Lufta për organe

Nga Dafina Myrtaj & Nebih Maxhuni  më 21.06.2009

Arrestimi i pjesëtarëve të Shërbimit Serb të Inteligjencës (BIA) dhe bisedat e tyre të përgjuara tregojnë qartë për zorin e shtetit serb për të gjetur qoftë edhe një njeri të gjallë që do të thoshte se UÇK-ja ka bërë transplantim të organeve njerëzore. Policia e Kosovës me arrestimin e këtyre pjesëtarëve i bëri shërbim të madh shtetit tonë.

“Ne nuk kemi dëshmi të tjera për Shtëpinë e Verdhë në Kukës. Nëse ky dëshmitar deklaron se atij i është marrë veshka, do të na ndihmonte shumë”, kështu ka deklaruar njëri prej pjesëtarëve të BIA-s, në përpjekje për të bindur dëshmitarin shqiptar për të dhënë deklaratë të rrejshme për akuzat e ngritura se gjoja në një shtëpi në Kukës, pjesëtarët e UÇK-së, në mënyrë të organizuar kanë bërë transplantime të organeve të trupit, të cilat më vonë i kanë shitur.

Ky pjesëtar i BIA-s ka deklaruar se asnjë dëshmi tjetër nuk e kanë. Ata po provonin shansin e fundit. I gjithë ky komplot është demontuar prej Policisë së Kosovës, që kanë arritur ditë më parë të kapnin pjesëtarët e shërbimit inteligjent serb në flagrancë, duke dashur të paguanin dëshmitarët.

Kjo do të forconte së tepërmi dyshimet që për ketë rast kishte ngritur ish-kryeprokurorja e Hagës, Carla del Ponte, në librin e saj autobiografik, "Madame Prosecutor”(Zonja prokurore). Ajo ka raportuar se ekipi i saj për krime lufte në OKB kishte marrë disa të dhëna se 100 deri në 300 serbë janë zhdukur apo kidnapuar menjëherë pas konfliktit në Kosovë, në vitin 1999.

Sipas saj, ata ishin dërguar në Shqipëri, ku u janë transplantuar organet dhe më pas janë vrarë. Mendimin e saj kundër UÇK-së, edhe më shumë e kishin forcuar shumë gazetarë të BBC-së, të cilët në reportazhet e tyre kanë cituar persona anonimë, të cilët kinse kanë rrëfyer për mizoritë e supozuar të pjesëtarëve të UÇK-së ndaj pengjeve serbe, shqiptare, rome, etj.

Rreth një javë pas arrestimit të tre pjesëtarëve të BIA-s në Kosovë dhe pas publikimit të transkripitit nga gazeta Express, zyrtarë të institucioneve kosovare, udhëheqës të ish-UÇK-së, analistë etj. thonë se akuzat që i janë bërë për transplantim organesh nga pjesëtarë të ish-Ushtrisë Çlirimtare të Kosovës, ka qenë edhe një tentim tjetër i Serbisë për prishjen e imazhit të luftës së fundit dhe stopimin e njohjeve të shteteve të reja për pavarësinë e vendit.

Njëri nga ish-udhëheqësit e UÇK-së në rajonin e Dukagjinit, Naim Maloku, pohon se investimet materiale të Serbisë në këtë drejtim janë të shpenzuara kot, pasi që, sipas tij, edhe nëse ky mision i BIA-s do të vazhdonte edhe më tutje, i vetmi dëmtim që do t’i bëhej Kosovës, ishte stopimi i dinamikës së njohjeve nga shtetet për pavarësi. Sipas Malokut, edhe organizmat ndërkombëtarë kanë qenë në dijeni se lufta e UÇK-së ka qenë e drejtë.

“Unë mendoj se të gjithë liderët në Kosovë kemi qenë unikë sa u përket akuzave të Carla del Pontes. Është ditur që nga fillimi se nga këto akuza nuk do të ketë asgjë. Këtu janë shpenzuar qindra mijëra euro për të gjetur dëshmitarë të rrejshëm. Përndryshe, përfundim i hetimeve lidhur me akuzat është ditur. Nuk kanë mundur të ketë ndonjë rezultat, sepse nuk ka pasur ndonjë krim të tillë nga ana e pjesëtarëve të UÇK-së”, thotë Maloku.

KMDLNJ-ja thotë se edhe para se të arrestoheshin tre serbët, pjesëtarë të BIA-s, ka qenë e ditur se ai pohim është një shpikje e pastër nga kundërshtarët e UÇK-së. Sipas saj, që nga fillimi është ditur se këto akuza nuk do të shpinin askund.

“Është ditur që nga fillimi se akuzat e Pontes dhe disa të tjerëve, janë të pabaza”, thotë Behxhet Shala, drejtor i KMDLNJ-së.

Sipas tij, me arrestimin e tre pjesëtarëve të BIA-s, Policia e Kosovës ka bërë një punë të jashtëzakonshme, pasi që ai thotë se pavarësisht faktit që është ditur se akuzat janë të pabaza, BIA-ja do t’i përdorte argumentet e rrejshme për të dëmtuar imazhin e Kosovës në organizmat ndërkombëtare.

“Ende nuk jemi të vetëdijshëm se sa është i rëndësishëm ky sukses i Policisë së Kosovës, sepse kanë parandaluar një veprim jashtëzakonisht të rrezikshëm, kanë parandaluar sigurimin e fakteve, edhe pse krejtësisht të rrejshme, ato do të mbështetnin akuzat e Pontes, të Serbisë dhe të ndërkombëtarëve, të cilët kanë kërkuar të fillojnë hetimet transplantimin e trilluar në Shtëpinë e Verdhë në Kukës”, thotë Shala.

Sipas tij, me arrestimin e tre pjesëtarëve të BIA-s, shihet se ka qenë një planifikim i qëllimshëm dhe se Serbia po investon qindra mijëra e miliona euro, për të gjetur dëshmitarë të rrejshëm dhe për të akuzuar të tjerët për krimet që i ka bërë vetë.

Në anën tjetër, KMDLNJ-ja thotë se Kosova ka me mijëra fakte, mirëpo nuk është në gjendje që t’i tregojë botës se çka ka ndodhur në të vërtetë.

Megjithatë, KMDLNJ-ja thotë se është shumë e rëndësishme që të zbardhet fati i të gjithë të zhdukurve nga lufta në Kosovë, duke përfshirë edhe dhjetëra serbë, të cilët konsiderohen të zhdukur që nga viti 1999.

“Dikush duhet të japë informacione për serbët e zhdukur, sepse ka mbetur e pandriçuar kjo çështje dhe kjo ka krijuar një mundësi për spekulime, të cilën në mënyrë mjeshtërore e ka keqpërdorur Carla del Ponte”, vlerëson Shala.

Ekspertë të drejtësisë thonë se tentimet e Serbisë për të njollosur luftën e fundit sikurse rasti i BIA-s , tregon qartë dëshpërimin e Serbisë në përpjekjet e saj që të prishin imazhin e udhëheqësve të UÇK, e të cilët sot janë në krye të institucioneve të Kosovës dhe në partitë në opozitë.

“Serbia ka humbur adutet e saj në tregimin nëpër botë të përrallës se kinse shteti i Kosovës ka liderë që kanë qenë drejtues të UÇK-së, e që janë të përfshirë në krime të tmerrshme që i ka bërë elita e UÇK-së”, thotë Tomë Gashi, këshilltar i kryeministrit për drejtësi.

Sipas tij, loja është edhe më e zjarrtë, kur pritet që për ligjshmërinë e shpalljes së pavarësisë të merret vendim këshillëdhënës i Gjykatës së përhershme të Drejtësisë në Hagë.

“Është një çështje e luftës mediale që Serbia ka investuar në këto dhjetë vitet e fundit dhe që ne mjerisht e kemi injoruar. Askush nga udhëheqësit e Kosovës nuk ka qenë kundër hetimeve, pasi që rezultati i këtyre hetimeve është ditur dhe më mirë të shpenzohet energji në hetimet se kush nga serbët ka vrarë mbi 15000 mijë civilë kosovarë në luftën e fundit”, thotë ai.

Qeveria e Kosovës edhe një herë ka ripërsëritur se Ekzekutivi përkrah çdo hetim të pavarur dhe të drejtë në rastin e akuzave për transplantim organesh nga ish-pjesëtarë të UÇK-së.

“Ne jemi për hetime të plota e të pavarura dhe të drejta, pa marrë parasysh se ndaj kujt janë në këtë rast, ne kemi shprehur mendimin atëherë dhe e përsërisim prapë se lufta jonë ka qenë e drejtë dhe e pastër, çlirimtare dhe njerëzit e luftës i kanë respektuar të gjitha të drejtat”, thotë zëvendëskryeministri Hajredin Kuçi.

Kuçi ka vlerësuar se Qeveria e Kosovës ka pasur bindjen më herët se akuzat kanë qenë vetëm një spekulim.

“Ne presim organet e hetuesisë që të japin fjalën përfundimtare”, rrëfen ai.

14 Komente

BIA pa dëshmi

BIA planifikonte me çdo kusht gjetjen e dëshmitarëve të rrejshëm. Pjesëtarët e saj pohonin se kjo gjë është esenciale për sukses, sepse s’kanë dëshmi për Shtëpinë e Verdhë në Kukës. Shpresonin të sigurojnë një argument valid. Lexoni vazhdimin e dytë të bisedave të incizuara.

Nga Express  më 18.06.2009 në ora 16:58

(Updated) Shërbimi Informativ Serb, BIA, ka vazhduar takimet e fshehta, në vende të ndryshme, në përpjekje për të siguruar domosdoshmërisht dëshmi të rrejshme kundër UÇK’së, me shpresën se nuk do të mbesin pa argumente në luftën e tyre për ta prishur imazhin e Kosovës në botë.

Express sjell dëshmi të reja për operimin e tyre në Kosovë, pas arrestimit të tre serbëve, Predrag Zheljkovic, Milutin Radanovic dhe Igor Josinac.
Në një raport hetues, thuhet se nga informatat që janë marrë, është kuptuar se me datë 26. 04 2009, Igor Josinac ka aranzhuar një takim në Restorantin N.N (emër i njohur për redaksin&eumlsmiley, afër Prevallës, në Prizren.

“Rreth orës 14 e 2 minuta, nga ana e vëzhgimit lokal, Igor Josinac, i cili ka qenë duke vozitur veturën Opel Vectra, me tabela NP 738 98, në rrugën Shtërpcë- Prevallë, në orën 14 e 35 minuta, ka parkuar veturën në parkingun e Restorant N.N. Ka hyrë brenda vetëm, ku është takuar me dy persona, me të cilët ka vazhduar bisedën deri në orën 15 e 52 minuta”, thuhet në raport.

Ky takim ka qenë nën monitoronimin dhe vëzhgimin e Policisë së Kosovës.

Aty është folur për gjërat që janë biseduar edhe më herët lidhur me rastin e gjetjes së dëshmitarëve të rrejshëm, ndërsa është bërë përpjekje të precizohet dita kur mund të takohen me personat kryesorë të këtij procesi - të cilët do të vinin nga Beogradi.

Biseda e mëposhtme, e cila është e transkriptuar, fjalë për fjalë, është zhvilluar mes Igorit, Ndërmjetësit dhe dy personave nga Beogradi.

Personi 1: Shiko, së pari duhet të dimë se a është punuar ai. Varianti i dytë është që t’i hulumtosh krejt këto. Dhe, hapi i tretë është që ta marrësh vesh se a do të shkonte ai në mënyrë të hapur në ekzaminim, dhe sa para do të ishte.

Ndërmjetësi: Kjo varet nga shuma e parave.

Personi 1: Dhe shiko se për të cilën shumë të parave do të hynte ai. Do të thotë, a do të dëshmonte, shumën e parave... Dhe në këtë proces do ta përfundonim edhe (rastin me burg), si dhe për sa para do ta përfundoje ti këtë punë.

Ndërmjetësi: Unë i kam thënë Igorit, se unë kam folur më vëllanë e Shqiptarit. Shqiptari nuk do ta pranojë për më pak se 50 mijë. Ne kemi biseduar me Igorin, kjo është.

Personi 1: Për një argument të mirë, për diçka që ia vlen, në qoftë se ai thotë, në qoftë se ai ka ndonjë dokumentacion çfarëdo, në mënyrë që në gjyq mos të na rrëzojnë. Do të shkojë edhe varianti i dëshmitarit të mbrojtur, dhe në bazë të kësaj do të hiqet kjo (mendon për burgun).

Ndërmjetësi: Kam unë njerëz shqiptarë të cilët, në qoftë se është nevoja, do të dëshmonin rrejshëm për para. Njerëzit janë në krizë. E kam njërin nga Suhareka.... Atëherë kur më ke thënë se a mund të më gjesh ndonjë incizim për djegie apo vrasje, ndonjë kasetë...

Personi 1: Për neve është mjaft e rëndësishme kjo pjesë, pavarësisht se a janë marrë organet nga myslimanët, nga serbi apo nga shqiptari. Me rëndësi për neve është se ka ndodhur dhe se kjo do të përputhej me disa pikëpamje tona të gjëra. A është ajo Shtëpia e Verdhë për të cilën flitet. A është thirrur kështu, apo për çka është thirrur ashtu. A janë kryer aktivitete përmes saj, apo janë kryer edhe në hapësira më të gjëra, territore më të gjëra, vende, nuk di se çka... Dhe, ende nuk më ke thënë sa para do t’i kërkosh ti?

Ndërmjetësi: Kërkoj 10 mijë euro për Shqiptarin. Mirëpo, në qoftë se angazhoj ende njerëz, atëherë në qoftë se m’i jepni emrat... Unë njoh mjaft njerëz të operuar. Unë njoh njerëz të cilët kanë qenë gati të vdekur dhe janë kthyer në jetë. I kam njohur se unë qe 9 vjet jetoj këtu. Për Shqiptarin, më ka thënë Igori. Shqiptari është sigurisht. Të kam unë emrat e njerëzve, të disave, të cilët janë në rrethinën time. Eventualisht në qoftë se ka dikush nga Peja, do të mundesha, sepse kam shokë të mirë.

Personi 1 : Ti mund t’ia fillosh kështu, nuk ka para, e të jetohet duhet.

Ndërmjetësi: Po, ai po më kërkon para çdo herë.

Personi 1: Hajde të shohim ne kështu... Fatkeqësia është e njëjtë për të gjithë, pa marrë parasysh a bëhet fjalë për serbin, myslimanin, kroatin apo shqiptarin. Në qoftë se ti di dhe ke dokumentacion.... Unë po të flas sikurse ti je duke folur me të. Hajde të gjejmë mënyrën... Unë do ta gjej mënyrën që këtë ta zbërthejmë në para. Ti do të dëshmosh dhe ta japësh ADN-në. Të kërkojnë njerëzit nga të cilët është marrë ajo (organet) ose familjen, nuk është me rëndësi. Për atë proces, do të marrësh kaq, unë do të marr diçka në lidhje me këtë, që mund të jetohet. Ashtu që, kush e ka sjell deri në atë gjendje dhe e ka lënë të plagosur, ai nuk ka as obligim moral as tjetër që mos të tregojë se çka ka ndodhur dhe të mos flasë. Ne nuk kemi bërë ashtu, as me kriminelë të llojit më të keq. T’i presim e t’ua nxjerrim organet dhe t’i shesim. Kjo është... nuk e di.. fatkeqësia dhe nevoja nuk kanë nacionalitet dhe kjo do të ishte ajo që duhet ta dimë para se të fillojë procesi.

Ndërmjetësi: A mund ta di unë se a jam i vetmi që po punoj në këtë drejtim?

Personi 1: Këtu, jo.

Ndërmjetësi: E po, është që mos të mbes unë në pozitë të keqe, se pastaj thonë a është interesuar Ndërmjetësi. Kështu, kur të hyj unë, e kuptoj se kush është kryesori dhe i mbaj të gjitha në sekret. Nuk duhet të ketë sukses, në qoftë se rrezikohet.

Personi 1: A di ti të falsësh shqip?

Ndërmjetësi: Pak di, por jo shumë.

Personi 1: A mundesh ti ta mbash atë kontekstin. A mund të merresh vesh me ta?

Igori: Me Shqiptarin, mundesh, mundesh.

Personi 1: Çka dëshiroj të them është se vëllai i Shqiptarit nuk është i përzier. Sa më pak njerëz dinë, aq më mirë është.

Ndërmjetësi: Vëllai i Shqiptarit e di se Shqiptari duhet ta kryejë një punë dhe t’i marrë disa para, dhe nuk e di se çfarë pune.

Personi 1: Por në qoftë se e angazhoj të përkthejë.

Ndërmjetësi: Jo, jo, vëllai i tij nuk e di.

Personi 1: Atë nuk do ta inkuadroja. A mund të merresh vesh me të...

Ndërmjetësi: Jo, jo, vetëm me Shqiptarin drejtpërdrejt.

Personi 1: Mund të merresh vesh, pak shqip, pak serbisht. Jo, jo, kjo është një storie e kryer.

Ndërmjetësi: Ku do të ishte duhur që të vijë ai për ADN dhe të kryhet kjo. Kjo është mjaft e rëndësishme. A duhet kjo të organizohet këtu apo çka?

Personi 1: Më së pari kryhet biopsia, si një kontroll i rregullt.

Ndërmjetësi: Mirë, mirë, ai nuk do të shkonte në pjesën serbe në Mitrovicë, as i vdekur.

Personi 1: Dëgjo, në qoftë se ai hyn në sistem, atëherë duhet të vijë atje lart (mendohet për Serbin&eumlsmiley.

Personi 2: Mirëpo, ai do të jetë qytetari më i mbrojtur i Serbisë.

Personi 1: Ai duhet të lajmërohet diku në gjyq. Ai do të ketë mbrojtje dhe do të ketë pensionin për tërë jetën, dhe do të mund të jetojë. Ai si dëshmitar i mbrojtur mund të marrë para për tërë jetën. Mund të marrë banesë, mund të marrë...

Ndërmjetësi: Kështu, ta di konkretisht.

Personi 1: Ai si dëshmitar i mbrojtur merr para për tërë jetën. Mundet edhe banesën.

Personi 2: Mund ta ndërrojë identitetin.

Personi 1: Po, po mund ta ndërrojë identitetin. Mund të thirret ndryshe. Kjo nuk ka problem tash. Kjo është gjëja më e vogël. Mund të mbetet edhe ashtu. Mirëpo, nëse dikush e kupton nga ato klanet...Në qoftë se ai pranon të dëshmojë, do ta ketë pensionin e mirë, para të mira, nuk ka çka të frikësohet.

Ndërmjetësi: Po, për para të mira do të bënte këtë.

Personi 1: Këta janë hapa që duhet të bëhen, këta janë hapat e parë. Ti këtë ia paraqet dhe i lajmërohesh shokut dhe atëherë mund të fillojmë. Atëherë lart e aktivizojmë tërë mekanizmin.

Ndërmjetësi: Po, po.

Personi 1: Ministria e Drejtësisë do të bëjë këtë, gjyqësia. Pastaj do të ulemi me ta dhe të shohim se si mund të respektohet kjo marrëveshje dhe në çfarë mënyre.

Ndërmjetësi: Po, se për mua vendimi i dënimit është i plotfuqishëm, dhe kjo është pak...

Personi 1: Pastaj ekspertët për këtë çështje vendosin se në çfarë mënyre mund të rregullohet kjo dhe se njeriu të cilin e kemi angazhuar për këtë, të marrë kompensim. Në qoftë se ai neve na dëshmon se kush, çka, edhe ndonjë dokument spitali në të cilin është kryer. Në rast se shteti e merr këtë çështje, atëherë pas dëshmimit shteti do ta bëjë atë që për këtë nuk ka dilemë, dhe për ty do të na thonë se si është mënyra (çështja e dënimit) dhe kjo nuk është asgjë në krahasim me veprat të cilat jemi duke i bërë. Do ta gjejmë mënyrën gjyqësore dhe mënyrat tjera që ta neutralizojmë (dënimin). Këtë duhet sa më parë, se procesi ka filluar.

Ndërmjetësi: Ka filluar procesi?

Personi 1: Po, ka diçka. Ne jemi duke tubuar diçka rreth Shtëpisë së Verdhë (shtëpia në Kukës), do të thotë se ka filluar të studiohet lënda dhe fillon procesi, dhe këso variante ende nuk ka (mendon në këtë mënyrë të dëshmimit). Në qoftë se në këtë pjesë nuk e përfundojmë sa më shpejtë dhe ekspert tjerë thonë se mund ta kryejnë rastin. Atëherë vjen personi (njeri tjetër) i cili do të vijë me neve dhe i cili do të bisedojë me ty.

Ndërmjetësi: Dhe atëherë vjen njeriu i vërtetë (kryesori)?

Personi 1: Vjen ai i cili do ta udhëheqë këtë.

Ndërmjetësi: Dhe ai do ta udhëheqë këtë?

Personi 1: Me siguri ai do të punojë nga ky referat dh ai me siguri do ta udhëheqë këtë.

Ndërmjetësi: Dhe pastaj unë të vazhdoj me të.

Personi 1: Dhe ti ende e ke garancinë tonë për këtë.

Ndërmjetësi: Mua më duhet diçka konkrete të di se kush sa merr prej kësaj. Shqiptari do të marrë kaq, unë kaq.

Personi 1: Kur ti t’i kryesh këto dhe të dish se ai do dhe ku, kur e ka bërë ky, është parakusht për fillimin e bisedës. Pastaj, bisedojmë më njëri-tjetrin lart. Thotë se kjo ka vlerën e arit. Atëherë në qoftë se thonë se po fillojmë. Mirëpo se a do t’i marrë 40 apo 50 mijë, apo do të marrë pension për tërë jetën, këtë nuk mund ta them se çka do t’i konvenojë, banesë apo diçka tjetër që do t’i konvenojë atij. Për këtë variantin e parave dhe këtë tënden (mendon dënimin) nuk do të ketë problem.

Ndërmjetësi: A nuk keni edhe ndonjë emër që të provoj edhe më të?

Personi 1: Ne do t’ia bëjmë kështu. Ti do të na lajmërosh neve, dhe në qoftë se kemi ndonjë indikacion për ndonjë emër, ata do ta japin dhe do të thonë: gjeje edhe këtë njeri, se edhe ai është i operuar dhe do ta shohim edhe atë. Në qoftë se janë 5-6 veta nga ndonjë regjion, atëherë ne së bashku do të shikojmë se ku mundesh.

Ndërmjetësi: Po, po, por nuk guxoj gjithkah se ka vende që janë të rrezikshme.

Si u ndal BIA? Bisedat e incizuara...

Express sjell rrëfimin ekskluziv për arrestimin e pjesëtarëve të BIA’s në Kosovë, të cilët provuan të manipulojnë dëshmi të rrejshme kundër UÇK’së. Si u përcollën ata, si u përgjuan dhe si arriti Policia e Kosovës t’i arrestojë në flagrancë? Express ka siguruar dokumente të përgjimit të tyre. Lexoni bisedat, fjalë për fjalë.

Takime të fshehta në vende të ndryshme të Kosovës, fotografi, vendi ku ata kanë qendrën për operime në Kosovë, ofrimin e shumave të parave për deklarata të rrejshme kundër luftës së UÇK’së, e shumë detaje të tjera, Express ka arritur t`i sigurojë në lidhje me rastin e arrestimit të tre serbëve, që besohet të jenë pjesëtarë të Shërbimit Informativ Serb, BIA.

Të gjitha këto dëshmi e detaje të operimit të tyre në Kosovë, Express i ka siguruar pak ditë pas arrestimit të tre serbëve, Predrag Zheljkovic, Milutin Radanovic dhe Igor Josinac.

Në dokumentet që ka gazeta, janë evidentuar takimet e fshehta mes tyre, aranzhimet e takimeve me persona të ndryshëm nga të cilët është kërkuar të dëshmojnë rrejshëm për kohën e luftës që ka ndodhur në Kosovë, e posaçërisht për të dëshmuar për transplantimin e supozuar të organeve që kanë bërë ushtarët e ish UÇK’së.

Po ashtu, nga këto dëshmi shihet se në rrethin e këtij grupi janë të përfshirë edhe shqiptarë nga Kosova, e po ashtu edhe zyrtarë të lartë të Policisë së Kosovës.

Sipas këtyre dokumenteve zyrtare, thuhet se qendra kryesore e këtij grupi të Inteligjencës Serbe dhe personave të tjerë të udhëhequr nga Qeveria e Serbisë është në veri të Mitrovicës dhe në Kopaonik.

“...Këta persona dyshohet se janë duke mbledhur informata të rrejshme dhe janë duke bërë pagesa në mënyrë të paligjshme për gjoja mbledhjen e fakteve për transplantime të organeve gjatë luftës në Kosovës”, thuhet në raportin hetues, të siguruar nga gazeta.

Hetimet rreth këtij grupi të dyshuar, bëhet e ditur se kanë filluar qysh prej fillimit të muajit prill të këtij viti.

Kështu, me datën 8 të muajit prill, hetuesit policorë kanë kuptuar se ky grup i përbërë nga disa persona do të takohen në fshatin Prevallë të Prizrenit, në afërsi të Brezovicës.

Rreth orës 11 të mëngjesit, në restorantin N.N në Prevallë, janë takuar katër persona. Bëhet e ditur se ky takim është udhëhequr nga dy persona nga Beogradi, për të cilët thuhet se me profesion janë mjekë.

Në këtë incizim të policisë është kuptuar se këta persona kanë kërkuar një person të nacionalitetit shqiptar (emri i njohur për redaksin&eumlsmiley, me qëllim që nga ky të marrin dëshmi të rrejshme për kohën e luftës që ka ndodhur në Kosovë.
Ky takim është aranzhuar nga polici serb i Kosovës, tashmë i arrestuari, Igor Josinac.

Për deklarata të rrejshme dhe për një bashkëpunim të mundshëm me këtë person shqiptar, në këtë takim është cekur se ai mund të përfitojë 50 mijë euro.
Pas takimit në Prevallë, tashmë i arrestuari Igor Josinac, i shoqëruar me dy personat nga Beogradi me veturën Opel Vectra në tabela të Novi Pazarit (NP) nisen në drejtim të Shtërpcës, ku gjatë rrugës marrin edhe personin e katërtë për të vazhduar udhëtimin e tyre drejt Prishtinës.

I gjithë ky takim i pjesëtarëve të BIA’s ishte nën vëzhgimin e hetuesve të policisë së Kosovës.

Sipas transkriptit, hetuesit e policisë kishin kontaktuar një njësi të trafikut afër qendrës tregtare ‘Ben Af’, në Ferizaj, ku kishin kërkuar që vetura me tabela NP të ndalohej për të identifikuar personat që po udhëtonin me Igor Josinac.

“Me të ndaluar veturën, Igor komunikon me policët e trafikut, ku ai paraqet ID kartën e tij duke treguar se është pjesëtar i Policisë së Kosovës. Në momentin kur policët e trafikut kërkojnë identitetin e pasagjerëve, Igor reagon duke thënë se këta janë mjekë nga Beogradi, të cilët i ka takuar për një shërbim mjekësor”, thuhet në raport.

Pas kësaj, policët e trafikut nuk kanë reaguar më shumë, duke lejuar që vetura e Igor Josinac dhe pasagjerëve të tjerë, gjegjësisht pjesëtarëve të BIA’s, të vazhdojë rrugën e tyre drejt Llapnasellës të Çagllavicës.

“Ndalohen në një oborr të një shtëpie në këtë fshat (Express ka shlyer të dhënat specifike të shtëpisë për çështje të siguris&eumlsmiley ku zbresin të katër personat. Kjo shtëpi dyshohet të jetë shtëpi koordinuese e këtyre personave, të cilët janë duke mbledhur dëshmi të rrejshme nëpër territor të Kosovës. Në këtë grup, janë të përfshirë një grup shumë i madh personash të cilët janë të dirigjuar nga Qeveria e Serbisë për qëllime të caktuar”, thuhet më tej në këtë raport.
Në vazhdën e këtij misioni, pjesëtarët e BIA’s, më 11 prill të këtij viti, aranzhojnë takime të tjera në rrethinën e Prizrenit, për t`u takuar me njerëz të cilët po ndihmonin në mbledhjen e informatave dhe gjetjen e personave të tjerë, të cilët janë të gatshëm të japin deklarata të rrejshme në disfavor të shtetit të Kosovës, e posaçërisht për luftën e fundit.

Përveç disa personave që kanë ndihmuar në mbledhjen e informatave, hetuesit policorë kanë vërejtur se në misionin e BIA’s për deklarata të rrejshme kundër ish-UÇK ishte i angazhuar edhe një zyrtar i lartë i policisë së Prizrenit.

“Igor Josinac dhe personi tjetër rreth orës 14 e 28 minuta, në vendin e quajtur Shatërvani në Prizren, takohen me kapitenin e Policisë së Kosovës (emri i njohur për redaksin&eumlsmiley i cili në këtë takim vjen me veturë zyrtare të policisë Toyota Land Cruser”, sqarohet më tej në raport.
Takimi me kapitenin e policisë dhe dy pjesëtarëve të BIA’s kishte zgjatur vetëm pak minuta, ku zyrtari i lartë i policisë së Kosovës nxjerr një dokument nga xhepi, të cilin Igor Josinac e fut me shpejtësi në xhepin e tij.
Pas kësaj, bëhet e ditur se të dy personat ndahen nga kapiteni i PK-së dhe rreth orës 15 e 15 minuta ata hipin në një veturë Ford Orion me targa KS, ku nisen në drejtim të fshatit Reçan.

Sipas këtij dokumenti, thuhet se dy ditë më vonë, pikërisht me 11 prill, hetuesit policorë kanë vëzhguar një shtëpi në hyrje të fshatit Llapnasellë, në të cilën dyshohet të jetë shtab i krizës i formuar nga personat e lartcekur.

Fakti se kjo shtëpi është kthyer në qendër takimi të pjesëtarëve të shërbimit sekret serb, pohohet se para kësaj shtëpie shpeshherë shihen të parkuara automjete të ndryshme dhe se atë e vizitojnë persona të shumtë.

Bisedat, fjalë për fjalë...

Më poshtë, mund të lexoni disa nga bisedat ndërmjet Igor Josinac dhe grupit që është duke u hetuar. Biseda është e transkriptuar fjalë për fjalë. Igor Josinac këtu bisedon me një Ndërmjetësues (emër i njohur për redaksin&eumlsmiley, gjithashtu pjesëtar i Policisë së Kosovës, rreth koordinimit të veprimeve për ta bindur një shqiptar të Kosovës (emër i njohur për redaksinë, por për shkak të hetimeve, emri i tij, në bisedën e transkriptuar, është shënuar si SHQIPTARI), që në këmbim të disa dhjetëra mijëra eurove, të dëshmojë rrejshëm se gjatë kohës së luftës atij i ishte marrë njëra veshkë. Igor Josinac përgatit terrenin që pastaj në Kosovë të vinin një nivel i lartë i BIA’s, që do ta kryenin transaksionin financiar.

Ndërmjetësi: Unë jam aktivizuar seriozisht…

Igori: Ky është interes i madh. Kjo ka rëndësi për mua, për ty, për atë. Këta (v.j: me ‘këta’ Igor mendon në pjesëtarët e BIA-s&eumlsmiley hyjnë për shkak timin dhe tëndin... Ata e kanë arritur shkallën më të lartë, i kanë të gjitha, dhe nuk u nevojitet ndonjë gradë (mendojnë për ngritjen në pozita). Të gjitha këto që ata i marrin, i marrin për situatë parazgjedhore, dhe për mua e për ty, sepse atyre unë u kam thënë për ty...

Ndërmjetësi: Të ta them një punë. Unë jam takuar me Shqiptarin, direkt. Ka thënë “po, unë jam ai dhe di shumë punë”. Ai ka dëshirë ta dijë se kush i garanton se do t’i marrë të hollat. Atij i interesojnë të hollat...

Igori: Paratë i garantoj unë. Unë të garantoj ty, e ti i garanton atij... dhe për të tjerat, nuk ke problem. Unë të garantoj ty, ti atij.

Ndërmjetësi: A bën që atij t’i jepen disa para më herët, që ai të vijë e ta japë deklaratën?

Igori: Të them diçka. Ata, nëse merren vesh për 40 mijë - mirë. Ti je marrë vesh për 50 mijë euro, nuk ka problem. Me Shqiptarin do të bisedohet prapë. Ti do të marrësh pjesën tënde dhe do të ta heqim atë...

Ndërmjetësi: Domethënë, mua 10 mijë euro dhe do të ma heqin burgun? (V.J: Këtu, Ndërmjetësi po negocion që në këmbim të punës që po e bën, përveç 10 mijë eurove, pjesëtarët e BIA’s t’ia shlyejnë edhe një dënim të mëhershëm që e ka pasur në Serbi)

Igori: Ti ke thënë 10 mijë euro dhe burgun...

Ndërmjetësi: Po, unë kam thënë 10 mijë euro dhe të ma heqin burgun...

Igori: Mos me keqkupto tash ti mua... Edhe në qoftë se t’i heqin 5 mijë, ti do të jesh i kënaqur.

Ndërmjetësi: Kuptoj.

Igori: Për tërë jetën, ne i kemi ata. Dhe kemi punë të tjera.

Ndërmjetësi: A janë ata me të vërtetë të fortë( V.J: pjesëtarët e BIA’s)?

Igori: Të ta them të drejtën, nuk ka më të fortë se ata.

Ndërmjetësi: Se ata...

Igori: Tash të them se ata janë në rang me... Çka vendosin ata, do të thotë ka vendosur Tadic.

Ndërmjetësi: Tadic...

Igori: Nuk kam afruar unë njerëz lloma. Ne nuk kemi hyrë në bisedë vetëm për të folur.

Ndërmjetësi: Të them diçka Legendë. Unë po hyj në një lojë shumë të rrezikshme.

Igori: Ti hyn në lojë, unë hyj në lojë për shqiptarë.

Ndërmjetësi: Ty nuk ta ndjen për asgjë... Ti do të shkosh...

Igori: Ne nuk njihemi nga sot. Unë po të lus që ta kuptosh se është shumë serioze, tepër serioze.

Ndërmjetësi: Kur do të shihemi me ata? Unë tërë ditën kam qenë... dhe siç po e sheh, unë jam duke rinovuar... Shqiptarin e kam pritur në një Bastore.

Igori: Puna kryesore në jetë është se unë kur të them, se në qoftë se të kanë thënë që do t’i marrësh kaq, aq do t’i marrësh.

Ndërmjetësi: Sa do t’i marrë Shqiptari, pasi që unë nuk jam i rëndësishëm në këtë tregim? Ai ka pranuar...

Igori: Shqiptari do t’i marrë prej 30 deri në 40 mijë.

Ndërmjetësi: Sigurt prej 30 deri në 40 mijë?

Igori: Dëgjo... Gjithçka që i nevojitet, do të ketë. Ti t’i kesh paratë, të gjitha të tjerat unë të garantoj ty, ti i garanton atij. Është pjesë e punës sime se si do t’i nxjerr unë prej tyre, kur të kryhet puna. Mos të jetë se ai ka vetëm fjalë. Fjalët janë diçka, veprat janë diçka tjetër. Nëse atij ia kanë ndërruar.... ne kemi përfunduar punën, ne kemi futur paratë në xhep...

Ndërmjetësi: Po.

Igori: A po kupton, ne i kemi marrë paratë...

Ndërmjetësi: Legendë, pasi që i ke njerëzit... e unë njoh njërin që e ka parë vrasjen e një serbi dhe që dëshiron të flasë.

Igori: Shiko, mos të shkojmë majtas e djathtas... Do të më thuash ti për këto, janë më të rëndësishme.

Ndërmjetësi: Momentalisht, më prioritare.

Igori: Kjo tash është aktuale. A e di se çka më kanë thënë ata: Mos ka kërkuar shumë? Por, kur kanë mundur t’i japin për atë majmunin, Kovacevicin 950 mijë, gati 1 milion, pse mos t’i japin për këtë që do ta shpëtojnë kur të pranojë... Kjo është çështja, tash për tash.

Ndërmjetësi: Sipas mendimit të tyre, kjo nuk është para e madhe për Shqiptarin?

Igori: Jo, nuk është e madhe. Ata kanë menduar 20 mijë, por unë u kam thënë – cilat janë mundësitë e mia... dhe kjo ka shkuar më tutje. Dashtë Zoti që ai t’i marrë 50 mijë, ose edhe 100 mijë. Por, më beso, se kurrë nuk do ta tradhtojmë. Do ta shpëtojmë atë dhe familjen e tij. Unë atyre do t’u them se ai ka pranuar.

Sot në gazetën Express mund të lexoni vazhdimin e tretë dhe të fundit të rrëfimit për arrestimin e pjesëtarëve të BIA-së në Kosovë. Si një shqiptar, të cilin pjesëtarët e BIA-së ishin të gatshëm t’i paguanin mijëra euro për dëshmi të rrejshme, i futi në grackë shërbimin inteligjent serb. Ai i bindi ata që të hollat të vinin e t’ia paguanin në Kosovë, por këtu u arrestuan prej Policisë së Kosovës.

Si ra në kurth BIA?

Në vazhdimin e tretë dhe të fundit të rrëfimit për arrestimin e pjesëtarëve të BIA-së në Kosovë do të lexoni për mënyrën se si një shqiptar, të cilin pjesëtarët e BIA-së ishin të gatshëm t’i paguanin mijëra euro për dëshmi të rrejshme, i futi në grackë shërbimin inteligjent serb. Ai i bindi ata që të hollat të vinin e t’ia paguanin në Kosovë, por këtu u arrestuan prej Policisë së Kosovës.

Nga Express  më 20.06.2009 në ora 16:00

Kjo është pjesa e fundit dhe më interesante e bisedave që Express ka botuar në tri ditët e fundit.
Më në fund personi që kishte inskenuar se gjoja gjatë kohës së luftës atij i ishte marrë veshka në Shtëpinë e Verdhë në Kukës, takohet me Igorin dhe Ndërmjetësuesin. Kjo është dita e fundit kur këta të tre bisedojnë, përpara se në Kosovë të vinin një delegacion i BIA-së që do të bënin pazarin final me Shqiptarin, në mënyrë që ky të pranojë të dëshmojë rrejshëm se gjoja gjatë luftës atij i është marrë veshka.

Mirëpo, për shkak të konfuzionit të krijuar dhe shumë komenteve që kanë ardhur për ketë shkrim në redaksi, duhet të thuhet se Shqiptari - i cili gjatë gjithë kohës ka negociuar për çmimin e dëshmisë së rrejshme - ka qenë bashkëpunëtor i Shërbimit Policor të Kosovës. Roli i tij ka qenë kritik në arrestimin e pjesëtarëve të BIA-së, sepse ai gjatë gjithë kohës i ka ndarë informatat me SHPK-në, deri në momentin kur në Kosovë kanë mbërritur zyrtarët e BIA-së, që pastaj edhe janë arrestuar.

Në këtë pjesë të transkriptit mund ta kuptoni se si Igori provon vazhdimisht që dëshmitari shqiptar të shkojë të takohet me zyrtarët e BIA-së diku në Mitrovicë, por shihet edhe insistimi i dëshmitarit që takimi të bëhet në pjesën tjetër të Kosovës. Po të zhvillohej takimi në Mitrovicë, do të ishte e pamundur që të arrestoheshin spiunët serbë, por kjo gjë u realizua me sukses në vendin që kontrollohet prej policisë së Kosovës.

Prej gjithë këtij rrëfimi të botuar këto ditë në Express kanë dalë në shesh disa të vërteta, të cilat kanë qenë të mjegullta.
Pjesëtarët e BIA-së e kanë pranuar në pjesën që është botuar dje, se nuk kanë kurrfarë faktesh për transplantimin e organeve të bëra në Kukës. Ata e pranojnë se kjo është mundësia e vetme që ata ta fitojnë luftën për shtëpinë e verdhë në Kukës. Krejt shpresat shërbimi serb i inteligjencës i ka pasur në këtë dëshmitar të rrejshëm, të cilit kanë qenë në gjendje t’i paguajnë shuma të konsiderueshme të të hollave.

Kjo bisedë është zhvilluar mes Igorit, Shqiptarit dhe Ndërmjetësit

Igori: Unë e di se si ka qenë situata me ty... Më vjen keq.

Shqiptari: A je ti kryesori? Unë kam dëshirë të bisedoj me kryesorin.

Igori: Jo, nuk jam kryesori. Por, do të vijë kryesori të flasë me ty.

Shqiptari: Ne do të takohemi diku këtu.

Igori: Unë e di problemin që ke pasur ti më herët. Mua nuk ma ndjen për asgjë. Ti ke pasur problem, e di. Ti ke luftuar për këtë shtet, ti ke dhënë shumë për shtetin tënd, mirëpo ata ty nuk të kanë dhënë asgjë. Domethënë se tash ne të luajmë patriot, unë ti dhe ky. Unë po kam dëshirë të të ndihmoj ty, këtij dhe vetes. Të gjithë së bashku ta kryejmë një punë të mirë. A po kupton? Kjo do të jetë një e vërtetë si ka qenë. Ti do të jesh dëshmitar i mbrojtur dhe do të takohesh me shokun tim pa problem.

Shqiptari: Kadale një herë... Unë dëshiroj të bisedoj me njerëz që janë korrektë, jo me njerëz që do të më mashtrojnë.

Igori: Shiko, Shqiptar... këtu nuk ka hajgare.

Shqiptari: Kadale një herë... Unë dëshiroj të bisedoj me kryesorët. Nuk dua të bisedoj me njerëz të tjerë. Ti nuk je kryesori. Unë i besoj Ndërmjetësit... çka të thotë Ndërmjetësi, unë i besoj atij.

Igori: Nuk ka problem. Ti i ke treguar për paratë, për krejt?

Ndërmjetësi: Po, po, i kam treguar për të gjitha.

Igori: Shiko, kështu Shqiptar, 100 % unë të garantoj.

Shqiptari: Jo, jo, unë nuk dua të më garantosh ti. Mua dua të më garantoj Ndërmjetësi. Ty nuk të njoh.

Igori: Ndërmjetësi të garanton ty, unë i garantoj atij.

Shqiptari: OK.

Igori: Në qoftë se merremi vesh për paratë, atëherë ti i kërkon nga ai, atëherë unë duhet t’i kem paratë, unë i garantoj këtij.

Shqiptari: Po de, por unë nuk po të njoh ty, unë e njoh Ndërmjetësin. Kadale pak...

Igori: A mund të merremi vesh diçka... Javën e ardhshme, kah fundi i javës së ardhshme...

Shqiptari: Jo, jo, sa më shpejt unë dëshiroj të flas me kryesorët. Ne mund të pimë kafe sa herë të duash, mirëpo unë kam dëshirë të flas me kryesorin. Për punë dëshiroj të flas me kryesorin. Ti nuk je kryesori.

Igori: Jo, jo, unë nuk jam kryesori.

Shqiptari: E në qoftë se ti nuk je kryesori, atëherë kush është kryesori?

Igori: Kryesori është një shok i imi.

Shqiptari: Cili është ai shok i yti, a e njoh unë, si e ka emrin?

Igori: Ti nuk e njeh atë.

Shqiptari: Sigurisht nuk e njoh unë? Paratë, a i jep shteti?

Igori: Ti t’i marrësh paratë...

Shqiptari: Kadale... unë dua ta di se a i jep paratë shteti apo njerëzit?

Igori: Paratë i jep shteti.

Shqiptari: Shteti?

Igori: Paratë i jep shteti, e ata njerëzit t’i japin ty... Shiko, njeriu punon në gjyqësor...

Shqiptari: Sa para m’i jep?

Igori: Ty t’i japin prej 30 mijë deri në 40 mijë euro dhe atë 100 %.

Shqiptari: Sa?

Ndërmjetësi: 30-40 mijë.

Igori: Mundet edhe më shumë, unë po të them ty se mund të shkojë deri në 40 mijë.

Shqiptari: Jo, jo. Pak para...

Igori: Si pak para? Pak a është shumë?

Shqiptari: Pak është pak.

Igori: A mundet ky javën tjetër, sepse tek ne është festë... Ne mund të shihemi, unë, ti dhe Ndërmjetësi dhe shkojmë.

Shqiptari: Unë pa Ndërmjetësin nuk shkoj.

Igori: Edhe më mirë, sepse jemi bashkë. Shiko, kështu, edhe për mua është në interes që t’i marrim paratë. Edhe ti t’i marrësh edhe Ndërmjetësi edhe unë. Ne jemi shokë.

Ndërmjetësi: Edhe mua të ma heqin burgun...

Shqiptari: Dua ta di se a i jep paratë shteti?

Ndërmjetësi: Ky po dëshiron për shkak të seriozitetit...

Igori: Paratë do t’i paguajë shteti. Do të shohim, nëse mbetet diçka për mua dhe për Ndërmjetësin mirë... Ti mund të thuash kështu...

Shqiptari: Me shefin...

Igori: U krye. Ti mund të thuash ashtu, kështu, të merresh vesh. Vetëm se le të merremi vesh diçka, duhet të shkojmë në Mitrovicë, në pjesën serbe.

Shqiptari: Tash?

Igori: Jo, tash. Kur të merremi vesh, javën e ardhshme, ne të tre, me veturën time shkojmë poshtë.

Shqiptari: Nuk ka problem, por puna më e mirë është të shihemi këtu.

Igori: Nuk ka besim... Ti mund t’u thuash kështu... shuma që keni thënë 40 mijë, unë kërkoj 70 mijë. Prej tyre, ti na qeras diçka mua dhe këtë. Kështu ti për Ndërmjetësin 10 mijë, sa ke thënë për ty Ndërmjetës?

Ndërmjetësi: 10 mijë.

Shqiptari: Unë vetëm me Ndërmjetësin kam punë.

Igori: Të rregullohet për burg dhe 10 mijë Ndërmjetësit. Ti 70 mijë thua?

Shqiptari: Unë nuk dua të rri më gjatë, unë dua të flas me shefin, nuk dua të bisedoj kot, a po më kupton?

Igori: A po shkojmë në Mitrovicë? Unë ju garantoj.

Ndërmjetësi: Kjo varet nga Shqiptari. Për mua nuk ka problem.

Shqiptari: Pse nuk vjen ai këtu?

Igori: Ai frikësohet.

Shqiptari: Pse frikësohet?

Igori: Ai frikësohet... Dëgjo çka të them... Unë të garantoj, të betohem në fëmijë, unë të garantoj për sigurinë tonë, për tretë. Sikur ti kur të më kishe dërguar në Rahovec ose në Prizren. Unë garantoj për juve. Ti thua se unë i dua 70 mijë euro...

Shqiptari: Pse nuk vjen ai këtu, a nuk të beson?

Igori: Ai më beson, por si ta garantoj unë? Ai po më pyet se si ta garantoj unë. Nëse ndodh ndonjë problem... Për shembull, ti ose ky ma montoni mua... Ai në këtë dyshon. Për ju të dy, në rast nevoje, shkojmë në Tiranë, ku të duash.

Ndërmjetësi: Në atë drejtim nuk duhet as të mendojnë.

Igori: Unë po betohem në kryq... se kur të përfundojë kjo, unë të garantoj për para, ata duhet të m’i japin paratë. Ata nuk do të rrezikonin më...

Shqiptari: Nuk dua të bisedoj kot. Kur të vijë shefi...

Igori: A do që të takohemi vetëm në Mitrovicë, domethënë unë të garantoj për të gjitha. Nëse më mungon mua diçka, atëherë të mungon ty, atij.

Ndërmjetësi: Unë i kam thënë edhe atij. Ai po frikësohet.

Igori: Mua nuk ma ndjen.

Ndërmjetësi: Shqiptari po frikësohet. Ai po frikësohet këtu e jo atje. Ka qenë njeriu në burg dhe po frikësohet.

Shqiptari: Nuk kam çka të flas. Le të vijë ai kryesori. Nuk kam çka...

Ndërmjetësi: Po le të takohen vetë diku këta.

Igori: Po ku të takohen?

Shqiptari: Këtu.

Igori: Jo more se frikësohet.

Shqiptari: Në Prishtinë, Ferizaj...

Igori: Po shiko, ai duhet të vijë nga Serbia, mos bëni hajgare...

Ndërmjetësi: Po Igor, çka u ka munguar atyre që kanë qenë këtu...

Igori: Ndërmjetës, nuk u ka munguar asgjë. Po a mundet në Shtërpce, është sikur shtëpia jonë, sikur familja jote.

Ndërmjetësi: Igor, ti duhet ta kuptosh edhe atë.

Shqiptari: Në qoftë se dëshirojnë këtu. Unë dua këtu, në këtë restorant.

Ndërmjetësi: Ti bisedo me shefin, të merreni vesh.

Igori: Nuk besoj se do të vinin këtu, sepse ata frikësohen. Ata janë profesionistë. Ata frikësohen. Shqiptar, a mund të garantosh ti?

Shqiptari: Unë të garantoj të vijnë ata këtu. Unë të garantoj. Le të vijë shefi. Çka të ketë problem, unë i garantoj. Kur të vijë seriozisht.

Ndërmjetësi: Shqiptari është serioz.

Shqiptari: Unë jam serioz.

Igori: U morëm vesh.

Shqiptari: Nuk dua të bisedoj kot. Le të vijë ai. A i beson ti Ndërmjetësit?

Igori: I besoj.

Shqiptari: Ndërmjetës, a më beson ti mua?

Ndërmjetësi: Po, të besoj.

Igori: U morëm vesh.

Shqiptari: Më shpejt.

Igori: Kur të vijnë ata, të gjitha do t’i dimë.

Shqiptari: Unë nuk flas me ty asgjë. Kur të vijë shefi. Ti i beson Ndërmjetësit. Le të vijë shefi, unë flas me të.

Igori: Dëgjo, kështu, kur të vijnë ata... Se a do të shihemi në Reçan apo këtu në këtë restorant...

Shqiptari: Në Reçan, këtu në këtë restorant, ku të doni...

Igori: Ne do të merremi vesh, datën kur vijnë saktësisht. Ti duhet të jesh këtu, që të mos vijnë ata kot e të kthehen.

Shqiptari: Nuk ka problem, kur të vijnë ata. Le të vijë shefi. Kur të vijnë ata, unë vij.

Igori: Kur të vijnë ata, ti bisedon me ta... Ti do t’u thuash, ti e di punën më së miri... Ata do të kërkojnë nga ti dhe ti kërko garanci dhe kushte se a po të konvenojnë dhe a të paguhet ty... Ata të japin garanci për familje. Ata të japin 30-40 mijë dhe ti u thua – unë dua ta kryej punën, por i dua 70 mijë euro. Atë ditë kur të merresh vesh... ti u thua se dua të hyj në proces, por i dua paratë. Kur t’i japin ata paratë, nëse dëshiron të më qerasësh diçka, mirë. Unë nuk kam asgjë. Nëse ti më jep diçka, në rregull. Ndërmjetësi i do 10 mijë euro. Shqiptar, nuk kam çka të flasim më. Ti e kryen punën tënde, të vijë shefi, unë e kryej punën time dhe përfundon. Shihemi...

Une nuk e di pse behen publike gjithe keto hollesira. Qofte nga gazeta Express e qofte nga Peshkupauje.

Gjera te tilla jane per hetime te fshehta, dhe jo per pazar roskoveci. Gazeta mund te kishte dhene fare mire lajmin e arrestimit te atyre qelbanikeve, pastaj dhe ca shpjegime te vogla te ngjarjes, por jo copy/paste pergjimesh.

Nejse, ata i dine punet me mire, por me vjen si habi me kete manine shqipo-shqiptare per daljen lakuriq neper qytet, pa breke fare. Nuk e di, ne çfaredo gazete te hedhesh syte, do te gjesh dialogje te tilla : Deliu i tha Jorgjit, pastaj i tha Dilaverit, pastaj gerri-verri.

"I gjithe populli hetues, shoku komandant."

 Mire kane bere qe e kane botuar ne gazete, por i duhet treguar e verteta botes perendimore, sepse qeverite e Kosoves dhe Shqiperise jane treguar krejt te mefshta per kete ceshtje ne vecanti, dhe ne diskretitimin e propagandes serbe ne pergjithesi

Gjeja me e mire qe e kane botuar. Le ta marrin vesh gjithe shqiptaret e gjithe bota se cfare jane fqinjet tane, ne kohe paqeje, se ne kohe lufte e dime mire se cfare jane.

Arestimi i Serbeve nga ShPK-ja,te pakten tregon veterespektin qe ka shteti i ri i Kosoves. Nese nje ngjarje  e tille do te kishte ndodhur ketej nga  ne, ata kopuket tane(pa dallim) as qe do te kishin guxuar ti preknin me dore dhe jo me ti "lidhnin" mystafiret e BIA-s apo te EYP-it.   Bravo SHPK. A, dhe po mundeni hidhni ndonje sy ketej nga ne.

Bravo u qofte policise se Kosoves dhe "deshmitareve" qe disktretituan me fakte shpifjet serbe.

Shume mire kane bere qe i kane botuar pergjimet. Bile t'i cojne nje kopje dhe asaj ish-prokurorevices ...

Besoj kane zene mend dhe ca shqiptare teper te "paanshem," qe ishin aq te shqetesuar per viktimat virtuale serbe.

1 minute...me aq sa lexoj une, nuk duket se ai i ofron para per me rrejt apo e kam gabim?

Edhe 1 minute tjeter dhe do te lexoje edhe kete:

Igori: Kur të vijnë ata, ti bisedon me ta... Ti do t’u thuash, ti e di punën më së miri... Ata do të kërkojnë nga ti dhe ti kërko garanci dhe kushte se a po të konvenojnë dhe a të paguhet ty... Ata të japin garanci për familje. Ata të japin 30-40 mijë dhe ti u thua – unë dua ta kryej punën, por i dua 70 mijë euro. Atë ditë kur të merresh vesh... ti u thua se dua të hyj në proces, por i dua paratë. Kur t’i japin ata paratë, nëse dëshiron të më qerasësh diçka, mirë. Unë nuk kam asgjë. Nëse ti më jep diçka, në rregull. Ndërmjetësi i do 10 mijë euro. Shqiptar, nuk kam çka të flasim më. Ti e kryen punën tënde, të vijë shefi, unë e kryej punën time dhe përfundon. Shihemi...

o robo, se nuk du me bo avokatin e djallit ktu po ai (Igori) ktu mundohet me i mbush mendjen ktij qe ta fusi edhe ket n'pazar, dmth Igori dhe Ndermjetsi te morin nga 10,000 prej shumes qe do kerkoje ky per deshmine (70,000) po kjo eshte pjesa e pazarit, ai nuk i thote qe te rreje, perkundrazi, nqse lexon me lart, i thote:

Ne nuk kemi bërë ashtu, as me kriminelë të llojit më të keq. T’i presim e t’ua nxjerrim organet dhe t’i shesim. Kjo është... nuk e di.. fatkeqësia dhe nevoja nuk kanë nacionalitet dhe kjo do të ishte ajo që duhet ta dimë para se të fillojë procesi...

Pjesëtarët e BIA-së e kanë pranuar në pjesën që është botuar dje, se nuk kanë kurrfarë faktesh për transplantimin e organeve të bëra në Kukës. Ata e pranojnë se kjo është mundësia e vetme që ata ta fitojnë luftën për shtëpinë e verdhë në Kukës. Krejt shpresat shërbimi serb i inteligjencës i ka pasur në këtë dëshmitar të rrejshëm, të cilit kanë qenë në gjendje t’i paguajnë shuma të konsiderueshme të të hollave.

 

Dmth ata dhe borite e tyre kane rrejt deri me sot. Ky eshte thelbi. 

Qe po pagujn dhe per nje rrene me shume, te ketij "deshmitarit," dmth te bashkpunetorit te policise, kjo eshte qershiza mbi torte.

Nuk ka prova te forta e konkrete,edhe me ken e vertet me ca na kan ba serbt historikisht i jap gjegjen qe i thot Rhet Butler te via col vento, roseles : as qe me çahet kryti...

 serbet jane akoma aq primitiv ne sajimin e fajeve qe kane nacionet e tjera ndaj "viktimes" serbi sa habitesh me politiken e tyre amatoreske...

ka nje video te shfaqur para nje viti ne "pallatin e kongreseve" te ish LKJ ne beograd para gjithe elites se sotme serbe, ku fajin e kane sllovenet, boshnjaket, kroatet e ne fund shqiptaret...habiteshe kur shihje si elites se nje vendi i servirej nje video mediokre qe as per youtube nuk vlente por nuk afrohet as me filmimet propagandistike te diktaturave fashiste apo komuniste...

komentet nuk munguan, dy vellezer "jevgjite" qe flisnin shqip dhe pohonin se me urdher te Limajt kishin masakruar mbi 20 civilista serb gjurmohen nga gazetaret ne beograd dhe del se ishin hajdute ordinere dhe e vetmja lidhje qe kishin me ngjarjen ishte se dinin shqip dhe ishin ate kohe ne burg per vjedhje...

germoni ne google pretendimet(te shikuar nga syri akademikeve serbe) e lashta serbe mbi kosoven dhe habitesh se si kurva europe per dhjetera vite me radhe pranonte tezat primitive e raciste te serbve mbi kosoven e shqiptaret ne pergjithesi...  

 "Për ju të dy, në rast nevoje, shkojmë në Tiranë, ku të duash."

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).