye pluralizmin sikur nuk shko.

DHe po thuhet qe disa as qe ja kishin idene. Ketu u tha dhe une nuk prisja qe te thuhej ketu xhanem.

Ajo qe ngatarron keqazi dhe qe une ta permenda atje me siper Sulua i ndergjegjesuar per te luftu fashizmin eshte qe poperdoret termi NE. DHe une e di se cer ke parasysh ti me fjalen.

Ta thashe historia nuk fillon diten qe ty te doli frika ( mos me thuaj qe je trim i madh ). Nuk po te marr te drejten per te treguar per ate qe ke qene deshmitar dhe protagonist, JO, por kripe me karar se ndyhet argumenti jo ajo qe shkruan ti.

Cilado qe te jete pershtypja personale e gjithsecilit  ajo qe me duhet te pranoj eshte zhgenjimi dhe tendenca per ta pervetesuar shperthimin e rinise. Sa do bim dakort per kete une nuk e di, por edhe atehere u shperdorua ( si objektiv final e kam fjalen jo si levizje ne vetvete ) edhe tani me keq akoma.

Tek kjo e fundit jam une gjithe diten dhe gjithe naten.

Ndersa une kete me poshte nuk e kuptoj fare . smiley

Protesta masive mbase s'ka patur, por zhvillime politike ndermjet studenteve po.

Neser tani se u be vone ketej. Kalofsh nje dite te kendeshme !

P.S. Nuk korrigjohen kujtimet. Ato vetem lexohen.

Tashti sa u ktheve nga christmas party qe na kish organizuar kompania, ketu ne NY. Lokal i zgjedhur, ushqim fantastik, pije, muzike...  Na marrin me te mire keta kapitalistat e dreqit, po kujt duan t'ja hedhin ata? 

Tashti te kthehemi tek keto pikat e tua.

1. Ti e mohon faktin qe lufta e klasave u dobesua pas '85? Pyet ndonje nga ato shoket e tu te idealit dhe do te shohesh qe do te bien dakord me mua. Bile, po pate ndonje shok nga ata te sigurimit te atehershem do te te tregoje me shifra qe lufta e klasave ishte dobesuar. Nuk kishte realizim plani, si gjithandej. E di ti qe cdo sigurims kishte gjithashtu si koopeartivisti e punetori i uzines planin mujor per te realizuar? Kishte numur te caktuar diskretitimesh ne publik, demaskimesh, arrestimesh, e rekrutimesh, ishte plani mujor per cdo oficer sigurim qe duhej bere. Para '85 kishte kerkese per planin, pas '85 behej ndonje levizje per te quajtur dhe siguruar qe s'kemi levizuar nga istikami, sic theksonte dhe Ramizi me vend e pa vend se "nuk jemi as lindje, e as perendim". Shih ndonje arkiv nga ato te ministrise se arsimit te shohesh se pas atyre viteve filluan te pranoheshin ne shkolla te larta dhe femije nga familje me biografi "te keqe". Kete po them une. Nuk po them se ekzekutimet kishin pushuar. Ramiz vrau njerez qe kalonin kufirin deri vone, por cuditerisht nuk beri gjera te tilla pasi pa te filmuar ne TV c'e gjeti Causheskun.

2. "por mos ngataro iluministet komuniste me te tjeret" - Aaah, kur na flitkan per ndryshim sistemi qenkan iluministe komuniste e? Nuk jane demokrate? Shih koth, te te sqaroj dicka. Njerezit nga ana e tim eti ishin te gjithe pothuaj me shkolle te larte, ardhur nga familje e thjeshte permetare, te varfer dhe qe kane perkrahur luften. Nga 9 femije, 6 prej tyre munden te shkonin ne shkolle te larte, cka perbente perjashtim per ate kohe. Im gjysh "luante" pjesen si komunist i thekur dhe qe i kishte dhene luftes shume, vetem qe te mund t'i jepnin te drejte femijeve te tij te studionin ne shkolle te larte. Jo se nuk e meritonin, por sepse ishte rregulli qe vetem nje numur i caktuar mund te shkonte per familje. Xhaxhait te vogel ia mohuan te drejten per te vazhduar ne shkolle te larte, megjithese kishte mesataren me te larte nga te gjithe nxenesit e Permetit per ate vit. Shkurt muhabeti, ishin "komuniste" nga interesi, jo me bindje. Asnjehere. E luanin vallen sipas muzikes dhe, per mendimin tim, mire benin. Me kujtohet kur shkoja nga xhaxhai i vogel, drejtor i institutit te projektimeve hidraulike ne ate kohe, se nuk duroheshin keta qelbesira dhe se duhet bere dicka per t'i permbysur idiotet e byrose, me kthehej me ze te qete dhe i sigurt, "mos u nxito, ka kohen e vet cdo gje. Nuk ia vlen te digjesh kot para kohe." Tjeter gje ishte me njerezit e sime meje. Nuk kishin ofiqe apo poste te larta ne ate kohe, nuk ishin komuniste me tesere, por ishin komuniste me bindje. Kam nje dajo qe ishte dhe eshte komunist nga ata 24 karatshit, qe kur vinte me takonte ne Q. Studenti dhe une i hapja ndonje muhabet politik, skandalizohej. Po ikte fare nga fiqiri kur te them. "Ti do na marresh me qafe edhe neve, more djale, jo vetem veten tende. Me mire te te coj brenda me duart e mia se sa te te cojne te tjeret." E thoshte, por nuk e bente. Frike kishte dhe ai, por sic thuhet ketu ne Amerike, "The blood runs deeper than the politics". Daja, megjithese komunist 24sh, me keq se Drizua i ketushem, ishte artist, dhe kishte nje sens humori per t'u patur zili. Edhe sot e kesaj dite eshte nga njerezit qe kam me teper mall te takoj kur shkoj ne Shqiperi... Shkurt muhabeti, kishte komuniste me tesere qe e hidhnin vallen per interes, kishte nga ata pa tesere, qe besonin vertet. Ne kete kontekts mund te kuptosh me mire edhe evoluimin e disa tipa te asaj kohe.

3. "kete po e pohon vetem ti se dikush ketu tha qe ate Almen nga Vlora e kishin marre e telefon ( konviktore me telefon kjo ) dhe se Vlora u kish thene harram po nuk vute ne krye pluralizmin sikur nuk shko." Pse do te kapesh pas fjaleve boshe? Ti e di shume mire se perse e kisha une. Ne ate kohe te vinte telegrami nga shtepia qe te flisje ne nje ore te caktura tek posta. Zakonisht lihej per ne fund te javes, dhe nuk ishte ndonje cudi qe Alma te kishte marre telegramin me perpara, dhe te kishte folur te themi te shtunen ne mengjes me te shtepise se vet. Pastaj pse ke qejf te shtremberosh cfare thashe une? Une nuk thashe qe gjithe VLORA u kish thene HARRAM po nuk vute PLURALIZMIN. Boll me budallalleqe keqdashese, koth, une te dija me te zgjuar se kaq. Ajo qe Alma tha ne esence ishte kjo: "se njerezit ketu ne Vlore (jo te gjithe) i kane syte nga ne, studentet, dhe se ne qofte se marrin vesh se ne jemi ngritur per nje pjate makarona, kjo do te ishte zhgenjim i madh per ta". Tani qe ty te vjen inat qe ka njerez nga Vlora apo dhe Permeti qe ishin "kaq te qarte" qysh ne ate kohe, une kete e kuptoj. Dhe qe e ke te veshtire ta pranosh qe dikush tjeter ishte me "i kthjellet" se zotrote per ate kohe, dhe kete e kuptoj, por qe ta shprehesh keshtu hapur ziline, kete nuk e marr vesht. Mos u merzit, o burr i dheut, nuk jemi te gjithe nga Skrapari, dhe jo te gjithe kemi qare, si puna jote, kur vdiq Enveri. S'ke c'i ben, i ka ca gjera te papelqyeshme jeta.... smiley

Jo pikat e mija po te tuat.

Tani ja te te them nja dy gjera se duket se edhe sot e kesaj dite nuk i ke marre vesht.

Per piken e pare e shof qe vetem ke lexuar forume apo gazeten 55 e ketu nuk te vij dot mbrapa se behemi terkuze pa pike interesi edhe per te tjeret qe na lexojne. Sigurimi po mbante nen survejim jo ata qe i kishte vene per fund ( 40 vjet histori desidentesh qe kalbeshin burgjeve apo qe ishin persekutuar me fise te tera ), por ata qe kishin mundesi te benin diference dhe qe nuk mund te goditeshin si kjo kategoria e pare. Kete e ke te veshtire ta kuptosh se po ta them qe as e kishe mundesine te bije ne kontakt per sa kohe prisje thirrje telefonike zakonisht andej nga e shtuna tek gabina nr 3. smiley

Ti psh nuk e kishe mundesine te te binin ne duar daktilografime te veprave te ndaluara , te kontakteve te natyrave te tjera po mos zgjatemi me kete se nuk e vle.

Nuk kishte frike Ramizi nga ndryshimi i sitemit, por nga dalja jashte kontrollit qe ai mendonte qe e zoteronte. Ketu nuk po zgjatem se do me fillosh me desidencen e xhaxhit pastaj dhe une nuk kam fuqi. Megjethese bere mire qe e pohove.

Per piken e dyte nuk kam cer te te them. Ti me rreshtove histori dajash e xhajash , une nuk kam te tilla per peshk . smiley

Tek e treta me carmatose fare dhe me demaskove gjithashtu. Sidomos me ate qe jam skraparlli qe qaja Enverin bile me dermove fare. smiley

I dashur,

beso ne cer te duash, edhe se sistemin e rrezove ti ate diten qe i hudhe celsat Lisenit ( qe u be ambasador ne Hungari ne qeverine qe erdh mbas 1992 ) por nese do qe te jesh i drejte me veten ndalo vetem tek entuziazmi dhe forca e rinise ne ate kohe se fillojne e qeshin shahitet.

Ketu e mbyllim se nga takimi me Ramizin dolem tek xhaja qe vinte tek ty ne qytet studenti dhe ti i flisje per domosdoshmerine e rrezimit te sistemit.

Pune te mbare dhe shendet natyrisht ! smiley

Koth, me vjen keq te them por je ekzemplar i njeriut fodull e mistrec. Po pse te rren mendja se ti kupto me shume apo se po jep ndonje argument qe te mbush mendjen. Mos bej sikur me njeh apo ke idene se c'tip jam - as nuk e ke fare! Ti u shmangesh atyre pyetjeve qe bej une dhe kapesh pas gjerash fare sekondare. Nuk e ben per arsye "diplomatike" - e ben se aq kapacitet mendor ke, dhe e dyta, se do patjeter t'i mbushesh mendjen vetes se e kap tjetrin me "argumente". Ja disa shembuj:

- Une gazeten 55, sa per info tende, nuk e kam lexuar asnjehere te vetme.

- Leshon brockulla kot si puna e kesaj: "Ti psh nuk e kishe mundesine te te binin ne duar daktilografime te veprave te ndaluara " Si mund ta dish ti ne se e kam pat apo jo mundesine une te me binin ne dore vepra te ndaluara? Sa kaqol qe qenke mor c'te te them.

- Shih cfare thua ti qe te tregosh se sa "i thelle" je: "Nuk kishte frike Ramizi nga ndryshimi i sitemit, por nga dalja jashte kontrollit qe ai mendonte qe e zoteronte." E gjithe kjo qe thua eshte qesharake. Ndryshimi i sistemit do te kishte si pasoje daljen jashte kontrollit (qe ai kujtonte se e zoteronte smiley ). Pra ndryshimi i sistemit do te ishte shkaku, dalja nga kontrolli do te ishte pasoja. Dhe sipas logjikes tende te thelle prej analisti, ai kishte frike pasojen, por jo shkakun!!  Qe ke qejf te gricesh kot-h, kete e di, por qe dhe une rri e merrem me ty e kam akoma me shume gabim.

WOW ! Plotesisht e sakte kjo puna e Adilit. Si me paska dale nga mendja fare.

Puna e Adilit ka qene e bukur se na mbushi mendjen qe ata te Byrose Politike qenkan njerez kot, pa kurrfare truri. Se ne i mendonim me te pagabueshmit. Kurse Adili doli nje qenie krejt e mjere ne ate takim. Pa kurrfare zotesie as per te lidhur dy fjale. Filluan zhurmat se udheheqja qenka ca e lodhur.

Por, permetari, te pakte ishin ata qe ishin te ndergjegjesuar per permbysje sistemi. Sinqerisht, me perjashtim te ndonje numri te vogel nga rrethe me nje te kaluar te stuhishme (Shkoder, Kavaje, sidomos), te tjeret s'mbushnim mire nga politika.

Qe puna kishte vajtur keq dhe qe njerezit kishin filluar te flisnin, kjo filloi te duket qe prej ca vitesh nga "Zeri i Amerikes". Qe per mendimin tim, ka nje rol po aq te madh sa studentet. Nuk e di, Zeri i Amerikes ka qene si zeri i se vertetes, pak a shume. Ju e dini te gjithe ne ç'gjendje u katandis Zeri i Popullit, askush nuk e lexonte.

Leshimi i konvikteve per delegatet e Kongresit, e mbaj mend shume mire, ka qene per Kongresin e bashkimeve profesionale dhe Qyteti ka qene ne shtetrrethim per ata pak studente qe ishin ende me provime.

Nuk e di se cfare thote Gjinushi po e verteta eshte qe ai u mundua te qetesonte studentet dhe u largua ashtu si thote Hurbi me gure.  Kete e mbaj mend se ne ate kohe S. Gjinushin e kishim profesor dhe kishim shprese se do ishte pak me liberal se shoket e tij ministra. 

Duhet te kemi qene ne nje kurs atehere... smiley Ne 90, me sa mbaj mend, Kenua vetem nje kurs jepte: topologjine per 5-vjecarin.

Hurbi s'e dija qe ke qene student ne ate kohe. Nqs ke qene jo thjesht vezhgues po dhe pjese e levizjes studentore, respekte ne maksimum, per kedo qe ka qene pjese e asaj levizje, pavaresisht se ca bene me vone, ne u morren me politike me nje parti apo tjeter apo ne s'u morren fare. Kane qene vertet dite historike.

Ndokush mund te mundohet ta zhvleresoje duke thene qe jo sistemi ishte dobesuar jo nje dite do ndodhte. Tani pas pilafit eshte kollaj te besh te tilla gjykime, por atehere kur te kerciste koka per shume me pak gjera dhe bile dhe mund te vriteshe per hicmosgje, jo shumekush doli i pari me levizjet dhe morri rrezikun. Bile mesa di dhe Berisha dhe prof e tjere jane bere te gjalle (dale hapur) ne ditet e fundit te ketij vrulli (11-12), apo jo?

Gjithsesi flm per shkrimet. smiley

Dhe jam dakort me Emon, shkruaj me shume keshtu. Me ty nuk eshte problemi asnjehere se s'di, po se s'do, nganje(shume)here. smiley

Është plotësisht siç thoni Ju Koth !

Ka me dhjetra detaje e episode që njerzit nga pozicioni i tyre i kanë përjetuar , prekur e ndjerë. Ato vërtet përbëjnë një pjesë të ndodhive por te LUTEM në se më kupton DREJT!

Prurja kishte të bënte me Tjetër për tjetër .

Kjo qe arsyeja se Belul Gjeraqinat me Duditë nuk mungojnë në te tilla raste të cfaqen dhe bëhen të padururushem si prallitës e përshkrim baresh e fushash .

@Hurbinek, ma qarteso pak te lutem. Flet per  pes shembull per nje minator qe ju ka folur. Ishte kjo ne Dhjetor? Pra rreth 8 Dhjetorit apo me vone? Nese ishte ato dite, kush e mori minatorin nga atje ku ishte dhe e solli tek studentet ( gjithmone sipas asaj qe mban mend ti).

 

Pee Kasandren dhe pastaj Anin :

Kasandra, minatori ka qene jo me 8 dhjetor, sigurisht me pas, mbase 10, mbase 11, por ende pa u formuar partia demokratike. Ne ishim ne salle, po degjonim (me sa mbaj mend, por mos e merrni shume per baze, se edhe mund te gaboj ne emrin e tij) Arben Liken. Minatori rrinte tek dera, ne te djathte te studenteve. Ne dore mbaj mend ka pase nje tip çante bezeje, dukej vertet hallexhi. Dhe asaj kohe, nqs e mban mend, gjithkush mund te dilte perpara dhe te fliste, pa kerkuar leje as hiç. Ke diçka per te thene, e thua. S'kishte organizator. Minatori ka dale perpara dhe e mbaj mend shume mire qe ia ka nisur keshtu : "Gjendem ne Tirane rastesisht, dhe erdha te shoh ketu..." Pastaj ka vazhduar. Ti e di se ne ate kohe, njerezit tane, kur vinin te na shihnin, flinin neper dhomat tona. A kishte ardhur ai para 8 dhjetorit ? Apo me vone ? Nuk e di. Por di qe ka folur shume shume mire, por jo per partira. Thjesht per kushte jetese. Dhe na ka prekur shume.

Une per veten time, kisha ende parasysh pamjet e minatoreve te Trepçes, ne zgafella, plot 30 dite ne greve urie (mos me shume). Dhe e dija vuajtjen e minatoreve. Prandaj me ka bere fjalimi i tij aq pershtypje. Me vone, nuk e kam pare kete njeri.

Ani,

Puna e Kosoves permendej me se shumti ne godinen 15-te, nga keta oratoret qe po them une. Dhe sigurisht qe shumekujt nuk i behej vone per Kosoven, por mua njehere, po, per arsye te ndryshme. Dhe e mbaj mend se flitej per ta, si per nje ndihme qe do t'iu jepnim atyre, me levizjen tone.

Nuk duhet harruar se njefare diskutimi i ketyre puneve, dmth revolucioneve te Lindjes, ka qene bere nga pranvera e 90-es neper zboret ushtarake. Profesoret kishin marre leje nga organizatat baze te Partise qe te diskutonin Causheskun, te dinin ç'mendonin rinia studentore. Kete pune e kemi bere ne kodrat e Saukut, poshte Sanatoriumit. Sigurisht qe ishte nje debat i drejtuar nga lart dhe nuk mund te flisnim asgje, por ama kishte filluar njefare jehone.

Nuk di ç'te them me se u lodha.

@Hurb.  Kosoven e ka permendur i pari Sali Berisha.  Une mbaj mend edhe sot se sa shume jemi habitur kur Sala doli ne mes te studenteve.  Deri ne ate moment ne kishim degjuar vetem studente dhe pedagoge.  Sala mbiu aty si pyke dhe pastaj filloi te fliste per Kosoven.  Qe te jemi te sinqerte neve Kosova nuk na interesonte fare.  Bile kishim bindjen se kosovaret ishin shume me fatlume se ne. Kjo duhet te kete qene ndoshta nga dita e trete. Sic e permende edhe ti levizja e studenteve filloi me kerkesa per kushte me te mira, pastaj kaloi tek pluralizmi bile u permenden edhe te burgosurit politike, po per Kosoven nuk mbaj mend te kete folur njeri pervec Sales.

Ani, nuk je shume e sakte me kete. Sala ka qene ne Q. Studenti qysh ne fillim, te pakten qysh atehere kur erdhen dhe pedagoget e tjere. Leri menjane ngarkesen emocionale qe mund te kesh ndaj tij si person. Po flasim per fakte qe kane ndodhur. Une personalisht e kam pare Salen qysh ne dt. 9 duke folur me nje grup studentesh diku aty prane godines Nr.2. E mbaj mend edhe se cfare po thoshte madje. Ndoshta ishte derguar nga KQ i PPSH-se sic thuhet, ndoshta jo, por ai ka qene aty nga te paret.

Per sa i takon asaj qe thua ne lidhje me Kosoven, ke pjeserisht te drejte. Ke te drejte kur thua se ishte dicka e papritur te flitej me aq pathos per Kosoven ne nje dite qe  ne e konsideronim historike per veten tone, por pavaresisht, nuk je e sakte kur thua se sentimenti i pergjithshem ishte negativ ndaj permendjes se ceshtjes se Kosoves. Madje, e pare ne retrospektive, une do te thoja se permendja e Kosoves nga Saliu ne ate kohe ishte disi largpamese.

Ndersa argumenti apo qofte edhe insinuimi i larget se levizja studentore filloi per kushte ekonomike dhe jo politike eshte me te vertete i dobet. Qysh kur kushtet ekonomike na qenkan kaq te ndare me thike nga politika? Do te thuash se studentet nuk ishin per ndryshime politike ne Shqiperine e asaj kohe? Kjo s'eshte fare e vertete.

Ato dite kane qene historike dhe te paharrueshme. Ai vrull, ankth, padurim, pasiguri, shprese, hov dhe 1000 ndjenja te tjera nuk besoj qe i perseriten ndokujt me ne kete lifetime. Nuk kam shume "insight" ne ato qe zhvilloheshin prapa skenave. Sigurisht qe isha prezent ne cdo proteste. Azem Hajdari kishte ate allcakllikun qe shume nga ne te tjeret nuk e kishin dhe mund te thuash pa frike qe ishte lider sepse inspironte shume me ate guximin e tij qe per ato kohe ishte i papare. Nga ato qe dolen ca me vone, del qe AH nuk ishte dhe aq figure paster, shume flisnin qe kishte qene edhe hajdut ordiner ne Tropoje por prape kjo nuk ja ul vlerat rolit te tij ne ato dite. Sidoqofte ajo ane ordinere e tij e tregoi veten me vone. Blend Gonxhe ka patur goxha rol edhe ai ato dite, Ed Ramen nuk me kujtohet ta kem pare. Ka shume per te thene per ato dite te paperseritshme.

Eshte e kote te bejme hamendesime se kush do kish qene me e mira e mundeshme, me e mira e mundshme ndodhi. Respekt gjithe studenteve te asaj kohe (edhe atyre qe me vone pesuan metamorfozen e Kafkes).

P.S. Pas kaq vitesh them se SB dikush e solli me mision dhe ja doli me se miri. Kurre nuk do ti kisha besuar teorite konspirative ato dite, por sot duken me se te verteta.

Edi Rama dhe Blendi Gonxhja ka qene me shume aktive ne greven e urise per heqjen e bustit.E mbaj mend se benin vjersha humoristike kunder Hoxhes dhe familjes se tij dhe neve (une isha rreth 15 vjec) na benin pershtypje se ku e gjenin guximin te flisnin kaq hapur.

Me e forta ishte kur ndonje kopil bertiste "Erdhi sigurimi ,erdhi sigurimi" ti shifje fytyrat si zverdheshin hihihihi

Ato dite dhjetori, bashke me nje shoku tim, linim punen per disa ore dhe vinin nga qyteti studenteve per te pare se cfare behej me greven e urise. Rrinim disa ore, degjonim ligjerata nga njerez te ndryshem, brohorisnim parulla ne perkrahje te grevisteve etj. Ne ate kohe me kane bere pershtypje disa djem te rinj me bicikleta, por qe mbanin nga nje shirit te kuq ne koke. Ata leviznin midis turmes dhe pak a shume luanin rolin e qenit (balos) per te drejtuar tufen/turmen e dheneve andej nga thoshte bariu. Kot jam kurioz, a di gje njeri se kush i kishte organizuar ata djem?

Greve urie nuk kishte ne dhjetor, mos ia keput kot. Ke qene ne shkurt, kjo eshte tjeter mesele. Futja gjume dhe pak.

5* qe e solle kete, sepse njerezit harrojne qe demonstrata (jo te suksesshme) paten filluar me perpara ne Shkoder dhe ne Kavaje. Dhe kete s'po e them qe t'i heq lustren Levizjes se Dhjetorit - thjesht per histori.

OK ke te drejte, jom pjerdh fare nga kujtesa. Vetem nje gjo mendoj dite e note: Hapni Kutite

 Shikoj nje lloj tendence per ti bere me heroike ato ngjarje te 8 dhjetorit kur ne fakt heroike bie dakort me nje parafoles kane qene ngjarjet e hapjes se ambasadave qe vrane friken. Pas hapjes se ambasadave komunizmi ra de facto dhe 8 dhjetori vulosi vetem renien de jure. Ngjarjet e 8 dhjetorit ishin te organizuara nga nomenklatura por studentet u perdoren per ti dhene spontanitet ketij skenari, pastaj kur u zgjodh perfaqesia 80% ajo dominohej nga zgjedhje te Ramiz Alise. Salih Birisha u caktua nga Ramiz Alia i cili ka thene tekstualisht "le te jete nje nga veriu qe ta drejtoje se s'do te jene te gjithe udheheqesit nga jugu". Kuptohet si malok i pabese ja futi Ramizit dhe mire ja beri fundja se Ramizi ishte nje inkompetent qe shkaterroi ne vitet 80-te ekonomine shqiptare me profkat e tij dhe ai vete eliminoi sadistin Mehmet Shehu qe ne fakt ishte njeri qe merrte vesh nga ekonomia. Qe nga 1981 ne ishim ne free-fall.

 

Tek ne nuk ra muri i Berlinit, sepse po te binte muri ne duhet te qeveriseshim nga ata qe masakroi neper burgje Enver Hoxha, kaq sa per demokracine e percudnuar shqiptare.

Dakort. Mqs jemi tek ambasadat, Familja Popa meriton nje lapidar.

Te paret ne Ambasade (Italiane)

Ani :Ne te vertete une kam qene studente ne dhjetor 1990.  Azem Hajdarin e kisha degjuar me pare dhe me thene te drejten ne kushte jo shume te favorshme.  Mund ta kem edhe gabim po qe atehere me eshte mbushur mendja se ngjarjet e verteta zhvilloheshin ne ca prapaskena qe ishin komplekt te pakapshme nga ne te tjeret. Une vetem doja te kuptoja nese Azemi u perdor apo ishte i ndergjegjshem per cfare po ndodhte.

Une nuk kam qene student, kam banuar aso kohe ne godinen 18, pra te themi ne vatren ku u ngjizen ngjarjet qe ndodhen me pas, kam njohur nga afer Azem Hajdarin kur ishte student ne vit te pare dhe me pas me nga larg. E kam njohur aq sa mund te njihnim njeri tjetrin ne nje raport formal, me masken e dubel standartit ne fytyre (fytyra ideologjike qe cfaqnim te gjithe para te tjereve dhe ajo qe mendonim vertet,nese mendonim dicka ndryshe, e ndrydhur brenda vetes ose e shumta e konsumuar ne rrethe te ngushta miqsh ) Per Azemin si person, tip, karakter, formim kulturor dhe rolin e tij ne ngjarjet e dhjetorit e me pas deri sa ishte gjalle nuk i heq asnje presje vleresimit te Hurbinek.

Ajo qe me ngacmon mua dhe mbase dhe te tjeret ( prandaj shkeputa komentin e ANI ) qe kane qene te pranishem ne Qytetin Studenti, dhe me gjere, e kane jetuar ate kohe , eshte se ne c moment, kush dhe si ate REAGIM pakenaqsie per MUNGESE DRITASH  e futi ne shtratin e REVOLTES per dicka me te madhe qe sillte jehonen e thirrjes migjeniane " Pak drite, o shok, o mik, o vlla" c ka do te thote se nese gjithcka :

-nisi spontanisht per drita, per pak me shume supe dhe ca batanie me shume dhe ne nje cast, moment, ore, perballje u kuptua dobesia e atyre perballe, frika u vra dhe kerkesat u maksimalizuan duke marre nje dimenson politik,

-nisi spontanisht per drita ashtu sic e pershkruan Hurbinek ( i referohemi si burim autentik brenda ketij pellgu sepse per ato dite kane shkruar plot protagoniste te asaj kohe dhe jane shyqyr gjalle ) dhe me tej, me 9 dhjetor duar te shkathta dhe mendje me vizionare e yshten dhe drejtuan te rridhte drejt  bulevardit  ( sepse nisi si revolte e thjeshte brenda qytetit studenti dhe me kerkesa per permisim kushtesh te studenteve )

-nisi jo aq spontanisht ( ne kuptimin jo thjesht ca te rinj pak te revoltuar qe menduan "hajt te dalim deri ke drejtoria e konvikteve dhe tu tundim pak kembet se kshu nuk durohet me" ) por djegja e transformatorit ne mbremjen e 8 dhjetorit ishte nje sebep i mire qe pritej nga ata qe shikonin pertej pjates se supes se shplare te dites.

-Deshira per te mesuar detajet nxitet edhe nga  dyshimi per disa deshmi ku protagonistet na i paraqitin si plotesisht te vetedijshem per rrugen qe po merrnin . Te gjitha levizjet e medha  kane nisur ose marre shkas nga dicka banale brenda nje konteksti social-ekonomik dhe politik. Duke e pare keshtu asnjegje nuk eshte misterioze. Ngjarjet pararendese brenda dhe jashte vendit kishin krijuar shtratin per ate shperthim. Duhej shkendija. Shkendija ishte Azem Hajdari, djale i shkathet, kokekrisur, praktik, me nje lloj karizme qe ja jepte mosha me e madhe dhe tipi prej cuni pak harrams. Ky ishte Azem Hajdari qe une kam njohur ne ato raporte qe permenda me lart. Nuk ishte as teoricient, as ideolog, as vizionar. Ishte impulsiv dhe kishte erezat per tu bere popullor. Kjo duhej per fillimin. Kur e vendosim ne kete kontekst, ate deklaraten qe paska thene se "duhet te jejemi te vendosur per nje rruge te gjate.." (pak a shum ) une e kuptoj si paralajmerim te mbeshtetesve per konseguencat qe do te kishte dalja rrugeve dhe demonstrimi kerkesave per uje e drita. Ku ishte pare te behej kjo ne ate KOHE?  Edhe kaq , edhe sikur gjithcka te ishte nje reagim spontan pa ndonje prapavije politike, ishte goxha shume. Ishte GUXIM.

Pastaj dihet si ndodh.Ti nis te besh dicka dhe Historia te ben ty, te mitizon, te zbukuron aq shume sa qe ti, protagonisti shqyen syte dhe pyet : vertet kamqene une ky? Vetet i kam bere dhe menduar une kto?Azem Hajdari i dates 8 DHJETOR ishte i vetedijshem se po bente dicka jo te zakonte. U "perdor" ?? Sigurisht, u perdor nga vete nevoja e kohes,  nga historia qe rrodhi, nga te tjere qe shikonin me larg. Keta te tjeret jane enigma more shoke.

 

Qe ai reagim u kanalizua ne revolte antisistem kjo sa eshte spontane dhe e natyrshme , po aq u gatua nga lart edhe nga JASHTE ( dhe jashte kam parasysh jo vetem ndikimin e ngjarjeve por edhe duarve te perziera, kjo s ka dyshim .Se si dhe qysh, ndoshta s do ta mesojme kurre.

Tani historia eshte bere dhe protagonistet dihen. Asgje te re nuk shtojme. Por te drejten per te kuptuar detajet e asaj shkeputje nga nje reagim studentesh per kushte materiale ne nje revolte dhe me tej, levizje politike, e ka gjithkush qe kerkon te mesoje dicka me shume nga sa thone tekstet e thata te historise.

E mbaj mend shum mire mbremjen pa drita te 8 dhjetorit dhe e degjoja jehonen e fjaleve "duam drita, duam drita" Ne mos gaboj, ate fillim dhjetori dritat fikeshin gjithnje e me shpesh dhe nga godinat e studenteve leshohej ndonje thirrje  "duam drita" por ne veshet e te tjereve, ne ndergjegjen e te tjereve, thirrjet e tyre tingellonin  here  si padurim te rinjsh ...sepse ja, dhe pak...dhe dritat  do vinin .. dhe here si shfryrje e pakenaqsise per ato kushte mizerabel dhe kaq. JO ME SHUME. Dhe kaq po te mendoje ishte guxim.

Kta qe dalin tani pas 20 vjteve dhe thone jo po kalit i kishin rene patkojt, jo Caushesku, jo MURI, jane trimat pas pilafit.

PO. E vertet qe keta jane trima pas pilafit.

Vetem nje qe ka qene ne turmen e pare, e po ju them se isha, ngaqe vertet isha, kur Azem Hajdari ka hipur ne stolin e rruges mes 15-es dhe 14-es, dhe ka thene "Kush ka frike le te kthehet qe tani...", e kur asnje nuk ka ikur sepse, e thashe me lart, shqiptarit thuaji nuk je burre dhe pastaj ai te ben gjemen, atehere UNE, bashke me nje shokun tim nga Patosi, E. J., kemi marre vertet frike sepse e pame qe ngelem brenda. A dija gje une pune partish ? Kot fare. A dinte gje shoku im ? Kot fare. Ne dolem sepse na e dha truri ashtu, dhe sepse vertet na kishte ardhur shpirti ne maje te hundes me dritat. Ishte fund semestri dhe projektet na ishin bere stive. Ku ne djallin t'i benim ? Ne Peshkopate s'gjeje vend, gjithe matematiksit aty i gjeje.

Dhe ngelem. Kush e dinte ne ate çast qe policia nuk do te na ngopte ndonje koqe plumbi siç ua ngopi Caushi rumuneve ? Kurrkush. Por ngelem. Me nje fjale, keta trimat e sotem, le te vinin ate nate aty dhe te na benin si cuba. Edhe Azemi duhet te kete pasur frike. Thjesht ai ishte me kokeçare. Por jo se e ka pasur te sigurte qe nuk do te benin gje. Nuk e besoj kurre kete. Nuk besoj se ka pasur marreveshje me Ramiz Aline per t'u ngritur dhe per te mos na ngacmuar.

Madje, nese doni ta dini mire : ne te vetmin njeri qe kishim besim ne ate kohe, ishte Ramiz Alia. Na dukej me i buti dhe me i miri ne Byro. Te gjithe te tjeret i kishim hasem. Prandaj gjithmone kerkohej takim me Ramizin sepse e dinim se me ate i nderron dy fjale.

Ramizi ishte Gorbaçovi yne. Madje dhe na vinte keq per te dhe thoshim se ska ç'ben ngaqe ne Byro asnje s'e do. Me te rrezikshmit mbanim Simon Stefanin, Rita Markon. Nuk e di pse.

Jua thashe : kjo ndodhi sepse ishim te rinj, dhe ishim bashke. Na ishte mbushur mendja top se ne Qytet Studenti s'kishin mendere te na ngacmonin. Nuk e di pse. Kur kane ardhur makinat e para (vetura siç u thoshim) me kalece, vallahi jemi trembur boll. Por mjaftonte nje thirrje e Azemit dhe sikur ngjalleshim nga pak.

Qe ishte nje organizator, ai ishte. Qe ishte pikerisht per kohen, ishte. Qe ai ka vendin e vet te nderuar ne Histori, per ne ate periudhe, edhe kjo s'diskutohet. Sidomos me thenien "Kush i prek vajzat, motrat tona, do ta vari me duart e mia" kuptuam dy gjera :

1 - qe kjo proteste nuk ishte proteste per dashnore (si ajo e arteve siç thashe me lart)

2 - dhe se Azemi s'ta pertoka dhe se qenka kokeçare dhe i zoti.

E pastaj rrodhi si rrodhi.

Ato kulisat, zbulojini ju, une s'di gje. Nuk me quajne Ubiquitet. Me qene ne nja 100 vende njekohesisht.

 

spirtus, ajo qe me ben pershtypje ne komentin tend dhe te disa te tjereve eshte ndarja me thike qe doni te beni midis sebepit per t'u ngritur ne revolte (kushtet ekonomike) dhe menyres se si u pershkallezua levizja ne kerkesa politike.

Jam dakord me ate qe thote Hurbi, se studentet ne pergjithesi e shihnin Ramizin si Gorbacovi, si njeri qe perfaqesonte progresin ne PPSH dhe si i vetmi qe mund te sillte ndryshimin e qe kishte nevoje per perkrahje ne ndonje nisme te tille. Megjithate, ka patur elemente te tjere qe e fusnin Ramon ne nje thes me te tjeret dhe nuk kishin besim se do te qulloste gje.

Nuk e di se cfare pervoje ke pat ti ne Q. Studenti, por nga pervoja ime mund te them se pakenaqesite dhe urrejtja e studenteve ndaj byroisteve ishte ne rritje. Ka patur grupe te caktuara studentesh ne te cilat flitej, jo hapur sigurisht, kunder sistemit politik ne Shqiperi, beheshin krahasime me jeten jashte, dhe pritej me ankth qe dicka te ndryshonte edhe ne Shqiperi. Kishte goxha acarim ndaj sistemit politik ne fuqi dhe kushtet ekonomike ne perkeqesim, jo vetem ne Q.Studenti por gjithandej ne Shqiperi, po ndikonin ne pershkallezim te metejshem te ketij acarimi. Edhe dialektika materialiste e pranon se ndryshimet sasiore cojne ne ndryshime cilesore. Pse eshte kaq e veshtire per ta pranuar kete ne rastin e levizjes studentore? Pse eshte kaq e veshtire te pranohet se studentet qe moren guximin te kerkonin kushte me te mira ekonomike, ishin po ashtu te afte te mendonin se rruga me e mire per te permisuar ekonomine do te ishte ndryshimi politik? Pse eshte kaq e veshtire per ta pranuar kete si fakt?

O permetaro ja per ate dialektiken materialiste isha une atY ne q.studenti dhe e njoh ca me mire kete ndryshimin sasior ne cilesor,dua te them. Dhe kto fjalet per situten e vajtur ku s mbante me,  pakenaqsine, disa kekrkonin ndryshime , disa mbase ENDERRONI permbysje sistemi , kto o mik i dashur dihen dhe jane sterthene prej njezet vjetesh.

Kur lexoj kujtime te burgosurish qe prisnin vetem ndryshime, liberalizim dhe jo permbysje, ky rilexim i te kaluares nen dritat e diturise se sotme nuk me ben shume fajde. Une nenevizova vetem kete: levizjet e medha keshtu fillojne , me ca kerkesa ekonomike, pavareisht se poshte siperfaqes levizin ujra te tjera qe i japin ngjerjes drejtimin qe kerkon koha.

Une fola per oret e para kur u ngjiz levizja, per diten e pare.Nuk doli kjo levizje nga ndonje salle luksoze, me ndonje manifest, me nenshkrime intelektualesh, me program dhe kerkesa politike. KTO ndodhen ca dite me pas dhe pikerisht fale kesaj levizje. lexo dhe njehere deshmitaret , ata qe kane qene ATJE , jo ata qe ishin pas ASAJ.

Ashtu eshte, Permetari. Qe ishte krijuar njelloj pakenaqesie e pergjithshme, kjo eshte e vertete. Qe gjuhet ishin zgjidhur ne QS, edhe kjo ishte e vertete.

Por dua te ve ne dukje dhe kete : e pare me syte e mi te asaj kohe, levizja e fillimit, dmth ne fillim fare, 20-30 vetat e pare, ishim pa ndonje element politik, apo shtytje politike. Te pakten mua (bashke me shokun tim) na eshte dukur se po benim diçka per dritat tona, dhe madje as qe e dinim itinerarin, nga do t'i binim. Kam pershtypjen, madje jam i bindur, se vetedijsimi yne politik ka ardhur shkalle-shkalle, me mundjen e frikes.

Sapo hidhnim nje parulle te re, me te guximshme, dhe ne veshtronim njeri-tjetrin te habitur, disi te trembur. Kur shikonim se parulla merrte hov diku gjetke, atehere sikur çliroheshim dhe na dukej nje shkalle me lart.

Kur eshte hedhur ideja e permbysjes se Byrose, sidomos rrahja e 9 dhjetorit ka qene fatale per regjimin, sepse nuk mund te pajtoheshim me me Hekuran Isain, madje kerkonim urgjentisht doreheqjen e tij, dmth kur kemi degjuar kete parulle, na eshte dukur vertet sikur po ngacmojme Goliatin dhe sikur po e teprojme.

Mirepo rinia, e perseris, turma bashke, ben qe te marresh zemer, dhe te kalosh matane. Dhe pastaj kemi filluar te themi : po, po, le te hiqen dhe ata. E keshtu me rradhe. Sepse, psh, Enver Hoxhen se permendte kush ato dite, por ndergjegjesimi politik beri qe te kerkojme dhe permbysjen e tij.

Nuk mendoj se gjerat ishin te fituara "in advance". Mendoj se gjerat jane arritur shkalle-shkalle, dita-dites, ora-ores. Regjimi u shemb sepse u godit nga e gjithe Shqiperia nepermjet bijve te saj qe ishin nga anembane. Sepse po te ishte nje levizje psh, e kombinatit te tekstileve apo tjeter, nuk arrinte te shtrihej. Kurse studentet ishin nga tere Shqiperia dhe regjimi nuk mund te prishej me te gjithe, psh po t'i qeronte me ndonje mitraloz.

Nese ka pasur prapaskena per fillimin e protestave, une mund t'i kuptoj shume mire ata qe e kane menduar kete, sepse kane gjetur vendin ku duhej. Jam i bindur se pa levizjen studentore do ta kishim pasur dhe ca te veshtire. Jo se regjimi nuk do te shembej, se gjendja ishte berrnut gjithandej, por mbase pak muaj me vone.

Jam dakord, Hurb! Si ne cdo fillim, gjerat nuk jane shume te qarta prej fillimit. Sic thuhet ne nje proverb kinez, gjerat duhet te turbullohen ne fillim qe te kthejllohen me pas. Elementi politik nuk ishte i qarte prej fillimit sepse ndoshta ne nuk e dinim rrjedhen qe do te merrte ajo qe po benim, nuk e dinim se si do te pergjigje pala tjeter, dhe frike kishim. Ajo qe ne nuk e dinim ishte se edhe pala tjeter nuk ishte aq e sigurt sa c'kishim menduar. Ramizit kishte filluar t'i dilte Caushesku ne enderr dhe, per mendimin tim, kjo ishte faktori kryesor qe nuk e linte te bente ndonje "thagme". Te kujtohen parrullat qe jane hedhur fillimisht kur dolem? "Nuk jemi huligane!" Keshtu i quante Ramizi ata qe iken ne ambasada. Pervecse nje shprehje frike nga ana jone, per mua, kjo parrulla e huliganit ishte per te thene "mos na paragjykoni, na degjoni njehere." Nuk mund te mendoj se ne se do te pranonin te na degjonin atehere ne do t'u kerkonim vec drita e buke, sic edhe nuk ndodhi me te vertete. Fillimi thjesht na kapi nji cik gafil, jo se ne ishim vec per kerkesa ekonomike.

Gjithashtu mendoj se reagimi i pushtetit te atehershem, duke goditur studentet ne dt. 8 dhe dt. 9, ishte vertet fatal per ta. Ne se do te kishin reguar ndryshe, mbase nuk do te kishim levizje studentore te dhjetorit. Ishte pikerisht dhuna qe ushtruan ndaj nesh qe na beri disi me trima, na beri te ndjenim friken e tyre,  te ndjenim se ishte nje shans i mire per t'i dhene derrmen ketij pushteti gerdalle. Premtimi i Ramizit se "nuk ju prek njeri ne Q. Studenti" sikur na dha nje fare garancie dhe na e hoqi disi friken per kete.

Po, dhe sa mire bere qe ma kujtove kete parullen "Nuk jemi huligane". Plotesisht e vertete, me kujtohet si sot.

Nje diçka e papritur ka qene parulla Hekuran - Sllobodan. Kjo parulle eshte hedhur fill pas rrahjes se nates se 8 dhjetorit. Kur jane kthyer te rrahurit, tek sheshi si ne podium, dhe para mences 7.3, tek pishinat, aty ka pasur nje grusht studentesh qe kane hedhur te paret "Hekuran Slloboban !". Ora ka qene, mos gabofsha nja 2 e nates.

Te nesermen, kur u vume ne rresht per te protestuar, u shtua dhe kerkesa (perveç dritave dhe kushteve) e doreheqjes se Hekuranit ngaqe na kishte rrahur. Dhe i kemi rene gjate e gjate nga bucela, Kadriu, menjane Ekonomikut te ri qe po ndertohej asaj kohe, dhe kemi dale tek rruga e Elbasanit. Keshtu e mbaj mend. Nuk kemi dale nga rruga e ambasades italiane, nga Instituti i femijeve te semure mendore.

Dhe pastaj per daten 9, tek fusha e ambasades. Na kane ndalur, na kane mbajtur aty ca ore te mira. Ka ardhur Lisen Bashkurti (tropojan), sekretar i pare i rinise, dhe me nje megafon na ka thene te kthehemi se do na i realizonin kerkesat. Pernjehere, megafoni ka kaluar ne duart e Azem Hajdarit i cili ka thene tekstualisht :

"Ka ikur koha kur rinia shqiptare perfaqesohej me nje çoban !" 

Merre me mend. Nuk e di ç'histori kishte ndermend Azemi me kete fjale, ndonje pickim te Bashkurtit ne Tropoje, nuk e kam idene, por keshtu ka thene. 

Dhe pastaj ka vluar huri. Bam e bim siç kane dashur ata. Dhe fusha tere balte e ambasades eshte bere sikur te ishin zhvilluar garat e kuajve te Jul Cezarit.

Sa njerez (nga studentat, protestuesit) afersisht jane rrahur e gjakosur gjate atyre diteve, beni dot ndonje perafrim?

Thjesht per te munduar te kuptuar/kuantifikuar dhunen nga ne, dhe nga kjo mbase per te arsyetuar (nga juve qe keni qene deshmimtare) nese dhuna e ushtruar ka qene e para-porositur (shkoni dhe i rrihni) apo evazive dhe e lene ne dore te kalecave (tip po e pate te arsyeshme hiqini ndonje shkop).

Jo, jo - kalecat nuk benin gje pa urdher. Ne dt. 8 rruga qe na kishin bllokuar ishte e me e ngushte dhe turma nuk ishte aq e madhe sa e te nesermes. Megjithate mbaj mend se kemi qene shume te nxehur pasi na kane qelluar, shume fare. Na ndoqen deri ne Q. Studenti, por brenda nuk u futen. Diten tjeter ishte dicka tjeter. Ne ishim me te organizuar dhe shume me teper se nje nate me pare. Ate dite eshte zgjedhur nje perfaqesi e vogel prej 15 vetesh (kam qene aty) e cila midis te tjerash vendosi itinerarin qe do te ndiqnim. Nje korcar dhe une kerkonim te shkonim ne Sheshin Skenderbej, Azemi ishte kunder. "Nuk do te na lene te bashkohemi me tiranasit, do na godasin" - thoshte. Por shumica qe ishim aty perkrahu idene per te shkuar ne qender dhe Azemi pranoi. Meqe doni keshtu ju, ashtu e bejme. "Do dal une ne krye, le te me godasin mua te parin". Ky eshte fakt. Une gjithashtu propozova qe te mos merrnim rrugen qe kishim marre nje nate me pare, do te ishte me mire te merrnim poshte pallatit te kultures direkt ne rrugen e Elbasanit, dhe qe aty per ne qender. Ishte rruge me e gjere dhe me e mire per terheqje ne rast sulmi. Afer shkolles se mesme te arteve, ne mos gaboj, na prisnin ata. Situata ishte e tille Xhib: Ne ishim perballe nje muri dysh, krijuar nga ato mburojat e tyre plastike dhe nga pas "murit", skafandra e shkopinj gome. Sado qe nga fytyra dukeshin qe mezi c'prisnin te na benin fertele, nuk e benin pa urdher. Pasi jepej urdheri nuk merrej vesh pastaj. Secili perpiqej t'i shpetonte shkopit te gomes. Behej rremuje e madhe dhe eshte e veshtire te numurohej kush ishte goditur dhe sa. Kuptohej, ne se rrezoheshe dhe nuk ngriheshe shpejt, kishe te ngjare ta pesoje me keq se te tjeret. Gjithsekush perpiqej te ikte nga syte kembet. Te pakten ne nje gje e mbajti fjalen Ramizi: Kalecat nuk na ndiqnin brenda Q. Studenti apo neper dhoma, sic bene ne rastin e "protestes seksuale", ne maj '90.

Mendimi im per dhunen, meqe pyete :

- Urdheri ka qene ky : shkoni, ndalini, mundohuni t'i ktheni me te mire, por ne menyre kategorike te mos lihen te dalin ne qender te Tiranes. Sepse ekzistonte rreziku i madh te bashkoheshim me popull te thjeshte tiranas dhe ec e merre vesh pastaj, Timishoara II.

- Dhe e kane menduar, dhe paramenduar, qe vendi i ndalimit do te ishte Jordan Misja. Per dy arsye : 1. fusha do te ishte rrugeshpetimi i studenteve, s'kishte nga te venim tjeter. 2. kishte mundesi furnizimi me trupa policore (IFA-t me sampiste apo sambiste, nuk e di mire, vinin nga rruga qe zbret nga Jordan Misja drejt Shetitores.

Dhe keshtu puna : pasi jane munduar te na bindin me fjale, e kane pare qe s'behet, sepse ne donim te shkonim gjithe bashke per te protestuar per rrahjen e mbremjes dhe kushtet e tjera, dhe donim te protestonim mu para presidences apo kryeministrise apo ku djallin e di une. Me nje fjale, rrahja nuk eshte pune kalecesh por pune radiosh marrese-dhenese. Se kush e drejtonte operacionin, nje zot e di.

Ajo fytyra e atij nga Erseka, nje djale i gjate, me syze, qe i ishin zgurdulluar syte dhe paralizuar nga shkarkesa elektrike, me pati traumatizuar. Kam marre vesh me vone se kishte shpetuar shendoshe e mire. Ia kam harruar emrin. Nje i gjate fare, floke bjonde te zbardhulet. Nejse. Pastaj mbaj vrap pele stil gomari, se vallahi nje shokun tim nga Pogradeci, kur erdhi ne dhome, e kishte shpinen vija-vija te nxire, diagrame ia kishin bere shpinen. Ka fjetur nja nje muaj permbys, se s'behej ndryshe.

Hurbi e Pemetari, pa urdher dihej qe s'behej dhuna. Po pyeta sa mendoni nese kishin marre urdher para se te vinin aty "shkoni e rrihini qe te spraset kjo levizje" apo "po e pate qe s'prapsen rrihini".

Pse pyes. Per te kuptuar (sado pak te jete e mundur, pasi komunistet e byroistet kurr s'do thone te verteten, do mundohen gjithmone te rishkruajne historine e kreditojne veten) taktiken e tyre ato dite.

Juve thoni qe bene gabim taktik me dhunen se kjo ju beri te kerkonit pluralizem e kerkesa te tjera politike. Mbase. Po mbase dhe jo, mbase Ramizi e kishte ndare mendjen qe ato dite, ngaqe vlonte aty tek juve dhe po perhapej lajmi neper gjithe Shqiperine, juve me cdo kusht e kosto duheshit stepur dhe izoluar, qe te mos dilnit ne shesh ne qender dhe te bashkoheshin populli, dhe mbase kostoja ishte me e vogel.

Tani veshtire te besh histori alternative, po nese nuk do tju kishin zhdepur juve, nqs do kishin urdher ta zeme "mundohuni ti ndaloni po ne asnje menyre rrahje", dhe juve do kishit dale ne shesh, dhe do ju ishin bashkangjitur qindra e me pas mijera njerez, mbase kostoja per Ramizin e byrone do ishte me e madhe ne kete skenar, se do kapeshin gafil, nuk do kishin kohe te benin llogaritje e pergatitje (kohe te cilen e paten nga protesta juaj deri disa jave-muaj me pas) dhe mbase do kishin ndodhur me shume gjera sesa ndodhen, ne ato dite flas.

Keshtu qe s'jam i sigurt (me rezerve gjithmone, nga ca tregoni juve me teper marr parasysh) nese ishte taktike e gabuar nga ata kjo perdorimi i dhunes. Fundja ju izoluan nga masat ato dite, mbase kjo duhej arrire me cdo kusht. Mbase ta zeme kishin informacione nga Sigurimi qe gjendja ishte e tille qe nese plaste qe ato dite do behej masive dhe e dhunshme, a gjera te tjera, pervec kohes qe i blene vetes, se ata e dinin qe kjo pune do behej dikur jo larg, se ishim te fundit.

 

E perseris dhe nje here rrespekt per juve dhe te gjithe pjesmarresit e asaj levizje. smiley

E përseëris dhe një herë (r)respekt për juve dhe të gjithë pjesmarrësit e asaj lëvizje (je) . .....dhe shoqëruar me një kokë që ......qesh ..... smiley

Xhibo unë të gjithë këtë prurjen tënde e kuptoj tamam për atë që ke dashë të thuash realisht .

Po si se kam ditur kush ishit në atë kohë tu kisha zgërdhirë në HU !...dhe një kokë që..... qesh ...... smiley

Përse nuk i tregon shoqnisë Ku ke qenë në atë KOHË ?

Po pra, urdheri ishte KURRSESI NE TIRANE. Nuk behej fjale per ne qender. Beni ç'beni, ne Tirane nuk duam trazira. Dhe zgjodhen vendin ku te na mbanin. Sepse nuk na ndalen as tek Filoqyli, as tek Asim Vokshi, as tek ambasada italiane, por fill pas ambasades, tek fusha. Ideja ishte qe studentet iknin drejt lart, dmth nga QS (sepse edhe rruga qe zbret poshte nga QS tek Ures se Lanes, aty rreth Byrektores se moçme, edhe kjo ishte zene.). Dhe ndjekja e skafandrave ka vazhduar deri tek ajo çerdhja apo kopshti, ç'ishte ajo ne ate kohe, kufiri i QS.

Dhe nderkohe IFA-t vinin nga shetitorja. Nje e nga nje, i mbaj mend si leviznin, si ne filmat e Pinoçetit.

Madje bej çudi si ska pasur nje grusht shteti majtist, dmth ndonje Hekuran Isai qe te rrezonte Ramizin dhe te na hynte ne mitraloz. Se edhe kjo mundesi ishte. Por mbase Ramizi e kishte siguruar kete punen e ushtrise dhe mbase kishte vene aty ne krye ndonje besnik.

Por edhe kjo perjashtohet si mundesi sepse grushtet e shtetit neper bote na mesojne se edhe nje kaporal mund ta beje, me shoket e vet. Ec e merre vesh.

Kam pershtypjen se komunistet na kane nenvleresuar. Nuk e kane matur mire forcen tone dhe kane pasur besim se Ramizi i di te gjitha. Ramizi mavria mendonte per menderen e vet, se mos ia rrasnin ndonje plumb si Caushit. Dhe jo se ishte ndonjefare demokrati, se fundja ai e hodhi firmen ne 1988 per poetin e varur. Ja keshtu.

Por mbase Ramizi e kishte siguruar kete punen e ushtrise dhe mbase kishte vene aty ne krye ndonje besnik.

 

S'kishte asnje shanc per puç ushtarak ne ate kohe ! Ne Shqiperi, ne 90 vjet shtet, nuk ka pas asnjehere tendenca bonapartiste (ushtarake). I vetmi moment, kane qene ne vitet '80, me Mehmet Shehun dhe klanin e tij ushtarako-lab, por dhe atij ja keputi koken Hoxha (i ka shpjegu shume mire Veli Llakaj keto pune, ne disa shkrime rradhas, tek "shekulli", para nja tre-kater vitesh; ndofta ekziston dhe ndonje liber i tij). Shkurt, gjithmone pushtetin ne Shqiperi, flas gjithmone per shek.XX, e kane pas politikanët, kurre ushtarakët.

(by the way: Kiço Mustaqi ka qene ne krye te ushtrise, asokohe).

Me qe ma kujtove kete Lisienin. Une kam qene aty afer tij dhe ngaqe keshilloja studentet e tjere per te mos u dhene shkas atyre me skafander qe te na qellonin perseri, sic bene nje nate me pare (dikush nga ata oficeret thirri " me rrembyen pisoleten" dhe pas asaj valoi). Lisieni ishte ne siklet mavria, dhe me drejtohet mua duke me terhequr pak menjane dhe duke premtuar se do ta sillte Ramiz Aline per te folur me ne ne Q. Studenti, ndaj nuk kishte kuptim te dilnim e protestonim ne  rruge. Donte te me mbushte mendjen se do te ishte me mire qe te ktheheshim mbrapa. Une i them "E c'garanci me jep ti per kete?" " Te jap fjalen e nderit! Po nuk e solla Ramizin tek ju, qe tani e le detyren, ja merri celsat e zyres, mbaji ti" Me drejton nje tufe me celesa dhe m'i ve ne dore. Nuk e prisja kete, dhe per nje moment po mendohesha c'ti thosha. Azemi po fliste. I hodha celsat e Lisienit perpara kembeve dhe i thashe "E c'me duhen mua keto?S'te besoj jo!" Pas asaj pashe Azemin qe u terhoq ne brendesi te turmes rrethuar nga disa studente te tjere - Ben Liken e mbaj mend ne krah te tij. S'kaloi shume dhe pas kesaj u dha urdhri nga ana tjeter per te goditur mbi studentat. Mbaj mend si tani se sa e veshtire ishte kur nje turme e tille e ngjeshur perpiqej te levizte shpejt. Sado i fuqishem te ishe nuk mund te qendroje dot kur rrezohej dikush perpara - behej kapi dhe mjere ai qe qe ne fund. Shkopinjte e atyre duroheshin, por te te merrej fryma duke mbajur kushedi se sa te tjere mbi te ishte e tmerrshme. Kam shpetuar nga nje e care ne murin rrethues te Filologjikut.

Levizja e qytetit te studenteve,nuk doli nga hici,ashtu kot,por kishte vite qysh kur vdiq komandanti! Kishte shkrime ne gazeten zp,drita,bashkimi,ku flitej pak me me guzim per disa tema tabu,me kujtohen disa tema interesante nga Hamit Beqja ne lidhje me seksin,hapur,bile shume shkrime nga Frojdi,e te tjere filozof qe lidheshin me kete problem.Ishte nje guxim ne fakt!Pra kishte filluar nje hapje nje liri e kufizuarmnga intelektuale te vecante...por keto revolta ishin ne grupe te vogla intelektualesh,pasi frika ishte shume e madhe,mendoj se hapjen e rruges drejt dhjetorit e kane kryer shume,njerez intelektual,mesues,agronom, oficere,dentiste qe punonin ne fshatra,per rreth tiranes,aty beheshin muabete hapur,per cdo gje,qe ndodhte,ishte bbc vet,une psh kete  mbaj mend ate kohe pikerisht,kur dicka po leviste,dhe te gjithe ata qe ishin intelektuale,te rinje, e miratonin njeritjeterin,ne lokalin e fshatit psh qe ishte ne hyrje,mblidheshim dhe pinim konjak fernet, te gjithe te "ardhurit"dhe muabet,per cusheskun,per cdo gje qe ndodhte,thjeshte pakeaqsira,per jeten,dhe rrogat e vogla,kulmi ishin ambsadat,pastaj filluan tentativat e arratisjeve,te shume e shume njerzeve,mbaj mend qe u be buje,kishte vrasje,shume ne kufi,keto kishin rezonancen e vet,qe ndikoi edhe tek studentet,por jo vetem edhe ne shkollen e bashkuar te oficereve,kishte plote muabete te tilla...Shkurt kishte ardh koha vertet per tu ndryshuar,dhe diktatura nuk kishte as nje shans te perballonte stuhite te tera pakenaqsie dhe mllefe ndaj bllokut dhe historive me te!

Por,por,mos haroni ata qe kishin guximin dhe guxuan me shume ishin te gjithe nga familje "te mira" komunistesh!

Per mua rrezimi i bustit te Stalinit ka qene ku e ku me e guximshme ku organizatoret kane vuajtur ku e ku me shume dhe per fat te keq spermenden gjekundi sepse "baballaret e kombit" permendin vetem ngjarjet ku kane qene vete.

Flm Hurbit ne radhe te pare per besnikerine edhe lehtesine e tregimet. Une i besoj pa ndonje dyshim.

Edhe flm B.Fevziut qe me ate shkrim pa lidhje na dhe shkakun me zhvillu kete diskutim.

Eshte interesante me dit fatet e linjave te dyta per te cilin flitet ; kjo vajza nga Vlora qe quhet Alma, minatori qe paska habitur djemte.

Eshte histori more miq, e s'pyet nese ju pelqen apo jo.

@GB Ato qe thua me siper ne komentin tend i ke nga eksperienca jote personale ne ato kohe apo jane interpretime? Ti thua: "Ngjarjet e 8 dhjetorit ishin te organizuara nga nomenklatura por studentet u perdoren per ti dhene spontanitet ketij skenari, "

E bazon me ndonje fakt kete?

Sepse po te ishte per interpretime une do thosha krejt te kunderten. Llogjika me pranon me mire faktin qe hapja e ambasadave ishte krejtesisht e nxitur dhe e dirigjuar nga qeveria e asaj kohe me qellim qe te shfrynte nje pjese te mire te atij kontigjenti njerezish thellesisht te pakenaqur te cilet do ishin brumi qe do gatuanin protestat dhe do shembnin qeverine. Ndersa te besoj qe protestat e dhjetorit nuk ishin spontane eshte njesoj si te besoj qe u ngriten kembet dhe i rane kokes.

Se cfare ndodhi me pas eshte krejt tjeter gje, por nje gje eshte e qarte: Sali Berisha nuk ka qene fare aty ne 8 dhjetor dhe Azem Hajdari eshte njohur me te vetem pas kesaj date, po ashtu si dhe fakti tjeter qe studentet u ngriten vetem me kerkesa eknomike ne fillim.

Edhe njehere dua te falenderoj Hurbinekun per aresye se ka shkruar histori te paster pa pike interpretimi aty me siper.

p.s

@ Permetari, faleminderit dhe ty per tregimin e ngjarjeve sic jane pa interpretime.

Madje, nese doni ta dini mire : ne te vetmin njeri qe kishim besim ne ate kohe, ishte Ramiz Alia.

Edhe Ramiz Alia ishte protagonist ne ngjarjet e Dhjetorit. DIsa thone dhe regjizor por nje regjizor medioker, Politikani me z ete holle, me fytyre miqesore por pa kellqe per te bere ndryshime Radikale-tha A.ZHEJ mbreme ne Opinion ke Fevzo. Shume eshte folur dhe shkruar per R.Aline, shume ka folur dhe shkruar dhe vete.\

Nje gje eshte e qarte. Luajti bukur.Qe po vinte fundi ai e dinte me mire dhe e shikonte me qarte nga 3 milion shqiptaret brenda vathes. Te mos reagonte fare dhe ti hapte driten jeshile ndryshimit, pa asnje rezistence, kete nuk mund ta bente per dy arsye:

-nuk mund te dilte nga vetja plotesisht,

-ndoshta te tijet do ta kryqezonin ne ndonje bodrum.

Te reagonte forcerisht dhe me dhune prap se bente dot sepse hija e Causheskut te hedhur ne kanal ishte e fresket dhe tmerruese.

Diti te mos perfundoj ne kanal para dy opsioneve dhe zgjodhi rrugen qe i dha me shume fryte:

Nuk perfundoi si qen ne kanal;

I njihet merita e uljes se bute te avionit

Shijon frutet e demokracise dhe shkruan kujtimet dhe jep rekomandime se si duhet te jete demokracia smiley

 

 

Mjaft i ushqyet Shqipëtarët me këto idiotizma rapsodesh të provuara e stërprovuara gjatë qindra vjeteve dhe më të lustruarat për keto 50 vjet të shkuara. Gjë që edhe mund të justifikohet për nivelin që kishte Bota në tërësi e Shqipria në veçanti.

Lëreni njeriun te mendojë dhe nxiteni atë PRAKTIKISHT pa njësi matëse me Belul Gjeraqinera . Hajde Inteligjencë hajde , me çfarë prallash rokanis kokën !!

Asnjë cantim nuk i shtohet shqiptarit me këto budallallëqe që dikush i merr për thelbin e ndryshimit  sepse tregon kush bertiti ate dite  dhe qe ne rreshtin e pare Tongue

 Vetem nje egoizëm kot se koti i trasheguar nga lavditë e rrëfenjave të rapsodit xhaxhi veteran  mund të  mendojë se këto janë pjesë e historisë së ELITËS , së asaj që donte me thënë Fevziu në fillim .

Uou, sa e mire kjo tema! Hurbi ia paske luajtur fene! smiley

Nuk kam qene deshmitare e 8 dhjetorit, e greves se urise po. E vetmja gje qe mund te shtoj eshte qe se paku nga 1988 ne Tirane kish nisur te frynte nje ere pak me liberale. Mbaj mend qe ne gjimnaz, ne grupe shokesh e shoqesh, flitej pothuaj hapur kunder regjimit. Sekush kishte perkthyer nja dy tregime te Kafka-s, nje zot e di nga c'gjuhe, dhe keto qarkullonin dore me dore ne forme fletorkash. Gjate ores se mesimit te historise edhe mund te shtyheshe dhe te beje ndonje pyetje me shume, medemek te pafajshme, pervec qe te diskutoje filmat qe shihje tek italiani apo tek kanalet jugosllave tashme ishte kthyer ne norme.

Per vete, them qe puna mori fund qe me radhat e qumshtit ne oren 4 te mengjesit dhe me ate punen e tollonave. Ne Tirane s'ishte pare ndonjehere ajo soj mizerjeje... Me kujtohet im gjysh qe shkembente me time eme kafene me gjalpin e tollonit, pulat hungareze eren e te cilave e kam ende ne hunde... 

Perveç qe shkembimet me jashte ishin shpeshtuar. Njerez qe shkonin e vinin, apo qe shkembenin korrespondence me te aferm jashte shtetit, kishte me shume. Ishte hapur edhe "dyqani i dollarit". Kujt s'i kujtohet? Prove qe regjimi kishte nevoje te thithte valute te huaj me te gjitha menyrat.

Me kujtohen edhe disa "shfaqje te huaja" qe tashme toleroheshin e per te cilat mbyllej nje sy: pantallona kadife te ngushta, thonj te lyer, tualet ne shkolle, ore elektronike... pak me shume liri seksuale.

Aty fillon elita -thote Fevziu. Dmth. te gjithe ata qe ishin atje si protagoniste, jane ELITE.Edhe XAN Gallata ka qene aty dhe ka kontribu jo pak. Duke thirr: AMERIKA !

Flmd Hurbi per kujtimet. Per ato qe si kane jetuar ato dite desha vetem te qartesoj pak sfondin e atyre levizjeve.

Komunizmi kishte rene ne te gjitha vendet lindore. Caushesku kishte vajt per lesh.

Te konvikti i vajzave te arteve ndodhi nji si bicim "sex show". Pak i pazakonte per kohen dhe vendin.

Vellezerit Popa ishin fute te legata italiane. Pak pas vizites se Dekuelarit ata nisen ne Itali.

Frika ndaj regjimit filloi te binte. Shume njerez u futen me force neper ambasada. Pastaj kur u hapen .......

Qeveria filloi te pergatiste pashaportat per jashte shtetit dhe cdokush ia tregonte kete njeri tjetrit me nje ngazellim te mbrendshem. 

Te aneksi i Qemal Stafes po luanin te rinjte e Dinamos nuk e mbaj mend se me cilin ekip. Ndeshja perfundoi me te shame e me shere me policat. Aty kom ndigju shprehjet e para si Qeveri Muti e poshte qeveria.

Ishte kohe sezoni dhe ne qytetin studenti here kishte e here skishte drita. Rruga per te konvikti urithave ishte ne me te shumten e kohes pus. Ne nje nga keto nete dikush shan me ze te larte dhe sharjet vazhduan per gjithe naten te konvikti. 

ngjarjet vazhdojne sic Hurbi e Kothi me lart......

-----------------

Nje gje qe se haroj kurre. Ca vite me vone jashte shtetit, keto ngjarje po ia tregoja gjith qejf e mburje ca shqiptareve, shumica e te cileve ishim me ambasadat. Midis tyre ishte edhe nje ish funksionar i larte i sigurimit. Si skuth i vjeter qe ishte, me degjoi, nenqeshi njicik dhe me tha me nje siguri babaxhani qe sigurimi kishte prova qe ato pune po nxiteshin nga agjencite e huja, dhe ne.....  Nuk foli me gjate skuthi, po ma la fiksim se cfare roli mund te kene patur agjencite e huja dhe sigurimi shqiptar ne ato ngjarje.
 

A ka njeri me ma heq at fiksim?

Pse u trondite kaq shume? "Ku" ne ç'kuptim? Do vendin dhe oren, apo ata qe merrnin pjese?

Lexo mire. Nuk ka pse tronditem per lirite seksuale. Dhe nuk eshte KU  por  OU? ose si e beni ju te rinjte sot,  waw ? dhe ishte thjesht nje buzeqeshje ( a e shikon rrutullamin e verdhe ?) me nje nenqeshje bashke, per menyren se si zbukurohet historia dhe sesi duke u zbukuruar ajo i largohet se vertetes dhe duke ju larguar se vertetes nuk mesojme asgje nga historia.

Shkurt, tronditja mund te jete brenda teje dhe kot e projekton tek te tjeret.

miqesisht, thjesht per sqarim dhe pa keqkuptime.

Pardon, e mora "Où" ne frengjce!  Gjithsesi mbetet thelbi: "Ne ç'kuptim mendon se po e zbukuroj historine?"

Me beri shume pershtypje kjo historia e "sex show" tek konvikti i arteve.  Ne te vetrtete ishte nje zenke banale midis nja tre vajzave dhe disa djemve te arteve.  Njeren nga keto vajza e kam njohur shume mire dhe me sa me kujtohet ishte ngateruar thjesht per gallate.  Me vone degjova te perseritej ngjarja e hiperbolizuar.  Nuk ma merrte mendja kurre qe te kishte akoma njerez qe e kujtojne.

Elita komuniste që kish humbur sensin e realitetit; që ishte atrofizuar fizikisht dhe mendërisht, u largua, dhunshëm në vitin 1990, ashtu siç ajo vetë kishte larguar klasën e shkuar politike në vitin 1944. Por me një ndryshim, që në vitin 1990, nuk pati as ekzekutime dhe as ndëshkime, si ato që pësoi klasa e vjetër e shpallësve të pavarësisë.
Klasa e re politike, ose e treta në historinë e Shqipërisë, ka nisur po në ato ditë. Demokratë apo socialistë, republikanë apo socialdemokratë, ata janë të gjithë produkte të pas 8 dhjetorit. Një klasë politike që drejton që prej 2 dekadash Shqipërinë dhe që me sa duket, do ta bëjë këtë ende për shumë kohë.
Në këtë vështrim, 8 dhjetori është më shumë se sa një festë e thjeshtë, më shumë se sa një ndryshim sistemi. Është ditëlindja e një elite, fjalën për të cilën, do ta thotë historia…

 

Huh? Per c'dhune e ke fjalen athere o mavri?  Elita kishte pare c'beri Gorbacovi, kishte pare c'pesoi Caushesku, kishte pare c'kishte ndodhur gjetke ne Europen lindore dhe e kishte planifikuar qarte se si bute e urte, regjimi do "binte" e pushteti do ju kalohej ne dore njerezve qe ata do zgjidhnin.  (Eshte fjalimi i qarte dhe i tmerreshem i Ramizit ne 1989 para kuvendit popullor).  E shumta qe pesuan nomeklatura ishin ca gjyqe kafeshe e karamelesh, per te cilat u demshperblyen mbas ardhjes se PS ne pushtet.  Tani keta funderrina na shkruajne artikuj e na japin intervista, e na ritregojne dokrrat bajate per luftra "Nacional-Clirimatare" e per ca "gabime te vogla" qe beri udheheqja.

Tani per 8 dhjetorin na thote Fevzua, qe eshte ditelindja e nje elite.  Per kete elite e ka fjalen Fevzoja:

Ministria Arsimit dhe e Kulturës, duke u mbeshtetur në kriteret e caktuara nga Partia për pranimin e studentëve në shkollat e larta në orientimet e Pleniumit të 8-të të KQ të PPSH, në vendimin e Këshillit të Ministrave nr. 416 datë 15-12-1976 "Mbi disa kopetenca të organeve shtetërore dhe ekonomike në fushën e organizimit të drejtimit dhe të zhvillimit të ekonomisë popullore" si dhe në udhëzimin e Këshillit të Ministrave nr. 2 datë 15-5-1973, "Mbi organizimin e stazhit në prodhim të nxënësve dhe studentëve" nxjerr këtë udhëzim:

1. Kriter bazë në dhënien e të drejtës së studimit, është kriteri politik dhe përbërja klasore. Të pranohen kandidatë me përbërje moralo-politike të mirë. Përparësi t'u jepet kandidatëve me origjinë dhe gjendje punëtore, sidomos të atyre që punojnë direkt në sferën prodhuese, kandidatëve me orgjinë dhe prejardhje nga fshatarësia kooperativiste. Me kujdes të trajtohen fëmijët e atyre që kanë kontribuar në Luftën Nacional-çlirimtare dhe në ndërtimin socialist të vendit.

Në vlerësimin e kandidatit të shikohet figura moralo-politike e dhe aktiviteti i tij si anëtar i BRPSH dhe pjesëmarrës në praktikën revolucionare të vendit tonë.

 

Fevzo mavrija behu i sinqerte e thuaje troc, qe po do ti japesh ndonje ngjyrim historiko-politik 8 dhjetorit, thuaj qe eshte fillimi i ndarjes te PPSH-se...

PYETJE E HAPUR per te gjithe:

A e di njeri pse u zgjodh Ilir Meta ne deleacionin qe Ramizi priti më 11 dhjetor ?? Se tek "qyteti studenti", nuk e kom pà qofte dhe nje here te vetme ato dite... smiley

Stalker, une mund te them aq sa di per rastin e I. Metes. Ka qene pjesmarres ne levizjen studentore, por jo se ka rene ne sy. Keta qe rrinin ne Tirane kishin nje disavantazh kur vinte puna e te renit ne sy aty, por megjithate, Ilir Meta nuk mund te krahasohej te themi me Blendi Gonxhen apo edhe Blendi Fevziun, qe ishin githashtu studente tiranas. Nuk po flas per pedagoget se sigurisht ata kishin nje status tjeter.

Ne dt. 11 paradite u mbajt nje mbledhje pergatitore e Perfaqesise Studentore ne Godinen No.15. Studentet u zgjodhen ne baze fakulteti per te shkuar ne mbledhjen pergatitore, e cila do te zgjidhte studentet qe do te shkonin ne takim me Ramiz Aline, mbasdite vone te po asaj dite, dhe do te diskutonin strategjine qe do te ndiqej ne takim - kush do te mbronte cilin argument dhe si do te reagohej ne situata te caktuara. Ishin ftuar dhe pedagoge qe te jepnin mendimin e tyre apo dhe te merrnin pjese ne takim. Ilir Meta ishte zgjedhur nga fakulteti ekonomik si perfaqesues ne mbledhje, me vone u zgjodh edhe per te shkuar ne takim. Me kujtohet kjo se ka qene e lidhur me nje detaj tjeter te mbledhjes. Mbedhja kishte filluar dhe studentet e zgjedhur dhe pedagoget e ftuar kishin ardhur, pevec Sali Berishes e Gramoz Pashkos. Me c'ishin angazhuar deri atehere, pritej qe ata te ishin aty. Ne nje moment nje nga studentet qe rrinte tek dera me tha te shkoja aty se dikush kishte ardhur. Ishte Saliu dhe Gramozi qe per momentin kujtuan se me t'i pare, do t'i lejoja te hynin, por une nuk pranova. Gramozi me tha se arsyeja qe ishin vone ishte se kishin diskutuar si grup me vete argumentat eknonomike me studentet e ekonomikut dhe m'u lut qe te pakten te lejonim studentet e ekonomikut te hynin. Une i thashe prit nje minute, dhe iu drejtova salles, "kane ardhur studentet e ekonomikut bashke me Gramozin e Saliun, si thoni?" Studentet ne kor thane: "Studentet te hyjne, Saliu dhe Gramozi jo!". Mua personalisht me erdhi keq per kete reagim, edhe pse ndoshta e prisja. Aty kam vene re per here te pare Ilir Meten, dhe me thene te drejten jam habitur kur u zgjodh per te shkuar ne takim. C'ndodhi me pas ishte histori qe e dine te gjithe.

po te kishe qene atje, do ta kishe pare smiley

Dhe nese ishte, si nuk shkoi ndonje dite te PD-ja (qe sapo u formua), por turravrap tek PP(S)-ja ?? smiley

 

(ps - post-scriptum, me dy fjal&eumlsmiley : Une personalisht e di pse shkoi Meta tek Ramizi por kujtova se mos e dije dhe ti dhe e thoje ketu...

po mire edhe ti tani, cfare kerkon ti prej atij?

Fundja, ai nga profesioni i ngjan gomarit, edhe ai ngrites peshash ka qene.

Pastaj se mos i plasi atij per PS apo PD. Ai mbas Monikes do te shkonte gjithmone. Do ti qe Monikes i hante i cike kemba per majtas? Plus qe ai donte ta kishte zyren ne qender dhe jo tek Rruga Kavajes, gati - gati tek 21shi. smiley

Hajt se po ta them, se nuk eshte ndonje sekret :

Ilir Meta ka shkuar si perfaqesues i BRPSH (Bashkimit te Rinise se Punes se Shqiperise) : ka qene Sekretar Rinie ne Fakultetin e tij. Dhe as qe eshte dukur ne datat 8-11 ne Qytetin Studenti !

Perbererja e delegacionit qe shkoi tek Ramizi më 11 dhjetor ka qene pak a shume e tille: 1/3 me studentet e revoltes, 1/3 me perfaqesues te BRPSH, 1/3 me perfaqesues te intelektualeve (kryesisht, petagoge te Universitetit).

Nese e do te konfirmuar, krejt rastesisht po shikoj se e ke te konfirmuar edhe ketu :  http://www.top-channel.tv/video.php?id=1... - pjesa e pare, minuta e 08:50

E shikon qe e kisha mire kur te thoja se nuk ka qene fare nuk eshte duk fare andej nga qyteti studenti ? smiley

Ja se si e pershkruan kete tipin Umberto Eco tek "Lavjerresi i Foucault" :

..................Ishte atmosfera e dikujt, i cili merr persiper te gjitha diskutimet e medha mbi te verteten, per te mesuar ne to, se si korrigjohen bocat. Une mendoja, se ne nje citat si “Une jam ai, qe jam” problemi themelor ishte per te vendosur, se ku qendronte kuptimi perfundimtar, para presjes apo pas saj.
Prandaj edhe zgjedhja ime politike ishte filologjia. Universiteti i Milanos ishte ne ato vite shembullor. Ndersa ne pjesen tjeter te vendit, shpertheheshin auditoret, sulmoheshin profesoret dhe u kerkohej atyre, qe te flisnin vetem mbi shkencat proletare, tek ne vlente, duke perjashtuar disa perplasje, nje tip pakti konstitucional ose kompromisi territorial. Revolucioni zoteronte zonat e jashtme, auditorin ne maksimum dhe korridoret e medha ne katin perdhes, ndersa kultura zyrtare ishte terhequr ne korridoret e brendshme dhe ne katet e mesiperme, ne menyre qe atje, duke u vleresuar dhe garantuar, te vazhdohej me tej. Sikur te mos kishte ndodhur asgje.
Keshtu, une mundohesha ti kaloja paraditet poshte ne diskusione mbi shkencen proletare dhe pasditet siper me perfitimin e nje diturie aristokratike. Une jetoja i kenaqur ne keto dy universe paralele dhe nuk e ndjeja veten ne asnje menyre te ndare me dysh. Edhe une besoja atehere, qe nje shoqeri e te barabarteve qendronte ante portas, por i thoja vetes, qe ne kete shoqeri te re disa gjera te caktuara duhet te funksiononin mire (madje edhe me mire se meperpara), per shembull trenat, dhe sansculottet, te cilet me rrethonin, nuk mesonin aspak, se si te dozonin qymyrin ne kaldaje, te vendosnin shinat ose te hartonin planet e udhetimit. Fundja dikush duhej te ishte i pergatitur edhe per trenat. Jo pa disa brerje ndergjegjeje, ndjehesha si Stalini, i cili pas mustaqeve te tij vinte buzen ne gaz dhe mendonte: >>Jepini, vetem jepini, ju bolshevike shpirtvarfer, une nderkohe po studioj ne nje Seminar ne Tbilis, dhe pastaj jua parashtroj une planin pesevjecar.<<

 

Picerroi pak syte dhe cila situate te duket e ngjashme me kete?

Dite te paharruara, ju lumte qe i kujtuat.

Faleminderit Hurb, Permetar, Ani, etj.

U shemben idhujt e se keqes, me se fundi ishim te lire.

Ke dite 8 Djetori.

Lumidrin,

Me kalimin e kohes, kur mendoj se ne qelite e burgjeve dergjeshin ende mijera shqiptare qe e prisnin prej vitesh kete nate, them me vete se kam qene me fat qe qellova aty, dhe qe truri me shkrepi, bashke me E.J., per te dale. Te tjerat i thashe me lart.

Desha me fole dhe pak, por e lashe. E fshiva dy here çfare shkrova.

Nje kujtim te veçante per Aleksander P., shkodranin tend, qe ka qene strehuesi i pare i Azem Hajdarit dhe Arben Imamit, ne dhomen ngjitur me timen. Ka vdekur ne nje aksident automobilistik, ne Itali.

Nje pershendetje dhe per oratoret e atyre diteve, se nganjehere, n'daç besojeni, n'daç jo, me dilte kokrra e lotit sa grushti. Une e dija fort mire ç'kishin vuajtur njerezit ne ate regjim, duke i pasur dhe fare prane, por kur tregonin ca ngjarje te tjera, qe as s'me kishin vajtur ndonjehere ne mendje, me benin te besoja fuqimisht tek ta.

Kam deshire qe te mos anashkalohet dhe ky fakt :

Kjo levizje nuk ka qene dhe aq e trashe, nga njerez te trashe. Oratoret qe na flisnin, Lika, Ukcama, Hajdari, etj. kane nje merite vertet te madhe sepse diten te gjejne gjuhen per te na prekur. Nuk ka rendesi çfare theksi kishte Hajdari apo tjetri. A e shtremberonte nje rrokje apo e hante nje germe. E rendesishme eshte fjalet e tij depertonin deri ne palce. Kur te kapin te rreqethurat nga nje fjalim, ketu ka diçka. Kjo mund te behet shume e rrezikshme, ne te njejten kohe. Mund te perfundosh shume mire ne fashizem. Por ne rastin tone, s'kishte gjasa se ne nuk ishim duke kerkuar asgje me teper se te drejten per te jetuar si njerez : buke, uje, drita, dhe liri per te folur.

Po te jete puna qe kjo date te perkujtohet ndonjehere ne Qytetin Studenti, me shoket e dikurshem, do te shkoja me shume kenaqesi. E do t'i kujtonim te gjitha, ç'ka pare njeri e ç'ka pare tjetri. Isha ketu e ti ishe atje. Sa per te kaluar nje dite bashke, siç ishim. Po behem patetik tani por ate nate, nuk ka pasur as huligane, as rrugaçe, as maskarenj, as deputete, as trafikante, as korrupsion, asgje. Ka pase ca djem te rinj qe kane besuar ne disa gjera, diku me pak e diku me shume. Por ama krejt te paster. Kush e di çfare idesh ka pasur njeri apo tjetri per jeten e vet, ato dite.

Pavaresisht se disa endrra tonat na jane realizuar dhe disa te tjera perdhosur, mbetet fakt i pamohueshem qe ajo nate do te kujtohet gjithmone. Te pakten prej nesh qe ishim aty ate nate. Dhe qe i pershendes : Permetari, Kasandra, Ani, Spiritus, e ndonje tjeter.

Me kalimin e kohes, kur mendoj se ne qelite e burgjeve dergjeshin ende mijera shqiptare qe e prisnin prej vitesh kete nate, them me vete se kam qene me fat qe qellova aty, dhe qe truri me shkrepi, bashke me E.J., per te dale. Te tjerat i thashe me lart. 

Kam pas nje njeriun tim, te burgosur ne burgun e Burelit.  Me ka tregu qe

e dinim qe dicka do ndodhte. Po qekurse nje dite prej ditesh erdhen dhe na nderuan dysheket dhe batanijet u beme me te sigurte. Kur morrem vesh per viziten e deKuellarit e morrem vesh qe se shpejti do liroheshim.

Imagjino! Burgu Burelit. Njerezve te mi i duheshin dy dite me i cu ushqimet. Nuk e di a ishte shprese burgaxhinjsh apo nuhatje e holle e njerezish te zgjuar.

Hurb.

Ka shume gjera per te kujtuar, emocionet, gezimi, shoqeria, ideali i liris.

Po te them te drejten, te vetmet dite qe Shqiperia me eshte dukur e bukur.

Edhe sot kuptohet.

Dhe nje kerkese te fundit :

Une hyra sot ketu dhe tregova shume gjera, hera e pare qe e hapa zemren per te folur per ato dite. E di se kam harruar shume e shume gjera te tjera, por siç tha permetari, duhen ngacmuar se kushedi ku jane strukur.

M'u be qejfi shume qe gjeta bashkekohes qe rrezik i kam pase ne krah, Permetarin me shoke.

Por nqs ka diçka qe me vjen keq eshte se ka dhe pjesemarres te tjere, qe do te na kishin ndihmuar shume me kujtimet e tyre, dhe qe PESHKUPAUJE ua ka mbyllur gojen. E kam fjalen per anetare si SOLIDARNOSC qe kane qene aty pjesemarres, dhe kane luftuar per ate liri fjale qe sot ia keni mohuar.

Nese ka nje administrator ketu rrotull, dhe nese ka nje Zot ku beson, thjesht per kete dite ku deshmite e tij do te kishin aq te vlefshme, ju do te duhet t'ia kishit hequr kufizimin.

Ketu kam pare anetare ku e ku me problematike, dhe qe rrine duke u share si femijet, dhe qe nuk i sjellin asgje kesaj faqeje. Por qe te lini pa folur nje bashkekohes qe o do te ishte dashur te fliste sot, o asnjehere, kjo me duket krejt e pakuptimte.

Administrator, te lutem, hiqja kufizimin anetarit Solidarnosc.

Falemnderit.

Sistemi komunist e kishte marre tatepjeten qe me renien e murit te berlinit e me reformat e perestroikes ne BS. Ne shqiperi  vendi i fundit ne evropen lindore ku komunizmi po jepte shpirt ai u fundos me hapien e ambasadave dhe ne mos studentet cdo greve e rendomte do ta kishte larguar ate sistem. Keto historite sentimentale me studente sherbejne vec per mistifikimin dhe perdellimin personal te atyre qe pretendojne se kane qene aty.

Une u heq kapelen te gjithe atyre te burgosurve politike qe paten guximin te ngriheshin kunder Enver Hoxhes. Vetem atyre. Protesta e 8 dhjetorit qe ne ato kohe me duket sikur ishte e stisur, sikur ne ato kohe te gjithe po manipuloheshim per te ecur ne hulline qe e kishte paracaktuar nje dore e padukshme. 

Opo qe luftuam, kemi luftuar qe cke me te, po kunder kujt luftuam, kete nuk e mora dhe nuk kam per ta marre vesh kurre.   E vetmja gje qe me ngelet ne kujtese jane shprehtjet e sekretareve te pjerdhur te organizatav te partise  ne te gjitha nivelet e tyre qe: Te luftojme komunizmin, te bjeme ket e te bejme ate dhe bamp ja bente zjarri neper depo, serra, fabrika, uzina, kombinate.  Ndonje hidrocentral nuk pashe dhe nuk degjova qe te digjej. Vetem Hc nuk ishin komuniste. por kur degjon ca komuniste dhe antare te nomeklatures, bile edhe ministra: Kush? Ne?  Kaq e kaq vite kemi luftuar kunder Enver Hoxhes.   Me te vertete mu mbush tastiera me te vjella,,,,,..... e lashe ose e dhjeva fare!

Po kur them une qe Peshku qelbet jo nga koka po nga komunistet, jo thoni juve. Shiko dhe ketu ne perkujtim te levizjes studentore ca diarresh qisin nga goja.

 

8 dhjetori i vitit 1990 mblodhi shqiptarët në sheshin “Skënderbej” në ndjekje të modelit të të gjithë popujve që po çliroheshin nga persekucioni komunist.

http://www.panorama.com.al/index.php?id=...

Ca thote ky? Ka pasur miting tek sheshi Skenderbeu ne 8 dhjetor apo kane vendosur ta privatizojne dhe politizojne komplet levizjen studentore keta te PD-se?

Bujar Nishani duhet t'a dije shume mire si drejtues i shkolles se oficereve, dhe nje nga drejtuesit e grushtit te shtetit (te deshtuar) te shkolles se oficereve ne shkurt 1991, fill pas rrezimit te monumentit te qelbesires.

O tempora, o mores - ka thene i vjetri.

Degjova kete emisionin qe tha flo, diskutojne per levizjen e studenteve. Kishte te forta, sidomos replikat me Doden dhe Gjinushin. smiley

Ne fakt ky kopili Fevziu shume here ben te tilla gjera thjesht per efekte televizive. Kishte vend Gjinushi aty, i cili ne ate kohe ishte minister komunist? Jo po thirr Ramiz Aline vete dhe te na tregoje ai ngjarjet e dhjetorit ashtu komplet origjinale dhe te patjetersuara.

 

Kurse ketu keni videon e takimit te studentave me Ramiz Aline. Kjo ne fakt meriton te qitet diku me vete, mbase e qit Peshku. smiley

O xhibo cfare domethene minister komunist? Minister i komuniszmit? Edhe nje gjo  tjeter nese e di si enciklopedist qe je: ne kohen kur Gjinushi ka qene Minister i Aresimit ne qeverine e Adil Carcanit, a ka qene anetar apo kandidat i PPSH? Nese po kur ka qene pranuar?

hë a kisha te drejte xhib? smiley

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).