Mitingu i madh i një kauze të vogël

Po si mund të quhet kauzë e vogël kërkesa e drejtë për hapjen e kutive që ka të bëjë me lirinë themelore  në demokraci, atë të votës?, - mund të protestojë me të drejtë shumëkush. E megjithatë fakti që kërkesa e opozitës për hapjen e kutive është e drejtë nuk e bën atë një kauzë të madhe. Natyrisht që opozita ka të drejtë që ngulmon tek hapja e tyre. Natyrisht që justifikimet e Berishës për mos të hapur kutitë janë pallavra që nuk i beson as ai vetë. Por e vërteta është se kutitë e mbyllura e kanë bërë pis, por nuk e kanë deformuar në thelb vullnetin e elektoratit. E vërteta është se Partia Demokratike dhe LSI së bashku kanë më shumë vota sesa PS-ja. Dhe këtë e ka pranuar edhe vetë Rama kur akuzoi LSI-në se trafikoi 80,000 zemra të majta, djathtas. Ndaj hapja e kutive ndonëse është një kauzë e madhe për liderin e Partisë Socialiste është një kauzë e vogël për demokracinë shqiptare në përgjithësi. 

Sot në vitin 2009 rreziku kryesor për demokracinë shqiptare nuk është mungesa e zgjedhjeve të lira dhe të ndershme.  Rreziku kryesor për demokracinë shqiptare sot është thjesht mungesa e zgjedhjes, si politike ashtu edhe morale. Pikërisht këtë fenomen nxorën në pah dhe thelluan edhe zgjedhjet e fundit. Së pari ato treguan mungesën e zgjedhjes si politike ashtu edhe morale mes dy apo tre ofertave kryesore. Si Berisha, si Rama ashtu edhe Meta në thelb janë kthyer në liderë që vijnë në pushtet për tu pasuruar personalisht dhe për t’i shpërndarë favore klientelave përkatëse nën parullën tashmë bajate të integrimit euro-atlantik. Së dyti, produkti i zgjedhjeve të fundit ishte një puç ndaj moralit të mbetur të skenës sonë politike. Këto zgjedhje risollën në pushtet qeverinë e Gërdecit jo vetëm me Berishën kryeministër por edhe me Mediun ministër. Dhe kjo ndodhi jo sepse populli votëbesoi Berishën, por sepse Berisha i mori Ramës Metën. Kaq. Pasojat e gërmadhës morale që kemi sot në pushtet (për të përdor një shprehje opozitare) janë edhe skandalet pafund që përditë nxjerrin në pah pasurimin e familjes kryeministrore apo të klientelës përkatëse. Këto fenomene nuk kanë të bëjnë thjesht me çështjen e kutive. Dhe këtë e kupton mirë edhe Edi Rama që ndonëse nga njëra anë kërkon hapjen e kutive në miting flet për imoralitetin dhe korrupsionin e familjes kryeministrore dhe të sistemit aktual të qeverisjes.  
Edhe nëse kutitë hapen nesër dy handikapët kryesore të skenës sonë politike, mungesa e alternativës dhe e moralit politik do mbeten. Është koha që të zgjohemi nga ideja naive se zgjedhjet e lira dhe të ndershme janë çelësi magjik që do ta pasurojë dhe pastrojë skenën tonë politike. Ato janë një kusht i domosdoshëm por jo i mjaftueshëm. Zgjedhjet e fundit treguan se sistemi aktual i qeverisjes është i aftë ta riprodhojë veten edhe me zgjedhje të lira dhe të ndershme. Lidhja media – biznes – politikë kombinuar me mungesën e çdo skrupulli publik që buron nga degradimi moral i skenës sonë politike mundëson çfarëdolloj aleance për të mbajtur apo marrë pushtetin. Në kushte të tilla nuk ka rëndësi se çfarë i ke thënë apo se çfarë i ke bërë elektoratit. Nuk ka rëndësi se në çfarë skandali je përfshirë apo sesa jetë njerëzish ka marrë një përfshirje e tillë. Nëse je në koalicionin e duhur në momentin e duhur mund të rrish apo të vish në pushtet edhe me zgjedhje të lira dhe të ndershme. Kjo nuk do të thotë që ne nuk duhet të synojmë dhe kërkojmë zgjedhje të ndershme dhe të lira.  Çështja shtrohet që sot në krahasim me dje demokracia shqiptare është shumë më pranë zgjedhjeve të lira dhe të ndershme dhe shumë më larg moralit politik të një shoqërie demokratike. Në këto 20 vite kemi një degradim të vazhdueshëm të moralit qeverisës, me gjithë përmirësimin e vazhdueshëm të procesit zgjedhor. Vetë aleanca Berisha–Meta, e paraprirë nga aleanca Nano-Berisha, është kulmimi më i qartë i këtij degradimi. 
    Në këto kushte sfida kryesore me të cilën përballet demokracia shqiptare sot nuk është hapja e disa kutive që do tregojnë se vullneti i elektoratit është bërë pis. Problemi kryesor i demokracisë shqiptare sot është mungesa e një standardi minimal në mënyrën se si ushtrohet pushteti për qëllime thellësisht personale në kurriz të qytetarëve. Këtu duhet kërkuar edhe pjesëmarrja masive në mitingun e opozitës; tek pakënaqësia në rritje me mënyrën shpesh të paturpshme se si ushtrohet sot pushtetit në Shqipëri. Dhe shembulli më revoltues në këtë aspekt nuk është mbyllja e kutive por mbyllja e çështjes së Gërdecit. Ishte Gërdeci ai që hodhi në erë çdo standard moral të qeverisjes. Ishte Gërdeci ai që kërkonte jo vetëm demonstrata masive, por edhe ultimatume për dorëheqjen e kryeministrit përballë Watergate–it shqiptar.  Këto ultimatume nuk u bënë dje jo sepse mungonte zemërimi popullor por sepse mungonte interesi i Ramës.  Ashtu sikurse ultimatumin për rrëzimin e qeverisë sot për një çështje shumë më të vogël se Gërdeci dje, Rama e bën për të shpëtuar karrierën e tij politike. Ama midis kauzës së vogël të Ramës për hapjen e kutive nëpërmjet së cilës ai synon të qëndrojë në krye të PS-së dhe mitingut të madh opozitar që shpreh revoltën me mungesën e moralit qeverisës ekziston ende një hendek i madh. Që ky hendek të mbyllet opozita duhet të synojë jo vetëm vendosjen e një standardi elektoral siç është hapja e kutive, por mbi të gjitha vendosjen e një standardi moral në mënyrën se si qeveriset. Një standard që nesër duhet të kufizojë edhe degradimin e opozitës nëse ajo vjen në pushtet. Përndryshe rotacioni i pushtetit nëpërmjet zgjedhjeve të lira do vazhdojë të shoqërohet me degradimin e tij. Prandaj le të shpresojmë që pas një mitingu të madh opozita do arrijë të gjejë edhe një kauzë të madhe që nuk kufizohet nga karriera politike e liderit të saj.

60 Komente

Jane interesat, egua dhe "vullneti per pushtet"  i lidereve ambicioze ato qe shtyjne perpara kauzat e medha. Kauzat e medha si LIRIA, DREJTESIA, MORALI do te mbeten gjithmone slogane abstrakte nese ato nuk mbushen me aksione per "ceshtje te vogla" si Gerdeci, kutite, rruga, Armo etj. etj. Ndryshimet e vogla pergatisin ditet e medhasmiley

Është koha që të zgjohemi nga ideja naive se zgjedhjet e lira dhe të ndershme janë çelësi magjik që do ta pasurojë dhe pastrojë skenën tonë politike.

jo nuk jane, por ti provojme njehere ti bejme pastaj flasim  smiley

Që ky hendek të mbyllet opozita duhet të synojë jo vetëm vendosjen e një standardi elektoral siç është hapja e kutive, por mbi të gjitha vendosjen e një standardi moral në mënyrën se si qeveriset.

Duke besuar se kjo eshte parrulla qendrore e shkrimit tend, une them qe ti Kajsi je duke e dredh me lezet muhabetin smiley   Cka duhet te beje opozita qe te na binde se ka synim vendosjen e standadit moral? I cike me konkretisht per popllin e thjeshte si puna ime please ??

Megjithate, respekte per strukturen dhe shtjellimin, je nder me te saktet e me te qartet.

Me pelqeu kalimi i i te gjykuarit mbi fenominin por konkluzioni me duket dhe ai naiv. A mundet qe nje opozite e pamoralshme te mbjelle moral ??

hmm smiley kam frike se Jo Jo dhe Jo.

Do vijohet te ecet me paterica derisa the outsiders do te transformojne  kerkesat e PS qe nje dite do te vijojne te njejten proteste por me nje kerkese krejt NDRYSHE tashme per te arritur nje  vize hyrjeje ne shengenin parlamentar.

 

smiley

po praaaaa  smiley

A mundet qe nje opozite e pamoralshme te mbjelle moral ?? 

pyetja duhet : a sjell morali mireqenie ?

pasi qe njerezia luftojne sot (dhe dje) per mireqenie dhe jo (domosdosmerisht) per moral. aq me teper kur e dime qe morali i nje shoqerie borgjeze (ne themel te te ciles eshte fitimi ose siç e ka vene ne dukje marksi, mbivlera) mbetet i dyshimte. 

a quan ti mireqenie mungesen e moralit ?!

 ç'rendesi ka mi goc sesi e quj une. ai robi qe ka shkruar artikullin nuk e ka shkruar per mua, por per tere miletin (ose shumicen). e mileti (sidomos ai shqiptar) perpiqet per mireqenie, jo per moral.

keshtuqe  ai gazetari perpara qe te na tregoje se preokupimi yne ne jete, ose i partise se tij, duhet te jete morali, duhet te shpjegoje edhe se a ndikon ky tek shtimi i mireqenies. se ndryshe po nuk ndikoi, eshte pese me hiç, kur i thone.

ketu ta kisha llafën unë. smiley 

si dhe diçka, mireqenia eshte me shume MATERIALE, ndersa morali eshte me shume NDERGJEGJE. e para eshte shume e lehte te perkufizohet, ndersa e dyta eshte shume me e veshtire per tu bere.

mireqenien e nje pasaniku e dallojme shume me lehte sesa moralin ose ndergjegjen e tij. etj, etj. prandaj dhe njerezia preokupohen me shume per te paren sesa per te dyten. 

ndersa sipas gazetarit e dyta eshte kryesorja. ne fakt atij bufi, nuk i ka shku hala mendja tek mireqenia  tek materialja (dmth si e shtjellova une punen). shkrun robi teorira me tregu qe ja thote lapsit.

hajdaro se Je n'ai pas le temps

Ti nuk e kupton se behet fjale per moral te nje rangu tjeter  qe quhet moral politik,  kupton ti? Dmth ne kete rast aty ku nuk ka ndarje te qarte pushtetesh mungon morali pasoje mungon respektimi i te drejtave te njeriut, pasoje qeverisemi nga oligarket pasoje  ngadalesim rritjeje ne ekonomine qe si pasoje ben materien  smiley miiireee e kuptove njashti!!

Ne nivelin e moralit te partise meme chose, mungesa e moralit ben qe kjo parti te jete prone private e nje autokrati qe mund te quhet Rama apo Berisha smiley  etj etjetj se  je t'ai dit je n ai pas le temps !!

 

¨Pra mos me fol me rubla kur tregetia behet ne €

    gjithmon nese u bera e kuptueshme per ty smiley

ajo qe kerkohet jane zgjedhje te lira e te ndershme.

Ky togfjalesh permbledh tre koncepte-standarte te domosdoshme.

A. Zgjedhje - pra prezencen e disa alternativave

B. Lirine - pra mundesine qe te votojne te gjithe, si te duan

C. Ndershmerine - pra garancine qe nuk blihen komisionere, nuk vidhen vota etj etj.

Renditja kuptohet qe eshte prioritare. Pra dy mbiemrat e fundit thjesht specifikojne cilesite e emrit te pare, dhe nuk mund te qendrojne pa te.

Per konsekuence, per sa kohe nuk ka zgjedhje, ne shqiperi nuk ka per te pasur zgjedhje te lira e te ndershme, as te shtrenguara e te pandershme.

ore nese ti nuk shef ndryshim mes njerit dhe tjetrit dhe prej kesaj del ne perfundimin qe s'ka c'te duhen dy te tjerat, eshte problemi jot. Ne te tjeret qe jemi nja 1 milion e gjys shqiptare e shofim ndryshimin dhe prandaj shkojme e votojme. Pra lirine e ndershmerine e zgjedhjeve e kerkojme.

po te pakten ti dy dhe dy i ben kater ndersa ky pjeshkellonja pasi na thote qe zgjedhjet u bene pis vazhdon me s'ka gjo se un jam shum i zgjut kam fuqi te mbinatyrshme parashikimi dhe e di qe s'do kishte ndryshu rezultati. Idiot mer ti kok e kembe edhe nje e nje bejne dy s'nxjerr dot. Pastaj kur thote qe mos lufto per zgjedhje te lira po per te ndryshuar moralin e politikaneve tejkalon edhe vete lubonjen hyjnor. Idiot mer idiot. Une si popull i thjeshte si organizohen nje pale zgjedhje te lira edhe mund ta di po si mund te ndryshohet morali i tjetrit se kam mor vesh noiher. E vetmja gjo qe du dhe qe eshte dhe thelbi i demokracise eshte qe te kem te drejten te zgjedh mes njerit me moral me te mire ndaj tjetrit me moral me te keq si te ma medoj kjo mendja ime. Kaq du. Po normalisht specia e pjeshkellonjes kete e quan Kauz te Vogel. Banalitet.

Sa banal qe jane keta njerez o Lubonje

Te jape te drejte ne llogjiken qe perdor. Edhe une pak a shume keto po mendoja kur lexoja Kajsiun.

  1. Natyrisht që opozita ka të drejtë që ngulmon tek hapja e tyre. 

  2. Natyrisht që justifikimet e Berishës për mos të hapur kutitë janë pallavra që nuk i beson as ai vetë. 

  3. Por e vërteta është se kutitë e mbyllura e kanë bërë pis, por nuk e kanë deformuar në thelb vullnetin e elektoratit.

  4. E vërteta është se Partia Demokratike dhe LSI së bashku kanë më shumë vota sesa PS-ja

 

Pse kshu?

Kajsiu i pergjigjet keshtu kesaj pyetje:

Dhe këtë e ka pranuar edhe vetë Rama kur akuzoi LSI-në se trafikoi 80,000 zemra të majta, djathtas.

 

HAHAHAHAHA!!!!

Sa m'vje me qesh me k'to analistet shqiptare!

Ti vete the o vlla! E the!

Pika 4, pra qe Ed Rama E THA VETE, i ezauron te tera pikat e tjera! Edhe qe Sala i ka pallavra, edhe qe opozita (vrej k'tu se si na siguron ketu qe nuk eshte me Salen ky) ka te drejte te protestoje! smiley

Next non-biased editorial!

Tos Nuk-Votova-Te-Shikoj-Nese-Do-Votoj-Me-Vone Lubonja, perhaps?

Sala vjedh, po Ed Rama del lakuriq!

Eshte me i rrezikshem, se i ka syte e caplym si psikopat! Plus qe flet me llafe t'nyta! smiley 

Citimi "80,000 vota majtas shkuan djathtas" eshte shume mashtrues. Emertimet djathtas e majtas nuk kane asnje kuptim ne kontestin Shqiptar. Ato mund te ishin emertime cfaredollojesh, si psh, Lart, posht, perendimore lindore, nenujore mbiujore, te lengeshme te ngurta, nentokesore mbitokesore, hijore dritore, etc.

Te sugjerosh qe e gjithe kjo melodrame ka te beje dicka me bindje ose qendrime ideologjike nuk ka ansneje kembe ku te qendroje, qofshin keto edhe kembe artificiale.

Po si mund të quhet kauzë e vogël kërkesa e drejtë për hapjen e kutive që ka të bëjë me lirinë themelore  në demokraci, atë të votës?, - mund të protestojë me të drejtë shumëkush. E megjithatë fakti që kërkesa e opozitës për hapjen e kutive është e drejtë nuk e bën atë një kauzë të madhe. Natyrisht që opozita ka të drejtë që ngulmon tek hapja e tyre. Natyrisht që justifikimet e Berishës për mos të hapur kutitë janë pallavra që nuk i beson as ai vetë. Por e vërteta është se kutitë e mbyllura e kanë bërë pis, por nuk e kanë deformuar në thelb vullnetin e elektoratit

Kaq mjafton per te dale lakuriq qellimi jot.. Tani, ne qe jetojme ne vende qe nuk ka njohur komunizem dhe diktature dime kaq gje : Qe i gjithe rendi shoqeror, politik, ekonomik dhe social varet nga kutia e votave dhe se c'ka brenda!!! Eshte kjo vote qe i vendos balancat ne shoqeri dhe nese ajo vote shperdorohet dhe keq administrohet shoqeria shkon drejt kaosit. Kete me mire duhet ta dime ne me 96!

Une shoh qe s'je i vetmi qe shkruan as mish e as peshk, por na kurse moralin te pakten.

Supozojme se u hapen,u numuruan dhe u mbyllen perseri.

Do te dale nje parti tjeter dhe do te thote."Dua hapjen e kutive te filan fshati apo qyteti"

Atehere do ti hapim perseri.Do ti numurojme dhe do ti mbyllim.

Pastaj nje partie tjeter i teket te thote qe nuk jane numurar mire.I hapim i numurojme dhe i mbyllim.

E keshtu me rradhe pa fund do te kerkojne te 50 , 60 apo 100 partite ne Shqiperi.

Pastaj do te fillojne edhe shoqatat .Duam ti hapim e ti numurojme se partite nuk i numurojne mire.

Etj.Etj.ETj.

Nuk ka te drejte vetem Edi yt te kerkoje rinumurim.

E para shoqatat nuk marrin pjese ne zgjedhje politike.

e dyta nuk pse supozon fare as ti, as une dhe as ky kajsia e thartuar.. Hapim kutit dhe shohim!

Nuk ke pse thua Edi im! Personalisht per mua ky debat ka mbaruar.Keto lloj shkrimesh jane tashme te vjetra, te pa vlera. Jane shkrime pjelle Ramiz Alia "as lindje e as perendim" qe na la peshqesh kete "moral" te sotem. Edi kur nxirrte me shqela sekretaret e Komitetit qendror keta sekretaret e sotem i ze me shqelma per qejf.. per kete te garantoj ..  smiley

Pse mer ti. S'e bejme dot si ne gjithe vendet e tjera. Ne itali pati dyshime berlusconi hapi ca, nja tre milion, e i pa. Ne afganistan u hapen. Ne amerik qekan hap. Ne greqi thone u hapen. Gjithanej u hapkan vetem ketu jo.

Po mos e rruj mo se ka fillu dhe rama me degju ata radikalet e majte (gomeret e majte me sakte) qe i thoshin mos kerko hapjen e kutive po kerko hedhjen e berishes dhe do filloj dhe ky pas ca ditesh te mos kerkoj me hapje po zgjedhje te parakohshme. Se kujt i hyne ne pune zgjedhjet e parakohshme nje zot e di. Robt dun vetem te hapen kutite dhe te shkojne ne burg te gjithe ata qe kane guxuar te prekin voten. Pavaresisht se per kajsine eshte kauze e vogel. Sa mi ngre nervat ky kajsia.

Po pse vetem ky kajsia? Keta sikur i ushqen nje dore e njejte tek Panorama.

Te pakten ben tjetri nja dy rreshta gabim sa per mos tu duk po ja kaq fare.

Edhe meqe ra fjala , nuk ka zgjedhje te parakohshme.. e shumta zgjedhje ne te njejte kohe me ato lokale, edhe kjo nese arrihet me konsesus.

Nuk e lexoj dot deri ne fund... fillon sakatisht fare...

është një kauzë e vogël për demokracinë

Vota eshte kauze e vogel... Vota e lire... vjedhja e votes...

Naaa mu n'demokraci dhe ide qe ke krijuar ti per demokracine...

vaj medet.

Mos humbisni; "thefshi qafen" te na kishit thene me mire.

 

 "...Në këto 20 vite kemi një degradim të vazhdueshëm të moralit qeverisës, me gjithë përmirësimin e vazhdueshëm të procesit zgjedhor. Vetë aleanca Berisha–Meta, e paraprirë nga aleanca Nano-Berisha, është kulmimi më i qartë i këtij degradimi..."  

Kjo me pelqeu, megjithse militantet mund ta kundershtojne me arsyetimin e kendveshtrimit. 

 

"....Në këto kushte sfida kryesore me të cilën përballet demokracia shqiptare sot nuk është hapja e disa kutive që do tregojnë se vullneti i elektoratit është bërë pis. Problemi kryesor i demokracisë shqiptare sot është mungesa e një standardi minimal në mënyrën se si ushtrohet pushteti për qëllime thellësisht personale në kurriz të qytetarëve..." 

E ketu eshte fjala pikerisht per Berishen dhe Ramen, te cilet nuk duan ta pranojne kete gje, me preteksin se mbrojne te ardhmen e shqiptarve. 

Z. Kajsiu as opozita dhe as pozita nuk kerkojne standart moral, por vecse pasurim personal.  Palet qe sundojne Shqiperine nuk kane ndryshime ideologjike, teknokratike apo teknikologjike (te dyja palet ne fund te fundit pellasin per BE-integrim).  Ndryshimit e tyre jane se njera pale rrjedh nga aristokracia komuniste e tjetra a borgjerzia komuniste, plus edhe ndryshime te vogla ne aftesi per te vjedhur dhe per ta fshehur vjedhjen.

Standarti moral duhej vendosur qe ne 1990-1991, ku nuk pate rrezim te sistemit por thjesht nje tjetersim te tij nga vete njerzit brenda tij.

Ore, Edi Rama per momentin, eshte me i mbeshtur se kurre ndonjehere,nga shumica e popullit,dhe nje popull aq i madh ne miting nuk mund te dal per nje ceshtje te vogel,per nje kauz te vogel!

Te mashtrosh nje popull te tere,kjo perben nje kauz,nje ceshtje dhe nje arsye per ta kundershtuar,Berishen, dhe per te perkrahur Ramen!

Te rezosh nga qeveria,demagogun me te madh te shqiperise,kjo perben nje kauz shume te madhe,per shumicen e popullit!

Hapja e kutive,eshte nje kerkese e drejte,por Berisha dhe ministrat e tij,kamuflohet me terma dhe me demagogjine e luftes per zbatim te ligjit.

Ai qe e nuk e perfill ligjin,ai bertet me shume per zbatimin e ligjit!

Ai qe ben korupsion,dhe veprime mafioze me fondet publike,qe favorizon klanet e tij dhe te familjes vet,bertet me shume qe te vendoset ligji!

Nuk eshte kaus e vogel te luftosh kunder nje demagogu pseudemokrat si Berisha,i cili per 20 vjet po vazhdon luften e klasave,ne forma te reja!

Ai,te tjera thote, te tjera ben! Ai thote:Beni si them une por mos,mos kurre,kurre mos beni si une,zbatoni ligjin ju,se une jam demokrat une nuk e shkel ligjin,une jam i pastert,si "qelibar" dhe do tu heq,dhemballet dhe te gjitha dhembet,juve, qe me kundershtoni mua, dhe nuk pranoni"zhvillimin"sipas meje,dhe Partise time!!

Ky Berisha dhe Topalli,jane te krimbur me shkelje dhe abizime te ligjit,faktet u numeruan nje per nje,ne mitingun e madh te 20 Nnetor!

Mitingu ishte i madh dhe kauza e tij eshte e madhe per nje demokraci te re,pa lufte klasash!

Kajsiu nuk jep zgjidhje,ai me kete shkrim,as te q..dhe as te leshon!

Sigurisht Kajsiu kujton se gjerat ndryshohen me nje te rene te lapsit,edhe i ve pikat, edh i dhjete ato,...

 Rreziku kryesor për demokracinë shqiptare sot është thjesht mungesa e zgjedhjes, si politike ashtu edhe morale.

O Kajsiu,mitingu i 20 nentorit,a nuk e ve gishtin pikerisht tek renia e politikes dhe moralit te kesaj qeverie? Faktet dhe akuzat e bera kunder Berishes dhe skandaleve te qeverise se tij,nuk mjaftojne kete qe shpreh ti!??

Zgjedhjet nuk ishin standarte,ishin te pista dhe te vjedhura,hapja e kutive i verteton ato,i nxjerr ne shesh semundjet dhe papastertine e moralit ne politiken Shqiptare!

 kush qeveri kish moral me te larte, ajo e enverit apo ajo e edi rames ?

"Bukurosh" te te jap une nje pergjigje (jo te sakte sigurisht), meqe i meshon materies dhe atij Marksit tend qe "e ke marre me vehte" ne France.

Nuk kerkohet te qeveriset me moral, sepse politika eshte pragmatizem, por kerkohen norma qeverisese. Nuk kerkohet moral ne administrimin e parave te mija por kerkohet transparence se nga i merr dhe ku dhe si i con ne destinacion. pra flas per parate e mija, jo te tuat (nuk di nese ke filluar te paguash) se per ato caja trapin Sarkozise.

Pastaj fillon dhe peshon si shkon perfitimi material me ndergjegjen, qe sa vlen kjo e fundit per te fituar materien ose materialen.

Ndergjegja eshte term te cilin ne kohen e enverit e keqperdoren, dhe sekretari injorant i organizates se partise ishte filozofi me i mire i shpjegimit te materies, ndergjegjes dhe luftes se te kundertave, pra e dinte si e kishte shpjeguar Marksi dhe si e kishte aplikuar Lenini e me pas Stalini me Hoxhen.

Tani kerkon te vendosesh barazine idiote ndermjet Rames dhe Hoxhes! Dmth tall menderen. Dhe ku ne moral. Pra krahason diktatorin ose mbretin mishngrenes me "komandantin" e emeruar prej organizatave okulte, te prure prej bazifondeve te Parisit e drejt e ne Minister Kulture!!!

me "komandantin" e emeruar prej organizatave okulte,

 

A ban me dijte ni fije ma shume per kyt ma nalt?

Falemners!  

Po t'pys seriozisht, po deshe me thone dicka mo teper per ket punen e Okultit qe sull Ed Ramen knej pari!

Si urno, ktu ne Peshk e du, po s'e pate bezdi!

Koment, si bichim pergjigjje per kete temen.

Falimnerit shume!

 

 une po du me thon: se historia ka treguar te pakten ne shqiperi (ndersa ne bote pa ja u lej si pune specialisteve te saj) sesa me shume moral te forte ka pas, aq me pak mireqenie ka rezultu ne jeten e perditshme. 

tani teorirat e tjera po ju a lej juve, teknicieneve te kalemit. 

si dhe pragmatizem do te thote, te vendosesh perpara moralit (ose interesit moral) INTERESIN MATERIAL. dmth megjithese e di qe ne kine mallin tend do ta prodhojne femijet (qe do paguhen me dy lek), gjithashtu qe kina eshte nje shtet pa te drejtat themeltare te njeriut, ti te shkosh e ta kryesh punen, sepse kjo megjithate te sjell fitim te madh.

te shohesh pra vetem FITIMIN.

ps: perseritja e zgjedhjeve nuk eshte manover pragmatiste. sepse nuk sjell asnje fitim. perveç atij moral. gjeja e fundit qe na shqeteson neve shqiptareve. e ta thash pse, na e çane bythen per 50 vjet me moral te tille, deri sa na lane pa breke ne bythe e u beme turpi i botes duke ikur me miliona neper bote, nga syte kembet, si bagetite.

sikur une ta kem ne dore, e te tregohem pragmatist, juve socialisteve (duhet t') ju pushkatoj ne faqe te murit. mos u qani pra prej sales se ai eshte si JU, moralist i peshtire e DEMAGOG !

O zoteri i nderuar mos prediko mes nesh interesin material ndaj atij moral. Se po predikon mes atyre qe per interes u zgjuan nje dite dhe femijen filluan ta quanin Mahmut dhe u zgjuan po te nesermen dhe e quajten palikari pa i'a bere syri terr. Pra mos kujto se na ka ik truni e jena bo romantik e nostalgjik per moral e per enver. Kur kerkojme, te pakten une, zgjedhje te ndershme e bejme per interes material. Se e dime shume mire qe po na u deformua ajo vote eshte gjysma e punes. Shtoi pastaj edhe vjedhjen e lekeve dhe ja ku doli diktatura qe si perfundim eshte vjedhja e votes (mendimit) dhe vjedhja e hakut (djerses) E ç'u pa pastaj. Na lidh me zinxhire na jep dhe ca rrema dhe ysh. Ketu e ke llafin ti.

I turbullt me duket ky artikull. Nese zgjedhjet do ishin te lira atehere opozita as do kishte fare arsye per te protestuar. E dyta, kush do jete kauza madhore e opozites? Si mund ata te deshmojne nje moral te paster kur nuk jane ne pushtet?

prape celesi i cdo gjeje jane zgjedhjet e lira.Zgjedhjet e lira nekuptojne nje klase politike te emancipuar qe nuk i druhet humbjes se pushtetit dhe manipulon vullnetin popullor per interesa personale. Nese politikanet tane do ishin te tille atehere do te perfitonte me te vertete shqiperia.

I shkreti Rama na qenka ne opozite kur ka 9 vjet Kryetar Bashkie.

A ma spjegon kete ,Kryetar Bashkie dhe ne opozite !!!!!!!!!!!!!!!!!!

E di ti qe ka nje kendveshtrim tjeter per ate gje?

 Tirana ne kohen e diktatures¹

 Tirana ne kohen e Berishes²

 Tirana ne kohen e Rames.³

......................................

1. Tirana egzotike, pa trafik, pa pluhur, e virgjer, me hapesira te blerta, e bonifikuar, me uje dhe drita 48 ore ne 24. Etj etj etj... jo shume e bukur ama.

2. E njejta Tirane jo "shume e bukur", e shkaterruar, e rrenuar, mbushur me teneqe, ndertime pa leje,  i vjen era shurre ne cdo qoshe; pa parqe, pa rruge, trafik katastrofik, me pluhur te ndotur nga ajri (megjithese ky i fundit, pak i rralle); pa drita, pa uje, Tirana katastrofike, etj...

3. Tirana e pastruar nga kjoskat, me jete kulturore, me rruge te reja, te rregulluara, ndertime te reja, parqe, lulishte... aty e keni, shkoni e shiheni. Nuk eshte vendi me i bukur ne bote per te jetuar, por eshte parajse ne krahasim me Barrakopolin qe krijoi Berisha; dhe sot, cecenistani qe e ka ishulluar Tiranen fare, eshte deshmia me e mire e mrekullise demografike Berishjane.

........................................

E kujt t'ja shpjegosh, kujt t'i flasesh... eshte bere peshku si mejdani ku duhet te pellcase cdo kungull i pabere.

A mund te na sjellesh ca linqe te Tiranes ne kohen e Stalinit? Se kush i hyn internetit kot pash zotin...

ti qafir ke shku ne kanada per tu bere i moralshem apo per tu pasuruar ?

Une ne fakt ika nga Shqiperia qe te mos bohem i pamoralshem. (jo se m'pyten ..po m'hoqi prindi prej andej. Pse iku prindi kjo o pytja)

Problemi kryesor i demokracisë shqiptare sot është mungesa e një standardi minimal në mënyrën se si ushtrohet pushteti për qëllime thellësisht personale në kurriz të qytetarëve. Këtu duhet kërkuar edhe pjesëmarrja masive në mitingun e opozitës; tek pakënaqësia në rritje me mënyrën shpesh të paturpshme se si ushtrohet sot pushtetit në Shqipëri.

Po pra pushteti ushtrohet permes deformimit te vullnetit te zgjedhesve. A nuk kemi te ky fakt te sintetizuar dy ceshtje : i.manipulimin e votes (pra mungesa e zgjedhjeve te lira) dhe ii. amoralitetin e pushtetit ( te ngritur mbi nje rezultat te deformuar)

Ja pra Kajsiu a nuk eshte kjo nje dubelkauz e madhe??

Po si mund te provohet morali i ri i qeverisjes pa nje qeverisje te re? Kjo na kthen perseri tek zgjedhjet e ndershme dhe te lira, pra tek standarti bazik i demokracise funksionale. Kauza eshte vertet e madhe .Kush nuk e shikon eshte i verber. Kush e shikon per ben sofizma eshte nje fjale me shume ne lumin e demagogjise. Anes e pas anes o , lumit te fshatit tim... Bjeri drejt bre Kajsi sepse te gjitha rruget te cojne ne Bugjojevice: Te hapen kutite smiley

Po mire kush e vendos qe zgjedhjet nuk jane te lira?

Kutite te hapura qene.PS mobilizoi nje ushtri te tere prej 20 mije antaresh per ti numuruar dhe po kaq te tjere per ti vezhguar si numuroheshin.

Pervec kesaj.Ne cdo vend numurim vezhgonin vigjilente kandidatet per deputete sipas qyteteve.Marrim qarqet e kontestuara : ne Shkoder Ilir Beqen,ne Fier Gramoz Rucin dhe ne Berat Rejon Bracen.

U numuruan,u firmosen proces verbalet pa asnje ankimim.

Tani mbrapa thone qe votat jane vjedhur,komisioneret jane shitur etj.etj.

Dhe dalin e bertasin ata qe caktuan komisioneret,kishin ne dore ti nderronin ne se shihnin qe dicka nuk shkonte,mund ti urdheronin te shenonin ne proces verbale verejtjet,pra ishin ne krye te numurimit dhe nuk vune re asnje gje qe nuk shkonte gjate ketyre diteve.

U kujtuan qe votat ishin shitur pas 4 muajsh !!!!!!!!!!!!!!!!

Ne se votat jane shitur atehere pergjegjesine e kane keta qe u permenden me lart.

Te therresesh qe votat jane shitur do te thote qe 20 mije komisinere jane shitur dhe te ndershem jane vetem keta te kupoles se PS.

Gjoja e funit e ? E para dhe e vetmja..n'qofsh njiri.

perseritja e zgjedhjeve nuk eshte manover pragmatiste. sepse nuk sjell asnje fitim. perveç atij moral. gjeja e fundit qe na shqeteson neve shqiptareve.

Qafir, pak rendesi ka per kete diskutim puna se si ti apo une i vleresojme gjerat INDIVIDUALISHT. duhet marre ne shqyrtim vetem forcat kolektive, dmth te dyve ne cilat te perbashketa na dominojne, po te gjithe shqiptareve.

perderisa dhe autori nuk ka shkujt ndonje tregim por artikull ne gazete, kjo tregon se atij i interesojne pikerisht keto forca kolektive. 

por ai nuk e shpjegon, ne artikull, sesi partia socialiste duke u shnderruar ne nje force morale, do te begatoje jeten e shqiptareve. per me teper ate qe nuk beri dot enveri nepermjet diktarures se proletariatit (dmth pa kurrfare kundershtari politik, pa e penguar njeri, duke pas gjithe vendin grusht bashkuar, etj), te arrije ta beje partia socialiste e rames (apo ndonje tjetrit) nepermjet demokracise.

mua per vete me duket e pamundur. 

Unè diçka nuk kuptoj...kèrkohet hapja e kutive nga ps,pas kèsaj dalin e bèjnè shkrime e komente se edi rama e bèn pèr 100 arsye tè tjera e jo se do hapjen e tyre etj etj etj etj etj etj...dhe na mbushèn mendjen pèr edi ramèn..tani edhe unè dua hapjen e kutive...edhe shumè socialist e jo socialist duan hapjen e kutive...a mund tè na japin njè pèrgjigje mendjet e zgjuara...ne pèrse kèkojmè tè njejtèn gjè qè kèrkon edhe edi i koruptuar,komunist e kriminel e hajdut etj etj??mungesè morali nga ana jonè??

por ai nuk e shpjegon, ne artikull, sesi partia socialiste duke u shnderruar ne nje force morale, do te begatoje jeten e shqiptareve

Epo nqs nuk e di pergjigjen eshte e kote te merresh me kete subjekt

Pra mos kujto se na ka ik truni e jena bo romantik e nostalgjik per moral e per enver. Kur kerkojme, te pakten une, zgjedhje te ndershme e bejme per interes material.

Atehere shtrengoje fort!

Nderkaq ky shkrim ka dy probleme: E para nga menyra si flet Kajsiu ketu i ngjan nje prifti apo hoxhe, ku kerkon pastrimin shpirteror te njerezve pasi sistemi apo ligji nuk ka rendesi fare ose eshte i pavlere. Nuk e di se ne c'shkalle ka pesuar lavazh truri ky por sistemi politik dhe social aktual nuk pershtatet fare me kete llogjike.

Zgjedhjet duhet te jene te lira dhe te ndershme, kjo eshte kryesorja, qofte per ata qe nuk mendojne si Kajsiu dhe jane mbi 1 milion e 500 mije njerez, qofte per ata qe mendojne si Kajsiu. Nese alternativat qe te paraqiten nuk jane te denja per ty, qofte si moral qofte si ndryshime ideologjike dhe programore, asnjera prej tyre - ketu kalojme tek e drejta tjeter e garantuar ne kete sistem - formo dhe organizo nje alternative tjeter.

Pervec seleksionimit te alternativave qe na paraqiten per te qeverisur me ane te zgjedhjeve, ne nje sistem demokratik une nuk di menyre tjeter. Tani te shkojne tek prifti dhe te rrefehen politikanet tane nuk besoj qe e bejne.

Problemi i dyte eshte qe Kajsiu ka nje dyzim ne vleresimin e zgjedhjeve, nga njera ane qe ta mbaje mire me Edi Ramen thote qe zgjedhjet jane "pis", nga ana tjeter thote qe zgjedhjet ishin te lira dhe te ndershme. Te ndaje mendjen ne nje shkrim tjeter per kete ceshtje.

 Po lere Kajsin a pjeshken mor fanua. Merru me ate materialistin shpirteror qe e ka emrin me sigurese.........Zgjedhjet duhet te jene te lira dhe te ndershme,....-na thua o Tellall. A e lexon se cfare shkruan ?

Thuaja dhe atij rrotes qe shkruan me siper qe Politika , Ligji, Shteti, Shoqeria , Pasurimi ,Zgjedhjet etj etj duhet te behen ne rruge te Ndershme e te Moralshme , ndryshe ...ka hapsane. Budallai e di se ikem prej fukarallikut ???? Ikem se nuk donim te jetonime ne nje shoqeri te dominuar nga "sigurese" HAJDARE qe moralizon shoqerine shqiptare qe prej 92-shit .

Flori e shkuar Floririt qe gjuha dhe germat e saj O T U N X H ! Qe te flasesh e te perkthesh ti shqip sot . Pafille .

Kajsiu nuk mund ti mbledhe te gjithe anekset e nje gjetjeje ne nje vend. Si copezim mendimi per nje situaten teresore (hapjen e kutive) pervec gabimit ne emertim "kauze e vogel" prej se cilit ka rrjedhur edhe deduksioni per Lider Havadan pa moral , them se ka boll perfundime te lexueshme qarte!

Kauza nuk eshe fare e vogel. Rama, po nuk shkaterroi imazhin e Shqiperise neper bote, e di shume mire qe liberalizimi i vizave behet ne janar 2011. Kjo do i jepte nje avantazh shume te madh si Berishes, ashtu edhe Metes, pak kohe para zgjedhjeve lokale. Po te humbi edhe zgjedhjet lokale, Rama nuk ka me ftyre te rrije ne politike. Ndaj kjo, per te (dhe vetem per te), eshte nje kauze jo e madhe po super e madhe (mbijetese hesapi).

Viktimat qe i shkojne nga mbrapa, jane kryesisht njerez te deshperuar qe mendojne se po et vije PS ne pushtet, do kapin ndonje vend pune, ose bishat historike te etura per gjak (ketu ne peshk do e njifni veten menjehere, se kush jeni).

Personalisht, jam i te njejtit mendim me Sollin. Persa kohe nuk ke ç'zgjedh, menyra se si zgjodhe, behet dytesore. E vetmja gje qe per mua kishte rendesi ne keto zgjedhje ishte qe vlersimet e nderkombetarve te ishin pozitive, ne menyre qe mos krijoheshin vonesa te tjera ne lidhje integrimin, dhe mbi te gjitha qe mos vazhdonte ky trajtimi si ne "shkolle riedukimi" qe na bejne te huajt.

Kjo puna e "imazhit te Shqiperise ne bote" mua me duket si futja @rdhes">p@rdhes. Bota e di shume mire se ne kemi politikane qelbesira nga te dy krahet. Kemi ministra kriminele dhe ca parlamentare mafioze... po meqe po flisnim per "imazhin" hajde te bejme si kurva te ndershme.

qyqa blendo,

sa e ke prish gojen tashti qe tu bone ca kohe ne shqiperi smiley

E me mire mos e rruj se nuk eshte gje e madhe smiley

Une do te doja shume qe shqiptaret te kuptojne dhe marrin vesh se te tille politikane ka kudo dhe ngjarje te tilla gjen ne shume vende te tjera, madje dhe ne ato me demokraci me te pjekur.

Pse i them keto? Qe te ndjehemi pak me mire pra, sepse dhe gjekte ka politikane e ngjarje politike te ngjashme- dhe te mos mendojme se jemi ne te vetmit "fatkeq" te ketij planeti.

Po kush tha qe ka te beje me politikane ketu. E tere bota keshtu i ka politikanet, sic i kemi ne, ne rast se jo me keq. Probleimi eshte sa pjekuri mund te tregojne keta politikanet, dhe duket se Rama nuk tregon shume. Nuk tregon shume pjerkuri qe nga strategjia e tije para-zgjedhore, akuzat e tije qe kundershtohen nga nderkombetaret, zeniet brenda partise me Blushi e shoke, e deri tek fjalimet per dhune.

Kur kerkojme, te pakten une, zgjedhje te ndershme e bejme per interes material.

Korrelacion i mbrapshte! Nuk eshte e thene qe zgjedhja e ndershme te qit n'selamet material. Shih Kilin nen Pinochet-in dhe pastaj hec e fol. 

Me duket se shume veta ketu i japin perparesi pasurimit se sa moralit. Per mendimin tim duhet kerkuar morali mbi te gjitha. Pse? Mund te kemi ligje te perkryera por dikush duhet ta zbatoje ligjin. Fakti qe tek ne ligji nuk zbatohet eshte pikerisht mungese e moralit te shoqerise (njehere te te vjedh une, pastaj me vidh ti, femijet na punojne ne EU). Ne kete menyre edhe me zgjedhje te lira dhe te ndershme gjithmone jemi te humbur.
 

 Kajsio, 

Edhe kete here deshmove se matematika, sistemet, dhe parashikimi i sistemeve ne baze te statistikave te disponueshme jane thjesht muhabete kafeneje per ty. 

Derivati i ketij keqformimi = "kauz e vogel"

Duke i mshuar moralit dhe te vertetes jo vetem qe do dalesh faqebardh, por gjithashtu do te prodhosh sasine e duhur te tagjise shpirterore, aq te nevojshme per tufat e bagtive tona bukurane.

Qafo, 

sme the a e kqyre hapjen e parlamentit nga Mretnesha?

 Me duket se shume veta ketu i japin perparesi pasurimit se sa moralit. 

jo ketu po KUDO. bile morali vihet ne pune vetem e vetem qe ky pasurim (shoqeror) te arrihet. puna eshte se çfare morali (komunist, ballist, borgjez, kinez, apo aristokratik ose fetar, etj).

nje çike aty lart na tregoi se flitet per moral politik.

tani ajo qe mbetet eshte, te tregohet sesi ky morali politik (ajo goca bile nuk na tha se çfare nenkupton me kete shprehje, politikane te ndershem, lufte kundra korrupsionit, apo çfare tjeter) do t'i pasuroje shqiptaret. 

mu me duket se dhe xhaxhi enver, moralin politik forcoi e bile çelnikosi, por pa arrit dot te na pasuroje. jo vetem kaq por ai na varferoi dhe me shume se ç'na gjeti. imagjinoni emigruam gjysmat. nen turqni te kishim emigruar njesoj, per bese, nuk do te kish mbet me farë shqiptari mbi dhe.

Enveri t'paska bo lomsh ty o Bukurije. Kur bojshe londen e 'Edukats Morale' mos kujto se msojshe moral. Msojshe vec si me jetu lopcari n'qytet me densitet t'modh. Enverin e ke xhaxha. Moralin ta mso baba jo axha-xhai/mixha.

me duket se dhe xhaxhi enver, moralin politik forcoi e bile çelnikosi, por pa arrit dot te na pasuroje.

 bukurija e satome smiley

varet pra se per çfare morali behet fjale. dhe ne shtepi baba te meson EDUKATEN jo moralin. moralin ta meson RRUGA me shume.  

Kjo eshte pune e qelbet. E gjitha vjen era qelbesirllek, dhe njeri eshte me i qelbur se tjetri.

Kajsiu te sjelle ne mendje nje moment ne Kronike ne Gur, ku pislliku i natyrshem, minjte qe levrinin neper mure dhe cati, transformoheshin ne monstruozitete mongole ne imagjinaten e protagonistit.

Tani, kur shteti perdor forcen e ligjit me qellim mungesen e transparences, kur pislliku mbulohet me nje pseudo-ligj qe nuk lejon transparencen e votes se popullit, atehere mos beni cudi qe ky pisllik perceptohet si monstruozitet, si transformim i votes se popullit, dhe jo si pisllik, mos beni cudi qe nje pisllik i vogel ne bodrum te perceptohet si nje monster e tmerrshme. Por edhe ne qofte se eshte thjesht pisllik me voten e popullit, dhe jo shperfytyrim i kesaj vote, a nuk duhet pastruar, a nuk duhet nxjerre ne drite te diellit, a nuk duhet ajrosur, a nuk duhet bere transparente? A nuk i shpetohet transformimit monstruoz duke hapur dyert e bodrumit e duke rregulluar pisllikun?

Kajsiu te ruhet mire nga keto soritet argumentative qe sjell ketu, e mos perpiqet t'i thyej shkarpat te gjitha bashke ne kauze te madhe, si trimat e Skernderbeut, por te kete parasysh qe cdo kauze e vogel perben nje kauze te madhe. Ja t'a zeme se kjo eshte kauze e vogel, dhe nuk ia vlen t'a veme perfund. Neser do jete nje tjeter kauze e vogel qe perseri nuk do ia vleje t'a veme perfund. E pasneser po ashtu, deri sa te na kete mbuluar muti, me ne fund, e t'a konsiderojme kauze te madhe.

Mungesa e moralit ne Shqiperi vjen ne rradhe te pare nga dallimi fiktiv mes kauzave te medha dhe kauzave te vogla. Keshtu qe kujdes, se eshte e pamoralshme te konsiderosh mundesine e zgjedhjes morale dhe politike si kauze te madhe, dhe mundesine e zgjedhjes se te berit transparent, apo te mbajturit mbyllur te votes, si kauze te vogel.

Ky artikull eshte pa frike artikulli me i dobet qe kam lexuar ndonjehere nga Kajsiu, dhe une propozoj t'ia nderrojme titullin, dhe t'a quajme "Soritet e Kajsiut."

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).