Toskë? Gegë? Asht mir me ken shqyptar

Toskë? Gegë? Asht mir me ken shqyptar

 

“Toskë e gegë nuk merren vesht shoq me shoq… Në mes tyre mbretëron një antipati e trashëgueme gjysh-stërgjyshi, e cila shkakton shpeshherë zënie e grindje…”, - ka thënë më shumë se sa një shekull e gjysmë më parë dr. Johan Georg von Hahn, një vëzhgues i shkëlqyer i botës shqiptare. Ka sa të duash dhe të tjerë para, e sidomos pas Von Hahn-it, që e kanë vënë re dhe e kanë theksuar këtë gjë. Pati nga ata, që edhe ngjarjet e vitit 1997 i përkufizuan si një ndeshje mes gegësh e toskësh.

Teprohet me këtë përfundimin e fundit? Sipas shumë gjasave po, por kjo nuk do të thotë se ne duhet ta marrim në mënyrë të shpenguar këtë punën e kontrastit midis tribuve tona. Një numri diferencash midis tyre koha nuk ka mundur t’u bëjë gjë tjetër, veçse t’i kalcifikojë. Këto diferenca pra, të vëna re e të theksuara nga qindra vizitorë, vëzhgues, gjeografë, gjuhëtarë, historianë, spiunë, studiues, diplomatë, konsuj, gazetarë, sociologë, pushtues, ushtarakë, misionarë, antropologë, klerikë, akademikë, publicistë, të huaj e shqiptarë, të Gegërisë e të Toskërisë, ekzistojnë që ç’ke me të edhe sot e kësaj dite. Gegët janë qejflinj të armëve, ndërsa toskët janë qejflinj të parave; gegët dinë të bëjnë luftë, toskët dinë të bëjnë propagandë; gegët janë trima, toskët janë mendjehapur; gegët janë të dhënë pas fisit, toskët janë të dhënë pas vetes; gegët janë poetikë, toskët janë prozaikë; gegët janë dionisiakë, toskët apoloniakë (në konceptin nitzsche-an të termave); gegët janë të zgjuar, d.m.th finokë e dinakë, toskët janë të mençur, d.m.th pragmatistë e të korruptueshëm; gegët pëlqejnë jetën rapsodike brenda fisit, toskët pëlqejnë jetën sociale jashtë shtëpisë; gegët duan ta këqyrin bukurinë, toskët duan ta shijojnë atë; gegët pëlqejnë burrninë, toskët pëlqejnë njerzillëkun; gegët i duan gratë për t’i nderuar e për t’u nderuar prej tyre, toskët i duan gratë për t’i kënaqur e për t’u kënaqur prej tyre; gegët jetojnë për një nder, toskët jetojnë për një çikë qejf; gegët janë fanatikë, toskët janë të shthurur; gegët te çdo njeri shohin një mik/armik, toskët te çdo njeri shohin një ortak; gegët bartin virtyte kombëtare, toskët bartin virtyte civile; gegët janë të dhënë pas normave etike, toskët janë të dhënë pas normave civile; gegët parapëlqejnë vetëgjyqësinë e ngritur mbi kode morale, toskët parapëlqejnë të jenë nën hyqmin e një organi suprem amoral, siç është shteti; gegët shohin me dyshim modernitetin, toskët shohin me dyshim traditën; gegët janë tradicionalistë, konservatorë, deri edhe reaksionarë, toskët janë progresistë, liberalë, deri dhe revolucionarë; gegët janë zogollianë, toskët janë fannolianë; me gegët mund të ndërtosh një komb, me toskët mund të ndërtosh demokracinë e shtetin e së drejtës; gegët janë të djathtë, toskët janë të majtë.

Të kuptohemi, afërmacioni i fundit, tok me të gjitha afërmacionet e mësipërme, janë spekulime të rrumbullakosura e duhen marrë për të vërteta, pasi t’i kemi shumëzuar rast pas rasti me një koeficient të konsiderueshëm gabimi. Nga ana tjetër, edhe sikur ta marrim për të vërtetë spekulimin e fundit, puna është se gegët nuk e dinë që janë të djathtë e toskët nuk e dinë që janë të majtë, dhe me këtë dua të them se përthyerja konkrete që ka marrë spekulimi në fjalë në realitetin politik shqiptar lidhet me faktorë të tjerë. Dhe këtu nuk jemi më në lëmin e spekulimeve; përkundrazi, jemi përballë, si të thuash, zhvillimeve materiale. Partia Socialiste nuk u mjaftua me origjinën e vet prej Partisë së Punës, e cila ishte toskë “par excellence” (s’ka gjë se nën diktaturën e ndërtuar prej saj vuajtën toskët, po aq sa dhe gegët), por vijoi ta mbante qasjen tribale edhe për shumë vite të tjera. Një numër qeverish të majta janë përkufizuar jo pa të drejtë si qeveri të Zonës së Parë Operative. Tanimë kjo situatë tribale nuk ekziston më. Nuk di nëse shtribalizimi i Partisë Socialiste ka qenë një zhvillim i kërkuar, por duket që ajo nuk është më një parti me frymëzim toske. Në establishment-in drejtues të saj duket se kartat janë nakatosur thellë. Tanimë, gegët në krye të PS-së nuk janë më siç kanë qenë, d.m.th ose të numërueshëm me kokrra, ose gegë të promovuar e të graduar prej “meritës” se janë gegë; përkundrazi, janë të shumtë në numër e janë promovuar e graduar për vlerat që bartin e zotësitë që kanë. Rrjedhimisht, askush nuk i sheh më si gegë. Përveç kësaj, në kokën e PS-së qëndron rehat-rehat edhe një grua si Ledi Shamku, një nga betejat publike e intelektuale të së cilës është ngritur mbi kokëçarjen për riafirmimin kulturor të gegëve. Si një revanche ndaj toskëve? Si një përpjekje për të ruajtur me pahir ca përpjesëtime të stisura tribale brenda etnisë a kombit? Dua të besoj se Shamku e sheh riafirmimin kulturor të gegëve si një riafirmim kulturor kombëtar. Jo të gjithë e shohin kështu, megjithatë. Një gegë krenar me mbiemrin Kelmendi, shkrimtar, në përpjekje për ta marrë në mbrojtje në një diatribë të sajën me historianin e njohur Kristo Frashëri, i lejonte vetes të shfryhej nja tri javë më parë në gazetën “Tema” në mënyrë shumë tribale (ai përmendte dhe lumin e Shkumbinit si kufi, e linte të kuptohej se të gjithë toskët mund të degdisen poshtë atij kufiri). Por nëse shihet si një riafirmim kulturor kombëtar, asaj e të tjerëve do t’u bëhen krah edhe toskë putativë si puna ime.

Po në krahun tjetër? Herë pas here më është bërë rriqër ideja, se Sali Berishës duhet t’i njihet të paktën një meritë, e njëjta meritë që sapo i njoha Ledi Shamkut. Herë pas here pra, kam qenë i sigurt se ai ia ka dalë mbanë, që me praninë e tij të gjatë në politikën shqiptare, t’i japë një mundësi afirmimi kulturor tribusë së vet. Dua të them se nuk mund të mohohet që rishfaqja imponuese e gegëve në skenën nacionale, gjë që ka qenë e nevojshme pas një periudhe mbi dyzetvjeçare të sundimit kulturor të tribusë së toskëve, ka ardhur edhe si efekt i pranisë së tij të bujshme në skenën politike.

Sali Berisha pra, ka luajtur për vite me radhë një rol pozitiv në funksion të riafirmimit të tribusë së gegëve, i parë ky i fundit si një projekt me frymëzim kombëtar. Në periudhën 1992-1997, kur socialistët, ca nga halli e ca nga qejfi, nuk e çonin nëpër mendje një rritje të dozës së gegnizimit të partisë së tyre (leadership-i saj ishte një nga më tribalët në historinë politike të shqiptarëve), Berisha, në stilin zogollian, bënte një ndërthurje fantastike të tribuve në ndarjen e posteve e të përgjegjësive. Kjo ndërthurje bëhej, ç’është e vërteta, mbi kurriz të meritokracisë, por nuk është se tribalizimi i establishmentit drejtues të PS-së përligjej me kritere meritokratike. Absolutisht jo! Në atë mot, Berisha (në këtë drejtim) nuk kishte imazhin e një gegu. E nuk kishte pse ta kish. Në atë mot, amá!

Tani gjërat janë ndryshe. Ka kohë që janë ndryshe. Qysh nga momenti që Berisha filloi të sillej si gegë. Pas vitit 1997, ai nuk ka qenë asgjë tjetër, veçse një politikan gegë, tepër gegë. Për këtë arsye, ai nuk mund ta luajë më atë rol. Edhe sikur të binim dakord se “kauza gege” ka ende arsye të ekzistojë, Berisha është një barrë për këtë kauzë. Të mos harrojmë se ka qenë ky nga njëra anë me sjelljet e mendësitë e veta (e mbani mend atë frazën kërcënuese: “Po të dua unë, e marr pushtetin me demokratët e Mamurrasit e të Bushatit? Hëm, Mamurrasi e Bushati jo rastësisht janë të “brand”-it geg&eumlsmiley, nga ana tjetër me bandat e fanatikëve të rekrutuar sipër në veri e të frymëzuara po prej tij, që bëri të ridalë bujshëm nga arkivat etiketimi fyes “malokë” për gegët e malësisë. Po ky ka bërë që Partia Demokratike të shihet nga shumëkush si një parti e gegëve. Është për të ardhur keq, por Berisha nuk bën asnjë përpjekje për ta ndryshuar këtë imazh. Të krijon përshtypjen se i pëlqen ky imazh i tij dhe i partisë së tij, pasi “brand”-i gegë është shumë më i shitshëm sot, sesa dje. Shpallja e pavarësisë së Kosovës dhe heqja e kufijve brenda botës shqiptare e ka rritur peshën e rëndësinë e tribusë gege deri në limitet natyrale. Kjo rrit vetvetiu peshën e rolin e politikanëve të llojit të Berishës, por kjo është e keqja: i bën këta edhe më tribalë. Mua personalisht më ka qëlluar të takoj sa e sa kosovarë, të cilët më kanë shprehur simpatinë e tyre për bacë Saliun. Nuk ka asnjë dyshim që kjo është simpati e natyrës tribale, e cila dashje pa dashje kushtëzon Saliun e të tjerë politikanë si ai në veprimtarinë e tyre publike (fjala vjen, Jozefina, e cila po e thekson gjithnjë e më shumë ligjërimin dialektor në majë të një karrigeje shumë të rëndësishme institucionale e shtetërore). Në këto rrethana është e lehtë që projekti i patësharë i riafirmimit të Gegërisë në botën shqiptare ta lërë mënjanë objektivin e shëndoshjes kombëtare e të marrë formën e një revanche-i ndaj toskëve. Pikërisht kjo është e rrezikshme, pasi hëm, na bën që t’i kemi gjithë kohën përpara syve dallimet tradicionale tribale. Hëm, i përcjell këto dallime në politikën shqiptare bash si të ishin dallime etnike. Në momentin që partitë tona politike (apo ndonjëra sosh) e përkufizojnë vetveten, jo mbi baza ideologjike, por mbi baza tribale, ky është fundi i politikës dhe fillimi i fundit të kombit.

Këto janë gjëra, të cilat druhemi për t’i trajtuar. Është fjala për patologjira, që ashtu si ca pacientë të trembur, nuk duam t’i ekzaminojmë, nga frika se na dalin sëmundje të këqija. Dhe harrojmë se ta fshehësh sëmundjen, nuk është se e largon atë. Ajo mbetet aty, duke rrezikuar të zhvillohet. Ndërsa ekzaminimi i saj na bën të njohim burimin e na shtrëngon të gjejmë kurën. Burimi janë identitetet e forta tribale, të cilat janë parë shpeshherë jo si komplementare, por si kompetitive, gjë që qëndron në themel të prapambetjes sonë plateale (të gjithë e dimë tanimë, që një nga arsyet themelore të prapambetjes historike të shqiptarëve lidhet me kohezionin e dobët kombëtar, rrjedhimisht me ndërgjegjen e dobët kombëtare, që ka ardhur prej antagonizmit mes tribuve). Ndërsa kura është e thjeshtë: identitetet tribale duhen lejuar e duhen nxitur të harlisen e të këndellen si t’ua ketë ënda (asgjë e keqe nuk vjen prej tyre, përkundrazi), por përpara tyre duhet nxitur e mbrojtur identiteti ynë kombëtar. Është bukur të jesh gegë apo toskë, por “asht po aq mirë me ken shqyptar”, sidomos në politikë.

45 Komente

Paska ndërruar Nanua (MustafaI) partinë medemek gazetën (Shqip)? Çu bë ky tash tek Korrieri? 

afermacioni i fundit nga gjith afermacionet e mesiperme:

"mire qe osh sala qe mba me buke nanon, se per ca do shkrute i shkreti.."

eshte fjala per patologjira

 

medet shkrimet qe kalojn. se kur vej artikuj ka shtypi per robt qe nuk dun me mor leternjoftime dhe qendrat rrin gjith diten bosh, nuk mkalojn. nejse, rroga rroge

“Toskë e gegë nuk merren vesht shoq me shoq… ”, - ka thënë më shumë se sa një shekull e gjysmë më parë dr. Johan Georg von Hahn

Edhe sot një babanar e ka të vështirë të merret vesh me një tropojan (me gjithë 60 vjet gjuhë letrare në përdorim të të gjithëve), imagjinoni para 150 vjetëve...
sidomos, nëse krerët e shtetit do të insistojnë që të flasin me zhargonet e tyre, herët a vonë moskuptimet ndër shqiptarë kanë për të qënë edhe më të mëdha.

Megjithëse ky shkruesi me emër mysliman e mbiemër ortodoks nuk më pëlqen më duket se me këtë shkrim ka qëlluar në shenjë.

Kjo fryma e keqe Gege Toske, ka dale dhe eshte stimuluar pikerisht nga Sali Berisha,pikerisht ne vitet fame keqe te qeverisjes se tij 92-97!Kulmi i shte 97!

Ne kohen e diktatures,kjo fryme  e keqe ,nuk ka ekzistuar!Apsolutisht jo!

Di gje ndonjeri, eshte shpikur ende ndonje bombe virtuale, qe te hidhet ne ere kjo faqe qe po kthehet ne hale nga caze e caze ?

Ne spitalin psiqeatrik mund te gjesh sa te duash!

Dua të besoj se Shamku e sheh riafirmimin kulturor të gegëve si një riafirmim kulturor kombëtar.

Mbase, une Shamkut i dalloj mbi te gjitha politizimin e shkences, i dalloj nje mision qe i kalon kufijte e shkences dhe kultures.

E, mbi te gjitha, eshte amatore ne shkence (kjo e thene me shume dashamiresi, per te mos e quajtur protagoniste ne kufijte e delirances): shkenca nuk behet ne faqet e shtypit te perditshem, nuk i serviret publikut i pafiltruar sic ben, per fat te keq, jo vetem Shamku rendom! Shkenca ka rregullat dhe etiken e vet!

Menyra se si Shamku j'u drejtua Kristo Frasherit ishte menyra me e pakulturuar e mundshme! Sigurisht, edhe Frasheri nuk kontribuoi per nje diskutim te kulturuar, por Frasheri eshte 90 vjec, ne mos me shume: i falet per shume arsye. Ledi Shamkut JO! Ajo eshte modeli i se ardhmes, e nese merr pushtetin, edhe drejtuese e shkences dhe edukimit shqiptar. Kam frike ta mendoj, sepse mendoj se do ta politizoje shkencen, sidomos ato gjuhesore, ashtu sic dikur, por ne kahun e kundert! Te pakten, kjo eshte njera nga ndjesite qe me ka lene kontributi i saj.

Dhe kete, i dashur Muc, une nuk e quaj perpjekje per kulture! Eshte perpjekje per pushtet, perpjekje per te manipuluar shkencen me te vertetat e Shamkut dhe grupit te interesit qe ajo perfaqeson sipas parimit: mjeti justifikon qellimin

Qesharake!kjo frym spaska ekzistu ne Dikatatur?ajo ishte e asht ,e a pikrisht diktatura qe e bani te delte ne pah kshu si a sot, me njerz me fytyr si ti psh e (do te tjer ktu )dhe ti slen rast pa ken tendencioz ne ket drejtim...Diktatura suprimoj te shprehmen e lir,suprimoj njeriun, e homogjenizoj. Enveri ngriti dialektin Tosk te minoritetit ne  standart,prandaj dhe homogjenizimi deshtoj.Nuk lejoj levizjen e lire. njerzit  qe masi lindnin ne nji qytet fshat a malci te kishin nji profesion aty,te martoheshin aty,te vdisnin njaty. levizej me zor,me leje,skish mundesi per asigja.vec kur te lejote shteti.

as du me e lexu ket artikull,vec ajo shprehja aty ku flet per re-vansh te gegve ndaj toskeve a Turp i dheut!po turp per ca revanshe e Pse?Si? un jam shqiptare e shkodrane identifikohem me shqipet e tjera njilloj, ca dreq kan kto qi vjellin vrer¨!arsytime qi kan reference tribalizmin e antikitetit.

 Dafo! Ti m'gja se je shkodrane pri Drenice.

Nese kjo ishte nje perpjekje inovative per te godit Berishen ne prag fushate o muc, une te them se je idjot!

 

kjo perla jote e mbushur me sforcime joshqiptare te huazuara nga interneti, e nisur si ilac kurimi te asaj qe ti e quan semundje, nuk asgje me shume se nje bar alucinant.

Berisha eshte tribal por jo ne menyren sesi e pasqyron ti. Nese egziston nje vend i quajtur 'Ndyrsirllek' atehere biem dakort se Berisha rrjedh prej andej dhe ne menyre tribale i ka zgjedhur te gjith bashkpuntoret prej andej. 

 

Mustafa Nano eshte gazetari me i papergjegjshem me nekativ dhe anti shqipetar .A ju kujtohet kur shkruante se me vjen keq qe jam Shqipetar kur shqipetaret festonin hyrjen ne NATO?

Une nuk humb kohen per te lexuar budalliqet e tije e jo ma ti komentoj

Te nderuar komentues, me falni per paditurine time por asnjehere s'me eshte dhene rasti qe te mesoje "etimologjine" e fjaleve Gege dhe Toske (pervec asaj qe na ka paraqitur prapaganda SerboGreke dmth,ndarja psikologjike e shqiptareve ne Shkumbin) Mund te me shpjegoi ndonjeri se cdo te thote Geg apo Tosk fjale per fjale ne shqip??

Nga e ka origjinen fjala Tosk nuk e di por Gege vjen nga "gjegjem", dmth "degjoj"

 

Me u gjegjë do të thotë të përgjigjesh. Ka dhe nje kunatë në rumanisht kjo fjalë.

Për fjalën Tosk kam hasur vetëm etimologji që s'më kanë bindur...

Di gje ndonjeri, eshte shpikur ende ndonje bombe virtuale, qe te hidhet ne ere kjo faqe qe po kthehet ne hale nga caze e caze ... Nuk kerkon mundim te madh JO. Boll te vesh nikun HU perpara me rubineker mrapa  dhe ...faqja eshte e hedhur ne ere. Idiot Klasik dhe i pandreqshem. Zaten sot mund te dalin edhe te fencur qe e shihkan Isen jo si SIMBOL Trimerie te Shqiptareve por si "havdall' - GEGE qe ta kercet ne lule te ballit . Se Tosku ta kercitka ne lule te B..... smiley Kush merr mundimin te lexoje nga keta te "shkundur" ose me shqip  "te letuar " le ti thote vetes cfare te doje  ..GEGE apo TOSKE. Besoj ne cdo krahine ka spitale per ti kuruar si qenie njerezore .... te pakten te hane e te dhj....ne vende te caktuara, per te mos i lene te ndyjne vend e pavend !

 E mbeshtes mendimin se keta artikuj ose analiza smiley jo vetem qe jane te panevojshem , jo vetem qe jane kapercyer nga koha....por ne brendi te tyre kane nje prapavije NXITESE ARTIFICIALE... Nuk eshte koha dhe vendi per te hedhur POSHTE teori te ushqyera nga SERBE e GREKE ( dashakeqes )per te vertetuar artificializmin e HOMOGJENITETIT shqiptar me teorine Gege-Toske . Kjo teori e Zhdukur ne Teori qe nga koha e GJENISE se Rilindasve qe i kenduan SHQIPERISE  dhe e materializuar ne punet e Shtetit SHQIPTAR te PARE me I.QEMALIN...e ndjekur per aq sa kishte mundesi nga A.ZOGU....e RIDEGJENERUAR nga frymezuesit e sikaret e Huribinekut alias bashkepunetoret Fetare e Inteligjente me FASHIZMIN...e rikthyer ne teori e praktike te vertete ne pamjen  e saj me te plote e me SHQIPTARE ne kohen e ish "diktatures" ( ku kishte edhe penalizime per ndarje te tilla) ...duhej me cdo kusht te avancohej ne kushte te reja.  Dhe kaq duhet ti mjaftoje M.Nanos . Prurjet e ketyre artikujve jane URA ZJARRI ku bulcijte e te marreve nuk mungojne tu Fryjne Zjarreve dhe c'eshte me e keqja duart e tyre e furnizojne vazhdimisht me HU-nj po qe mbajne nike njerezore me Rubineta mbrapa .

Gege, thone qe vjen nga Gregor, une kam degjuar si variantin e ndjekesit e Gregorit (Pape) edhe pasardhesit e Geges (Gregor), si person. Gjithesesi, fjala Gege origjinalisht eshte pas perdorur vetem per fiset e Mirdites (Malesia e Mbishkodres jane pas quajtur Leke, dhe Puka etj jane pas quajtur Dukagjinas). Me pas fjala u perhap per te gjithe Shqiptaret e Veriut, por arsyen nuk e di pse!

Toske, origjinalisht ka qene banor i Toskerise, krahine e ngushte qe perfshinte rajonin nga Shkumbini deri ne Vjose, pa Myzeqene, pa Korcen dhe pa Permetin e Kolonjen. Kryesisht zona rrotull Beratit!

Me vone, fjala Tosk dhe Toskeri perfshiu edhe Korcen dhe Shqiperine Lindore, por jo edhe Laberine, Camerine, Myzeqene.

Perfundimisht, Toskeria u njehsua me Shqiperine e Jugut te tere, dhe Gegnia me Shqiperine e Veriut. 

Duhet vene ne dukje qe Gegnia nuk ka perfshire kurre as Kosoven (perfshi edhe Shkupin me rrethina, si edhe Tetoven) as Dibren, megjithese banoret e ketyre viseve jane pare (me te drejte) si gege nga te tjeret dhe nga vetvetja! 

Si perfundim: Fjala Gege vjen nga emer personal dhe nga kjo ka dale "Gegnia".

Fjala Toske vjen nga emer Krahine, Toskeria.

Dy procese te kunderta qe ne syte e injoranteve kane marre vlera simetrike kulturore dhe antropologjike!

p.s.

Artikulli i Muchit ZERO pike! Gazetare fillestare jane pushuar nga puna pa ceremoni, nga gazeta qe respektojne veten, per gjera shume me te buta se kjo! Skandal, dhe shkuar skandalit!

Xhevahiri ishte qe Led Shamku qenka aty ne PS, kshu... "representing" Gegnine, jo si rob individual, i kultivum, e i shkollum! smiley

Skandal!

 

Toskë e gegë nuk merren vesht shoq me shoq… Në mes tyre mbretëron një antipati e trashëgueme gjysh-stërgjyshi, e cila shkakton shpeshherë zënie e grindje…”, - ka thënë më shumë se sa një shekull e gjysmë më parë dr. Johan Georg von Hahn, një vëzhgues i shkëlqyer i botës shqiptare.

Idiot ai qe e ka shkruajtur, me idiot edhe ti Nano qe i vete nga pas!

Njeh njeri ti Nano ne Shqiperi qe ti thote vetes Geg apo Toske? A ka ndonje ketu ne peshk qe thote jam GEG apo Toske? C'fare jane keto marrezira qe shkruani?

Fjalet Toske apo Geg jane fjale shume te vjetra te fjalorit te Shqipes. Ka mbi 100 vjete qe nuk perdoren me. Te shkruash nje artikull duke u bazuar mbi keto dy fjale dhe nje fjalie IDIOTE nga nje i marre me emrin Von Han, eshte kok e kembe injorance e pashoq.

Nano ke bredh ndonjehere neper Evrope? E ke lexuar ndonje liber per historine e Evropes dhe shteteve qe perbejne Evropen? E di ti Nano se c'fare mendojne Italianet e Veriut per ata te Jugut? Eshte nje parti (nga me te medhat) qe kerkon ndarjen e Italise!

Te njetat gjera mund te themi per Britanin ( ku armiqesia skoceze dhe angleze eshte legjende me vete), Gjermanine ku ndarja midis perendimit dhe lindjes edhe sot e kesaj dite eshte ndarja me e thelle ne Evrope midis nje kombi. Mos te flasim per shtete si Belgjika apo Zvicra qe as nuk merren veshe me njeri-tjetrin.

Po te shikosh mbrapa ne histori do te shohesh luftrat e shumta brenda ketyre kombeve qe kane lene me mijera te vdekur. Ketyre luftrave Historia ju ka dhene nje emer. LUFTE CIVILE!

Nese ka dicka qe shqiptaret duhet te krenohen eshte se brenda Truallit Shqiptare, Shqiptaret nuk i kane drejtuar asnjehere armen njeri-tjetrit ne emer te perkatsis krahinore apo gjuhesore!

dr. Johan Georg von Han  zoti Nano nuk mund te krenohet me vendin e tij!!!!!

Nese nuk ke asgje per te shkruajtur, take my advise please...  Shut up IDIOT!

 

 

 

 

 

 

Një gegë krenar me mbiemrin Kelmendi, shkrimtar, në përpjekje për ta marrë në mbrojtje në një diatribë të sajën[Lady Sham-kut] me historianin e njohur Kristo Frashëri, i lejonte vetes të shfryhej nja tri javë më parë në gazetën “Tema” në mënyrë shumë tribale (ai përmendte dhe lumin e Shkumbinit si kufi, e linte të kuptohej se të gjithë toskët mund të degdisen poshtë atij kufiri).

Ky Migjen Kelmendi po kthehet nga zbavites ne bezdises. Me ngacmon keq fakti qe ky eshte nje nga penat me te forta dhe njekohesisht me te financuara prej BE-ut (te cilit i intereson nje komb kosovar e jo nje shtet i dyte shqiptar)

Shpallja e pavarësisë së Kosovës dhe heqja e kufijve brenda botës shqiptare e ka rritur peshën e rëndësinë e tribusë gege

 

Geget vetem 'tribu' nuk jane.

Gjithashtu, me shqeteson fakti qe asnje anal-ist i Lanes nuk rreket te konsideroje faktorin me te rendesishem ne zhdukjen e problematikes Geg-Toske: gjegjesisht Muchi s'po me konsideron MU. Gjys geg e gjys tosk jam ne shoqeri te qindra (ne mos mijera) te tjereve qe nuk pertojm t'ia japim plumbit ne lule te ballit cdo tribali qe deshiron te prishe harmonine.

........Jetojme ne periudhen e ndryshimeve te medha dhe jo ne periudhen e dr.Johan Georg ,eshte koha te flasim me nje emerues.SHQIPERIA eshte nje e do te jete nje.................

Qe eshte kohe fushate, e qe ka rob qe dhe po vriten per "flamure" par10e, ka. Gjithashtu, prap per fushate e per pushtet hidhet parja termo, e qe media me gjithe sorrollop, pikerisht per kete arsye, eshte ne kulm te fushates se saj te "korrje shirjes," edhe kjo dihet. Po ashtu qe ky ka vite qe nxjerr buken duke sha Berishen, edhe kjo s'cudit njeri.

Po qe te ulesh kaq poshte e t'i frysh percarjes kombetare, kjo eshte e ndyre dhe per standartet e 10ra te medias shqiptare, qofte dhe ne terbim zgjedhjesh.

Nuk ja vlen fare te merresh me karakterizimet e gegeve apo toskeve, pirruetat e koeficienteve te gabimit, e traplliqe te tjera.

Gjynah qe peshku s'ka vleresim negativ.

 

Epo lajthitje te tilla qe s'ka alibi zgjedhjesh t'i jystifikoj, mbase s'i kemi per borxh t'i lexojme.

Nejse xhanem, personalisht me vje teper, po shume fare teper per te qeshur kur lexoj lajthitje te tilla.   Ndoshta ngaqe "vuj" nga bipolar (geg/tosk) disorder ...

Qafir Arnaut - 14 Qer 2009 - 5:45pm

Gjithashtu, me shqeteson fakti qe asnje anal-ist i Lanes nuk rreket te konsideroje faktorin me te rendesishem ne zhdukjen e problematikes Geg-Toske: gjegjesisht Muchi s'po me konsideron MU. Gjys geg e gjys tosk jam ne shoqeri te qindra (ne mos mijera) te tjereve qe nuk pertojm t'ia japim plumbit ne lule te ballit cdo tribali qe deshiron te prishe harmonine.

 

Ed, e lexova komentin e qafirit.  Po eshte tregu bujar me zonen e qitjes.  Mua me shkojne ne mendje ca zona te tjera ... smiley

Seriozisht, s'jane ne metro, po dmth hic fare ne metro me keto llogje...

Monda, autori e mbyll artikullin me fjalë të tilla që të bëjnë të mendosh që është nisur vetëm prej qëllimeve të mira:

Ndërsa kura është e thjeshtë: identitetet tribale duhen lejuar e duhen nxitur të harlisen e të këndellen si t’ua ketë ënda (asgjë e keqe nuk vjen prej tyre, përkundrazi), por përpara tyre duhet nxitur e mbrojtur identiteti ynë kombëtar. Është bukur të jesh gegë apo toskë, por “asht po aq mirë me ken shqyptar”, sidomos në politikë.

Problemi është se feja dhe ndasitë e tjera janë argumente mjaft delikatë për tu përdorur me lehtësi... sepse shpeshherë bëhen më tepër argument për debate (dhe fatkeqsisht, edhe shumë të ndezura) që ndoshta do të ishte mirë të mos përziheshin në periudha të tilla të nxehta siç është fushata elektorale(ose më mirë të them: asnjëher&eumlsmiley.

Ed, mund te jystifikohet rasti i lopes dhe koves, qe mbushet e ne fund i fut nje shqelm.  Ia ben dhe hallall.  Por ne kete rast s'eshte mbush me qumesht, a t'ambel. 

S'ka fare qellime te mira.  Do te kapet Mucua me Topallin?  Ta bej gjithe diten e giate.  Po eshte trashesi te kapet me dialektin e saj.  Edhe si rrjedhoje t'ia mshoj gjithe ketyre idiotlleqeve. 

Jo, më shumë se lopa me kovën, më erdhi ndërmënd ujku, delja dhe lakra... ndoshta me dëshirën e mirë që të kryente punë sa më shpejt, autori harronte që nuk mund të përziente e të linte bashkë ujkun me delen apo delen me lakrën... S'më duket edhe aq keq si artikull (përveç faktit që është lidh me duart e veta duke trajtuar tema delikate).

 Me beri pershtypje pjesa e pare e shkrimit per cilesine shume te larte dhe te pazakonte per Nanon. 

Pjesa e dyte, si cilesi, eshte tipike Nano Mustafa. Banale, pseudo-analize. Nuk mund te jete i njejti gazetar qe i ka shkruar dy pjeset e te njejtit shkrim.

 

Une nuk jam per censuren ne pergjithesi, por ky shkrim - me falni - e meriton te censurohet.

Jo se vetem i fryn percarjes me shume te stisur Veri-Jug, por qe perdor pasaktesi dhe gjera qe nuk qendrojne.

Ato karakteristikat gege-toske jane plehra qe s`ka koeficent gabimi qe i parfumos.

Geget nuk jane tribu. Ne pjesen E Eperme te Shqiperise, ashtu si edhe ne ate te Poshtme, ka lokalizma te forta qe ngrene krye ndermjet dy qyteteve apo krahinave ngjitur me njera tjetren edhe pse jane gege apo toske.

Mendimet per partite politike, per te majten shqiptare qendrojne, ka qene nje e majte e dominuar nga mendesia tribale, krahinore dhe gjaku shume e dukshme dhe qe ka lene pasoja edhe ne pasardhesen e saj sot por qe po ndryshon edhe ketu.

Ndersa per PD-ne flet brockulla te nje rrogetari pasionant qe ka detyre te shaje Berishen dhe PD-ne. Ne kete pike PD ka qene e persosur. Eshte partia qe ka qene teper e kujdesshme ne raportet krahinore dhe fetare.

Dialekti i Topallit qe merret ky provinciali duhet inkurajuar qe te gjeje edhe me teper vend. Ja nje shembull nga bota anglo-saksone; ne Angli deputete dhe spikeri i parlamentit flisnin me aksent te Skocise, meqe vinin nga andej dhe ne Angli nuk i bente kujt pershtypje.

Nderkohe qe nuk i shikoj aspak si rrezik afirmimet qe mund te duken si ndarje Gege-Toske, ne te kundert jane te domosdoshme qe gjithe ajo pasuri e madhe te behet e prekshme. Shqiptaret kane arritur ti gjejne nje vend te duhur fese ne menyre qe te mos cenoje perkatesine kombetare dhe jo me identitetet e ngushta lokale.

Kemi nje shoqeri qe leviz shume. Gege e Toske qe bashkohen dhe formojne komunitete ne qytetet e medha te Shqiperise. Paragjykimet dhe stereotipet e krijuara ne diktature po veniten dhe sot sheh plote djem gege qe kane te dashura apo te fejuara toske dhe anasjelltas.

Me pak fjale shkrim koti qe kerkon vemendje me tema qe shkaktojne debat.

Punen e dialektit e ke gabim Speaker.

Ata Skocezet ne Britani vertet flasin me aksent Skocez,por flasin Anglisht.

Fjalen psh TODAY* mund ta thone me aksent por e thone TODAY* dhe jo TRONDAE*,dhe poashtu e shkruajne TODAY.

Me Topallin nuk eshte pune aksenti,por dialekti.Perse ajo e perdor ate dialekt,une mund te ta le ty ta gjykosh si te duash,une e kam nje opinion,qe nuk ja vlen ta them ketu sepse fillojne replikat e kota.

Ne veri te Shqiperise eshte krijuar percepsioni qe gjuha zyrtare na qenka gjuha e jugut,dhe kjo nuk eshte aspak e vertete,ndoshta gjuha zyrtare anon me shume nga jugu,por eshte nje nderthurje.

Imagjino sikur te gjith politikanet Shqipetare te fillojne te flasin me dialektin e origjines,dhe te injorojne gjuhen zyrtare?

E si u dashka dhene me shume vend dialektit Gege? Mos duhet te behemi shtet me dy gjuhe zyrtare? Apo ta nderrojme tani gjuhen zyrtare dhe ta kthejme zhvillimin e gjuhes nja 80 vjet mbrapa?

Per mendimin tim sa me shpejt ti shdukim dialektet aq me mire do te jete per gjith Shqiperine,edhe Sarandioti edhe Vlonjati,ashtu edhe Shkodrani te mesohen te flasin te njejten gjuhe,vetem kjo na ben me te fuqishem,e kunderta vetem na dobeson.

Dialektet tregojne diversitet gje qe tregon pasuri. Nuk e kuptoj argumentin e dobesimit...

Megjithe percmimin qe kam per Jozefinen si politikane, them se nuk eshte e drejte te diskutohet qe ajo flet ne dialektin e saj (dhe ajo e 'zbut' dhe e perzien dhe me te foluren letrare). Bill Clinton ishte nga Arkansas dhe u be President i USA dhe askush nuk i ka thene qe te flase me nje gjuhe zyrtare, pavaresisht se dialekti i tij ishte me theks jugor te rende - e njejta gje me G.W. Bush dhe Jimmy Carter perkatesisht nga Texas dhe Georgia qe kishin dialekte te theksuar jugore qe e perdornin edhe kur ishin presidente. Ndersa tek gjuha e shkruar ne dokumente zyrtare etj, duhet te kemi te njejten gjuhe te unifikuar te shkruar

Gjon, cfare na ofrohet ketu si analize, s'eshte vec muhabet i lezetshem klubi qe shkon me ngacmimet ndaj kamarieres dhe me eren e ferrnetit. Ajo pjesa qe te ka pelqyer psh, s'eshte vetem nje bashkesi perceptimesh dhe perceptimet nuk mjaftojne as per nje shtrim hipoteze e jo me teper. Nuk ka aspak analize ne keto lloj shkrimesh. De kjo nuk eshte as letersi e mirefillte, qe te thuash. E keqja e madhe eshte te fenomeni i njekohshmerise ketu: keta autore genjejne lexuesin me ca shije dhe nivele shkrimesh si ky qe nuk eshte kurre analize, dhe audienca qe i blen e i pertyp keto ushqen autoret per shkrime te metejshme te te njejtit nivel. Eshte ne fakt nje mashtrim i dyanshem e jo pa qellim. Qe te shkruash nje analize per te qene, duhet te te dale djersa curg; po ashtu edhe te lexosh e kuptosh nje analize per se mbari kerkon stomak e flore zberthyese shume te forte. Prandaj te dyja palet dalin me qarin: "analistet" bejne sikur shkruajne (analizojne), dhe lexuesit bejne sikur lexojne -- muhabet i vjeter ky, Gjon, qe ti besoj e di shume mire per ca e kam fjalen.

Sa dite plazh ben Muçi me pagen e ketij artikulli?

Ne qofte se jane pak, te presim edhe lale e lab, malesor e fushor, sa te kompletoje pushimet.

Bejsh qejf Muçi.

Une nuk pata takat ta perfundoj kete shkrimine  Nanos,por me sa kuptova une ,ky vazhdon me avazin tipik te analisteve Shqipetare,qe eshte *PERMEND NJE TE HUAJ NE ARTIKULL SE DUKESH INTELEKTUAL NE SY TE KETIJ POPULLI BUDALLA*

Keshtu edhe ky Nanua,do kete rene rastesisht ne gjurmet e  ketij far dr. Johan  Georg von Han,dhe do kete menduar ,qe mqns e mesoi tashme kete emer,dhe mqns ky emer duket si tip emer interesant keshtu nga jashte,me titull dr nga para,do ishte e udhes ti fuste nje artikull mbi temen jug-veri,dhe ti jepte kredibilitet me dr.Johanin.MNJF keta analiste kete popull e marin per budalla,e mir ja bejne.

UNE KISHA NJE KERKESE PER MUSTAFA NANON,DHE SHPRESOJ QE KESAJ KERKESE TI BASHKANGJITEMI TE GJITH,DUKE NDERMARR NJE AKT KOLEKTIV,DHE TI LUTEMI MUSTAFA NANOS,TE NA NDRICOJE MBI VEPREN E KETIJ TE JASHTMI DR.JOHAN GEORG VON HAN I CILI PASKA KREDENCIALET QE TI TREGOJE JO VETEM BOTES NGA VJEN,POR EDHE VETE NE SHQIPETAREVE KARAKTERISTIKAT GJUHESORE,DHE PERCARJET KRAHINORE.

 

Kush eshte me mua te ngre doren.

“Toskë e gegë nuk merren vesht shoq me shoq… Në mes tyre mbretëron një antipati e trashëgueme gjysh-stërgjyshi, e cila shkakton shpeshherë zënie e grindje…”, - ka thënë më shumë se sa një shekull e gjysmë më parë dr. Johan Georg von Hahn, një vëzhgues i shkëlqyer i botës shqiptare.

 

A mundet dikush ti jape pergjigje pyetjes qe ku e merr guximin nje analist,opinionist,apo cfaredoqofte,nje person publik Shqipetar qe te cilesoje si nje vezhgues te shkelqyer te botes Shqipetare nje person te huaj i cili ka thene ate togfjalesh te permendura si me lart ?

 

 

Per mendimin tim sa me shpejt ti shdukim dialektet aq me mire do te jete per gjith Shqiperine,edhe Sarandioti edhe Vlonjati,ashtu edhe Shkodrani te mesohen te flasin te njejten gjuhe,vetem kjo na ben me te fuqishem,e kunderta vetem na dobeson.

Dialektet jane pasuri. Gjuha zyrtare, nje artific i domosdoshem. Askush nuk flet "zyrtarcen" - ajo eshte nje "must" per spikerat e TV-se shteterore dhe per te shkruar/lexuar urdheresat e qeverise. Ka nje dallim konceptual midis asaj c'ka une po quaj ketu gjuhe zyrtare dhe gjuhe letrare. Nje dialekt eshte jo vetem pjese e "gjuhes letrare", por eshte ne fakt nje pasuri e saj. Dialektet jane shprehja e deshires se njerzve per identitet. Ketu ne Amerike mburren shume me diversitetin, dhe mire e kane. Diversiteti tregon shume, nder te tjera eshte krijimtari dhe force pershtatje, pervecse individualitet. Nuk diskutohet qe tosket dhe geget kane dallime. Dhe duhet thene rrofshin dallimet! Dallime brenda qenies shqiptar.

Nuk kam per te kuptuar mllefin e disave me gjuhen zyrtare shqipe, me artificin tone qe ka funksionuar per bukuri. Me thoni ku ka caluar? Nje aspekt ku ka deshtuar. Cfare kufizimesh ka ne shprehje? Asnje! Do ishin dokrra cdo shpikje dhe mundim per te gjetur kufizime qe vikan nga shqipja zyrtare. Po te kishte te tilla, letersia shqipe e shkruar ne shqipe zyrtare nuk do shkelqente si ka shkelqyer. Nqse nuk ka asnje pengese ne publikimet ne dialekt, atehere ku eshte problemi??? Do te botosh nje veper ne dialekt? OK! Te pengon njeri? Jo. Atehere ku eshte problemi? Gjuha zyrtare duhet te shkoje krah per krah me dialektin. Duhet mesuar! Pike. Te tjerat, jo mbizoterimi i toskerishtes e ku di une, jane pallavra te njerzve qe tjeter kund e kane hallin; dhe natyrisht jo te shqipet (zyrtare dhe letrare, sic jane perdorur ne kete koment).

Nje esperantizim i shqipes, pervecse i pamundur, do shenonte nje varferim te frikshem dhe nje bjerrje vlerash katastrofike per gjuhen tone. E kam thene edhe gjetke: nuk eshte shqipja qe na pengon te merremi vesh. Ama shqipja duhet folur, nuk duhet bertitur, kelthitur, uluritur, vikatur, vreritur, ngjirur, mitingashitur, malokeritur, katunaritur, lamashitur, harbuteritur dhe! Nga "decibelet tane deviante". Kjo shqipe natyrisht na pengon te merremi vesh!

Em, i bashkangjitem komentit tënd për të thënë edhe diçka tjetër, që përvoja e shumë prej nesh e ka konstatuar edhe në praktikë.
Thuhej dikur (se tani shumë gjëra janë harruar), se gjuha e huaj është kulturë.

Sado trung apo shpellar që të ishte robi, nëse mësonte një gjuhë të huaj, do t'i duhej të mësonte edhe të thoshte të lutem dhe faleminderit (ky është minimumi).
Sot shikon shpellarë që flasin në mënyrë korrekte dy apo më shumë gjuhë të huaja, por që nuk dinë të shkruajnë apo flasin mirë shqip. Harrojnë ata që niveli i tyre kulturor është rritur falë aftësisë sëtyre për të mësuar gjuhën e huaj të vëndit në të cilin kanë studiuar dhe janë rritur... JANË PO ATA SHPELLARË, që në emër të nuk e di se ç'teorie, që bëhen partizanë të mbizotërimit të njërit apo tjetrit dialekt dhe ndërkohë e konsiderojnë gjuhën zyrtare si një pengesë të lulëzimit të dialektit të tyre... Përse të mos ta konsiderojnë (kta homosapiensat e mbizhvilluar) edhe gjuhën letrare si një gjuhë të parë të huaj për pasardhësit e tyre të shpellave?
Mos vallë duhet të mësojnë të gjithë çobanët nga një gjuhë të huaj që të kulturohen? ...
Akoma nuk e kanë kuptuar rëndësinë e Gjuhës Letrare ca lloj SHTAZËSH!
Nuk e di ç'arsyetime dhe ç'arsye përdorin, kur duke sulmuar Gjuhën Letrare, ata vetëm kërkojnë (ndoshta ngaqë nuk e kuptojn&eumlsmiley të izolojnë gjithnjë e më tepër tribunë e tyre nga pjesa tjetër e vëndit...
Problemi nuk është tek vetizolimi i tyre (qafën the(f)shin), problemi është tek ajo që ky vetizolim çon patjetër: Të shikosh tjetrin që nuk flet gjuhën tënde vetëm si një armik të mundshëm... dhe ky është kulmi i keqpërdorjes së kulturës së këtyre shpellarëve të emancipuar që kërkojnë të japin leksione mbi traditat dhe të veçantat superiore të klanit/tribusë së tyre.

 

askush nuk mund ta flase shkelqyeshem nje gjuhe te huaj pa qene shkelqyeshem ne gjuhen e nenes mendoj une, pikerisht ne gjuhen ne te cilen e koncepton mendimin... nese nuk je i mire ne gramatiken e gjuhes shqipe, nuk ka se si te jesh ne ate te italishtes apo frengjistes, ( nuk po marr si shembull anglishten, se e asaj, eshte me e thjeshtuar... )

 shqiptareve nuk u vjen rreziku nga toskerishtja, por nga injoranca, nga komplekset e inferioritetit te gazetaruceve te cilet fusin dhjete fjale te huaja ne nje fjali, per t'u "trendy-zuar"...

Ndaj kesaj te vjen te ulerasesh SOS....

Shqipja jone po vdes...

Le te mos merremi me dialektizmat ( nuk e kemi luksin per kete) ...

 

 

 

Dialektet jane pasuri. Gjuha zyrtare, nje artific i domosdoshem. Askush nuk flet "zyrtarcen" - ajo eshte nje "must" per spikerat e TV-se shteterore dhe per te shkruar/lexuar urdheresat e qeverise.

O Emo, e di ate barcaleten (qe ca thone se eshte e vertete)?

Ishte ky msusi i gjeografise ne Shkoder ne kohen e Kongresit te Drejtshkrimit ne 1972-shin. Po ishte i cike me biografi te keqe, keshtu qe u runte shume, se mos bente noi gabim!

I vje llafi qe gjuha zyrtare tani eshte ndryshe nga gjuha qe folte ky i shkreti! Me demek, fjala bie, ne vend te themi "e bani" ketej e tutje do themi "e beri"!

Ca me bo ky i shkreti, me leprin ne bark, duhet t'u bente me shqipe letrare, packa se manuali nuk kishte ardh akoma ne shkolle! 

Futet ne ore te mesimit. Dhe i thote nxenesve duke tregu me gisht tek harta e Shqipnise!

Te dashtun nxanes! Sot do msojme per Elbaserin! smiley

Mrroklle, do ketë qënë po ai që u ngrit në kongresin e drejtshkrimit dhe tha: "Na duhet me e thjeshtu sa ma tepër alfabetin, me e ba sa ma t'thjeshtë... për kyt, un propozoj qi me i eliminu disa germa... p.sh germën LL me e bà L... Fare mirë munena ma thanë portokal n'ven t'portokallit..."
Nuk mundi t'vazhdonte më gjatë, se dikush nga salla u ngrit e tha:
"Praj he magjar, sa s'tash ngrit mirditori... e çysh t'ju thojnë pastaj gjith Lleshave qi kanë atje?" smiley

Ahahahahaaaa... keq e kon pas...  smiley   mire mer, ene ne kena pas nji minoritar qe u munote shum me ato rrokadat y vs i, donte me qen korrekt, por prap tha "ne qitetin e Fyerit".

Nxënësi:"Y e madhe e shtypit, y e vogël e shtypit.... Diiishi"
Mësuesi: "Jo dish, po DYSH mor kokqìp" smiley

Emigrant,

Jam dakort me ty. Megjithate jemi ne fushate zgjedhjesh dhe, si zakonisht, njeri krah gerricet me tjetrin. Dikur vriteshin.

Persa i perket ndarjes toske e gege. Te gjithe vendet e botes kane ndarje te tilla. Ama une, qe jam nga Shqiperia e mesme, jo vetem qe jam perpjekur te flas gjuhen letrare qe femije, por edhe me pelqen shume toskerishtja.

Nuk i kam ndare kurre te mijte ne toske e gege, por e dij se jemi toske e gege bashke (me nen-ndarjet e natyrshme). Ndarjen e kam bere vetem per te qesendisur huqet e njerit apo tjetrit apo per te qesendisur miqte e mi.

Ne vitin 1997 isha ne Kube dhe ne nje nga rruget e Havanes me afrohet nje tip shume i ngjashem me nje komshiun tim. "Hola, amigo! Nga te kemi." Nga Shiperia i them une. Por çfare dialekti flet ti, ma kthen, toske a gege. Paçke te nenes, mendova me vete, po nga i din ti keto gjera more mik? "Ne shkolle i kemi mesuar. Nuk e din ti qe Kuba ka sistemin shkollor me te mire ne bote?". NAtyrisht, ja kthej, qe e di. E cili vend nuk ka sistemin me te mire ne bote? Mjaft ti mbushesh mendjen vetes se te tjerat rrjedhin fjolle"

Si perfundim muhabeti u mbyll me ca dollare, si ndihme internacionaliste, natyrisht per te blere qumesht pluhur per femijen (jo cigare) ngaqe tolloni ishte harxhuar.

Me thene te drejten, zgjedhje, jo zgjedhje, jam shqiptar, ndjehem mire ne mes te gegeve, toskeve, çameve, kosovareve, gollobordasve, skraparllinjve, vlonjateve, shkodraneve...

Me pelqen shume gjuha letrare shqipe.

Me vjen mire qe koherat jane te mira per ne shqipetaret, sikur ti jepnim nje dore koherave edhe ne...do te ishte perralle.

Kam bere ndermend te marr familjen dhe te bej nje shetitje neper Shqiperine etnike dy dite ketu e tre dite atje.

Te na thoshte njeri pak kohe me pare qe kjo do te ishte e mundur...

Ka gje me te bukur? E na del njeri e na ngop me dengela, e se Saliu, e se Edi, e se Xhozi...

 

 

 

nga tema tjeter e publikuar : Të vdesësh nën plehra

Në derë është shfaqur i jati, Agroni (babai i 15-vjeçarit dukagjinas i shtypur nga makina e plehrave ne Shkoder).....Unë kam që në 1995 në Greqi. Punoj ç‘ka të mundem në Agrinjo...I pari ma ka thanë lajmin nji shok n‘telefon. ‘Hajde sa ma parë djali asht randë‘, tha n‘fillim. Po pastaj gjeti forca e m‘tha se Besmiri kishte mbarue. Një shoku im fierak m‘ka marrë me makinë e jena nisë për ktej. Nuk e mbaj mend as vetë rrugën. Di vetëm se nga Agrinjo në Kamëz kena ardhë për 6 orë. Vetë kam pi tri paketë e gjysë cigare.

Shembuj te tjere solidariteti ka sa te duash. Ndarja gege/tosk nuk ekziston.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).