Liria e Fyerjes

Zamir Dule është dhunuar në emër të fjalës së lirë. Aleksandër Frangaj është dhunuar në emër të fjalës së lirë. Martin Leka është dhunuar në emër të fjalës së lirë. Të tjerë gazetarë janë kërcënuar dhe provokuar  verbalisht në emër të fjalës së lirë. Mero Baze është dhunuar në emër të lirisë së fyerjes. Nuk ka fjalë të lirë në asnjë paragraf me firmën e Bazes, ka vetëm liri për të fyer; që prej kohës kur ai shënonte me të kuq emrat e gazetarëve që duheshin “këshilluar”, e deri në tetëvjetëshin e opozitës së Berishës, ku Baze në qindra artikujt e tij, në gazetën e tij, me punëtorët e tij, nuk la askënd pa qëlluar, fyer, denigruar, masakruar, sharë, rrahur, mallkuar, ofenduar, përdhunuar. E njëjta situatë edhe në pak vite qeverisje të Berishës, deri kur Baze “u zëvendësua”. Po, po. S’ka pse e fshehim kokën si struci, Baze u zëvendësua si i besuari i Berishës dhe që këtu rrjedh i gjithë mllefi i tij ndaj Berishës e të tjerëve, që zënë vend përditë në faqet e gazetës së tij. Janë të vërteta, apo jo, kjo mbetet për t’u vërtetuar.

Nuk më intereson aspak Rezart Taçi, në esfel vaftë nëse me anë lidhjesh të dyshimta ka përfituar mbi konkurrentët e ndershëm. Në burg vaftë nëse shtetit që më merr mua edhe taksën më të çuditshme, ai i fshihet me miliona euro. Më intereson shumë komuniteti im, që organizohet menjëherë sa herë godasin Bazen (e çuditshme pas ’98, vetëm ky pronar gazete ka probleme të tilla), por asnjëherë, asnjëherë të vetme kur largojnë gazetarët nga puna. Asnjëherë të vetme kur gazetarëve u vonojnë nga tre muaj rrogat. Asnjëherë të vetme se shumë gazetarë punojnë në të zezë. Asnjëherë të vetme se shumë gazetarëve, jo pak nga ata që ishin në protestë, u “këshillojnë” se ç’të shkruajnë. Askush nga këta nuk e ngriti zërin kur gazetarisë iu dha goditja më e madhe nga politika gjatë fushatës elektorale, duke mos e lejuar të ndiqte mitingjet e saj, por duke ia sjellë të gatshme dhe të përpunuara. Të gjithë e pranuan në heshtje. E pra, ishte vetëvrasje e pastër e fjalës së lirë, atë që sot e kërkojnë në dhunën e ushtruar ndaj Bazes. Ekzistojnë në Shqipëri të paktën pesë shoqata gazetarësh, një prej të cilave edhe nën drejtimin e Bazes, që në statutin e tyre kanë mbrojtjen e gazetarëve. Por po të pyesësh gazetarët (vetëm një herë ata dhe jo analistët) ata janë më të pambrojturit, më të rrezikuarit, më të dhunuarit e përditshëm. Nëse nuk janë sholla e këpucës së pronarit, apo shefit më lart, janë të destinuar të humbasin. Ende nuk arrij të kuptoj se ç’punë kanë në një protestë gazetarësh pronarë mediash, për të mos thënë se ç’punë kanë gazetarët që protestojnë në mbrojtje të një pronari mediaje, sepse cinizmi do të arrinte kulmin, megjithëse Baze e përdor jashtë mase.

Për çfarë u protestua dhe çfarë u mbrojt? A ishin të sigurt organizatorët që nuk u përdorën edhe këtë radhë, si atëherë kur u hoq ministri i Rendit? Pse duhet të ishin të pranishëm përfaqësues politikë në këtë protestë? Pse dalin në foto popull i thjeshtë në një protestë gazetarësh? Mos vallë për të treguar indinjatën e madhe të këtij populli se u godit fjala e lirë?! (Ky popull që nuk ndihet kur ia katërfishojnë çmimin e bukës, e ia pesëfishojnë çdo çmim tjetër). Pse çuditërisht nuk ka “solidarizim” të tillë në protestat e mjekëve, mësuesve, minatorëve, pensionistëve? Përgjigjja është e thjeshtë, sepse protestat e këtyre të fundit janë thjesht një informacion një minutësh, ndërsa ajo e gazetarëve është vetë lajmi që mund të mbajë edhe një edicion qendror, e edhe pesë faqe gazete, d.m.th. të krijojë opinion.
Por duke u rikthyer, do të mbrojmë fjalën e lirë apo lirinë e fyerjes? Fjalën e lirë e përdorin sot shumë prej analistëve, tek-tuk edhe me ndonjë rëndim, por gjithsesi i pranueshëm. Pavarësisht anësisë politike, preferencave personale apo rreshtimit total në njërin apo tjetrin krah, në përgjithësi ekziston autocensura te shumica e gazetarëve dhe analistëve. Dhe kjo është e domosdoshme kur asnjë gazetar nuk hidhet në gjyq. Ky ligj është vërtet thikë me dy presa, sepse tek e fundit sjell edhe reagimet personale të njerëzve që nuk kanë mbrojtjen e ligjit për shpifje, por nuk kanë as mbrojtjen e mediave. Kjo autocensurë, që bën të mundur eliminimin e thashethemit, ndalimin e inatit personal, peshimin e asaj që po shkruan, kthjellimin se “atë” do ta lexojnë mijëra njerëz dhe dhjetëra miq e familjarë, ka munguar plotësisht tek Baze. Për këtë mund të dëshmojnë plot gazetarë, edhe nga ata të protestës, mund të dëshmojnë plot politikanë, edhe nga ata që shprehën keqardhje për ngjarjen, mund të dëshmojnë plot biznesmenë, e turlilloj profesionesh të tjera. Pra, Baze nuk është kampioni i fjalës së lirë, por është etaloni i lirisë së fyerjes. Gazetarët mund të dilnin në mbrojtje të njeriut Mero Baze që u sulmua nga dikush që ka pushtetin ekonomik dhe mbase edhe politik, madje fort. Por realisht nuk mund të mbronin gazetarin Baze, sepse tek e fundit ai nuk është gazetar. Eshtë biznesmen që shkruan.

41 Komente

Tani, nje pyetje qe sipas meje duhet bere: Bazen e rrahen se ka qene burre i keq apo se kohet e fundit mori persiper te beje gazetari te forte ne Shqiperi?

Meqe ca duan te flasin per te kaluaren e Mero Bazes, ne kete rast si forme diversioni.

 

He he diversionisti. smiley

E ke diversion retorik Blendo, se nuk kam degjuar asnje ne media te mbroje rrahjen e Bazes, apo ta justifikoje ate.

Dhe ne fakt, diversioni te deshton kur thua "duan te flasin per te kaluaren e Bazes" smiley pasi keta pak qe po flasin ne media po flasin per zanatin e Bazes, ate qe ka bere dhe ben gjithmone, jo periudhen historike ca ka bere. Thjesht thone, packa se indirekt, qe Baze eshte palaco, eshte shembulli me i keq i gazetarit, ose s'eshte gazetar, por nje i pafytyre qe perdor institucionin e medias per te bere qenin sulmues ne varesi te pronareve qe ka, dhe per te shpifur kundra jo vetem opozites se tij po dhe vete gazetareve.

Pra disa mediatiste kane vene ne dukje dhe keto gjerat e tjera, hipokrizine e gazetarllekut, gjendjen catch 22 ku ne vend te kene qellim gazetarine kane qellim parane/partishmerine dhe kjo per rrjedhoje i ben lecke, lolo, e shume aspekte te tjera. Ose thene ndryshe, ne vend te kemi kauza lirie shtypi dhe liri fjale, ne keto incidente kemi kauza te tipit "aman mos me rrifni sa here nderroj pronar" dhe "ne moot qe moot jemi si media, po me moot eshte ai qe na dhunon", te cilat jane konstatime te drejta (cado te beje nje gazetar, apo pronar mediash, apo boothelepires dhuna ndaj tij eshte kategorikisht e papranueshme) por njekohesisht nuk jane aq sublime si kauza/protesta sa i duken nje te huaji kur degjon lajmin per dhunim gazetaresh ne Shqiperi.

Se sic ve ne dukje dhe autori, vetem Bazes i ndodhin keto gjera ketu e 10 vjet. smiley

Pra pas gjithe shkrimeve dhe thirrjeve (plotesisht te drejta) per denimin e aktit te dhunshem, te guximit te mafiozit te kapur pas qeveriut per te bere te fortin me mes te lokalit, tani ka dhe nga keto reflektime.

Thelbin e ka thene autori me kete besoj

Baze nuk është kampioni i fjalës së lirë, por është etaloni i lirisë së fyerjes.

smiley

Gjithashtu vlen te permendet dhe ligji i Berishes per mediat, se paku ka vend per diskutim, qofte qellimet cinike te miratimit te ligjit, qofte pasojat qe sjell.

Blendi dhe te tjeret afer teje; ju duhet te keni se paku respekt per veten tuaj, sepse nuk ka kaluar shume kohe kur Meron thjeshte e percmonit dhe e dini ju se c'eshte percmimi. Tani dilni si flamurtare ne mbrotje te veprimeve te tij dhe kjo vetem se u ngroh pak zemren me palacerite e tij anti-berishe.

Nje njeri si ai askush nuk duhet te deshiroje ta kete ne krah, te pakten askush me dy pare mend apo i pa verbuar nga pasionet politike.

Sa per shkrimin e Arizaj nuk mund te them tjeter, vecse bravo. Arizaj eshte nder te paktet komentatore shqiptare qe e lexoj me endje edhe se nuk ndaj me te shume mendime.

Per te thene dhe dy fjale per mediat shqiptare ne pergjithesi, me duhet te them se per sa kohe mediat tona nuk drejtohen nga ligjet e tregut, por nga ato te interesave politike, atehere nuk do mund te kete media te lira. Me thjeshte se kaq nuk mund te thuhet kjo gje!

 kujt po ja ben pyetjen ? ti je ne shqiperi me duket, e di besoj me mire se xhibi. gazetat duhet ta kene sqaruar psene. per me shume duhet pyt policia.

por meqe je dhe admin ketu, aq shume mi hypi nervat sot sol-nocturnesi sa ta kisha perballe do t'ja kisha fut durret e mia (jo me te trimave te mi) ne fyt.

duhet ta kete nxehur ate pasanikun, duke kujtuar se eshte i pakprekshem ngaqe eshte gazetar (ka perdorur si mburoje profesionin per tu shprehur si civil pa edukate). pra ai (apo zejmenet e tij) e ka rrahur jo se eshte gazetar por se e ka nxehur, duke e ofenduar siduket.

ndersa koleget e tij e mbrojne se u rrah nje gazetar, sipas tyre. kur ne fakt u rrah nje klient pijetoreje per fjale qe do t'i ket thene i pire ose i nxehur. pra pak ka te beje profesioni tij ne rastin konkret.

 

Ketij Arizajt nuk i duhet se c`ben biznesi e shteti i korruptuar, nuk i kercet fare qe ambjenti ku thith ajrin, ku pi kafene, ku femija shkon ne shkolle, ku makina mund t`i rrembeje koken edhe ne trotuar, kur te semuret ai ose ndonje i familjes duhet te numeroje parate mire ose te prenotoje varrin. Nuk i kercet per asgje vecse per mardhenien e tij dhe te shokeve gazetare ne shoqata, domethene te shoqerise gazetareske qe eshte dhunuar per drejtesi, por ja qe tani po u dhunoka per shpifje sespe kane ndryshuar raportet.

Njerez te tille ka mbi 65 vjet qe i njeh ky popull. Dikur ja hoqen mendjen por sot u mbetet vetem te vene kapucin e kllounit ketyre, qe te gajasen pakes pasi dhimbja i ka pushtuar trupin e mendjen.

Kush ka intelekt shkruan ne kete menyre.

B.

 Blendi! Respekte fillimisht.

Pyetje: e lexove sot "Temen", "antena brenda familjes", sot permendtte gruan e Bujar Nishanit. Nuk me rezulton se ajo eshte person me pergjegjesi publike. Si e justifikon ti kete? A demtohet ajo si person kur gjithe njerezia lexojne se "ajo beka emerime"? Kjo sot ishte e buteeee eee. Ja per te tilla gjera u godit Mero, sepse mos te na genjeje mendja, shqiptaret jane ata qe kane qene, me ca ndryshime veshjesh. 

 

Edmond, ti per vete e ke marre ndonjehere mundimin ta verifikosh ate qe ngre Bazja per gruan e Nishanit, a mund te kete dicka te vertete aty dhe Bazja e permend me humor? Nqs ajo vertet emeron njerez, gje qe per nivelin e nepotizmit ne shqiperi justifikohet, pse qenka kaq e rende qe asaj i del emri ne gazete??? Faleminderit po u pergjigje.

Por realisht nuk mund të mbronin gazetarin Baze, sepse tek e fundit ai nuk është gazetar. Eshtë biznesmen që shkruan.

Bravo Arizaj.Nje analize e sakte e ketij fenomeni te felliqur.

 

edmond tung.

Po ne rast se eshte e vertete? A nuk ka te drejte publiku te dije kush paguhet me taksat qe paguan, dhe kush i merr ne pune? Une mendoj se eshte brenda sferes se interesit publik te informohet si behen emerimet. Nese ka shkelje te procedurave te shtetit, eshte informacion qe publiku duhet ta mesoje. Tashti mund te duket disi qesharake si akuze, se ka komedine brenda. Po kemi pare gjera edhe me komike.

Tani, qe ja kput fort Mero s'eshte me lajm. Dikush tjeter do kishte qene me elegant... po thelbi mbetet mo se keta te gjithe mund ta hedhin ne gjyq po te duan. Se udhezimi i Berishes nuk i heq njeriu te drejten t'i drejtohet gjykates.

Une nuk mendoj se Berisha eshte fort i kenaqur me taçin. Kjo ishte gafe e rende. Dhe u amplifikuar goxha si ngjarje... Po sa me shume flasin njerzit per kete aq me shume thagma leshojne. Si te opinioni. Arriti deri tek ambasadori amerikan ceshtja. U be moment kritik (u be). Po pse? Se bohen shoke shume keta shtet-biznes. S'e di me ku mbaron njeri dhe ku fillon tjetri.

 

 Blend nuk besoj se te pelqeu nderhyrja e amb amerikan, sidomos ne nje fushe qe mbahet se eshte elita.jam dakort qe publiku duhe ti dije ato qe rreshton ti ne fillim, por nuk e kuptoj pse duhet permendur gruaja, qofte edhe ne nje shkrim te zhanrit fejtonisti. 

artian te falenderoj. fjalori dhe gjykimi yt me mbush me gezim dhe shprese. me te tille djem gjynah te lengoje shqiperia, sidomos kur mbajne ne krah flamurin e nje shteti tjeter

 

 

 

 

 

O zoteri, e ke idene ti se c'do te thote liri e mediave apo jo? Edhe po pastaj se i permendi gruan, cfar pastaj? Meriton nje te rrahur? Kjo eshte demokracia, dhe kjo eshte liria e medias dhe e fjales te lire, dhe pa u ushtruar deri ne kufijte e skajshem te saj ( gje qe ne Shqiperi as nuk ndodh , dhe me kete llogjike qe ka kjo klase plehre qe udheheq kete vend kurre ska per te ndodh) nuk ka kuptim te jete.

Pra qe ta qartesoj, nuk ka moral ne lirine e medias dhe fjales te lire, dhe qe ta ngulesh mire ne tru, kete moral nuk ka arbiter qe e vendos, as rregull e as mentalitet shoqeror qe e vendos, ka vetem shkelje ligjore. Dhe liria e medias dhe e fjales te lire nuk ka asnje kuptim pa u ushtruar deri ne kufijte e skajshem te saj. Perndryshe jemi rehat ne diktature, ose plehro-katrahuren qe jemi.

Nje fakt,ne Shqiperi ka nje ushtri gazetaruc-esh,ca lepuj qe marrin rrogen dhe nuk thone te vertetat ne sy,ose nuk i dine,dhe bejne ga ga ga ose i dine dhe prapanica nuk ju a mba!Sistemi i fyerjes ne shqiperi eshte ngritur ne nivelet e Parlamentit Shqiptar Arizaj flet per lirine e fyerjes,problemi ketu eshte te kuptohet mire fyerja ne kete konteks:

Ujku,ujku por cakalli e shqeu tufen me fyerje qe kur smahet mend! Prandaj o Arizaj,meso me shume gazetari nga Meroja dhe do te shikosh ndryshimin!

 kush je ti mor zoteri qe merr persiper te gjykosh gjithe klasen e gazetareve, apo gjithe shoqerine shqiptare? ca ke bere ti, apo ca ben per kete vend? apo rri rehat ne ndonje vend te europes e ben mendjelliun qe andej? meqe po e merr kaq personale, sa per sqarim, une jam perballur me berishen dhe me njerezit e tij qe ne 1998, atehere kur ky meroja qe ti ma jep si shembull te therte (dhe jo figurativisht) per berishen. mund te hapesh arkivat e gazetave dhe aty do ti gjesh shkrimet e mia dhe te atyre gazetaruceve te tjere qe jane perballur me te gjitha pushtetet deri me sot. sa per gazetarine, ke nevoje per me shume leksione. liria jote mbaron aty ku fillon liria ime. kjo vlen per te gjithe pa perjashtim.  

Mire e the, e ke mbyll qe me 98 ket' stres. Tani vetem gazetari zonjash...ohohoho

kot po e zgjas,pse ti qe shkrun dicka ne gazete,dhe qe paguhesh normal si cdo pune tjeter,mendon se je dikush qe ben nje veze te kuqe? te rre menja!Nje mjet konsumi je qe te perdorin dhe te japin para.,problemi eshte si e ben punen,dhe c`vlere ka puna jote! ...ose puna ime makar!

kush je ti mor zoteri qe merr persiper te gjykosh gjithe klasen e gazetareve, apo gjithe shoqerine shqiptare?

Pse kjo eshte e drejte eksluzive e jotja? Fshati qe duket nuk do kallaus!

Nejse kaq. dhe mos e caj koken mere shtruar!

TE MBROSH "PERBINDESHIN" E FJALES SE LIRE

 

Nga Andrea Stefani

Dhuna e ushtruar nga një milioner mbi gazetarin Mero Baze ka ngjallur një debat që në thelb reduktohet në dilemën: A duhet protestuar apo jo ndaj kësaj dhune? A është dhuna kundër gazetarit Baze një krim mbi të apo ajo është një dhunë që ai e meriton? Nuk më kanë habitur fare opinione të rëndomta njerëzish të zakonshëm që shprehen se Baze gjeti hundëleshin që kërkonte prej vitesh duke abuzuar me lirinë e fjalës për të shpifur deri edhe për jetë private. Shqetësimi i vërtetë është kur të tillë mendësi shprehin edhe kolegë gazetarë duke shtuar edhe se Baze është një "monstër" e fjalës së lirë. Ata harrojnë se në çdo kohë dhe për një masë njerëzish, për fanatikët e një lideri apo një tjetri, të gjithë gazetarët, në një masë apo një tjetër, janë një lloj monstre apo përbindëshi i fjalës së lirë. Një përbindësh që me atë që shkruan e thotë, ngjall (në raport të drejtë me intolerancën e një pushtetari, politikani apo fanatiku) një kreshendo pakënaqësie, zemërimi e deri edhe urrejtjeje. Edhe vetë ata gazetarë, që sot sikur lenë të nënkuptohet se Baze e kish paska hak drurin, janë të dënuar të jenë të tillë "përbindësha" që dikush digjet t‘ju japë "një dru të mirë". Edhe vetë unë që po shkruaj këto radhë, jam i dënuar të jem një "përbindësh" për dikë apo për disa, pavarësisht se nuk kam hyrë asnjëherë në jetën private të dikujt. Ndaj mos vallë kjo justifikon të gjithë ata që e urrejnë atë që themi e shkruajmë, të na dhunojnë sikundër dhunuan Mero Bazen?

***

Në demokraci gazetarët janë një shqetësim për pushtetin, për zyrtarët e korruptuar, por edhe për liderë opozitarë që investohen kundër fjalës së lirë. Të mendosh se marrëdhëniet e gazetarisë me politikën në përgjithësi, por edhe me biznesin, mund të jenë gjithnjë "grurë" do të thotë se nuk ke kuptuar asgjë nga demokracia liberale dhe roli i gazetarisë në të si pushtet i katërt kontrollues dhe denoncues i të bërave dhe të pabërave i qeverive dhe pasunarëve të lidhur me to. Nuk është qeveria e mirë apo Kryeministri i mirë, lideri i mirë, që garantojnë lirinë e medias. Të gjithë këto pretendime janë forma të rafinuara populizmi. Lirinë e medias e garanton, mbi të gjitha, sistemi i institucioneve të pavarura që kontrollohen dhe balancohen reciprokisht dhe një opinioni publik që e ka kuptuar se sa e rëndësishme është për lirinë dhe të drejtat e veta (për punën, pronën, jetën dhe çfarëdo halli) liria e medias. Edhe në demokracitë më të zhvilluara, media përfaqëson një bezdi dhe rrezik për qeveritë. Po të mos qe e tillë as nuk do t‘i duhej kurrkujt. Media nuk është një shqetësim për pushtetet madje politikën në përgjithësi (madje bëhet një vegël e dashur e tyre) vetëm kur e kontrollojnë, pra kur nuk është më e lirë. Të mos harrojmë se ishin gazetarët ata u bënë shkaktarë të dorëheqjes së Presidentit Nikson. Gazetarët krijojnë kurdoherë probleme ndaj mllefi kundër tyre, nuk ka munguar dhe nuk do mungojë asnjëherë, sado e përparuar të jetë demokracia. Prandaj s‘ka rëndësi "dashuria" për fjalën e lirë që liderët shprehin në publik. Të tjera gjëra thuhen larg syve dhe veshëve të publikut, në privatësinë e zyrave dhe ministrive. Kujtojmë "skandalin" e Presidentit Bush që "konfidencialisht" e quajti "trap" një gazetar pa e ditur se e kish mikrofonin hapur. Një inkonveniencë teknike që zbuloi sinqeritetin e një marrëdhënie të pasinqertë me median, tipike për të gjitha pushtetet. Gazetari do të jetë gjithnjë një "përbindësh" për dikë në majë apo në bazë të piramidës së shtetit.

Prandaj edhe profesioni i fjalës së lirë nuk mbrohet dot nëse nuk mbrohet dot nëse nuk dalim në mbrojtje të një gazetari edhe pse ai mund të jetë bërë i urryer si një "monstër" për dikë apo për disa. Natyrisht, duhet dalluar gazetari që bëhet një monstër e fjalës, sepse abuzon me të, nga gazetari që e bëjnë monstër jo se shpif, por sepse nuk shpreh atë që i pëlqen liderit, partisë, qeverisë apo fanatikut. Por sido që të jetë, shpifja nuk luftohet duke dhunuar qoftë edhe gazetarin që shpif. Sepse shpesh kufiri mes të vërtetës dhe shpifjes, aq më tepër në një shtet pa hetim dhe drejtësi të pavarur, mbetet mjaft i paqartë. Tolerimi i dhunës kundër një gazetari që shpif do të qe edhe tolerim i dhunës mbi gazetarin që "shpif". Bashkë me të njomin do të digjej edhe i thati. Bashkë me shpifjen do hante dru edhe e vërteta. Dhuna fizike dhe jo fizike (madje kjo e fundit është edhe më e rrezikshmja), do të ishin një "kimioterapi" që do asgjësonte bashkë me shpifjen edhe qelizat e lirisë së fjalës.

***

Ndaj liria e fjalës nuk mbrohet dot pa mbrojtur edhe të gjithë "përbindëshat" e fjalës së lirë. Po si t‘ia bëjmë me ata që shpifin dhe abuzojnë me lirinë e fjalës? Ata që abuzohen, presidentë, kryeministra, ministra, politikanë, deputetë, zyrtarë, biznesmenë, milionerë, varfanjakë, qytetarë duhet t‘i drejtohen ligjit, drejtësisë. Duhet të veprojnë si kundër çdo lloj padrejtësie. Nga ana e tyre gazetarët duhet të bëjnë ç‘është e mundur, duke vënë në lëvizje kodet e etikës (që për fat të keq nuk e bëjn&eumlsmiley që të parandalohet abuzimi me fjalën e lirë dhe që licenca për të thënë të vërtetën të mos degjenerojë në një licencë për të shpifur. Por nuk mund të pranoj se e kam hak që të dhunohem si gazetar nga ndonjë "hundëlesh" fanatik, sepse më konsideron monstër ngaqë i kritikoj "udhëheqësin e dashur të partisë dhe popullit". Nuk mund të pranoj si të drejtë për vete dhe kolegët e mi, të dhunohem heshturazi me anë të diskriminimit të familjes, mohimit të të drejtave të punës dhe pronës dhe lirive të tjera njerëzore, sepse refuzoj të shërbej për dikë në pushtet apo në opozitë, sepse jam bërë një përbindësh për kreun e pushtetit apo edhe kreun e opozitës që nesër mund të vijë në pushtet. Pak kohë më parë u ndodha në një debat televiziv për problemin e protestave të opozitës lidhur me hapjen e kutive. Shpreha edhe kritikat e mia për Edi Ramën si lider i PS. Pas debatit, mora edhe "inputet" e zakonshme me mesazhe nga të njohur dhe të panjohur. Një mik i imi, sot politikan i majtë, më dërgoi edhe mesazhin e revoltuar të dikujt, që ai e raportonte edhe si të një kolegu pra, të një gazetari: Kafshë, kafshë është ky Andrea Stefani, kafshë! Kaq qe mesazhi që këtë herë vinte nga e majta dhe nga dikush që, jam i bindur, i ka ardhur mirë për vite me radhë nga kritikat që i kam adresuar Sali Berishës. Por ja që nuk mund të mos vijë një ditë kur gazetari bëhet kafshë, pra një përbindësh, edhe për simpatizantin e djeshëm të cilit, i duket e padrejtë që gazetari, duke respektuar lirinë e fjalës, të kritikojë një ditë jo vetëm Berishën, por edhe liderin e tij të dashur, Edi Ramën. Është një arrogancë sa vulgare aq edhe fyese. Ndaj si mund ta mbroj lirinë time si gazetar pa mbrojtur edhe "përbindëshin"? Prandaj do ta mbroj lirinë e "përbindëshit" për të thënë atë që mendon, sepse nuk mund të mos jem edhe unë një "përbindësh"!

Marre nga Shqip

Mondi, nqs do mateshim me standartet e botes perendimore ( qe po na del shpirti e nuk po bejme dot pjese) Mero Baze do te kishte shkaktuar termet dhe rrezuar qeveri me ato qe shkruan. Te kuptohemi nqs do te ishin te verteta. Nqs jo Mero Baze do te kishte deklaruar faliment deri ne fund te jetes se tij. Pra ne nje shtet serioz dhe ligjor, kur nje gazete publikon informacione kompromentuese per kedo (politikan, biznesmen apo dhe qytetar) dy jane rruget : ose personi i akuzuar mohon publikisht keto informacione dhe padit gazeten ne gjyq, ose jep doreheqjen (nqs eshte politikan) apo terhiqet nga drejtimi i biznesit dhe kerkon falje. Tani ne Shqiperi nuk ndodh asnje nga keto reagime. Cfare ndodh? Ndodh ajo qe ndodh ne nje republike bananesh apo ne Rusine e Putinit. Rrihet apo vritet gazetari. Mero si njeri mund te jete nje plehre dhe ndoshta si gazetar. Mua me intereson qytetari. Te drejtat e tij. Nuk mund te kemi nje kandar per qytetarin politikan, nje kandar per qytetarin biznesmen dhe nje kandar per qytetarin e thjesht. Dhe te ky qytetari i thjeshte ben pjese dhe ti ashtu si une e pjesa dermuese e shqiptareve.

 

Ta provoj dhe une nje nga keto diversionistet? smiley

Kush quhet gazetar?

Mjafton te kesh ne pronesi nje gazete dhe te shkruash c'te te doje qefi qe te quhesh gazetar, apo ka kritere dhe etika te tjera qe duhen zbatuar?

Qe te kalojme pastaj ne ate a eshte prifti popull qe pyeste ai partizani tek ai filmi. Pra a eshte Mero Baze gazetar?

Diversion te mbare. smiley

Z. earizaj, nuk kuptoj reagimin tend ndaj gjykimit te tjetrit per gazetarine. E para per derisa ju shkruani dhe ju botohen ne shtyp shkrimet qe pasqyrojne opinionin tend (qofte edhe per gazetarine qe eshte edhe ajo pjese e standartit social), zoteri duhet te jesh i qete te pranosh edhe opinionin ose reagimin ndaj shkrimit tend. Megallomania e uljes ose neneshtrimit te tjetrit me menyra si ata te djemeve te ish-Bllokut, jane elemente, qe e kam shkruar edhe me siper, kane vite qe na lane. "Kush je ti, e kush jam une" jane leshuar prej kohesh prej kullave te maleve tona kreshnike.

LLogjikimi qe une e kam pas godit Berishen  qe ne 98, eshte nje justifikim feminor, qe bie poshte me nje "smile". Kjo pasi e kemi te fresket Frrok Cupin, para dy ditesh. Nuk po vendos Frangajn dhe historine e tij te parase dhe pasunimit me ane te shtypit, gje qe eshte tipike per abuzim me fjalen e lire.

Kerkimi per te fituar mireqenie me shkrimin ne gazetari, do te ishte zoteri, ta nderoje vehten me shkrime ne letersine, qofte edhe ate te vockel te tregimit, e do te ishe me i nderuar e paraja do te kishte me vlere per ju. Gazetaria eshte mision shoqeror dhe ka ne thelb percueshmerine e moralit ne njesine e kohes, (te me falesh por nuk po te jap leksione gazetarie por kujtese moralistike, pasi me duket se i keni harruar gjate kapercimit nga njera mbeshtetje politike ne tjetren(sic e shkruan edhe vete).

Edhe dicka tjeter, gazetar, jepi nder vehtes e redaktoje pak ate qe shkruan, pasi nderon edhe te shkruarit si kulture. Nuk ka kudo redaktore.

Pozicioni me komod dhe "gjallesa" me pa probleme ne kete fushen e medias sot ne Shqiperi eshte "Opinionisti". Ai "parimori", qe nuk merret  me faktin nese kjo gje eshte e vertete apo jo,  por me "parimin": ...pavaresisht nese kjo eshte e "vertete"...apo duke e marre te mireqene se kjo eshte / nuk eshte "e vertete"...apo qe mbetet per tu vertetuar...

Tani, jo se une kam ndonje problem me "opinionistat"...por po nuk pati fakte per cfare na duhen opinionet... dhe si shume opinionista jane bere mer jahu....dhe shume pak FAKTISTA...

 Vlonjat, pershendetje bashkeqytetare smiley

Te lutem se po na i beni keto standartet perendimore si 10 komandamentet, ne cilen pjese te shoqerise shqiptare eshte arritur nje standart perendimor? Pastaj me duket se ketu gjykohet dhe paragjykohet vetem me dashuri partiake, apo me "ju atje sdini asgje". Ku e gjen nje fjale ne shkrimin tim qe kundershton ato qe shkruan baze, mgjth perseri jam skeptik kur nuk ka dokumenta? Une jam totalisht kunder fyerjes nga komuniteti im ne adrese te kujtdo qytetari, me apo pa pushtet, sepse ketu kemi te bejme direkt me shfrytezim pushteti, apo jo. Ne kete rast te pushtetit te medias. A nuk eshte kjo qe sulmojme perdite tek qeverite e cdo lloji, shfrytezimin e pushtetit? Patjeter qe jam per gazetarine e ashper, sidomos ne nje pushtet te ashper, por jo per gazetarine mizerabel qe merret me nenen, motren, gruan, far e fisin, qe nuk jane aspak njerez publike. Per qytetarin Mero Baze duhet te protestojme gjithe diten, kete besoj e lexove. 

Keindi, une i mirepres te gjitha opinionet dhe reagimet ne adrese time, pavaresisht se disa mbajne brenda edhe ofendime jo pak here, sidomos nga disa qe ne hyrje predikojne standarte e ku di une se cfare. Por nuk mund te pranoj qe te pergjithesohet i gjithe komuniteti im me etiketime lepujsh, e marres rrogash. Pyetja "kush je ti zoteri" eshte shume me e thjeshte se ajo qe te ka shkuar ty ne mendje: ka te beje me ate se cfare pozicioni ka personi ne shoqeri qe i jep te drejten te zhbeje nje komunitet te tere. Eshte njesoj si te mallkojme te gjithe komunitetin e emigranteve shqiptare, pse dikush vrau kunaten, motren dhe mbesen. Une nuk them kam godit Berishen, sepse nuk kam as topa e as mitroloze, por "jam perballur"  dhe jo per te treguar "ja kush jam une", por thjesht per nje rikujtese te shume "peshqve" se gazetaria shqiptare nuk ka nisur tre vjet me pare. Prano dhe nje leksion te vogel, meqe me keshillon te shkruaj tregime; mes gazetarise dhe letersise eshte nje oqean i madh qe i ndan. Dhe po pate mundesine dhe kohen, ma shpjegon dot kapercimin tim nga nje mbeshtetje politike tek tjetra??? Mos valle kur kritikohet nje pale, domosdoshmerisht je me palen tjeter??? Per pjesen e fundit ke te drejte, mgjth nuk me duket se ketu varet nderi, apo cnderimi i nje gazetari. FLM

 

Te respektoj per dhenien e pergjigjes si do qe eshte. Por opinoni im qe me ngacmon prej shkrimit dhe me pas reagimit tuaj, eshte ai qe ju nuk merreni me thelbin e krizes por me ate qe eshte siperfaqesore, dhe qe nuk eshte sot shqetesimi i shoqerise ( edhe asaj gazetareske, qe ju doni ta ndani vecmas) e cila per mendimin tim ka probleme te medha.

Ju, ne mes shkrimit dhe reagimeve, i jepni theksim shqetesimit per fyerjen por asnjehere nuk kini parasysh ate qe i jep ai "Gazetar Shpifes" shoqerise. Duke mos pasur, ju dhe shume te tjere, guximin per te goditur elemente mafioze te biznesit, politikane te korruptuar dhe shembuj amoraliteti( dje keto me emra, as dhe me aludime), i benei nje dem shoqerise. Une e quaj misionar gazetarin per aresyen e thjeshte se ai eshte morali i lajmit te shpejte dhe te drejte, si dhe me pas i opinionit te pa paguar me para ne dergese paradhenie. Ketu te morra edhe shembullin e atyre dy figuarve te degjeneruara te gazetarise.

Nese predominanca ose theksimi i shkrimit tuaj superon thelbin, qe kerkon te beje gazetari Mero, pra botimin e dokumenteve, komentin e tij rreth tyre, etj. dhe keto pa u hedhur pashte prej akuzuesve, por merret me fyerjet qe i ben ai familjareve te nje ose disa politikani ose gazetari lolo, tregon ( per mua te pakten) se shkrimi yt shkon ne nje krah me ate qe kerkon te beje edhe struktura e shtetit sot, (alias dikur ne diktaturen e e Hoxhes. kur duhej te denohej nje element i rrezikshem i pushtetit kerkonin dhe gjenin shkakun e vajtjes me vones e ne pune ose floket e tij te gjata e ndonje liber te ndaluar qe kishte lexuar, apo edhe pse kishte ndenjur me nje te ish-burgosur).

Paranoja se "u hap loja e po na nxjerrin horrllikun" eshte me e rende se "une jam publik e le te shkrajne c`te duan, e po genjyen ose kane ofeze morali le ta gjykoje kryeplaku i ligjit, gjykatesi"

 keiendi kjo ishte nje pergjigje vertete per tu vleresuar dhe kete rradhe e menduar mire. jam plotesisht dakort, me pak shtesa: luften per ndryshimin e shoqerise duhet ta beje e gjithe shoqeria, secila pjesen e saj te vogel apo te madhe. por, madje POR, shqiperia sot ka nevoje vertete per nje revolucion ne cdo qelize te saj, por ne krye te tij, qofte edhe ne nje pjese te tij s'mund te jete mero. nese vazhdon me idene e "thelbit", kam nje pyetje: pse asgje prej "dokumentave" te bazes, nuk eshte marre asnjehere nga prokuroria??? per krahasim, materialet e "fiks fare" jane perdorur mese nje here.

e fundit, ju akuzoni per mosguxim ne goditjen e elementeve mafioze te biznesit, politikane te korruptuar, dhe shembuj amoraliteti. me fal po ceshtja "fazllic" nisi nga mediat, ceshtja mediu nisi nga mediat, ceshtja pango nisi nga mediat. nuk po e permend ceshtjen "gerdeci" sepse e nisi tjeterkush dhe e mbylli po tjeterkush. 

pershendetje

Te te pergjigjem une pa leje? Sepse valle prokuroria e ka me te lehte te meret me drejtoret e komunales qe denoncon fiksi dhe jo me djalin vajzen ministrin apo miliarderin e kryeministrit me te cilet meret bazja? Dhe meqe jemi tek pyetjet ta bej dhe une nje ty. Pse gruaja e ministrit nuk e denoncon per fyerjen e turpshme qe eshte bere pa te drejte ndaj saj dhe t'ia mbylli njehere e pergjithmone gryken bazes?

Dhe pastaj gjithe ato ceshtjet qe mburresh se i ka nise media ne fakt i ka nise dhe ujit bazja apo jo?

earizaj

A mund te na thuash cfar nenkupton ti me fyerje? Akoma nuke ke kuptuar qe media dhe fjala e lire skan moral, nqs ty ste pelqen ajo qe shkruan Baze, bjeri murit me koke, nqs Baze ka fyer njeri atehere shkon ne gjyq. Une nuk ekam pare te fyej njeri, a mund te me thuash nje rast ku ai ka fyer dike? Me duket se nuk je i qarte as me veten tende.

Nuk do shume mend,te kuptosh qe earizaj nuk beson ne ato qe ka deklaruar Mero me fakte,shifra,me figure,dhe me ze,persegjalli te gjitha ne Vizion Plus,me sakte tek Faktor Plus,...jane te pamjaftueshme per te!

Ai bashkohet me zerin e atyreve duke thene se Mero shpif!Po Mero eshte gazetar profesionist,me ze qe e degjon dhe e perkrah bota.,kurse Arizaj,kush e njeh?Ah,po, ai qe e paguan! Kam degjuar se ne gazetari nuk behesh i famshem duke "kritikuar" thjeshte per kritike,per buje ne tym,nje, qe eshte i famshem vertete per guximin qe ka mare,te investigoj,nje afer,qe eshte perfolur dhe perflitet kaq kohe,dhe per kaq kohe as nje organ i pavarur i shtetit,nuk reagon!

Mero shpif? Kush do ta provoje?,kush thote qe shpif? Arizaj? !!!!!!! .... Pse jo prokuroria!!! Ne ke te besojme? Arizaj?Apo..ata qe jane perfolur?

Me mire tja leme kohes,por nje fjale thote atje ku ka ze,nuk eshte pa gje!

artian

Jo vetm aq, por ai thote fyen personat publik dhe qytetaret. Ne rradhe te pare ai nuk fyen aspak qytetaret sepse nqs fyen nje qytetar qe nuk eshte person publik ne gazetaen e tij, atehere kompeson direkt demin e kryer. Kurse sa per personat publik, nuk i ka fyer ata qe ka permendur, sepse fjala vjen nuk u ka thene ( a b..q.., as shkerdh.te, as r..q.r e asgje te ngjashme qe mund te quhet fyerje personale). Por ka reportuar mbi persona publike, per ceshtje qe kane interes publik, dhe shume here interes kombetar, dicka shume demokratike.

Kritika tjeter kunder tij, eshte qe e tepron ai, e po pastaj se e tepron?????? Cfar idiotesie mor zot. Edhe diten tjeter i thoshte Frroku, qe keshtu si po shprehesh mund te hash edhe ndonje te rrahur tjeter (menjfjale e kercenonte direkt live ne televizion kombetar, qe po vazhdove te flasesh per bosin tim, do rrihesh edhe nga ne).

Le qe sic e kam thene edhe me siper, nuk ka kuptim liria e shtypit nqs nuk ushtrohet deri ne limitet e saja ne nje shoqeri. Kot qe e ke pastaj ate liri shtypi, nqs cfar do te publikohet gjykohet nga mentaliteti i secilit prej nesh, dhe jo prej ligjit.

 

Psh ti Mero Baze (apo kushdo gazetar e media tjeter) ne gazeten tende kur te shkruash per mua, shkruaj ne perputhje me mentalitetin tim, edhe ne qoftese une jam komplet rrote, sepse ndryshe fyhem une dhe te rrah, lere ligjin ti, pastaj kur te shkruash per artianin te shkruash ne perputhje me mentalitetin e artianit, jo me ligjin, se pale per cfar fyhet artiani, dhe ashtu ja jep truri, dhe te rref dhe ai. Ja kjo eshte llogjika e pushtetit te katert aktual dhe plehrokracise shqiptare sot. A thua detyra e gazetarit nuk eshte ti pershtatet ligjit por te shkoj e te marre leje tek lloj lloj idioti e mafiozi para se te shkruaj per ta, se pale se c'fjalor mund ti bej te ndihen te fyer dhe te rrahin.

Mua me vjen cudi qe ne Shqiperi njerezit ende nuk jane hapur sa duhet ndaj jetes demokratike. Cfare dmth jete demokratike. Liria e fjales si e drejte, nuk eshte tregues i demokracise.

Shoqeria shqiptare ngaterron shpesh here kaosin me lirine. E kjo, jo sepse jane shume te ndryshme; faktikisht, kaosi eshte liri pa kufi, liri alla-njerezore pa kufizime. Nese nje gazetari i mbyllet goja, menjehere na cohen ca llafazane qe lehin gjithmone, me apo pa shkak, dhe fillojne e i bien teneqeve sa t'u bien veshet gjithe shqiptareve...

Ne Shqiperi ka nje ligj. Kur te vije dita qe ligji te jete LIGJ dhe te zbatohet me korrektesi dhe perpikmeri, si LIGJ qe eshte, nuk do te kemi probleme te tilla.

As nuk do behej sot zhurme Taci-Baze apo te ndonje lloji tjeter! Jam mese i bindur qe kjo gje as nuk do kish ndodhur fare nese do te jetonim ne nje shoqeri qe regullohet me ligje, ne nje shtet te se drejtes ligjore. Dhe, gjithashtu edhe po te kish ndodhur ne nje shtet te se drejtes ligjore, kurrsesi nuk do i behej jehona qe po i behet tani! NUK KA FARE RENDESI SE KUSH KISHTE TE DREJTE!!!

Pervec problemeve qe ka shoqeria shqiptare me ligjin dhe zbatimin e tij; problemi qe ka media, si e tere, eshte dramatik fare! Media shqiptare ka te pakten 18 vjet qe nuk po ze vendin e saj; ne krah te popullit, ne krah te publikut, te opinionit publik, te jete vegel e pushtetit te 4, qe eshte pushtet shume i rendesishem dhe kyc ne te gjitha demokracite boterore. ABSOLUTISHT, MEDIA NE SHQIPERI NUK ESHTE AS PUSHTET I KATERT, E AS PJESE E PUSHTETIT TE KATERT!

Gazetaret dhe gazetaria shqiptare ende nuk e di se cfare eshte pushteti i katert. Asnje perpjekje nuk behet nga gazetaria(media) shqiptare per te kapur popullin, per te kapur opinionin publik. Cdo gazete i drejtohet ekskluzivisht "publikut" te vet, klienteles se vet. Asnje media ne Shqiperi sot nuk po ben perpjekjet maksimale per te arritur te gjitha shtresat e popullsise; dhe as nuk duket ndonje tendence e tille. Ka, psh tulatje te medias per demek t'iu adresuar popullit, mund te permendim emisionin "fiks fare"; por perseri, edhe ky program, nuk arrin te behet pushtet i katert, sepse nuk i drejtohet te gjithe opinionit publik.

Pike kyce ketu:

PER SA KOHE QE MEDIA DO TE KERKOJE TE KONFORMOJE OPINIONIN DHE JO T'I BASHKOHET ATIJ, NUK DO TE KETE PUSHTET TE KATERT!

Nese jam gabim ne kete qe them, po e perforcoj me nje deklarate tjeter: POPULLI SHQIPTAR NUK MBUSH FARE! - SEPSE ESHTE I LODHUR, ESHTE I RRASKAPITUR, DHE CDO QEVERI SHQIPTARE KA BERE CMOS QE KY POPULL TE MOS RELAKSOHET, QE TE JETE ME I DASHUR PER T'IU AFRUAR POLITIKES DHE KLASES POLITIKE/NE MARREDHENIE ME TE. Populli shqiptar nga politika eshte trajtuar si kafshe eksperimentesh, si kavie laboratori. Mediat ne Shqiperi bejne demek se e kane kuptuar kete, por nuk bejne asnje veprim per te "relaksuar" popullin ne kete tranzicion pashpjegueshmerisht te gjate deri ne konspiracion; mediat nuk po bejne asnje veprim per t'u bashkuar me popullin!!!

Patem nje rast, psh, publikimi i rastit Pango... masat qe mori Berisha ishin te rrufeshme! Por populli? Reagimet ishin te vaketa fare... sigurisht qe kishte shume njerez te irrituar, shume te neveritur, dhe mund te themi qe e gjithe shoqeria ndihej ashtu; pooooor... - dhe ketu duket marredhenia e medias me demosin (popullin); mungoi pergjigja qytetare, mungoi solidarizimi; nje gje identike si me Gerdecin! Ne nje sistem demokratik vlerash, ku populli dhe media jane pushtet i katert, NUK DO KISH PERENDI QE TE MBYLLTE PROCESIN MEDIU! E keshtu pak nga pak dalin ne pah te gjitha problemet e komunikimit te medias me publikun!!!

Sa gjera ka per te thene, sa e gjate eshte kjo teme... sa e madhe eshte problematika shqiptare; nuk di ku ta filloj, s'di ku ta kap e ku ta pellcas!

Shqiperia eshte pellembe e gazetare, pellembe e analiste, cdo qytet ka televizionet e veta, 1000 radio, nje miljon gazeta, njeqindmije revista... dhe ne anen tjeter ke nje popull krejtesisht te stakuar nga ky fenomen!

Dhe pse ky tranzicion po zgjat kaq shume... ?!?!?!? Sepse pushteti i eshte marre popullit, popullit i merret gjaku, dhe sa here qe vjen stina e "nderrimit" te gjakut, popullit i merret dhe gjaku i ri.

pyetje, shkrimin me siper a eshte e sigurte qe e ka shkrujt i njejti person qe 150 kilobytes me poshte thote:

liria jote mbaron aty ku fillon liria ime. kjo vlen per te gjithe pa perjashtim.   

Hikni nga Bota se e bete lemsh . Behet fjale per nje kooperative ku talljet e kryetarit shiten si fjalime per Boten ...dhe ....kush guxon ..rrihet !

Gazetari  .....??????? Nqs thelbi gazetarise eshte Lajmi ....ne Shqiperi nuk ka gazetari.

Nqs thelbi i gazetarise eshte te shkruaj sejcili e interpetoj sejcili se " keshtu e mendoj " keto quhen artikuj gazete per te rrite nr e faqeve ne shitje.

Nqs nga gazetaria ( lajmi i saj i cveshur nga mendimi e argumenti personal i gazetarit ) nuk sherben per material per te nisur "hetimin dhe procedimin" per ceshtjen nga Prokuroria , kjo quhet shpifje .

Nqs Gerdeci qe eshte Hapi i pare i Gazetarise Shqiptare  (pas denoncimit te 97 te Regjimit berisha&nbspsmiley arriti te mobilizoje psikologjine popullore qofte dhe "ndryshe"  ky hap i vaket i ceshtjes Fazllic dhe Taci - Oil  pruri nje Gerdec tjeter qe po ndyhet me "keshtu e mendoj une" atehere kushdo ka te drejte qe te thote mira ja bene Meros.

Sidomos te kenaqin mendimtaret e Fell Te qe shikojne ngjasime me kohen e Hoxhes smiley

Sa per dijeni ate klase gazetaresh HARROJENI...Ne se vendoste Partia ata te benin Gjemen dhe jo me pantallona e floke te gjata qe kane qene forme e protestes se rinise kapitaliste ndaj regjimeve shtypese te tyre , por me investigime deri ne fijet e flokeve.

Tani ka gjysma - gjela qe ne faky jane Ljepuj , qe fshihen duke perdorur krahasimet me ate kohe .

Keni ne dore ti hiqni "Petet Lakrorit" per ta goditur te keqen ne Kullen e saj . Harrojeni Meron per kete rast . Ai aty eshte i pademshem , ne cdo kohe edhe mund ta ...rrahesh ! Por kur Ju godet Regjimi ketu eshte RODI!!!! 

une e kam than per vete se ky Mero asht gazetar i mire,ne sensin e penes asht shume i artikulum. Por nga ana tjeter duket sheshit,se si njeri eshte shume i vogel. Nuk ka se si te shpjegohet fakt,i se gjithmon degjeneron ne pergojime te ndyra personale e te bjere ne nivelin e plakave te provinces

Para e madhe,dhimbje e madhe koke,do fame? mba dhe pegojime! Po meqe ra fjala,"pergojime te ndyra personale" na thuaj nje!Te bejme gallate ne !

Ohu ke sa te dush mor vlla. Eshte i pari qe ka thene se Ed Rama nuk eshte i jati i djalit vet, me e ndyre se kaq.Eshte ai dhe Sali Berisha me vone qe permendnin dashnorin e gruas se Sollakut,me e ndyre se kaq, dhe te gjitha kto per mu jane produkte te njeriu me karakter te ulet 

" te gjitha kto per mu jane produkte te njeriu me karakter te ulet "

Dakort jam me ty Pjeter, edhe mu marrina m'duken (ne mos me keq). Po prape jam kunder rrahjes se tij.

"Hakmarrja per nje poshtersi, eshte nje poshtersi tjeter'.....lene masanej kur hakmarrja shprehet ne formen e rrahjes

nuk po kuptoj ku eshte problemi. ndoshta nga qe eshte 1 e nates.

dikush qe eshte shuuume i pasur, rrahu nje gazetar dhe me mbrapa ky personi  shuuume i pasur u fut ne burg.

me thoni, ne nje rast me ideal c'fare do te ndodhte??!!

 

Ypi, ti je mo me nofke te re? Wellcome back, na kishe munguar.

Artikull per Meron kur do shkruash tashi pas rrahjes?

hahaha nuk jam ypi,  jo

megjithate ypi'n e pelqej.    mendoj se ypi do presi rrahjen e radhes

hahaha nuk jam ypi,  jo

megjithate ypi'n e pelqej.    mendoj se ypi do presi rrahjen e radhes

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).