Një klub për bashkatdhetarët rusë dhe vëllezërit shqiptarë

Kultura jonë dhe ajo ruse takohet në shumë pika. Padyshim, ëndrra dhe dëshira jonë është që këto marrëdhënie të arrijnë në atë nivel që ato kanë qenë dikur. Nga kjo, besoj se të dyja vendet dhe popujt tanë vetëm të mira do të kenë. Ne mund të marrim shumë nga ky vend i pasur, por edhe ata mund të fitojnë diçka të re nga kultura shqiptare, apo jo? Ëndrra e çdo qytetari rus përkon me atë që ato kohëra të vështira midis dy vendeve tona, koha e perdes së hekurt, të mos kthehet kurrë më. Të paktën e kanë një adresë ku mund të trokitet, por nuk është mjaftueshëm. Është si ajo shtëpia e re që duhet të mbushet me të gjitha orenditë e nevojshme. Dhe financimi mbetet pengesa kryesore. Atë çfarë kanë deri më tani është dashuria e pashtershme për vendin e tyre, i cili iu mohua për më shumë se 30 vjet dhe një bibliotekë me libra rusë, të cilën po e pasurojnë pak e nga pak. Suzana Karagjozi, kryetarja e Shoqatës së Bashkatdhetarëve Rusë në Shqipëri, thotë në një intervistë se kjo shoqatë, jo si një iniciativë e saj private, por rezultat i bashkimit të shumë zërave në mbështetje të saj, është në hapat e saj të parë. E themeluar në 2007-ën, kjo shoqatë ka për qëllim të sjellë më pranë bashkatdhetarëve rusë vendin e tyre amë, si edhe të shuajë kuriozitetin e shumë admiruesve shqiptarë për Rusinë, kulturën, vlerat dhe traditat saj. "Mund të them se qëllimi i krijimit të kësaj shoqate ishte ngjallja e një interesi akoma më të madh për kulturën ruse ndër bashkatdhetarët që gjenden këtu te ne, si dhe për të sjellë vendin e tyre më afër me festat e tyre tradicionale. Në këtë mënyrë, ne mund të krijonim një Rusi të vogël në Shqipëri", thotë Karagjozi. Sipas saj, "është koha për të kërkuar ndihmë nga media dhe nga organizata donatore të ndryshme që mund të na mbështesin në këtë iniciativë tonën. Për momentin jemi me ndihmat e bashkatdhetarëve tanë. Ata kanë dhënë ndihmën e tyre në mënyrë vullnetare". Ajo njëkohësisht fton të gjithë bashkatdhetarët rusë që nuk janë në dijeni të kësaj shoqate ku mund të trokasin, të bashkohen me këtë organizëm dhe të shprehin edhe problemet që ata mund të kenë. "Përpjekjet tona do të vazhdojnë derisa ne të krijojmë një klub në kuptimin e mirëfilltë të fjalës. Ky nuk do të jetë një klub vetëm për rusët, por edhe për shqiptarët, që ta njohin kulturën e këtij vendi dhe ta shijojnë atë. Ka admirues të Rusisë, të cilët mund të duan të bashkohen me ne", përfundon Karagjozi. Sipas saj, klubi i bashkatdhetarëve rusë bashkëpunon me Shoqatën e Bashkatdhetarëve Rusë. Tashmë janë tri breza të tyre në Shqipëri. Në vitin 2007 lindi nevoja e themelimit të një shoqate që do t‘i përfaqësonte, qëllimi i së cilës do të ishte ngjallja e një interesi akoma më të madh për kulturën ruse, për të sjellë më afër Rusinë përmes festave tradicionale. "Në këtë kontekst ne kemi organizuar shumë koncerte të këngës, të gjuhës ose kampionate të ndryshme, për shembull të shahut (siç e dimë Rusia dallohet për këtë loj&eumlsmiley si e si që të mbahet gjallë lidhja e bashkatdhetarëve me vendin e tyre. Mund të them se jemi të vonuar në krahasim me vendet e tjera, të cilat kanë kanalin e tyre televiziv, shkollat e të tjera", vijon më tej zonja Karagjozi. "Nëse do të flasim konkretisht për aktivitete të caktuara, mund të them se jemi nisur nga fakti se Rusia është një vend me shumë tradita të forta. Për shembull, le të marrim gastronominë karakteristike ruse. Me qëllim që nipërit dhe mbesat tona të mos e harrojnë këtë traditë, ne organizojmë dreka ose darka të vogla me ushqime tradicionale ruse. Qëllimi është të mos e lëmë këtë traditë të mrekullueshme të vdesë apo këtë shije të mrekullueshme të ushqimit rus të harrohet. Edhe hapja e kursit të gjuhës ruse falas është diçka tjetër me mjaft interes. Zor se gjen ndonjë nga brezi i dytë që nuk di rusisht. Ne nuk duam që kjo gjuhë e mrekullueshme, të cilën e flet më shumë se gjysma e botës, të harrohet nga nipërit dhe mbesat tona", vazhdon Karagjozi, sipas së cilës këta janë vetëm hapat e parë të krijimit të një klubi. Për momentin po punohet për krijimin e një biblioteke me libra rusë. Po si e shohin shqiptaro-rusët marrëdhënien mes të dy vendeve? "Ne, si njerëz të thjeshtë me gjysmë gjak shqiptar dhe gjysmë rus, do të donim t‘i bashkonim bashkë Shqipërinë dhe Rusinë nëse ato do të ishin afër gjeografikisht, sepse shikojmë shumë gjëra të përbashkëta brenda vetes sonë. Kultura jonë dhe ajo ruse konvergon në shumë pika. Padyshim, ëndrra dhe dëshira jonë është që këto marrëdhënie të arrijnë në atë nivel që ato kanë qenë dikur. Nga kjo, besoj se të dyja vendet dhe popujt tanë vetëm të mira do të kenë. Ne mund të marrim shumë nga ky vend i pasur, por edhe ata mund të fitojnë diçka të re nga kultura shqiptare, apo jo? Ëndrra e çdo qytetari rus përkon me atë që ato kohëra të vështira midis dy vendeve tona, koha e perdes së hekurt, të mos kthehet kurrë më", përfundon Karagjozi.

 

54 Komente

ja dhe nje tjeter minorance po hap dyqanin ne shqiperi, per inat te gjithe komuniteteve te dhjaspores shqiptare

Ja ku na dolën edhe disa kopila të tjerë nga koha e bashkim-vllaznimit ruso- shqiptaro-bolsheviko-bunkerist-internacionalisto-proletar.

Pfu.... pis milet

Te paska ngel sahati shume mbrapa peshk..
Pis milet ti themi gjysmes shqiptare apo asaj ruse?

O peshkaqeno!

Car thu mer daje! Si mer i thu kopila gjithe atyne robve qe kane none e babe, jane gjalle, jane edhe zonja e zotni t'nerume!!

Vetem sepse e kane nje prind rus?

A jeni n'vete apo nuk jeni?

C'eshte mer kjo pune k'shu me ne shqiptaret?

 

C'eshte mer kjo pune k'shu me ne shqiptaret?

E kam pak problem kete fjalen "ne"!  "me disa" do te ishte me e goditur.

Cfare te perbashketash kemi me ruset me Karagjozke? Hajt, filloje nga kultura njehere, pastaj nga mentaliteti, apo gjuha, apo historia, apo apo, nga te duash ti... Vetem na i trego pak keto te perbashketat.

Ja te te them une nje te paperbashket:

Nese ne shqiptaret i kemi pare ruset gati me admirim, si nje popull i madh dhe qe kane treguar fuqi dhe energji te pashtershme pergjate koherave shume te veshtira ndoshta per egzistencen e tyre; nderkohe, ata na kane pare si nje mushkonje Ballkanase, shpeshhere e padenje per egzistence. Jo me kot edhe kane mbeshtetur politikisht dhe ushtarakisht cdo perpjekje te serbeve, bullgareve, malazezeve dhe grekeve per zhdukjen e shqiptareve. A mund te mohoet kjo? Apo mos nuk eshte e vertete fakti tjeter qe shume popuj kane vuajtur nen thundren ruse...

Shume gjera mund te na bashkojne, por per momentin aq me pak po me vijne ne mendje...

ruset pine votka gjithe diten si derr

ene ne pime raki gjithe diten sa me i mejhone te tjetra,

ja ku e gjeta nje te perbashket...

apo historia

Theofan Noli u konsakrua Peshkop ne Kishen Ortodokse Ruse!

mentalitet te afert; 50 vjet komunizem (import rus meqe ra llafi...) mgjte. kjo 'nisma' e shoqates eshte per faktin se antaret jane ruso-shqiptare ose shqiptaro-ruse kshuqe eshte e kuptushme. Nuk e ka keq kur sugjeron se 'mund te kthehet ne ure per permirsim marrdheniesh'. Duam apo jo ne, Rusia ka per te ngel faktor me peshe...sic thone kto vllaznit knejna:
- if you can't beat them, join them!

Zhvillimi i vendit eshte ceshtje berje detyrash te shtepise dhe s'eshte ceshtje parazitizmi ne shpinen e ndonje shteti qe ne konsiderojme si me te fuqishem. Megjithate, nese zgjidhet per kete te fundit, te pakten le te zgjidhet per nje superfuqi ekonomike dhe jo per nje korruptive.

La_rosee kur te vije dita qe shteti shqiptare mos ti shoh shtetet apo organizat e huaja nga duart ( si p.sh Ameriken apo BE mbase na fal ndonje dollar apo ushtare per Kosove) atehere i kemi bere detyrat e shtepise.

Nuk me pelqen qe nje shtet me nje histori te gjate dhe nje kulture per tu admiruar perkufizohet me korrupsionin apo komunizmin. Jo se nuk jane te verteta, por duhet te jemi me mendje-hapur me 2009.

Ka nje keqkuptim fatkeqe midis Shqiptareve dhe Ruseve qe kane sjell nje "armiqsi" ne dukje te pa-kuptimte. Diku lexova  qe ne nje konference per Albalogjine shumica e albolegeve ishin RUSE!

Ceshtja eshte, Liqo, qe Shqiperia eshte vend teper i vogel per te qene ne gjendje te ece krah-per-krah me the big guys, duke nen-kuptuar qe veme veten direkt ne nje pozite inferiore. Nje neutralitet dhe nje fokusim ne problemet e brendeshme do ishte e keshillueshme/e deshirueshme. Sidoqofte, ne cdo rast, interesi me i madh ne aleanca i Shqiperise duhet te jete drejt vendeve te BE-se. BE-ja eshte ne gjendje te menaxhoje ne forme te drejte servilizimet e vendeve te vogla, t'i perdore jo krejtesisht ne forme te demeshme dhe kur nevojitet t'i mbeshtese. Rusia, ne kete prizem, nuk ka mekanizma kontrollues qe e ndalojne te beje lojen e saje. Pra, Shqiperia duhet te dije se kujt ti lepihet ...Por natyrisht qe tashme eshte e qarte qe politika e jashtme shqiptare nuk ka nje linje te drejte, te fokusuar ne nje drejtim, por eshte shperndare si vaji ne lakra.

mu do me pelqente qe te runim nji pozicion mundsisht asnjeanes po per fat t'keq kjo nuk ka ndodh deri sot.
Shof Salen qe ngre koken kunder Iranit kur Muhadinexhadi i tregon dhembet Izraelit ose shof Salen qe, si nxenes i dalluar del i pari kunder Rusise kur kto i bijn Gjeorgjise...kto un nuk kom me i kuptu najher...

Injorance, Bredharaku, injorance. Ja si spjegohet politika e jashtme shqiptare.

Nje neutralitet dhe nje fokusim ne problemet e brendeshme do ishte e keshillueshme/e deshirueshme

Pikerisht per kete gje nje nga problemet e brendshme eshte arti/kultura shqiptare e cila ka nevoje me teper dhe me urgjente per ndihme, sesa "vizat" e BE-s.

Nuk kam lexuar deri me sot ne historine e Shqiperise si komb qe 1 here te vetme lepirja te na le me shije te mire. Gjithmone na thartohet gjuha me pas! Edhe Historia kurre nuk duhet nenvleresuar.

Mire qenke pergatit per sot.. Ulu 5*.   smiley

Flm profesor Liqeni. Ne vijim do mundohem te mbaj kete nivel ne lenden tuaj; nuk do doja ne asnje forme qe te ulja standardet me te cilat jeni mesuar. smiley

Ne cilin rresht duhet te ulem? Rregulli eshte qe nese nje njeri prish qetesine ne auditor, gjithe rreshti del jashte. Le ta quajme njefare peer pressure. Pra merrni parasysh kete te dhene kur te me jepni nje rresht; mundesisht nje rresht me studente peshkope qe se kane mendjen tek kili-kili.

ne nje konference per Albalogjine shumica e albolegeve ishin RUSE!

Dhe nuk eshte pa vend edhe te thuash qe ruset jane "lidere" ne ate fushe. Bile ata kane punuar si "qeni" qe ceshtja shqiptare te behet publike nga mediat ruse, edhe gjate fushates se dhunes dhe gjenocidit serb ne Kosove, edhe gjate bombardimit te Natos kur ruset me sasi te pamjaftueshme gjaku ne venat e vodkes dilnin shesheve e kerkonin te mbroheshin vellezerit serbe.

zot,

Albanologjia eshte shkence edhe ata qe e studiojne merren me historine e shqiptareve dhe gjuhes se tyre.Pra, nuk ka kontribut me te madh se kaq ti japesh nje vendi. Mos ta ngaterrojme me politiken dhe luften qe jane gjera te vecanta dhe krejt te kunderta. Sigurisht qe Kosova na ndan dhe nuk besoj se ka njeri me 2 pare mende ne koke te pohoj te kunderten.

Lezo sec shkruan La_rosee. Vende i vogel qe nuk mund te jete krah per krah aleate e te medhenjve. Atehere llogjikisht a nuk mund te mendojme se jemi edhe vende i vogel per te qene "armik" i te medhenjve?

Per sa kohe Shqiptaret (shteti,kombi) te lepihen - nuk meritojne me teper se nje lypes. Me pelqen ideja e nje ri-ngjallje te marredhenieve kulturore (te pakten) me Rusine bazuar ne asnje lloj interesi monetar/politik sepse nuk ka asnje lloj interesi monetar/politik.

Nese mendojme qe nuk kemi asnje lloj lidhje vllazerore me Rusine dhe per rrjedhoje nuk ka sec mesojme nga ata atehere lind pyetja. Nese Shqiperia nuk ka asnje lloj lidhje me Rusine si nje vende me kulture evropiane atehere a mund te ma thote kush c'lidhje ka Shqiperia me vendet Islamike, e cila eshte vende antar ne organizaten e tyre?

 

 

Liqo, e kisha seriozisht ate komentin me siper. Mos u genje nga thonjezat qe perdora, se ishin per nje fjale te huaj dhe nje shprehje frazeologjike.

Sa per:

ri-ngjallje te marredhenieve kulturore 

Nuk i kemi dhe aq te shumta sa mund te mendosh. Madje i kemi te pakta. Mos u mashtro nga vrulli i marredhenieve qe kishim kur i takonim bllokut komunist. Nuk eshte shkembim kulturor qe te importosh nga revolucioni kulturor bolshevik modelin e qethjes ballabokse, per te eleminuar shprehjet e huaja. Apo edhe realizmin socialist me ndikim te drejtperdrejte nga blloku i lindjes... Sistemi i kaluar kishte shume te mira, por dhe shume te keqia, dhe nuk mund te quhet zhvillim pozitiv apo kulturor realizmi socialist, megjithese kultura pati zhvillim shume te jashtezakonshem, gje qe mund t'i atribuohet thjesht faktit qe nuk ishim edhe aq te preokupuar me pushtuesit apo lufterat e armatosura ne truallin tone dhe qe perjetuam nje periudhe relativisht te qete brenda kufinjve, pa u shqetesuar shume se po hynte serbi apo Hitleri ne Tirane. Por duhet pranuar nga te gjithe, qe nese ne Shqiperi do te kishte liri mendimi dhe shprehjeje, kultura jone do te ishte zhvilluar ndoshta ne nje nivel te paimagjinueshem; ndoshta me keq, por ndoshta me mire... Dhe kjo eshte fale atyre marredhenieve kulturore qe permend ti me siper. Shkrimtaret burgoseshin sepse ashtu ishte ideja e revolucionit dhe ashtu behej andej nga veriu, e jo se e shpiku Enveri apo Partia.

Cfare do doje te ringjallej ketu? Sepse perndryshe, kulturisht, nuk eshte se jemi ndikuar aq shume nga ruset dhe pak nga gjermanet apo italianet... e po te jete se flasim drejt, nga anglezet apo dhe turqit... dmth, ruset jane ne liste, por nuk jane afer kryes.

c'lidhje ka Shqiperia me vendet Islamike

Kete pyetje drejtoja Prof Dr Sali Rame Berishes, ish sekretarit, ish mjekut te bllokut, ish presidentit, ish kryeministrit dhe kryeministrit aktual.

Meqe do te besh krahasime te tilla, si te duket: 70% myslymane, 18% ortodokse dhe 12% katolike? Dhe ai 18%, eshte ndikuar nga patriarkana e Stambollit dhe jo nga patriarkana Ruse. Dmth edhe per aq nuk kemi lidhje, nese na rrjedhin mendte dhe duhet t'u pergjigjemi krahasimeve qe ben zotrote. (me fal, po jane krejt pa lidhje... vellezer me ruset nuk jemi me teper sec mund te jemi vellezer me gjithe njerezimin.) Ftillohu njehere, se u katandiset duke bere pyetje qe ofendojne inteligjencen.

O profesor,

 

pse kam pershtypjen se nuk e ke degju najher fjalen 'gjeopolitike'?
E per c'a duhen me u zhvillu marrdheniet me Rusine nqse nuk kane interesa ekonomike dhe politike ne radhe te pare? per nji koncert apo dite filmi rus?

Rusia vuri pertoke gjithe europen permes kercenimit te gazit. Kujton ti europianet vertet e shofin Rusine si aleate te vyer etj? jo mer daj - mgjse asnji nuk e thote hapur, te gjithe e dine qe nuk ka ndonje dashuri te zjarrte ruso-europiane po jane interesat ekonomike qe drejtojne ato politike. Ne duhet ta kena mire me kedo pavarsisht mendimeve ndryshe. Eshte budallallik t'i vesh kusht Rusise: o ndrro kurs pro Kosoves, ose une nuk zhvilloj marrdhenie me ty. Vetem nqse ulen tensionet, mund te ndikosh dhe kjo behet vetem permes diskutimeve. Kjo puna e ksaj shoqates eshte nji pike uji ne qe sjell uje ne perrua po sigurisht nuk ka asgje te keqe.

Pershtypjen e ke se ashtu i ke te gjitha pershtypjet.

Marredheniet kulturore nuk ka nevoje te zhvillohen per interesa ekonomike. Pastaj, Rusine nuk e mjel dot, se jane morti di fame dhe me shume se ty.

Kercenimit te gazit Rusia le t'i thurre kenge e lavde, se ne Shqiperi nuk pi uje fare.

Asnjeri nuk e sheh Rusine si aleate ne Evrope. Nuk eshte firmosur ndonje aleance me te. Rusia eshte thjesht ne pozitat dhe statusin e partnerit. Gjermania shet andej e Rusia shet ne Gjermani. kaq.

Nuk mund t'i vesh kushte nje shoqerie. (kososva qe thua ti) Jo sepse ruset kane top te gjate dhe na u drodhen leqet nga frika, por sepse nuk kemi marredhenie te tilla me ta qe te kesh cfare te kushtezosh. Ja fut kot ti. Gjithsesi, mosnjohja e Kosoves nuk eshte aresye e mjaftueshme per te prere marredheniet komplet, apo per te mos zhvilluar marredhenie te metejshme.

Po ti lexoji njehere ato qe them une, se ndoshta edhe ti mendon ashtu... mos u nxito se te kujtohet fjala "gjeopolitike" dhe vrap ta shkruash para se te harrosh fare.

robo,

ti ke shume mllef te pergjigjet dhe e bo sa me la 'borxhet'. Llafi 'profesor' ishte per liqenin qe po vinte nota; ty mund te quaja profesor vetem po te isha i pim. Mesa shof un ti paske ngel me perkufizimin e Rusise te carit.
Ruset qenkan morti di fame? di te bosh dallim mes ruseve si individe dhe pozicionit gjeopolitik te Rusise?! (pytje retorike se un e shof qe s'e ke idene po e bo thjesht me shkrujt). Rusia eshte nji nga vendet antare te G8 me pasurite me te medha te gazit natyror ne bote dhe nji nga eksportuset e medha te naftes. Eshte superfuqi energjitike per mos me permend budallalliqe si zotrimin e 1/4 te rezervave te pashfrytzume ujore (te pastra) ose lendes drusore; eshte GDP e 8te ne bote ose e 6ta nqse merr n'kosiderate paritetin e fuqise blerese; eshte 1 nga 5 vendet me status permanent ne Keshillin e Sigurise ne OKB.

- Europa nuk e shef Rusine si aleate?!
ore, i ke 2 gram tru ti apo jo?!
nqse ruset nuk i ke ne NATO, kjo eshte sepse Rusia e shef veten si kundershtare e zgjerimit te NATOs, po te ish per europianet, ata e bejne antare brenda dites. Kjo varet vec nga vullneti i Rusise. Edhe mos fol gjepura se eshte turp kush te lexon:
....Gjermania ble dhe Rusia ble.... - thote...
Merkel u detyru me vrap me j'u lepi Rusise kur kto mbyllen saracineskat e gazit per n'Ukraine..po eshte normal qe do kete marrdhenie ekonomike po Rusia eshte nji faktor 1,000 here me me shume 'leverage', qe i arrin krahu shume larg, fale faktit qe eshte superfuqi energjitike. E thonme trashe fare, benzat e Gjermanise nuk ikin shume larg pa nafte ose benzine dhe ngrohje me dru vec n'fshatrat e ballkanit mund te behet. Politika shef larg plako, sot mund te mos kesh nevoje per gaz po nqse do zhvillim te qendrushem, do vije dita t'ja kesh dhe do ish shume mire sikur te blije gaz me te lire sesa ai qe shitet ne tregun boteror fale marrdhenieve te mira me Rusine.
hajt, turqeta e me men' n'kok' !

Me fal o Bredharako, se nuk e dija qe ishe kaq ekspert! Bjeri legenit tani... Ti s'kupton shqip o i ngrate, cfare vlere ke ne muhabet, jo me ne diskutim! Per cfare behet fjale e cfare brockullis ti...

PS: beji te fala wikipedias, dhe pyete njehere edhe per peshkun se cfare vellazerie kane shqiptaret me ruset dhe sa uje pi gazi, energjia apo cdo gje tjeter ruse ne Shqiperi.

PS2, me kaq mbyllet dialogu me ty apo "eksperte" te tjere te kalibrit tend.

shof me kenaqsi qe je detyru me kontrollu Wikipedian masi ke lexu mo lart. Qeter her boje para se me qit ksi xhevahiresh nga goja / dora!

Shqiptaro-ruset kane te drejte te bejne klub dhe ketu ska asgje te keqe.

Personalish nuk i shikoj ruset si armiq dhe nuk i perbuz.

Por nuk e kuptoj kete qellimin e ketij klubi.Ndersa ata shprehin deshiren qe Shqiperia dhe Rusia te kene marredhenia shume te mira si dikur,ndoshta nuk e dine qe keto marredhenia jane ne pike shume te ulet dhe kjo jo per faj te Shqiperise.Ndoshta kjo zonje nuk e di se me shume se njehere Rusia ka qene dhe premton te jete kunder shqiptareve.

Nuk e di por ndersa per disa studentet qe studiuan ne vendet e Lindjes shikoheshin si shpetimtare,personalisht mendoj se ata kane qene ne shumice me anti-shqiptaret qe kam njohur,kjo sepse akoma besonin tek internacionalizmi proletar dhe nena Rusia.Per shumicen e tyre Kosova ka qene nje cerdhe fashiste dhe serbet clirimtaret e saj.Nese bisedon me ta dhe mbron tezen "Kosova eshte Shqiperi" te hidhen ne gryke dhe te akuzojne per nacionalist.Nuk ju ve faj xhanem se ashtu jane brumosur!

Para disa ditesh po diskutoja me nje burre plak per revolucionin grek dhe solla disa fakte nga libri i Aristidh Koles "Arvanitasit dhe prejardhja e grekeve".

Jo -tha-nuk me pelqen se Aristidh Kola eshte shovinist!!

Ore- e pyeta - ku ke studiuar?

Ne Rumani -me tha-ne vitet 55-60

Ne rregull -i thashe dhe nuk ja zgjata muhabetin sepse do te ishte kohe e humbur.

Nuk e di por shume nga ish studentet e Lindjes kete mentalitet kane, ose ata qe kam takuar une nuk perfaqesojne shumicen.

Gjithesesi me vjen mire qe ky brez nuk eshte me ne pushtet apo fusha te tjera te vendit tone.I fundmi i tyre ishte Alfred Miosiu.

 

antaret e ktij klubi jane gjak-shkartismit o pra...jane ato qe kane pas nji prej prinderve / gjyshave ruse.

ti besoj e ve re qe pervec te qortueshmit plak, edhe vete i perndershmi Aristidh Kolia, nese ka studiuar ne Rumani, eshte ish-student lindjeje.

Hahahahaha!

Une u lodha per sot me Partine e Pellazgeve!

Po e di ti qe bona mire qe kalova edhe i here te fundit para se ta kpus litarin e ballones per sot?

Pachi t'gjithe nje uikend te vizllueshem!

Na Zdravyje! smiley

...Se mu kujtu edhe i' gjo tjeter t'perbashket qe kena me ruset neve! smiley

Nje fare Ismail, Ismail Kadare, shkrimtar shqiptar i shekullit te 20-te dhe fillimit te shekullit te 21-re, ka studiuar per tu bere shkrimtar ne Institutin Gorki!! http://en.wikipedia.org/wiki/Maxim_Gorky_Literature_Institute

Une personalisht, ne mos per gjo tjeter, vetem per kete pune, qe e kane shkollu dhe arsimu te siperpermendurin, i jam borxhli gjithe jeten kultures ruse!

I ka hak nje birre me dy kremvice! Kultura Ruse e kam llafin!

Ti qenke mrrokell me gjith mend... Po pse o djale, fakti qe ka studiuar Ismaili ne Rusi qenka e perbashket historike? Po late nam more!!! Po te quajme te perbashketa te gjitha budallalleqet e kesaj natyre, ne qenkemi popull vella me turqit, italianet, greket, egjiptianet, amerikanet, anglezet, francezet... pak a shume me gjithe boten! Ismaili mund te jete engjell, po mund te jete dhe djall, dhe per as njerin e as tjetrin opcion nuk mund te mbahet Rusia pergjegjese. Ruset mund te jene dhe popull shume i mrekullueshem dhe Ismaili te dilte qen bir qeni, nuk do stigmatizonim ruset se doli edepsez nje dallkauk. Po ky rregull duhet te funksionoje njesoj nga te dyja kahet, perndryshe duhet te jesh mrrokell fare, si thone ca te famshem, "borxhlinj te perjetshem".

Dhe askush nuk e mohon nivelin e kultures ruse.

Jane popull i madh, i fuqishem, qe kane ndikuar boten jo per ca vjet, por me shekuj, si nga kultura dhe nga aspekte te tjera.

Puna eshte, qe edhe me popuj te tjere poaq te medhenj dhe te ngritur, mund te mos kene asnje gje te perbashket.

Dhe te paken me ne shqiptaret, nuk ka asnje perbashkesi.

Ne historikisht kemi vuajtur nga pushtimet, gjysma e te cilave ka vershuar nga stepat ruse. Pra ne mund t'i mbajme pergjegjes apo shkaktare, kurse ata nuk mund te bejne kurre nje gje te tille me ne.

E nese dikush mund te permende lavdine e madhe te bolshevizmit; shqiptaret nese ia kane pare ndonjehere hajrin; - ndonjehere, - ka qene fale nje gjeorgjiani me emrin J. V. Stalin, dhe vetem fale atij, se hajrin nuk ja pame as kur ruset drejtoheshin nga me i moderuari i komunizmit dhe themeluesi i Rusise moderne, V.I. Lenin. Per te mos permendur luften Ruso-Turke, fale traktatit perfundimtar te se ciles Shqiperia u shkaperdhye fare si komb, popull dhe entitet gjeografik! Mos te harrojme qe edhe armiqte me te medhenj, me pergjegjesit per copetimin e Shqiperise, ne krahasim me ate qe kishte ne plan rusi ne traktatin e Sh. S., dalin si shpetimtare te popullit tone!

Po nuk eshte se duhet te mbajme ruset e sotem pergjegjes per mekatet e careve te tyre; por nuk eshte aspak pa vend te deklarosh qe ruset me ne NUK KANE ASNJE GJE TE PERBASHKET!

Hajt, filloje nga kultura njehere, pastaj nga mentaliteti, historia....

A e ke shkrujt ti kte nolt apo e kam gabim une?

Po pra, Ismaili me kulturen, jo historine, dhe Fan Noli me historine! C'kupto ktu ti?

Ti po pytshe ca na lidh neve me rust apo jo?

Une te dhashe dy!

Fan Nolin, per te cilin nuk me dhe xhevap dhe Ismailin!

Gjithe t'mirat nga Mrroklla! smiley

It's not you, tha! It's me!

Nuk e boj mo!

.........

C'kupto ktu ti? 

Kuptoj qe ca njerez jane aq mendjengushte, dhe dine aq pak, sa te identifikojne historine mijeravjecare te nje kombi me nje Nol dhe kulturen e nje kombi me nje Ismail. Por te vleresoj lart sepse te pakten emrin e ke gjetur esaf si te takon.

cfare te perbashket kemi ne me ruset?

 

 

Muzhike kane ata muzhike kemi ne,

qe ene nji tjeter dyna,

prit sa te kujtohem se ka mona

Mua me duket nje nisme shume e mire dhe te gjitha komplikimet e disa komenteve te mesiperme, sinqerisht nuk arrij t'i kuptoj.

I bej urimet e mia me te mira themeluesve dhe shpresoj qe ky klub te jete me te vertete aktiv dhe te luaj nje rol te konsiderueshem per afrimin dhe njohjen e te dyja kulturave, vecanerisht te kultures ruse, nje vend gjigand ky qe te pakten ne shekullin e kaluar ka qene nje oficine e madhe dhe e gjalle prodhimtarie ne fushen e letersise, artit, arkitektures, ideologjive, teknologjise e shkences, etj... Shqiperia vetem mund te mesoje nga arritjet, por edhe nga deshtimet e Rusise.

 

Ju pershendes me kete veper te piktorit rus Kandiskijt nje nga themeluesit e piktures abstrakte (qe s'mund te vinte tjeter pervecse nga nje vend me tradite ikonografike si Rusia). Kompozicioni 8:

kandinsky-compo 8

ej, se i keni hy me zjarrm t'modh faktit se c'a kena t'perbashket me ruset. Dhe e gjitha kjo, per nji klub a shoqate...sipas ksaj, meqe nuk na lidh asgjo me ruset n'vecanti e me sllavet n'pergjithsi, ne duhet me pa vec nga Ellaqia (e kom llafen per grekt) dhe nga taljont. C'a jane kto debate mer cuna? gjasme me dal anti-konvencionale dhe o-burra, bohena anti-globalista?!

maj shoket afer, po armiqte edhe me afer !

mos harroni dhe qe prej ruseve kemi filmin Skenderbeu. aktori qe e lun eshte gjithashtu rus, se aktoret shqiptaret nuk dinin ti hypnin kalit, ne ate kohe kishte veç gomare ne albani. (se mos vetem atehere heh smiley )

sa per ate qe ruset i kane mbrojt serbet, nuk eshte 100 % e drejte. du te them qe populli i thjeshte rus, nuk ka si mos perkrahe serbet si te nje "gjaku", te atij sllav. ndersa inteligjencia jo dhe aq. ne dallim me serbet ku per çeshtjet nacionale nuk ka perçarje te mbrendshme, tek ruset, popull jashtezakonisht i kulturuar e dijetar, gjejme shpesh elemente qe dalin kundra "rrymes zyrtare", ose qe i shohin gjerat më me shume paanesi, dmth me drejt. 

siç ishte nje here, dikush, gjate luftes se kosoves, qe u kujtoi serbeve qe ata kujtoheshin per "vellezerit ruse" vetem atehere kur e kishin punen pisk e nuk shihnin rrugedalje tjeter.

tjeter, ruset kane femra te bukura, qe dashurohen lehte pas shqiptareve dhe qe japin femije te mençur e bile patriote me flete. 

Inva Mula e ka te jemen ruse. 

 

Po ku dolen gjithe keta frute te vellazrim-bashkimit internacionalist proletar per te formuar shoqate se pasi u prishem me Ruset, xhaxhi urdheroi te ndaheshin edhe nga grate qe i kishin nga Rusia apo vendet e tjera te bllokut komunist te lindjes?!

Nejse, seriozisht tani, keta shqiptaro-ruset apo ruso-shqiptaret (si e therrasin veten?) te bejne shoqate apo edhe cfare te duan, por per te ndikuar ne marredheniet ndermjet dy vendeve eshte si pune enderre me sy hapur ne diten me diell.

Rusia me Shqiperine ndahen (flas si interesa te dy vendeve) dhe kane orientime krejt te kunderta. Dhe keto ndarje dhe perplasje shprehen hapur dhe nga nivelet me te larta.

Rusia s'eshte e tepert te thuhet se eshte armiqesore ndaj kombit shqiptar. Jo vetem sot por qe nga koha e Imperatorise Otomane kur mbeshteste grabiqaret sllave te kafshonin trojet shqiptare. Ndersa sot me ceshtjen e Kosoves eshte nga pengesat me te medha.

Shqiperia eshte nje vend pro-amerikan dhe qe perkrah interesat e SHBA qe bie ndesh me ate qe ka ne mendje ai spiuni i KGB-se qe sundon Rusine sot dhe me sa shihet do te vazhdoje te jete aty per kohe te gjate.

Sidoqofte, i urojme sukses ne kete punen e shoqates. Perpjekja per te ruajtur identitetin dhe per ta bere te dobishme dhe pasuri per vendin ku jeton, duhet pershendetur.

 Rusia s'eshte e tepert te thuhet se eshte armiqesore ndaj kombit shqiptar.

rusia lal as do t'ja dije se a ekzistojme apo jo. eshte vend aq i madh sa i del e tepron vetvetja.

pra nuk na ka as miq e aq me pak armiq.

per momentin mbetet vendi qe e ndihmoi me pa hile shqiperine. po te mendojme ne aq pak vite, kjo mer vlere te vertete. intelektualet qe studiuan atje jane dhe mbeten robt me te arsimuar sot per sot ne shqiperi (ne fakt ishin, se kane kohe qe kane dale ne pension e gjysmat i internuan xhelozet fshatare qe u zune vendin e sot cicerojne e japin mend kudo, edhe tek ky forum). 

ishim ne qe e prishem me ta (kur shikon gjykime si te tuat, te behet e kuptushme), e jo ata me ne. ndersa ishte kina qe e prishi me ne, e jo ne me ata. (kjo sa per qartesim historik smiley )

O ti bukuroshi Hajdar

qe fjalet i shkruan pa karar!

"gjysmat i internuan xhelozet fshatare qe u zune vendin e sot cicerojne e japin mend kudo"

Fshatare ishin dhe ata "intelektualet qe studiuan atje jane dhe mbeten robt me te arsimuar sot per sot ne shqiperi".

Por ka edhe me : "ruset kane femra te bukura, qe dashurohen lehte pas shqiptareve dhe qe japin femije te mençur e bile patriote me flete."

Dua nuse Ruse!  Dini ndonje web rus qe shkruan shqip?  smiley

Ka dhe nje variant tjeter: shqiptaret, te thare per femra ne nje Shqiperi ku femrave s'ju shihje as gjurin dhe ku qejfi me i madh- per me t'zhvillumet-ishte ndonje puthje e vjedhur ne stolat e parkut(natyrisht per kete duhet te ishe ne qytet), bien ne femra me te lira ruse. Tani, ne vend qe keto karajfilat te jetojne ato dashurira me syrin e vjeljes te rinise dhe basta, shkojne e bien me paeksperiencen e tyre vertete brenda. Beginner's bad luck hesapi. smiley

hiihihihih  La_rosee si shkruan ta marrsha sikur i ke bere vete ato "puthjet e vjedhura ne stolat e parkut"..   smiley

Po c'pune ke ti o trendafil me ato kohe? Ti, une dhe 90% te peshkatereve me te degjuar i kane ato kohe. 

Ti je brezi i shthurur shqiptare pjelle e asaj kohe qe sot nga inati/qejfi/deshira/ e lyp vet !  smiley

Tek rreshti kili-kili ( whatever this mean) e ke vendin sot. Ulu!

 

Po si konsideroke brezin tone si te shthurur mo derezi? smiley Nese e analizon me mire, do kuptoje qe ne jemi brezi i pare qe po jetojme ne ndershmeri te plote, ne radhe te pare ndaj vetes, pasi po perballojme me ball te hapur pasojat e veprimeve tona. Aaaaa, prof., dobet sot! Me kete ritem do te te heq titullin... smiley

Ik se s'ulem tek ai rresht! Aty ulu vete po deshe; ti qe me zor ke kalu klasen!Ngeles!smiley

Po pse kur bie brenda, automatikisht nderpritet sezoni i vjeljes?

Sa per Rusine:

Me te mbaruar lufta Ruso-Turke, Rusia donte te krijonte nje ballkan orthodoks, qe nenvizonte Rusine, vellain e  madh orthodoks qe cliroi orthodokset e tjere nga zgjedha muslimane turke. Dhe u perpoq qe ti shndrronte shtetet e reja ballkanike ne shtete orthodokse dhe satelit te Rusise.

Ishte pikerisht kjo strategji e Rusise qe i dha mbeshtetje politike, mbeshtetje direkte me ane te armeve dhe ekspertizes ushtarake, mbeshtetje diplomatike dhe ligjore copetimit te kombit shqipetar, dergeses te mijera shqipetareve te Greqise ne Turqi me preteksin se ishin Turq vetem per faktin se ishin muslimane, aneksimit te trojeve shqipetare nga Malizi dhe Serbia, qe pa ndihmen e armeve dhe diplomacise Ruse nuk do ja kishin arritur te aneksonin troje shqipetare. Pra ka qene gjithmone ne interesin e  Rusise qe ballkani te mos kishte nje shtet te pavarur jo-orthodoks, prandaj edhe perpjekja qe shqipetaret te ndaheshin midis shteteve orthodokse fqinje ,satelite te Rusise dhe te perbenin vetem minoritete jo-vendimmarrese, dhe ketu interesat bien ndesh. Komunizmi premtoi nje ndryshim te sjelljes Ruse dhe fillimisht me Leninin dhe me pas me Stalinin deri diku Rusia nuk tregoi armiqesi direkte kundrejte Shqiperise, perkundrazi deri diku marredheniet ishin edhe miqesore pas prishjes me Titon, por me vdekjen e Stalinit Rusia edhe njehere nxorri ne pah fytyren e vertete shoviniste dhe imperialiste, e cila eshte ne konflikt te plote interesi me aspiratat e kombit shqipetar. Per fat te keq konflikti i Kosoves na tregoi perseri qe Rusia mbetet nje shtet qe ka synime imperialiste drejt ballkanit qe bien ndesh me interesat e shqipetareve, sepse eshte nje strategji e mbeshtetur tek imazhi i Rusise si vllai i madh orthodoks.

Sa per kulturen e Rusise mund te hapim nje debat te gjere dhe te diskutojme, por Rusia nuk ka qene kurre, dhe vazhdon te mos jete pjese e kultures dhe civilizimit Europian, por ka polin e saj, deri diku te influencuar nga Europa.

 

Klubi le te hapet dhe i uroj jetegjatesi dhe mbaresi, le te perpiqen te gjejne te perbashketat ose te ndihmojne ne permiresimin e marredhenieve shqiptaro-ruse por mendoj se Rusia ka pak per te humbur nga armiqesia me shqipetaret dhe shume per te fituar nqs arin te kete influencen qe deshiron ne ballkanin perendimor. Ashtu edhe Shqiperia ka pak per te humbur nga armiqesia me Rusine, duke pare qe nuk perdorim as gas Rus e as arme Ruse me, dhe as nuk kemi me nevoje per to, dhe shume per te fituar nga rritja e influences ne ballkanin perndimor. Pra jane dy shtete me interesa diametralisht te kunderta.

 

Po ku ishe o TT??? Pse me kaq vonese? leqe u harxhove kot njehere, se nuk e ke marre vesh qe ketu po flasim me eksperte te marredhenieve nderkombetare me mastera dhe doktorata ne fushat e energjitikes, gjeopolitikes dhe ... nuk e di, te gjithanshem...

ke harru me shtu qe ktu ka dhe rob qe folin kodra mas bregut. Kto rob masanej, munohen me i dhone posteve doza ironie si kjo mo lart qe mu m'provoko t'vjellme direkt sa i lexoj

Klubi le te hapet dhe i uroj jetegjatesi dhe mbaresi, le te perpiqen te gjejne te perbashketat ose te ndihmojne ne permiresimin e marredhenieve shqiptaro-ruse por mendoj se Rusia ka pak per te humbur nga armiqesia me shqipetaret dhe shume per te fituar nqs arin te kete influencen qe deshiron ne ballkanin perendimor. Ashtu edhe Shqiperia ka pak per te humbur nga armiqesia me Rusine, duke pare qe nuk perdorim as gas Rus e as arme Ruse me, dhe as nuk kemi me nevoje per to, dhe shume per te fituar nga rritja e influences ne ballkanin perndimor. Pra jane dy shtete me interesa diametralisht te kunderta.

me open-minded mer cuna dhe goca...si qenka ky muhabet kshu: nuk na duhen marrdheniet me Rusine sepse nuk kena nevoje per gaz e arme...

Ne nuk kena ma djeg dru perjete (1) dhe, perdorimi instensiv i gazit i sjell vec avantazh nji ekonomie ne zhvillim (2). Ai percjellsi i gazit eshte nji arsye me shume per me pas alternativa te lira energjie pa lon mas dore kto te tjerat. Ne nuk do vazhdojme me jetu si para 200 vjetesh...Miqsia me Rusine i jep nji pozite me te rendsishme Shqiprise, si vend antar i natos, i heq Serbise ose Greqise nji pjese te mire ndikuse ne Europe plus anes te mire per ceshtjen shqiptare ne pergjithsi. Jane pikerisht serbet perfitusit me te mdhenj te marrdhenieve te ftohta qe kena sot me Rusine. Pa harru ktu qe Rusia ka akoma ndikim ne shume vende te botes 3-te. Psh. nji njohje e Kosoves prej Rusise, e mbyllte njehere e mire njohjen nderkombtare ose jo te Kosoves sepse, mas Rusise do vershonin shumica e vendeve qe akoma nuk e kan njoft.

 

p.s. per ato qe i cilsojne ruset si te mbarum, duhet me pa sa mijera turiste ruse prishin miliona dollare ne Europe sot...bile cilesohen se, nuk jane aspak doreshtrenguar dhe njihen bashke me japonezet si turistet ideale. Kohet kan dhe po vazhdojne te ndryshojne prandaj duhet me u adaptu.

Klubet per ne shqipot jane mjete jetese qyl. Nje rruge jashte shtetit (vize dhe shpenzime rruge), nje rroge ( qyl duke ndenjur) , nje mjet per te te trasnportuar matejale ilegale ( droge etj me pasaporte diplomatike si k/i klubit) shitje mendsh ( YYYYYY jam k/klub une kam nje zyre dhe nje karige, kam njerez/bageti qe drejtoj nen veten time)

Di njeri sa Klube/shoqata/OJQ/parti ka gjithsej ne shqiperi?

 liqeni, degjo ketu or taj,

ismail kadare, avni mula, et plot te tjere studenta rusie, nuk ishin gje fshatare. 

pastaj po te me kesh ndjek ndopak neper bisedat ketu e ailleurs une ne kundershtim me shume te tjere bashkefshatre ose bashkqytetare prej shqypnijet, nuk kam gje kundra katunarise, perkundrazi e konsideroj si baza e nje vendi, e nje populli. 

pa katundare nuk mund te kete POPULL. tek popujt ku ka "vdek" fshati, ka humb vitaliteti, po vdesin dhe vete mnjf. nejse se kjo eshte teme tjeter ....

tani, sa per shpjegim per 20 vjeçaret e sotshem, qe nuku njohin gje te madhe as prej shqiperise as prej katunarise se saj heroike, po shtoj se :

regjimi komunist vitet e para te tij  ishte shume entuziast (ne dhjetor te 59, prishen marredhniet me bashkimin sovjetik, lexo "Dimrin e madh" te Kadarese per me shume). njerezit ishin akoma idealiste pra per rrjedhoje te ndershem. ne rusi nuk eshte se çoji fashtaret, por shpuri ME TE MIRET e vendit, te shkollave shqipe, me te zgjuarit pra. 

seleksionimi ishte PA HILE. ç'ndodhi me pas. kur marredheniet u dhjene me ruset, u mbyllen dhe portat per studime jashte. per me teper, ne vend, ndryshoi dhe politika e mbrendeshme. shqiperia hapi shkollat e veta te larta, dhe u vu ne zbatim teoria " ta realizojme gjithçka me forcat tona". (qe na morri ne qafe perfundimisht)

pikerisht ne keto momente, "katundaret e vertete" (shih ate "thenien e momentit" ne krye te faqes, per me me i kap sensin kesaj) dmth te paaftet, xhelozet, xhambazet, dallaverexhit, partiaket zgjepsa te bazes, etj, u hudhen ne aksion dhe per te arritur vendet e pakte drejtuese dhe sulmuan keta "katundaret e aresimuar jashte" duke i spiunuar si AGJENTE. se ndryshe nuk kishin si tu mernin krahet. (kur natyra nuk te pajis me veti superiore, normal qe ti perdor ato te uletat qe te gjenden afer)

Ismail Kadare po te mos ishte gjirokastrit (prej te njejtes nahije me Enver Hoxhen) do ta kishin fut ne burg direkt, keta zgjepsat e ulet te partise, qe edhe sot nuk duan ta shohin me sy.

a kupton tani bukurosh ? apo do shpjegime me te gjera ?

Te lexova  bukurosh hajdari. Per vitet 50 s'di c'te them se s'me kishte pjelle ime me ende... Bile s'jam i sigurte nese kishte pjelle vete..  Une gjithmoj shkruaj me ditet e sotme dhe me te ardhmen ne mendje..Por kur ju lexon biografine shkrimtareve apo artistave shqiptare gjithmone Rusia eshte pjese e tyre ose mesuesve te tyre. Edhe do s'do sikur terhiqesh drejt kultures se tyre.

Nejse, ate muhabetin e nuseve ruse me vertet e kishe apo e shkruajte ashtu kot per sport?  smiley 

 

 

 kam pas plakun tim student rusie dmth, i njof gjonat ka afer (plaku nuk i dogji kurre fotot e dashnoreve te tija atje, siç bene shumica, megjithese u martua me pas me shqiptare smiley ).

gjithashtu besoj se tek njerezit eshte si tek sendet ne fizike (dmth veprojne te njejtat effekte), te kundertat lidhen me fort sesa te ngjashmet (pranej dhe shofim zezake me bjonde). ne jemi shume te kundert me ruset, e kjo na len mbresa te pashlyer me pas. per vete vetem 24 ore kam ndejt me nje ruse, qe e njofta ne rruge dhe qe me propozoi vete ta shoqeroja ngaqe nuk njifte parisin e qe merrte avionin te nesermen. 

pastaj qe ruset jane te bukra nuk e them une po gjithe bota sot. 

Ne fakt ne kemi vertet disa pika te perbashkta me ruset persa i perket mentalitetit, karakterit, sepse i shohim ketu ne emigracion, vec politika e tyre eshte ca e dhjere. Anojne padrejtesisht nga ana e serbit, qe ka bere kerdine mbi shqiptaret e Kosoves.  Sa per letersine ruse, ajo eshte e perkryer, dhe ne kemi sec te mesojme.

 Ne fakt ne kemi vertet disa pika te perbashkta me ruset persa i perket mentalitetit, karakterit, sepse i shohim ketu ne emigracion, 

e perbashketa jone me emigrantet ruse, eshte mungesa "perendimore", ne dukje kryesisht. pra nuk jemi oksidentale ne paraqitje, na mungon takti ne te folur, eleganca ne sjellje e kryesisht veshje, etj. pastaj ne perendim ti has, vetem muzhiket e rusise (njerez nga fshatra te thelle qe moska u duket pa aq e pakapshme sa parisi). ruset me shkolle, ose me banim neper qytete, nuk largohen prej vendit tyre, se jane shume patriote.

po ti njohesh nga afer, nuk kemi asnje gje te perbashket. ata jane shume me me TALENT nga ne. shume me spirituale (popull thellesisht fetar), etj, etj.

shume me pak oksidentale gjithashtu. smiley

ps: nje rus e pranon shtypjen me gezim, ngaqe e di qe nuk ka lind ose nuk ka gjasa per te dominuar, dmth mendon se nuk eshte i afte per gje te madhe. nuk tenton djallin dmth.

ndersa nje shqiptar, edhe pse asnje shans nuk ka prej natyres qe eshte treguar doreshtrenguar me te, nuk perkulet kurre. ai ngel e vdes i pabindur. 

jemi karaktere krejt te kunderta dmth. 

O hajdaro, pash nerin se nuk behen krahasimet ashtu. Sidoqofte, nuk jane te drejta. Nese do te krahasosh popull me popull, ke shume aspekte per t'u kapur. Mua nuk me rezultojne ruset me te talentuar se ne. Nuk merren gjerat ashtu si i merr ti, se po krahason nje popull 140 miljonesh, qe dikur ishin mbi 220 miljone me nje popull ne nje shtet 3 miljonesh. E fundi i fundit, zeri i ka dale shqiptarit ndoshta me shume se rusit dhe kinezit bashke per makjavelizem! Por nuk mund te thuash se u krahasuan popull me popull. Nga pervoja personale, une mund te them me plot goje qe ruset jane popull pijanec, por nuk mund te dal ne ate konkluzion dhe ta mbaj per milestone kur i krahasoj me shqiptaret. Ruset jane dhe popull shume i dashur, - kjo po nga pervoja personale, dhe jane shume me te dashur, te afrueshem dhe te shoqerueshem se perendimoret. E ndoshta do them budallallekun e rradhes ketu qe do me hidheni gjithe ju peshqit ne fyt, por nese rusi te pret ne shtepi, e ben nga mikpritja, ndersa shume shqiptare e bejne per sy e faqe, edhe pse te presin aq mire sa te ndihesh ne siklet. Dmth edhe ne kemi ndryshuar shume gjera, pavaresisht se kemi qejf te flasim me krenari, por shume gjera qe kemi patur, cuditerisht po i humbim. Por dhe kjo nuk perben aset per t'u permendur ne krahasim popull me popull. Ne fakt, te them te drejten, sinqerisht, nuk me pelqen shume kur krahasohen kombet...

Sa per paragrafin e fundit, ate e kemi, jemi te palekundur ne pergjithesi, dhe ky eshte faktori jone i mbijeteses. Prandaj jemi ende aty ku jemi, prandaj vazhdojme te egzistojme. Shqiptari zhduket vetem me menyra shqiptari; pra, vetem shqiptari di si ta zhduke shqiptarin, sepse te tille, aq makjaveliane jemi, aq te nderlikuar ne karakter, dhe i huaji ka perdorur gjithmone menyrat qe, edhe pse nga me mizoret te historise, kane qene ato te gabuarat, te paefikasshmet kunder fenomenit "shqiptar".Per mua ajo pjese e karakterit, aq e rralle nder popujt e botes, perben nje aresye per te qene krenar poaq sa gjuha dhe historia jone.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).