Guvernatori n'besë

Hashim Rexhepi, Guvernator i Bankës Qendrore të Kosovës, ka një vit që lëviz në besë, sipas Kanunit të Lekë Dukagjinit. Besa i përfundon në fund të këtij viti. Djali i tij ndodhet në paraburgim, si i dyshuar që ka vrarë të birin e Emrush Gashit. Ai thotë se nuk do t'i japë më besë Guvernatorit.

 

Kanuni i Lekë Dukagjinit nuk është i fuqishëm vetëm në bjeshkët e Kosovës apo ato të Shqipërisë.

Ligjet e mbledhura para qindra vjetësh, shpesh kanë fuqi më të madhe sesa vetë policia dhe shteti. Madje edhe në Prishtinë, e pse jo në institucionet më të larta të vendit.

Një prej tyre që respekton Kanunin është edhe Hashim Rexhepi, guvernatori i Bankës Qendrore të Kosovës. Ky zyrtar i lartë, ka rreth një vit që del lirshëm falë fjalës së dhënë- besës.

Jeta e tij e lirë kushtëzohet nga vullneti i Emrush Gashit, babait të Arbenit të vrarë një vit më parë nga djali i guvernatorit Rexhepi.

Që nga 2 janari i këtij vitit, pasi dyshohet se ka kryer vrasjen, djali i guvernatorit ndodhet në paraburgim, por bazuar në ligjet e Kanunit të Lekë Dukagjinit, përgjegjëse është e tërë familja e tij.

Për këtë arsye, guvernatori duhet të shkojë në punë me leje, për aq kohë sa dëshiron t'i japë liri të lëvizjes babai i viktimës, Emrushi.

"Hashim Rexhepi ka ardhë ka marrë besë edhe e ka pranuar para Kanunit të Lekë Dukagjinit se vrasës i djalit tim është Hashim Rexhepi dhe djali i tij", thotë Emrush Gashi, babai i viktimës për Express.

"Menjëherë të nesërmit na ka çue njerëz, Shaban Tashollin nga Sindikata e Policisë, Xhevat Ollurin, ish-kryetar i Lipjanit dhe një profesor tjetër. Në fillim besë i kam dhënë për 10 ditë", shpjegon Emrushi.

Por pak para përfundimit të besës për dhjetëditëshin e parë, sërish njerëzit që ka zgjedhur guvernatori Hashim Rexhepi, kanë trokitur në derën e familjes së viktimës për të kërkuar besë edhe për një periudhë tjetër.

"Pas dhjetë ditëve besë, i kam dhënë edhe një muaj tjetër e më pas edhe dy muaj e kështu më radhë", thotë Emrushi, duke sqaruar se herën e fundit që guvernatori Hashim Rexhepi ka marrë besë nga familja Gashi, është në afat prej katër muajsh.

Por ky afat përfundon në fund të këtij viti. Pas kësaj feste, Emrushi thotë se gjërat do të ndryshojnë. Fatkeqësisht, jo për të mirë. Ai e ka ndarë mendjen të mos i japë më besë guvernatorit.

"Djali im më është vra me automatik. Përveç kësaj, aty ka pasur armë të tjera që kanë gjuajtur. Policia nuk ka marrë askënd në pyetje se si ka ndodhur rasti, nuk janë intervistuar njerëzit që kanë qenë në lokalin 'Garden", thotë Emrushi për Express.

"Djali më është vra afër shtëpisë, vetëm 500 metra larg. Djali u vra pahiri, janë konë dy grupacione që kanë pasur telashe, në mesin e tyre kanë qenë edhe djemtë e Hashim Rexhepit, njëri nga të cilët ka shtënë me automatik në djalin tim që ka vdekur në vend", rrëfen Emrushi, babai i viktimës.

Një vit më parë, djali i kreut të BQK-së, dyshohet se ka vrarë Arben Gashin, saktësisht, në natën e dytë të Vitit të Ri në lagjen Emshir të Prishtinës, te restoranti "Garden".

I ndjeri Arben Gashi nga lagjja Emshir, është vrarë rreth orës 2 e 45 minuta pas mesnate, më 2 janar të këtij viti, kur dy grupe të rinjsh, kishin qëruar hesapet mes tyre me armë zjarri, në ndejën që ishte organizuar pikërisht për festën e Vitit të Ri.

Gentian Rexhepi, djali i guvernatorit dhe si i dyshuari kryesor për këtë vrasje, tash e njëmbëdhjetë muaj vazhdon të jetë në paraburgim.

Një ditë pas vrasjes së Arben Gashit, guvernatori Hashim Rexhepi ka gjetur disa burra dhe i ka dërguar për të kërkuar besë te familja e viktimës.

Sipas familjarëve të viktimës, në natën kritike, policia as që ka lajmëruar familjen për vrasjen e Arbenit, edhe pse vrasja ka ndodhur vetëm 500 metra larg shtëpisë.

"Policia nuk ka ardhur as të më njoftojë që më është vrarë djali, nuk ka ardhur fare as prokurori të më pyes se çfarë ka ndodhur dhe askush nga Gjykata', thotë babai i viktimës, Emrushi.

Në lidhje me këtë çështje, ai thotë se ka njoftuar edhe Ombudspersonin e Kosovës, pavarësisht se besimi i familjes Gashi në sistemin gjyqësor dhe Policinë e Kosovës është zero.

"Unë çuditem me këtë drejtësi të Kosovës, nuk ka drejtësi në Kosovë se po të kishte drejtësi, senet kishin shkuar ndryshe, ishin zbuluar sendet në fillim. Policia jonë punon qysh donë, janë mundu edhe me mjekë që të bajnë dallavere me letra se Hashim Rexhepi o guvernator, atij veç një thirrje i vyen edhe u krye puna, atij nuk i vyen ma tepër", thonë në familjen Gashi.

Për vrasjen në Emshir në natën e dytë të Vitit të Ri 2009 dhe për shkëmbim zjarri ndërmjet vete, akuzohen gjithsej shtatë persona, në mesin e tyre edhe dy djemtë e Hashim Rexhepit.

Shumica nga të akuzuarit janë liruar, e dy prej tyre tashmë gjenden në arrati në Shtetet e Bashkuara të Amerikës.

I vetmi që është duke u mbajtur në paraburgim është Gentian Rexhepi.

Seanca e parë gjyqësore pritet të fillojë për këtë vrasje më 11 dhjetor 2009.

Familja e Arben Gashit të vrarë, ka kërkuar disa herë që lëndën për djalin e tij ta marrin prokurorë të EULEX-it, meqë ata nuk besojnë në sistemin gjyqësor të Kosovës.

"Kam kërkuar në EULEX që ata ta marrin lëndën se unë nuk ju besoj gjykatave të Kosovës, sepse janë të korruptuara dhe të dështuara", thonë familja Gashi.

Në rast se lënda e djalit të tij nuk zgjidhet dhe akterët e vrasjes të marrin dënimin e merituar, familja Gashi thotë se do të largohet nga Kosova.

Për lëvizjet nën besë dhe për akuzat që bën familja Gashi në adresë të guvernatorit të Bankës Qendrore të Kosovës, Hashim Rexhepi, ky i fundit nuk ka dashur të flasë.

Kanuni i Lekë Dukagjinit

Nyje 119

844 - Dorasi po sa të vranë njeriun ai duhet të dërgoj fjalë se e vrau ai e të mos hutojnë mendsh prindërit e të vramit.

845 Dorasi duhet të çojë të lypë besë.

Nyja 121

851 - Bestarë janë ata që hinë te prindët, kushëririt të të vramit për me nxjerrë besë për dorasin e për shpinë e tij, janë mbrojtësit e dorasit e të shpisë së tij që t`i mos i gjejë ndonjë gjë gjatë vadës së besës. Bestarë nuk hin kush me pare.

Besa është një vade lirie e sigurimi që shtëpia e të vramit i jep dorasit e familjes së tij, të mos i ndjek për gjak për një kohë të caktume.

Nëse ngurron shtëpia e të vramit t'i japë besën katundit (dorasit), dorasi me familje dhe kushëri të tij të afërt të rrinë mshel.

42 Komente

Plage qe s'qenka e thene te mbyllen.

asnjeri sdo te beje vetgjyqesi,po kjo vjen nga rrethoja e mos rrespektimit te ligit  sic thote ne artikull asnje nuk eshte denuar per vrasjen e personit

djali i guvernatorit eshte  njesij  si djali i nje punetori, jemi te barabarte para ligjit ,mungesa e zbatimit te ligjit sjell vetgjyqesi

dooks, c'vetgjyqesi?  Ne kete rast thuhet se po shkohet me "kanun".  Po ta marresh kete pune me Kanun, atehere nuk citohet Nyja me lart, e nuk ndiqet ajo procedure por Nyja 130 e Vrasjes Pa Hiri:

932: Vrasja pa hiri nuk e ka te ndjekmen me pushke.  Doresasi lan gjakun e dorzanitet.

Pastan hyn ne llogari sa "qese" per gjak e me the te thashe qe nuk e di si i bejne llogarite tani te pershtatura per inflancion e mungese napolonash. 

***

Pavaresisht, vetgjyqesia me "kanun" (bile jo Kanun) eshte percundim, dhe percundim akoma me i madh kur ka infiltruar shoqerine deri ne ate shkalle te zyrtaret e larte qe ne kete fare menyre e legjitimizojne.  Djali i Rexhepit eshte ne paraburgim.  Me Kanun-in do paguhej "demi", me ligj do gjykohej (te pakten ky qe eshte ne burg) per vrasje te pa-paramenduar. 

Po. Veriu e perdor gjeresisht kete :

me hir, pa hir.

E shtyva pa hiri, pastaj e putha me hiri.

Yeap, sic e ka shpjeguar Hurbi.

Psh: "Hajd bre mos ki gajle se e bana pa hiri" perkthehet pak a shume "hec mos u merzit se e bera pa dashje."

Atehere ku e shef ti qe kjo eshte vrasje pa hiri? Ai i shkreti po thote qe deri tani asgje nuk eshte percaktuar nga policia, pervec faktit qe kane qene dy grupe rivale, dhe nje vrasje. Vec ne do t'a fusesh rivalitetin nen kategorine "pa hiri."

I ati i te ndjerit tha:

Djali më është vra afër shtëpisë, vetëm 500 metra larg. Djali u vra pahiri

Keshtu sic e kuptova une, dy grupet po lanin hesapet, dhe viktima u vra ne "drive by shooting".  Mund ta kem kuptuar gabim, por pastaj perse e perdor kete fjale i ati? 

nuk e di pse duhet me pase frike prej kanunit. me vrave te vras.

a thue djali i ketij guvernatorit vyen me shume se sa djali i ketij gashit qe s'po e marrim vesh cka asht? djale ai, djale ky. ky guvernatori i mencem meqe kana i sigurte se djali i tij ka vra djalin e dikujt tjeter ta marri djalin e vet, ta vrasi, keshtu qeteson shpirtrat e te gjitheve. ose ta lecite e s'ka kush pune me familjen e tij po vetem me djaline tij. por jo, ai do qe djalin ta qese prej burgut, te mos i hyje ferre ne kembe, tash asht ba edhe trim se ne prishtine e dine se ky vret rob, ka baben guverantor e s'ta po ia nin per rob te gjalle. e familja gashi duhet me pase besim ne drejtesin.

nje dite ne autostraden durres tirane nje X5 shtyp nej grua. nene kalamajsh. edhe vjen ky bobi qe ecte me 150 ne ore e kerkon bese te familja e kesaj grues. i vjehrri thote hallexhi i shkreti, gjynah mos me e fale se s'ka dashte. i biri i thote, nese na s'kena bythe me ba gja per gruen tone tjeter muhabet, po hallexhi qe ec me X5 me 150 km ne ore me dashnore ne makine nuk para ka.

ligji? ligji eshte i barabarte per te barabartet. per te tjeret rrofte kanuni, ose zemra e forte ma sakte se te ndodh e nuk ke bythe. se te vret ky guverantori.

nuk e di pse duhet me pase frike prej kanunit. me vrave te vras.

Pse mos me pas frike kanunin e shtetit?Ka hup shteti?!

Kanuja lindi at her kur n male nuk kishte shtet.Po ja shtetin e kemi,dhe kanunet e shtetit si kanunet e maleve po i bajme,se malet kan zbrit dhe malet si malet me kanu jon tu vendosi demokracine..?

E kshu po nryshon shqipnia? Ka hup cdo gja,as bes ke shteti nuk po ka,e ce dum vertet shtetin a?

Jo mer shkinas,kjo qe thua ti nuk duhet te ekzistoje,ne se do te ishte vertete nje ligj i tille, shume i mire sic e reklamon ti,Evropa nuk do ta kishte lene pa e implemtuar mu ne BRUKSEL!

Me vejn keq,se ti ke qene ne Itali me duket,je dhe pak poet!... e tani ne origjine vajte keshtu,me keto mendime!?!

shihe si te dush artiano. une prape jam shume hakmarres. dhe mendoj se kushdo qe hakmerret ka te drejte. me vrave te vras sepse eshte e pamundur te jetosh me peshen e nje nejriu tend te humbur ne ndergjegje. shteti ehste i pamundur ose ligjet qe aplikohen jane te pamundura. nese yt bir do te bente nje vrasje si do veproje ti? do ia lije shtetit ne dore?

nese i vrari do te ishte im bir dhe shteti do te gjykonte se vrasja ishte pa hiri, a thua do te mundja te te duroja pernate kur do te me kaloje te rrugica ti dhe yt bir bob?

keto kam parasysh. nganjehere ligjet qe i bejme ne jane te pafuqishme dhe kete do ta thoja ne kine, ne amerike e kudo. pse e drejte eshte qe ligji parashikon qe indigjenet e australise nuk kane te drjte mbi tokat e tyre? po te ishe indigjen nuk do te revoltoheshe ndaj kesaj e do merrje pushken deri sa te vriteshe, sepse te drejten e ke veshtire ta marresh sepse mbreteresha eshte me e forte.

Shkinaks, bir malcie.  Beson ne hakmarrje ti?  Pune per ty.  Dmth besimi yt personal.  Tani, qe besimet personale te secilit te mos kthejne nje vend ne xhungel, ka shtet.  Dikur, ne mungese te shtetit, ka pas Kanun.  Dhe Kanuni, per mire a keq, e ka pas te rregulluar me ligj edhe punen e hakmarrjes, dhe ky ligj zbatohej nga "pleqnia" qe ishin "te zgjedhun" e te "respektum" e "mot pas moti" qe merreshin me ato pune, e jo sic psh tani, qe zgjidhen sic u do qejfi, edhe bejne "tregti gjakrash".  Nejse, tjeter mesele kjo. 

Po t'i kthehemi ceshtjes ne fjale:

nese i vrari do te ishte im bir dhe shteti do te gjykonte se vrasja ishte pa hiri, a thua do te mundja te te duroja pernate kur do te me kaloje te rrugica ti dhe yt bir bob?

Jo shkinaks.  Ketu e ke mbyt krejt.  E lexove artikullin?  I ati i djalit e ka thene dhe e di shume mire qe vrasja e te birit te vet eshte PA HIRI.  E kur thua Pa Hiri, me Kanun ka vetem nje ligj, e nuk ka pushke, e nuk ka hakmarrje.  Por paguhet jeta, gjaku.  Qemoti, do hynin negociatoret qe merreshin me keto pune e t'i thoshnin z. Rexhepi qe duhet te paguaje kaq.  E pasi t'i paguante Z. Rexhepi ata leke, djali i tij ishte "i lam".  Dhe Gashi do merrte leket, dhe mbaronte ajo pune. 

Shteti s'e ka gjykuar akoma djalin e Rexhepit (sepse eshte ne paraburgim, sipas artikullit.)

Tani, me mendjen e sodit, me thuaj mua ti, a zgjidhet kjo pune me Kanun???  Dmth do merrje leket ti per djal tendin?  Sa do e peshoje jeten e tij???  

Me mendjen e Kanunit atehere, po te vrisje "pa hiri" nje grua shtatezane, duhet te paguaje per femren, edhe per femijen ne bark.  Edhe nqs i zoti i "prones", pra i femres dhe i femijes, donte te dinte se c'femije ishte ne bark (se per mashkull paguhej me shume se per femer) atehere me Kanun e me ligj, i hapej barku viktimes, femres, per te pare a ishte djale a vajze.  

Me mendjen tende te te sotmit, e pranon kete????

Kur do piqet para se te digjet kjo shoqeri, ky mentalitet?  Kanuni (i cdo krahine) ishte ligj mesjete.  Per ate shoqeri atehere.  Per mire a keq sot kemi shtet.  Dhe duhet te kerkohet ajo drejtesi te shteti.  Jo te legjitimizohen percundimesh kanunesh, qe ata/ato qe flasin ne emer te tij, s'ia kane lexuar nje fjale e s'kane idene se c'eshte.  

Dreqi ta marre, kemi per borxh te verberohemi (Ghandi i referuar me poshte), te na dalin syte e shpirtin shejtanit t'ia japim vetem qe te mos leshojme instikamin e "anes drites i papare".  U sakatofshim njehere e mire me shpirt, se me trup po e po.    

Ehe shteti e ka fajin.... Kanuni ka 1000 vjet qe egziston ,fajin e ka shteti smiley

Nuk e di pse, po sa here degjoj ngjarje te tilla, me kap nje ankth, sepse kanuni sado i mahnitshem dhe i larget mund te na duket, ( gati-gati ekzotik do te thosha), kur mendon se ka ca ligjesi te jetes qe ende rregullohen permes tij, e vetmja gje qe te shkon nder mend eshte se ne nuk po perparojme gjekundi, ne thjesht rrotullohemi rreth vetes, si kali ne leme. Shteti nuk funksionon, ( kjo s'vlen vetem per Kosoven, sepse ne kemi qindra familje te ngujuara per shkaqe te tilla) dhe e vetmja gje qe mbetet eshte hakmarrja personale e rregulluar me ligje kanuni. Mah!

 

ps. C'eshte Ombudspersoni?

C'eshte Ombudspersoni?

Ne kete rast eshte ekuivalenti i Avokatit te Popullit ne Shqiperi!

 

 rrofsh, mrroklla.

po pse i thone ashtu? mua me duket si gjermanisht me teper, se c'me kujtoka obershtajnfyrer a ku e di.... 

Menjëherë të nesërmit na ka çue njerëz, Shaban Tashollin nga Sindikata e Policisë, Xhevat Ollurin, ish-kryetar i Lipjanit dhe një profesor tjetër. Në fillim besë i kam dhënë për 10 ditë", shpjegon Emrushi.

A eshte hala n'pune zotnia i Sindikates se Policise?

'nuk e di pse duhet me pase frike prej kanunit. me vrave te vras'

Nuk eshte 'me vrave, te vras' eshte 'me vrave, djali im te vret dhe djali yt vret djalin tim...etc ...ad vitam aeternam'

Pervec argumentit te shtetit qe eshte permendur me siper - pra qe shoqeria ka nje organizim ku e ka kaluar fazen e vetegjyqesise prehistorike dhe ja beson vendosjen e drejtesise shtetit, ka edhe nje argument tjeter qe me mire nga te gjithe e ka thene Mahatma Gandhi.

An eye for an eye makes the whole world blind!

Kanuni eshte nje atavizem i se shkuares, kur malesoret jetonin ne baze fisesh e oxhakesh, dhe kur autoriteti me suprem ishte kryeplaku. Fatkeqesisht kjo idealizohet nga disa njerez,por aresyeja e vetme eshte sepse hakmarrja eshte e embel, vecanerisht kur e ben me duart e tua. Dhe kjo e ben qe te kaloje nga dora ne dore e nga brezi ne brez. Ndersa ne rastin kur ndeshkimin e merr persiper nje force e jashtme, ne kete rast shteti, hakmarrja pra edhe kriminaliteti ndalon aty. Pasi cdo vrasje, pavaresisht se pse behet, eshte nje krim, si nga ana morale, si nga ana fetare ashtu dhe nga ana legale.

Gjithashtu, kanuni mbetet shume primitiv, pasi nuk ka nje sistem qe percakton pafajesine. Ai funksionon mbase ne rastin kur nje burre vret tjetrin dhe pastaj shkon e kerkon bese, por si mund te zgjidhe ai krime me te nderlikuara, nuk po them si te Sherlok Holmes, por qofte edhe nje nga ato krimet qe mbushin cdo reviste bulevardi ku jane te nderlikuar te pakten tre vete, pa folur pa krimet te bera nga profesioniste. 

Dhe nese vrasesi arratiset ne Martinike, kush eshte garancia qe krimineli do te ndeshkohet.

Ndaj nese shteti nuk arrin qe ti zgjidhe te gjitha konfliktet, duhet rindertuar shteti, por jo vetgjyqesia.

Historite e Mujit qe pinte qumesht nga gjiri i Zanes ne lugine dhe nuk i fuste nje tegel ne fund, jane thjesht perralla.

 

 Preaching to the choir...jam me se dakord

 Sorry, nuk e di se si i eshte ngjitur komentit tend. smiley

Thelbi i Kanunit, te pakten per pune vrasjesh (se ka nje dynja me ligje e nyje qe merren me aspekte te tjera te jetes ne ate kohe) nuk eshte drejtesia, por "deterrence".  Ne kuptimin qe duhej te mendoheshe mire para se ta shkrepje, se "gjaku" nuk lihej pa u "paguar."  Dhe ne mos personi ne fjale, e paguante nje i deres se tij. 

Ndaj nese shteti nuk arrin qe ti zgjidhe te gjitha konfliktet, duhet rindertuar shteti, por jo vetgjyqesia.

S'ka c'thuhet me teper pas kesaj.

O Monda, deterrence for what? Shkeljen e nderit apo vrasjen? E dyta eshte me e lehte per tu identifikuar.

nqs shteti nuk ka kapacitet te zbatoje ligjet, ose i zbaton sipas lekut apo zbatohet nga policet sipas interesit partiak/vetiak per te marre ndonje lek apo per pozite, gjithmone njerezit do te mbeshteten ne ligjet e kanunit apo ligje te tjera krahinore

 ç'jane keta hajvane. Shkojne ne festen e vitit te ri me kallashnikov, pistoleta, pastaj vrasin njeri-tjetrin, e sillen si ne epoken e mesjetes. A ka President aty, a ka Prokuror te Shtetit aty, qe ti japi fund ketyre budalliqeve. Kaq te pandjeshem qenkan bere aty, nga keto gomarlliqe. 

nqs shteti nuk ka kapacitet te zbatoje ligjet, ose i zbaton sipas lekut apo zbatohet nga policet sipas interesit partiak/vetiak per te marre ndonje lek apo per pozite, gjithmone njerezit do te mbeshteten ne ligjet e kanunit apo ligje te tjera krahinore

mi more llafet ka goja

 

 

mos ju zonte gjaku noihere mer peshq se osht kollaj me dhon men...

5000 familje t ngujume n shqipni per pune gjaku.

 Mono, ti qeke poliagjent m'duket, se i nrroke ato flamurat cefesht, njoni mas tjetrit.

 

Une nuk kerkoj nje gjykim te shendoshe nga ato qe i ka zene halli, por te pakten nga ato qe nuk i ka zene dhe nuk duan qe ti zere. Une e kuptoj qe dikush ne nje moment gjaknxehtesie mund ta justifikoje vetegjyqesine, por nuk ma do mendja se nje njeri me nje edukate qytetare minimale mund te mbroje sistemin e vetegjyqesise, sic eshte kanuni. 

hahahaha e kom vendos me shku m tunder ene un...

 

sa per kanunin, un jom myslimon dhe islami me kanunin ose me vetgjygjsine, nuk shkojn mire bashke... desha me thon qe ai cuni aty siper po flet per anarki. se qe mos funksjonoje policia e shtetit dmth anarki. fakti qe kanuni ka shum vjet qe ekziston ne t gjith shqipnine tregon per nji shtrirje shum te gjate kohore te anarkise ne trojet shqiptare.  puna osht qe kjo kohzgjatja e anarkise, na ka dhone ne shqiptareve, iluzjone qe anarkia nuk egziston mo ne shqipni. ne jemi te kenaqur qe te themi qe kemi shtet dhe pretendojme qe kto vrasjet pa fajtor dhe rrjedhimisht vetgjygjsia qe rrjedh mrapa bohen nga kafshe qe nuk jane si ne, sikur nuk jemi ne te njejtin planet, sikur ne jemi superiore, se kemi lexu noi liber filozofik, sikur ne e kemi ne dore zgjidhjen per anarkine qe na ka pllakos. faktikisht ne s kemi gjo ne dore, se po ta kishim pas do ta kishim zgjidh problemin e anarkise. do ta kishin zgjidh ene shqiptaret para nesh. po na ka ra me jetu n ket hapsire malore qe quhet shqipni, ku kena robt e shpise, ku takohen civilizimet, shume prej tyne. dhe sa here levizin ato pllakat tektonike te civilizimeve, n shqipni bohet anarki dhe per midis anarkive t mdhoja bohet si bicim status quo-je, kaihere.

tashi un nuk kom mor noiher gjak, n pergjithsi nuk jom i prirur per sherr. plakun, xhajen, vllain, nonen,motren etj, familjen  e afert me i llaf i kom njerez t nderum nga cardolloj kulture apo parametri qe t dush ti masesh, kte mun ta them pa mburrje fare. ishalla' nuk e kom per hise qe ti nodhi noiher noigjo e llojit qe bi n gjak. perndryshe, un du, qe ai person, qe i demton padrejtsisht kto rob qe t permena, t jet i vdek.

tashi nqs i njeri vret i njeri tjeter pa te drejte do shkoje n xhehenem. un nuk du t perballem me pikpytje me xhehenem mrena. un nuk du qe t bohem gjykates per as nji arsye, aq mo pak per jeten e nji robi, qoft ene armiku im mo i modh pikerisht prej ktyne pikpytjeve. gjithashtu un nuk du t jetoj fare nqs noi person kushdo qofte t demtoje familjen time pa te drejte, dhe qy te dy te jetojme njikohsisht. vetvrasjen nuk e kom obsjon. situata osht eksplozive. me pak llafe mos te ronte per pjese. fatkeqsisht, jo t gjith njerzit qe i bi kjo lloj gjoje n kaptine, jon kafshe.

 

sidoqofte prevention is better than cure mo se spo m vje shqip tashi.

shmangjuni robve qe s mushin osht ideja, tundren tunnndrenn ma keni kujdes merni frym theelle...

meqe ra fjala, ne cmoshe eshte robi/pjestari i fisit tjeter/ individi, i denje per t'i marr gjakun?

 s'ka rendesi mosha, mjafton qe te jete ne gjendje qe te mbaje pushken, qe zakonisht sipas kanunit nenkupton nga 7 ne 70 vjec.

mgjth, ne nuk mund te perjashtojme mundesine e nje arsyeje racionale pas legjitimimit se vrasjes se nje 7vjecari.

me duket sikur diskutimi ka devijuar nga ngjarja ne fjale. Edhe nese e pranojme kanunin, perse duhet te jete ne gjak babai dhe jo vrasesi qe eshte akoma gjalle, dhe aq me tjeter eshte ne burg dhe ceshtja po gjykohet. Me vjen keq por kjo eshte injorance, me gjithe faktin qe ne cdo skaj te Shqiperise, edhe aty ku kanuni nuk eshte zbatuar kurre, te pakten respektohet si fenomen.

bo vaki qe ai baba po bo cmos me e nxjerre cunin pa lag nga ky muhabet... ose bo vaki baba i viktimes osht komplet i paarsyshem... artikulli nuk hudh drite mbi kte.

 

 

me sa di un kanuni osht zbatu m cdo skaj t shqipnise. mun t mos ket qene "i lekes" po "i skenerbeut" ose i "idriz sulit" ose "kodeksi i himares" po kanuni aty ka qene. n fakt ene kto robt qe permena kon qene permbledhes te kanunit jo krijuesit e kanunit. neper qytete ka qen mo i zbut se ka pas i far qiviriu, sa mo thelle t hyjshe neper male masanej aq mo e forte anarkia aq mo i forte kanuni.

kanuni nuk osht i gjo qe robt e pranojne ose nuk e pranojne. kanuni osht aty ku ligji nuk zbatohet. n cdo shoqeri, n raste anarkie, n mungese te nji ligji, robt do ulen ene do hudhin themelet per i kanun.

 

es selamu alejkum jakamon!

mire se kam mungu knej pari ene paskan dale robt me m'kallzu se ca do me thane me kane i kulturuem e une qenkem i pakulture. nejse hajt mo.

une kshu e shof. mos m'raft n'hise. sa i takon asaj qe a baba a biri, kthenju ene nji here ne krye e lexojni shkrimin e gjejni pse do vra baba nese nuk vritet biri.

sa i takon nji kuksjani te revoltum aty siper une jam kuksian, ene malok. na ne kukes(juglindje) nuk para kemi familje t'ngujume. t'pakten per sa di une. e megjiathate nuk kena lane gjak pa marre.

kaq, ju zgjidhnje. asht gallate se jane te njetet njerez qe te tema tjeter me edi ramen qe del ne rruge sepse shteti nuk funksionon jane ata qe ketu thone eshte shteti qe duhet me ta marre gjakun. tashti ndanje: nese ka shtet edi s'ka ca votash lype, nese nuk ka shtet rrofte kanuni. se s'po ju dihet hall.

llafe t'bukra ka plot. sinceritet ku ka?

u ba cu ba leje mos e cyt ma

hik e hik e kput ka i fik

ec e ec a fut ka i spec

ne shqiperi nuk eksiston siguria denimit

dmth kush shkel ligjin edhe denohet edhe sdenohet

kush ka mundsi duron kush ska mundsi sduron

My God! In this day and age... these people are stupid, dull, moronic oafs.

2009! 2009! 2009! Ka skaduar kanuni me kohe...

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).