Incidenti i Korfuzit, i rishikuar Revista “Mapo

Incidenti i Korfuzit, i rishikuar

 

Nga Auron Tare, “Mapo”

 

 

 

 

Në ambientet mjaft ekskluzive të një prej hoteleve të famshëm të Washington D. C., në mbledhjen vjetore të Institutit të Arkeologjisë Nënujore, ndër projektet e ndryshme ndërkombëtare u prezantuan edhe kërkimet arkeologjike nënujore në ujërat e territorit shqiptar. Projekti shqiptaro-amerikan tashmë ka mbi tre vjet që është prezent në Shqipëri dhe për zbulimet e bëra deri më tani u shpall si një ndër 10 projektet më të rëndësishme në botë të arkeologjisë nënujore nga revista e njohur amerikane “Arkeologjia”, korrikun e kaluar.

Gjithsesi, në shtatorin e sapokaluar në ambientin mjaft ekskluziv të të ftuarve dhe arkeologëve ndërkombëtarë të pranishëm në këtë mbrëmje projekti shqiptaro-amerikan solli si gjetjen më të rëndësishme të sezonit 2009 një zbulim, i cili do të hapë tashmë një debat mjaft interesant midis historianëve dhe specialistëve të Luftës së Dytë Botërore.

Prezantimi i këtij zbulimi iu besua Prof. James Delgado, president i Institutit të Arkeologjisë Nënujore me qendër në Universitetin e Teksasit dhe Bodrum të Turqisë si një prej specialistëve më të mirë në botë të relikteve të Luftës së Dytë Botërore. Megjithëse Prof. Delgado ishte prezantuesi i këtij zbulimi, ekipi shqiptaro-amerikan dhe anëtarë të Institutit të Arkeologjisë Nënujore, INA, kanë bërë kërkime të shumta për të mbështetur hipotezën e prezantuar nga Prof. Delgado

Prof. Delgado, i cili ishte në bordin e anijes amerikane kërkimore-shkencore, “Herkules”, në verën e kaluar është edhe autoriteti kryesor, i cili mbron tezën e zbulimit të një prej konflikteve detare më të famshme të historisë së pas Luftës së Dytë Botërore që ka hyrë në analet e historisë si “Incidenti i Korfuzit”.

Ekipi i arkeologëve, i ndihmuar nga aparaturat ultramoderne të anijes “Herkules”, pronë e një financieri të rëndësishëm të Wall Street dhe një prej mbështetësve më të mëdhenj të arkeologjisë nënujore amerikane, George Robb, identifikuan një anomali të pazakontë në funddetin e Gjirit të Sarandës dhe me anën e robotit në anije u bë i mundur identifikimi i një sërë objektesh, të cilat mendohen se janë pjesë të bashit të HSM Volage, destrojerit britanik që u dëmtua më rëndë në këtë incident.

Më 22 tetor të 1946, një skuadron i Flotës Mbretërore britanike i përbërë nga kryqëzorët HMS Mauritius dhe HMS Leander, si dhe dy destrojer, HMS Saumarez dhe HMS Volage, ranë në mina detare duke iniciuar kështu një prej konflikteve më të njohura dhe më të gjata të diplomacisë së pas Luftës së Dytë midis Britanisë dhe Shqipërisë.

Incidenti i Korfuzit, sipas dokumenteve zyrtare të botuara nga pala britanike, por edhe më vonë të paraqitura në Këshillin e Sigurimit dhe në Gjykatën Ndërkombëtare të Hagës, vërtetojnë se Flotilja britanike u godit nga minat detare në kanalin e quajtur MEDRI, kanal ky i pastruar prej minave gjermane nga Flota britanike, kanal i cili gjithashtu prekte, sipas palës shqiptare, edhe ujërat territoriale të Shqipërisë. HSM Volage u godit në bash, në momentin kur ajo po asistonte anijen tjetër britanike, HMMS Suamarez, e cila u godit e para nga minat gjermane.

Megjithëse anijet u dëmtuan rëndë dhe HMS Volage humbi bashin e saj, përsëri të dyja mundën që pas përpjekjeve të shumta të marinarëve të ktheheshin në mesnatën e 22 tetorit në Portin e Korfuzit. Gjithsesi humbjet e pësuara ishin nga më të mëdhatë që marina britanike kishte pas Luftës së Dytë Botërore.

44 marinarë dhe oficerë të HSM Suamarez dhe HSM Volage humbën jetën, ndërsa 42 të tjerë u plagosën në këtë incident fatal.

Qeveria britanike protestoi fuqimisht ndaj këtij “provokimi” shtetëror, siç e quajtën atë dhe një seri betejash diplomatike dhe ligjore filluan midis të dy shteteve. Gjithsesi, Incidenti i Korfuzit konsiderohet nga historianët e periudhës si fillimi i Luftës së Ftohtë midis dy kampeve ish-aleate kundër Gjermanisë hitleriane, bllokut komunist dhe Perëndimit demokratik. Por, megjithëse kjo ishte një betejë e famshme për kohën, në qarqet diplomatike dhe ligjore sot ka mbetur një çështje e harruar nga opinioni publik. Zbulimi i kryer nga ekspedita shqiptaro-amerikane e kërkimeve nënujore do të rihapë përsëri, me sa duket, një argument tashmë të mbyllur përgjithmonë. Kush i vuri minat në Kanalin e Korfuzit dhe a shkelën sovranitetin e Shqipërisë anijet e Flotës Mbretërore atë pasdite të 22 tetorit të 1946?

Në nëntor të 1945, me marrëveshje të posaçme, katër Fuqitë e Mëdha aleate, Bashkimi Sovjetik, Shtetet e Bashkuara të Amerikës, Britania e Madhe dhe Franca, ranë dakord për formimin e Komisionit Ndërkombëtar për Pastrimin e Minave, MEDZON, me praninë edhe të shteteve që lageshin nga deti Mesdhe për të pastruar të gjitha brigjet nga minat e flotës gjermane. Në bazë të hartave të kapura Gjermanisë ky Komision Ndërkombëtar filloi punën për pastrimin e minave.

Anijet britanike kishin filluar pastrimin e fushave të minuara që në fundin e 1944 në Kanalin e Korfuzit duke bërë të mundur hapjen e këtij të fundit për të gjitha anijet tregtare që kalonin këtë kanal. Në dhjetor të 1945, anija britanike, HMS Regulus, u godit nga një minë detare duke u mbytur në ujërat e Gjirit të Butrintit, me humbjen e një oficeri të kësaj anijeje. Incidenti u konsiderua si pjesë e rrezikut të pastrimit të minave të Luftës dhe çështja u mbyll në arkivat e Flotës britanike. Anijet angleze vazhduan punën në këtë zonë, megjithëse asnjëherë pala shqiptare nuk u ftua të asistonte në këtë operacion në ujërat e saj territoriale. Me gjithë kërkesën e përsëritur të qeverisë shqiptare për të marrë pjesë si vëzhgues në MEDZON, përfaqësuesit anglezë të MEDZON nuk e mbështetën këtë kërkesë, me argumentimin se Shqipëria nuk kishte as mjete dhe as ekspertizë për të kontribuar në këtë operacion të rëndësishëm.

 

 

Zbulimi

 

Zbulimi i mundshëm i bashit të anijes britanike HMS Volage në fakt e ka fillesën në kërkimet e vitit 2007, kur në distancën prej rreth 21 kilometrash nga kufiri me Greqinë dhe deri në Gjirin e Sarandës, u zbuluan nga pajisjet e sofistikuara të anijes “Herkules” 125 anomali të shtratit të funddetit të Jonit. Pajisjet e sonarit “multi beam” skanuan çdo centimetër të zonës ujore të ujërave të njohura si zona territoriale shqiptare dhe me anë të robotit u kontrolluan 67 anomali, të cilat më të shumtat rezultuan si anomali gjeologjike.

Megjithatë mbi 15 anomali rezultuan të ishin “mbeturina anijesh moderne” dhe si të tilla nuk u verifikuan më tej nga anija “Herkules”.

Por në sezonin e 2009 ideja se ndonjëra prej 15 ‘mbetjeve moderne” mund të kishte lidhje me ngjarjen e 22 tetorit të 1946, risolli vendimin për t’i rishikuar edhe një herë këto mbetje anijesh. Anija “Herkules” lëshoi robotin e saj mbi targetin e identifikuar në 2007 dhe vetëm pas një ore vëzhgimi intensiv nga salla e komandimit, ideja se më në fund bashi i hedhur në erë i HMS Volage ishte gjetur, entuziazmoi jo pak të gjithë të pranishmit. Mendimi se “Herkules” kishte gjetur më në fund dhe koordinatat e sakta të vendndodhjes se HMS Volage solli edhe një vështirësi tjetër të paparashikuar. Të bindur se tashmë HMS Volage duhej të ishte gjetur, në respekt të atyre që kishin humbur jetën në këtë incident, u vendos që asgjë të mos prekej. Ky vendim do ta bënte të pamundur identifikimin 100% të vendndodhjes së saktë të HMS Volage. Sipas të gjitha konventave ndërkombëtare kjo zonë quhet varrezë ushtarake dhe duhet trajtuar me respektin më të madh. Për këtë arsye, identifikimi i mundshëm i anijes u vendos që të bëhej nga fotot e marra nga kamerat e “Herkules” dhe materialet historike të botuara për këtë çështje.

Megjithëse zona e anijes HMS Volage është mjaft e mbuluar nga balta dhe llumrat e lumit të Bistricës që derdhet në gji, përsëri është e mundur që nga kamerat e robotit të shikohen një mori objektesh, të cilat mund të identifikohen me lehtësi. Shihet qartë një pjesë çeliku e bashit që duket se është dëmtuar nga një shpërthim i fuqishëm, kjo pasi kabllo elektrike, tela çeliku dhe copa të tjera metali janë të varura në të. Të shpërndara përqark dhe gjysmë të mbuluara nga llumi i Bistricës, janë një sërë objektesh të ndryshme, të cilat i korrespondojnë klasit të anijes HSM Volage, e cila duhet t’i ketë pasur hapësirat në bash për përdorim të personelit dhe të kuzhinës. Sigurisht që, nëse edhe një prej këtyre objekteve të ishte sjellë në sipërfaqe, do ta bënte mjaft të thjeshtë identifikimin e HMS Volage. Përsëri u vendos që objektet e mëposhtme të mos prekeshin kurrsesi.

 

1. Një mbyllëse e vogël e një tubi uji anijesh

2. Fundi i një shtojce të salduar të bashit prej çeliku

3. Tuba çeliku

4. Pjesë çeliku e dëmtuar nga një shpërthim

5. Enë të ndryshme kuzhine

6. Një kuti metalike e përdorur për maskat Kundër Gazit

7. Pjata të ndryshme

8. Municion i kalibrit 303

9. Një pjesë çeliku e bashit me vrimë nga shpërthimi

10. Tabani i një këpuce apo çizmeje

11. Kuti municioni

12. Municion i kalibrit 303 në një zonë tjetër të vendndodhjes

13. Pjesa metalike e një prozhektori të përdorur nga anijet ushtarake

14. Shishe dhe pagurë ushtarakë

15. Këpucë të tjera

 

 

Interpretimi

 

Materiali i gjetur dhe i vëzhguar me imtësi nga ekspertët amerikanë nuk kishte dyshim që ishte pjesë përbërëse e një anijeje ushtarake. Gjithsesi, besimi se kishim zbuluar më në fund vendmbytjen e bashit të anijes britanike, HSM Volage, na mbërriti edhe nga një këndvështrim tjetër shumë interesant i këtij incidenti.

Oficeri i Flotës Detare shqiptare, Kapiteni i Parë, Artur Meçollari, një oficer i zoti me sa duket në punën e tij, në mënyrë të pavarur, duke studiuar vetëm dokumentet e publikuara nga pala britanike dhe materialet e dosjes shqiptare, arrin në konkluzionin se anijet janë goditur në kursin e përcaktuar në hartën e tij dhe jo sipas pretendimit të palës angleze. Ky përfundim mjaft i zgjuar i kapitenit Meçollari në fakt konfirmonte ekzaktësisht koordinatat e gjetjes së asaj që ekipi shqiptaro-amerikan besonte, vendndodhjen e bashit të HMS Volage, jo më shumë se një mijë e dyqind metra larg bregut shqiptar, një zbulim ky, i cili e fut në dyshim të thellë verdiktin e Gjykatës Ndërkombëtare të Hagës.

Megjithatë, për mbi tre muaj fotot e marra nga roboti i anijes amerikane “Herkules”, iu dërguan disa ekspertëve të Marinës britanike dhe asaj italiane për një konfirmim të pavarur mbi origjinën e tyre. Megjithëse pjesët metalike të gjetura nuk kanë asnjë dyshim se janë të një anijeje ushtarake të shek. XX, specialistët e konsultuar konfirmuan se në fakt edhe objektet e gjetura nën llumin e Bistricës janë objekte të përdorura nga Flota britanike gjatë Luftës së Dytë Botërore për mensat e marinarëve. Stili dhe forma e tyre, si dhe gjetja e tyre akoma në grumbull njëra mbi tjetrën nuk lënë asnjë dyshim për këtë konkluzion. Në bashin e HMS Volage, që u godit nga mina, ishte vendosur kuzhina, si dhe ambientet e depove të anijes.

Gjithashtu, municioni i gjetur pranë pjesëve të tjera është tipik municion i përdorur nga Marina britanike, kalibri 303 i vendosur në krehra dhe i përdorur nga pushkët Lee-Enfield, të cilat përdoreshin gjerësisht nga marinarët britanikë, por edhe nga mitralozat e vendosur në anije. Prezenca e pajisjeve të tjera ushtarake, por gjithashtu edhe mbeturinat e disa këpucëve apo çizmeve ushtarake, konfirmojnë faktin që në bashin e Volage ishin vendosur depot e pajimeve personale të marinarëve.

Për ekipin shqiptaro-amerikan të arkeologjisë nënujore nuk ka asnjë dyshim se zbulimi i kryer jo më shumë një kilometër e 200 metra nga bregu shqiptar i Sarandës nuk është tjetër veçse bashi i anijes së Flotës Mbretërore britanike, HMS Volage, anije e cila së bashku me HMS Suamarez u godit një pasdite tetori me det të trazuar në ujërat shqiptare nga minat gjermane. Incidenti i famshëm i Korfuzit, i cili hapi një betejë të furishme diplomatike në Këshillin e Lartë të Sigurimit në Kombet e Bashkuara, duke rreshtuar në kampe të kundërta vendet e bllokut sovjetik dhe atyre perëndimor, solli gjithashtu edhe prishjen e marrëdhënieve diplomatike midis Britanisë së Madhe dhe Shqipërisë. Jo vetëm kaq, por pas verdiktit të Gjykatës Ndërkombëtare të Hagës, se Shqipëria është fajtore, Britania konfiskoi Arin e Bankës shqiptare, si mënyra më e mirë për ta detyruar Shqipërinë të paguante dëmshpërblimin e caktuar nga kjo Gjykatë. Për mbi 50 vjet në të gjitha librat e historisë botërore incidenti i Kanalit të Korfuzit ka hyrë si një akt i paprecedent i një vendi që kërkon të mbajë me anën e forcës zona territoriale, të cilat janë zona detare ndërkombëtare dhe aq më keq, të vendosë mina ndaj anijeve që kalojnë në mënyrë paqësore në këto zona. Shqipëria pra është fajtore. Megjithëse ky verdikt i dhënë nga një Gjykatë Ndërkombëtare me shumicë votash e dënoi dhe e penalizoi Shqipërinë për mbi 50 vjet si fajtoren kryesore të këtij incidenti, zbulimi i ekspeditës arkeologjike nënujore shqiptaro-amerikane ngre disa pyetje të rëndësishme:

 

1. A ishin anijet e Flotës britanike në kursin e deklaruar?

2. Çfarë bënin anijet e Flotës Mbretërore një kilometër e 200 metra nga brigjet shqiptare?

3. A po kryente skuadroni i Flotës angleze një kalim paqësor?

4. Nëse po, a ishte urdhëruar ky skuadron të qëllonte bateritë shqiptare dhe të zbarkonte në brigjet e Sarandës?

5. Kush i vuri minat?

 

Përgjigjet e këtyre pyetjeve historia do të dëshironte t’i dinte, megjithëse gjykatësit e Gjykatës së Hagës e kanë dhënë tashmë verdiktin e tyre 65 vite më parë.

Dokumentet që do të botohen në vazhdim në revistën “Mapo” do t’i japin përgjigje disa prej këtyre pyetjeve, përgjigje të cilat mund të sjellin rishikimin e Incidentit të Korfuzit.

62 Komente

Ke premtuar qe do e sjellesh te plote. Je i mirepritur.

Tani kam nje pyetje per ty Auron :

Nese vendi i gjetur konsiderohet varrese deti ( dmth saktesoje vete kete ) dhe respektohet , a mund te konsiderohet Gjiu i Sarandes gji historik apop vetem ky fakt nuk mjafton ?

Mund ta plotesosh edhe me nje pergjigje te shkurter psh edhe me elemente te tjere nese e ke mundesi ose me rekomando nje link ku ke shkrua me duket per kete gje ( pra per zbulimet e tjera te arkeologjise nenujore ) . Mire do ishte te ishin te gjitha edhe per peshqit.

E kupton vete pse kerkoj ta di e se mos vetem une xhanem.

 

Kothere, një lidhje nëse s'e ke parë, për fat të keq s'ka më përditësim, ndoshta rifillon nga vera tjetë

» Vendosur: 06/11/2009 - 09:05    •  

Zbulimi i mbetjeve të luftanijes britanike HMS Volage, pranë brigjeve shqiptare ka gjetur një pasqyrim të jashtëzakonshëm në shtypin botëror. Rreth 300 organe mediatike, gazeta të përditshme, agjenci lajmesh e radio, si “Washington Post”, “The Sun”, “Yahoo News”, “Chicago Public Radio”, “CBS NEWS”, “Associated Press”, etj., kanë dhënë lajmin e gjetjes së shkaktares së incidentit të Kanalit të Korfuzit, në vitin 1946. Vetëm pak ditë më parë, në faqet e shtypi shqiptar u botua lajmi mbi zbulimin e mbetjeve të luftanijes britanike, e cila u godit nga minat në vitin 1946. Në këtë shkrim, autori, Auron Tare tregon se si aparaturat e anijes kërkimore “Hercules”, vënë në shërbim të ekspeditës arkeologjike nënujore, shqiptaro-amerikane, ranë në gjurmë të anijes së mbytur. Vendgjetja e këtyre mbetjeve, vetëm 1200 metra larg brigjeve shqiptare sjell të tjera fakte mbi ngjarjen e 63 viteve më parë. Me vendim të Gjykatës së Hagës, Shqipëria u shpall fajtore si agresore, por zbulimi nënujor e vë në dyshim këtë vendim. Studiuesit dhe historianët duhet të rishikojnë faktet dhe të analizojnë arsyet pse luftanija britanike ndodhej në ujërat territoriale shqiptare. Gjatë këtyre ditëve lajmi ka bërë xhiron mediatike nga Evropa, në Amerikë, deri në Indi.

Vendndodhja e anijes britanike konsiderohet "varreze ushtarake"  jo varreze deti. varreze deti nuk e kuptoj si terminologji.

Gji Historik Saranda  per mendimin tim eshte pavaresisht kesaj gjetje apo jo. Nuk ka lidhje me kete zbulim

Z. Tare, faleminderit për punën arkeologjike që bëni, sidomos për kërkimet nënujore!

Z. Tare a dini gje a eshte bere e ditur gjate procedurave gjyqesore kursi i anijeve angleze ne ngushticen e Korfuzit ne momentin e shperthimit te minave dhe nese qeveria angleze ka identifikuar si vend me koordinata kontaktin me minat e supozuara shqiptare? A njihej ne ate kohe vendi ku kalonin anijet angleze si territor shqiptar apo nderkombetar?

Duke ju falenderuar per komentet.

 

Kursi i anijeve sigurisht qe eshte bere i ditur ne Gjykaten e Hages por me sa duket pala shqiptare nuk kishte mundesi qe te vertetonte te kunderten.  Nga kerkimet e bera ne arkivat e Londres tashme te hapura per kete ngjarje une mendoj se ka te dhena te reja qe do te sillnin nje rishikim te ketij Incidenti. Perseri,mendoj se Incidenti ka qene i provokuar nga pala angleze e cila mund te kete rene ne mina te mbetura nga gjermanet, apo mund te kete rene ne mina te vendosura nga pala shqiptare por brenda territorit te saj ujor.

Auron.

Me gjithë kërkesën e përsëritur të qeverisë shqiptare për të marrë pjesë si vëzhgues në MEDZON, përfaqësuesit anglezë të MEDZON nuk e mbështetën këtë kërkesë, me argumentimin se Shqipëria nuk kishte as mjete dhe as ekspertizë për të kontribuar në këtë operacion të rëndësishëm.

Ti e ke te deklaruar nga vete pala britanike, qe Shqiperia nuk ka patur sesi te vendoste mina. Tani ajo vertet e akuzon Shqiperine ne Hage, por, le te ndalemi per nje cast ketu.

Kishte apo nuk kishte Shqiperia mjete apo ekspertize per te kryer nje gje te tille? Vete marina britanike e deklaron qe JO. Tani kjo te ben te mendosh per ate lloj akuze dhe proces qe u hap kunder Shqiperise... Aresyet pse u hap; sepse Anglia ne ate mesele eshte sjelle njesoj, ne menyre identike si Greqia ndaj Shqiperise. Fakti qe atyre u ndodhi dicka ne ujrat tona territoriale, nuk na ben neve me pergjegjesi, jo doemos.

E para e punes eshte cenim i paster kufinjsh dhe sovraniteti, dhe Shqiperia do kish dale krejtesisht e lare nga cdo gjyq i paanshem edhe sikur t'i kish qelluar anijet angleze me torpedo ne menyre te hapur. C'do marina britanike ne ujrat Shqiptare pa vezhgimin apo pranine e pales shqiptare, ne nje kohe ku ne nuk ishim as afer te qenit aleate; ne nje kohe kur Anglia jo vetem nuk na njihte si shtet, po ne konferencen e paqes ne Paris, na konsideronin me kembenguljen me te madhe se ne paskeshim qene aleate te gjermanit!!! Pra ketu ka nje domethenie te madhe; gjithe meseleja eshte e qellimshme, dhe gjyqi ndaj Shqiperise eshte krejtesisht dashakeq. Dhe po te mendosh qe Anglia ngrinte zerin poaq sa greket ne konferencen e paqes per dhenien e Vorio Epirit Greqise, atehere e kupton dhe me mire.

Minat mund te jene vendosur si nga greket, si nga gjermani; por me e mundura eshte ajo qe ka deklaruar shteti jone; ku botes i behej e ditur ne menyre te terthorte se kush i ka vendosur minat. Fundi i fundit, anglezet ishin vete ata qe e kishin pastruar kanalin, dhe jo shqiptaret, qe nuk ishin as pale bashkepunuese sepse nuk pranoheshin as si vezhguese.

Pala shqiptare ka deklaruar se, mina te tilla gjendeshin gjate gjithe bregdetit Jugosllav, dhe marina jugosllave ishte marre me pastrimin e ujrave te veta. Marina jugosllave kishte dhe eksperte, edhe mjete per te pastruar apo vendosur mina ujore te prodhimit gjerman. Ne pozicionin zyrtar, autoritetet Shqiptare nuk ishin ne dijeni te minimit te kanalit por e konsideronin si te pastruar, sepse vete flota angleze e kish kryer ate operacion.

Nese nuk eshte e qarte qe Shqiperia po tregon me gisht Jugosllavine, une nuk e marr vesh se si mund ta kish bere ndryshe, ne nje kohe kur ne ishim aleate me bllokun lindor, ne menyre te vecante me Jugosllavine ne ate kohe, dhe qe nuk mund te deklaroheshim ndryshe apo ne menyre me direkte.

Pastaj, c'mund te prisje nga nje shtet(Anglia) qe nuk na njihte fare as si komb as si shtet apo qeveri, qe deri ne 1954 beri cmos me egersine me te madhe qe Shqiperia te mos pranohej as ne OKB!!!

 

Debati mbi minat eshte dytesor mendoj une.

 

problemi kryesor eshte prania e anijeve britanike shume prane bregut shqipetar.

 

e dyta per mua ky operacion ka pasur qellim provokimin e pales shqiptare dhe nje zbarkim te mundshem nga pala britanike.

 

gjithsesi shikoni dokumentarin ne daten 16 nendor tek top chanel ora 21.00

''E dyta per mua ky operacion ka pasur qellim provokimin e pales shqiptare dhe nje zbarkim te mundshem nga pala britanike''

Armiku jashtem Rono,ke fol si shoku Ramiz Alia.

Kurse sa per artikullin,shume inetresant,gjera qe nuk i kisha degjuar me pare.Ngaqe shikoj shume filma me gjetje thesaresh kushedi.

Po per mua ajo qe thoni ju eshte njesoj e lidhur si me minat, ashtu dhe me cjerrjet monarko-fashiste greke per marrjen me dhune te Vorio Epirit. Ne kete kontekst, ka lidhje cdo gje, jo vetem prania ushtarake angleze ne kanal, por dhe armatimi i forcave fashiste greke qe benin inkursione dhe provokime te perditshme ne territor shqiptar. Prandaj permenda dhe patologjine e qendrimit anglez per mospranimin e Shqiperise ne OKB, per mospranimin e pranise se saj ne konferencen e paqes ne Paris, per damkosjen tone si aleate te nazizmit gjerman, per vendimin e turpshem qe Shqiperia jo vetem qe nuk duhet te perfitonte demshperblime lufte, por i detyrohej Italise ne kete kontekst, demshperblime lufte per shkaterrimin e bizneseve, invesitmeve dhe infrastruktures se tyre ne Shqiperi. Ceshtja per mua eshte shume e thjeshte dhe ka vetem nje emerues; Shqiperia nuk duhej te egzistonte fare!!! Cdo qendrim anglez, cdo deklarate angleze e kohes, te con vetem ne nje perfundim te vetem, - anihilimin total te Shqiperise. Ky nuk ishte vetem qendrim anglez, ishte dhe amerikan, ishte ne rradhe te pare, edhe grek (dhe eshte akoma); por me ben pershtypje sesi Anglia mund te hedhe ne gjyq nje qeveri te cilen nuk e njeh, - qeverine shqiptare. Eshte nje kontradikte proceduriale, diplomatike dhe politike qe edhe sot e kesaj dite nuk gjen pasqyre ne ndonje shembull.

Mina apo jo, Shqiperia nuk duhej te egzistonte, dhe Anglia beri gjithshka qe t'ja arrinte ketij qellimi. Rreshtimi yne ne krahun e lindjes komuniste, ne nje kohe kur vete Stalini ishte mosbesues dhe injorues ndaj Shqiperise, edhe pse ne Jalte Shqiperia ishte deklaruar dhe pranuar si pjese e sferes se influences sovjetike, eshte pjeserisht edhe fale qendrimit Anglez.

Une aty arrij te kuptoj gjithshka ne lidhje me izolimin tone, qe vit mbas viti arriti te demaskoje me shume armiq apo dashakeqe te jashtem qe cenonin direkt integritetin tone territorial, shteteror dhe kombetar. Ne kemi qene konsideruar dhe vazhdojme te konsiderohemi si placke lufte edhe sot e kesaj dite, duke filluar nga fqinjet tane qe nuk na njohin as kufinjte dhe kane madje edhe ligje lufte kunder nesh.

Nuk e di nese arrin te me kuptosh apo nese po sqarohem si duhet.

Paskal Milo: Ka dy aspekte ne lidhje me Kanalin e Korfuzit pasi duhet te jemi te sakte historikisht dhe nga pikepamja shkencore mbi bazen e studimit te dokumentave. Pergjegjesia per incidentin e Kanalit te Korfuzit eshte e dyfishte, aq sa eshte e britanikeve, aq eshte edhe e shqiptareve. Pergjegjesia e britanikeve eshte se britaniket ishin te paret qe e provokuan. Si? Ka nje dokument qe e kemi gjetur ne fund te shume dokumentave te tjere ne fillim te viteve ’90, qe admiraliati britanik urdherohet nga qeveria me urdher te Cercillit qe te kaloje ne pjesen veriore te Kanalit te Korfuzit dhe ketu citoj “per te pare nese qeveria shqiptare ka mesuar te sillet apo jo” sepse kur ndodhi incidenti i pare i Kanalit te Korfuzit, i kerkuan qeverise shqiptare te kerkonte falje per kete incident, qeveria shqiptare nuk kerkoi falje dhe keshtu marredheniet midis tyre ngrine ne ate periudhe. Ne incidentin e dyte, per te pare nese qeveria shqiptare kishte vene mend ose jo, u tha atyre te kalonin edhe nje here ne Korfuz. Ketu qendron pergjegjesia britanike. Pergjegjesia e shqiptareve, e cila nuk njihej deri para 10 vitesh, qendron pasi qeveria shqiptare ne bashkepunim me jugosllavet ka vendosur minat ne Kanalin e Korfuzit. Kane qene anije ushtarake jugosllave, me dijenine e qeverise, te cilat jane nisur nga Kotorri kane shkuar naten ne Sarande dhe kane hedhur minat dhe per kete ngjarje ka 3-4 dokumente te qarta ku disa prej tyre jane bere publike.

Hamit Kaba: Per arsye te prishjes me anglo-amerikanet ose per mosvendosjen e marredhenieve diplomatike , ka edhe arsye te tjera. Ne lidhje me amerikanet, rol negative kane edhe jugosllavet por edhe ruset. Ne botimet e fundit, qe jane gjetur ne arkivat shqiptare dhe te huaja, jugosllavet porositen qeverine shqiptare qe te njihte traktatet e tjera por te mos njihte traktatin e kombit te favorizuar me Shtetet e Bashkuara te Amerikes. Te njejten gje bene ruset me 8 gusht 1946 dhe vetem pak dite me vone, me 13 gusht te 1946, Enver Hoxha u shpreh ne menyre te qarte qe ne njohim keto e nuk njohim ato. Problemi i traktateve ishte nje problem parimor per Shtetet e Bashkuara te Amerikes. Vete jugosllavet i vendosen marredheniet me Shtetet e Bashkuara te Amerikes pasi njohen te gjitha traktatet ndersa neve na dhane nje keshille tjeter. Kjo pasi jugosllavet kishin idene per ta bashkuar Shqiperine me Jugosllavine, ne nje nga republikat e Jugosllavise. Nese Shqiperia do te njihej nga aleatet e medhenj atehere do te njihej si nje shtet i pavarur, do ishte me i njohur nderkombetarisht dhe do ishte më e veshtire per ta bashkangjitur me Jugosllavine. Ne kete kontekst mendoj se duhet sqaruar edhe incidenti i Kanalit te Korfuzit i cili mund te konsiderohet si nje vetvrasje per Shqiperine ky incident.

Rudina Xhunga: Dmth ka qene nje kurth i pergatitur nga te gjitha palet apo nuk mund te jemi kaq te pafajshem?

Paskal Milo: Qe te jemi te sinqerte, pasi po flasim per histori, pergjegjesia e pales shqiptare ne lidhje me incidentin e Kanalit te Korfuzit, eshte nisur nga nje arsye qe per kohen mund te jete dukur e drejte. Kishte kercenime per jugun. Ushtria britanike ishte ne Korfuz, te mos harrojme qe kishte shperthyer lufta civile ne Greqi, dhe Shqiperia ishte si nje prapavije per ushtrine demokratike greke, te komunisteve greke. Pikerisht ne kete atmosfere te ndezur, Enver Hoxha kur ka shkuar ne Beograd ne qershor te 1946, ai ka diskutuar me Titon ceshtjen e integritetit te Shqiperise dhe kane diskutuar menyren sesi te mbrojne kufirin pasi rreziku nga deti vinte. Atehere Tito e keshilloi per vendosjen e minave dhe per kuriozitet te teleshikuesit, minat nuk u vendosen vetem ne Kanalin e Korfuzit por edhe ne gjirin e Durresit por edhe ne Vlore. Ato jane hequr shume vone dhe madje ne kohen kur ka ikur misioni amerikan ne dhjetor te vitit 1946, nuk eshte lejuar qe te vije nje anije amerikane dhe te futet ne portin e Durresit pasi kishin frike se do leviznin mbi minat, pasi ato nuk dinin shtigjet ku duhej te kalonin. Atehere, qeveria shqiptare propozoi qe nje anije shqiptare te conte pertej ujrave misionin amerikan ku do ta priste nje anije ushtarake amerikane. Pra incidenti i Kanalit te Korfuzit ishte me pergjegjesi dyaneshe. Kur Gjykata e Hages mori vendimin e vet, ajo kishte nje bindje qe tek ky incident ishte dora e Shqiperise por nuk e vertetonte dot. Madje do te sjell nje shembull per te treguar qe keto mina jane vene me dijeni te qeverise shqiptare. Hysni Kapo ne nje bisede qe ben me ambasadorin sovjetik ne 1947 i thote “ te lutem shume, thuaji ne Moske qe ti bejne presion Beogradit qe te vijne ten a heqin ato minat se do vijne inspektoret nga Gjykata e Hages e do na i gjejne aty”. E dyta eshte ne kohen kur Enver Hoxha shkoi ne Moske, ne nje bisede me Molotov, Molotov i terheq vemendje dhe i thote qe here tjeter ate pune qe bete me minat ne Korfuz, mos e beni pa dijenine tone.

Xhelal Gjeçovi: Duhet pranuar qe anglo-amerikanet paten nje qellim te caktuar ndaj vendit tone. Ata nuk mund te pajtoheshin me nje regjim komunist ne Shqiperi. Qe ne Konferencen e Jaltës u la e hapur rruga e Shqiperise dhe u la qe fati i saj do te vendosej nga zhvillimet e brendshme. Keshtu qe ka nje aktivitet te gjitheanshem politik, diplomatik, per te ndryshuar situaten ne Shqiperi. Madje duhet te pranojne qe, sidomos anglezet se amerikanet ishin më të përmbajtur, mbeshteten edhe rivendikimet greke ndaj vendit tone ne Konferencen e Paqes per ceshtjen e kufive. Pra, keto perpjekje per te vene ne diskutim kufijte e Shqiperise, perpjekjet per te rrezuar regjimin e ligjshem komunist, krijuan nje shije te hidhur tek opinioni shqiptar. Kjo beri qe Shqiperia ti shohe me dyshim marredheniet me aleatet pas luftes dhe keshtu u perpoqen te gjejne mbeshtetje tek lindja.

Paskal Milo: Une nuk jam plotesisht dakord me Xhelalin. Ceshtja e orientimit te Shqiperise tashme ishte vendosur, nuk pritej 1946 pasi ishte vendosur shume më pare. Jam dakord qe mbeshtetja e britanikeve per pretendimet greke ndaj territorit shqiptar kane ekzistuar dhe jane fakt por t e mos harrojme ta inkuadrojme edhe Konferencen e Paqes së Parisit ne kuadrin e Luftës së Ftohtë. Kishte filluar Lufta e Ftohte dhe Konferenca e Parisit behet pikerisht ne fillimin e Luftes se Ftohte dhe bëhet pas incidentit te pare te Kanalit te Korfuzit. Dhe britaniket ishin shume te revoltuar ndaj qeverise shqiptare prandaj i shtuan presionet ndaj Shqiperise.

 

O Spiritus... Miloja ja fut kot! I eshte mbushur mendja se eshte diplomat dhe kujton se historia mund te behet me diplomaci!

Nuk kane asnje gje te perbashket diplomacia me lenden e historise, o njeri.

Me analize historike, kur nje shtet nuk te njeh kufinjte, eshte shtet armik! Sidomos kur Anglo Amerikanet ishin stacionuar ne Greqi duke bere nje rrokade pa afat skadence, dhe duke mbeshtetur deri ne fund me zellin me te zjarrte te mundshem pretendimet monarko-fashiste greke per marrjen e Vorio Epirit! Nuk ke cfare marredheniesh te kesh me te tilla shtete! Edhe sikur te mos kish ndodhur kurre incidenti i Korfuzit, trupat diplomatike te nje shteti armik qe synon me cdo kusht copetimin e territorit tend (ki parasysh ketu qe ende po zbatohej ne terren gjenocidi kunder cameve), duheshin debuar menjehere. Kjo nuk eshte levizje e gabuar "diplomatike"; eshte ne te drejten tende si popull sovran qe te mbrohesh me cdo mjet qe ke ne dispozicion! Nuk ka vend per diplomaci aty... Afrimi me lindjen po, mund te shihet si pasoje e qendrimit te perendimit ndaj nesh; e jo se paskesh qene gabimi i qeverise sone qe kishte si detyre urgjente sigurimin e bukes se gojes per nje popull te rraskapitur dhe te rrjepur nga lufta, nje popull qe kish sakrifikuar me shume se gjithe te tjeret. Dy ishin mundesite, o te bashkoheshim me ata qe donin te na copetonin dhe t'ja jepnim vete grekut Vorio Epirin, o te hidhnim syte nga lindja! Syte nga lindja i hodhem, dhe koha deshmoi dy gjera: Mbetem te varfer dhe te izoluar, por deshmoi dhe gjene me te rendesishme!!! - U ruajt integriteti territorial dhe sovraniteti shqiptar per kete Shqiperi already te copetuar. Sot jemi ky shtet qe jemi, me kete territor qe kemi fale atij orientimi qe morem ne ato kohe!

Dhe ja keput kot Gjecovi qe Shqiperia qenka lene te orientohej vete sipas zhvillimeve te brendshme! Churchilli vete as nuk e preku fare ceshtjen e Shqiperise sepse ishte zone e influences Sovjetike! Dhe kish per te qene dhe Greqia pjese e asaj sfere, por Greqia u clirua me trupa anglo-amerikane, qe ishin tashme te terren! Sikur nuk dihej qe ne Shqiperi luften antifashiste e drejtuan dhe e organizuan komunistet!!! Forcat e djathta, pikerisht ato qe mund te kerkonin nje aleance te mundshme me bllokun perendimor, ishin pikerisht ato per te cilat Amerika dhe Anglia flisnin qe demek Shqiperia paskesh qene aleate e nazisteve!!! 

Dhe eshte turpi me i madh qe te mundohesh te besh "diplomaci" me te tilla fakte. Keto gjera duhen thene drejt dhe pa frike, se nuk konsumohesh si figure publike apo politike duke thene nje te vertete historike; sidomos ne kete kohe qe jemi aleate dhe po flirtojme me Ameriken. Nuk mendoj qe do na ofendohej Amerika po permendem fakte per nje te kaluar te tille! Mos u beni njerez qesharake tani!

Zot i madh, Miloja eshte historian mer vlla, por si politikan, gdhe dhe cirak zengjini mbeti!

Zotrules :Miloja ja fut kot! I eshte mbushur mendja se eshte diplomat dhe kujton se historia mund te behet me diplomaci!

-Konsiderata e pare eshte se ti zotri me le pershtypjen se je teper i dashurua rme veten dhe sistemin tend te dijes. Kjo eshte minus per nje dialog te hapur dhe te matur. Te admiroj qe shkruan shume shpejt por kjo te pengon te mendosh pak me gjate. Merri gjerat me qete dhe me shtruar.Chi va piano,va lontano.Nese KY MILOJA ESHTE KOT kush je ti Zotri? Cfare autoritetit ke ne sferen e dijeve dhe a mund te na e provosh kete autoritet?

Nuk kane asnje gje te perbashket diplomacia me lenden e historise, o njeri.

se pari historia e kqyrur ne rrafshin e raporteve ndershteterore eshte edhe diplomaci.  se dyti shkrimi historise mbeshtetet ne burime diplomatike, aty ne prapaskenen ku luhet historia e vertete. tocka.

Churchilli vete as nuk e preku fare ceshtjen e Shqiperise sepse ishte zone e influences Sovjetike!

E harroi ne fakt diten e pare me Stalinin dhe diten e dyte e trajtuan minis. e jashtem. Dhe ndarja ishte 50 me 50. Gara ishte e hapur.Saktesisht duhet thene se Stalini shikonte me syzet e jugosllaveve ne ate bote dhe deri me 1947.

Afrimi me lindjen po, mund te shihet si pasoje e qendrimit te perendimit ndaj nesh;

E kunderta djale, qendrimi perendimit u kushtezua nga drejtimi yne kah Lindja .Me lart e thua qe fatet e luftes ishin vendos pa perfundu lufta .Drejtimi nga PKSH. Prandaj te them mos shkruaj shpejt dhe ruaj koherencen/

Syte nga lindja i hodhem, dhe koha deshmoi dy gjera: Mbetem te varfer dhe te izoluar, por deshmoi dhe gjene me te rendesishme!!! - U ruajt integriteti territorial dhe sovraniteti shqiptar per kete Shqiperi already te copetuar. Sot jemi ky shtet qe jemi, me kete territor qe kemi fale atij orientimi qe morem ne ato kohe!

I DUHEN NJOHUR DISA MERITA ATIJ SISTEMI DHE EH pa qene nevoja te jemi komuniste.Shqiperia u be shtet sovran.

Por mos harro dicka.Milo dhe co e politikes se majte keto gjera nuk mund ti thote fare hapur. Ti lexo pak mes  rreshtave .

Do te te jap nje pergjigje te shkathet o Spiritus, sepse nuk kam nge te merrem me te gjithe qe nuk kuptojne ato qe lexojne....

KY MILOJA ESHTE KOT

E ke thene ti kete, jo une. Une kam thene qe "ja fut kot" -- pak a shume si ti tani.

kush je ti Zotri? Cfare autoritetit ke ne sferen e dijeve dhe a mund te na e provosh kete autoritet?

Kerrkushi qe ti njeh. Cfare rendesie ka? Ah po, ka shume rendesi, kur ti kujton se je dikushi dhe hidhesh poshte nga nje qe per ty eshte kerrkushi. Fakt turperues ky...

Autoritet? Provat materiale si mund t'i kete Miloja i kam dhe une. Ketu nuk po flasim per prova; po flasim per interpretimin qe u ben provave filani, fisteku apo ti...(do te te shoh me poshte dhe ty) ne rastin konkret, Miloja. Dhe nuk i kam perdorur ndonje kunderprove, por nje llogjike qe eshte i ftuar ta hedhe poshte, sic je i ftuar dhe ti. Mendimin tim e kam dhene ketu, dhe tashme eshte dhe prone e jotja.

se pari historia e kqyrur ne rrafshin e raporteve ndershteterore eshte edhe diplomaci.  se dyti shkrimi historise mbeshtetet ne burime diplomatike, aty ne prapaskenen ku luhet historia e vertete. tocka.

Tope tope o Idriz thuaj...

Historia eshte vetem histori. Jo diplomaci. Edhe historia e diplomacise eshte histori, dhe nuk eshte fare, kurrsesi dhe kurren e kurres diplomaci. Historia eshte mbledhje faktesh (automatikisht, te se kaluares.) dhe paraqitja e tyre. Derisa te kuptosh ti kete, tocka them vetem une.

Saktesisht duhet thene se Stalini shikonte me syzet e jugosllaveve ne ate bote dhe deri me 1947.

Eh...

E kunderta djale, qendrimi perendimit u kushtezua nga drejtimi yne kah Lindja .Me lart e thua qe fatet e luftes ishin vendos pa perfundu lufta .Drejtimi nga PKSH. Prandaj te them mos shkruaj shpejt dhe ruaj koherencen/

Per shkak se ne u drejtuam nga lindja, perendimi na konsideroi shtet aleat te nazisteve...

Per shkak se u drejtuam nga lindja, perendimi nuk donte qe te pranoheshim ne OKB...

Edhe pse ishe ti ai qe donte ta bente ate mishmashin e diplomacise me historine, ketu nuk arrite ta beje dot... te na kishe treguar pak se si funksionon nje gje e tille diplomatikisht... Dhe me kerkon mua te jem koherent... smiley

Por mos harro dicka.Milo dhe co e politikes se majte keto gjera nuk mund ti thote fare hapur. Ti lexo pak mes  rreshtave .

Mes rreshtave nuk lexohet nese nuk ka gje te shkruar. Nuk mund te flitet me fantazi, o njeriu qe dashuron koherencen.

Dhe nuk e dyshoj fare qe Miloja mund ta pranoje dhe hapur ate gje; nuk besoj se do e kete problem. Thjeshte e inkurajoj nje person qe merret me histori te mos kete frike asnjehere t'i thote gjerat hapur. Ashtu sic ben pak me siper Miloja kur zbulon tre dokumente te reja qe nuk diheshin nga studiuesit tane per manovrat ne kanal dhe udhezimet e Qurreqidhit.

Dhe nuk po te ben ftese absolutisht ty dhe asnje njeriu tjeter qe te behesh komunist. E verteta eshte e vertete pavaresisht nga ngjyrat politike. Eshte i nderuar dhe i respektuar ai komunist qe fiton nje argument duke perdorur te verteten, njesoj sic eshte i nderuar nje i djathte qe mposht nje komunist duke perdorur te verteten. Nga e verteta ne fakt fitojne te gjithe maksimalisht.

kam lexuar diku se trajtimi i keq i Anglise dhe SHBA's ndaj shtetit shqiptar dhe mosperfilljen e tij beri qe shqiperia te izolohej dhe te merrte kursin qe mori jo shume vite pas luftes se dyte boterore

Z. Auron Tare faleminderit per punen tuaj.

Te shpresojme qe do dale dicka e mire per Shqiperine nga e gjithe kjo histori.

Zotrules

 

keto ceshtje trajtohen ne menyre te ftohte dhe pa emocione.ne baze te fakteve qe mund te kesh ne dore dhe jo ne hamendje.

 

e kuptoj mire shqetesimin tend dhe mendoj se perfundimet qe do te dalin nga ky studim do ti japin te drejte shqiperise por gjithsesi e perseris duhet ti referohemi vetem fakteve ne dispozicion. deri tani keto fakte te konfirmuara edhe nga eksperte te njohur nderkombetarisht i japin te drejte shqiperise.

 

shpresoj qe edhe shteti i sotem te beje dicka per kete ceshtje pasi ketu flitet per reputacionin e vendit dhe jo te qeverive

  1. "Para Mbretit (UK), dhe mbrapa kalit mo rri (qendro, pozicjonohu)", thote populli.

Auron, personalisht nuk kam asnje lloj emocioni per kete ceshtje. Nese kam, e kam pozitiv. Duhet te me kuptosh drejt. Eshte apo jo(me sakte, a ka qene apo jo) makinacion anglez kjo situate, ka pak rendesi; ka apo jo te drejte Shqiperia, edhe kjo ka pak rendesi. Te themi te drejten. Madje, po te flasim nga nje kendveshtrim i mundshem anglez, me ate stoicitetin e mbrojtjes gati pa kushte te vijes politike qe ka ndjekur Britania e Madhe gjate ketyre 70 vjeteve, ne ballafaqim me situaten e sotme, me gjendjen ku jemi sot, qe ne jemi ALEATE me Britanine, dhe qe e konsiderojme vend MIK, optimizmi eshte pak qe te shprehet. Eshte me shume se optimizem, pra eshte nje ndjenje miqesie, qe une personalisht, dhe nje pjese shume e mire e shqiptareve ndjejne ne kete drejtim. Ne kemi marredhenie mjaft te mira me Britanine dhe kjo eshte nje situate qe na nderon te dyja paleve. Per te mos permendur faktin qe Britania na eshte gjendur ne krah ne menyre te pakushtezuar fare; duke patur parasysh psh luften e Kosoves. Pra edhe nese ka ndonje emocion, ky eshte sigurisht pozitiv.

Dhe te them te drejten, do te te kerkoja pak me shume shpjegim ne ate qe thua: "ketu flitet per reputacionin e vendit dhe jo te qeverive"... per mua personalisht nuk e di se si t'i jap kuptim kesaj fjalie, sepse marredheniet me Angline dhe Ameriken sot, nuk i kemi bazuar ne reputacione; te pakten nga ana e tyre, se nga ana jone, dihet qe Amerika eshte e para, pastaj vijne te tjeret me rradhe, me Britani si aleati kryesor i Amerikes qe jane byth-e-breke bashke.

Per cfare reputacioni e keni fjalen? Ketu thjesht behet fjale qe po del ne shesh nje e vertete historike mbi nje incident. E kaluara nuk korrigjohet dot, e tashmja nuk permiresohet dot, (sepse eshte shume e mire already), per reputacion e dine gjithe bota qe jemi kombi me filoamerikan ne bote dhe qe nuk i perkasim thjesht NATOs, por klanit Anglo-Sakson me ne vecanti. E kjo duket jo thjesht nga mendesia, po nga gjithe orientimi politiko-diplomatik i Shqiperise, qofte me aleanca, deklarata, marreveshje, apo dhe shembujt e thjeshte kur i marrim.

A mund ta thellosh pak ate idene te lutem; se dua ta kuptoj per cfare behet fjale me egzaktesisht.

 Artikulli ishte interesant, veç per mendimin tim (te shprehur me kohe ketu), minat jane vendosur nga anglezet vete. Ku bazohem une. 

1) Kanalin e Korfuzit e kishin marre persiper ta pastronin anglezet. 

2) Pala shqiptare kish shprehur deshiren te çonte ne ate sipermarrje njerzit e saj, ushtaraket e saj, me qellimin qe dhe keta ushtarake (te dale nga lufta) te fitonin eksperience (minimi-çminimi ne det, nuk njihej nga pala shqiptare), mirpo pala angleze nuk kish pranuar. 

3) Direkt pas shperthimit te mines a minave nenujore, pala angleze pa filluar hetimet akuzoi palen Shqiptare. (ishte tamam sikur te akuzoje fiset Taka-Muka, per vendosje minash). Kjo ngre nje pik-pyetje te madhe. Ne boten normale, akuza ngrihet pas hetimeve dhe jo para hetimeve. 

 

Ajo qe thote Auroni se minat mund te ishin gjermane, kete gje dhe e besoj, porse dora qe i vuri ato poshte anijes angleze, ishin vete specialistet angleze. Nese minat do te ishin aty me kohe (pra te vendosura nga gjermanet) , anija angleze do ti pikaste me kohe siç kish pikasur dhe te tjerat, qe tashme i kish pastruar. Vete anijet kane patur ate sesnsorin qe i lajmeron kur afrohen afer nje objekti metalik, e ne kete rast kjo anije do te mirrte masat. Si ka mundesi qe anglezet  kane pikasur e çmontuar me dhjetra a qindra mina, dhe nuk kane pikasur kete/o mina qe i plasen anijen e tyre.  Kjo ngre nje pik-pyetje te madhe. 

per me shume shikoni emisionin mbi kete ceshtje ne 16.nendor  tek Top Chanel  ora 21.00

Na fal qe te shqetesuam me ndonje pyetje te rastit, keshtu...

Auron

Sillni dot ndonje anglez vete aty?? Do ishte e madhe, provoheni njeher.

pa problem i dashur,  shqetesim nuk ka thjesht doja te thoja qe per me shume shikoni dokumentarin dhe lexoni dokumentat qe do botohen

Do jete dokumentar i posacem, apo tek top-show?

 

Duhet patur parasysh qe kane ndodhur 3 incidente qe perfshijne Britanine ne kete ceshtje. Ne 15 Maj 1946 nje bateri shqipatre qellon kundra 2 anije britanike. Qeveria britanike proteston duke cituar te drejten e kalimit te gjireve kurse qeveria shqiptare pretendon qe duhet autorizim kalimi per lufte-anijet dhe anijet tregtare ne territorin e saj.

Anijet britanike rane ne mina ne territorin shqiptar ne 22 Tetor 1946 dhe per kete Shqiperia u gjend fajtore per mos kontrollimin e territorit te saj sovran. 

Kurse per shkeljen e ujrave shqiptare ne 12/13 Nentor 1946 Britania e Madhe u gjend fajtore (por nuk u gjobit), edhe pse kishte hyre per te bere pastrimin e minave qe shkatuan demtimin e anijve luftarake nje muaj me pare. 

Nuk duhet harruar qe minat ishin te tipit Gjerman - por dhe Jugosllavet kishin mina te tilla dhe teknologjine per ti installuar.

Si per fundim Shqiperia u gjobit me rreth £850.000 te asaj kohe (qe nuk jane paguar akoma), dhe e "drejta e kalimit te pafajshem" per anijet ushtarake dhe te tjera u be ligj nderkombtar.

Gjithsesi Anglezet i moren leket nga thesari shqiptar qe ruhej ne Itali - i kapur ne Rome ne 1943 nga Anglezet. Nje lemsh i madh u krijua se kush e kush ta mare floririn shqiptar. Italia hodhi ne gjyq Francen, Ameriken dhe Britania e Madhe.

Interesante per ne eshte qe Gjykata Nderkombtare e Drejtesise (Monetary Gold Case 1951&nbspsmiley e gjeti pronarin (Shqiperine) dhe i beri thirrje qe te paraqitet e te marri thesarin, mirepo Xhaxhi Veri ishte i nevrikosur me historine e Korfuzit dhe nuk u pergjigj fare. Edhe sot e kesaj dite Profesori im ne Ceshtje Nderkombtare nuk arrin te kuptoje kte veprim te shtetit shqiptar! Keshtu qe rezultati eshte: Britani e Madhe -2    Shqiperi -0

Po ne futboll na kane rrahur gjithmone ata, qofte me zotesi, qofte me ndihme gjyqtaresh...

Kur t'i kthehej gjithe ari, atehere do pranohej. E jo te mbante Anglia sa i duhej per te "demshperblyer" marinen e saj dhe familjet e ushtareve te rene... ne nje ceshtje ku ti nuk pranon te jepesh dhe beson se je ne te drejte, nuk eshte gje e zgjuar te marresh pjesen e fajit persiper ne ate menyre...

Britani e madhe 2(me gola alla-maradone), Shqiperi 0, por te pakten nuk kemi bere autogol. Keshtu thoi profesorit.

o Gazmend, Britania kishte bere edhe provokime te lehta si me spond ne ndihme te Greqise.

Ke te drejte se Shqiperia ishte gjendur fajtore per mos-kontrollimin e territorit te saj ujor.  Por ....

1. Shqiperia nuk kishte kapacitet ti kontrolloje keto ujera, se nuk kishte anije apo poste detare, posta e ujit patrullonte (nga bregdeti) me nje pale dylbi.

2. Shqiperia nuk mund ti bente minat, nuk mund ti zhvendoste ato mina. Sic shume kane besuar atehere dhe dihet tani se anijet Jugoslave i kishin vene minat, ne ujerat tona.

3. Shqiptaret nuk ishin lejuar te mbikqyrnin veprimet e Anglezeve.

4. Anijet nuk kishin leje te hynin ne ujerat territoriale te Shqiperise, por ky fakt nuk beri shume favor per Shqiperine se gjyqi ishte me shume me klanet e shteteve politike - East VS West

me sa di Une floriri shqiptar ishte vene ne Lloyds Bank nga Zogji, dhe nuk e pakam degjuar se Gjykata Nderkomtare na e paska dhene ne prape, se Anglia e kishte te konfiskuar, po te ishte ashtu ai flori na takon ne prape, dhe qe R. Alia, A. Meksi, S. Berisha, B. Topi duhet ta kishin marre tashme!

Anglezet jane binjake te hipokrizise, ato bejne llap-llap per cdo gje qe nuk eshte ne interes te tyre, kujto Slaves, Opium Wars, dhe Oil Wars

Shpresoj qe te zdjidhet tani kjo qeshtje meqe kane fakte te sakta, dhe qe jane hequr fiset politike ne Evrope.

dikush e solli kete link dhe ka shume informacion te mire sidomos te disa gjyqtareve http://www.icj-cij.org/docket/index.php?p1=3&p2=3&k=cd&case=1&code=cc&p3=0

hehehehe mire thu  Zotrules. Profesorit i vinte me inat se mu.......por nuk i vej faj se eshte Irlandez.

Zotrules

 

kur flas per reputacion kam parasysh qe ne te gjitha shkrimet mbi historine e Incidentit por edhe ne te gjitha leksionet e te drejtes nderkombetare theksohet se  Shqiperia eshte fajtore per vendosjen e minave ne nje vend ku behej kalimi paqesor i anijeve nderkombetare. Pra edhe sot ne 2009  ky pershkrim vazhdon te jete per kete ceshtje. Nuk shkruhet se Shqiperia e Enverit i vuri minat por Shqiperia.

 

Pra ideja ime eshte qe ne se ne arrijme te provojme se incidenti nuk ka qene aspak veper e shqiptareve por nje pasoje e fillimit te Luftes se Ftohte midis dy kampeve dhe anglia e ka provokuar kete ngjarje  atehere mendoj se kuptimi i kesaj ngjarjeje mund te ndryshoje edhe perfundimin qe i eshte dhene kesaj historie.

ne se qeveria komuniste e Enver Hoxhes ne kete pike ka pasur te drejte dhe provohet me fakte atehere besoj se kjo nuk ka te beje me Enverin ne vecanti por me nje konkluzion historik qe Shqiperia ne 1946 nuk ka qene shtet terrorist  ashtu si pershkruhet sot.

Edhe nje pike tjeter, lexova ne arkivin e kohes se kur Presidenti Berisha ishte per vizite  ne Angli  kishte kerkuar te falur ne emer te popullit shqiptar per kete ngjarje duke e pranuar fajin. Kjo nuk ka shume lidhje me inferioritetin e politikes sone ne pergjithesi por duke njohur kete fajesi ne humbem  arin e sekuestruar nga qeveria angleze dhe e mbajtur per 50 vjet me rradhe si kondicion per te paguar demshperblimin e dhene nga Gjykata e Hages

Auron, shume dakord me ty. Ama... (e kam gjithmone kete te shkrete)

"theksohet se  Shqiperia eshte fajtore"

"Nuk shkruhet se Shqiperia e Enverit i vuri minat por Shqiperia."

O leksionet jane gabim, ose ka nje gabim ketu. Shqiperia, MAKSIMUMI mund te KETE QENE fajtore. Nuk ka shance te jete fajtore. Ajo eshte ngjarje e para 60 e (3) ca vjeteve; nuk ka sesi te jete fajtore. Edhe kur ky studim te nxjerre dhe te vertetoje plotesisht pafajesine e Shqiperise, ne leksione nuk besoj se ka per t'u shkruar qe "Shqiperia eshte e pafajshme, apo Anglia eshte fajtore!!!" Nuk mund te perdoret koha e tashme per nje incident te para 60 vjeteve. Ndoshta dhe jam gabim per kete.

E kam fjalen, qe atij incidenti nuk ka sesi t'i jepet konotacion apo lidhje me te tashmen, e as ndonje note qe ta beje te tingelloje si te tille, me lidhje me te tashmen.

Sa per Berishen... aman mo Aurono... ti mire qe nuk u ve flaken atyre arkivave...

Megjithese do te jete me interes titanik historik qe dhe brezat e mevonshem te marrin vesh bemat e cjapit.

Gazmend

 

me fal por me sa duket nuk i keni bere nje lexim shume te mire te kesaj ceshtje.  Shqiperia pas vitit 1992  ne menyre jo publike e ka pranuar fajin dhe e ka paguar demshperblimin dhe si pasoje ka humbur nje pjese te madhe te kesaj sasi ari te sekuestruar

Auron Tare,respekt te madh per punen,pasionin qe ke ndermare!Ishte shume interesant ky shkrim,nuk e kisha hasur me perpara,me pelqeu.

... shikoni emisionin mbi kete ceshtje ne 16.nendor  tek Top Chanel  ora 21.00

Mezi po e pres.

Per punen e incidentit e anijeve britanike ne 1946,me ka rene rasti te bisedoj,ne pergjithsi, me nje te moshuar anglez,pikerisht per kete,te Korfuzit!

E pyeta si ka mundesi,te denohet Shqiperia dhe shqiptaret per kete incident,ne ate kohe, shqiperia nuk ishte ne gjendje,nuk kishte as edhe nje anije dhe fuqi detare,te vendoste mina nen uje.

Eee,sigurisht qe Shqiperia ishte askushi,-u pergjigj plaku-,perpara flotave te tjera britanike,gjermane,shqiperia ishte e pafuqishme e di kete,ato ishin mina te vendosur nga flotat gjermane,por fajsimi i shqiperise duhet te kete qene thjeshte nje preteks,politik,dikush duhej fajsuar!

Mendoj edhe vete anglezet e dine kete fakt!Problemi eshte se ky ka qene nje preteks per justifikimin! Ishte pikerisht koha kur mardheniet midis shqiperise dhe britanise ishin prishur!

 

Auron,

Shkrimi yt eshte shume interesant, por gjithmone ne konteksin e arkeologjise. Kurse nga ana legale kjo ceshtje eshte zgjidhur, edhe pse ne jemi me te demtuarit. Sipas jush ne kemi paguar (kjo kurre nuk eshte publikuar nga asnje qeveri - angleze apo shqiptare) dhe na ka ngelur pak ar per te mare. Shume mire deri ketu. Po pse spo e marim atehere?

A e mbani mend ate ministrin e jashtem shqiptar para 1996--s kur erdhi ne Angli dhe kerkoi thesarin? Atehere ne benim llogarite sesa $$$$$$ i takonte per fryme, dhe ferkonim duart. Mirepo  ministri u kthye duarthate, dhe nuk na sqaroi apo na tha qe ka paguar ne emer te qeverise etj.

Sa per fajin ne e kemi pranuar qysh ate kohe, sepse vete menyra e gjykimit u be me pelqimin e te dy paleve. Pra vendimi i gjykates ka qendruar dhe qendron. Tani enigme ka mbetur pse qeveria komuniste nuk pagoi demin . Kto komunistet qe kane qene ne detyre atehere le te na tregojne detajet e mospagimit etj etj. Do ishte informuese per te gjithe.

Faji nuk ka qene pranuar ndonjehere (te pakten deri ne 1990), kjo ishte arsyeja qe Shkuam ne gjyq, dhe qe shume qe na gjobiten nuk u pagua kurre, dihej qe ne ate kohe se Shqiperia mbajti ne kurriz vrullin e Anglezeve kot fare se ashtu u duk mire dhe perfitonin kampi i perendimit

Qysh e paskemi pranuar fajin qe ne ate kohe mo Gazi???

Mos prit shpjegim nga komunistet per gjera qe fantazon vete ti, se nuk ke per te marre kurre. Beju pak me serioz, thjesht per hir te muhabetit, se paske dhe nje profesor qe pak a shume, te pakten versionin anglez te gjerave duhet ta dije... Nga versioni Shqiptar, Saliu eshte i pari qe ka pranuar faj; nuk kishte shance te ngrihej kush ne ate kohe dhe te fliste ne emer te Shqiperise e te pranonte faj per te!

Ne kendveshtrimin e qeverise sone, 2 incidentet e kanalit kane qene provokim dhe shkelje e paster e territorit tone, dhe minimumi ka qene agresion ushtarak.

Prandaj dhe eshte hapur zjarr nga kodrat shqiptare ne drejtim te fregates britanike, dhe qe te dyja heret, flota angleze ne kanal ka qene ne formacion luftimi!

(pozicioni komunist, e? po jo i gjithi. te pakten kaq mjafton per te marre vesh se faji jo vetem qe nuk mund te pranohej, por fajtore ishin anglezet!)

Zotrules,

se desh harrova, formacion luftimi eshte ok te kalosh ne nje gji- biles edhe nendeteset luftarake lejohen,  por mos harro se tytat e topave dhe mitrolozave te fregatave angleze ishin ulur. Kjo pra i dha perparesi anglezeve, dhe u duken "paqesore" ne syte e gjyqtareve.

ti flet per ujerat nderkomtare me sa duket dhe jo per ujerat TERRITORIALE qe i perkasin nje shteti. Ke degjuar ne lajme qe pak here keto vitet e fundit anijet/nendeteset dhe Avionet luftarak Ruse jane afruar linjes kufitare ajrore/detare Britanike dhe keta britaniket jane vene ne dispozicion lufte dhe kane derguar avione gjuajtes dhe bombardues edhe pse Ruset ishin me qindra km larg vijes Britanike. Ata bene kete vetem se Ruset kishin Kursin drejt Britanise (theksoj per ty ....vetem se kishin kursin ne drejtim te Britanise). Tani ku eshte ndryshimi me anijet e tyre ne ujerat tona? Apo pse jemi shtet i vogel duhet te pranojme si qorra cfaredo qe britania te thote!

Zotrules, vendimi i gjykates eshte i prere. Shqiperia atehere nuk ka apeluar kundra, as qe ka paguar. Une e kuptoj provokimin e anglezeve ne te gjitha instancat dhe jam dakort me te gjithe ju. Por nuk duhet anashkaluar fakti qe gjykata gjeti dhe Britanine fajtore ne rastin e pastrimit te detit pa lejen e Shqiperise, e kemi thene me siper. Per mua ceshtja e atyre incidenteve ka mare fund. Edhe profesori im eshte shume dakort qe anglezet e kercenonin Shqiperine, por ai fajeson me shume Greket......sepse meren ne konsiderate edhe gjendja politike dhe synimet ushtarake greke kunder Shqiperise. Kujtoni provokacionet Greke ne Korce e ne Jug ne 1949, pikerisht atehere kur ka dale vendimi i gjykates lidhur me kete ceshtje.

Bashkpunimi Anglo-Grek ishte i rendesise se vecante ne ate kohe - per Angline sidomos, sepse Greqia nuk kishte paguar borxhin qe kishte mare ne 1892 e me pas (Greqise i jane dhene me shume se 3 here borxhe kolosale nga fuqite e medha) per te forcuar shtetin e tyre, dhe po ashtu nuk kishte gjasa qe Greqia ti bashkohej bllokut kmunist. Pra ka qene nje loje e madhe mes Jugosllavise (packa se Jugosllavia paraqitej si aleate e Shwiperise), Greqise dhe Britanise kundra Shqiperise ne te gjitha nivelet.

Per sa i perket gjykates, them qe na ka bere nje nder te madh ne ceshtjen e thesarit (e cila ka dale me vone se ceshtja e Korfuzit), sepse thesari i shtetit shqiptar i ishte besuar shtetit italian. Nuk duhet harruar qe Banka e Shqiperise u themelua ne kohen e Zogut ne Itali per arsye teknike. Ne gjyq Italianet pretendonin se Shqiperia u kishte borxhe dhe kishin investuar shume ne ate kohe. Por prapeseprape na u dha e drejta neve, perkundrejt Amerikaneve dhe Anglezeve qe pretendonin se eshte placke lufte!

Mua me intereson TE DI NGA KOMUNISTET pse nuk shkuan te marin arin ne vitin 1954. Atehere ndoshta mund te kishin bere pazare edhe me Angline deri-diku e ta paguanin gjoben. Do kishte qene me mire per ne.

gazmend

 

me fal qe te them po e keni gabim.  shqiperia asnje here nuk ka kerkuar falje shqiperia nuk e ka pranuar asnje here verdiktin e gjykaes se hages. prandaj edhe anglia e ka mbajtur arin si peng.

 

pas pranimit te fajit nga sali berisha  ne menyre jo publike eshte bere pagesa e demshperblimit kundrejt anglise por kete gje nuk e kam shume te qarte se si eshte bere pasi nuk ka informacion zyrtar 

Auron,

Nuk dua te zgjatem  shume dhe as t'ju kundershtoj ne thelb, por Shqiperia eshte gjetur fajtore per mos kontrollimin e territorit te saj, e jo per bresherine kundra anijeve angleze.

Prape po e theksoj qe Shqiperia ka rene dakort te kete arbiter ne kete ceshtje, d.m.th Gjykaten.

Tani, legalisht kur palet pranojne arbitrimin, atehere duhet pranuar dhe perfundimi ne te cilen doli gjykata.

Nuk e ka pranuar kurre, o njeri, as gjyqin, bile as hedhjen ne gjyq!! E kupton keshtu ti apo jo? Eshte konsideruar gjithmone si gjyq shovinist, dhe gjithmone eshte theksuar qe Shqiperia eshte hedhur ne gjyq te njeanshem! As gjyqi, as padia, e as vendimi i gjyqit nuk eshte pranuar kurre! E merr vesh keshtu ti? Na kerkoke pergjigje nga komunistet! Di ta kuptosh ti, psh, qe Shqiperia ka patur dinjitet? Di ta kuptosh ti qe nuk ulej koka para kerrkujt? Di ta kuptosh ti qe ka patur krenari kombetare? Di ta kuptosh ti qe ai i madhi fare, ka qene njeri me parime qe nuk i leshonte gjalle? Nuk ke mundesi ta kuptosh kete, sepse nuk ke pare asnje shembull te tille ne Shqiperine e sotme. Ke 20 vjet qe nuk ke me shtet, dhe nuk te ve faj fare per kete.

Mbaje mend, nuk eshte pranuar arbitrimi i Hages fare. Shqiperia eshte hedhur ne gjyq ne menyre te njeaneshme nga Anglia. E mesa di une, as nuk e kemi luajtur sumen as te veme afer Hages, e jo me ne Gjykaten e Hages.

 

Me duket se ti qeke Kamunisti ktu Zotrules!!!! Hehehehheeh.

Ne u kapem nga ana ligjore/teknike, por as une nuk e hedh poshte dinjitetin e Shqiperise.

Gjithsesi une e kam bere studimin e kesaj ceshtjeje (biles lenda e Internatinal Law me ka dale 2.1 - sa per informacion). Do kisha deshire te vizitoni faqen e ICJ sepse cdo gje eshte e dokumentuar ne detaje te hollesishme. Ne kete paragrafin poshte, Shqiperia e "hengri" - si i thone fjales.

 

Nevertheless, it fully accepted the Security Council's recommendation

profoundly convinced of the justice of its case and

resolved

devotion to the principles of friendly collr~borationb etween

nations and of the pacific settlement of disputes

to neglect no oppc~rtunityo f giving evidence of its

http://www.icj-cij.org/docket/files/1/1571.pdf

Po lexoje pra te gjithe dokumentin! Ne asnje vend nuk ka pranim nga pala shqiptare!!! Vetem objeksion! Pastaj, une nuk po them qe u treguam avokate shembullore dhe juriste qe bejne mrekulli... Po flas per qendimin e shtetit tone. Qendrimi eshte ai qe lexon dhe aty. Une nuk e di sa e kupton ti ate dhe cfare pyetje ke tani... Me duket sikur po diskutojme kot.

Gazmend

 

Shqiperia eshte shpallur fajtore pasi Gjykata e hages vendosi me shumice votash qe minat jane vene ne nje zone qe lehtesisht kontrollohej nga pala shqiptare me dijenine e saj duke demtuar anijet qe kalonin  ne menyre te pa fajshme ne kanalin e deklaruar te pastruar nga minat.

shqiperia nuk e njohu kurre kete verdikt. ajo u mbrojt ne gjykate nga avokati  francez Pier Cott nje personalitet i njohur francez i cili me vone u be edhe Minister i Kultures.

Deri ne  mesin e viteve 1990  shqiperia nuk e njohur vendimin e gjykates.  pas 1992  u bene perpjekjet e para dhe u vendosen marrdheniet diplomatike me kushtin e njohjes se vendimit te gjykates se hages  por ne nje menyre sa me jo publike.

 

gjithsesi nuk eshte kjo esenca e historise qe ne sjellim ne kete debat. 

 

esenca eshte a provokuan anglezet apo jo?  ne se kane provokuar atehere bie edhe termi i inocent passage  mbi te cilin u denua shqiperia.

 

shprej te kem qene i qarte

 

Dhe Shqiperia fiton...? Cfare? Apo, Britania humb...? Cfare?

800 000 apo 800 miljard Sterlina, saso qe te jene, po te hysh ne histori, e dine te gjithe qe Shqiperia ka pesuar padrejtesi 1 miljon here me te medha se kjo. Dhe meqe eshte Britania ne kete valle, hajt t'ja permendim... E kam fjalen, qe nese po kerkohet dicka per t'iu permendur Britanise, nuk eshte se kemi mbetur komplet thate! Nuk ka konference apo kongres boteror qe Britania te mos kete mbajtur qendrim antishqiptar, dhe ku mbi ne jane detyruar kushte te turpshme, krejtesisht te padrejta, qe na kane cenuar nga te gjitha anet e mundshme.

Nuk po e kuptoj Aurono... Nuk po them qe e verteta mbi incidentin e kanalit te mos dale ne shesh; por nuk po kuptoj cfare kerkohet te arrihet me kete. E kam fjalen per entuziazmin qe po shprehet, duke i dhene ca nota misteri kesaj ceshtjeje, qe me bejne te pyes se cfare nenkuptoni me gjithe kete mesele. Cfare pritet te arrihet. E nese arrihet dicka (cfaredoqofte) pse nuk merret ne konsiderate nga Akademia jone e Shkencave, nga historianet dhe studiuesit qe te ngrihet edhe ceshtja e padrejtesive historike kunder Shqiperise dhe shqiptareve? Sepse, pervecse neper deklarata te vaketa dhe te vobeketa, e me teper sporadike te tipit te rastesishem te disa politikaneve tane, nga ajka e shkences sone nuk kemi pare ndonje manifestim nderkombetar te ketij grumbullim dijesh dhe studimesh per padrejtesite historike kunder shqiptareve. Mire politika qe do te ruaje karriget, postet apo demek qe i duhet te tregoje pak sjellje diplomatike qe demek "kuptoka" realitetet gjeopolitike moderne... po historianet? po arkeologet, po akademiket, po profesoret, etj etj etj??? Keta kujt i ruhen? Keta pse heshtin?

Zotrules

 

secili ben ate qe ka mundesi.Une nuk po pretendoj se do ndryshojme historine  por shpresoj te sjellim prova mbi pafajesine e shqiperise ne kete histori.

se ku jane akademiket dhe profesoret?  ate une nuk e di dhe nuk me intereson shume pasi arkivat jane tashme te hapura ne angli dhe ne se deshirojne mund te shkojne dhe ti studiojne.  me sa di une ata qe duhet ta bejne kete po botojne libra me perralle per te nxjerre ndonje lek mbi rrogat.

 

Shume e drejte dhe shume e thjeshte. Rrofsh per pergjigjen.

PS(ose PD): urime per punen. smiley

Shqiperia eshte e pafajshme,por incidenti i Korfuzit ishte/eshte nje preteks per mbajtjen peng te nje sasie ari,1 574 kilogramësh, grabitur gjermaneve nga Anglezet!! Kujdes cuna,jane te thella punet,pra nuk eshte thjeshte kush e ka dhe kush nuk e ka fajin ne Korfuz per incidentin e Tetorit te v.1946...ja nje shkrim interesant historik qe hedh pak drite ne Gazeten Panorama:

Pas rreth dy javësh, më 4 maj 1984, nëpërmjet ambasadorit francez qeveria shqiptare ktheu përgjigjen e vet. Në përgjithësi ajo ishte pozitive dhe inkurajuese. Në një vështrim të shpejtë konstatohet me lehtësi një qëndrim i moderuar, krejt i ndryshëm nga dikur.

Në përgjigjen e 4 majit 1984, thuhet ndër të tjera:
“Qeveria shqiptare vlerëson si një zgjidhje të mundshme propozimin e bërë nga qeveritë e SHBA dhe të Britanisë së Madhe. Por me qëllim që problemi të gjejë një zgjidhje të plotë, ajo e sheh të nevojshme të theksojë se bashkë me arin prej rreth 1 574 kilogramësh, që përbën një pjesë të arit shqiptar të rrëmbyer nga nazistët gjermanë, qeveria e Britanisë së Madhe t’i paguajë qeverisë shqiptare edhe interesat që rezultojnë nga mbajtja e arit në bankat angleze që nga viti 1948…”
 

Si mund ti paguaj Britania,ajo nuk eshte naive.Lexoni me shume..

Kronologjia e ngjarjes sipas dokumentave te kohes.

 

a

 

 

Ne 15 Maj 1946, bateria bregdetare e e Portit te Limionit ne Sarande me urdher te Komandantit te saj kapitenit te Pare Skender Backa hapi zjarr mbi dy anije te cilat sipas Raportit Zyrtar te ushtrise shqiptare “ lundronin shume prane brigjeve te Sarandes pa flamur”. Anijet qe u qelluan me urdhrin e oficerit shqiptar ishin HMS Orion dhe HMS Superb dy anije te Flotes Britanike te Mesdheut te cilat pas ketij incidenti ju drejtuan Portit te Korfuzit.Ne daten 16 Maj ambasadori britanik ne Beograd I dorezoi nje Note proteste Hysni Kapos perfaqesuesi zyrtar I Shqiperise mbi incidentin ne fjale ndersa ne Parlamentin Britanik lideri I opozites ish Kryeministri Churchill u interesua personalisht mbi kete ceshtje. Ne Nentor te 1945 me Marrveshje te posacme 4 fuqite e medha aleate Bashkimi Sovjetik, Shtetet e Bashkuara te Amerikes, Britania e Madhe dhe Franca rane dakort per formimin e Komisionit Nderkombetar per Pastrimin e Minave MEDZON me pranine edhe te shteteve qe lageshin nga deti Mesdhe per te pastruar te gjitha brigjet e Mesdheut nga minat e flotes Gjermane. Ne baze te Hartave te kapura Gjermanise ky Komision Nderkombetar filloi punen per pastrimin e Minave. Ne fakt Anijet Britanike kishin filluar pastrimin e fushave te Minuara qe ne fundin e 1944 ne Kanalin e Korfuzit duke beret e mundur hapjen e ketij te fundit per te gjitha anijet tregetare qe kaloni kete Kanal. Ne Dhjetor te 1945 anija Britanike HMS Regulus u godit nga nje mine detare duke u mbytur ne ujrat e Gjirit ne Butrintit me humbjen e nje oficeri te kesaj anije. Incidenti u konsiderua si pjese e rrezikut te pastrimit te minave te Luftes dhe ceshtja u mbyll ne arkivat e Flotes Britanike. Anijet angleze vazhduan punen ne kete zone megjithese asnje here pala shqiptare nuk u ftua te asistonte ne kete Operacion ne ujrat e saja territorial. Megjithe kerkesen e perseritur te Qeverise Shqiptare per te marre pjese si vezhgues ne MEDZON perfaqesuesit angleze te MEDZON nuk e mbeshteten kete kerkese me argumentimin se Shqiperia nuk kishte as mjete dhe as ekspertize per te kontribuar ne kete Operacion te rendesishem.Ne 22 Tetor te  1946,  nje Skuadron i Flotes Mbreterore Britanike e perbere nga Kryqezoret  HMS Mauritius dhe HMS Leander,  si dhe dy mina kerkues , HMS Saumarez dhe  HMS Volage, u urdheruan per te kaluar ne Veri te ishullit te Korfuzit. Sipas dokumentacionit te bere public ne Keshillin e Sigurimit pas Incidentit u pa se se anijet angleze ishin urdheruar te kalonin ne Veri nepermjet zonen se deklaruar te pastruar nga minat per te “testuar palen shqiptare dhe per te pare ne se ata e kishin nxjerre mesime”. Sipas dokumentave te njohura te presantuara nga pala britanike  anija  Mauritius ishte ne krye te kolones   e ndjekur nga Suamarez dhe dy milje nga dy anijet e para ishte anija Leander dhe Volage. Sipas dokumentacionit te  pales shqiptare diku ne afersi te Gjirit te Sarandes   njera prej anijeve ra ne mina detare dhe anija e dyte u godit gjithashtu shume prane te pares. Britaniket ne dokumentacioni zyrtar te prezantuar pas incidentit pretenduan se anija e dyte Volage u godit nga minat gjate operacionit ndihmes qe po I jepte anijes Suamarez dhe megjithe se te dyja anijet u demtuan mjaft rende ato munden qe te ankoroheshin ne Portin e KOrfuzit pas gati 12 oreve ne operacion shpetimi. Eksplozioni I minave sipas britanikeve vrau 44 marinare angleze dhe plagosi 42 te tjera nje nga humbjet me te medha te Flotes Mbreterore pas Luftes se Dyte Boterore. Britaniket ne dokumentat e tyre nenvizuan se pala shqiptare nuk hapi zjarr ndaj anijeve angleze por nje anije e vogel shqiptare  ju afrua anijeve te goditura dhe pasi foli memarinaret angleze u largua “pa dhene ndihme” Ne 26 Tetor, Qeveria Britanike me ane te Ambasadorit te saj ne Beograd informoi palen Shqiptare se si pasoje e ketij Incidenti te anijeve te saja do te bente ri pastrimin e kanalit te Korfuzit nga minat. Tre dite me vone Qeveria Shqiptare I dergoi nje Note Proteste Sekretarit te KOmbeve te Bashkuara Trygve Lie kunder asaj qe ajo e quante “violence ndaj ujrave te saja territorial si dhe inkursione provokative” Ne 31. Tetor, Qeveria Shqiptare ju pergjigj direkt Qeverise Britanike duke protestuar ndaj hyrjes se anijeve angleze ne ujrat e saja territorial por duke theksuar se “nuk kishte asnje objeksion per keto pastrime ne se beheshin jashte ujrave te saja territorial” por ne se anijet hynin ne ujra territorial Qeveria Shqiptare do ta quante si provokacion. Ne 10 Nendor, Qeveria Britanike informoi palen shqiptare se kanali I Korfuzit do te pastrohej me aprovimin unanim te Bordit te pastrimit te Minave MEDZON ne 1. Nendor. Ky aprovim ishte bere me kerkesen Britanike dhe kishte percaktuar zonen e operacionit. Ne kete dokumenta britaniket informonin se “asnje nga anijet angleze nuk do te qendrojne ne ujrat territorial shqiptare” dhe ky operacion do te kryhej ne zonat e pastrimit te viteve 44 -45 zona per te cilat shqiptaret nuk kishin pasur kundershti.    Ne vigjilje te ketij Operacioni Qeveria Shqiptare me ane ten je note diplomatike informante palen Britanike se “megjithese ne princip nuk ishte kunder qe anijet e Flotes Mbreterore te ndermerrnin kete Operacion pastrimi, ajo propozonte qe nje Komision Miks I caktuar nga Kombet e Bashkuara te ishte I pranishem ne percaktimin e zonave qe do te pastroheshin” Opinioni Britanik ishte se kjo kerkese ishte nje taktike vonimi e pales shqiptare pasi korridori I pastruar kishte ekzistuar qe prej dy vitesh dhe britaniket I kishin dhene shqipetareve informacionin e duhur mbi kete korridor.  Nderkohe Shqiperia proteston perseri prane Sekretarit te KOmbeve te Bashkuara duke informuar ate se Britania po e vendoste Shqiperine perpara nje fakti te kryer me kete Operacion qe donte te ndermerrte dhe theksonte se ajo nuk e njihte MEDZON, Bordin Nderkombetar te Pastrimit te Minave, Duhet theksuar se ne fakt me gjithe insistimin e Shqiperise per tu perfaqesuar ne MEDZON, britaniket e kishin penguar kete anetarsim.     Shqiperia nderkohe bente te qarte per publikun nderkombetar se “cdo Operacion pastrimi pa miratimin e saj nga anije te huaja Brenda ujrave te saja territorial  do te konsiderohej si aggression”   Nderkohe anijet Britanike e ndermoren Operacioni e pastrimit te MInave ne datat 12 dhe 13 Nendor nen komanden e KOmandantit te Forcave Aleate per Mesdheun. Britaniket sollen vetem nje oficer Francez me statusin e vezhguesit  si perfaqesues te MEDZON

Ky Operacion u krye qartesisht brenda ujrave territorial shqiptare dhe ne afersi te kanalit te pastruar me pare. Operacioni I KOduar “Retail” u be nen vezhgimin e nje sere anijesh luftarake britanike si dhe te nje aeroplan mbajtese e cila ishte e gatshme per cdo eventualitet.  22 mina luftarake u gjeten sipas pales britanike “ te vendosura ne pozicion te nje fushe te minuar e vendosur qellimisht”   Gjithmone sipas Raportit Zyrtar te Flotes Britanike kjo fushe e minuar ishte vendosur ne gjatesi prej 3 miljesh pergjate kanalit. Dy prej MInave u derguan ne malte ku pas ekzaminimin u vertetua se ishin mina te prodhimit Gjerman me 600 pound eksploziv. Sipas eksperteve britanike keto mina ishin te vendosura jo shume kohe me pare se anijet britanike te ndeshnin mbi to pasi mbi to u gjet graso si dhe nuk kishte asnje gjurme te algave apo barishteve te detit te cilat akumolohen nga koha

Nese ky tekst eshte taksur per te dale ne emisionin e Topit, dal vullnetar t'i bej nje shqiperim te mundshem dhe nje redaktim te shpejte para se te dorezohet.

 

aurontare; ".... Edhe nje pike tjeter, lexova ne arkivin e kohes se kur Presidenti Berisha ishte per vizite ne Angli kishte kerkuar te falur ne emer te popullit shqiptar per kete ngjarje duke e pranuar fajin. Kjo nuk ka shume lidhje me inferioritetin e politikes sone ne pergjithesi por duke njohur kete fajesi ne humbem arin e sekuestruar nga qeveria angleze dhe e mbajtur per 50 vjet me rradhe si kondicion per te paguar demshperblimin e dhene nga Gjykata e Hages... " 

"....pas pranimit te fajit nga sali berisha ne menyre jo publike eshte bere pagesa e demshperblimit kundrejt anglise por kete gje nuk e kam shume te qarte se si eshte bere pasi nuk ka informacion zyrtar ... " 

 

ç'eshte ky budedallik i Berishes. Ai paska qene trap fare. Auron, a mund te me thuash, se; kush ja jep te drejten Buall Mavrise, te pranoj nje faj qe nuk e ka bere. Ku eshte bazuar apo ç'e ka shtyre ate trap. 

nuk di cfare te te them me shume. po qe ka ndodhur nuk ka diskutim. e gjen ne arkivin e shtypit te kohes. vizita e presidentit berisha ne londer

Ne 15 maj 1946, bateria bregdetare e portit te Limionit ne Sarande, me urdher te komandantit te saj, kapitenit te pare, Skender Backa, hapi zjarr mbi dy anije te cilat sipas raportit zyrtar te ushtrise shqiptare “lundronin shume prane brigjeve te Sarandes pa flamur”. Anijet qe u qelluan me urdherin e oficerit shqiptar ishin HMS Orion dhe HMS Superb, dy anije te flotes britanike te Mesdheut te cilat, pas ketij incidenti iu drejtuan portit te Korfuzit. Ne daten 16 maj, ambasadori britanik ne Beograd i dorezoi nje note proteste Hysni Kapos, perfaqesuesit zyrtar te Shqiperise, mbi incidentin ne fjale, ndersa ne parlamentin britanik, udheheqesi i opozites - ish kryeministri Churchill, u interesua personalisht per kete ceshtje. Ne nentor te 1945, me marreveshje te posacme 4 fuqite e medha aleate Bashkimi Sovjetik, Shtetet e Bashkuara te Amerikes, Britania e Madhe dhe Franca rane dakord per formimin e Komisionit Nderkombetar per Pastrimin e Minave - MEDZON, me pranine edhe te shteteve qe lageshin nga deti Mesdhe, per te pastruar te gjitha brigjet e Mesdheut nga minat e flotes gjermane. Ne baze te hartave te kapura Gjermanise ky komision nderkombetar filloi punen per pastrimin e minave. Ne fakt anijet britanike kishin filluar pastrimin e fushave te minuara qe ne fundin e 1944-s ne kanalin e Korfuzit duke bere te mundur hapjen e ketij te fundit per te gjitha anijet tregetare qe pershkonin kete kanal. Ne dhjetor te 1945-s, anija britanike HMS Regulus u godit nga nje mine detare duke u mbytur ne ujrat e gjirit te Butrintit duke humbur nje oficer. Incidenti u konsiderua si pjese e rrezikut te pastrimit te minave te luftes dhe ceshtja u mbyll ne arkivat e flotes britanike. Anijet angleze vazhduan punen ne kete zone megjithese asnjehere pala shqiptare nuk u ftua te merrte pjese ne kete operacion ne ujrat e saj territoriale. Megjithe kerkesen e perseritur te qeverise shqiptare per te marre pjese si vezhgues ne MEDZON, perfaqesuesit angleze te MEDZON nuk e mbeshteten kete kerkese me argumentin se Shqiperia nuk kishte as mjete dhe as ekspertize per te kontribuuar ne kete operacion te rendesishem. Ne 22 tetor te 1946-s, nje skuadron i flotes mbreterore britanike e perbere nga kryqezoret HMS Mauritius dhe HMS Leander,  si dhe dy minakerkues, HMS Saumarez dhe HMS Volage, u urdheruan per te kaluar ne veri te ishullit te Korfuzit. Sipas dokumentacionit te bere publik ne Keshillin e Sigurimit, pas incidentit u pa se se anijet angleze ishin urdheruar te kalonin ne veri nepermjet zones se deklaruar "te pastruar nga minat", per te “vene ne prove palen shqiptare dhe per te pare nese ata kishin nxjerre mesime”. Sipas dokumentave te njohura te prezantuara nga pala britanike, anija Mauritius ishte ne krye te kolones e ndjekur nga Suamarez dhe, dy milje nga dy anijet e para ishte anija Leander dhe Volage. Sipas dokumentacionit te pales shqiptare, diku ne afersi te gjirit te Sarandes njera prej anijeve ra ne mina detare dhe anija e dyte u godit gjithashtu shume prane te pares. Britaniket ne dokumentacionin zyrtar te paraqitur pas incidentit, pretenduan se anija e dyte Volage u godit nga minat gjate operacionit te ndihmes qe po i jepte anijes Suamarez dhe megjithese te dyja anijet u demtuan mjaft rende, ato munden qe te ankoroheshin ne portin e Korfuzit pas gati 12 oreve ne operacion shpetimi. Shperthimi i minave sipas britanikeve vrau 44 marinare angleze dhe plagosi 42 te tjere; - nje nga humbjet me te medha te flotes mbreterore pas luftes se dyte boterore. Britaniket ne dokumentat e tyre nenvizuan se pala shqiptare nuk hapi zjarr ndaj anijeve angleze, por nje anije e vogel shqiptare iu afrua anijeve te goditura, dhe pasi foli me marinaret angleze, u largua “pa dhene ndihme”. Ne 26 tetor qeveria britanike, me ane te ambasadorit te saj ne Beograd njoftoi palen shqiptare se, si pasoje e ketij incidenti te anijeve te saj, do te bente ripastrimin e kanalit te Korfuzit nga minat. Tre dite me vone qeveria shqiptare i dergoi nje note proteste sekretarit te Kombeve te Bashkuara Trygve Lie kunder asaj qe ajo e quante “dhunim ndaj ujrave te saj territoriale si dhe inkursione provokative”. Ne 31 tetor, qeveria shqiptare iu pergjigj direkt qeverise britanike duke protestuar ndaj hyrjes se anijeve angleze ne ujrat e saj territoriale, por duke theksuar se “nuk kishte asnje verejtje per keto pastrime nese beheshin jashte ujrave te saj territoriale” por, nese anijet hynin ne ujra territoriale, qeveria shqiptare do ta konsideronte si provokacion. Ne 10 nentor qeveria britanike njoftoi palen shqiptare se kanali i Korfuzit do te pastrohej me miratimin unanim te bordit te pastrimit te minave MEDZON ne 1 nentor. Ky miratim ishte bere me kerkesen britanike dhe kishte percaktuar zonen e operacionit. Ne kete dokumenta britaniket vinin ne dijeni se “asnje nga anijet angleze nuk do te qendroje ne ujrat territoriale shqiptare” dhe ky operacion do te kryhej ne zonat e pastrimit te viteve 44-45, zona per te cilat shqiptaret nuk kishin patur kundershti. Ne vigjilje te ketij operacioni, qeveria shqiptare me ane te nje note diplomatike njoftonte palen britanike se, “megjithese ne parim nuk ishte kunder qe anijet e flotes mbreterore te ndermerrnin kete operacion pastrimi, ajo propozonte qe nje komision i perzjere i caktuar nga Kombet e Bashkuara, te ishte i pranishem ne percaktimin e zonave qe do te pastroheshin”. Opinioni britanik ishte se kjo kerkese ishte nje taktike vonimi e pales shqiptare pasi korridori i pastruar kishte ekzistuar qe prej dy vitesh dhe britaniket i kishin dhene shqiptareve informacionin e duhur mbi kete korridor. Nderkohe Shqiperia proteston perseri prane sekretarit te Kombeve te Bashkuara duke njoftuar ate se Britania po e vendoste Shqiperine perpara nje fakti te kryer me kete operacion qe donte te ndermerrte dhe theksonte se ajo nuk e njihte MEDZON, Bordin Nderkombetar te Pastrimit te Minave. Duhet theksuar ne fakt, se me gjithe ngulmimin e Shqiperise per t'u perfaqesuar ne MEDZON, britaniket e kishin penguar kete anetaresim. Shqiperia nderkohe bente te qarte per publikun nderkombetar se “cdo cperacion pastrimi pa miratimin e saj nga anije te huaja brenda ujrave te saj territoriale do te konsiderohej si agresion”. Nderkohe anijet britanike e ndermoren operacionin e pastrimit te minave ne datat 12 dhe 13 nentor nen komanden e komandantit te forcave aleate per Mesdheun. Britaniket sollen vetem nje oficer francez me statusin e vezhguesit si perfaqesues te MEDZON.

Ky operacion u krye qartesisht brenda ujrave territoriale shqiptare dhe ne afersi te kanalit te pastruar me pare. Operacioni i koduar “Retail” u be nen vezhgimin e nje sere anijeve luftarake britanike si dhe te nje aeroplanmbajteseje e cila ishte e gatshme per cdo zhvillim. 22 mina detare u gjeten, sipas pales britanike “te vendosura ne pozicion te nje fushe te minuar e vendosur qellimisht”. Gjithmone sipas raportit zyrtar te flotes britanike, kjo fushe e minuar shtrihej ne nje gjatesi prej 3 miljesh(~ 4.8 km) pergjate kanalit. Dy prej minave u derguan ne Malte ku pas shqyrtimit u vertetua se ishin mina te prodhimit gjerman me 272 kg eksploziv. Sipas eksperteve britanike keto mina ishin vendosur jo shume kohe para se anijet britanike te ndeshnin mbi to, pasi mbi to u gjet graso si dhe nuk kishte asnje gjurme algash apo barishtesh deti te cilat grumbullohen me kalimin e kohes.

Auron/zotrules

Ky Paskal Milo eshte nje kerrmill qe ka lene guacken diku ne ndonje ferre dhe ka veshur kostum njeriu.

Na ka hedh zoti per hise rrota te tilla, keta jan mallkim mor burr, keta jan fatkeqesi kombetare. Paska faj nje shtet sepse qenka ne dijeni per mbrojtjen e kufirit te tij. C'eshte kjo llogjike mor burr, amon mo se na plasen keta plehra, keta driteshkurter, keta erresire-perhapes, keta psikopatet e shekullit te ri ! 

Si morr burr paska faj nje shtet sepse eshte ne dijeni te mbrojtejes te kufirit te vet nga minat (kufi  me nje shtet tjeter ne gjendje lufte, leqe kufiri mbrohet edhe ne gjendje paqe njeher !!!) dhe kur anije LUFTARAKE te nje shteti te huaj vine pikerisht nga ai shtet qe eshte ligjerisht ne lufte me Shqiperine, dhe posacerisht per provokacion luftarak, por plasen nga minat qe jan vendosur per mbrojtje kufiri, faji sipas ketij kopuku, ketij lapanjosi, ketij erresire-ndjellesi, eshte i te dy paleve???

Sipas pseudo-llogjikes te tij antilogos Shqiperia ka faj sepse ishte ne dijeni te mbrojtjes te kufirit shqipetar nga agresioni greko-anglez.

Hapu qiell per ne me keta debila !

Dhe kur ke parasysh rrethanat dhe situaten qe ishte ne ate kohe (po dhe sot greket se kan heq ligjin e luftes akoma, megjithese ne jemi vend i NATO-s, absurditet ky), besoj se ajo qe ka bere qeveria shqiptare  ka qene nje zgjidhje mese normale ne kushtet qe jetohej, dhe kur ww2 kishte vetem 1 vit qe kishte mbaruar.

Te dashur MIq

 

kushdo qe perfshihet ne nje debat ka te drejten e fjales dhe te shpjegimit te tij te fakteve. Ne fakt une kembengula qe te ishte Z. MIlo ne emison pasi ai eshte nje studiues qe ka shkruar dhe ka mbajtur kumtesa nderkombetare per kete ceshtje. Sigurisht ai ka mendimin e tij.

 

Mendoj qe faktet qe une solla si dhe zbulime e fundit ne gjirin e sarandes sjellin nje realitet tjeter. Publiku eshte gjykatesi me i mire

 

pershendetje

 

auroni

Faleminderit

 

Gjithsesi une perseri mendoj se Z.Milo ka te drejten e tij per te menduar apo interpretuar kete ngjarje sipas versionit te tij.

 

une mendoj se ai eshte i gabuar ne disa pika por perseri nuk do te thote qe une kam autoresine e te vertetes.

 

e para gjetjet nen ujore nuk levizin.Kjo e konfirmuar nga te gjithe ekspertet e arkeologjise nen ujore.

e dyta ne dokumentat qe Z. MIlo paraqiti nuk del per mua fajesia shqiptare.Perse?

sepse nuk kemi prova te qarta se minat jane vendosur nga jugosllavet ashtu sic dokumentat provuan se incidenti ishte ne fakt nje provokim i paster.  Po keshtu Gjykata e hages nuk e provoi dot fajesine Jugosllave megjithese anglezet u perpoqen shume per kete gje.

 

e treta shikohet qarte qe Kryeprokurori anglez i cili ka qene nje jurist i shkelqyer e kishte shumeproblem te genjente ne Gjykate por gjithsesi e ka bere kete. Kjo eshte obstractive of justice  dhe eshte veper e denueshme.

 

e fundit, ne se shqiperia i vendosi minat i vuri ne territorin e saj dhe jo ne kanal nderkombetar. anijet ishin ushtarake dhe vinin nga nje territor i cili ishte ne gjendje lufte me shqiperine. pra greqia. perse duhet te penalizohet shqiperia per nje akt mbrojtes dhe te mos denohet agresori?

 

kesaj pyetje nuk i dha pergjigjie Z. Milo

Je shume i qarte zoteri, te falenderojme per punen qe bene.

Dhe nje here pergezime dhe, dhe mo u ndal ne te drejten tende ( te te gjitheve ne).

Milua eshte nip i spiromilove, dhe s'luan dot nga fisi, s'ka ai force te shaj grekun!!!

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).