Pro Fatmir Mediut në qeveri

Dje, më datë 9 shtator 2009, në shumicën e gazetave të ditës, është botuar një peticion i nënshkruar prej një numri gazetarësh e opinionistësh, nga më të nderuarit e shtypit tonë, nëpërmjet të cilit i kërkohet Kryeministrit Berisha të mos e përfshijë në kabinetin e vet të ri kryetarin e Partisë Republikane, zotin Fatmir Mediu. Në gjykimin tim, teksti, që i drejtohej publikisht zotit Berisha me cilësinë e të mandatuarit për të krijuar qeverinë e re, dukej i hartuar me kujdes, për të përmbajtur çdo emocion negativ kundër zotit Mediu dhe as nuk përmendeshin fakte të paqena. Në këtë pikëpamje, mua vetë, si gazetar më i vjetër në këtë profesion se të gjithë nënshkruesit e peticionit në fjalë, por edhe si njeri që ka bërë afro njëzet vjet në rrugën e politikës, teksti si i tillë më la vetëm shijen e korrektësisë.
Më tej fillon mospajtimi im e që do të doja ta shprehja po ashtu publikisht siç edhe kolegët e mi. Praktika e peticioneve të organizuara nga komuniteti i njerëzve të medias është e njohur dhe e dobishme në demokraci. Por, me aq sa e njoh unë përvojën e vendeve me demokraci të zhvilluar, por edhe përvojën e vendeve me demokraci të kërcënuar, gazetarët bashkohen si komunitet për të reaguar së bashku me peticione apo forma të tjera të protestës kolektive, vetëm në rastet kur kërcënohet liria e shprehjes, apo preken aspekte parimore të funksionimit strukturor të mediave, përfshirë këtu edhe cenimi i dinjitetit njerëzor apo profesional të gazetarit nga njerëzit apo institucionet e pushtetit a të shtetit. Të tilla po më vijnë shpejt e shpejt ndër mend tani tek shkruaj dy raste shqiptare: protesta e gazetarëve para Ministrisë së Brendshme para pak vitesh, për shkak të brutalizmit fizik nga ana e ministrit të Brendshëm të asaj kohe të njërit nga kolegët tanë, e ku kërkohej mirëfilli dorëheqja e ministrit dhe peticioni i njerëzve të medias kur u dhunua nga qeveria redaksia e gazetës “Tema”. Me siguri ka edhe të tjera raste, por që nuk është nevoja të përmenden. Për çdo lloj problematike tjetër, me ç’njoh unë nga përvoja e vendeve të tjera, njerëzit e penës reagojnë vetëm individualisht në hapësirat e mediave të tyre. Dhe problemi i shtruar në peticionin e kolegëve të mi kësaj here nuk më duket se ka ndonjë lidhje të drejtpërdrejtë e as të tërthortë me problematikën funksionale të medias. Megjithatë, mospajtimi im në këtë aspekt mbetet vetëm në nivelin e formës. Si i tillë, nuk meriton vëmendje më shumë se kaq.
Për t’u kthyer te kërkesa e nënshkruesve të peticionit, e që është arsyeja parimore për hartimin dhe shpalljen e tij, mendimi im është pa mëdyshje se Fatmir Mediu mund të përfshihet në koalicionin e ri qeverisës. Mund edhe të mos përfshihej. Duke i përmendur këto dy eventualitete dhe nuk ka të tretë, dëshiroj të theksoj se përfshirja ose jo e tij në kabinet është vetëm çështje e vullnetit të tij personal si dhe e atyre që e kanë mandatuar. Çdo presion për të kundërtën, qoftë nga jashtë, si në rastin në fjalë apo edhe qoftë nga brenda koalicionit, sipas gjykimit tim nuk është parimor. Demokracia piqet dhe institucionet e saj forcohen kur gjërat shtrohen parimisht. Fatmir Mediu, edhe pse i ri në moshë, është një politikan me karrierë të gjatë në skenën tonë politike dhe me një profil të qartë, i cili mund të ngjallë simpati ose antipati në popull, por të paktën është i qartë e i kristalizuar si profil, gjë që nuk e kanë shumica dërrmuese e politikanëve tanë që paguhen me ofiqe të larta.
Për të mos bërë as histori të gjatë dhe as biografinë e Mediut, e ndjej për detyrë të ndalem një çast vetëm te sjellja e tij politike në momentin tragjik të shpërthimit të Gërdecit. Siç mund të kujtohet lehtë, ai pa ngurrim mori të gjitha përgjegjësitë që i takonin si politikan. Dha menjëherë dorëheqjen nga funksionet e ministrit të Mbrojtjes dhe u shpreh publikisht i gatshëm të bashkëpunonte me drejtësinë për zbardhjen e të vërtetës. Çfarë mund të bënte tjetër një politikan në Berlin, në Paris, në Londër apo në Uashington? Sipas meje nuk mund të bënte asgjë më tepër. E theksoj: fjala është për të marrë përsipër përgjegjësitë politike. Përgjegjësitë ligjore mund dhe duhet t’i përcaktojë vetëm drejtësia. Duke parë shpejt e me seriozitet përgjegjësitë politike, dhe kaq kërkon një shoqëri e lirë nga të zgjedhurit e vet demokratikisht, Fatmir Mediu vendosi një standard të munguar me politikën tonë asokohe. Unë e kam përgëzuar publikisht në atë periudhë kur edhe isha koleg i tij në parlament, e përgëzoj edhe tani, që nuk jam më në politikë.
Ishte një standard i munguar në politikën tonë institucionale, sepse gjatë gjithë kësaj periudhe tranzicioni, janë me qindra rastet skandaloze të natyrave nga më të ndryshmet, kur një ministër do të duhej të kishte dhënë dorëheqjen. Për të mos u larguar nga Ministria e Mbrojtjes, po përmend vetëm njërin: tragjedinë e 9 janarit 2004, kur humbën jetën 29 veta, burra, gra e fëmijë hallexhinj, 8 nga të cilët mbetën të humbur në zgafellet e detit edhe sot e kësaj dite. U pranua botërisht se të paguarit nga taksapaguesit shqiptarë për të ndihmuar viktimat e shkreta, nuk bënë asgjë atë natë. Shkurt: nuk kryen detyrën e tyre as edhe minimalisht. Por ministri i Mbrojtjes i kohës nuk dha dorëheqjen. Nuk mori para shoqërisë shqiptare dhe as para familjarëve të viktimave asnjë përgjegjësi politike. Një tragjedi e ngjashme ndodhi këto ditë në liqenin e Ohrit dhe ne pamë se ministri përkatës në qeverinë maqedonase dha menjëherë dorëheqjen.
Ky standard i marrjes së përgjegjësive politike në raste me pasoja të tilla tragjike apo jo për mbarë shoqërinë, standard që prek thelbin e metodës së qeverisjes, jo vetëm nuk ekzistonte në kohën kur Fatmir Mediu u tërhoq kokulur nga zyra e tij, por as nuk u pasua nga të tjerë. Me shumë pastërti dhe ndershmëri, në ato momente shumë të vështira emocionalisht për mbarë kombin, unë kam kërkuar në mbledhjen e grupit parlamentar të Partisë Demokratike, kur bëja pjesë, që marrja e përgjegjësive politike të bëhej e plotë nga qeveria. Sipas analizës time të asaj kohe, analizë që i qëndroj edhe sot e kësaj dite, përgjegjësi shumë të madhe, të patolerueshme, kishte edhe ministri i Financave, edhe ministri i Brendshëm. Me mbajtjen nën sqetull të kompanive që vepronin në Gërdec, disa departamente të Ministrisë së Financave, si tatimet, doganat e ndonjë tjetër, si dhe disa departamente të Ministrisë së Brendshme, si ai që ndjek krimin ekonomik, ai që ndjek kontrabandën etj.; kishin shkelur aq rëndë detyrimet e tyre ligjore, sa ministrat përkatës nuk kishin më as të drejtë morale dhe as të drejtë politike të ngrohnin kolltuqet e zyrave të larta. Kishte përgjegjësi natyrisht shumë të madhe edhe vetë Kryeministri Berisha, për të cilin nuk ka asnjë vlerë përgjigjja: “Nuk e dija”. Fjala ime ra në vesh të shurdhër, më vjen keq, por nuk ndryshoj mendje se duhet ta inkurajojmë të gjithë me aq sa mundemi, që të zërë vend standardi i dorëheqjes, thënë thjesht standardi i marrjes së përgjegjësive politike tek të zgjidhurit tanë. Të paktën neve, që i drejtohemi opinionit publik, nuk na lejohet të përdorim në gjykimin tonë dy standarde.
Kolegët e mi, në peticionin e tyre, me ndershmëri i referoheshin parimit të prezumimit të pafajësisë dhe e vlerësonin me vend për rastin në fjalë. Unë bashkohem tërësisht me ta. Unë e di, si të gjithë shqiptarët, se Fatmir Mediu është në një proces gjyqësor. Ai akuzohet për shpërdorim detyre, mesa di unë. Me sinqeritet, nuk them dot ende nëse miku im Mediu është i fajshëm apo i pafajshëm. Bindjet e mia të brendshme mund të më shërbejnë vetëm mua. Për opinionin publik ato nuk kanë asnjë vlerë të qëndrueshme. Për opinionin publik verdiktin e jep vetëm drejtësia. Por, prezumimi i pafajësisë si parim madhor vepron vetëm në vendet ku sundon shteti ligjor dhe ka lindur nga vullneti që një qytetari të mos i mohohen të drejtat e tij themelore, ndër të cilat e drejta për të zgjedhur e për t’u zgjedhur është substenciale. A nuk po kërkohet kështu nëpërmjet këtij, që Fatmir Mediut t’i mohohet padrejtësisht kjo e drejtë themelore? Unë them se po dhe kjo nuk është një gjë e mirë. Nuk na shkon sidomos ne, njerëzve të mendimit të lirë, të kërkojmë mohim të drejtash.
Në mbyllje edhe unë, për aq sa më takon mua, do t’i drejtohesha publikisht Kryeministrit Berisha, për t’i thënë se nuk shoh asnjë pengesë morale e as politike që zoti Mediu të përfshihet në kabinetin e tij të ri. Dhe shpresoj se kështu do të ndodhë.
9 shtator 2009
besnikmustafaj@afalc.org

56 Komente

Por, prezumimi i pafajësisë si parim madhor vepron vetëm në vendet ku sundon shteti ligjor dhe ka lindur nga vullneti që një qytetari të mos i mohohen të drejtat e tij themelore, ndër të cilat e drejta për të zgjedhur e për t’u zgjedhur është substenciale. A nuk po kërkohet kështu nëpërmjet këtij, që Fatmir Mediut t’i mohohet padrejtësisht kjo e drejtë themelore? Unë them se po dhe kjo nuk është një gjë e mirë.

Po, po, e drejte themelore po i mohohet Mediut qe s'duan ta bejne minister... Madje, te gjithe ata qe vdiqen ne Gerdec po duartrokasin nga varret qe Mediu do behet prape minister, edhe i mjedisit per me teper! Lum ne! 

Ah, qe s'ma nxe goja ta them, ate qe me vertitet ne koke tani! Po s'ka gje, do ta thote ndonje tjeter.

Ky artikull e ka vendin tek "Acarim nervash" jo tek Opinion! 

 

e drejte themelore eshte "prezumimi i pafajsise".

Ky bashke me Salen mund te kene bo te 101-tat ne Gerdec...mund te kene bo miliona ose miliarda...ose, ose triliona por per mu persa kohe qe, hetuesia e zgjat ceshtjen dhe nuk ben fajtor ose te pafajshem dike, ajo behet bashkfajtore me ate / ato qe kane faj.

Ne, si gjithmone nxitojme me bo faje qeverine edhe per punen e dobet te prokurorise

Ore, une e di qe funksionon thenia "Non colpevole, fino a prova contraria", por derisa te behen provat gati, keta do na kene shuar me soj e sorollop neve...

nuk te duket pak kontradiktore ajo qe thua?
ti thua "e di qe eshte fajtor persa kohe nuk ka prova (dhe vendim nga drejtesia) po une e di qe ai eshte fajtor (shqiptare tipike) prandaj nuk pres dot sa te dalin provat dhe vendimi i drejtsise)"

Shprehja ime eshte me ironi, ( ndryshe s'kisha pse e vija ne italisht)  sepse ato prova qe kerkohen s'kane per te dale kurre ne shesh dhe ai, e te tjere si ai... do te jetojne pa iu hyre gjemb ne kembe dhe nja 100 vjet te tjere, si t'ua kete bere ymer zoti.

Ata qe do ta hane ne kete mes jemi ne te tjeret. Ate dite qe ka ndodhur ajo tragjedi, ime moter e vogla ka shpetuar per qime, se ka qene duke udhetuar pikerisht ne zonen e Vores, kur plasi. Mua vetem ideja ... me tmerron, jo me te kishte ndodhur vertet dicka... Mendo familjaret e shkrete, qe duhet te mendojne per "prezumimin e pafajesise" te z. Mediu... dhe presin te behet gjyqi prej kaq kohesh! Le qe c'eshte ky prezumim njehere, s'dine ndonje fjale shqip keta?! 

Uff, c'me nxefe kot me keto teorite e tua perendimore, o Bredharak! 

vec per teori nuk shquhet shume Br3dharaku...(e njof une ate, nuk ja thote shume per ashtu ai).
Shif, une s'e kam me ty - e kom me mentalitetin tone tipik qe mezi presim me kryqezu njeri, me kapercy normat e shtetit ligjor dhe ne fund, jena po ne qe ankohena se ky shtet nuk funksionon.

Mban mend kur u vra ai tjetri n'makine (ja harrova emrin tani). Rradakja jeme thote qe "ka shume mundsi ta ken heq qafe" po persa kohe nuk ka prova, une nuk kam te drejte morale me kerku denim te Berishes ose Mediut sepse paskan gisht ne vrasje...

E thone mes teje dhe meje, une besoj qe ky eshte fajtor po fakti qe mund te kish ngel nanji i afermi im i gjymtum ose i vrare nuk eshte argument me shpall dike fajtor. Kjo ka t'boje me temperamentin tone kam pershtypjen...ne nuk jena nordike apo aziatike (Azi e Larget e kom llafin) qe te tregojme shenja durimi klasik.

Ajo qe duhet ta boje ket gje, (hetusia / prokuroria) nuk po bzan...a nuk duket pak e cuditshme? ky robi (Mediu) dha doreheqje, dum apo jo ne, hetusia duhet ta kish von perpara pergjegjsise.

Kshu...sa per "prezumim" eshte term ligjor gjithanej, guglli thote qe 'vjen prej frengjishtes=>latinishtes me rrenje ne trungun indo-europian'...guglli kshu gjasme...pale, ja ka fut ene kot.

e kom me mentalitetin tone tipik qe mezi presim me kryqezu njeri, me kapercy normat e shtetit ligjor dhe ne fund, jena po ne qe ankohena se ky shtet nuk funksionon.

Po qe shteti ligjor nuk funksionon, nuk funksionon ne Shqiperi. Ky eshte afkt i kryer o Bredho.

E di ti qe eshte kunder ligjit qe te shtyhen seancat gjyqesore per mungesa te pajustifikuara te avokateve? Sa here eshte shtyre procesi i Mediut? E di ti qe kur mungon nje avokat emri i tij i raportohet kolegjit dhe zyres se avokateve qe te merren masa, dhe asnje mase nuk eshte marre deri me sot kunder asnje avokati.

Ky eshte funksionimi i shtetit ligjor ne Shqiperi.

Mediu per akuzat qe rendojne kunder tij, nuk duhet te jete kurrsesi ne gjendje te lire; dhe absolutisht, ne menyren me te prere te mos kete me pozita ministrore apo parlamentare, sepse keshtu i krijohet mundesia te manipuloje fakte, te riprodhoje fakte, te "ndote" dosjen dhe gjithe procesin.

Per te thene ate qe eshte, qe te vertetosh se shteti ligjor funksionon ne Shqiperi, Mediu duhet te mbahet ne burg, dhe i izoluar. Eshte proces qe kerkon te zbardhe vdekjen e 26 personave dhe shkaterrimin total te nje fshati te tere, me pasoja jo vetem jetesh njerezish, ekologjike dhe sociale te pallogaritshme. Mediu duhet te mbahet ne biruce! Nese i vertetohet pafajesia, Mediu nxirret nga burgu dhe i jepet demshperblim sipas ligjit, si behet me te gjithe shtetasit e tjere; te gjithe te barabarte para ligjit.!!!

Ktu kemi te bejme thjesht me nje proces politik, - shume mire e thote dhe vete Meidu. Nje njeri aq keq i inkriminuar, mbi te cilin rendojne akuza nga me te rendat, eshte ende ne gjendje te lire, eshte deputet, eshte minister!

Faqja e zeze per Shqiperine dhe kombin shqiptar. Plage te tilla, edhe pse shtet i atrofizuar, krejtesisht i kalbur dhe mosfunksional, do te duhen vite per t'u mbyllur. Dhe nuk eshte se drejtesia po vuan tani, dhe meqe kete e dime te gjithe, e shohim si normale edhe mosfunksionimin e saj ne ceshtje madhore dhe kryqe si puna e procesit Mediu.

keshtuqe, ndoshta jo te gjithe e bejme nga padurimi per te kryqezuar nje Medi, se nuk na rruhet dhe shume per egzistencen e felliqesirave te tilla.

ti verteton ate qe desha me thone une.

ti thu qe sistemi i drejtesise nuk funksionon meqe avokatet kane bo rruge mos-paraqitjen ne seanca. A nuk i takon pales akuzuse me ja bo te ditur ket fakt gjykates apo me lart dhe te kerkoje ndryshim avokati ose denim sipas ligjit?

Ti thu qe Mediu duhet me u mbajt ne biruce sepse eshte fajtor per vrasjen e 26 njerezve, jo me te behet minister...

Ai rob nuk duhet te kete guxim me kerku post ministror po nqse e ben, kjo eshte nje shenje me shume se prokuroria nuk do ose di me bo punen e vet perderisa akoma nuk ka dhone prova per fajsine e tij. Me fajsi, kuptoj shpalljen ligjerisht fajtor, jo t'ja lej Br3dharakut apo zotrulsit me e deklaru ate. Ndryshe prej teje une ja vej fajin prokurorise qe bohet e gjalle me deklaru qe "nuk ka pas mina me sahat" po ka gjithe ket kohe dhe nuk tregon gishtin mbi fajtorin.

Bredharako, te mos fillojme tani te diskutojme si funksionon sistemi gjyqesor...

Ka nje gjykates aty, nje trupe gjykuese, e do me dukej budallallek te mendosh se nuk vihet re mungesa e nje avokati, per shkak te se ciles edhe po shtyn seancen per nje date tjeter... Eshte gjykatesi qe ben raportin. Dhe te jesh i bindur plotesisht, qe emrat e avokateve qe mungojne, jane raportuar gjithmone. Raportimi eshte pothuajse automatik. Drejtesi ne Shqiperi nuk ka. Pike. Nuk eshte se jemi te vetmit, drejtesia calon gjithandej, sepse ligjet jane te tilla dhe sepse njerezit jane te korruptueshem gjithandej.

Merr psh kete rast:

Nje person duke ngare makinen, arrestohet nga policia sepse dyshohet se ka shkelur nje kalimtar, ne filan vend, filan date. Ky person arrestohet ne te pare dhe mbahet ne dhomat e izolimit derisa te vertetohet fajesia apo pafajesia.

Sido qe te jete ndergjegja e Mediut apo ndonje simpatizanti te ndonje force te caktuar politike; e paster apo e papaster, i fajshem apo i pafajshem qofte; ky njeri akuzohet qe ne menyre direkte apo indirekte ka shkaktuar vrdekjen e 26 personave dhe deme materiale ende te pallogaritura...

Mos u habit qe nje njeriu normal i lind natyrisht pyetja e pa sforcuar shume:

Si ka mundesi qe ky njeri eshte i lire dhe nuk eshte ne biruce?

"Ndryshimi i vetem, he per he, me ate soferin e arrestuar eshte qe ky dyshohet per vdekjen e 26 vetave dhe jo 1 kalimtari." 

Nuk jemi ne kohe lufte ku eshte normale qe heroi i njerit te jete kasapi dhe gjakpiresi i tjetrit... Jemi ne gjendje paqeje, dhe Mediu si cdo qytetar tjeter duhet te jete ne burg!

Ky artikull, dhe autori i tij, jane shembujt te rutines intelektuale-elitare ne nje Republike Amorale.

Në mbyllje edhe unë, për aq sa më takon mua, do t’i drejtohesha publikisht Kryeministrit Berisha, për t’i thënë se nuk shoh asnjë pengesë morale e as politike që zoti Mediu të përfshihet në kabinetin e tij të ri. Dhe shpresoj se kështu do të ndodhë.
9 shtator 2009

 

Ne fakt ju zoti Mustafaj dhe grupi i gazetareve peticionist keni nje gje te perbashket : Sali Ram Berishen e pranoni per Kryeminister te Shqiperise. E pra ndryshimi im me tuajin eshte se une nuk do ta firmosja peticionin, jo sepse do te shkelja lirite e nje vagabondi elitar, por sepse S.R. Berisha nuk eshte Kryeminister legjitim i vendit tim, ai eshte krijese kryeministrore nga deformimi i vullnetit te popullit nepermjet mekanizmave jo ligjore.

Amoralja eshte nje fiksion. Sa te kete shoqeri njerezore, do kete moral. Morali "nuk behet", nuk dekretohet nga katedra. Morali eshte rrjedhoje. Morali nuk zgjidhet. Pra: "ne mos kini moral gjeni, ja rrembeni atij qeni".

Ky flet sikur t'ishte tuj fol per psh Ilir Rusmajlin.....

grrrrrrrrrrrrr

E ka provu Besniku shkrete karrigen e ministrit, ndaj ja qa hallin Fatmirit...

Lexova vec titullin dhe paragrafin e fundit. Meqe e ka qitur vete emailin ne artikull (besnikmustafaj@afalc.org) mbushjani kutine postare, qitjani inatin. smiley

Jo se kjo sjell ndonje ndryshim, po kot, nxirrni dufin me kete k*qen te pakten. smiley

Eh...

Besnikut i eshte mbushur mendja se eshte diplomat... E pse te mos i mbushet? Ka qene minister i jashtem, apo jo?

Zoti Mustafaj, edhe pse nuk besoj se do lexosh ndonjehere ketu...

me aq sa e njoh unë përvojën e vendeve me demokraci të zhvilluar, por edhe përvojën e vendeve me demokraci të kërcënuar, gazetarët bashkohen si komunitet për të reaguar së bashku me peticione apo forma të tjera të protestës kolektive

Po ta njihje aq mire pervojen e vendeve me demokraci te zhvilluar, do kujtoje Komunen e Parisit njehere, Revolucionin Borgjez ne Angli... duke mos u zgjatur shume, revolten popullore ne France me vrasjen e nje te riu nga policia, qe, per ironi krahasimi, deklarohej "aksident", njesoj si Gerdeci.

Apo mos do te kujtosh revolten popullore qe desh i vuri flaken Greqise? Sapo ndodhi, dhe gjasat jane qe te vazhdoje, edhe pse i ka rene pak intensiteti.

Mos duhet qe edhe ne Shqiperi te behet ashtu qe njerez si ty te vene mend dhe te mos bejne me krahasime te tilla?

vetëm në rastet kur kërcënohet liria e shprehjes, apo preken aspekte parimore të funksionimit strukturor të mediave,

Pse s'thua ti, mediat duhet te shqetesohen vetem per mediat, e pse jo, mediat te merren vetem me veten e tyre, te shkruajne vetem artikuj qe kane lidhje me mediat, te informojne publikun vetem per ato aspekte qe kane lidhje me mediat, te mos flasin fare per asnje gje tjeter.

PSH, RD-ja, te shkruaje vetem per RD-ne, jo per PD-ne, e per asnje lloj problematike tjeter apo ceshtjeje. Madje te mos permende as emra qe nuk jane emra gazetaresh te RD-se.

Hajde diplomat hajde...

Do kishe karriere te pavdekshme dhe si gazetar, se do kishe rreshtin tend tek faqja format-A4 e se perditshmes RD, te mbushur me informacione per gazetaret e saj dhe jeten brenda mureve te redaksise.

 meqenese spo kujtohet njeri, thjesht desha te tregoja me gisht se ky eshte nje precedent i ri darvinian ne fushen e politikes. "Pollitikani" dhe "gazetari" pranon se Derrin e ka jo vetem DAJE por edhe BAB! 

Meqe jam kreacionist, do hidhja tezen tjeter, qe Zoti ka krijuar lloj soj gjallesash, edhe derra me surrat njeriu. Keshtuqe, mos u mburr se vertetove teorine...

me aq sa e njoh unë përvojën e vendeve me demokraci të zhvilluar, por edhe përvojën e vendeve me demokraci të kërcënuar, gazetarët bashkohen si komunitet për të reaguar së bashku me peticione apo forma të tjera të protestës kolektive

So WHAT!!

Ajo qe me ben pershtypje ne keto fjali nuk eshte aq shume  ajo qe thote ne menyre direkte por ajo qethote ne menyre indirekte. Politikanet shqiptare nje dy dot e mundohen te gjejne analogji ne eksperiencat europiane apo gjetke.

Qe nuk jemi te pavarur si shtet kjo esht e sigurt, qe na diktohet c do gje nga jashte dhe kjo po, por te ne diktohet dhe te menduarit kjo do te thote se ne kurre nuk do ecim me kembet tona!

Per mua keto mendime do te quheshin klonizime te gabuara Z. Mustafaj

 

"Neveria" duhet të jetë ngjizur bash pas leximit të ndonjë shkrimi të ngjajshëm...

ugh nuk me pelqen fare analogjia e Gerdecit me Ohrin apo tragjedine e 2004. Mua me duket me teper si tentative per te reformuar imazhin publik te Mediut sesa justifikim i postit te ktij te fundit.

Dikur per te lare teshat, duart, faqet, edhe kembet, çdo familje kishte vendin e vet, lugun e vet, fshati kishte perroin e caktuar, me vone qezmen e caktuar per larje ,te gjitha  keto kishin nje emer.

Sot ne modernizem, mungesa e larjeve ne publik, mungesa e te bashklarjes, perdoren gazetat. Vend ideal per larje e shplarje, dikush lan fetyren dikush shperlan trurin, gjithsecili sipas nevojave personale. Kete jave mund ta quajme java e lugut ose e qezmes se Mehdiut.

 Tek peshku kete jave jane sjell 7 artikuj "qezmet e Mehdiut", si edhe disa artikuj te tjere po qe jane marre me keto vend larjesh.

Pasi Shqiptari lahet e shplahet "mire" kur thahet patjeter do bertase " tane qeverit jane te poshtra, sa mbrapa kemi mbetur". Po si gjithmone eshte vone.

Presim sa te vije edhe Muçi me gjygym tek qesmja, te hedhim disa pika uje pas veshit, e o burra ne kafe.

Zoti i bekofte qesmet e Shqiperis.

Ksaj i thone qe pasi te vrasin fillojne dhe te perqeshin.Mjere ata fukarejt e shkrete them une.

O Beso,

Pse ja fut sic ja ke futur keto 20 vjetet e fundit si i thote poplli "si kau peles"

Beso thote: Mediu e beri detyren edhe dha doreheqjen kurse drejtesia le te beje punen e saj:  hahahahahahaaaa

Cila drejtesi (shtrembersi) o Besnik.... ajo qe bllokohet nga politika dhe pengon hetimet apo ajo drejtesi (shtrembersi) qe eshte e uzurpuar nga disa kodosha si puna e Mediut dhe Shkelzenit qe ju japin urdhera politike dhe kercenime me largim nga detyra prekuroreve, gjykatesve apo edhe oficereve gjyqesore nese e vazhdojne hetimin....

Nese ti Besnik i partise meme PD dhe udheheqesit sypatrembur Sule mendon se flet me dele dhe dhi bravo te qofte se ashtu je mesuar por njerezit nuk i hane ato kumblla se jane te papjekura, nese do ti besh qejfin Sules me brockulla te tilla bjeri se i bie mire asaj gajdes tende te cjerre......

po flet capraz fare ky i uruar , mire ishte te frengjishtja ky , cdo me te paudhin medi,  si u be kjo bote.

....pa dashje e kuptoj diku sikur thote qe gjithe qeveria duhet te jepte doreheqjen me te parin kryemnstrin.....dhe kmnstri prandaj e ve minister se ka frike mos i nxerr krimet dhe pazaret....

 Ky eshte vertetimi matematik i shkrimit te Lubonjes. (CDV)

Mustafaj eshte nje garantist i ores se fundit dhe ky shkrim i tij ka dicka qe s'shkon.

nese do te benim pyetjen: cui prodest?

kujt i interson ky artikull? do te shikonim se nuk interson publikut lexues edhe pse disa musq e vlererojne kete gjest te tij. mirepo une shikoj se eshte vetem nje antikonformizen i nje intelektuali konformist si Mustafaj. te kutohemi nuk kam asgje kunder mustafait, as kunder peticioneve, poe me duket se kerkon nje faktorizim viziv me nje garantizem qe s'pi uje per vete faktin qe garantizmi nuk kuptohet nga nje kulture e jone  e mbivendosur ne shtratin e jakobinizmit...

 

nje faktorizim viziv me nje garantizem qe s'pi uje per vete faktin qe garantizmi nuk kuptohet nga nje kulture e jone  e mbivendosur ne shtratin e jakobinizmit...

me cojoni*!

*shprehje ne dialekt roman, qe pergjithesisht tregon habi, admirim, por si gjithe shprehjet popullore, e thene ne çastin e duhur merr nje forme thellesisht sarkastike ndaj bashkbiseduesit te cilit i drejtohet, me rezultatin perfundimtar e nenkuptimit te dickaje te ndryshme nga ajo e zakonshme.

O Hurbi, ndihme! Jo or jo se tallem.

PERKTHIM :

Hetuesi me arsye deshiron te thote...

Faktorizim viziv = Mustafaj deshiron te behet i dukshem ne skenen politike, pas terheqjes se tij. Ai kerkon vemendjen e politikaneve.

me nje garantizem = Mustafaj behet ortak, hyn dorezane.

qe s'pi uje = Kjo orvatje e Mustafaj do te deshtoje. Lind pyetja pse ? Hetuesi vazhdon si me poshte :

per vete faktin se garantizmi nuk kuptohet nga nje kulture e jona e mbivendosur ne shtratin e jakobinizmit = orvatja e Mustafaj eshte e deshtuar sepse dorezania (kur dikush mbeshtet dike) nuk kuptohet per ate çka eshte, dmth thjesht nje mbeshtetje e diçkaje qe mund te jete e drejte, por kuptohet, ne kulturen tone (sipas hetuesit) si nje shpallje lufte, si nje rreshtim ne nje kamp : ose jakobin, ose zhirondin. Dmth, Mustafaj do te gjykohet jo per ate çka thene, por per ate ku eshte rreshtuar.

_________

Ndonje mendim ndryshe ?

ps : u pa puna, do te filloj pune perkthyes shqip-shqip. Kot s'me marrin ne pune keto partite, qe t'iu zhbiriloj komunikatat e zedhenesve te shtypit.

 

 Ndonse jam shprehur per jo zgjedhjen e Mehdiut si minister, them se Mustafaj shkruan bindshem , brenda parametrave te llogjikes e demokracise, por megjithate ngul kembe se vet Mehdiu duhej t'ia kish lene vendin nje personi tjeter nga partia e tij. Kjo gje (terheqja e Mehdiut) do te bente qe te mos kishte kaq shume reaksion nga shtersa te ndryshme te popullates, siç dhe pati. 

Megjithe respektin qe kam per Besnik Mustafain,per urtesine e tij ne te folur,tek ky shkrim ai perpiqet kot te argumentoj per FM, dhe te dal ne mbrojtje te FM!

Ai diku thote:

Për të mos u larguar nga Ministria e Mbrojtjes, po përmend vetëm njërin: tragjedinë e 9 janarit 2004, kur humbën jetën 29 veta, burra, gra e fëmijë hallexhinj, 8 nga të cilët mbetën të humbur në zgafellet e detit edhe sot e kësaj dite. U pranua botërisht se të paguarit nga taksapaguesit shqiptarë për të ndihmuar viktimat e shkreta, nuk bënë asgjë atë natë. Shkurt: nuk kryen detyrën e tyre as edhe minimalisht. Por ministri i Mbrojtjes i kohës nuk dha dorëheqjen.

Duhet te jesh tych,nje njeri i rendomte,qe nuk merr vesh nga as gje qe te shprehesh ne kete menyre,te besh nje krahasim qe nuk shkon,fare,fare,fare,si ka mundesi nje politikan me pervoje te shprehet keshtu duke krahasuar te pa krahasueshmen!

....29 veta, burra, gra e fëmijë hallexhinj, 8 nga të cilët mbetën të humbur në zgafellet e detit edhe sot e kësaj dite...shprehet Musta!

Se pari,keta 29 vete ,ishin hallexhinje dhe po kalonin kufirin ne menyre te paligjshme,me nje fjale e kishin kruar kurizin vete,por ata 26 vete ishin ne shtepite e tyre,te ligjshem,ne pjesen e vet, ne pronen e vet,ne hallin e vet dhe vje tjetri dhe i plas municionin dhe i hedh ne ere,me njerez,me shtepi,me lope e me dhi,e me bageti zgupthi or ti Besnik i Tropojes!

Si qenkan njesoj keto raste REAGIMESH, nga keta Ministra,(ai i 2004 me kete te 2007)??!!??!??!

I pari nuk i shkaktoi vrasjen,ose mbytjen e njerzeve, i dyti po i shkaktoi vrasje spektakolare!

 Se dyti,pse e ben kete krahasim Mustafa,nje zot e di! Kush e di ku fle lepuri i ketij shkrimi!

 

 Pervecse nje sinjal zbutes ndaj Berishes, autori s'ka pasur qellim tjeter dhe me sa lexohet gjerat qe s'ka pasur qellim te thote i ka thene mjaft te paarrira.

"Duke parë shpejt e me seriozitet përgjegjësitë politike, dhe kaq kërkon një shoqëri e lirë nga të zgjedhurit e vet demokratikisht, Fatmir Mediu vendosi një standard të munguar me politikën tonë asokohe."

Kjo eshte qelbesirlliku me i modh qe kam nigju ndonje here. Te flitet per doreheqjen si te ishte standard i nevojshem. Nejse, ben gabim jep doreheqjen, eshte normale. Problemi eshte qe po behet dem ne nje post, zbatohet standardi i doreheqjes, pastaj emerohesh ne nje post tjeter, ku sipas standardit, do te te terhiqesh po bere dem, por pa problem, sepse do te emerohesh diku tjeter, ad infinitum, deri sa pasi te kesh dhene doreheqjen per te n-ten here te riemerohesh serish aty ku dhe doreheqjen fillimisht. Pse jo, nese riemerimi behet standard pas standardit te doreheqjes, c'vlere ka doreheqja, apo qe te dale Besnik Mustafaj e te na hedhe hi syve, te na tregoje se te pakten standardi demokratik i doreheqjes po zbatohet njesoj si ne zemer te perendimit?

bofsh hajer o lul se nji ket desha me thon dhe une po po pertojsha  smiley  

Tjeter gjo qe kom eshte me ket perdorimin e parimit te prezumimit te pafajsise.

Me kete interpretim qe i bojn keta i bie qe te mos kishte njeri ne paraburgime, se pa fol gjykata nuk u duhen majt mbyll. Mirepo mahet myll zullumqari, se tu qen jashte, ai mund te kompromentoje hetimet, te prishi provat, te ushtroje presion te deshmitaret etj etj etj.

Tani Fatmiri dha doreheqejen dhe vete pranoi, ndermjet te tjerave, qe po iki per t'ia bere punen me te lehte drejtesise. Dhe pa mbaru pune drejtesia ky ze prap nje post ministror dhe futet ne qeveri duke shku kunder "sqimes" qe nuk e la me nejt aty se pengote drejtesine. uffffffffff

Megjithese thelle thelle, Fatja nuk ka faj mer, ai vuni firmat se i tha i biri i Sules, kshu qe dhe ne s'kena ca i bojm Sules ene i bim Fatjes.

Edhe sikur ta pranosh "prezumimin e pafajsise " smiley ( qe s'thote sgje) apo edhe te shpallurit fajtor nga nje proces gjyqesor , per te qene ne ne nje Ide e Mendim me Mustafajn ...prape mungon llogjika ! 

Ketu nuk behet fjale per Vendim Gjyqesor dhe Gazetaret nuk e shpallen te "fajshem" per te mos marre pjese ne Kabinet . Ata firmosen nje peticion MORAL qe nuk ka te beje fare me vendimin gjyqesor. 

Sikur te llogjikohej per nje proces te rregullt , te paanshem dhe te drejte LIGJOR , Mediu tani do merrte paketa cigare dhe biskota ne burg nga B. Mustafaj ! Vertet te duket sikur sqaron ndonje gje te Madhe z. Mustafaj po ketu nuk je me Hunj te Bathores apo Kodres Priftit qe te shikojne ne goje sikur kushedi cfare thua .

Ti dhe kushdo tjeter ne ate qe mendoni se po ndertojme,  shtetin LIGJOR , aq me teper nje pjese Juaja qe keni qene edhe ne Maja , duhet te bini DAKORD pa medyshje se ky vend po Shkaterrohet nga Amoraliteti dhe jo nga Morali i shtrember i dhenies se Fajesise ! Z. Mustafaj per ate Moral dhe doreheqje te parevokueshme dhe nuk pranove  ti bashkangjitesh  me Qeverise , duke marre me kete rast edhe pershendetje nen ze e me ze . Nuk ndigjuam qe te kishte ndonje "proces gjyqesor" qe te nxiti per doreheqje ? smiley Ndryshe nga Mediu qe pasi u "keshillua" edhe me ustane qe e futi ne ate rruge te amoralitetit , me shume si dredhi politike se sa si akt Statal beri ate qe vetem ti dhe Fariu e quani " precedent - demokratik" smiley

Leri marifetet z. Mustafaj se pervec nje servilizmi te pashpjegueshem ose te shpjegueshem me "ortakeri" , po cfaq edhe simptoma si "shkarje ledhi" ne krahasimin e dukurive .  

Ne fund te fundit Mustafaj ortakun e vet po mbron...

Shifeni kete po te keni deshire

http://www.facebook.com/group.php?gid=14...

 

... kte grupin e hapa pardje... qe mos te ndihesha vetem...

jena mesu me politike te piset.... sna ben me pershtypje.,... por smundem te pranojme e te injorojme politiken kriminale...  pasi eshte anti-humane...

 

 

Me vjen keq por askush nuk e njeh zotin ish-minister te jashtem per promotor te moralit. Ne rrethet e njohura pragmatiket Elezi-Mustafaj-Berisha  kane qene te njohur prej vitesh.

Besnik Mustafaj vecse kerkon te fryje zjarrin qe po i shuhet.

Ai e di mire qe juris-prudenca eshte shprehje dhe  pasoje  e moralit. Pra ajo ka dale prej tij. Nese shembim ate kemi shembur edhe drejtesine. Tipike eshte Shqiperia. Sa me shume te rritet amoraliteti aq me e dobet eshte drejtesia. Shoqeria mesohet me te keqen dhe pislleku i duket normalitet.

Krahasimet qe ben jane tejet amatoreske per nje ish-politikan dhe menjehere kupton qe ai nuk ka qene serioz dhe ka bere mire qe eshte terhequr. Gjithashtu ai i jep theks inisiatives personale te mafiozit-minister duke i meshuar si moral, ndersa ajo ishte thjesht strategji kamuflimi prej atij. Nese do ta kishte seriozisht dhe do ta kishte pickuar dicka ne ndergjegje, nuk do te pranonte rizgjedhjen pas disa muajsh.

Goditja qe i jep Mustafaj opinionisteve kushdo qofshin ata, te cdo krahu perkarahes politik, jo vetem kerkon te beje protagonistin, por tu kujtoje ish shokeve te tij te vjeter qe ai eshte pragmatiku i dikurshem dhe mund te punoje perseri me ata.

Si perfundim, ka ndonje zhvillim e metejshem me kete peticion?

Dhe kam nje pyetje ketu; ndoshta eshte shtruar dhe me pare, prandaj - ndjese atyre qe e kane shkruar...

Pse ky peticion nuk i drejtohet kreut te shtetit - presidentit, - por Berishes?

A nuk eshte ne dore te presidentit te miratoje kabinetin e propozuar emer per emer si ja paraqet Berisha?

Ne fakt e degjova intervisten e Berishes, dhe kur tha qe "nuk mund t'i diktoj partive apo aleateve emrat qe ata propozojne", dhe me duket deri diku i drejte;  -pavaresisht se mund te kishte kundershtuar.

 

zotrules

Njerezit duhet ta kuptojne qe Mediu i ka dal borxhit te gjithve. Pse nuk duhet te jete Mediu ne qeveri?  Per cfare arsye?  Ai udhehoqi nje fushate elektorale dhe fitoi voten per tu perfaqesuar. Ishte pjese e nje koalicioni qe fitoi dhe rrjedhimisht eshte ne qeveri. Perse nuk duhet te jete ne qeveri?  Dhe ai peticion e thash edhe tek tema perkatese ishte petilesh dhe jo peticion. Peticionet serioze behen te hapur per te gjith. Ajo ishte nje leter e disa gazetareve drejtuar kryeministrit dhe jo nje peticion.

Dhe ashtu si ty nuk e kuptoj se perse i drejtohet ky petilesh Berishes????

Keta mos duan te bejne ligjin ne Shqiperi?

Ketu ndryshojme pak ne mendim TT.

Mediu nuk u ka dale borxhit te gjitheve. Ka ende nje borxh me drejtesine, qe teorikisht duhet te perfaqesoje interesat e popullit duke u bazuar ne ligje, edhe keto, teorikisht te formuluara per te kenaqur interesat e popullit dhe per te siguruar mbarevajtjen. E ka nje proces te hapur. Ndoshta flasim si idealiste kur themi qe Mediu nuk duhet te kish marre pjese vete. Do te ishte po ideale, nese ai do te tregohej pak diplomat e te priste vendimin e drejtesise. Por nuk di te marr vesh, se per cfare drejtesie behet fjale, se kush e kerkoka kete lloj drejtesie dhe sa i intereson Mediut qe te dale i paster nga ajo; sepse po zhvillohet nje proces qe eshte shtyre e pakten 3 here. Nese Mediu do te ishte i pafajshem, te siguroj une qe do te ishte ne interesin e tij me urgjent qe ky proces te mbaronte nje ore e me pare.

Ka shume gjera qe po zhvillohen pas kulisave aty ne Shqiperi, por ky peticioni nuk eshte asnje prej tyre. Nuk ka rendesi se kush e ka ideuar apo per cfare aresye e ka bere, nje peticion mbetet nje nga mjetet qe shoqeria civile mund te perdore ne kohe demokracie. Ty te jap te drejte nese shqyrtojme faktin se sa dore ka shoqeria civile ne te! Sepse nese ky peticion mund te firmoset vetem nga ... nuk e di kush, apo nese nuk ka vend per firma te tjera, atehere del ajo qe themi.

Gjithsesi, per nje gje jemi dakord pa folur fare: Besnik Mustafaj ja ka keputur kodra pas bregut. Nje shkrim i tille eshte ekstremisht bajat; llogjika e perdorur ne te eshte ofeze direkte edhe per koncepte te tilla si "budallallek"-u.

Mir o mir, dakort nuk vihet ne diskutim qe Mustafaj ja ka futur kodra mbas bregut.

Ajo qe une doja te thosha eshte qe nuk mund te fajesohet Mediu per mosegzistencen e shtetit ligjor. Per kete duhet te biem dakort.

Nuk ka fare rendesi a eshte fajtor Mediu apo jo ne kete moment, sepse do vendoset nga gjykata, ajo qe ka rendesi eshte qe 26 shqiptare u vrane, ndac direkt ndac indirekt ne mes te dites me diell dhe shteti me institucionet e tija nuk veproi ashtu sic duhej te vepronte.

Ta zeme per nje moment qe Filan Fisteku eshte fajtor per vrasjen masive te 26 shqiptareve, ti cfar pret qe ai te shkoj dhe te rrefehet, dhe po nuk u rrefye e paska ai fajin??????????????? E kupton sa naive do ishte? Jo mor vlla i dashur, ka institucione, ka nje prokurori , ka nje polici, ka nje ushtri qe veprojne ne situata te tilla. Nuk mund ti thuash kriminelit perse nuk shkon te dorezohesh kur policet nuk levizin bythen.

Ta zeme tani se eshte i pafajshem Mediu, gje qe praktikisht ne rrethanat aktuale eshte e vertete sepse nuk eshte shpallur fajtor. Dha doreheqjen, dorezoi imunitetin.

Ah tani do thuash ti perse hyri ne fushate? Po sepse ka pergjegjesi ndaj elektoratit te tij ai, ti qe nuk e do mos e voto.

Do thuash ti po perse hyri ne qeveri? Po sepse fitoi votat e elektoratit shqipetar per tu perfaqesuar dhe u zgjodh si kandidat per ne qeveri nga partia e tij, dhe politikisht ai vetem partise dhe elektoratit te tij duhet ti pergjigjet.

 

Pra problemi qendron me shtetin shqiptar dhe jo me Mediun. Anullohet seanca gjyqesore me e rendesishme e historise te shtetit shqiptar, qe ka te beje me vrasjen e 26 njerezve sepse ashtu i teket nje avokati.

E kupton qe nuk kemi shtet dhe nuk e ka fajin as Mehdiu as Mesia??

 

 

Shume dakord me ate qe thua. Vetem mos e ngaterro vendimin e drejtesise, qe eshte thjesht shprehja e nje mendimi te hedhur ne leter, dhe asgje me shume, por qe ka ne dore te tashmen dhe te ardhmen si te nje individi ashtu dhe te nje shoqerie; por qe pa implementim, mbetet virtual ne kuptimin me te paster.

Per ty, Mediu eshte fajtor apo jo. Kjo eshte shume e thjeshte.

Pastaj dalim te pyetja tjeter, do e firmosje apo jo peticionin.

Per ty, Mediu eshte fajtor apo jo. Kjo eshte shume e thjeshte.

Per mua Mediu kishte pergjegjesi politike, dhe e mbajti ate pergjegjesi. Nqs ka pergjegjesi kriminale kete nuk mund ta di. Ajo qe di une eshte qe institucionet e  shtetit shqiptar nuk u sollen ashtu sic duhet qe ne fillim. Nuk mendoj se eshte e udhes te kete gjyqe popullore.

Pastaj dalim te pyetja tjeter, do e firmosje apo jo peticionin.

Peticionin ne fjale, ashtu sic ishte formuluar, dhe per aty ku ishte drejtuar jo. Nuk do ta firmosja. Une do firmosja nje peticion drejtuar institucioneve pergjegjese per te hedhur drite dhe vendosur drejtesi mbi vrasjen masive te shqiptareve ne Gerdec. Pastaj qe te thuash peticionin , duhet qe me pare te jete peticion i hapur ashtu sic reklamohej, por ja qe nuk ishte , ishte nje fllucke apo nje pordhe ne ere nga keto qe bejne zakonisht gazetarucet, analisto-komentatoro-opinionistet shqiptar dhe as kan peshe, as kane baze morale dhe as kane seriozitet. Do kalojne dy dite dhe do harroet.

Por a kan te drejte ata te bejne peticion, 100 % po. Mendimi im mbi peticionet eshte i njejte me ato qe ke shpjeguar ti, por petileshi ne fjale nuk ishte peticion por nje leter drejtuar kryeministrit.

Mediu , sidoqe te jete , ne cdo rrethane qe te paraqitete e argumentohet , qofte edhe sikur te dale fare i pafajshem ka nje bazament moral te fuqishem per JO - Qeverise.

Ai u tregua i PAPERGJEGJSHEM  per postin e nje MINISTRi . Ne Ministrine qe Ju ngarkua atij per te drejtuar nuk behet fjale ne se ndodhen fenomene te natyrshme aksidentesh . Aksidenti qe i ndodhi atij ishte i kategorise se JASHTEZAKONESHME me pasoje Vdekje Masive !

Mediu u tregua plotesisht i PAAFTE per te drejtuar nje staf profesionalistesh. Per me teper me urdhra e detyra te keshilluar nga "marifetcijt e " Mixhes , i anashkaloj ata duke i shtyre drejt nje indeferentizmi e po aq marifeti te demshem ne koresopondence e praktiken zyrtare me te.

Te mos harrojme se jane PLOTESISHT 27 Graduate nga me te Lartet , perfshi dhe SHSHP te penalizuar . Pra e gjithe Administrata e tij  eshte e akuzuar si e korruptuar ne veprimtari qe ishin ne VARTESI te DREJTEPERDREJTA te tij.

Vetem kaq mjafton dhe tepron qe nje njeri me sadopak moral vetiak , te zhdukej per ca kohe dhe te mos shfaqej ne publik e jo me si kandidature e qeverise me baze te gjere me moralin me te ndotur qe ka njohur Historia Statale e Shqiperise " Komunistet iken ! Bini burra !" smiley

Sa te papame qe jeni! Cdo njeri qe shkruan diçka kunder ideve tuaja e lidhni me Salen.

Une nuk besoj fare, po fare fare, qe Mustafaj te kete dash me mbrojt Mehdiun apo akoma me pak qeveriun e ri. Pas "investimit" te Sales per ta luftu ne PD, eshte diçka e paperceptueshme. Po fakti qe nje grup gazetaresh del e ben peticion per te vene apo jo nje minister, mua me duket SKANDAL. Gazetari ka rol informues dhe jo rol gjykues.

Une personalisht jam kunder perfshirjes se Mehdiut ne qeveri, po peticionin nuk e firmos se nje peticion i tille i bere nga njerez qe shkruajne perdite ne media, legjitimon ate dramen tone te madhe sipas te ciles gazetarit i duket vetja mbret, qe mund te gjykoje ke te doje dhe te japi edhe verdikte pavaresisht gjykatave. Me kujtohet ky "fluturuesi me pras", Muç Nano, se si ne nje debat fill pas zgjedhjeve fliste me nje perçmim te padurueshem per çdo strukture te shtetit. Qe nga KQZ, deri te Kolegji Zgjedhor. (per te mos folur per apelin per "lufte" pastaj)

Por ama nuk e mbaj mend qe te kete kerku falje per gomarlliqet qe tha kur Kolegji nxorri vendimin per Fierin (per kete po diskutohej ne ate debat).

Kshu pra, kur keta te kene arrit te pakten "standartin" e Mehdiut dhe te japin "doreheqjen" per gomarlliqet qe thone atehere, marrin te drejten morale te japin mend.  (sigurisht qe kjo nuk eshte e vlefshme per te gjithe firmetaret e peticonit.

Fjala e duhur ne goje te gabuar eshte me e demshme se heshtja. 

 

Ti nuk firmos me arsyetimin se e ka firosur Muc leshi apo Fatos bloza. Nuk te duket qe merresh me leshin e blozen dhe jo me ate qe kerkohet. Pra kerkohet qe qelbesira, kandidat per ne burg (ose jo) te mos jete ne tavoline me ata qe do te kene ne administrim parate e miaja ose shtepine time ne pergjithsi. Pasi kur ishte dy muaj perpara( me fal per mos llogaritjen mire te qellimeshme) jo vetem qe deshi te me hidhte ne ere ketu ne qender te Tiranes, por edhe i kaloi te gjithe administraten e drejtuar prej tij ushtarake e civile, ne gjykata dhe penalitete administrative. Te tjereve qe kane mbetur akoma atje nuk u jane thare breket akoma prej frikes. te tjereve u ka filluar tu cfaqet mania e persekutimit e u duket sikur do i thrrasin per fajtore ose deshmitare.

Nese ne nje beteje per lufte, zhvillim ekonomik, prosperitet kulture, etj,deshton turpshem, jep doreheqjen(ose te detyrojne te japesh), a ka mundesi te vihesh perseri ne po ate pozicion? Ky eshte morali qe di une e qe vjen prej asaj historise se shteteve e drejtimeve politike, te pakten qe njohime qe marrim si reference. Ketu une e shikoj zero me xhufke kete moral, e pastaj le ta diskutojme edhe ate te Mucit edhe te Mustafait qe kerkon te kaleroje perseri.

Mediu ne qeveri? Pro? Contra? Peticione..... Artikuj..... Kunderartikuj......

Eshte FAKT qe ne ministrine e mbrojtjes jane vjedhur miliona ($ jo Lek). Eshte fakt qe aty e kane "ngjy capen" jo vetem Mehdiu por edhe Berisha jr. Eshte fakt qe Gerdeci i la pa mbaruar pazaret e tjera Mehdiut (dhe Argites) ne lidhje me "shitjen" e spitalit ushtarak.

Perfishrja Mehdiut ne qeveri eshte rjedhoje llogjike e pazareve te meparshme. Peticionet, artikujt etj do luajne po ate rol qe kane luajtur edhe me pare p.sh. kur akuzohej Nano per korupsion. 

Keiendi, nuk eshte nevoja te me bindesh qe Mehdiu nuk duhej riperfshire ne qeveri. Per kete jam dakort. Por jo per arsye se eshte ne proçes gjygjesor. Me kete une nuk mund te pajtohem.

Peticionin nuk e firmos se jam i bindjes qe nje gazetar ka rol tjeter dhe nuk duhet te beji peticione te tilla. Per mua peticionin mund ta benin familjaret e viktimave apo perfaqesues te shoqerise civile (mundesisht te padeskridituar) por jo gazetaret qe kane shume menyra te tjera sencibilizimi.

Faleminderit Hurbi per perkthimin shqip-shqip.

as vete nuk do te kish kuptuar cfare kisha shkruar.

ne bote ekzistojne shume specialiste, per shembull psikoanalistet analizojne gjendjen shpirtirerore dhe mendore njekohesisht. politologet gjendjen e politikes perballe realitetit dhe filozofet fokloriste is Hunter me cojoni, qe si duket e ka degjuar ne nje nga pubet e testaccio apo trastevere sepse vete isha ne san lorenzo.

 

persa i perket mediut i qendroj akt-akuzes!

sinqerisht

li mortacci vostri!!!!!!!!!!!!!1

Për të mos u larguar nga Ministria e Mbrojtjes, po përmend vetëm njërin: tragjedinë e 9 janarit 2004, kur humbën jetën 29 veta, burra, gra e fëmijë hallexhinj, 8 nga të cilët mbetën të humbur në zgafellet e detit edhe sot e kësaj dite. U pranua botërisht se të paguarit nga taksapaguesit shqiptarë për të ndihmuar viktimat e shkreta, nuk bënë asgjë atë natë. Shkurt: nuk kryen detyrën e tyre as edhe minimalisht. Por ministri i Mbrojtjes i kohës nuk dha dorëheqjen. Nuk mori para shoqërisë shqiptare dhe as para familjarëve të viktimave asnjë përgjegjësi politike.

Hajde krahasim hajde!

Ne gerdec u vrane 26 shqiptare si pasoje e drejteperdrejte e korupsionit, a shfrytezimit te postit publik per perfitime te jashteligjshme, ku te ndjeret ishin qytetare nen mbrojtjen e shtetit, si qytetare dhe punetore, dhe shteti jo vetem i dhunoi ne te drejtat e tyre qytetare dhe te punes, por edhe krijoi me doren e tij vrasjen e tyre .

Kurse ai shembulli i mesiperm eshte krejt ndryshe, sepse kemi te bejme me nje aktivitet te jashteligjshem i drejtuar nga grupe kriminale, dhe ku viktimat po thyenin ligjin e shtetit shqiptar dhe atij italian. Megjithese kjo nuk justifikon mosfunksionimin e strukturave te caktuara qe vine ne ndihme ne te tilla raste ( nqs kan egzistuar, por dyshoj te kete patur nje strukture te vecante ne ate kohe me detyre te percaktuar qarte per shpetimin e anijeve te mbytura , gomoneve ilegale ne kete rast) jane dy raste krejt te ndryshme.

Problemi kryesor nuk eshte me Mediun, as me Berishen, por me institucionet e akuzes dhe te drejtes ne shqiperi, duke filluar nga prokuroria, pastaj gjykata dhe pastaj presidenti.

Eshte qesharake dhe tragjike qe nuk ka nje akuze te mirefillte per nje krim aq te dokumetuar mire sa ai i  gerdecit. Eshte qesharake dhe tragjike qe nuk ka fajtore, dhe qe sipas te gjitha gjasave vrasja e atyre 26 njerezve nuk do te kete kurre fajtor.

Eshte qesharake qe disa palo avokat tallin bythen me drejtesin shqiptare dhe e zvarrisin procesin  (proces i thenshin) ne pafundesi me arsye banale.

Per cfar i drejtohet peticioni Berishes??????

Pse nuk flet media per ceshtjet kryesore? Perse nuk shtrohen pyetjet kryesore?

 

Un jam ndakort me ato qe thone se duhet te prezumojm pafajsine deri ne castin qe trupi gjykues e shpall fajtor. Gjithsesi mendoj qe Mediu ka pasur faj ne kete ngjarje por jo aq sa per tu kryqezuar.

Ceshtja e gerdecit ka qene shume e thelle. Jane persona te tjere qe perfitonin nga ajo fabrike dhe mediu ka qene thjesht nje "drejtor" i pamoralshem qe ndiqte urdherat e eproreve dhe lejonte qe ajo fabrike te funksiononte ne mes te nje zone te populluar pa asnje kusht sigurie.

Fatkeqsisht kam dyshime shume te thella qe ajo ceshtje do te zgjidhet. Si tha Maliqi? "Cudia me e madhe 3 dite zgjat". Njerezit do te harrojn dhe ateher fuqia e pushtetit do ta beje te zhduket. Dhe mos mendoni se nese do te vinte PS ne pushtet ceshtjes do ti shkohej deri ne fund. Aty kan qen te gjith te implikuar dhe nese denohet njeri, fillon dhe tregon per te tjeret.

P.S. Paradoksi eshte se e gjithe zona perreth gerdecit votoi masivisht pd ne zgjedhjet e 28 qershorit. lol Shqiptaret kane te gjithe mentalitet komunisti. Cfardo qe te ndodhim partia te na rroje sa malet. hahaha (Jo se ata te krahut tjeter ia vlenin te votoheshin!)

ALB358...sigurisht qe kishte shume njerez qe perfituan nga fabrika , por ""JURIDIKISHT"" ajo ne leter mban firmen e Mediut... !!!

Nese drejtesia shqipetare nuk dergon asnje pushtetar mbas hekurave athere cfare na mbetet ti themi familjarve te viktimave dhe popullit ..ishte fatkeqsi natyrore ???

Nese antare te familjes time do humbiste jeten ne ate tragjedi dhe drejtesia shqiptare nuk do conte askend mbas hekurave do me duhej te bleja nje pistolete ose kallash ne Tirane dhe do ja numroja Berishes, Shelzen Berishes ose Mediut ne lule te ballit kush te me dilte perpara, pamvarsisht pasojave sepse nuk do mund te jetoja me me kete tundim te shpirtit ..

Kriminele si Azem Hajdari behen heronj , edhe poilice te korruptuar deri ne gryke dhe pjese te krimit behen heronj athere pse mos te ngrejme nje ""MIT TE RI"" qe ne thelb perben krim ,por qe nga ana tjeter ndihmon demokracine shqiptare dhe con nderin e viktimave te  familjes ne vend ...

ps. Vritini qelbesirat ...!!! ( Eshte vertetuar qe mbas cdo lufte celin lule shume te bukura...njezimi nuk ka pasur vetem humbje nga luftrat ,por edhe motiv per zhvilluar fuqishem mbas saj &nbspsmiley

 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).