Rifillojmë përsëri

saktivsta.blogspot.com

Sa herë një ngjarje tragjike me natyrë policore ndodh në Shqipëri - një atentat, një masakër, një krim makabër brenda familjes - vendi përshkohet nga valë të reja kërkesash për një rikthim në ashpërsinë e vjetër që ndëshkon me vdekje shkaktarët e vdekjes. Mediat organizojnë vox pop-s, shoqatat joqeveritare përpilojnë raporte, ekspertët japin intervista, deri politikanët- përgjegjësit e parë për avaritë në sistemin e drejtësisë së dizajnuar nga vetë ata, shfaqen me maska dëshpërimi para publikut duke kërkuar me populizëm oportunist: ndëshkim maksimal. Fryma e përgjithshme thuajse sa s‘eksplodon në formën e saj më konvulsive: "Në djall proceset e integrimit europian. Të kthejmë dënimin me vdekje".

Mjerisht, ky është konteksti i vetëm ku mund të konstatohet një farë revoltimi i angazhuar i trupës shoqërore shqiptare. Është po kjo trupë e cila në shumicën e rasteve i përcjell me një topitje të posaçme "atentatet" e tjera në lëmenj të tjerë, aty ku pësojnë karambol sot formatimi sheshues globalist (ndalim i dënimit me vdekje si në gjithë Europën. Rehabilitim), me autenticitetin kombëtar (të kthejmë dënimin me vdekje në kushtet e Shqipërisë. Ndëshkim). Përsëri mjerisht, sado e çuditshme të duket në krye, ky është gjithashtu një shembull që garanton se klasa politike në Shqipëri nuk do ta ketë kurrë guximin që të ndalë një proces shkatërrues që është paralajmëruar edhe më herët nga të tjerë njerëz të mendimit. Procesin vetëvrasës i cili mund të pikturohet edhe kështu: "ekziston rreziku që me vrullin mendjelehtë për t‘u kredhur me kokë në thellësitë e detit të gjerë e mikpritës të kapitalizmit global, shqiptarët të hasin në taban të fortë".

Arsyet mund të jenë të shumta. Për shkak të amatorizmit, mungesës së vizionit, grykësisë që mund të nginjet vetëm në një atmosferë kaotike etj., etj., klasa politike shqiptare nuk do të mundë kurrë të ketë kurajën të ndalë vrapin tonë drejt greminës. Krizat thjesht sa do të menaxhohen rast pas rasti dhe me kriza kam parasysh "rebelimet" shoqërore, zgjimet e përkohshme, bërjen esëll për një moment. Vetë sistemi i krijuar në këtë vend, i cili për të mos e lënë të mendojë, e mban qytetarin e këtushëm të mbërthyer në një sugjestion të pandalshëm skandalistik, spektakli, informacioni dhe pop-kulture, do ta gjejë vetvetiu metodën për ta mpakur zjarrminë që doli për një çast jashtë kontrollit.

Kjo po ndodh edhe ditët e fundit. Teksa të shtënat në stacionin e "Ilirisë" në Durrës ndalën dhe katër policë vdiqën nga dora e një të akuzuari për vrasje, indinjata - të paktën ditët e para - shkumëzonte haptas në sipërfaqe. Pak ditë më vonë, momentumi kur të gjithë ishin në një mendje kishte humbur, dhe ju mund të dalloni sesi tashmë jo gjetja dhe shkulja e rrënjëve të dukurisë së kriminalitetit si një i tërë, por shtjellimi i ideve të konspiracionit për rastin konkret të vrasjes së katër policëve, ka zënë me dhunë rrezen e shikimit të publikut. Revolta e momentit të parë (e shfaqur qoftë edhe thjesht në formën e një mendimi të sinkronizuar) është fashitur tashmë. Kjo e ka një arsye, pasi kjo pakënaqësi e parë kishte të bënte me fenomenin dhe kësisoj kishte të gjithë potencialin për ta vënë në lëvizje "shqiptarinë" si një kompleks social. Por tashmë vëmendja e njerëzve është zhvendosur me një mjeshtëri marketingu drejt diçkaje tjetër më pak të rrezikshme, e cila garanton mungesë diskursi dhe paqe sociale. Ajo është orientuar drejt thashethemit, terminologjisë spektakolare, efekteve speciale, rikonstruksionit të skenave të krimit, e deri ideve të nëndheshme sesi gjithsesi "drejtësia do të funksionojë" dhe qoftë edhe në mënyrë subversive, haka do të shkojë tek i zoti. Sesi do të gjendet një dorë magjike (si ajo e Adam Smithit) që do të heqë këmbëzën e kobures a tubin e oksigjenit në spitalin ku dergjet fajtori i plagosur. Loja tashmë është shtyrë shumë larg dhe vëmendja e qytetarit është dërguar përtej cakut të nevojshëm për një njeri, që ky njeri të fillojë të mendojë si pjesëtar i ndonjë grupi shoqëror. Në rastin konkret, përkufizimi për këtë grup do të ishte ky: "populli shqiptar i cili është i papërgatitur dhe aspak i gatshëm për të aplikuar një drejtësi rehabilituese në vend të drejtësisë ndëshkimore që i përshtatet më shumë konditave sociale ku ky popull ndodhet në gushtin e vitit 2009".

Drejtësia është vetëm njëri aspekt, por gjëja më interesante është se të njëjtit popull shqiptar, shumica e elementëve të realitetit ku jeton sot në gushtin e vitit 2009, i janë imponuar më herët, pa qenë nevoja të tijat konkrete. Kësisoj, sa herë që ndodhin eksese ai zbulon se ato janë të huaja, të papërshtatshme me kushtet ku ai jeton dhe shërbejnë vetëm si një stof propagandistik a një makijazh maskues që do ta bënte atë në sipërfaqe të dukej "i konvertueshëm" me Europën fqinje dhe mjedisin e kapitalizmit global rrethues. Kështu ka ndodhur në politikën që aplikon ky popull, e cila formalisht funksionon në trajtën e një demokracie liberale vetëm sepse kështu është standardi i botës që na rrethon. Në formën e saj "të egër" dhe të pamonitoruar, ajo shfaq fytyrën e saj prej diktature autoritariste të lidershipit të fortë. Prej këtu lindin edhe anomalitë e sistemit tonë politik, lindin kode zgjedhore që kërkojnë ekzistencën e partive me substancë të fortë ideologjike ndërkohë që organizatat tona politike s‘kanë kurrfarë brendie të tillë dhe tërë "doktrina" e tyre është e kufizuar në një luftë të pandalshme lidershipi, pasi "ora biologjike" e trupit tonë politik është ende në primitivitetin e adoleshencës pavarësisht se i kërkohet të veshë kostum burrash të pjekur. Kjo është arsyeja pse pikturimi me ngjyra demonike i liderit të partisë konkurrente shërben si oferta e vetme për qytetarët dhe pse politika jonë pothuajse kurrë s‘ofron debat konstruktiv alternativash zhvillimi.

Për të mos u zgjatur, anomali të ngjashme janë lehtësisht të konstatueshme edhe në sistemin e marrëdhënieve tona ekonomike, ku "mosha" reale e tyre nuk përputhet me sjelljen e saj. Ajo nuk përputhet as me standardin e nevojshëm që kjo ekonomi të jetë e aftë për të përballuar konkurrencën në kushtet e një tregu global. Pavarësisht kësaj diskordance, performanca që konstatohet nga kjo ekonomi është tërësisht autodestruktive dhe pasojat, tragjike (shih procesin agresiv të degradimit dhe më pas privatizimit të pronës publike, efektet dërrmuese të marrëveshjes së tregtisë së lirë etj). E njëjta gjë edhe në skedën identitare kombëtare. Teksa në të vërtetë shqiptarët janë në fazën kur u nevojitet më parë krijimi i entitetit të shtetit-komb që më pas të ndjekin rrugën normale të shkrirjes në struktura më të mëdha transnacionale, ata i paraqesin gabimisht si të dizinteresuar për bashkimin e vet kombëtar a si dashnorë të bashkëjetesës multietnike.

Është bërë zakon t‘i shtrohen detyra klasës politike, por është ndoshta koha që vetë shoqëria shqiptare të nisë të vrasë mendjen për të gjetur rrugëzgjidhjet drejt shpëtimit. Janë një rresht masash që mund të sillnin dobi dhe drejt së cilave ia vlen ndoshta të mendohet për t‘u gjetur zbatimin. Përtej agresivitetit, përbërësi më i nevojshëm për të cilin ato do të kishin nevojë do të ishte kuraja. Mes tyre mund të ishte pse jo: një riformatim i sistemit politik që do të nxiste debatin ideologjik, nëpërmjet një moratoriumi a deri suspendimi të organizatave aktuale politike për t‘i rikrijuar ato nga themelet në njëfarë lloj marrëveshjeje katharsisi të përgjithshëm reformator. Gjithashtu, do të ishte tani momenti kur duhet të kërkohet një rivlerësim i sistemit ekonomik, për ta rindërtuar atë në mënyrë që të priret kah prodhimi dhe jo kah tregtia e shkëmbimi i asgjësë apo parasë iluzive të kreditimit, nga përpjekja për administrim publik dhe jo privatizimi galopant i pronës publike. Po ashtu, ky mund të ishte momenti i përshtatshëm edhe për një riformatim të sistemit të drejtësisë duke i shtuar atij dozën e ndëshkimit përkrah asaj të rehabilitimit. Në të njëjtin kontekst, shoqëria shqiptare duhet të gjejë rrugët drejt një rikonstruksioni të plotë të strategjisë diplomatike, kulturore dhe arsimore me prirje kah krijimi i shtetësisë kombëtare. Dhe në fund, ajo që duhet bërë është një rivlerësim dhe riformatim i gjithë procesit të integrimit shqiptar në strukturat më të gjera transnacionale (BE, NATO, etj), me prirjen për të eliminuar rrënjët që e bëjnë të perceptohet këtë integrim si kjo lypje e tejzgjatur mëshirë-ndjellëse që ofrojmë ne sot.

Ky do të ishte një proces rivlerësimi objektiv që duhet kryer me vendosmërinë, saktësinë dhe gjakftohtësinë e një lufte për ekzistencë, pasi në të vërtetë ajo është një luftë për ekzistencë. Si në restorantet që pezullojnë aktivitetin për shkak të rikonstruksionit, Shqipëria ka nevojë të varë te dera tabelën: Rifillojmë së shpejti! Megjithatë, është gabim që kjo të konsiderohet si lufta heroike e një vendi kundër efekteve gllabëruese të globalizmit që e merr një komb punëtorësh që prodhojnë mendim, mallra e vlera konkrete dhe e shndërron në një masë që thjesht konsumon mendimet, mallrat a vlerat e të tjerëve ndërkohë që vetë, prodhon tashmë thjesht publik televiziv. Siç Hardt dhe Negri vërejnë tek "Empire" i tyre, ky është tranzicioni i mirëpritur nga shteti-komb për te perandoria globale, andaj si një proces i natyrshëm i pjekurisë së sistemit, s‘ka kuptim t‘i bësh rezistencë. Përkundrazi. Integrimi i vendeve si Shqipëria në sistemin e përbotshëm të kapitalizmit global ia vlen të inkurajohet, e madje edhe të mirëmbahet në mënyrë që fuzioni të jetë sa më i plotë, "dasma" sa më e arrirë dhe si rrjedhim, edhe finalja sa më e afërt. Kjo është arsyeja pse duhen gatitur më parë kushtet që ky bashkim të jetë i natyrshëm dhe produktiv dhe jo shtypës e traumatik. Diçka që do të ngjante më shumë me një fushatë eliminimi eksesesh dhe standardizimi përpara shkrirjes me "të ngjashmit" dhe përballjes me të keqen e domosdoshme të globalizmit.

Ky do të ishte një operacion korrigjues për një anomali të madhe në një shtet si yni që është shndërruar në karikaturën e një shteti ku asgjë s‘është më në vendin e vet: ku as kryetari i së djathtës s‘është i djathtë dhe as lideri i së majtës s‘është i majtë, ku as kryetari i sindikatave s‘është punëtor, as kryetari i pronarëve s‘është pronar dhe as kryetari i të përndjekurve s‘është i përndjekur. Ku vota s‘është përfaqësuese, ku ekonomia s‘është prodhuese, ku media s‘është e lirë, ku tregu s‘është i ndershëm, ku drejtësia s‘është e drejtë, ku arsimi s‘është edukues, ku pasaporta s‘është e vlefshme, ku puna s‘është shpërblyese, ku arti s‘është frymëzues, ku sporti s‘është konkurrues dhe ku mjedisi s‘është i jetueshëm. Ku e kaluara s‘është e hidhur, e tashmja s‘është e denjë dhe e ardhmja s‘është premtuese.

Mund t‘i vlente diçka nga të gjithë të mëposhtmit, por ky yni NUK do të duhej të ishte një revolucion si ai i francezëve që dikur e quanin revolucion "borgjez", apo si ai i anglezëve që e quajtën "industrial". Ai nuk do të ngjante as me luftën e pavarësisë amerikane nga kolonializmi britanik dhe as me revolucionin e rusëve që u shpall "proletar". Revolucioni ynë nuk do të ishte madje as si ai i polakëve që u quajt "i kadifenjtë". Ky do të ishte një revolucion për konsum të brendshëm. Një revolucion STANDARDIZUES tërësisht shqiptar.
 

46 Komente

Me vjen keq qe detyrohem te terheq vemendjen tek dy shkrime qe rrezikojne te kalojne te palexuar, ky shkrim, qe ben thirrje per reflektim, dhe nje tjeter i paradisaditeve te saktivista, qe ben thirrje per reforma ekonomike. Natyrisht qe keto tema jane teper jashte vemendjes, jo interesante, e per to dime tashme shume te gjithe, jemi mjeshtra etj etj. Le t'i biem kokes "afrimeve" nderkohe.

Po popull ka dhe te PPU. Sic thote auktori

tashmë vëmendja e njerëzve është zhvendosur me një mjeshtëri marketingu drejt diçkaje tjetër më pak të rrezikshme, e cila garanton mungesë diskursi dhe paqe sociale. Ajo është orientuar drejt thashethemit, terminologjisë spektakolare, efekteve speciale, rikonstruksionit të skenave të krimit, e deri ideve të nëndheshme sesi gjithsesi "drejtësia do të funksionojë" dhe qoftë edhe në mënyrë subversive, haka do të shkojë tek i zoti.

s'duhet te jet me dylbera ky shkrimi sol-o, pranej...

Ky do të ishte një operacion korrigjues për një anomali të madhe në një shtet si yni që është shndërruar në karikaturën e një shteti ku asgjë s‘është më në vendin e vet: ku as kryetari i së djathtës s‘është i djathtë dhe as lideri i së majtës s‘është i majtë, ku as kryetari i sindikatave s‘është punëtor, as kryetari i pronarëve s‘është pronar dhe as kryetari i të përndjekurve s‘është i përndjekur. Ku vota s‘është përfaqësuese, ku ekonomia s‘është prodhuese, ku media s‘është e lirë, ku tregu s‘është i ndershëm, ku drejtësia s‘është e drejtë, ku arsimi s‘është edukues, ku pasaporta s‘është e vlefshme, ku puna s‘është shpërblyese, ku arti s‘është frymëzues, ku sporti s‘është konkurrues dhe ku mjedisi s‘është i jetueshëm. Ku e kaluara s‘është e hidhur, e tashmja s‘është e denjë dhe e ardhmja s‘është premtuese.

 

Mjafton nje fjale me shume dhe shkelqimi bie.

Mbase Sol mund te pergjigjet, " kur ishte ajo kohe qe gjerat ishin ne vendin e vet".

Lumi Drin

Per shkrimin te pergjigjet vete autori, kur te kthehet nga pushimet e tij.

Sa per pyetjen tende:

- Se pari, ne dimension esencial, te thuash qe gjerat gjithnje kane qene keq, eshte justifikim dorezues, ne ndihme te te keqes (nje lloj konservimi i te keqes)

- Se dyti, ne dimension formal, nese ti mendon se gjithnje keshtu ka qene, pra bie dakord qe gjithnje "asgjë s‘është më në vendin e vet: ku as kryetari i së djathtës s‘është i djathtë dhe as lideri i së majtës s‘është i majtë, ku as kryetari i sindikatave s‘është punëtor, as kryetari i pronarëve s‘është pronar dhe as kryetari i të përndjekurve s‘është i përndjekur. Ku vota s‘është përfaqësuese, ku ekonomia s‘është prodhuese, ku media s‘është e lirë, ku tregu s‘është i ndershëm, ku drejtësia s‘është e drejtë, ku arsimi s‘është edukues, ku pasaporta s‘është e vlefshme, ku puna s‘është shpërblyese, ku arti s‘është frymëzues, ku sporti s‘është konkurrues dhe ku mjedisi s‘është i jetueshëm. Ku e kaluara s‘është e hidhur, e tashmja s‘është e denjë dhe e ardhmja s‘është premtuese.", atehere ti i bie te mendosh qe ne te shkuaren diktatura s'paskerka qene diktature, qe enveri s'paskerka qene komunist, qe ahmet zogu s'paskerka qene monarkist etj etj. Une e kuptoj qe ti deshiron thjesht te me bej te kuptoj se politika gjithnje ka vuajtur nga shtirja e hipokrizia, po kjo e sotmja eshte ne nivelin me kaotik, e kriminalomashtrues te te gjitha koherave.

Sol.

kemi kendveshtrime te kunderta! Nuk jam i zoti te them se cili eshte kendi i gabuar.

 emri autorit mu duk si Sokol Qameti me shikim te pare smiley

 

ps: tregojne qe mehmet shehu kur e takonte neper korridoret e komitetit qendror ramiz aline, e qunte "kalemxhi". ngaqe ky tereziste "artikujt e kongreseve". vetem se pas "rrezimit prej olimpit" te mehmetit, ramizit ja la ne dore pushtetin, nexhmija, qe dashurohej prej shkrimeve te tij.

ne ramizi morri ne qafe gjithe shqiperine idioti, ngaqe ishte dhe ai dashuruar pas shkrimeve te tij, e nuku dinte gje tjeter. 

 

 Hajdaro. Teorikisht, Post Scriptumi duhet te jete me i shkurter se Scriptumi. Megjithate ti boj si te dush.

Hajdar, nuk eshte faji i gjithsecilit ketu qe ti mund te kesh frenime te papritura ne sistemin tend nervor te cilat te shtyjne ty ne shekullin e 21, te vazhdosh shohesh halucinacione dhe perralla me Mehmet Sheh dhe Ramiz Ali. smiley

S'e kuptoj pse, por administratoret e Peshkut sikur e kane ulur ca vigjilencen ndaj komenteve pa lidhje me temen, por qe ne te vertete permbajne fyerje personale.

 me duket se posti im i tejkalon preokupimet e tua. kur nuk kupton me e udhes eshte ta pyesesh tjetrin per me shume hollesi, sesa ta marresh direkt si rob te çmend.  

e di qe po te kishe humb rrugen ne pyll dhe te ishe t'u vdek per buke, dukja ime, pak do te te preokuponte dhe do te silleshe me ndryshe.....

tani pak shpjegim :

ky qe shkuan keto artikujt, eshte njeri i pasionuar pas shkrimit por edhe pas politikes. prandaj i permenda ramiz aline. per te mos fol gjepura si ti, permenda diçka prej historise moderne shqiptare. (te ciles akoma i mungon analiza e hollesishme prej intelektualucve shqiptare te derisotshem)

sepse, politikanet qe ja u rren mendia per shkrimtare, nuk jane te dobishem. 

si dhe rrenimi i shqiperise nuk erdhi nga enver hoxha, qe ishte IDEALIST, por nga ramiz alia qe veç shkrime paçavure dinte te bente (qe e shumta mund te ngaterrojne shpirtin e ndonje vajze ambicioze e injorante) e asgje tjeter. 

 

Kjo qe sapo shkruajte ti, ne pikepamjen time ka keto kuptime:

1- Me shtremberimin e emrit te autorit, ti ke dashur te thuash gjera shume te sterholluara, por c'e do qe s'te kuptojne keta injorantet e Peshkut, se ti ne thelb s'je i keq.

2- Ti e njeh autorin dhe e klasifikon ate si nje shkrimtar qe i pelqen politika, ose si nje politikan qe i pelqen shkrimi, por, sipas teje, si rezultat i ketij miksimi qe ty te duket i pamundur, ai nuk rezulton dot si Enver Hoxha qe ishte nje gjeni, por te ngjan ty me Ramiz Aline qe engledisej duke i prishur mendjen Nexhmies me raporte dhe fjalime.

Ne kete moment vendimtar, perpara teje hapen dy mundesi:

Neqofte se ty keto gjykime te duken prej njeriu pa probleme te qarta nervore, atehere te siguroj se ke mendim teper te mire per veten. Por neqofte se befas te kap ndonje krize kthjellimi dhe e kupton se cfare brockullash ke keputur, atehere e ke vete ne dore qe ta eleminosh cfare ke shkruar, te mos e permendesh me, dhe edhe ne, komuniteti i njerezve normale do ta pleqerojme dhe te jesh i sigurt qe nuk do te te lendojme dhe nuk do ta permendim me kete "kryevepren" tende ne fushen e psikiatrise.

Me tmira.

Teza te rifillohet perseri nuk ka kundershtime. Problemi eshte si do te realizohet kjo?

Si mund te shkrihen tere forcat politike dhe te fillohet nga fillimi. Si te c'behet privatizmi dhe te ndryshohet ekonomia qe te fillohet nga fillim

Duket se e vetmja rruge eshte te rikthehet sistemi i meparshem dhe pastaj te rifilloj cdo gje nga e para.

Hmmmm .....Jo ide e keqe.

Vec me dru marim vesh ne jo me "te drejta njer(kes)iu" "ndarje pusht-epshesh",etj etj. Vari ne litar Dajtet & Co. Merja pasurite Delijorgjeve & SHPK, futi ne burg Berishat & Ramat dhe vetem keshtu fillohet nga e para. 

Lundrim. Nuk di te jene vrare 4 police ne kohen e mutizmit nga dora kriminale. Di te jene vrare nga debora apo renia e vincit apo per vjedhje e vrasje ordinere, te jene vrare se keshtu ju tek Sek. te partise apo k/tarit te sigurimit per te bere planin e vrasjeve,  por jo nga kriminelet e rruges. ( Flas per kohen para demo-kra-qi-se se sotme)

Hmmm...... Jo ide  e keqe ....Te fillohet nga e para.......

Tabula rasa per te kushedi te saten here. Po pastaj? Endrra te paperballueshme sigurisht!

Ok. Kjo sa për pak oponencë me të mirat e paparashikuara dhe të keqijat e pashmangshme që çdo oponencë mbi idetë e reja sjell.>>

Pikë së pari vërtitemi rreth konceptit te “njohjes” së realitetit, ai që është: i mirë, i keq; pak i mire – shumë i keq; shumë i mirë – pak i keq, etj. Kjo mbetet tërësisht subjective sa kohë që nuk ofrohet një pikë reale krahasimi. Prej ku deduktohet se jemi më mire (pak më mire në rritje, pak më mire e në vend-numero, etj). Me një pike referimi a krahasimi që mbështetet tërësisht në imagjinatën e autorit, vështirë se mund të matet progresi ose regresi, vështirë se mund të vihen kuota e piketa.>>

Së dyti, vërtitemi rreth terapisë se shock-ut. Eshte folur e eshte perfolur. Sa here kulla na ka dale e shtrembet, nuk kane munguar ata qe kane thene: te shembet, te rifillojme. Me pak, po fare pak perjashtime, nuk me eshte dukur ide e mire. Pse?>>

Sepse, se treti; kjo na vertit serish ne rrethin vicioz te auto-sugjestionit. Na e tjerson projektin deri ne paarritshmeri. Pse?>>

Sepse, se katerti , populli duke e mbrojtur autorin e vertete te aksiomes thote: lace>Polace> I the dikujt budalla 400 here ne dite, avash-avash fillon dhe e beson.>>

Se pesti, me sa di e po degjoj, ligjet i kemi (madje kemi menyre shume here me pak radikale se keto qe proponohen per ti permiresuar); ajo qe mungon (çalon) eshte zbatimi i tyre. Nese ka njeri qe di si tia shpjegojme muratorit se gurat duhet ti vere sipas projektit ne leter, ku kulla dukej drejt e bukur, bujrum..>>

Se gjashti, globalzimi eshte ketu (ready or not, here I come). Jam shume dakord me pjesen qe na duhet nje orientim i qarte, ku, si, qysh tek do inkuadrohemi ne kuadratet e spartakjades.  Me shume analiste e studiues e ushtare pararoje duhet te mbledhin e shtrydhin informacionin se çfare eshte e ku rreh muhabeti.>>

Se shtati, rizgjimi i njerezve here pas here prej zhurmes se madhe, e shamja he kthimi ne krahun tjeter, nuk eshte dukuri ekskluzivisht shqiptare.>>

Se teti,..apo e thash i here keteJ>>

 

Kam nje problem me titullin...

"Rifillojmë përsëri"

krijon nje jehone te cuditshme, krejt te panevojshme. Duhet te kete nje menyre qe nje njeri te shmange keto kotesira nga gjuha e shkruar.

 

 

Nuk mund të shihet si ftesë për të rifilluar atë që nuk filloi siç duhet pas '92?
Apo duhet të presim 50 vjet të tjera për të kuptuar që kjo rrugë që po ndiqet është rrugë pa krye?

E kam fjalen tek titulli.

"rifillojme perseri", ndare ne fjalet me te thjeshta te shqipes: ri fillojmë për së ri.

si mund te behet dy here? eshte eko e panevojshme. Po ta mendosh mire, krijohet nje nyje pa fund. Rifillojme dmth, fillojme nga e para nje dicka tashme te filluar njehere.

Uroj qe t'mos lere pa gjume gjith naten duke rifilluar perseri te rimendosh titullin "rifilloj perseri".

P.s: Pervec titullit, a kishte gje tjeter qe te terhoqi vemendjen?

Neqoftese ne filluar dicka 3 here, heren e dyte e ke rifilluar, ndersa heren e trete e ke rifilluar perseri!

Rifillimi eshte i perseritur, ndersa fillimi eshte riperseritur!

Apo e kam gabim une?

S'na noi gjo, s'ka noi gjo! smiley

Nuk mund te rifillosh perseri. Nuk ka situate te tille. Mund te fillosh perseri, - rifillosh, mund te fillosh per here te trete, fillosh per here te katert. Nese rifillon per here te dyte, dmth qe te njejtin proces e ke zhvilluar te pakten kater here rresht. It's mind boggling, por cuditerisht te "rrifillosh perseri" nuk ka fare kuptim ne shqip, nemos, mund te konsiderohet si gafe e perhapur ne gjuhen e folur ne ate nivel qe te mos i beje shume pershtypje lexuesve apo degjuesve.

Me e kuptushme teza se : "Filosofet ( mendimtaret ) vetem e kane shpjeguar Boten. Puna qendron se si ta ndryshosh ate " Une e perkrah idene e ketij grupi "saktivista" ku ben pjese edhe kjo prurje. Te pakten ata po perpiqen te bejne FILLESTAREN.....Te shpjegojne se cfare ndodh ne Shqiperi . Ata po shpjegojne e krahasojne shume qarte e shume kuptushem duke bere thirrje te rifillojme . Drejte .Te Rifillojme se jeta eshte nje proces i panderprere dhe jo perjashtues . Shoqeria dhe Jeta ne teresi ,kane shume pak te bejne me diskure kot se koti si Civiliteti smiley , qe as shuajne e as ndezin .Jane si perfytyrime ne gote uji .

Po te merresh me fondamentaliste - radikaliste , patjeter qe do gjesh perjashtime ndermjet gjerave te vyera , sic ishte koncepti PRAKTIK i Shtetit ne ish sistemin e meparshem . Dhe do besh pyetje feminore " Kur ishin gjerat ne vendin e vet " Patjeter dhe pergjigjet do jene te frikesuara se mos "akuzohet"  Politikisht smiley  Ose do shfaqesh si Hajdar smiley

Po ishin dhe PLOTESISHT ne vendin e vet ne teresine e tyre . Po te krahasosh dinjitetin e shtetasit Shqiptar si ne kohe te Zogut apo dhe ne kohe te Enverit , karta e IDENTITETIT ishte nje rendesie te vecante me vlera Nderkombetare dhe mbi te gjitha e reciprokisht e respektueshme. . Ja thjesht dy gjera qe mund te ndryshohen e te vihen ne rruge te drejte . Dhe pa shpenzime teorikesh e vlerash ! Dhe pa qene nevoja fare te renditesh gjera me se pari e .... se nenti nuk ka !

Mbase eshte edhe gabim , por ne gjuhen praktike per nje gje ( dicka , proces etj ) te perfunduar me zgjidhje jo te mire ..shpesh perdorim ri...rindize zjarrin ...rishkruaje tregimin ...Pra pa i shndruar thelbin procesit mundet ta rifillosh ate . Dhe per te kuptuar me qarte ,e kush nga ne nuk e ka te varur ne vesh si NDESHKIM shprehjen e Prinderve  apo Mesuesve  RIBEJE edhe njehere nga e PARA ! Ops .... detyrat e arithmetikes smiley Por rifikllimim mund te pranohet edhe ne ate pike ku PROCESI ka marre DEFORMIME dhe DEVIJIME . Them se e ka nje konceptim te tille fjala e gjetur nga Arber ! Te pakten si shtjellim ne problemet  qe vezhgon e nderhyn !

Te gjithe kur flasin per plaget e shoqeris se sotme shqiptare, perdorin epitete dhe fakte qe nuk jane aspak te denja per demokracine qe njohim ne teori dhe praktiken perndimore.   

Eshte me se e drejte qe keto karakteristika, fakte, fenomene dhe kafshime te administrates shteterore nuk jane tjeter vec se karakteristikat e fashizmit me te eger qe ka perjetuar ndonjehere ky vend Euroballkanik.

Do te me pelqente qe Rifillimi apo Riberja qe permenden nga disa shkrues, te fillonte sa me shpejt dhe kjo nuk do te ishte gje tjeter vec se permbysja e fashizmit berishian dhe ndertimi i demokracise se vertete te mbeshtetur mbi pronen e ligjshme dhe ligjet pa xhepa hajdutesh.

Kete kishim enderruar, kur komunizmi shqiptar deshtoi (nuk u permbys nga ca "heronj" pordhace qe digjnin te pa penguar pasurine kombetare dhe ulurinin si cakej, a thua se luftonte Rama i indianeve duke gjuajtur me copa malesh dhe kodra mbi armikun e vet.)   dhe le te shpresojme se do te vije dita kur te jemi te lire nga kermat dhe fantazmat e Kombit. 

Te rifillojme perseri!

 

Teza te vjetra me paketime te reja.

Edhe Enver Hoxha keshtu e filloi mbas luftes se dyte boterore.. Te ndertojme Shqiperine e Re ... dhe e pame te gjithe se ca Shqiperie ndertuam.

 

P.s.: Dikush nga peshqit ketu thote ne nje post tjeter pak a shume se ai i gjykon gjerat bazuar ne te sotmen dhe me syrin drejt se ardhmes.

Mjere ata njerez qe harrojne historine.

 

roland per fatkeqsisht ajo shprehja e vjeter historia magistrae vitae(historia mesuese e jetes) nuk vlen fort per ne...jemi njerez qe harrojme shume shpejt...ndofta kjo eshte e keqja jone me e madhe....

e pame te gjithe se ca Shqiperie ndertuam.

Ka ndonje menyre te aresyeshme per te na thene se cfare Shqiperie ndertuam? Si e gjeten Shqiperine dhe si e beme?

Ka te drejte Bufi ne ato qe thote. Dhe shembulli me i mire eshte Berisha kryeminister per kater vjet pasi dogji Shqiperine, dhe kater vjet te tjera qe sapo i ka filluar. - Po ndoshta nganjehere eshte me mire qe harrokemi.

zotrules, po te tregoj nje sekret te vogel, por te lutem mos i thuaj askujt (une, ti dhe Peshku Pa Uje) une kam nje tip qe nuk u pergjigjem njerezve kur shikoj se flasin kodra pas bregut. po ty te kam mik te vjeter, keshtu qe po bej nje perjashtim. Por do te pergjigjem shkurt ama.

Ka ndonje menyre te aresyeshme per te na thene se cfare Shqiperie ndertuam?

 

Ke degjuar ndonjehere per shprehjen: Fshati qe duket nuk do kallauz. Cfare do ti te te them une per ate kohe? Pse nuk e di ti?

Une, nuk e di sa vjec je ti, dhe nese i ke perjetuar vitet e asaj shqiperise se re ashtu sic i kam perjetuar une. 

Nqs ti je i vogel, dhe nuk i ke  perjetuar ate shqiperine e re ,  atehere nje njeri si ty qe synon te bej 'emer' ketu tek peshku duke komentuar, nuk i falet qe te mos kerkosh te studiosh kete periudhe kaq te rendesishme sidomos ti qe na hiqesh ketu si me patrioti. 

Me sa duket ti nuk e ke bere kete, perndryshe nuk do me beje mua pyetje kaq pa vend si ajo me lart ne thonjeza.

Cheers

 

 

 

 

 

 

 

 

Leri sekretet, llafollogjite dhe denglat. Ke gje per te thene qe t'i japesh pergjigje pyetjes? Se kur kam lindur une dhe sa kam patur mundesi ta perjetoj ate Shqiperi apo sistem, apo kete Shqiperi, apo kurbetin apo tjeter e enderr pas enderre jane vetem brockulla per te thene qe nuk ja ke idene e asaj qe thua.

Pyetje pa vend nuk ka, ka vetem pergjigje pa vend, sic nuk jane pyetjet qe vene ne siklet, por pergjigjet.

Nuk i kuptoj veshtiresite (pamundesi) qe has ti dhe ca te tjere ketu per t'u dhene pergjigje te thjeshta pyetjeve poaq te thjeshta.

Shkurt muhabeti, ke mundesi te mos merresh fare me aludime e fantazi ndaj personit tim dhe te merresh me pyetjen?

Oh my gosch!

ti or cun nuk e meriton kohen time.

 

here tjeter derdellis sa te duash, se pasi lexova kete komentin tend te fundit, me ato tone kaq te nervozuara (te lodh kurbeti) te kam hequr vizen njehere e pergjithmone.

Mos prit te humbas kohen me ty, here tjeter.

Oh my gosch!

Mos valle doje te thoshe oh my gosh!?

ps. sa inat e paske debatin o burr!

Ore leri idjotesirat te thashe. I jep pergjigje komenteve te mia ti apo mezi pret te tregosh cfare idjoti je duke shkruar poshte tyre? Nese u pergjigjesh komenteve te mia, boll me budallalleqe. Ja e tregove veten me ne fund, nuk ke nevoje te vazhdosh ta tregosh. (hajt, beje dhe nje here meqe te duket aresye per t'u krenuar) Nuk te ftoi njeri per t'u pergjigjur njehere. Bera nje pyetje dhe ti tregon se nuk ke intelekt (aka ne shqip=tru) te mjaftueshem per t'iu pergjigjur. Tani trus diku.

Ohh Ttmsoia, nuk e dija se gabimet ortografike paskan kaq peshe ketu tek peshku. Eshte ironike qe ketu eshte vendi ku shqipja bastardohet ne menyren me barbare, dhe prape ca tipave ketu u vjen keq per gjuhet e huaja. 

Eshte po aq ironike, qe miku i ngushte (ky tipi i gjermanishtes poshte teje) i artikullshkruesit nuk thote asnje gje per 'shqipen e bukur' te titullit te shkrimit: Rifillojme perseri - edhe parashtesa ri edhe percaktonjesi perseri.

Tani tek 'debati' yt. Ketu debati eshte nese teza: 'ta fillojme nga e para' eshte e drejte apo jo, nuk eshte nese Shqiperia e Re ishte e mire apo jo. Pra le te fokusohemi aty. Dhe une e dhashe mendimin tim per ate. Tani eshte radha jote, te debatosh me mua - nsq deshiron.

Debati nese shqiperia e re ishte gje e mire apo e keqe ka mbaruar me kohe, rreth 18 vjet me pare. Dhe ai debat nuk u zgjidh duke debatuar por duke luftuar, sepse, ata qe bene shqiperine e re, e kishin jashteligjeruar debatin.

Pak a shume si ca tipa sot, qe kur hedhin nje shkrim ketu tek peshku, presin qe ne vetem ta duartrokasim, dhe jo ta kundershtojme, apo debatojme.

Po te kundershtosh ose te bejne te cmendur sic e bejne Hajdar Bukuroshin aty me siper, ose merren me gabime ortografike si puna jote dhe ketij tipit poshte teje.

 

Ohh Ttmsoia, nuk e dija se gabimet ortografike paskan kaq peshe ketu tek peshku. Eshte ironike qe ketu eshte vendi ku shqipja bastardohet ne menyren me barbare, dhe prape ca tipave ketu u vjen keq per gjuhet e huaja. 

Nuk me vjen keq per gjuhet e huaja aspak, dhe gabimet ortografike nuk kane peshe ne argument, por arsyeja qe une e citova ishte se tregonte qe te gjith gabojne, une, ti, te gjith, prandaj ka gjithomne vend per debat.

Eshte po aq ironike, qe miku i ngushte (ky tipi i gjermanishtes poshte teje) i artikullshkruesit nuk thote asnje gje per 'shqipen e bukur' te titullit te shkrimit: Rifillojme perseri - edhe parashtesa ri edhe percaktonjesi perseri.

Mos valle titulli "Rifillojme perseri" nuk eshte gabim, por ndoshta keshtu indirekt, artikullshkruesi vertet ate deshiron te thote, qe tja "Rifillojme perseri" ? Per kete duhet pyetur artikullshkruesi perpara se te hidhemi kot ne konkluzione, nuk e di nqs me kupton smiley

Tani tek 'debati' yt. Ketu debati eshte nese teza: 'ta fillojme nga e para' eshte e drejte apo jo, nuk eshte nese Shqiperia e Re ishte e mire apo jo. Pra le te fokusohemi aty. Dhe une e dhashe mendimin tim per ate. Tani eshte radha jote, te debatosh me mua - nsq deshiron.

Dakort me llogjiken tende por po sikur une te thosha qe mqns do ja fillojme edhe nje here nga e para ose ashtu sic e thote artikulli tja "Rifillojme"  a duhet me pare te diskutojme a ja vlen apo jo "Rifillimi" sepse ketu ke edhe te drejten te japesh konkluzionet e tua dhe kaq, por do ishte me e bukur ti sqaroje, te te ngacmonim njecik. Prandaj mendova se nuk te pelqen shume debati sepse e pash pyetjen e zotrules brenda kontekstit, pastaj shqiptar hesapi o burr, debatin e duam njecik te forte, ashtu si rakine, gjynaf te mbash inat per kete.

O Zotrules, o pleher e ndyre.

Mos u fsheh pas anonimatit ketu tek peshku te behesh trim, o alabak in ndyre.

Po qe se ta mban bytha, hajde takohemi balle per balle, ti ne angli une ne angli, dhe ta tregoj une pastaj se si flitet. O qelbesire.

 

Kur dhe ku te duash!

Pastaj, per cfare anonimati po flet mor prezervativ i shpuar? Une jam nder te vetmit me foto ketu... Ku e ke foton tende?

PS: e tregove dhe njehere krenarine tende. Je aq i parashikueshem, sa nuk duhet fare te perdoresh inteligjence per te treguar hapin tend te dyte.

Nje gje ka mire ky me roland....b . Fiksimin e vetaftesise. Oh mine Gosch !Po une po flas per 

Teza te vjetra me paketime te reja.

Edhe Enver Hoxha keshtu e filloi mbas luftes se dyte boterore..  

Ju i nerumi zotrules qe nderhyte me te drejte per nje rishikim teRifillimit vetem per RI jeni shume gabim qe pas kesaj nderhyrjes  rrenjedale te rendesishme te Roland....b , u perfshite ne keto perfundime filososfike te ziqorit percaktues te librit "c'eshte mire , c'eshte keq"..... alias Roland...b .

Ja dhe Teza e plotte e ketij filosofi bashkekohor ne ndertimin logjik te pergjigjeve . Ate c'thame me siper , nuk e kemi per gje ta leme poshte sic e thame me lart dhe vice versa smiley

Ketu debati eshte nese teza: 'ta fillojme nga e para' eshte e drejte apo jo, nuk eshte nese Shqiperia e Re ishte e mire apo jo. Pra le te fokusohemi aty. Dhe une e dhashe mendimin tim per ate. Tani eshte radha jote, te debatosh me mua - nsq deshiron.

Dhe nese e desheron mendimin tim si asnjanes , them se Ju zotrules jeni duke bere nje gabim te pafalshem ,qe nuk dalluat qe ne fillim nje konstrukt mendor nga te shpures se "Forca cuna" . I vetmi ndryshim eshte se ve nje Oh mine Gosch qe mund te kuptohet shume mire ne shqip

Oh ! Une ha  GROSH... pastaj edhe debatoj smiley

Idrizo, nuk e di nese je dakord me pohimin qe "cdo gje ka vend per permiresim".

Sa me shume tevazhdosh me te ...them se je kunder ketij pohimi . Ai eshte adoleshent fytyre gri ... Deri sa harrin ne kercenime fizike them se eshte edhe i cekuilibruar psiqik. Tani ti mund te zgjedhesh vete  smiley

Po gjithsesi per kesi rastesh SADIu i Arte eshte prezent .   Nuk zihen kurre dy njerez me tru / As nje mendje ditur / me nje mendje HU!.....  Pra puna eshte tek "zenia" , grindja , tregimi dhembeve njeri -tjetrit , jo debati qofte ai edhe me shkalle te larte ashpersie !

Une do i kisha dhene nje birre, e ti akoma te sherret e ke mendjen! Po mos kujto se e kish seriozisht dhe ai... Jo per gje, po do t'i dukej pervoje qe do t'i trondiste vete egzistencen sikur te hante dajak live nga nje qe i jep edhe ketu.

Sherxhi , me kan pas thene kur qesh i vogel... Dhe pa e vene perfund hasmin nuk i ndahesha smiley Ju befte mire birra . Kjo po qe eshte zgjidhje nga JU !

Atehere hyn Berns . Nje nate me pije miq e defrim /me ben te harroj vite me vuajtje e hidherim

Idrizo, me korigjo nese gaboj por kam degjuar qe nga anet tuaja ju thoni femijeve meshkuj:"mos m'hajde n'shpi i rrafur se ndryshe te rrafi une per se dyti". smiley Ndaj si je nda hasmit ti. smiley

Do na e nxjerresh nga hundet ate birren me duket. Po dale se akoma s'jemi takuar de.

Ashtu eshte trandafile . E ke nigju mire. Ketej nga DELEVARET i thone "hiqi skalpin " andej nga ne " haji chachken e syrit " . Ka plot fise ( psh nga rrjedh Taison ) qe "te hane veshin " smiley Po si ky Roland ...b qe te ha    ?Cfare ? Le ta percaktoi cfare do i haje zotrules kur te takohen. Sipas kesaj del se do i haje mezen , se birrat i qeras zotrules !

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).