Një replikë me kolegun Fatos Lubonja

Dje, ndoshta me vonesë, kuptova se problemet, me të cilat ndeshet puna ime si gazetar dhe problemet, me të cilat ndeshet kolegu im, Fatos Lubonja, janë të ndryshme. Në shkrimin e tij të djeshëm në gazetën “Korrieri”, në një përpjekje të mundimshme për të bërë diferencën mes lirisë së shprehjes dhe lirisë së medies, Lubonjën, ndryshe nga unë, e shqetësonin dy probleme të mëdha: Problemi i parë dhe shumë i madh për të është se “cilat janë pazaret e prishura mes meje dhe Berishës”, një pyetje kjo e neveritshme prej së paku katër vjetësh, dhe problemi i dytë, i cili shfaqej gati në formë habie dhe meskiniteti, ishte se ku i gjej unë paratë, që akoma, e theksoj akoma, vazhdoj të botoj gazetën “TemA”.

Në fakt, problemet që ka liria ime dhe liria e shumë kolegëve të tjerë të mi për të qenë gazetarë sot, janë të ndryshme. Ato kanë të bëjnë mbi të gjitha me përpjekjet për të thënë të vërtetat tona dhe marrjen përsipër të kostos shpesh deri fizike për të mbijetuar pas këtij akti. Shqetësimet e zotit Lubonja i ngjajnë rëndom shqetësimeve të njeriut që përpiqet të përligjë bashkëjetesën e tij me diçka që s’do ta kishte qejf ta kishte si fat, por që s’ka fuqi ta zbojë tutje, kurse unë dhe kolegët e mi të gazetës “TemA” nuk e kemi problem këtë lloj bashkëjetese, por mbijetesën, që tashmë na e kanë imponuar.

Meqë për zotin Lubonja shqetësimet e mia reale nuk janë pjesë e shqetësimeve të tij, siç nuk janë dhe të një pjese tjetër të medies, për respekt të historisë së tij do t’i përgjigjem, jo për shqetësimet e mia, por për shqetësimet e tij.

Shqetësimi i tij mundimshëm, nëse “unë me Sali Berishën jemi prishur për pazare”, tani, edhe pas gati katër vitesh, është banal. Zoti Lubonja ose të ngjashmit e tij në këtë makth duhet së paku të gjejnë qoftë dhe një rast, kur dikush në këtë vend është prishur me Sali Berishën, se s’ka rënë dakord për pazare me të. Edhe ata që 18 vite më parë janë ndarë me të për pazare postesh, janë rikthyer tek ai, se e kanë gjetur më në fund pazarin. Edhe ata që janë ndarë me të pas 1997-ës, se nuk kishin çfarë të vidhnin në opozitë, janë rikthyer prapë, sapo erdhi në pushtet. Edhe ata që kanë urdhëruar arrestimin madje dhe vrasjen në tentativë të tij, janë rikthyer prapë dhe tashmë kërkojnë eliminimin e opozitarit të radhës. Pra, profili i Sali Berishës, sidomos pas rikthimit në pushtet, nuk të lë asnjë dyshim se me të mund të prishesh për pazare. Për pazare me të tani mund të bëhesh mik dhe të harrosh gjithë historinë tënde me të, dhe nëse e ke pasur armiqësore, siç e kanë pasur shumë nga ata që janë në kabinetin e tij.

Arsyeja tjetër, përse unë me Sali Berishën nuk jam prishur për ndonjë pazar, është dhe sjellja jonë e ndërsjellë. Është e vërtetë se unë kam bërë akuza të forta dhe ekstreme ndaj tij dhe ai po ashtu s’ka lënë gjë pa bërë për të shkatërruar biznesin dhe mbijetesën time si gazetar. Në të tilla raste, një njeri që do të ishte prishur për pazare, s’do të guxonte as të hapte gojën dhe ai tjetri as të ngrinte dorën. Nëse do të kisha qoftë dhe një moment kompromentimi me Sali Berishën, do t’i ngjaja atyre bashkëpunëtorëve fatkëqij të Sigurimit, që vetëm për operativin e tyre nuk flasin. Dhe për ta mbyllur këtë debat të pështirë, që fyen dhe Sali Berishën në fakt, do të thosha se dikush që prishet për pazare, nuk largohet nga pazari. Shembuj ka me bollëk dhe te vetë stacioni televiziv Klan, ku Lubonja angazhohet. Dhe duke e hedhur poshtë me neveri këtë meskinitet, do t’iu lutesha më mirë të debatonim përse duhet prishur miqësia me udhëheqës të tipit Sali Berisha, kur ata sundojnë, kështu siç po sundon ky. Nëse unë e kthej debatin në të kundërt dhe pyes plot kolegë të mi, përse nuk e ngrenë zërin kundër Sali Berishës, po të përdor logjikën e tyre, kam të drejtë të them, se kjo ndodh, sepse ata nuk janë prishur ende në pazare me të apo janë dorëzuar në një sistem që poshtëron profesionin tonë. Nuk e kam thënë kurrë dhe nuk do ta them kurrë këtë për askënd, dhe për ata që i shoh se turfullojë të pafuqishëm nga ky poshtërim, pasi kjo nuk është një betejë kolektive, por mbi të gjitha individuale. Duke qenë e tillë ajo nuk detyron askënd të luftojë medoemos, por natyrisht dhe askënd të fyejë ata që luftojnë medoemos. Kur në këtë betejë ka shumë individë dhe kur ata dominojnë me betejat e tyre, natyrisht një debat i tillë si ky i Lubonjës kundër meje bëhet periferik. Argumenti i Fatos Lubonjës se unë kam mbrojtur “bëma dhe gjëma” më të mëdha të Sali Berishës më parë dhe kjo është një arsye, se të dy i jemi nënshtruar një “Kodi të Heshtjes”, është po ashtu i pabazë. Unë, jo vetëm që s’kam mbrojtur asnjë bëmë të Sali Berishës në pushtet, por ndjehem keq që jam shumë i vetmuar shpesh në betejat kundër bëmave të tij. Unë kam qenë një mbështetës publik dhe gati-gati një luftëtar për të ri-ngritur figurën e Sali Berishës pas vitit 1997, kur ai ishte në opozitë dhe përfaqësonte një opozitë, e cila po dërrmohej pa mëshirë. Nuk dua të ribëj histori, pasi atë s’ka qejf ta kujtojë as Sali Berisha dhe as TV Klani, por dua të them se për mua shumë pak gjëra kanë ndryshuar në profilin tim si gazetar. Unë kam përballë të njëjtët njerëz, të njëjtat probleme dhe të njëjtat teza: Antiopozitarizmin dhe korrupsionin. Kam përballë sërish TV Klanin, që nuk është se zgjedh “politikë editoriale”, siç thotë Lubonja, por zgjedh pushtetin e korruptuar për t’i dalë zot fitimeve të veta të paligjshme. Krahasimi vulgar se TV Klan ka zgjedhur pushtetin si Top Channel opozitën, megjithëse çalon, edhe sikur të merret i mirëqenë, ka një diferencë të madhe morale, nëse nisemi nga paranoja e Lubonjës se dikush i paguan. Të zgjedhësh opozitën, e ke të sigurt, se së paku nuk ke zgjedhur pagesën, s’ke zgjedhur tenderët, s’ke zgjedhur pushtimin e tokave të të tjerëve, s’ke zgjedhur zaptimin e Kinostudios, dhe as reklamat qeveritare me shumicë. Asnjë paralele nuk mund të bëhet mes këtyre dy fateve. Kjo më shfajëson dhe mua për atë pse kam mbrojtur Sali Berishën në opozitë për tetë vite, pasi në atë kohë gazeta ime dhe unë sërish ishim pa pará, me mundësi ekstreme mbijetese dhe me një pushtet arbitrar, që stimulonte izolimin dhe ekstremizimin e qëndrimeve. Ato “bëma dhe gjëma” që unë ia kam justifikuar Sali Berishës për tetë vite në liri, janë thjesht betejat e tij për të mbrojtur opozitën, për të protestuar ndaj vjedhjes së votave, dhe natyrisht, për të mundur një sistem kleptokrat. E vetmja gjëmë që nuk i mbuloj dot Sali Berishës është se tashmë është aleat me ata që mundi më 3 korrik të 2005 dhe unë jam sërish përballë gjithë tyre, tashmë dhe Sali Berishës.

Shqetësimi tjetër madhor i Fatos Lubonjës, i përsëritur dhe më parë, është burimi financiar i gazetës “TemA”. Dua t’i kujtoj Fatos Lubonjës, se prej 11 muajsh shtypshkronja dhe investimet e tjera të gazetës “TemA”, të cilat shkonin deri në 500 mijë euro, janë bllokuar me dhunë dhe janë shkatërruar prej qeverisë. Deri atëherë gazeta mbahej me biznesin e shtypshkronjës së saj në mënyrë modeste dhe mund të mbijetonte. Prej 11 muajsh ajo është në rrugë prej Sali Berishës, dhe thuajse ka kaluar çdo limit mbijetese. Ekipi është shkurtuar tri herë dhe tashmë ajo është më shumë një newsletter editoriale sesa një gazetë e mirëfilltë dhe e plotë pikërisht për shkak të problemeve financiare. Unë vetë punoj aty vullnetarisht dhe paguaj prej pagës sime në një medie tjetër rrogat modeste të disa gazetarëve që bëjnë të mundur botimin e saj. Në këtë gjendje skeletike që e ka katandisur qëndrimi politik i Sali Berishës ndaj medies kritike, ajo ka një buxhet aq modest, sa do turpëronte çdokënd që do ishte përgjegjës i atij projekti. Për këtë unë jam gati që nesër t’u lë me orë të tëra, nëse keni kohë, të bisedoni me financieren e gazetës dhe po deshët dhe ta administroni atë vetë për të parë nga vijnë paratë dhe sa duhen për të mbijetuar. Ajo që më shqetëson në këtë rast, është meskiniteti i tepruar, që të punosh në një medie si TV Klani, ku miliona euro shkojnë në mënyrë të paligjshme nga arka e qeverisë në xhepat e pandershëm të një botuesi të korruptuar dhe të mos të të zërë gjumi, përse nuk mbyllet një “newsletter” si gazeta “TemA”, e cila i prish gjumin qeverisë. Jo, i dashur Fatos. Në këtë gjendje që e ka çuar qeveria gazetën “TemA”, ajo nuk mbyllet më.

Ajo që mua më duket e tepërt, është se në gjithë këtë lukuni mediesh, që rrojnë, herë duke iu servilosur Ilir Metës me Edi Ramën, kur ishin bashkë në pushtet, dhe tani Ilir Metës me Sali Berishën, çuditem se si shqetësim përbën fakti se, “si ka mundësi që nuk mbyllet kjo gazeta “TemA”. Kjo është një pyetje torturuese për zotin Berisha, i dashur Fatos, dhe ty nuk të ka hije. Lëre atë t’ia bëjë vetes dhe miqve të vet këtë pyetje dhe kur të humbasin qetësinë, siç e kanë humbur shpesh këtë vit, të nisin jeniçerët e tyre të djegin makina, të rrethojnë redaksitë dhe të mbrojnë ditën banditët, që nisin për të linçuar gazetarë natën. Mos e lejo veten të vuash nga të njëjtat makthe që vuan dhe Sali Berisha për ditën kur do mbyllet kjo gazetë. Realisht nuk ke asgjë të përbashkët me të, dhe këtë gjë e them dhe e besoj. Beteja jote e respektuar kundër Edi Ramës në fillim të viteve 2000 nuk u paragjykua kurrë nga askush, as si prishje pazaresh dhe as si financim i dikujt tjetër. Është e tepërt të vulgarizosh betejën tonë për mbijetesë me paranoja që ne nuk i kemi pasur sinqerisht për ty. Ne e dimë se nuk jemi duke bërë një gazetari normale, pasi kjo s’mund të bëhet kurrë në një mjedis anormal, jo-konkurrent, dhe të korruptuar prej pushtetit. Ne e dimë se nuk jemi engjëj në betejën tonë, pasi përballë kemi djajtë.

Por jemi në luftë për mbijetesën tonë dhe si çdo luftë që nuk është mbyllur kurrë, pse ka munguar fisheku i fundit, dhe beteja e kësaj gazete me qeverinë nuk ka për t’u mbyllur kurrë për 30 lekëshin e fundit të një lexuesi, që ngrihet çdo mëngjes për ta blerë, qoftë dhe për ato pak faqe që i kanë mbetur, me një foto policësh në krye të çdo faqeje. Lëre Berishën ta përjetojë këtë makth, se ai e meriton. Ti ke bërë plot beteja për lirinë dhe pavarësisht zhgënjimit, s’ke pse zhgënjen dhe të tjerët. Na lër të zhgënjehemi vetë.

50 Komente

 Unë vetë punoj aty vullnetarisht dhe paguaj prej pagës sime në një medie tjetër rrogat modeste të disa gazetarëve që bëjnë të mundur botimin e saj............

Page te majme te jepka kjo media 0 Mero sa te teprojne me paguar edhe gazetaret qe te mbajne gjalle gazeten, shume i dobet ky artikull per nje gazetar profesionist me eksperience si Baze

Po vete me se ushqehesh O i shkreti Mero ???????????????????

 

Lubonja smund te merret fort seriozisht pasi pamvaresisht nga intelekti i tij dhe shkrimet e tij shpeshte goditura, eshte bashkeme Stefanin shembulli tipik i gazetarit inatcor e bias - qe kane hapur nje lufte konstante dhe dashakeqe me Ramen dhe qe ecin  mellogjiken me mire me Berishen sesa me ramen. E duke bere kete perhere e ne vazhdimesi behen qesharak dhe teper "predicatble".

Kjo nga ana tjeter nuk e ben Meron plotesisht drejt ne ato qe thote por per shumekush nga ne kanje kufi moral e ndares - kushdo qofte MEro, stefani apo Lubonja dhuna primitive ndaj nje personi nga bashibozuket e Berishes dhe mbrojtja e turpshme nga bicimi i Frangaj meshoke duhet te denohej pa hezitim dhe sterhollime te kota gjoja filozofike. Per te tiulla Lubonja eshte i mirenjohur dhe kjo ja ul kredibilitetin - per fate te keq.

Mero Baze te sqaroje se pari shit-blerjen e gazetes se tij nga nje biznesmen kazinoje. Si eshte e mundur qe dikush te paguaje 500 mije euro apo dollare per nje gazete fletushke dhe pas pak kohesh te ja ktheje perseri shitesit pa asnje lek?

A ka bere presion Merua ne institucionet e shtetit ne mbrojtje te kazinose se ketij biznesmeni?

Pse nuk pergjigjet Merua per denoncimet publike qe i kane ardhur nga dy institucione te shtetit, Ministria e Arsimit dhe Instituti i Sigurimeve Shendetsore qe ka tentuar te shantazhoje keta punonjes per te marre tendera dhe favore te tjera nga keto institucione?

Mero Baze, ka shume te drejte Lubonja, fushaten e shpifjeve, trillimeve, genjeshtrave e ka filluar pasi nuk arriti te merrte nga pushteti i Berishes dhe PD-se milionat dhe pasurite qe ky i synonte ne menyre te paligjshme ose te pandershme.

Pse nuk jep shpjegime se si e mori pronen me qira ne topografine ushtarake ku hapi nje biznes fitim-prures si shtypshkronje?

Pse para se ta zbonte Berisha sulmonte Topin dhe gjithe njerezit qe supozoheshin qe mbeshtesnin Topin ne PD, si Oketen etj?

Analiza e Lubonjes duhet thene qe i ka vene Pikat mbi I; nuk ka asnje beteje per lirine e fjales dhe te shprehjes, por vetem interesa te pandershme politike-ekonomike qe perplasen dhe i zbuari Mero, i mbetur ne mes te kater rrugeve, tashme ka gjetur nje padron te ri, Ramen, per te vazhduar fushaten e shpifjeve.

Problemi eshte tek 'sistemi' dhe ky 'sistem' koken dhe perdoruesin me te madh ka Edi Ramen, qe ne rrethet e gazetareve por jo vetem eshte famekeq per kontrollin dhe mbytjen e fjales se lire dhe kritikave ne media qe jane kunder tij, pse nuk e sulmon Merua edhe kete, apo nuk mund te lehe kunder padronit te ri?

Duhet falenderuar Taci qe duke ja dhene ca grushta Meros, nxori ne pah kete kalbezimin e mediave dhe botuesve-pronare te tyre qe bejne edhe si gazetare.

Incidenti Taci-Baze nuk eshte per fjalen e lire, per zerin e lire, por nje rrahje e rendomte ordineresh qe shajne njeri tjetrin ne fletushka qe botohen.

Duke pare qe flet prej amerike, eshte per te ardhur keq qe kendveshtrimi e pozicioni yt lidhur me kete ceshtje eshte ai i nje "coward-i".

Edhe pse ti mund te kesh te drejte lidhur me Bazen dhe sperdredhjet e tij nga njeri pol politik tek tjetri dhe shkrimet e tij te diskutueshme, vetem nje i marre ose person me probleme serioze me veten dhe te verteten  mund te justifikojn te tille dhune primitive dhe idiote.

Folëso, duke akuzuar Meron për pislliqe del se akuzon shtetin që s'e kap dot. Hajduti ka për zanat të vjedhi, shteti ka për zanat ta kapi, apo jo?

S'e kam kuptuar dot këtë mënyrë të argumentuari kur mbrohet shteti duke thënë se kundërshtarët janë kriminelë, hajdutë, etj. Menjëherë pas këtij argumenti vjen argumenti tjetër, pse s'bën gjë ky shtet për t'i kapur?? Në fund të fundit, kush mban përgjegjësi për të kapur kriminelët, nuk e mban kryetari i shtetit? Where does the buck stop?

 Kjo eshte Pergjigje!!!

Në fakt, problemet që ka liria ime dhe liria e shumë kolegëve të tjerë të mi për të qenë gazetarë sot, janë të ndryshme. Ato kanë të bëjnë mbi të gjitha me përpjekjet për të thënë të vërtetat tona dhe marrjen përsipër të kostos shpesh deri fizike për të mbijetuar pas këtij akti.

Lere O Mero.Na dole dhe hero i fjales se shpifjeve.A ka ndonje koleg gazetar per te cilin nuk ke shpifur me prag shtepie ?????

Edhe ata qe te mbrojten kete here thonin :"Edhe per mua ka shpifur,por nuk justifikohet rrahja".Jam i sigurte se ne vetvete thonin :"Po si e la me kaq pak ai Taci.Ta kishte rrahur mire shpifarakun" .

Leri perrallat per fjalen e lire dhe qe me pagen paguake tre gazetare te tjere.(ke harruar te shtosh edhe financieren).

Po te ishe kaq keq financiarisht nuk do te kapardiseshe neper lokalet me te shtrejta te Tiranes.

Ka kush te paguan ty tani per sherbimet qe po i ben dhe kete e dine te gjithe.

 

Po t'i dergoje nje PM Lubonjes ore Mero mos ta botoje tere kete replike krejtesisht pa shije!

Vecse nuk me duket se Mero ka ndonje problem ne parim "me pazaret me Berishen", nuk shoh gjekundi qe merret me kete ceshtje.  'Harene' mendoj se e perdor per te shoqeruar ndjenjat e viktimizimit qe e karakterizojne ne gjithe shkrimet, intervistat e daljet e tij publike per te ngjallur simpati ne masa.

Sidoqoft Lubonja  e ka lirine te cmitizoje mitet e vjetra kurse Mero ka lirine te cmitizoje mitet e gjalla.Ku eshte ai shpirti prometheian i Lubonjes i paradisa vitesh??

beteja e kësaj gazete me qeverinë nuk ka për t’u mbyllur kurrë për 30 lekëshin e fundit të një lexuesi, që ngrihet çdo mëngjes për ta blerë, qoftë dhe për ato pak faqe që i kanë mbetur, me një foto policësh në krye të çdo faqeje. Lëre Berishën ta përjetojë këtë makth, se ai e meriton

Me duket se ka lajthitur ky Meroja.

E beson vertete qe Berisha ka makthe per te.

Sa gjynah me vjen.

Skepticizmi (per te thene me te pakten) per Meron eshte i pavend.

Askush nuk ka te drejte te vendose se c'eshte shpifje, ose jo, pervec gjykates. Perndryshe kthehemi ne diktaturen e grushtit (gje qe jo domosdoshmerisht eshte e keqe per mua, po per shumicen eshte me c'duket).

Se dyti, reaksioni ndaj Meros (edhe pse i shpjegueshem) eshte i pavend. Nuk ka konsekuence logjike mes pohimit "ti ke qene me Berishen kur ai ka bere nje mije e nje te keqija" dhe pohimit "pra ti sot s'ke te drejte te tregosh se c'pislliqe ben Berisha". Eshte si te reagosh ndaj nje "pentito" te mafias qe ka vendosur te tregoje. Po te mos jene keta "pentiti" per mafian nuk do dihej shumecka, dhe nuk do qe arrestuar kush.

Se treti, askush nuk merret me ngjarjen, nje biznesmen multimiliarder me arrogancen e vet ben show ne mes te qytetit me nje njeri qe i ka te gjithe kunder, dhe ju u bekeni me biznesmenin? Aaaa, e paska ofenduar nga gruaja ky ate biznesmenin... Mendesi fshatare, mendesi xhungle.

Lubonja e ka ves te ngreje opinione mbi thashethemet e bulevardit.Nuk e kam lexu por nga pergjigja duket se dhe ne kete rast kte ka ba.

Pergjigja e Meros brilante

Me vjen me te vertete keq kur shoh se shume me flamur shqiptar kan simpati per nje njeri si Lubonja. Une kurr nuk e  kam pare kete njeri te mbroje nje argument qe nuk eshte thellesisht anti-shqiptar. Te mos flas per faktin se eshte i semure mendor. Pergjigjia e Meros eshte fantastike.

Me ben cudi fakti qe argumentat e Lubonjes jan gjithmone ne kohezion me linjen e grekeve dhe serbeve. Kush di nje argument te vetem qe provon te kunderten le te dale e ta thote, ose perndryshe te dale e te mbroje tezat serbe e greke ketu, s'eshte nevoja per ndermjetes si Lubonja.

"Berisha ka makth per mua" Mero druhegers,ne qofte se ka njeri makth per ty eshte vetem familja jote, si i therrasin cunit tek shkolla "cuni i druhengersit".

Ja o Brado, e preke Meron aty ku nuk i mban dot prindit... t'u be qejfi tani?

Nuk ishte ideja qe ta prekja por qe tja vija ne dukje se mbase nuk e di.

e djallose brad...

E djallosa? ku e djallosa,pse burre eshte Mero Baze? Vetem ne krevat tek gruaja nuk i kane shkuar,makinene ja dogjen,dru hengri,pritet rrahja e rradhes,piramide po e nxjerrin dhe ca ben ai ?gam..gam..gjithe kohes....dhe une e djallosa,me ke, me nje pleher si ai?

po c'faj ka femija o brad !!! nejse, ate me lart ta shkrova se te kam vene re qe ti, kur do, tregohesh i ndjeshem...

Pikerisht prandaj e thashe,nuk mu be qejfi qe ja tallin kalamonin tek shkolla.

 

obobo, e tmershme kjo qe thua

Se ku qendron "tmerresia" ketu nuk po e marr vesht.

Me dy pershtypje ndahesh prej ketyre dy artikujve. Prurja e te parit (Lubonjes) si kerkesa e vazhdueshme per moralitet, goditja e gazetarise si mpleksje me biznesin e piste e mafjoz, ky si suport i politikes, dhe pastaj moskohezioni i saj, e qendrimet e kesaj lloj gazetarie e cila fillon e humb besimin ne opinion, pasi shpesh nepermjet te vertetave shkruan edhe genjeshtra pikante, ose godet me pamaoralshemerine e atij qe pagon ose qe e ushqen.

Per mendimin tim qendron, dhe me vjen si pershtatje individuale ky qendrim per kete problematike te Lubonjes. Ka ne cirkulin e tij edhe idealizma, pasi ana praktike e zhvillimit gazetaresk eshte ne nje fushe ku ben pjesen ne ate qe shoqeria ka ndertuar ne pergjithesi si norme ecurie, por megjithate eshte nje klithme.

Persa i perket rastit te Bazes mjaft kritika qendrojne, dhe mjafte te tjera i ka te ekzagjeruara, por besoj se ka dashur t`i jape theksim idese se tij te pergjitheshme duke fryre "pickimin". Asgje e vecante, kete e ben edhe Baze  ne shkrimet e etij, pra per mendimin tim eshte ne karakterin mesdhetar, ku "edhe dielli ka rrezatim me te madh se ne zonen e kontinentale"!

Baze ka llogjikimin e asaj qe vjen si eksperience shumplaneshe bashkpunimi dhe jo vetem gazetareske ose opinionberse ne gazetari, por edhe si konsulent prane shtetit(edhe opozita eshet shtet). Gjithashtu ai shkruan ne pozicionet e viktimes i cili kerkon te godasi pasi e kane rrezuar, dhe merr  rolin e investigativit kur nderkohe eshte edhe ne rolin e deshmitarit te penduar. Pozitive ne llumin korruptiv. Pra pikat afrohen me moralin e Lubonjes.

Ku ndahen. Ndahen ne ate qe njeri ka patur ne duar shume para, prone gazetarie, pjesemarrez ne biseda allishverishi milionere. Pra praja nuk ka esence moralistike por pragmatike dhe materialiste. Ketu Baze fillon e qahet per mbijetese materiale(nuk eshte se nuk ka te drejte per ecurine  e gazetes), por nderkohe ai nuk arrin qe te kuptoje ose e ben me qellim, qe burimi i parase se ardhur ne nje ambient te piste vjen ere te qelbur. Duke punuar ne nje televizion( Vizion+) me financime ndertimi dhe ne mbeshtetje te kryetarit te Bashkis e se Tiranes, (qe eshte Pushtet,) i cili i paguan rrogen te cilen nuk e deklaron se sa, pasi mban edhe disa njerez me rroge, si dhe botimin ne leter dhe po ashtu ne internet ne menyre te menjehereshme, ai mbijeton duke u bazuar ne krahun tjeter te pushtetit te korruptuar( qe ai vete thote nuk i heq asnje presje atyre qe kam thene per ...).

Kjo te jep pershtypjen ose eshte e drejte te thote Lubonja qe Baze eshte pozicionuar ne krahun tjeter  te pushtetit te korruptuar per perfitim material, dhe jo ideale gazetareske te moralit te shkaterruar( si pendese), ose per te shkaterruar sistemin korruptiv, klanor, mafioz te kryeministrit.

Me dy pershtypje ndahesh prej ketyre dy artikujve. Prurja e te parit (Lubonjes) si kerkesa e vazhdueshme per moralitet, goditja e gazetarise si mpleksje me biznesin e piste e mafjoz, ky si suport i politikes, dhe pastaj moskohezioni i saj, e qendrimet e kesaj lloj gazetarie e cila fillon e humb besimin ne opinion, pasi shpesh nepermjet te vertetave shkruan edhe genjeshtra pikante, ose godet me pamaoralshemerine e atij qe pagon ose qe e ushqen.

Per mendimin tim qendron, dhe me vjen si pershtatje individuale ky qendrim per kete problematike te Lubonjes.

Keiendi.

Lubonja i bie ne te nejten vryme, dhe me vjen keq qe ti qe je anetar i respektuar ne kete blog dhe qe zakonisht argumenton llogjikshem ne kete blog, behesh nje viktime e argumentave manipulative te pseudo-analisti manipulativ.Rasti i Bazes ka aktore konkrete, akuza konkrete, agresore konkrete dhe viktima konkrete. Ketu fillon dhe mbaron e gjith meseleja, nuk duhet te lejojme askend te dale nga kjo. Lubonja eshte pjese e propagandes te Klanit, megjithese hiqet si nje ze i pavarur, propaganda e tij eshte poaq djallezore, dhe poaq jo-profesionaliste dhe idiote sa te gjitha qe dalin nga mediat shqiptare, me vjen keq qe nuk e ke kuptuar. Edhe njeher po e them qe ai po gjeneralizon nje problem qe duke u gjeneralizuar humbet berthamen, akuzen, kunder-akuzen, viktimen konkrete, agresorin konkret. Me vone Lubonja perpiqet te hedhe balte mbi Bazen duke perdorur si klishe prishjen e pazarit me Berishen.

 

Ndahen ne ate qe njeri ka patur ne duar shume para, prone gazetarie, pjesemarrez ne biseda allishverishi milionere.

Ndersa per kete as ti as Lubonja nuk keni asnje prove apo edhe argument bindes qofte, Baze ne shkrimet e tij ka leshuar akuza konkrete. Pra ti filozofon mbi vertetesine dhe superioritetin moral te nje hamendesimi kunder nje akuze konkrete me argumenta konkret te mjaftueshem per gjyq? Me vjen keq qe mendon keshtu.

Ne pergjithesi shoh nje tendence nga ana jote per te qene anti-Baze ne kete debat, duke analizuar filozofirat pergjithesuese dhe hamendesuese te Lubonjes, qe skan asnje baze konkrete llogjike, dhe hedh poshte ose nuk merresh me ato qe shkruan Baze qe jane llogjike, por edhe konkrete ne terren.

Te ftoj te pyesesh vehten perse eshte pikerish ky Lubonja qe gjat zgjedhjeve ne Shqiperi u be pjese e mashtrimit massiv publik dhe presionit masiv psikologjik kunder popullit opozitar ne televizionin KLAN, duke bere analizat e HUMBJES TE THELLE te te majtes shqiptare PA FILLUAR ENDE VOTIMI? Te mos flas fare per fyerjet skandaloze kundrejte shqiptareve qe ka bere ne shkrimet e tija dhe ne debatet ne televizionin KLAN ku ka marre pjese, sa here i eshte dhene mundesia.

Edhe njehere per here te fundit, Lubonja perdor vetem nje argument sa here e hap sqepin, qe nuk ka fajtore konkret ne Shqiperi, fajin e ka populli shqiptar. (qe per arsye te ndryshme nga ato qe propagandon ai, mund te isha edhe une dakort). Fajet konkrete, kur jan kunder atyre qe nuk i intereson Lubonjes kthehen ne faje kolektive, gjeneralizohen ne menyre qe te mos kete fajtore. Me vjen vertete keq qe ketu ka disa qe flasin me nota pozitive per kete pseudo-intelektual, kete skizofren te semure.

Per mua, topi eshte ne porten e prokurorise.

Akuza apo shpifje, cfaredo qofshin ato qe ngre Baze, jane shume te renda per t'u injoruar nga prokuroria, jane shume te renda per te mos u marre parasysh, per te mos u bere objekt hetimi/hetimesh te menjehershem!

Nese duhet nje dite te vihet drejtesi ne ate vend, dikur duhet drejtesia te thote fjalen e vet.

Gjeja qe s'arrij te kuptoj kurre eshte se si mund te trajtohet keshtu populli... si eshte e mundur qe nuk vihet kurre drejtesi aty? Si ka mundesi qe asnjehere nuk mbahet mend, qe per nje ceshtje te rendesishme te jete vene drejtesi aty?

Nga leximi shkrimit te Lubonjes kuptoj se gjithe shqetsimi eshte nese mund te rezultoje e paster nje kauz kur ajo mbartet  nga njerez me "moral te piste" .Sipas Lubonjes fakti qe M.Baze dikur ishte rreshtuar perkrah Berishes ndersa sot ndodhet perballe tij "per shkak te prishjes se pazareve " delegjitimon betejat mediatike te Bazes.Duke cvendosur problemin ne terrerenin etik , Lubonja nuk na thote nese ceshtjet qe ngre Baze jane ne interes te publikut por i largohet pozicionimit duke na kujtuar se per keto vendosin gjykatat ! Kjo eshte nje gjuajtje  e mire e topit ne  porten pa portier.

Argumenti i  dyte i  Lubonjes ndertohet mbi faktin se mediat jane selektive dhe gazetaret e rreshtuar ne kampet kundershtare godasin ne menyre selektive (qente lehin atje ku u japin per te ngrene) Liria e shprehjes sipas Lubonjes eshte reduktuar ne gjysem te verteta dhe goditje behen selektive, sipas interesave te gazetareve te atashuar ne kampet respektive pozite-opozite. Goditja, vazhdon Lubonja, duhet dhene ne 360 grade pasi korrupsioni dhe pislleqet e tjera jane sistemike. Kjo tingellon mjaft prometheniane dhe Lubonja ketu nenkupton veten, ndersa perballe tij i gjithe sistemi i korruptuar! Kjo mua nuk me thote asnjegje. Kjo logjike e kritikes totale ndaj sistemit merrte nje vlere prometheniane vetem ne kushtet e sistemeve totalitare. Sistemi kapitalist nuk eshte ndertuar mbi nje dogme. 

Betejat e kritikes kane ne thelb menyren e qeverisjes. Te thuash se Berisha dhe Rama jane antropollogjikisht te njejte (spekulim ne fakt ) dhe me kete te justifikosh kritiken 360 grade - eshte menyra me elokuente per te justifikuar kompromiset etike me ndergjegjen e intelektualit qe meton te jete i pavarur.

Te thuash "njeriu eshte i keq nga natyra" eshte nje pozicion komod por provo te ulesh ne tavoline me dike dhe ti thuash: ti zotri je i keq nga natyra . Prandaj fillozofimet e Lubonjes me ngjasojne me debatin e mesjetes ndermjet nominalizmit dhe realizmit.

Keshtu pra Z. Lubonja para se te merreni me njeriun, merruni me Sokratin!

spiritus

Me duket se po perpiqesh te gjesh filozofi aty ku nuk ka. Lubonja nuk eshte filozofik ne argumentat e tij, ai thjesht perdor nje numer te njohur, qe eshte pergjithesimi i nje pergjegjesie qe eshte konkrete. Gjithmone vetem aty ku i intereson atij ama!

Tani, sa per sqarim, se shoh qe po ka nje reaksion ndaj Lubonjes. Lubonja patjeter qe ka te drejte ne shkrimin e vet qe kerkon sqarim nga Mero, eshte normale qe Mero pas gjithe CV-se qe ka te shihet minimalisht me dyshim.

Ama, Mero, me qendrimin e vet sqaron, pa reaguar. Perkundrazi, ai vete i jep te drejte Lubonjes here pas here.

Nuk jane kundershtare ne kete debat, dhe nuk perjashtohet mundesia qe te kene te drejte te dy.

Sa per nocionin e luftes 360 grade, joselektive etj etj, ky eshte nocion romantik. Njeriu eshte i kufizuar ne kohe, ne hapesire e ne mundesi, e per te arritur te beje dicka duhet te vendose prioritete. Kjo eshte praktikisht qe t'i kerkosh nje ushtari qe te mos i qelloje nje armiku, por te gjithe armiqve nje heresh. Gje qe eshte e pamundur.

Lufta 360 grade merr kuptim vetem ne filozofi, kur i behet kritike sistemit, dhe refuzohet gjithcka e tij (filozofikisht). Por nuk behet fjale per kete rast.

Ma boj hallall o plak se po duket sikur po t'gjimoj. Po sapo ngacmove nje tjeter merak timin me ket luften 360° Kete kam menduar dhe une per te gjithe ata qe ne perpjekje per te eleminuar si te keqen me te madhe ashtu dhe ate vetem pak me te vogel zgjedhin te abstenojne. Ndotin profanen me te shenjten. Se dihet qe ne profanitet e Keqja me e madhe dy capa e ka te Keqen me te vogel. Dhe si perfundim s'ka bir none me i dal para heres tjeter. Te keqes me te madhe. S'ka me as evolucion keshtu, qe eshte me i ngadalte edhe se nga nje film i tarkovskit.

Kete pune e kane ngatarruar gomeret qe thone: zgjidh te keqen me te vogel. Ky eshte nje mentalitet tipik skllavi. Zoterinjte zgjedhin vetem te luftojne dhe zgjedhin si kundershtar te keqen me te madhe REALE pa e vrare mendjen se me pas do bien nen nje tjeter skllaveri qe duhet luftuar nga e para. Keshtu e bejne zoterinjte.

Qysh paska te drejte te kerkoje sqarim nga Meroja? Kush eshte Lubonja qe kerkoka sqarim??? Pse ja kepusni kot me kot?

Te drejte per sqarim duhet te kete prokuroria dhe drejtesia shqiptare.

Me te verteta apo shpifje, Meroja po i bie nje kembane qe eshte idjotesi ta injorosh.

Nese institucionet nuk vene drejtesi per aktivitetin e Meros, atehere po thuhet hapur qe populli duhet te marre vete drejtesine ne dore. (vetedrejtesi)

Akuzat qe ngre ai jane shume te renda; vetem imagjinoni sikur (SIKUR) te jene te verteta!!! Nese kjo nuk eshte aresye per t'u alarmuar, une nuk shoh se c'mund te jete. Eshte bere e udhes qe popullit, edhe kur ka ndonje lajm me te vertete te rendesishem, t'i terhiqet vemendja te thashethemet, te arritje fiktive, te zhvillime fiktive; t'i vriten lajmetaret, t'i rrihen tellallet... Po kaq eshte aresye per t'u alarmuar injorimi total qe i behet shkrimeve te Meros nga institucionet qe supozohen te perbejne kolonen e 3 te pushtetit ne Shqiperi; - sistemin e drejtesise.

Mire ne shkrimet e tjera po llafoseshim per ate qe i kish ngjare Meros, dhe normale qe dikush do ta quante te drejte e dikush skandaloze... por edhe per kete shkrim u dashka marre me Meron dhe jo me shkrimet, akuzat, veprimtarine e tij dhe heshtjen totale te prokurorise dhe drejtesise Shqiptare???

skandaloze edhe nga ju peshqit.

Ne populli presim nga ju,nga ata qe te shkallet e nevojave  ca shkalle i kane hyp edhe mund te merren njecik edhe me hallet tona

Prokuroria sduhet te merret  vetem me hajdutin e rradhes opo me studentin e javes me 5 gram hashish ne xhep

Krimi i jakave te bardha luan me buken e gojes se qindra familjeve

nqs Baze denoncon dicka prokuroria e ka per detyre te hetoje ose pendryshe te penalizoje meron per shpifje ,ky injorim qe i behet verteton ato qe ai denoncon ,ska kuptim tjeter

 

Ketu ceshtja qe shtron Lubonja eshte shume e thjeshte: a eshte i shqetesuar Mero Baze per informimin korrekt dhe te vertete dhe kritiken apo dhe kontrollin si pushtet i katert ndaj pushteteve te tjera apo eshte nje shpifes dhe hipokrit qe hidhet nga njeri krah tek tjetri i oligarkise (per te cilen Lubonja ka folur shume) per shkak perfitimesh financiare te paligjshme?

Mero Baze ne te gjitha rrethanat eshte pikerisht kjo e fundit, nje shpifes gjithmone ne funksion te perfitimeve te tij te marra apo te mbetura ne tentative, sigurisht te paligjshme dhe te pandershme qe ka nxjerre apo tentuar te nxjerre si pjese e "sistemit" media-biznes-politike.

Selektiviteti i sulmeve eshte nje argument shume i forte qe ky person qe turperon profesionin e gazetarit, eshte i dsponueshem per padronin e pare qe del pas atij te fundit. Nuk ka parime dhe interes publik, por sherbim ndaj "sistemit" edhe duke u percudnuar me sherbimin qe tani i ben Edi Rames per te cilin ka thene ne fletushken e tij te gjitha te zezat e kesaj toke.

Edi Rama eshte koka e "sistemit" media-biznes-politike, duke blere pronare mediash me tendera dhe favore te tjera nga pozitat e kryebashkiakut te Tiranes dhe qe deri para pak kohesh ka folur edhe vete Mero per keto, pse tani nuk ka nje kritike te Meros per Ramen? Nuk ka sepse Mero tani eshte pjese e blerjes nga Rama. Argumenti? E pranon edhe vete Mero qe me rrogen qe merr ne V+ paguan edhe gazetaret e tjere, nderkohe qe lidhja media-biznes-politike eshte ashiqare tek ky televizion qe ka pronar nje ndertues klient te Rames.

Sol nuk po them se jane kundershtare per jete a vdekje.Njeri qellon me grusht sade, tjetri perdor doreza te pambukta. Njeri mbase ka qelluar dhe qellon poshte mesit nganjehere apo kur ja do zanati, tjetri qellon drejt e ne koke...por jo te kokes se x personi  por ne "koke" te problemit qe ngre. Ne nje kendveshtrim plotesojne njeri tjetrin.

Lubonja ka vlerat e tij qe ja njoh (nuk jam instance, thjesht flas si qytetar) ne analizat me filozofike, me pergjithsuese me ndricuese do thoja  per politiken, sistemin, partite, kulturen,mitet etj.  Por Lubonja eshte i padrejte kur mundohet te delegjitimoje pozicionet dhe betejat e mediatike te Meros. Nuk po them "te vertetat e Meros", po flas per pozicionime, analiza dhe akuza te ngritura ndaj nje targeti konkret ne kete rast kryeministri, qeveria, ministra dhe klanet rotull tyre.

Atehere une pyes: ne betejat politike midis pozites dhe opozites kur njera pale presupozon se qeveris ne te mire te publikut kurse tjetra akuzon se po demtohen interesat  publike, si thu ti, kush eshte pragmatikisht me i dobishem, diskutimi mbi seksin e engjejve dhe thelbin e qenies apo nje dyshim, makar nje akuze e tipit: ky engjelli konkret nuk me duket krejt engjell?

Lubonja mbase ka te drejte per probleme etike, konsitencen ne mbrojtje te nje kauze, kulturen e gazetarise etj. etj. por pls ne nje terren  me lluce deri ne gju a mund te ecesh pa u bere me balte?

po te ecim me logjiken dje ishe kunder x sot je b..th e brek me te, atehere Lubonja le ti drejtohet I,Metes.

Lufta ne front  360 grade per Lubonjen do te thote Berisha eshte i keq por mos shpresoni as te Rama qe eshte me i keq. Kujt i sherben ky qendrim medemek simetrik? Konkluzionet nxirri vete i nderuar. Nuk ka asgje te keqe qe Lubonja te pozicionohet dhe te mbroje kauzat e qeverise por kjo beteja kunder te gjitheveper te krijuar pershtypjen e indipendences intelektuale mua me tingellon si nje kompromis me ate qe ka pushtetin.

Lubonja ka vlerat e tij qe ja njoh (nuk jam instance, thjesht flas si qytetar) ne analizat me filozofike, me pergjithsuese me ndricuese do thoja  per politiken, sistemin, partite, kulturen,mitet etj.

Te lutem a mund te shtjellohesh pak me teper per sa ke thene me siper?

o plako  nqs eshte dikush shpifes duhet tja myllesh gojen edhe ta besh shembul per te tjeret qe te mos shpifin,po kete duhet me  e bo duke ja nxjerr ne pah shpifjet jo kshu kot ai shpif ai shpif

edhe nqs i vertetohen shpifjat  me i dhone denimin si mas ligjit

po tashi kjo ehte tallje byce me njerezit sepse na jep edhe ne tetjereve shembullin e keq qemudn te shpifesh ene ste gjen gjo shum shum naji grusht nga najoni

ose  te denohet per shpifje ose te vertetohen at qe thote,tashi prokuroria nqs e injoron spo on punene e vet edhe menja ku ste shkon

per mua baze spo ankohet po  po i jep njefar shpjegimi pytjeve te lubonjes

baze thote gjithashtu qe kushdo eshte i interesum mund te shfletoj bilancet e  gazetes

shteti ka faj se po na le ne vete ti zgjidhim problemet me menyrat  tona

ne vend qe ti zgjidhi ligji.Nqs vepron ligji edhe tutela e ligjit ,si shpifjet si denoncimete  bazes do ishin zgjidh edhe skishte nevoje per hamendesi komente mas komentesh keqkuptime etj kudh mund te perfitoje nga kjo gjo  une se di

Unë vetë punoj aty vullnetarisht dhe paguaj prej pagës sime në një medie tjetër rrogat modeste të disa gazetarëve që bëjnë të mundur botimin e saj.

...

Jo, i dashur Fatos. Në këtë gjendje që e ka çuar qeveria gazetën “TemA”, ajo nuk mbyllet më.

Hajde argument hajde, unë vë bast që gazeta mbahet nga fitimet e sjella nga një perpetuum mobile makinë që ka shpikur z. Baze.

 

Nuk zgjidhet cdo gje ne gjykate, sidomos ne keto tonat qe kemi gjithe keto akuza dhe kritika dhe kjo ka nje te keqe tjeter, pasi nese gjykata do ta denonte Meron, do te vazhdonte propaganda se qeveria urdheroi gjykaten ta denoje dhe jo se ky person shpif. Jemi ne nje rreth vicioz. Prandaj shqetesimi i Lubonjes duhet mbeshtetur pasi ne njefare menyre mundohet t'i jape zgjidhje ketij problemi, pastrimin aq sa mundet te medias nga keta lloj gazetaresh qe jane pjese e "sistemit" dhe qe i sherbejne atij ne varesi te pazareve dhe perfitimeve te paligjshme financiare.

Ndersa per tifozet e Rames qe sot mbeshtesin Meron se po na beka "gazetari te forte", jam gati ta pranoj kete nese e pranojne se te gjitha ato qe ka thene Mero kur bente "gazetari te forte" kunder Rames jane te verteta. Nese behet kjo atehere ka sens, ne te kundert kjo eshte pune propagande, sot qe eshte me mua e besoj, dje qe ishte kunder meje nuk e besoj. Ikni mer trushpelare te Rames se eshte turp te ju hipnotizoje nje person si Rama.

Kur i gjithe argumenti eshte nje fiasko dhe pergenjeshtrim i vetvetes,nuk ka arsye ta kundershtosh.

Në këtë gjendje skeletike që e ka katandisur qëndrimi politik i Sali Berishës ndaj medies kritike, ajo ka një buxhet aq modest, sa do turpëronte çdokënd që do ishte përgjegjës i atij projekti. Për këtë unë jam gati që nesër t’u lë me orë të tëra, nëse keni kohë, të bisedoni me financieren e gazetës dhe po deshët dhe ta administroni atë vetë për të parë nga vijnë paratë dhe sa duhen për të mbijetuar.

Të kishte gazetari të vërtetë në Shqipëri, Lubonja (apo dikush tjetër) do ta pranonte këtë ftesë. Madje do të çohej deri në fund duke gjetur e publikuar se sa janë të ardhurat, nga vijnë këto të ardhura, a janë të deklaruara për TVSH nga të gjitha palët, sa janë shpenzimet, sa janë fitimet, a fitojnë dot bukën e gojës të punësuarit me atë rrogë, a ia vlen të mbahet biznesi me atë fitim, etj.

Eshte shume e veshtire te kuptosh Meron pasi Berisha i ka hedhur ne tave  te gjithe, edhe Klanin ku edhe Lubonja ha nje cop buke,eshte bere keq per pune!Por kush eshte Berisha dhe kush jane gazetaret,le ta rrishikojme edhe njehere Berishen,kete radhe ne BBC...edhe ketu ai kerkon te hedh hi syve,e jo me ne Shqiperi,a e kuptoni ju?E kap dot gazetarja Berishen!??!http://www.youtube.com/watch?v=S15G_saxChQ 

 

prestigji1; "....Ka kush te paguan ty tani per sherbimet qe po i ben dhe kete e dine te gjithe..."  

 

Une nuk e di, mund t'ma thuash Prestigjo.   Di gjo njeri se kur e ka hapur numrin e pare te Temes, Merua. 

Pjero.Nuk e di ti kush ja bleu gazeten 500 mije euro dhe ja shiti 10 mije euro?

 Prestigjo, si ta dij une, kur jam jashte ne Belgjike, dhe te vetmen kontakt seç ndodh ne Shqiperi, e kam nepermjet Peshkut. Dikur kur isha me social, seç ndodhte neper Shqiperi, e shihja dhe nepermjet Shekullit e gazetave te tjera, por tani s'kam kohe, shoh vetem Peshkun per te marre vesh seç ndodh ne Shqiperi. Ti nese di gje ma thuaj dhe mua dhe shqiptarve te tjere qe nuk jane dhe aq ne korent te gjerave qe ndodhin ne Shqiperi. 

Nuk paskom nerva me lexu me shume se dy paragrafe e as komentet (me falni), po me aq sa lexova me vijne ne men dy batuta :

1) Shoku Mero ju lutem pergjigjen e pyetjes!

2) Po ty pse te dogji mer te keqen xhaxhi?

 Prestigjo1, ku je more djale, kur do te me pergjigjesh. 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).