Historia dhe Ruajtesit e se Vertetes

Nje miku im me dergoi shkrimin e meposhtem botuar sot ne Gazeten Standard te Z. Genc Juka. Behet fjale per nje artikull te shkruar si nje lloje replike mbi dy shkrime te miat botuar javen e kaluar ne Gazeten Shqiptare mbi dokumentacionin  dhe rolin e  Sherbimit Sekret Anglez  ne Shqiperi. Une po shkruaj nje liber mbi kete Sherbim dhe influencen apo jo ne rrjedhjen e ngjarjeve ne Shqiperi si rezultat i influences britanike ne politiken shqiptare.  Ky liber mer shkas si rezultat i nje numri vitesh qe kam shpenzuar duke pare dhe kontrolluar dokumentacionin e Sherbimit Sekret  mbi Shqiperine. 

Megjithate sot kur  e lexova artikullin e Z. Juka vendosa qe diskutimin mbi kete ceshtje ta sjell ne kete Forum me idene e nje nevoje per debat mbi interpretimin apo jo te historise se kaluar e cila eshte shperfytyruar si nga manipulimi 50 vjecar komunist si nga periudha e tranzicionit. A kemi te drejte te shkruajme, debatojme dhe interpretojme mbi ceshtje apo fakte historike per te cilat kemi shume pak dije apo dokumenta?

Personalisht mendoj se po megjithate do ta mirepres cdo sygjerim apo mendim ndryshe pasi ndoshta une edhe mund ta kem gabim ne kete konkluzion. Me poshte jane shkrimi i Z. Juka si dhe dy shkrimet e botuara prej meje ne baze te Dokumentacionit dale nga arkivat angleze.

 

Kur historinë duan ta bëjnë johistorianët

Publikuar më 22/11/2009
 
Analizë e shkrimit të oficerit të këmbësorisë Auron Tare për ish-ministrin e Brendshëm Musa Juka

Në datën 19 nëntor 2009, “Gazeta shqiptare” boton një artikull me titull “Musa Juka, ministri i Brendshëm i Zogut i blerë nga zbulimi anglez”, shkruar nga pseudo-historiani i padiplomuar, në të vërtetë oficeri i këmbësorisë, Auron Tare, i cili rreket të bëjë historianin mbi bazën e një dokumenti të SOE.

Ne këtë dokument analizohet figura e personalitetit të njohur politik, ish-ministër i Brendshëm i Mbretit dhe pinjoll i një ndër familjeve më të njohura shkodrane, që së bashku me personalitete të tjera kanë bërë historinë e këtij qyteti.

Detyra e historianit, e kemi fjalën për historianët e vërtete, të diplomuar në fushën përkatëse, është mbledhja e fakteve mbi bazën e hulumtimit të dokumenteve autentike, argumentimi dhe nxjerrja e konkluzioneve për to.

Në rastin konkret, pseudo-historiani ka përkthyer një dokument të arkivave dhe duke dashur të bëjë studiuesin në pesë rreshta ka nxjerrë konkluzione ’të mëdha’, të cilat dhe gazeta përkatëse, e etur për sensacion, i ka afishuar që në krye të faqes së parë nën titullin “Musa Juka, ministër i Brendshëm i Zogut, agjent i shërbimit anglez”.

Duke analizuar ç’thonë dokumentet, cili është konteksti historik dhe mbi këtë bazë si duhen nxjerrë konkluzionet, pa dyshim nuk mund të dalin nga një mendje e shkurtër. Në analizën e paragrafëve jepen konkluzione kontradiktore me njëri-tjetrin, ku me një sens dashakeq analizohet figura e një shqiptari patriot. Përse autori nuk merr mundimin të analizojë dhe të nxjerrë konkluzione pikërisht duke iu referuar atyre gjërave që pasqyrohen në dokument? Referuar dokumentit, Musa Juka ka ditur të mbajë ato informacione që konsiderohen pjesë e sekretit shtetëror dhe të japë ato çka vlejnë për anglezët si dhe këshilla se si duhet vepruar në Shqipëri. Të gjitha faktet që përmenden në këto dokumente, historiani harron se kanë të bëjnë me një kontekst historik të caktuar. Është fjala për vitet e Luftës së Dytë Botërore, kur Anglia i kishte shpallur luftë boshtit Romë-Berlin-Tokio, pra dhe Italisë fashiste, e cila kishte pushtuar ndërkohë Shqipërinë. Në këtë rast çdo informacion që jepej në dobi të vendeve aleate (Angli, SHBA etj.), pa dyshim duhet konsideruar kontribut në luftën kundër fashizmit. I tillë ka qenë kontributi i Musa Jukës, që në rastin konkret, si politikan e shtetar i vjetër dhe me përvojë, ka ditur të rreshtohet e të japë kontributin e tij në favor të forcave aleate që luftonin fashizmin.

Le të shpresojmë që ky shkrim të shërbejë si një mësim apo leksion i shkurtër se si duhet bërë analiza e një dokumenti apo fakti historik, nga një historian dhe jo nga pseudo-historian.

Genc Juka


 

 

Musa Juka, Një Ministër i Brendshëm “i blerë” nga zbulimi anglez

Për shkrimin e numrit të kaluar mbi një Deklaratë të bërë nga ish- kryekomandanti i Forcave të Armatosura Shqiptare, Gjeneralisimo Xhemal Aranitasi mbi fajësinë e Zogut për të mbrojtur Shqipërinë, më kanë ardhur disa mesazhe nga njerëz të cilët mendojnë se një Deklaratë e tillë nuk tregon se Zogu ka qenë fajtor. Personalisht jam dakord me një mendim të tillë, pasi një Deklaratë edhe pse e bërë nga numri 1 i Ushtrisë Shqiptare, i cili kishte për detyre të mbronte vendin e tij nga okupacioni italian, nuk do të thotë detyrimisht që Zogu ishte fajtor. Gjithsesi, kjo deklaratë e gjendur në dokumentet e Zyrës së S.O.E në Stamboll tregon qartë se disa prej bashkëpunëtorëve më të ngushtë të Zogut ishin ndarë prej tij dhe nuk ishin më pjesë e rrethit të tij të besuar. Ky ishte edhe qëllimi i sjelljes së këtij dokumenti, i cili hidhte dritë mbi fatin e disa prej personave më të rëndësishëm të Mbretërisë, si ish-ministri i famshëm Musa Juka, Abdurrahman Krosi apo i njohur si Lala Krosi, por edhe ushtarakë si Gjeneral Araniti nuk ishin pjesë e grupit të Zogut, të cilët do ta ndiqnin atë në rrugëtimin e tij të gjatë. Në fakt, dokumentet e S.O.E tregojnë se Gjeneral Araniti u përpoq të bënte një lloj marrëveshjeje me italianët dhe të lejohej të kthehej në Shqipëri e të lihej i lirë në jetën e tij private. Me sa duket, një kërkesë që nuk është pranuar nga italianët.

Gjithsesi, me sa duket njeriu më aktiv i ish-Mbretërisë Shqiptare në Mërgatën e Stambollit ka qenë i famshmi Musa Juka, ministri i Brendshëm, i cili në mënyrë të pavarur nga Zogu kërkon të shndërrohet në një faktor me ndihmën e zbulimit anglez, për të cilin ai vë në dispozicion të gjithë rrjetin agjenturor që ai kishte pasur në Shqipëri. Dokumenti që po botojmë sot për lexuesin është përsëri një Raport i hartuar nga Zyra e Stambollit S.O.E, i cili jep detaje mbi aktivitetin e Musa Jukes në Stamboll, në shërbim të Zbulimit Anglez.

* * *

25/6/42
To SOE, Kairo from D/H 274

Vizita e Musa Jukës në Kajro
(Emri i Koduar MUZZLE)

1. Ref.1/alb/1/DH80/116 e 19.6.42 paragrafi 3 Kajro. Dëshiroj që ky raport të fillojë me një deklaratë personale. "Për gati 20 vite kam qenë në kontakt me shumë shqiptarë të çdo lloji dhe krahine, por deri më sot nuk kam takuar asnjë për të cilin do të thosha me siguri se e dija se çfarë mendonte". Kur fjala është për një njeri të zgjuar dhe të ngritur në influencë me forcat e veta si MUZZLE, atëherë ky problem është shumë i vështirë. Këta (shqiptarët shën. yn&eumlsmiley janë malësorë dhe iu është dashur që të përdridhen për të ruajtur nacionalitetin e tyre për 3000 vjet të historisë së tyre.

2. MUZZLE u mundua që të më nënvlerësonte kur u takuam, por kjo u bë më e dukshme kur i përmenda MONKEY si dhe ftesën e tij për të shkuar në Kajro. Nëse nuk do ta shikoja telegramin Tuaj paraprakisht, nuk do ta besoja që ai e njihte me të vërtetë MONKEY, apo që i kishte shkruar atij më parë. MUZZLE më në fund pranoi që përpara disa ditësh, personi që shkroi letrën të cilën ma treguat edhe mua, i ka sjellë atij një mesazh verbal, ku i kërkonte që të pranonte një ftesë për të shkuar në Bejrut. Për këtë gjë ai kërkonte që unë t'ju thosha Ju se MONKEY ishte ai që kërkonte takimin dhe Juka, personi që mund të vendoste për këtë takim. Si provë më tregoi letrën që MONKEY kishte shkruar më 16.2.42 për të birin, i cili tashmë është i internuar në një kamp në vendin 25 (Jugosllavi shën. yn&eumlsmiley. Kjo lloj sjelljeje shpjegohet mjaft qartë me dëshirën e tij njerëzore për të thënë përshtypjen se është akoma i pushtetshëm. PROFIT e përshkruan qartë sjelljen e tij. "Ai mendon se është akoma Ministër i Brendshëm i Shqipërisë". MUZZLE disa herë më ka folur në terma shumë negativë kundër ministrit Xhaxhuli dhe thotë se z. Xhaxhuli duhet të vijë tek ai, dhe jo ai tek Xhaxhuli, pasi Juka është më i rëndësishëm. Më ka thënë disa herë që t'i them Xhaxhulit që janë anglezët të cilët e duan atë dhe kërkojnë ndihmën e tij etj, etj. Meqenëse Xhaxhuli është shumë i mjegullt vetë, thënia e këtij mesazhi nuk do të ishte shumë e këshillueshme.

3. Një nga Raportet Tuaja më ka bërë të mendoj se ju dyshoni që unë jam e rezervuar mbi pozicionin e MUZZLE, ndërsa MONKEY ka mendim më të mirë për të. Ndoshta keni të drejtë për këtë të fundit. Nëse MUZZLE do të ishte një njeri i thjeshtë, të cilin po e konsideronim për ta rekrutuar si agjent, unë nuk do ta kisha pranuar. Ai kurrë nuk na jep emrat e vërtetë të njerëzve që përdor si informatorë apo të na japë datat e mbërritjes së tyre. Ai e ngjyros çdo informatë sipas gjykimeve të veta. Ai nuk ka një qëndrueshmëri në të vërtetat. Por ai nuk është një njeri i zakonshëm, ai është shumë i zgjuar dhe njeri me eksperiencë. Që në fillim filluam të marrim ide prej tij dhe e kemi bërë këtë shpesh; p.sh, ideja e përdorimit si korrierë të nënshtetasve turq me origjinë shqiptare, ishte e tija. Po kështu morëm planin e tij se si mund të organizojmë një revoltë në Shqipëri dhe tani mendoj se ne nuk kemi pse e përdorim më MUZZLE, por ne mund të ndërtojmë mbi këtë plan operacional. Po kështu na ka dhënë informacion mbi Bektashinjtë, si dhe kemi marrë emrat e të gjithë njerëzve të tij në Shqipëri. DERRICK e njeh këtë plan, por nuk i ka emrat e personave. MUZZLE na ka dhënë gjithashtu pika të rëndësishme mbi kërkesat e vendit për një njohje nga ne. Nëse kunati i tij nuk do të ishte frikësuar nga masat e reja të sigurimit që janë vendosur, ai mund të kishte dërguar edhe para për ne në Shqipëri. Të gjitha këto ai i ka bërë pa i kërkuar gjë. Mendoj se në përgjithësi ai na ka dhënë gjëra me vlerë për paratë tona.

4. Ndërkohë, nga ana tjetër ai flet shumë dhe për gjëra që nuk kanë vlerë, disa prej të cilave janë edhe në letrën që i ka shkruar MONKEY. "Njerëzit e tij" nuk vijnë apo shkojnë sa herë të duan dhe nuk kanë lidhje me Shqipërinë. Italianët gati e kanë mbytur çdo lëvizje nga, dhe për në Shqipëri. Ju e keni parë në çdo Raport tonin se sa e vështirë është për të gjetur njerëz që vijnë dhe shkojnë atje.

5. Më ka thënë gjithashtu se organizata e tij është zgjeruar shumë dhe "njerëzit e tij" po presin udhëzime. Ai, me sa kam parë ka një shifër të tijën, pjesë të cilat i kam parë. Po kështu më ka dhënë se kjo shifër nuk lejon mundësinë e përdorimit për linjën e naftës. Është shifër e thjeshtë, e cila i quan paratë "dele" ose "misër", fjalë mjaft të përdorura edhe në paqe në Shqipëri. Ai merr herë pas here ndonjë letër në shifër, por dua të theksoj se kur më jep ndonjë informatë nga këto të ashtuquajtura letra, më shumë lexon nga blloku i shënimeve të veta apo nga copa letrash. Disa herë i kam zbuluar marrësit e vërtetë të letrave, të cilët konfirmojnë dyshimet tona se këto letra me të vërtet kanë ardhur nga Shqipëria, por nuk janë dërguar për MUZZLE. Unë shpesh nuk dua t'ju bezdis me detaje të tilla duke ju dhënë vetëm informacionin, pasi këto detaje janë thjesht për të ilustruar dëshirën e tij për ta quajtur veten si njeri i rëndësishëm. Dëshira e madhe për t'u takuar me MONKEY është ndoshta arsyeja e tij për të qenë person i rëndësishëm. Nipi i tij flet vazhdimisht se sa i rëndësishëm është xhaxhai i tij dhe sa shpesh vijnë vizitorët në banesën e tij. Kjo gjë në fakt, nuk është thjesht nga fakti se ai ka qenë në një post të rëndësishëm në vendin e tij dhe e ka humbur atë. Por, është edhe diçka tjetër shumë e rëndësishme: ai nuk është prej familjeje të mirë dhe disa nga bejlerët tashmë e trajtojnë me përbuzje duke qenë se ekzili i bën ata të mendojnë se rëndësia vjen nga prejardhja dhe jo nga pozita. Kur të huajt e kërkojnë atë (MUZZLE, shën yn&eumlsmiley, atij i duket se del një hap para bejlerëve.

6. Është thjesht e pavërtetë se ai ka miq me influencë në mesin e Mërgatës. Murat Kaloshi vuan nga epilepsia dhe nuk është i aftë për asgjë. Po kështu, është e njohur për të gjithë se me të nuk mund të flasësh dot pasi çdo gjë ja thotë shërbëtorit të tij, EMIN një maskara që paguhet nga italianet. Shumë rrallë MUZZLE takohet me të, por nuk ka asgjë midis tyre. Besoj se ju kam treguar të vërtetën mbi Hysen Selmanin. MUZZLE dhe Selmani janë prishur për çështjen e Komitetit dhe nuk e kanë parë më njeri-tjetrin deri në momentin kur Selmani u sëmur rëndë dhe kur MUZZLE shkoi ta takonte dhe foli me të. Këtu filloi një farë pajtimi mes tyre, por nuk ka shkuar më tej se kaq. DERRICK, i cili e di më mirë të vërtetën, pret një pajtim midis tyre, por thotë që nuk ka ndodhur akoma.

Firmosur D/H 274
 

42 Komente

Ai Juka qe kur e nis nje shkrim me fyerje personale nuk ia vlen te lexohet me tej. Nivel shume i ulet.

Auron i kam ndjekur shkrimet e tua, jane interesante.

 Auron, mesa kuptova une ai nipi nuk eshte se e mohon qenien e gjyshit a vellait te gjyshit si agjent i anglezeve, perkundrazi ai e pohon kur thote se ai Juka-ish minister i Zogut, u hodh ne ndihme te aleateve kundra fashizmit e nazismit. 

Kjo nuk eshte ndonje gje e rendesishme Auron, e rendesishme eshte ai programi mbi kanalin e Korfuzit. Si mund ta shohim neve qe kemi pak kontakt me Shqiperine, dhe qe lajmet mbi Te i marrim vetem nepermjet internetit. 

Faleminderit per leximin e shkrimeve. 

Une ne fakt dooje te merrja mendimin e pjesmarresve ne Forum mbi idene ne se duhet te debatohen ngjarje historike mbi dokumentacione te reja dhe se si mund te perdoren keto dokumenta sa me mire per te sjelle dicka te re ne librat e historise.

 

auroni

p.s  une e kam per nder te madh qe kam studiuar ne Shkollen Ushtarake megjithese fatkeqesisht nuk mbarova ate shkolle pasi shkova ne institutin e fiskultures si sportist qe isha

Auron, po ministrat e brendshem te kesaj kohe, dmth. pas komunizmit dhe kreret e sherbimit sekret, a jane agjente te CIA-s pasi te gjithe kane bashkepunuar dhe i japin informacione CIA-s?

Speaker

S'behet fjale per bashkepunim dhe shkembim informacionesh, behet fjale per sherbim kundrejt pageses. Nqs dikush nga ministrat e brendshem ose kreret e sherbimeve sekrete paguhen ( gje qe personalisht nuk me habit aspak, sepse te gjith gjat ketyre 20 viteve, ose gati te gjith kan qene dhe jan agjente te huaj)  per sherbime te fshehta drejteperdrejt nga agjentura te huaja atehere jan agjente te atyre sherbimeve, s'ke si ti quash ndryshe.

Gjithmone me kane intriguar keto historite me agjente ndaj dua te tregoj dy histori te vogla.

Ne mos gaboj nga 1994 behej nje konference shtypi me gazetaret tek shtepia e Oficerave ne rrugen e Elbasanit. Nje gazetar amerikan, ngrihet dhe pyet Zhulalin se sa ishte numuri i avioneve luftarake akoma ne gjendje fluturimi, qe posedonte Shqiperia asokohe. Zhulali me ate fytyren e nje profesori matematike te bezdisur , i thote qe ky numuri eshte sekret. Gazetari vuri buzen ne gaz dhe i tha se keto te dhena ekzistojne per cdo shtet ne dokumentat e Natos, dhe meqe Shqiperia kishte kerkuar te anetaresohej, patjeter qe keto numura gjendeshin atje. Ai thjesht po donte te kursente kohe per shkrimin. Zhulali thirri keshilltarin e tij, nje pelle e gjate nga veriu, qe e kishte kaptinen nga mbrapa te drejte si hekur hekurosje dhe i tha dicka ne vesh. Ky robi pohoi me koke, dhe gjithe inat tha numurin ekzakt te avioneve dhe u ul prap ne karrike.

 

E dyta eshte edhe me e bukur. Nga 93-94 Berisha i beri kerkese Pentagonit qe t'i dergonin tre gjenerale amerikane per te ringjallur ushtrine zabite shqiptare. Pentagoni i dergon vetem nje. Dany Lane.

Nuk po i hy punes gjigande qe beri ky ushtarak i karrieres me pervoje thuajse 40 vjecare per riorganizimin e ushtrise, por dua te dal tek agjentura. Pas zgjedhjeve te 96-tes, oficeret e ministrise e pyesnin se c'mendonte Amerika per zgjedhjet ne Shqiperi dhe ai i pergjigjej me thjeshtesi, qe situata kodifikohej si SNAFU (Situation Normal All Fucked Up) ne gjuhen e veteraneve te Vietnamit. Ky vleresim vajti ne vesh te Zhulalit e me vone te Komandantit te Pergjithshem (cudi eee, se ne nuk jemi as popull spiun) dhe Danyn filluan ta quanin komunist. Tashti kjo ishte me shume se cfare Dany mund te duronte, ndaj ne mbledhjen me te afert te Shtabit ngrihet dhe deklaron. 

"Kam degjuar (them degjuar se asnjeri s'ma ka thene ne fytyre) qe une qenkam agjent komunist. Per ato qe nuk e kane lexuar CV-ne time, po u them se une e kam hapur karrireren time ushtarake si oficer i thjeshte ne Indokine, pastaj ne Laos, Kamboxhia e Vietnam si dhe ne ca vende te tjera qe nuk dua t'i permend. Ne te gjitha keto vende, une kam luftuar me armet me moderne kunder armiqve komuniste, nderkohe qe ju ketu rreth meje, duke filluar qe nga ushtari me i thjeshte, deri tek ky Ministri i Mbrojtjes benit stervitje per ta mbrojtur komunizmin nga armiqte me me zjarr, qyte dhe bajonete". Dhe per te perifrazuar luftetarin tuaj te madh Skenderbeun qe une e respektoj desha te them se "komunizmin nuk ua solla une. Ai ishte midis jush."

 

E tepert te them qe pas pak javesh keshilltari u ekstradua nga Shqiperia si agjent komunist ( kubanez mbase, apo koreano verior se Rusia s'ishte me komuniste!!!), dhe jo vetem qe i sekuestruan kompjuterat dhe gjithe dokumentacionin e shkruar, por sipas tradites shqiptare naten e fundit i hyne nga muri dhe i vrane edhe qenin Biza, qe ishte nje qen stani qe e kishte marre nga ca cobenj te Bizes qe kelysh dhe e kishte rritur vete.

Kjo tregon edhe njehere qe ndersa armiqte na kane ne gryke te pushkes, ne i mbajme ne gyke te Topit (jo Bamirit).

Faleminderit per kete pjese qe solle ne forum. Dany Lane ka qene dhe mbetet miku i im dhe ajo qe thua eshte plotesisht e vertete. Dany vinte ne shtepine time ne Sarande gjithmone dhe me tregonte historite me demokratet e Ministrese se Mbrojtjes. kam kujtime shume te bukura nga Dany i cili ku iku mori edhe qen stani nga shqiperia.

 Auron, edhe per mua ka qene nje mik i shkelqyer. Kur iku me la nje kopje te ditarit te tij nga Shqiperia. Ditari fillon me: 

"Takimi i pare me shqiptaret (jo zyrtare) u be ne malesine e Martaneshit, ku si mik i ftuar, per te me nderuar me ofruan te haja koken e dashit. Do ta kuptoja se sa diverse ishte Shqiperia, kur per te njejten aresye, dhjete dite me vone ne Orikum ma dhane te haja ekstremin tjeter, bishtin e dashit" smiley

 P.S. Naten kur do e evakuanin kam qene tek nje party qe ai organizoi tek shtepia e tij. Kur mbaroi party nga ora dy dhe dolem jashte, pame se qeni kishte ngordhur me gjuhen jashte. Qeni qe kishte ne Washington me vone quhej Biza 2 dhe e mori nga disa cobene te Maqedonise.

Persa i perket pyetjes qe ngre ketu, te pergezoj per perpjekjen. Megjithate te deduktosh qe Juka eshte i blere nga ky cable qe ke perkthyer, nuk me duket "reasearch wise" e drejte. Une per vete kur e lexova, dola ne tjeter konkluzion.

Ka te beje me shume me peshen politike qe personazhe politke ne kontekste te caktuara historike perdorin per te arritur qellime te tyre politike. Zonja e shpreh shume qarte kush jane qellimet e Jukes.

Fakti qe ti e ke interpretuar si i blere, ka revoltuar pasardhesin e Jukes.

Nje keshille: bej te pamunduren te kuptosh si funksion sistemi i mbledhjes se informacionit nga nje agjenture e huaj, per qellimet e veta, perpara se te deduktosh konkluzione. Sepse merr persiper te analizosh dhe hipotetizosh me "me sa duket" rolin e nje figure politike, ne nje kontekst te caktuar historik. Si historian, nuk eshte the right research path.

Faleminderit qe me degjove.

Faleminderit per komentin.

 

e para ne se do isha i sakte do te thoja qe personi te cilit ju referuan (te pakten mua) me ka treguan me te qeshur qe qeni i tij qe mori nga shqiperia sulmonte postierin zezak sa here qe i vinte ne shtepi dhe ju desh qe te merrte masa qe mos e kafshonte ate. eshte thjesht nje detaj mbi qenin shqiptar.

 

e dyta. 

ne se i keni ndjekur shkrimet e mia tek Gazeta Shqiptare te cilat botohen cdo te enjte dhe te premte tashme per 2 muaj une jam perpjekur qe te mos bej komente te gjata apo konkluzione. ne fakt ideja e ketyre shkrimeve te cilat shpresoj te jene produkt i nje libri eshte fakti (per mua)  qe sa jo profesionale kane qene sherbimet sekrete ne konteksin e shqiperise  si gjate luftes si edhe pas luftes.  une i kam njohur personalisht gati te gjithe oficeret e sherbimit anglez qe ishin gjalle mbas 90 dhe te thet te verteten me ka cuditur percmimi qe kane pasur mbi shqiptaret. per kete arsye kam studiuar me mijra faqe dokumentacion ne arkiven britanike per te pare se si kane funksionuar ata gjate luftes dhe pas saj. une do te desha qe edhe kendveshtrimi shqiptar te jepej ne kete histori pasi te dyja palet duhen te flasin. fatkeqesisht shqiptaret nuk kane folur  me dokumenta flas.  absolutisht nuk eshte e verteta qe ne se nje dokument anglez flet per dicka kjo eshte e verteta. duhet nje informacion shume i madh dhe nje kendveshtrim shume i pa varur per te nxjerre konkluzionin e sakte. per kete arsye une i jam futur kesaj historie duke u mundur qe te mos flas shume per te le lexuesin te nxjere konkluzionin e tij.

 

shpresoj se provokimi i nje debati per kete ceshtje do te jete produktiv dhe shpresoj qe njerez si ju te japin opinionin e tyre te pa varur.

 

faleminderit

 

a

Duhet ta kesh degjuar Tony Blairin kur ka folur per Shqiperine?!?

"Shqiperia eshte i vetmi vend i botes ku sherbimet tona te inteligjences kane deshtuar plotesisht! Nuk dinim absolutisht asgje cfare behej ne ate vend deri ne 90. Erresire absolute informacioni."

Ende mendon se paska qene mungese profesionaliteti?

jam i bindur qe ti ke gjetur dokumenta spiunazhi edhe per ate kohe...

Ka gjithmone nje gje me shume se per cfare flitet; prandaj keto gjera duhen marre me kujdes. Nga ana tjeter, nuk jane pune e historise sa pune e dokumentacionit analitik. Se cfare debati pret te ngresh per kete, prape nuk po e marr vesh.

..............

a: Ku po shkon?

b: Ne plazh.

a: Pse???? ( smiley )

po e kam degjuar por ai flet per periudhen 46 56  kur sherbimi britanik deshtoi plotesisht.

 

debati?  po une kete e kam shkruar qe ne krye?  dmth a duhet te debatojme per rishikimin e ngjarjeve historike kur ka fakte dhe dokumenta te reja apo jo?

 

kjo eshte pika e debatit

Jo, derisa permend hapjen e Shqiperise ne 90, flet per gjithe periudhen. Nuk e ka mendjen te incidenti i korfuzit kur flet. e ka fjalen per shqiperine, dhe erresiren informative. deshtim total i MI6, MI7 dhe gjithe spiunazhit britanik ne shqiperi deri ne diten qe shqiperia eshte hapur. flet qarte per sistemin. bera vetem je citim perciptas.

Histori? vlera historike e Jukes... cdo njeri ka vlere historike, po historia matet me etapa apo ngjarje qe merren per pika orientimi... po te merremi me te gjithe, njerezit, me mire marrim e fotokopjojme arkivat britanike dhe i magazinojme kopjet ne tirane.

Me ckam degjuar une ai permendi Enverin, dhe e tha ne kontekstin qe nuk mund te deshtojme me Sadamin ashtu sic kemi deshtuar me Enverin.

magazinimi i ketyre dokumentave ne tirane nuk do ishte ide e keqe. sa me shume info te kemi dhe ti kryqezojme referencat aq me analizate sakta mund te bejme.

po e di kete gje. ma ka thene edhe mua disa here.

edhe pershkrimi i Bizes  eshte i sakte

 

a

Ne fakt nuk eshte thjesht kjo qe te ben te mendosh. Do thoja nje histori "qesharake" ketu, qe dikujt do i ngjaje si "llafe shqipesh"; por ka ndodhur, qe, me duket se ishte viti 92. Sapo kishin ardhur te derguarit e pare te misioneve ushtarake. Kishte ardhur dhe nje mision vleresimi nga aleatet tane te rinj. Dhe ishte nje staf i mire amerikan qe viziton bazen ushtarake te Gjadrit. U inspektuan tunelet ajrore, strategjite, gadishmeria dhe efikasiteti. Eshte koha qe ushtria jone do pesonte goditjen me te rende qe prej krijimit; reformen Xhulali, qe i ngjau plotesisht nje thjeshtimi arithmetik te crregullt. Pjese te ushtrise u pjestuan me 10, te tjera me 15, te tjera u shumezuan me 0...

Pershtypja e ekipit amerikan qe inspektoi kete baze, ishte nje kritike e madhe per ethet e kafeve dhe arit te udheheqjes qe kish pushtuar nje keste te shqiptareve...

"dhe ju kerkoni flori te fshehur nga Enveri? Po pse, me cfare behet nje baze e tille?" Thoshin te mahnitur inspektoret. Dhe kjo qe po them, nuk eshte citat nga gazeta Bashkimi apo ZiP... Jane pershtypje te dhena ne vendngjarje.

Sa per sekretet e ushtrise sone; ato ishin asokohe sekret; qe kur ushtria iu la ne dore nje profesionisti te vertete, - Zhulalit, nuk pati me sekrete. "Sekreti" i fundit qe "doli" ne shesh u be nga nje gazetar i Koha Jone, i cili u burgos me buje ne ate kohe; vetem se pati deklaruar shifra qe mund t'i mesonte gjithkush dhe qe fare kollaj mund te beheshin publike nga vete ministri.

24 mije ushtare, oficere dhe kaptere. 6 mije prej ketyre ishin oficere dhe kaptere. Kjo ishte ushtria e reformuar zhulaliste.

Ndekohe qe ne 1999, shifrat e ushtrise sone shteterore (jo kombetare, por shteterore) ishin prone publike.

Nuk besoj se pas incidentit ushtarak "te fjetur" me Greqine ne 94 (mesa me kujtohet), do dyshonte kush per punen e agjenturave sekrete ne territor shqiptar.

Dhe jam i bindur, qe nese ai incident kaloi ne heshtje dhe sot me te vertete jemi aleate dhe miq, nuk ka pse te mbahet "sekret" momenti kur Shqiperia dhe Greqia desh "ja krisen". Dhe meqe jemi te agjentura, ndoshta i duhet bere pak "homazh" per mirenjohje ish agjenteve te sigurimit te shtetit te cilet u angazhuan me urgjencen me te madhe per te kaluar balancen e konfliktit ne doren e te merituarit.

Perseri jam i bindur se miqesia me aleate nuk ka te beje dhe aq me SA mund t'u tregosh dhe sa transparent mund te jesh me ta; po nuk pate qellime dhe aspirata te njejta, veprimtaria e agjenturave do te perqendrohet gjithmone ne fabrikimin e 99 % shit te "te vertetave" dhe "fakteve".

Nje pyetje interesante. gjerat duhen marre ne kontekstin e tyre historik. une personalisht nuk deshiroj te beje shumekomente mbi kete teme pasi sic e kam shkruar me siper nuk dua qe debati te paragjykohet. Personalisht mendoj se ka nje mungese te madhe informacioni mbi ate periudhe dhe dokumentacioni britanik mund te sjelle informacione te reja. Ne se i keni ndjekur shkrimet e mia une kam  sjelle disa informacione mbi persona e atehershem qe duken qarte qe paguhen nga sherbimi britanik per pune te caktuara. Une nuk besoj se  percaktimi apo jo si agjente, spiune etj do te ishte nje menyre e drejte etikimi i ketyre personave. Une mendoj se keto dokumenta na ndihmojne ti shikojme ngjarjet historike me nje kendveshtrim te ri.

meqenese ra fjala per incidentin e korfuzit  a nuk mund te rishikohet ky incident me nje sy tjeter tashme qe kemi fakte dhe dokumenta te reja mbi kete ngjarje?

 

a

Auron

Te rishikohet, por jo tani, te rishikohet kur ne Shqiperi te ket nje qeveri dhe shtet qe punojne per interesat kombetare dhe te popullit shqiptar.

deri atehere do kemi vdekur te gjithe i dashur

Auron, cfare ke ne mendje. Me plase fare! Boll fakti qe ti e nxorre me fakte te verteten ne shesh, eshte rishikim katerciperor i incidentit. Po me intrigon sa here qe e shkruan punen e "rishikimit". Mos me thuaj prape qe thjesht desheron ta shohesh te zyrtarizohet versioni. Se fundi i fundit, ishim apo jo gjalle ne zyrtarizimi nje dite do behet. Po fakti qe e permend ti, ma heq "petllen" fare. Ka dicka tjeter qe une nuk po e kuptoj. Cfare eshte kjo... thuje se na vdiqe!

Aq here e kam thene shkoqur sa me ka vajtur rreze veshit...

Cfare do arrihet; ose me sakte, cfare duhet te arrihet nderkohe qe ne jemi gjalle. Dhe pse. Cfare mund te fitojme.

Nuk mendoj se shkrimet me karakter historik jane per te fituar dicka. Ndoshta dikush apo nje grup me i madh njerzish mund te rishikojne disa ide apo kendveshtrime mbi periudhen  qe flasim.

 

 

ne jemi aleate me USA keshtu qe ndarja e informacionit qe kane agjentet tane me CIAn nese behet brenda rregullave nuk quhet spiunim. spiun do ishte dikush qe 'me koken' e tij vendoste ne menyre te kundraligjshme te ndante informacione te klasifikuara me agjentura te huaja.

 

persa i perket rishikimit te historise... pa me te voglin dyshim duhet ripare atje ku ka dokumenta te reja qe nxjerrin mbi toke fakte te reja. s'shoh perse jo! te behesh historian apo te shkruash libra historie nuk duhet te kesh licence historiani. c'do njeri mund te analizoje historine dhe te shkruaji libra. tjeter gje pastaj se cilet libra fitojne per vete dhe per autorin nje pozite ne qarqet historiane. sa per te sjelle 1 shembull, misha glenny s'ka studiuar histori.

 persa i perket rishikimit te historise... pa me te voglin dyshim duhet ripare atje ku ka dokumenta te reja qe nxjerrin mbi toke fakte te reja. s'shoh perse jo! te behesh historian apo te shkruash libra historie nuk duhet te kesh licence historiani. c'do njeri mund te analizoje historine dhe te shkruaji libra. tjeter gje pastaj se cilet libra fitojne per vete dhe per autorin nje pozite ne qarqet historiane. sa per te sjelle 1 shembull, misha glenny s'ka studiuar histori.

Absolutisht dakort. historia duhet ripare sipas dokumentave te reja qe dalin. POR duhet ta keshe te qarte Auron, se ne nje fare menyre po i hyn ne pjese atyre qe kane mbaruar per histori dhe qe megjithese nuk kane asnje kontribut (pervecse atij politik) gjithsesi i rezervojne te drejten vetes e te shkruajturit se historise. Pa llogaritur kur preken interesat personale apo familjare sic aludon Pjer Thomas me siper.

Oeee, Aurono, se harrova te ta thosha qepare... Eeej, po ti qenke historian pa diplome mo!!! E merr vesh se cdmth? Te na rroje Miloja me Xhufin ne, se ata kane diplome.

Te paska sulmuar dhe te paska kapur aty ku duhej ai Genc Juka, me argumenta te plota...

Seriozisht tani, pash zotin, c'merresh me te tille njerez? Po pse ore sa njerez te mos bien dakord me ty duhet te lesh buken pergjysem per t'u dhene pergjigje?

Meqe ti nuk paske diplome ne histori(dhe ky perbeka problem kamikaz per Jukajt), as mos e merr me mundimin t'u pergjigjesh me njerezve nese nuk vijne ne pozita te barabarta. Dhe ne pozite te barabarte mund te jete vetem nje njeri qe vlereson dokumentin mbi te gjitha. Se fundi i fundit, une them qe ti nuk je historian sepse te kam pare qe ke pas veshur t-shirt. (pa lidhje krejtesisht, po ashtu e shohin ca)

Si ne diskutimin qe kishim me pare; kur Miloja, nje palohistorian, nje palodiplomat, nje palopolitikan, nje palo-palo,... palaco dhe burrec, deshtak ne cdo fushe, del me 3 fotokopje telegramesh dhe te hedh poshte, jo ty, po arkivat britanike! Prandaj eshte humbje kohe te lesh buken pergjysem dhe t'u pergjigjesh injoranteve.

Ndersa nga une, te jap kurajo dhe zemer te vazhdosh punen tende, se vetem nderohemi nga e verteta. te shtrengoj doren miqesisht. smiley

Me pelqejne shume shkrimet e Auronit, ne vecanti shqetesimi i tij, qytetar neper gazeta dhe emisione televizive per ruajtjen e pasurive tona kulturore ( ai dhe Lame, ne fakt ,jane te vetmit qe e bejne kete, edhe pse me kete te fundit nuk bie shume dakort me ate rubriken e tij "alla çajupçe"; shqipni tavolinash),

por mbi te gjitha, me pelqen fakti qe Auroni shkruan drejtperdrejt me emrin e tij ketu ne peshk, dmth pa skuthlleqe smiley

 Auron, e pashe dokumentarin (shyqyr qe e kish sjelle Ttmsoia).  

http://www.top-channel.tv/video.php?id=9...

Dhe nga faktet qe une i pashe per here te pare aty, del ajo qe une kam thene shum kohe me pare, pa i ditur keto fakte, se nuk ishte fajtore Shqiperia ne ate incident, per vete faktin se; 1) ajo nuk kish bomba te tilla,  2) nuk kishte specialiste e teknollogjine e duhur per te vendosur bomba. Eshte si te akuzosh sot fiset Taka-Muka ne Afrike e Xhungel per prodhimin e bombave te dores. 

Ka mundesi qe ato bomba te jene lene dhe nga gjermanet dhe ajo zone nuk eshte pastruar qellimisht nga anglezet, per interesat e tyre, mirpo une seç e ndjej qe ato bomba jane vendosur nga vete anglezet, gje qe tani ma perforcon edhe faktet e reja qe pame ne kete program, si; filmimi (pra qe ata prisnin diçka) , ajo fotoja me dy persona qe po terhiqnin nje bombe, qe nuk eshte çudi te jete zhytur prape nga anglezet. Theniet e anglezeve se do filmonin sulmin mbi anijet e tyre nga baterite shqiptare, mund te jete nje hi syve per kedo qe mund te dekosperonte planin e tyre ne ate moment apo ne nje te ardhme (te afert apo te larget qofte).  

 Edhe sikur te jete ashtu siç thone anglezet, prapseprap kjo gje tregon se kurdo qe do te denosh padrejtesisht nje popull te vogel, ajo gje negative te kthehet kundra teje, e ne kete rast ata moren denimin e merituar nga vet nisja e gabuar/negative e tyre. Shqiperia nuk luajti as gishtin e vogel aty.  

une nuk dua te spekulloj mbi vendosjen e minave nga anglezet pas incidentit per te provuar ceshtjen e tyre por mendoj se kjo eshte shume e mundshme duke ditur se nuk  ka pasur asnje person tjeter per te survejuar kete operacion.

 

mendoj se ne baze te ketyre fakteve te reja duhet qe historianet shqiptare te perpiqen me seriozisht per te bere te mundur qe kjo histori te jete e qarte per ata qe studiojne kete ceshtje

Auron! Historianet shqiptare? Ke ndonje emer ne mendje?

Historianet shqiptare nuk po merren me ceshtje KOMBETARE me rendesi urgjente dhe jetike; Cameria, psh. Si i behet e ditur botes "cudia" e gjenocidit grek mbi shqiptaret???? Beri tere ate enciklopedi felliqodonia dhe historianet tane as u duken fare! Historian i joni ishte dhe Pellumb Xhufi kur e beri qepaze ambasadori serb ne Rome ne nje program televiziv politik ne Itali (La7; Otto e mezza; Giuliano Ferrara); dhe Xhufka jone sikur ishte serb, jo shqiptar, e jo me shqiptar me profesion historian!!!!!!! (ishte dhe ambasador i joni ne Itali ne ate kohe mavria)

E jo me te flasin historianet tane per Korfuzin... e kam thene disa here te tjera. Milon e kishe ne Shqip, dhe e pe vete historianin se ca ben e me ca merret.

"Sekreti" i fundit qe "doli" ne shesh u be nga nje gazetar i Koha Jone, i cili u burgos me buje ne ate kohe".

Gazetaret ishin Alaeksander Frangaj, dhe Martin Lekaj.

Sandri i Klan-it, si ben dhe ky sikur e ka harruar!!!

 Nuk e kam harruar. Martin Leken po, e kisha harruar. Po nuk kane rendesi emrat, dikush eshte arrestuar per "sekrete" te tilla. E kam fjalen per nivelet e budallallekut qe arriti shteti jone, sikur po punonte per llogari te shekullit 22. Prandaj iu deshen shtetit ne ate kohe profesionistet e vertete te hedhur rrugeve nje moment me vone. nejse, ky eshte muhabet ashtu... ne pergjithesi. smiley

Per shkrimin, titulli i tij s'eshte i duhuri. Musa Juka nuk ka qene i "blere" dhe as i "shitur", thjesht ka bashkepunuar me vende aleate duke dhene e marre info, gjithmone kunder pushtuesve fashiste te Shqiperise dhe kete do ta kishte bere cdo patriot, aq me shume nje minister i brendshem dhe politikan si Juka.

Titulli eshte i redaksise se gazetes dhe jo i imi.  une jam pak dyshues mbi termat patriot aq me teper qe ai edhe nga vete anglezet quhej si nje person i cili kishte nje reputacion shume negativ ne vendin e vet.  fakt ky qe mund te konfirmohet nga nje sere personalitetesh te asaj kohe mbi rolin e tij. Gjithsesi une nuk kam te drejte qe ta para gjykoj Juken  por ne se ka bashkepunuar me anglezet nuk shikoj ndonje gje te keqe. Nderkohe ne dokumentat e dosjes se tij me del qe ka pasur edhe bashkepunim te ngushte me sherbimin jugosllav. sigurisht nje politikan i atij kalibri mund te kishte shume lidhje me politikane te ndryshem por lidhja me sherbimin sekret jugosllav me duket pak i dyshimte.  si te duket ty?

 Musa Juka nuk ka qene i "blere" dhe as i "shitur", thjesht ka bashkepunuar me vende aleate duke dhene e marre info,.......

Po mos u tremb o Tellall . Ata qe marrin udhezime dhe japin info jane AGJENTE o te marte lumi me gjithe ato qe mendon se justifikohesh ,me ate logjike te mrapshte si prej femije. Kane dhe nje shtese te vogel si "pseudonimet"smiley...

Po ti nuk ke pune me keto sepse ashtu si dhe z. Auron ndoshta nuk e di qe SIMI nuk kishte karta idntiteti po i VULOSTE ne BYTHE agjentet e tij . Ka kaluar shume kohe dhe mishi eshte tretur por "deshmite  e shokeve " ose ajo qe quan Tellalli info jane ruajtur smiley

Z.Auron ne se te intereson Ju duhet te gjeni ne arkiva deshmite e njerezve qe kane qene ne detyr ne ate kohe ne kufirin bregdetar .Njeri prej tyre ( nuk e di ne se rron apo jo ) eshte Hasan Pirgu. Jetonte ne korce dhe punonte ne fabriken e qelqit . Ai ma ka treguar PLOTESISHT se si ka ndodhur te pakten per mendimin e atyre qe qene ne kontakt direkt me anijet anglez. Per kete ngjarje eshte denuar me "burg".

Kishim nje motoskaf dhe nje TOP. Kishim edhe nje zemer qe Tellalli dhe Jukat as e kane enderuar ta kene ndonjehere ! 

I bashkangjitem Zotrules...ajo qe Ju kekroni te rishikohet ne kete rast pa me te voglin dyshim perkon me versionin zyrtar te shtetit te meparshem....

dhe Ju jo vetem qe duhet te falenderoheni qe e kini argumentuar edhe me dokumente arkivore origjinale te burimit , por korektoni edhe njehere xurnate e shtetit demokrat me historiane qe do vine edhe per 29 Nendorin,

ma ka thane baba mue , si ka qene historia zotnie .

 Idris; "....Njeri prej tyre ( nuk e di ne se rron apo jo ) eshte Hasan Pirgu. Jetonte ne korce dhe punonte ne fabriken e qelqit . Ai ma ka treguar PLOTESISHT se si ka ndodhur te pakten per mendimin e atyre qe qene ne kontakt direkt me anijet anglez..." 

Po mir o Idris, a nuk mund te na i tregoje dhe ne, se çfar mendimi paska patur ai Hasani per ate ngjerje, meqe paska qene dhe roje bregdeti, pra nje deshmitar i gjalle i atyre momenteve, qe fatkeqesisht u interpretuan maskarillikisht/gabimisht nga anglezet. Te lutem na i trego dhe ne se si e ka pare, ditur dhe perjetuar ai ate ngjarje, ngjarje qe solli ndryshimin e kursit te politikes nga te dyja palet dhe ndoshta dhe me gjere. 

Mallakastra dhe nafta e saj, synimi i britanikëve» Dërguar më: 28/11/2009 - 13:24   Auron Tare

 

Në numrin e sotëm të Dossier-it mbi aktivitetin e S.O.E britanike në ngjarjet e lidhura me Shqipërinë e 1942-it, kemi përzgjedhur për të botuar dy dokumente, të cilat japin disa informacione me mjaft interes për të kuptuar prapaskenat e zhvillimeve politike në atë kohë. Zyra S.O.E britanike për Shqipërinë, e cila operonte nga Stambolli me synim krijimin e operacioneve diversive në Shqipëri, mundohej që me anë të infiltrimit të shqiptarëve të rekrutuar në Mërgatën e Stambollit të krijonte vatra rezistence kundër italianëve. Dokumenti i parë i botuar sot tregon qartë përpjekjen e Zyrës së Stambollit për të rekrutuar oficerë të ish-ushtrisë Mbretërore për t'u infiltruar në një prej zonave që sipas tyre, nuk kishte asnjë aktivitet kundër italianëve, zona e Mallakastrës. Me sa duket, informacioni që kishin britanikët tregon se kjo zonë nuk kishte shenja anti-italiane dhe ata kërkonin infiltrimin e personave që do të krijonin rezistencën anti-italiane. Nëse informacioni britanik ishte i saktë apo jo, kjo vlen për t'u konfirmuar me dokumentacionin e kohës mbi lëvizjen anti-italiane në këtë zonë, por gjithsesi shikohet një interesim mjaft i madh i britanikëve për Mallakastrën. Duke pasur parasysh që kjo ishte edhe një zonë me mjaft interes për sa i përket aktivitetit në nxjerrjen e naftës nga italianët, kuptohet edhe interesimi britanik për ta kthyer këtë zonë në një zonë problematike. Por fakti më interesant në këtë dokument (megjithëse vjen në një mënyrë të tërthort&eumlsmiley, është se Shërbimi Britanik është shumë i kujdesshëm për të mos krijuar përplasje me pretendimet territoriale greke për Jugun e Shqipërisë. Ky kujdes konfirmon një sërë dokumentesh të tjera, të cilat theksojnë faktin që Ministria e Jashtme Britanike i kishte përkrahur pretendimet territoriale të Greqisë në Jugun shqiptar pas luftës. Dokumenti tjetër i botuar sot, ka edhe ai mjaft interes për të shikuar prapaskenat dhe interesat që luheshin në mesin e Mërgatës Shqiptare të Stambollit, ku një pjesë e mirë e ish-qeveritarëve mbretërore tashmë qëndronin. Javën e kaluar botuam disa dokumente britanike, ku flitej mbi figurën e Musa Jukës, ish-ministri i Brendshëm i Zogut. Figura e Jukës duket qartë që vlerësohej nga Shërbimi Britanik, i cili kërkesës së tij për bashkëpunim me sa duket, i është përgjigjur pozitivisht. Britanikët, në dokumentet e tyre shprehen se Musa Juka ka qenë një person mjaft i aftë dhe shumë i zoti në menaxhimin e punëve të koklavitura të Mbretërisë Shqiptare. Megjithatë, duke pasur parasysh reputacionin që me sa duket ka qenë mjaft negativ në mesin e Mërgatës Shqiptare në Stamboll, por edhe në Shqipëri, kanë preferuar që të jenë shumë të kujdesshëm në bashkëpunimin me të. Duhet të kihet parasysh se personi që drejtonte Zyrën e SOE në Stamboll, e njihte Shqipërinë shumë mirë dhe kishte jetuar një numër të madh vitesh në Shqipëri. Në këtë mënyrë nuk kishte se si të mos e njihte këtë reputacion. Nuk vihet në dyshim që bashkëpunimi i ish- qeveritarëve mbretërorë si Juka me Shërbimet Sekrete britanike bëheshin kundër Italisë fashiste dhe kjo nuk tregon një "tradhti" të Musa Jukes ndaj çështjes Shqiptare. Vendosja e rrjetit informativ (sipas anglezëve) të ish-Zyrës Sekrete Mbretërore në shërbim të britanikëve mund të jetë një veprim i diskutueshëm, por gjithsesi, është në kuadër të luftës kundër fashistëve. Pranimi i pagesave nga ana e britanikëve për sigurimin e informacionit, sigurisht që justifikohet me situatën e vështirë ekonomike që ish-zyrtarët mbretërore kishin në Stamboll. Që z. Juka ishte një person ambicioz dhe pragmatist nuk ka dyshim dhe kalkulimi i një rikthimi në pushtet me ndihmën britanike nuk ka përse të mos ketë qenë pjesë e llogaritjeve të tij politike. Megjithatë, në dokumentin e botuar sot shikojmë se britanikët kishin dijeni se Musa Juka ishte në kontakte të vazhdueshme me oficerin kryesor të Shërbimit Sekret Jugosllav, duke i sjellë atij edhe mesazhe nga një prej figurave kryesore të ngjarjeve në Jugosllavinë e viteve '40, A/H 31 apo Gjenerali i shumë përfolur, Drazha Mihailovich. Që një politikan i kalibrit të Jukës të kishte kontakte me politikanë të të gjitha nacionaliteteve nuk ishte aspak e jashtëzakonshme, por kontaktet e vazhdueshme me oficerët e Zbulimit Jugosllav sjellin një aspekt tjetër në figurën komplekse por mjaft interesante të një prej ministrave të Brendshëm, më jetëgjatë të Mbretërisë Shqiptare. aurontare@gmail.com

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).