Aksioni te lojërat e fatit, bllokohet "Regency Casino"

Njësia e Mbikëqyrjes së Lojërave të Fatit, kontrolle në të gjithë vendin

Ditët e fundit, Njësia e Mbikëqyrjes së Lojërave të Fatit, NJMLF, ka nisur një aksion të gjerë në rang vendi, nga ku ka konstatuar shkelje të ligjit, miratuar 6 muaj më parë nga Kuvendi i Shqipërisë. Struktura në varësi të Ministrisë së Financave njoftoi dje se gjatë aksionit është bllokuar ditën e djeshme kazinoja "Regency Casino", pranë kompleksit "Tajvan" në kryeqytet. Sipas NJMLF-së, "mungesa e certifikimit dhe përmbushjes së standardeve të reja për këto lojëra, detyruan inspektorët e Njësisë së Mbikëqyrjes së Lojërave të Fatit të plotësojnë procesverbalet dhe të rrethojnë me shirita të kuq 75 makineri elektronike të kësaj kazinoje. Pajisjet kanë dalë përkohësisht nga përdorimi, deri në plotësimin e detyrimit ligjor, në të kundërt do të sekuestrohen.

Më 15 korrik të këtij viti, skadoi edhe afati 6-mujor gjatë të cilit, sipas ligjit të ri për këtë lloj aktiviteti, duhej të përfundonte certifikimi i të gjitha makinerive elektronike në kazino, apo në sallat e lojërave të fatit në të gjithë vendin. "Aktualisht janë certifikuar vetëm 3 mijë makineri elektronike, ndërkohë që në të gjithë vendin ka rreth 6 mijë të tilla. Pra gjysma e makinerive elektronike ekzistuese është jashtë parametrave të kërkuara dhe me ligj duhet të dalin nga qarkullimi", sqaroi dje për mediat NJMLF-ja.

Për këtë qëllim, Njësia Mbikëqyrëse e Lojërave të Fatit ka nisur një aksion të gjerë në shkallë vendi, për bllokimin dhe më pas shkatërrimin e makinerive të padeklaruara, apo që nuk përmbushin standardet. Pak ditë më parë, njësia në varësi të Financave shkatërroi 100 makineri (slot makin&eumlsmiley, pronë e disa kazinove në Tiranë dhe Shkodër.

Specialistët e njësisë mbikëqyrëse sqarojnë se certifikimi i makinerive elektronike ka të bëjë me një sërë kushtesh teknike, të cilat mbi të gjitha i ofrojnë lojtarit mbrojtje maksimale ndaj çdo forme të abuzivitetit nga zotëruesi i makinerive.

Në fillim të vitit 2009, NJMLF-ja nisi një aksion edhe më të gjerë në rang vendi, duke vendosur një mori gjobash, vlera totale e të cilave arrinte në rreth 500 mijë dollarë. Përveç gjobave, njësia e ngritur me ligjin e ri ka ndërmarrë një sërë bllokimesh dhe sekuestrimesh.
 

3 Komente

Sandri nis revanshin në emër të doktorit

Nga Antena brenda familjes
Gazeta Tema
17/07/2008

Sandri dje e humbi durimin. Ndryshe nga Flamuri që ruajti gjakftohtësinë për një vit, ai nuk duroi dot. Mori telefonin dhe vendosi të kërcënojë. E nisi me drejtorin e gazetës “TemA”. I ra telefonit dhe, sa dëgjoi zë matanë, e mbylli prapë.

- Merre ti, - i tha Frangajt të vogël.

- Po ç’t’i them, - tha ai, - se nuk e kemi as këtu afër që t’ia fusja me celular si atij të Ora News?

- Merre, futi një të sharë, i thuaj, ti k..., ta tregoj unë ç’do të të bëj, do të të shkatërroj fare, do të të çoj për lesh.

- Mirë, - tha Frangaj i vogël.

E mori telefonin dhe doli prapë zëri në anën tjetër të telefonit.

- Desha të sqaroja ca gjëra me ty, - tha, - se shiko, ne jemi fis me emër dhe ti s’mund të na tallësh ne fisin, se ke thënë që babai im ka pas pasaportë diplomatike, po babai im s’ka dalë nga fshati… se ti ndoshta e ke, ngaqë shkruan ai Edisoni te gazeta jonë dhe thotë si duhesh vrarë dhe përdhunuar, por ne nuk ndërhyjmë në politikën e medieve tona, se jemi media të pavarura…

- Ik mor ti, mos u tall, - i tha drejtori i gazetës. - Çfarë Frangaj je ti që ke thënë katër fjali dhe s’ke përmendur asnjëherë fjalën k….?!

Dhe i mbylli telefonin.

Kaq i duhej Frangajt të vogël dhe i nisi nja pesë mesazhe që e shante me gjithë fjalorin e Sandrit.

Po inati nuk i doli me kaq.

Ia tregoi Frangajt të madh gjithë skenën. Sandri u xhindos. Mori telefonin.

- Doktor, m’u sos durimi, - tha. - Nuk mund të duroj, ke katër vjet që më thua prit, prit, mbaruan dhe zgjedhjet. Nuk mund ta toleroj më. Dëgjo, më lidh pak me atë Shkëlqim Hoxhën, atë Çimin e Brukselit, si i thoni ju, dhe i thuaj ka Sandri një punë me ty. Mos u përzie ti, se merrem vetë me të.

- Mirë Sandër, - i them unë. - Po shiko, nuk dua revansh politik Sandër, ti e di që unë nuk hakmerrem kurrë politikisht. Sidomos me medien. Çfarë nuk bëri gazeta “TemA” ndaj meje. Unë nuk u prek asnjë fije floku. Dhe makineritë e shtypshkronjës që i bllokoi policia nuk ia preku asnjeri. Aty i janë ndryshkur. Dhe s’ia ka prekur njeri. Të gjitha aty i ka. Epo, se janë për plehra, s’kam faj. Aty janë, s’ia ka prekur njeri. Më ka akuzu djalin për makinën, po të jesh i sigurt që makina ka marrë flakë vetë. E ka thënë policia, e ka thënë hetimi, unë s’merrem me llafe. Prandaj nuk dua hakmarrje, nuk dua revansh, të jemi në rregull.

- Jo, jo, mos ki merak, - i tha Sandri.

Pas pak u lidh me atë Çimin e Brukselit.

- Çimo, po ku je mo burrë, se s’jemi ulur ndonjëherë bashkë. Më mban mëri që atëherë që rrahët Paskal Milon në Bruksel, se unë atëherë isha me Metën. Po ja, tani u bëmë të gjithë bashkë. Ç’kemi ndonjë gjë?

- Mirë Sandër, ça halli ke?

- Dëgjo vëllanë se fola dhe me doktorin, dhe më tha fol me Çimin dhe tregoji ç’t’i bëjë. Këtij të kazinosë në “Tajvan” duhet t’i q... robt, ta çosh për lesh. I thashë doktorit, sa mbaruan zgjedhjet, trefishoja taksat dhe ia trefishoi. Njëherë vitin e kaluar ia pesëfishoi. Po nuk e rruan ai. Shko prishja gjithë makinat, bëja copë. Ta marrë vesh mirë që e ka nga unë. Dhe thuaja që e ka nga unë.

- Fole me shefin ti?

- Po, po, fola, sa isha në zyrë të tij. Folëm gjatë dhe për ty. Më tha që “është djalë i mirë.” “Tek ai i kemi shpresat, - tha, - të na mbledhë ndonjë lek tani pas fushatës.” Bëj këtë punë, se të çoj unë në një vend më të mirë.

- Jo mo burrë, mirë jam këtu, ti vetëm fol mirë te shefi, se të tjerat t’i rregulloj unë.

- Jo, këtë hall kam unë, dua t’ia q... robt, ta çosh për lesh, se ka një mik ai që është kruajtur me mua. Po ta provojë të kruhet prapë. Se unë s’dua të përzihem vetë ore, se i q… robt, po ka bërë fjalë me këtë vëllanë e vogël.

- Mirë vëlla, i thuaj atij vëllait të vogël të më dërgojë një kamera dhe shkojmë bashkë në kazino dhe ta keni ekskluzivitet vetëm ju.

- I madh je Çimo, hallall e ke! Do flasë mirë vëllai për ty, mos ça kokë. S’i lë këtë plehrat të livadhisin unë. Se ata të Vizionit u kruajtën dhe ua çova ndërtesën e antenës për lesh dhe për karshillëk u thashë atyre të policisë ndërtimore, lëruani të tjerëve, prishuani vetëm atyre. Ore, ata e duan me dru, se nuk i dilet ndryshe, po ç’t’i bëj atij doktorit që është zemërbutë. Se unë ua q… robt. I madh je, hallall! Ja po ta çon vëllai kamerën dhe qaje fare.

Kete lajm e dhane ter mediat ketu ne Shqiperi. Dicka calon , perplasje klanesh ndoshta.

Kazinote, zbulohet skema e mashtrimit

Rozeta Rapushi
Koha Jone
E Diele, 19 Korrik 2009

Vertetohet se kazinote kryesore ne vend, Regency Kazino sh.a, Rozafa Palace, Simban sh.a, etj, jo vetem shkelnin ligjin, por edhe abuzonin me marzhin e fitimit i caktuar me ligj per klientet. Nga kontrolli i ushtruar ne zbatim te ligjit per kazinote, nga specialistet e Ministrise se Financave, rezultoi se makinat jane jashte standardeve dhe u mundesojne organizatoreve te lojerave te percaktojne marxhe shume te uleta te fitimit per te gjithe ata qe luajne. Ne nje kohe kur ne ligjin per lojerat e fatit, percaktohet se jo me pak se 50 per qind e xhiros duhet te perfitohet nga lojtaret. Nje manover e tille, u ka mundesuar organizatoreve te ketyre lojerave te kene fitime te medha, duke rrenuar xhepat e shqiptareve. Ministria e Financave konfiskoi diten e djeshme 125 aparate te lojerave te fatit, ne disa kazino kryesore ne vend. Pergjegjesi i sektorit te Kontrollit per lojerat e fatit ne Ministrine e Financave, Redian Kristo, tha dje se nga kontrolli i kryer rezulton se ne Shoqerite Regency Kazino sh.a, Rozafa Palace, Fito sh.a, Simban sh. a Tirana Elektronik, Everest, Xhoi co 21 dhe te tjere, u konstatuan lojera elektronike te cilat nuk plotesojne standardet e kerkuara nga ligji. "Keto makina, lejojne qe organizatoret e lojerave te fatit te nxjerrin fitime abuzive ne kurriz te lojtareve apo klienteve", u shpreh Kristo. Per kete arsye, ne zbatim te ligjit, ne tre ditet e fundit u moren masa administrative. Sipas Kristos, u konfiskuan 125 aparate te cilat nuk i plotesonin standardet, 45 prej te cilave ne shoqeri te licencuara per ushtrim aktiviteti lojera fati, si Fito sh. a Intertronik, Everest sh. a, Xhoi co 21, Rozafa Palace. Ne reagimin e Ministrise se Financave, permendet edhe problemet e hasura gjate konfiskimit te aparaturave qe u rrembenin padrejtesisht parate klienteve. "Gjate konfiskimit te makinave te Rozafa Palace, u haser pengime antiligjore dhe situata u zgjidh vetem me nderhyrjen energjike te forcave te rendit", permend Kriso. Po keshtu, 80 lojra te tjera elektronike u konfiskuan ne subjekte te paregjistruara. Nder masat e tjera administrative te marra ne zbatim te legjislacionit per lojerat e fatit, u bllokua dhe aktiviteti i 75 lojerave elektronike ne ambientet e Regency Kazino. Njesia mbikeqyrese e lojerave te fatit, nisi pak dite me pare nje aksion te gjere ne shkalle vendi, per bllokimin dhe me pas shkaterrimin e makinerive te padeklaruara apo e nuk permbushin standardet. Makinerite elektronike qe u shkaterruan, u sekuestruan ne Tirane edhe ne Shkoder.

Kompanite qe abuzonin me lojerat e fatit

Regency Kazino, sh. a

Rozafa Palace

Fito sh. a

Simban sh. a Tirana Elektronik

Everest

Xhoi co 21

Konfiskohen, 125 aparate qe nuk plotesonin standardet

Detaj - Perballja

Specialistet e mbikeqyrjes se lojerave te fatit, pohuan se hasen edhe pengime antiligjore nga ana e organizatoreve te lojerave te fatit, gjate konfiskimit te aparaturave ne Rozafa Palace, ku situata u zgjidh vetem nga nderhyrja e forcave te rendit.
 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).