Sot është 5 Maj, Dita e Dëshmorëve

 

Një fotografi për të rikujtuar ngjarjen simbol të këtij viti përsa i përket nderimit tonë ndaj të rënëve gjatë Luftës Nacional Clirimtare.

Fotografia është risjellë nga blogu "Living in Shkodër"

 

***********************

TE NGRATET DESHMORET TANE!

Monika Shoshori Stafa

Gazeta Shqip

Mjafton të mos ketë varreza dëshmorësh të të huajve! Ishte pikërisht ky mendimi që formulova në krye, duke kapërcyer me shpejtësi buletinin ditor të lajmeve. Një mitropolit malazez, gjatë një vizite të paparalajmëruar në Shkodër, ndër të tjera ka kërkuar që të gjenden varret e të rënëve të bashkëkombësve të tij dhe autoritetet të caktojnë një vend për rivarrimin e tyre.

Analistët atdhetarë i kërkojnë përgjegjësi edhe kryepeshkopit Anastas pse e ka lejuar këtë vizitë të mitropolitit malazez, dyfish të zemëruar: jo vetëm në ndjenjat e tyre kombëtare, por edhe në ato të autoqefalisë fetare. Të jetë e vërtetë?! Domethënë, të jenë të vërteta këto ndjenjat e forta të protestës së analistëve? Pak e dyshimtë.

Gjetjen e eshtrave të ushtarëve të rënë në luftë dhe rivarrimin e tyre në brendësi të territorit shqiptar e kanë kërkuar edhe fqinjët jugorë. Madje, këta e kanë kërkuar qysh në periudhën komuniste. Sherr atdhetar, gjithaq i sertë, prej shtypit vendës për "grekët tinëzarë", për të bijtë e akejve, që "edhe dhurata kur japin nuk u duhet zënë besë".

Por edhe fqinjët tejadriatikas nuk janë krejt të shkyqur nga çështja e të rënëve ("gli cadutti&quotsmiley. Ndonëse pa bujë, prej vitesh ata janë në kërkim të varreve të mbetur të ish-ushtarëve italianë, të civilëve dhe misionarëve, për të mbërritur tek ngritja e një basorelievi, ku do të shenjoheshin gjithë emrat e tyre.

Britanikët qenë më të shpejtë dhe më veprues. Në parkun pranë liqenit, prej shumë vitesh, gjendet një memorial ku vit për vit bëhen nderime për "ushtarakët e mbretërisë së detrave", që u vranë në Shqipëri gjatë luftës antifashiste. Pllaka prej mermeri të zgjedhur, që deri atëherë kishte shërbyer si pjesë e varrit të E. Hoxhës, brenda disa ditësh u kthye në lapidar për misionarët britanikë.

Sa për ushtarët francezë, të rënë në Shqipëri gjatë Luftës së Parë Botërore, ata u prehën të qetë në një kopsht në Korçë prej dekadash: komunistët nuk i cenuan kurrë ato, ndoshta edhe për shkak të frankofonisë gjuhësore të liderit të tyre. Deri më tani vetëm Turqia kemaliste, dhe dy shtetet e dalë prej ish-perandorisë austro-hungareze, nuk kanë kërkuar gjetje eshtrash të dëshmorëve të tyre dhe ndërtim varrezash për ta.

Pak e çuditshme dhe e pabesueshme gjithë kjo sedra e lënduar kombëtare e analistëve protestues dhe gjithfarë shoqatash, që kundërshtojnë së bashku. Do të kishin qenë të besueshëm, nëse të njëjtët do të kishin shprehur së paku po aq shqetësim edhe për strehën e fundme të dëshmorëve të vetë Shqipërisë. Ku janë varrezat e tyre, si janë, sa dhe si nderohen, ç‘po ndodh me shenjat me të cilat ata kanë pasë identifikuar veten? A janë ata, ashtu si e thotë kuptimi i fjalës, të cilin shumëkush as që e di, me të vërtetë dëshmuesit e atdheut, ata që e dëshmojnë lirinë e tij? A ka dëshmorë ky vend dhe cilët janë nderimet protokollare kushtuar atyre? Tek e fundit, kujt i duhet gjithë ky "patriotizëm negativ", ky zell shfryrës për të mos lejuar të huajt të nderojnë të vetët atje ku kanë rënë, nëse askush nuk kujtohet të shqetësohet për fatin e varrezave të dëshmorëve të vetë Shqipërisë? Pak hipokrite e gjithë kjo stuhi!

Nëse çështja do të shtrohej në këtë formë, atëherë e para gjë që do të na vinte në mendje do të ishte shprehja e vjetër e shqipes: "Të pafatët, dëshmorë të shqipes!" dhe ndërmend pas më rrodhi, vargu i njohur i Lordit britanik:

‘Të rreptë bijtë e shqipes/ po vetitë nuk u mungojnë/ armiku ua pa kurrizin ndonjëherë?‘

Se ngatërrohemi ndonjëherë ne dhe harrojmë se ka pasë heronj herët e më herët, qëkurse dolën luftërat për liri e mëvetësi në gadishullin ilirik. E megjithatë ne i kemi zhvendosur kohët dhe i kemi "shujt eshtnat e ma t‘parvet, nj‘ashtu paskemi kan‘, krejt t‘pafat për kët tok e për kët kull", më pat rrëfyer një malësor prej Shale. Krejt të pafat, sepse në emër të gjakut të tyre u ndërtua një pushtet totalitar që zgjati një gjysmë shekulli. Të pafat, sepse menjëherë pas ndryshimit të sistemit politik sunduesit e rinj edhe dëshmorët i ndanë në "tanët" dhe "tuajët", në dëshmorë të demokracisë dhe dëshmorë të një lufte, që cilido sot e cilëson ashtu si ia thotë mendja. Të pafat, sepse si çdo gjë publike, si shkollat, spitalet, kinematë, serrat, industria, edhe varrezat e dëshmorëve iu nënshtruan një shkatërrimi të padhimbje. Të pafat, sepse ka dy dekada që pretendohet që nuk kanë qenë 28 mijë dëshmorë, dhe askush nuk merr përgjegjësinë fillestare të verifikojë një për një emrat e atyre, që s‘ka dyshim se janë të tillë e përgojimi të merrte fund. Të pafat, sepse këngët e tyre janë ndaluar e vetëm mund të pëshpëriten, nga frika se identifikohen me bolshevizmin. Të pafat sepse nuk i quajnë madje as dëshmorë, por viktima, për të mos shkuar më tej (tradhtar&eumlsmiley; se janë dëbuar nga tekstet shkollore dhe ndoshta së afërmi fjalët "partizan" e "veteran" nuk do të jenë më as në fjalorin e gjuhës shqipe, dhe në do të jenë, do të shënjohet anash tyre shpjegimi "arkaizëm". Të pafat, sepse, të paktën, për një pjesë, ata janë prurësit e fatkeqësisë, misionarët e bolshevizmit, themeli i diktaturës. Të pafat deri në ironi, sepse pikërisht trashëgimtarët e ushtrive të atyre vendeve kundër të cilëve ata patën luftuar, duke pasur një kod nderi protokollar siç u ka hije shteteve që nuk e ngatërrojnë veten me pushtetin, vijnë sot dhe rindërtojnë memorialet e tyre të rrënuar, sikurse veproi qeveria gjermane me memorialin e Borovës disa vjet më parë. Të pafat, sepse bustet e tyre, kudo që qenë dhe të kujtdo që qenë, duke përfshirë dhe ato të studios së kryemjeshtrit Odise Paskali, u sharruan ose u copëtuan me teknikë automatike.

Ndërsa shqiptarët i zë zjarrmia sapo ndonjëri prej fqinjëve kujtohet për të vetët të rënë në luftë në Shqipëri, në një luftë të drejtë apo të padrejtë qoftë; ndërsa analistët mezi presin t‘u dalë përballë ndonjë fakt i tillë për të dëshmuar veten sa shqiptarë të ndershëm janë; ndërsa palët politike grinden e nuk pushojnë së mburruri se luftën nuk e bëtë ju, po e bëmë ne; të ngratët dëshmorë, ashtu si pati shkruar poeti, provojnë rivrasjen e tyre morale nën varrezat me pllaka të çara, nën braktisjen e përgjithshme. Dhe ndërsa lexoj fjalën e ish-presidentit francez J. Chirac, në gusht të vitit 2004, gjatë ceremonisë madhështore në 60-vjetorin e çlirimit të Parisit: "Unë, Presidenti i Republikës Franceze, në emër të shtetit, po vendos në shtatin tuaj këtë dekoratë të lartë, në shenjë nderimi që populli francez u kushton luftëtarëve të vet antifashistë".

Atdhetarëve të shtirur shqiptarë, këto vlera dhe referenca, nuk u shkojnë ndërmend. Mjafton që greku dinak dhe serbo-malazezi katil të mos kenë leje për të ndërtuar varre të rënësh këtu. Dhe e gjitha kjo e ka një shpjegim. Sepse ata, ashtu si shumica e shqiptarëve, mendojnë gabimisht se koha e antifashizmit ka vdekur. Ata harrojnë se antifashizmin nuk e themeloi Rusia bolshevike, por e themeluan demokracitë perëndimore. Harrojnë se kur qeveria e Madhërisë së Saj dhe Presidenti Roosewelt nënshkruan Atlantic Charter, ish-Bashkimi Sovjetik ende nuk e besonte se do të bëhej luftë e vërtetë me Reich-un nazist. Ata nuk e dinë se, me përmbysjen e bolshevizmit, ranë ato ideale që kishte frymëzuar krahu lindor i aleancës antifashiste, por jo antifashizmi vetë, që mbetet vlera më e madhe morale e njerëzimit në shekullin e 20-të. E ata bëjnë sikur e harrojnë që të gjithë ish-presidentët amerikanë dhe kryetarët e shteteve të mëdha, megjithatë, në çdo jubile të 9 majit kremtojnë së bashku pranë pishtarit të "Ushtarit të Panjohur" në Moskë (pishtari i të cilit nuk shuhet kurrë, qoftë dhe për disa sekonda qysh prej ndërtimit të tij). Ata bëjnë sikur nuk e dinë se qortimi i historisë nuk mund të bëhet duke përçmuar ata dëshmorë që janë, por duke shtuar në varrezat e tyre edhe të rënët që ishin rreshtuar në formacione të tjera politike; ballistë, legalistë, nacionalistë tradicionalë që luftuan kryemëvete, sigurisht aq sa ka dhe nëse ka.

Shtetet nuk rithemelohen. Shtetet dëshmohen. Por si do të dëshmohen shqiptarët si shtet, pasi të kenë kaluar edhe disa vite e dekada indiferencë, nëse puna do të mbetet që të vijë një mision italian e të ndërtojë, bie fjala, një basoreliev për luftën e Pezës apo një tjetër mision gjerman për luftën e Musqetasë? Ronald Reagan pati thënë, në fundin e viteve 1980, kur kërkoi të vinte një tufë me lule në varrezat e të rënëve si nazistë: "Koha ata i zuri në këtë llogore. Ata ranë në barrikadën ku u gjendën dhe ne respektojmë barazinë para vdekjes".
 

80 Komente

Une doja me sinqeritetin me te madh te shprehja nderimin tim per Deshmoret e Kombit, pse provokohet nje debat dhe percarje e panevojshme ne kete dite me te tilla fotografi dhe shkrime amatoresh?

Administrator militant dhe tifoz i percarjes. Turp te kesh!

Turp the? Turpin zoteri shko e tregoje ne vend tjeter. Turpi eshte ne pllakat e thyera, ne varret e harruara, ne statujat e shkulura. Turpi eshte tek fjalet hipokrite te belbezuara sot kur duhet te kishin heshtur te gjithe. Heshtja eshte me mire se tallja.

Pfff, u keputem ne te gjithe duke shprehur nderimin per ata qe vdiqen per kete vend.

Ti i nderon deshmoret vetem duke i bere objekt dhe shkak percarjeje por fatmiresisht nuk jemi te gjithe si ti. Prandaj kjo teme duhej te ishte larg militantizmit tend ordiner.

Nese ke deshire per te diskutuar statujen ne Shkoder apo dicka tjeter, rihap nje teme te re, kete lere per respekt, qofte ky edhe hipokrit.

Kush duhet te heshtin sipas teje ne kete dite, autoritetet shteterore? Ky eshte kulmi i injorances.

Ku e shikon nderimin ti ketu? Kjo teme eshte per te kujtuar cnderimin qe u bejme cdo dite se eshte e kote te pretendojme se i nderojme nje dite ne vit, ndersa 364 te tjera i percmojme, i tallim, i bejme per lolo.

Natyrisht qe autoritetet shteterore duhet te heshtnin sot. Natyrisht qe s'i takon aspak Sali Berishes, Bamir Topit apo qofte edhe Edi Rames qe te flasin per deshmoret e LNC. Aq me pak u takon ti perziejne gjerat me personazhe te pas viteve '90-te.

P.S. Ne cdo paragraf te mesiperm ke nje percaktim fyes ndaj bashkebiseduesit. Jepi fund.

Po flasim per dy gjera te ndryshme atehere. Sic duket ti flet per veten. Ti sic duket i cnderon cdo dite keta njerez, duke perfshire dhe 5 Majin.

5 Maji eshte dita qe perkutjtohen te gjithe deshmoret e vendit ne te gjitha koherat, dhe jo vetem te LANC, ku futen edhe ata qe kane rene pas vitit '90. Azem Hajdari apo Indrit Cara, Komandant Teli apo policet qe ne perpjekje me kriminele jane vrare dhe jane shpallur deshmore me pas.

Debati qe shoqeron LANC-in eshte pikerisht per shkak se njerez si ti, komuniste te pareformuar, deshmoret e rene ne ate periudhe kerkojne ti perdorin per te justifikuar komunzimin, per ta mbjatur gjalle ate.

Te heshtin autoritetet shteterore? Po kush mbeti ti nderoje keta, ti apo Erion Veliaj apo "qofte edhe Edi Rama"?

P.S. Asnje fyerje s'ka me siper, ndersa ti po fyen nje blog te tere.

Eh po pse s'ma the qe ne fillim qe i perfshije edhe deshmoret qe u vrane per liri ndaj pushtuesve, edhe te ndjerin Hajdari ne nje kategori? Do kisha kursyer kohe duke mos u marre me nje njeri qe s'e ka idene se per cfare po flet.

Ll.

ene ca dmth ajo foto aty? keshilli bashkiak i shkodres e ka vendos me shumic derrmuse votash heqjen e atyne "heronjve". kur vet qyteti s'i konsidero heronj "heronjt" ca i djeg llasticave komuniste?

 

_________

Një admnistrator i faqes ka cilësuar llogarinë tuaj si llogari abuzive, me shumë gjasa si rezultat i komenteve tuaja. Si rrjedhim, sistemi ju ka caktuar një limit prej 10 komentesh në ditë. Statusi si përdorues abuziv mund të hiqet nga një administrator.

o njeri, pa e politizuar fare, ajo puna e plerave tregon vecse nje mungese respekti ndaj atyre shqiptareve patriote qe rane per clirimin e Shqiperise. Ajo tregon gjithashtu mungese edukate, injorance, padije, vulgaritet. Me thuaj nje vend ne Europe ku varret e deshmoreve perdhosen ne kete far menyre? Eshte turp kjo qe ndodh tek ne. Eshte skandal. 

i lehte u qofte dheu atyre qe rane per token shqiptare! ngado qe te jene, kundra kujtdo te kene luftuar, nga kushdo te jene vrare!

me vjen sincerisht keq qe ua trazojni kockat ne vorr atyre qe as duan t'ia dine per llogjet tuaja. turp te keni!

nese keni kellqe burrerore per te diskutuar kujt i takon te prehet ne varret e deshmoreve hajde te flasim.

ndoshta i takon edhe axhes tem qe asht varrose ne shkinak, vjet mbas luftes, i plagose kundra gjermaneve ne rradhet partizane por kurre komunist! e i harruar!

e mijera te tjereve!

....Respekt pèr dèshmorèt!!

Speaker, ti me duket je Jozi vete. Hic mer mos ki marre, ti i kape per zhelesh deshmoret ene i nxerre jasht dhe kurr nuk hyjn ma......... o kokrra injorantes dhe fare hislli.

Respekt per te gjithe ata qe rane ne emer te idealit (i mire apo i keq per ne ne hindsight).

Respekt për gjakun e dëshmorëve.

Histori: Reagan ne Bitburg; i njejti njeri qe tha: Mr. Gorbachev, tear down this wall!

http://germanhistorydocs.ghi-dc.org/images/Versoehnung%20ueb%20Graebern.jpg

Dite si kjo nuk jane per lacaronet!

Nderim per GJITHE deshmoret e Shqiperise!

Personalisht kam respekt per deshmoret dhe duhet te respektojme te renet tane te cdo lufte!

Fatkeqesisht dikatatura komuniste i ka politizuar dhe privatizuar aq shume deshoret e LANC sa edhe kjo qe ndodh sot me ta( pra vetem me deshmoret e LANC) ne Shkoder psh eshte si nje kunderveprim i pavullnetshem ndaj klases se kuqe.

Pra ka shume gabime nga PS dhe aleatet e saj te majte.Per ta( ish komunistet dhe te majtet e tjere) eshte me i vlefshem Myslym Shyri  si figure psh se sa Spiro Ballkameni, Faik Konica,Gjergj Fishta,Abaz Kupi,Hajredin Tremishti apo Sevasti Qiriazi.Fakt eshte se Myslym Shyri eshte vrare ne LANC dhe per kete duhet te nderohet me shume se te tjeret, sipas komunisteve,pavaresisht se te tjeter qe permenda kane dhene me shume kontribut ne historine tone.Jam i sigurte se nje tiranas i majte di me shume per Myslym Shyrin se sa per Heroin Kombetar Themistokli Germenji,Abaz Kupi apo Spiro Ballkameni.Po a i nderojne figurat e kombit si psh Faik Konica apo Sevasti Qiriazi,ish komunistet dhe bijte e tyre?Po ja u them une shumica i urrejne keto figura sepse i ka urryer edhe shoku Enver. Faikun e la pa varrosur ne atdhe (aresyen e di vetem Hoxha por keta e ndjekin akoma amanetin e tij) dhe Sevastine pasi i vrau dhe i burgosi djemte e hodhi ne nje kosh plerash kur e varrosi.Vertet mesuesja trime qe eshte ne filmin "Mesonjtorja"eshte varrosur me 4 veta dhe eshte hedhur ne nje karroca pleherash!!!

Pastaj pas 30 vjetesh u kujtua ta bente Mesuese te popullit dhe u dedikua filmi!!!Per te mos permendur qe Abaz Kupin (qe  organizoi qendresen kunder italianeve ne 7 Prill) e konsiderojne akoma tradhetar se ashtu ka thene Enveri!!!

Pra ndaj mendoj qe ish-klasa e kuqe dhe bijte e tyre, qe sot perfaqesohet me PS dhe ne partite e tjera te majta,duhet te bejne hapin e pare,ate te vleresimit dhe nderimit te figurave dhe heronjve kombetare pavaresisht biografive.Kur ata ta bejne kete hap dhe te mos privatizojne deshmoret e LANC, atehere ju jepet e drejta morale te kerkojne llogari perse 5 heronjte e Vigut qe u linden ne Lezhe dhe u vrane ne Mirdite,te zhvendosen nga qendra e Shkodres.

Edhe njehere Lavdi Deshmoreve te Atdheut tone!

FYI, brenda Ballit Kombetar ka shume te vrare (ndonese me pak ne nr se faksioni tjeter) qe duhen klasifikuar si deshmore ne aksione kunder Italianeve. Kunder Gjermaneve nuk luftuan pasi nen pushtimin Gjerman u abrogua bashkimi Itali-Shqiperi dhe Shqiperia ruajti kufijte e saj, perfshire dhe Kosoven.

Pra ndaj mendoj qe ish-klasa e kuqe dhe bijte e tyre, qe sot perfaqesohet me PS dhe ne partite e tjera te majta,duhet te bejne hapin e pare,ate te vleresimit dhe nderimit te figurave dhe heronjve kombetare pavaresisht biografive.

Personalisht do te konsideroja deshmore, te gjithe ata qe luftuan nen komanden e Abaz Kupit dhe legalistet e tjere.Ata luftuan ne anen e Frontit deri ne 24 Maj 1944 dhe me pas nuk u bashkuan me gjermanet.

Sa per ballistet,ka shume diskutime dhe fakti qe bashkepunuan me gjermanet dhe qe humben luften, jane shume negative per ti quajtur deshmore.Dmth bashkepunimi me gjermanet ishte gjeja me negative pavaresisht nga justifikimet e ballisteve.

Fakti qe keta nuk u perkrahen as nga amglo-amerikanet tregon ose nje injorance diplomatike te tyre ose qe amerikanet nuk ishin te bindur se keta mund te udhehiqnin Shqiperine e pas lufte.Gjithesesi kokat e Ballit e kane fajin qe nuk morren mbeshtetje nga SHBA dhe UK.

Sa per ate qe ka balliste qe jane deshmore.Te gjithe ata qe luftuan Italine dhe rane duhet te konsiderohen deshmore.Te tjeret qe u vrane gjate kohes se gjermanise,me vjen keq por nuk jane deshmore.

Me keto fotot juve qeveria e PPU na keni keput fare ate gjene, c'e ka emrin, zemren dmth. smiley

you've been THE VIP of the day today... how does it feel?  smiley 

Shkatërrim sistematik i kujtesës... i kujtimit të atij gjaku të derdhur prej bijve të Shqipërisë në luftë për çlirim smiley

Historia do t'i shpërblejë me të njëjtën monedhë të gjithë ata që harrojnë....

Nderim dhe respekt për të gjithë ata që luftuan dhe dhanë jetën në Luftën Nacionalçlirimtare!

...Nderim dhe respekt për të gjithë ata që luftuan dhe dhanë jetën në Luftën Nacionalçlirimtare!...

Perse vetem ata te LANC?Po deshmoret e tjere?APO nuk eshte dita e tyre sot?!!!

Ju thashe edhe me lart,mos i parcelizoni dhe privatizoni deshmoret, se ata i perkasin te gjithe  shqiptareve pa dallim ngjyre!

Te vjen cudi por eshte e vertete, sot me 5 Maj ne diten e kujtimit te deshmoreve qe u flijuan per mbrojtjen e atdheut, edhe Ministri i Pare edhe Presidenti i Republikes, vec e vec, ben nje vizite ne familjen e te ndjerit Hajdari. Ne pervjetoret e vrasjes se tij behen vizita, ne pervjetoret e hedhjes se bustit te Dulles, prape i bojne vizita, ne pervjetorin e themelimit te PD-se prape vizita. Inflacion vizitash do ta quaja une. Me mire me nje dekret apo vendim parlamenti ta heqin fare kete dite te shenuar ne kujtim te deshmoreve te atdheut se keshtu shpetojne edhe udheqesit tane nga fallsiteti dashakeq.

S'do behemi ndonjehere ...

Jane kater stine, dielli lind ne lindje, perendon ne perendim, ne mengjes kafe, ne darke nje gote vere, ka shap dhe sheqer ... etj, s'do behemi ndonjehere.  Te ndajme ca gjera sipas vaktit.

Njerez mizerabel, qe veren pijne ne mengjes, kafen ne darke, dhe i hedhin shap e jo sheqer, qe pas pranveres presin dimer ... 

... .... ...

Respekt deshmoreve te 5 Majit!

Me falni per injorancen por per cfare arsye eshte vrare A.Hajdari?

Adhurues te herojve.

Ne luften kunder Serbo-malazesve 1913 jane vrare shume Shqiptar.

Nje emer ju lutem juve dashurues te herojve te 5 majit.

 

Ju lutem tregoni sado pak respekt dhe mundohuni te mos hidhni vrer ndaj atyre që luftuan jo vetëm në luftë kundër fashizmit. Nëse sot 5 Maji është ditë e caktuar e dëshmorëve, atëherë kjo ditë ju përket të gjithëve atyre që kanë dhënë jetën në kontribut për atdheun.

Respekte!

I bashkohem pyetjes se libertas me lart. Pa kerku falje per padijen, sidoqofte.

Monda,

Me 5 maj jane vrare fare pak vete, nder ta dhe Qemal Stafa, i tradhtuar nga shoku i vet i "ngushte", xhaxhi Enveri.

Te tjeret nuk jane vrare me 5 maj. Por ka qene xhaxhi Enveri qe ka vendosur me koken e vet, qe 5 maji do te ishte dite e deshmoreve te atdheut. Dhe ne kete "deshmoret e atdheut", kuqeloshet dhe te bijte e kuqelosheve kujtojne vetem te renet KOMUNISTE te luftes blablabla. Te tjeret, ne te s'emes.

Lumidrin permend 1913, me te drejte. Monda, per kureshtje, ke lexuar materiale historike mbi kete lufte te Lumjaneve kunder ushtrise serbe ? Po deshe, te rekomandoj une nje liber, qe eshte goxha reference.

Ky kapitull i historise shqiptare, kapitulli i luftrave shqiptaro-serbe, ka mbetur ne harrese. Pothuajse e plote.

Sa per heronjte partizane, secili ka vendin e vet. Por mos na çani kaptinen mengjes, dreke, darke me nje daulle. Hero Vojo Kushi, e hero Ramadan Zaskoci ; hero Hiqmet Buzi e hero C.S, i pushkatuar ne Zall te Kirit nga shoket e Hiqmetit. Hiqmeti ka nje varr, e C.S ka leshte e currit.

Keshtu qe mjaft derdellitet, sidomos ca prej jush (ti Monda je vecan, nuk flas per ty).

Hubirnek, kujdes kur i fut te gjithë në një thes sepse s'është mirë.

 

Lavdi deshmoreve te LANC dhe rrofte dita e 5 Majit!

 

.Te gjithe ata qe luftuan Italine dhe rane duhet te konsiderohen deshmore.Te tjeret qe u vrane gjate kohes se gjermanise,me vjen keq por nuk jane deshmore.

Si e shpjegon rastin e Gjermanise? Nuk i konsideron pushtues ata..thjesht kalimtare te rastit?

Ka nje Logjike te Hekurt  kjo pune per cilesimin DESHMOR .Ka deshmor te shume kategorive ne etapa te ndryshme te Historise se Shqiprise. Ka edhe te RENE..po ne etapa te ndryshme te Historise qe padrejtesisht koha i vuri ne kah te kundert me interesat e Popullit. Ajo nuk varej nga ata. Cilesisht nga nje brez me i qete mund te gjendet nje kategorizim si Viktima apo te RENE ndersa Deshmore eshte TITULL i Larte i cdo KOMBI ne bote . Eshte rrenje e Historise se Kombeve Moderne sidomos pas LII. Dhe kete e merituan ata qe luftuan e dhane jeten per fitoren mbi FASHIZMIN . Kjo eshte vendosur UNANIMISHT dhe e pranuar nga te gjith Kombet fitimtar mbi Fashizmin!Kete titull nuk mund t'ju a japesh atyre qe bashkepunuan dhe qene ushtare te Jerarkeve te lidhur e ne sherbim te FASHIZMIT.  

Ka te rene qe nga koha e Piros dhe pas Mehmet Aliut ...per Lirine e Hurit te Dybekut..qe s'ka nevoje ti cash drrasa se mund ta perdoresh si trup si i thone GDHE ! Ka edhe te rene ne Luften NACL qe PD dhe keta "vajtuesit " korba e njohin si "Lufte Civile" Per ke deshmor jane keta ? Lerini te prehen te qete se nuk kane nevoje per nderimin e Huri-binase me shoke. Ata nuk e dhane gjene me te cmuar te qenies njerezore JETEN qe Huri-binaja me pellitsit e tij ti uroj me peshtyma . Ata nuk e dhane jeten te vleresohen si DESHMORE ne nje kategori me sikaret e Huri-Binase as te ndonje tjetri qe e paska pas Partizan por "  vdiq nga plaget pas clirimit ". Kjo kategori peshqish sado hipokrite qe futen me nje Nder e Lavdi Deshmoreve eshte mire te bien nje teme me vete me "deshmoret " e tyre per te vendosur nje date perkujtimore .Dhe aty do jemi dhe ne . Lavdi Themeleve te Kombit Shqiptar modern dhe Liridashes te hedhura e te betonuara me gjakun e ketyre Deshmoreve qe kane si date perkujtimore 5 Majin! Peshtymat dhe balta e hedhur nga te Marret e semundjes se murtajes qe i ka rene ketij KOMBI nuk e ka te gjate . U prefshi te qete e te patrazuar!

Ketu do gjesh per shembull dicka: http://countrystudies.us/albania/151.htm

Citohet burim shqiptar, nuk kundershtohet shifra si vijon: By its own account, the NLA killed, wounded, or captured 80,000 Italian and German soldiers while suffering about 28,000 casualties.

Burimi: Raymond Zickel and Walter R. Iwaskiw, editors. Albania: A Country Study. Washington: GPO for the Library of Congress, 1994.

Burimet angleze thone qe 10000 ushtare italiane ngelen ne Shqiperi pas kapitullimit te Italise.. Proporcioni i fryrjes te shifres te italianeve mund ti aplikohet proprocionit te shifres te te reneve te Ushtrise Nacional Clirimtare.

Qafir, shume i mjegullt komenti. Qe ka fryrje shifrash nuk diskutohet, por me gjithe respektin (e vertete) per anglezet, nuk dua ti marr si golden standard.

Une e kuptoj shtysen e krahut antikomunist, por keto pune jane si ajo "po permore ne det...".  Universet paralele mbase jane krijuar per te kercyer ne nje kur e verteta e tjetrit nuk te intereson.

Ka dy rruge: o shqiptaret te nderojne te gjithe te renet per Shqiperi dhe kunder pushtuesit, ose te vazhdojne t'i ndajne deshmoret simbas flamureve, partive apo perfitimeve ne zgjedhjet e rradhes.

Kurse meritat e secilit brez, me shifra e presje, do te ishte mire t'i nxirrnin historianet qe nuk i kemi, se dhe ata, si gjithe te tjeret, merren vec me pollitike.

Sic duken bathet, do duhen dhe ca breza derisa shqiptaret, si gjithe kombet e denje per kete titull, te zgjedhin rrugen e pare ne vleresimin e deshmoreve. Gjer atehere, do vazhdojme te shohim "beteja deshmoresh," si dhe ne kete diskutim ketu. Civilizimi do kohen e vet - tha.

Nje gje ngaterojne disa ketu qe i kap tartatkuti.

Fjala deshmor,ok, perfshin te gjithe ata qe jane vrare per lirine e kombit,te pushtuar nga,serbi,greku,italiani.

Kurse 5 Maji eshte dita e deshmoreve te Luftes Antifashiste Nacional Clirimtare.,dhe ne kete dite kujtohen ata dhe vetem ata.

Mos beni politike,me 5 Majin.,ata qe e vednosen kete dite kishin parasysh me te drejte ,te nderonin gjakun e atij brezi,ne nje kohe te caktuar,1939-1945.

Deshmoret e tjere,duhet te kene nje date tjeter,dhe nje vend tjeter.!

I lini rehat keta te 5 Majit dhe mos u hynin ne hise ,ju The speakera ! qe flisni kodra mbas bregut!

Flisni per turpe,ju qe doni ti beni lemsh,datat,deshmoret,kohet! Turp te keni ju!

Vendi yne nuk ka patur ndonje vije lineare historike,qe edhe deshmoret te kene,nje fill,nje ide,dhe nje vend te perbashket.

 5 Maji eshte vendosur si date nga komunistet,por ska te beje me Komunizmin!,por vetem me ata heronje qe dhane gjakun e tyre ne moshen shume te re.

 

 

Nuk din vorrin ku prehen te paret tuaj, nuk din vorrin e gjyshit apo gjyshes,

e dergon lule ne vorrezat e deshmoreve me 5 Maj eshte hipokrizia e padurueshme.

Rrespekto ne veçanti te paret tuaj, pastaj rrespekti per te tjeret vjen vetvetiut.

Dakort me respektin ndaj te reneve ne Luften e II. Heroizmi nderohet gjithmone.

Halli eshte te togfjaleshi Lufta Antifashiste Nacional Clirimtare. Ahhh, kjo me le shije te keqe.  Eshte si tip alergjie pranvere, si kryptoniti me Superman.

P.S. Edhe nje gje, sa per dijeni. Jam dakort, qe te renet ne L2B te mos ngaterrohen me te renet ne luftra apo situata te tjera.

Nqs 5 Maji nuk eshte dita e TE GJITHE DESHMOREVE TE ATDHEUT, ne çdo kohe e ne çdo vis shqiptar, a ben ta di : KUR E KA DITEN E NDERIMIT CERCIZ TOPULLI me te vellane e tij, Bajon ?

ps : nuk di c'thes kam ngaterruar, por di qe ketu ka nje dore te mire sigurimsash, nga ata me te ligjte e me surratqelburit qe mund te ekzistojne.

ps' : dhe nje kerkese tjeter : a ka mundesi qe nje artian nuk e di kushi ta qepe njehere e mire, sepse gjithcka qe thote ai, eshte nje atentat ndaj logjikes.

Hur,

ma do mendja qe ai vendi ku jeton e punon i nderon te ndara ca gjera .

Psh : te renet e 1914 - 1918 dhe ata te 1939 - 1945 si gjera me perfshirese e kam fjalen se franceze qe kane rene per France , ma do mendja ka dhe nga ata qe rane ne Algjer.

Pra them qe faktin se kane rene per France nuk ja u ve njeri ne dyshim.

Pra po ta them me maksimumin e seriozitettit sepse keshtu besoj qe duhet te jete vertete : duhet te egzistoje miti i te renit per atdhe dhe ne diten nishan te tij ai i rene duhet vleresuar maksimalisht.

Ndersa zhveshja ideologjike eshte domosdoshmeri per te zbutur ndarjet tragjike te krijuara, por jo me mohime perverse me urdher peshku. Kjo zhveshje behet kur shkruhet historia, ( dhe kjo duhet te behet me kujdes jo me vendim te kryeplakut te lagjes ) por nuk ma do mendja qe Franca sot dyshon ne idene e zgjuar , shume te zgjuar te Luftetarit te panjohur, ide e cila eshte shume fine ne mes te Korces,  ne sheshin kryesor te qytetit.

Nuk ben sens kjo gjuhe ndasie e thu se ndarja behet pikerisht ketu dhe pikerisht sot dhe mbarohen meritat.

Me fal, por per ket siper duhet te te jap kete!

PS Cpersonalizimi i martireve dhe kthimi i tyre ne koncept eshte nje hap gjigand, qe ne nuk e di kur do e bejme.

PPS S'mu nejt pa e thene; mos e quj ket!

si ta bejme shpersonalizimin emo, t'i zhveshim nga identitetet e tyre kombetare, gjinore, fetare, ideologjike, profesionale etj? me c'legjitimitet i shpersonalizokemi?

aty eshte puna sol, qe ai i shkrete shpersonalizim nuk behet; eshte rrjedhoje e vetishme zhvillimi shoqeror.

prandaj une kembengul per shqiptarizmen si overarching ideology, sepse siperon cdo ideologjizim tjeter; te mertireve perfshire.

sado outdated qe duket kjo (shqiptarizma & Vasa), ne mendimin tim eshte e vetmja "working solution" per ne.

per shqiptarizmen jam dakord une, po si i behet kur nje shqiptarist e mendonte shqiptarine me mbare ne rend barazie sociale, etj etj, nje shqiptarist tjeter e mendonte me mbare ne nje rend aristokratesh dhe hyzmeqaresh? si i behet kur keta kane rene deshmore nga dor'e njeri tjetrit? a eshte shqiptarist ai qe mendon se shqiptaria do e gjente shpetimin ne atheizem, apo ai qe mendonte se islami na shpeton nga asimilimi sllavogrek, apo ai tjetri qe mendon qe kristianizma na con aty ku na takon, ne evrope medemek...

une mendoj qe personazhet historike duhen pranuar bashke me shumen e identiteteve te tyre, dhe te behet cmos qe te kuptohen ne kontekst.

1/2 e okës. okë-njësi matëse . litër/Kg

@ lumdrini, kur zgjoheni ne mengjes pini kafe ju apo vere?  Kot per kuriozitet.  Ne nje teme tjeter, ia leshon njeri pa teklif e thote "harram buka e gojes."  Ti ketu te permend varret e gjyshereve.  Ore s'jeni ne terezi fare.  Kush ua jep te drejten mo?  Po tamam njerez mizerabel jeni, pa asnje lloj njerezilleku.  Ka ketu ne peshk, nje anetare qe s'ka mundesi akoma te veje te varri e gjyshes (emigracioni.)  Si do ndihet kur lexon pacavurre te tilla?!  Ka dhe ndonje peshk tjeter, qe s'kishte mundesi per shume vite te vente, e kur vajti, u desh ta ngrinin nga varrezat ne krah, se nuk shkulej dot ... 

Edhe kerkon dhe xhevap pale, me emra per 1913.  Ate loje mos e bej, se e beri njehere Shkinas (pa i ra ne qafe me qellim te keq) dhe s'i doli mire.  (Dhe meqe jemi te emrat, Besnik Gjongecaj s'eshte nga Elbasani, por eshte nga B.Curri, ky i fundit, "mik konaku" me Hasan Prishtinen e ca burra te tjere te asaj kohe.)  Po e zgjata shume edhe me kaq, keshtu qe po ta le ty nderen per leksione historike.  Per leksione fisi, eterish, mos u ndiej.

 

@ Hurbinek, pse miku im kapesh me "cfare ndodhi ne 5 Maj"?  Nuk e di pse je nen pershtypjen qe dje, psh ne faqe te ndryshme interneti levruam rubriken "5 May, today in history."  Ok, 5 Maj eshte dhe dita e Martires Shen Irini.  Edhe?  U cmitizofshim e mos pacim qeder derisa te mos leme eshtra pa kthyer mbare e prapsht.  Por sikur te mbetet qofte dhe nje trup a shpirt i patrazuar qe dha jeten per clirimin e vendit tim, une prape do them lavdi e respekte deshmorit.  E perderisa ajo date eshte caktuar per te, ate dite, ne pamundesi per ndonje gje tjeter me teper, do shkruaj dy fjale ne kete qoshe, apo ne ndonje tjeter, e do them ne menyren time "iu falem nderit."

Monda.

Kam shkruar ne tashmen e kaluar.

Komenti ishte me i gjate, solla edhe nje shembull nga nje ngjarje e vertet per dy vellezer qe benin fjale kur vinte 5 Maji, sepse njeri vella i thoshte tjetrit "sa shkon ne vorrezat e deshmorve shko tek varri i nanes, ka vdekur tash sa vjet dhe nuk ke qene asnjeher".

Per "çudi" komenti u zhduk, ateher i rashe per shkurt.

Ne kete rast nuk flitet per ato qe jetojne jashte, dhe ne qofte se te duket se ofendoj te vdekurit , mjafton te shkosh ne varreza ( flas per ato te qytetit tim, jo se qytetet e tjera jane me mire) sidomos ato te besimit musliman, jane te mbuluar nga bari, nuk dallohen varret njeri nga tjetri.

Shkova shume gjate, shkurt, te krijojme respektin per njeri tjetrin, per te afermit, per shoqerin, ateher vjen vetveitu respekti per herojt.

Monda, pyet veten, çfare pin ne mengjez, larg mendsh te aludohet per emigrantet. Lexoje edhe nje here komentin.

Monda, shkurt e shqip :

Ata qe u vrane gjate periudhes 7 prill 1939 - maj 1945, ndahen ne dy grupe :

1 - ANETARE TE PARTISE KOMUNISTE
2 - PARTIZANE TE THJESHTE

Partizanet e thjeshte, OK, me vjen keq. Jane heronj.
Kurse ata komisare e komandante, e komuniste qe jane vrare ne lufte, per mua, as me ngroh, as me ftoh. M'rrove t'rrova, brisku i berberit. Nuk merrem me keta. Po te kishin mbetur gjalle, do te ishin Enver Hoxha ne miniature. Ti e di fort mire kush e ka drejtuar vendin pas clirimit : KOMUNISTET. Keshtu qe, keqardhje = zero.

Per ata partizane te thjeshte qe dolen malit kush per nder e kush me detyrim (nga kercenimet qe benin komunistet), ketyre iu them deshmore. Edhe i nderoj, ca sepse benin heroizma e ca sepse rane viktima. Dhe viktimat duhen nderuar si martire (te pafajshem).

Kurse per heronjte e tjere qe ka nxjerre ajo toke, e qe kane dhene gjakun qe ti e une te shetisim neper nevjork e duke llomotitur neper pellgje te ndotura, a mund te me thuash, Monda, KUR DREQIN DUHET T'I NDEROJ ? A kane ndonje dite apo kur te na marre malli ne ?

Po ai qe ishte ballist apo zogist deri me 1944 dhe pastaj vdiq per clirimin e Tiranes apo Kosoves c'fare emri ti veme?

 

 

Veri emer c'te duash ti, vec mos me lodh shume kryet. Gjej grupin tend dhe atje vertitja. Jane te tjere ata me ke dua te bisedoj.

D.m.th. se di pergjigjen! Po te shohesh emrat e atyre qe dhane jeten per clirimin e tiranes, lufta me e gjate dhe me gjakatare qe bene partizanet ( nje muaj zgjati rrethimi i Tiranes) , shume nga ata jane ish-balliste dhe oficera ushtrie te kohes se Zogut!

Une emrat jua kam vene, jane deshmore te atdheut! Te pyeta ty meqe ishe si i pa qarte.

Monda, meqë po të drejtohen ty të gjitha pyetjet, s'ma ha mëndja se do t'bajn ranë edhe kto pyetjet e mija:

  • Nëse 1 Maji është festa e puntorëve, kur dreqin duhet të festojmë fshatarët?
  • Nëse 8 Marsi është festa e Grave... Kur dreqin duhet të festojmë festën e... jo të burrave mer dreq smiley , por të vajzave?
  • 1 Qershori, deri në ç'moshë duhet të  jenë kalamajtë që të konsiderohen kalamaj? (edhe kujdes me përgjigjen këtu, mos më thuj deri në 99 vjeç smiley )

Me respekt dhe padurim pres një përgjigje tuajën!

mirembrema!

lavdi deshmoreve!

dhe turp te gjithe atyre qe na harrojne deshmoret. ne lumjanet nuk eshte se kemi ndonje histori. edhe ndonje shkolle ne kukes e kemi ne emra gjakovaresh (anton pashku) apo vlonjatesh (avni rustemi) sepse s'kemi histori. nese do kishim qene pak me shume komuniste, sa tropojanet apo dibranet te pakten, mund te na numeronin plot deshmore. mund te na mbanin pergjegjes per shkrepjen e pushkes se pare te revolucionit xhonturk, mund te na permendnin si prites se lidhjes se prizrenit, mund te na kujtonin per luften per mbrojtjen e kufirit ne 1913 e 1918. por nuk kemi qene aq sa duhet komunista. bilez as monarkike. thjeshte nacionalista. por nacionalista budallenj. kemi pas kujtu se nuk ka nevoje per me pase emer per me i dale zot shpise tende, kemi kujtu se atdhe do me thane aty ku hame buke une  e kojshia. por nacionalist do te thote te jesh ne anen e te fortit, te mos luftosh asnjehere por te dish te bertasesh ne kohe paqje. ata maloket e gjushit tim me shoke se dinin. se dinte as vellai i tim gjyshi , Avdi Koka, i vrare ne lufte kundra serbit, ate te shkrete thjeshte e ka vra serbi, s'ka pase nevoje per asnje kurore me lule. edhe varri ka mbete diku larg. se na e kemi pase nji zakon te keq se ku na priste serbi i kena pas varrose te renet. viktimat. e nuk i ka ra kujt nder mend me na kujtu. e veten e kena kujtu me ndonje kenge keshtu pa dashje. nejse. shume krenare jena na lumjanet me luften e kolosjanit. shume krenare edhe me lufterat e tjera qe kena ba. ne luften e kolosjanit flitet se jane vra 12 000 serb. te gjithe deshmore per vendin e vet. te ne? booh. ne asnje liber hisotorie nuk egziston kjo ngjarje.

hajt mer mo.

lavdi deshmoreve. edhe pse ata te kuqte bien ne sy me teper. ata te tjeret, hajt mer mo. nashte. vete e kane dashte.

monda kam respekt per ty se ke bajagi logjike ne ato qe thua. thjeshte kur te cenohet ideologjia jote te verbohen syte.

 

Ehh, deshmoret e shkrete, sikur ta dinin se shqiptaret e shkrete (niprit dhe mbesat e tyre) do te mbanin rradhen per nje vize ne konsullaten italiane dhe se do te dyndeshin plot deshire ne Itali (siç jane dyndur), as qe do e mirrnin mundimin te kapnin pushken kundra çizmes italiane. Do rrinin ne shtepi, prane zjarrit bubulak.

@ shkinaks, c'ideologji eshte e imja?  Di gje ti?  Se psh une nuk presupozoj te di tenden, e jo me te ta gjykoj.  Ketu ta mveshin sipas qejfit.  Njeri te thote e djathte, tjetri komuniste, njeri mish, e tjetri peshk .... edhe syte e ballit s'na i lini atje ku jane. 

Dhe te lutem shume, perse presupozoni se nuk po dime historine e vendit tone.  Nga e di ti qe s'dime per qendresen e Lumjaneve, e per beslidhjet e tjera qe u bene ne veri te Shqiperise (perfshi Kosove, Shkup etj) ndaj serbeve, xhonturqeve e kush u doli perpara.     

Ashtu sic akuzohet njera "pale" per pune datash, ashtu kujtohet dhe pala tjeter, vetem ne nje date te caktuar (qofte 5 Maji, 28-29 Nentori) per te shprehur "hidhnimin", mllefin, ndjenjen e braktisjes (me apo pa te drejte.)  Po gjate 363 diteve te tjera cfare beni?  Poezi dashnie (asgje me shkrimtaret e peshkut, iu shtofshin dashnite dhe krijimet se na duhen smiley Pra, jo duke "dredhur zinxhirin" gjithe vitin, e pastaj ua ka fajin nje dite per kete pune. 

@ lumdrini, inatet me mirembajtjen e varrezave ne Shkoder, nxirri gjetiu e mos ua vesh te gjitheve.  He t'kam rixha, se s'ta kemi borxh.  Me c'po thua ti, i keni bere naften si atyre "civile" dhe atyre "te politizumeve".  E di si eshte puna? I zoti nxjerr gomarin nga balta.

@ Hurbinek, shkurt e shqip, zemer.  5 Maji a eshte dita e heronjeve qe rane gjate LIIB?  Ndaji si te duash ti.  Respekto, lavdero, kujto ke te duash ti.  Une do respektoj ke te dua, edhe ate "komunistin e thjesht" qe s'ke kishte idene se c'menxyre do gatuante mavria 50 vitet e tjera.  Rane per atdheun.  Per Cerciz Topullin e shoke, per Isa Boletinin, Hasan Prishtinen etj i perkujtoj ne 28 Nentor.  Sepse lufta, gjaku i tyre coi ne ate dite te bekuar.  (Dhe per me teper, s'e lane me aq)  Do thuash ti qe ka zera qe ngrihen e thone se ne fakt nuk duhet te festohet si dite pavaresie, se Kosova e treva te tjera shqiptare u lane jashte.  Mos ta festojme 28 Nentorin?!  Ty, po t'u be mbare, ne ditelindjen e Cercizit, shkruaj nje shkrim, une me a pa ditelindje, shoh filmin "Liri a Vdekje" te pakten x-here ne vit.  Kaq mundesi kam.  

 

@ e, me ke fut ne te thella me ato dy te parat, bej sevap, se u lodha per  sot.  Per te treten, shperndaj lolipop ate dite.  smiley Se me kujtove (hehehehehe ma ben per kastile lol) ne 1 Qershor te nje viti te bukur ne gjimnaz, hyn profesor Petriti i matematikes, dhe me plot seriozitet nje shoku im ngre doren pasi ra qetesia.  Po Riku? (thote prof Petriti, qe s'i qeshte buza kollaj ndonjehere.) -Presor, ne emer te klases, Gezuar Festen! (dhe i zgjat nje lolipop) smiley

PS: Ate dite mos e nga, se na duhet nga pak te gjitheve smiley 

nese ti do kishe vene re une pikerisht kete thashe, te gjithe jane deshmoret e kombit dhe nje komb kemi dhe ne nje date (do preferoja 28 nentorin) te kujtohen te gjithe. pa dallim nga asgje. dhe pikerisht sepse nuk dime asgje, diku kam lexuar se lumjanet ishin ata qe prine ne pushtimin e shkupit nepermjet hekurudhes se kacanikut qe ishte fillimi i revolucionit xhonturk (jo kunder tyre, pro xhonturqve) qe do shenjonte nderrimin e kursit politik te turqise. nejse debat tjeter ky, po meqe me pate thirre u kujtova. dhe meqe flitej per lumen, dhe meqe e kam jashtezakonisht shume pasion etnografine e historine, dhe kam lexuar bajagi per ate te veriut te shqiperise zyrtare, thashe edhe une ate timen ne kujtim te disa deshmoreve, te atyre te harruar. sepse po te dinim do te kishim nje deshmor lumjan? cilin kemi? nje emer?

kaq

as mish as peshk.

data 5 maj dhe 29 nentor jane te dyja data te ngarkume ideologjikisht me kuptime komuniste. pra ishin i her data komuniste, qe para 'clirimit' masnej iu imponun shqiptarve mas vendosjes s'sistemit si data gjoja tonat historike. nqs bohet sikur nuk kuptohet kjo, ska me pas mirkuptim naiher. kuqt e din se ca jon ato dy data, po ju as mish as peshk-at qe boni si gjoja te balancum, msoni i her se ca jon tamom ato data dhe pse u vun, se skan lidhje as me qemal staf as me dalje gjermoni prej shkodre. ca tbo propaganda 50 vjet vallaj, sta bo as hasmi. trunit me cekic ka djepi ne vorr

le tfestohet dita deshmorve ne dite deshmoresh, 28 nentor, jo ndata simbolike tkomunizmit. se deshmoret ran per komb, atdhe e flamur, nuk ran per veten e vet

Ne Angli dhe ne gjithe Evropen 8 Maj festohet si VE day (fitorja kunder fazhizmit). Gjithashtu ne Angli festohet me 11 Nentore Remembrance Day per deshmoret e te gjitha luftrave. Nuk shoh une ketu asgje komuniste!

Festimet jane madheshtore edhe sot e kesaj dite dhe ne krahasim me festimet e ish-sistemit te kaluar komunist ne shqiperi, qendrojne shume me larte! Te gjithe femijet e shkollave i ke ne rruge duke shitur "popy" per vetaranet dhe televizioni nuk rresht se foluri. Ka edhe 1 minut heshtje ne gjithe Britanine

anglezet, nuk dua ti marr si golden standard.

epo te ngelen vetem gjermanet ahere (mgjs nja 1/3 e gjermaneve ne Shqiperi ishin ne fakt prej Taxhikistani)

jo, jo, me ngel vetem versioni zyrtar i komunisteve per 28,000 deshmore dhe ajo 80,000 nga krahu tjeter. nuk kom problem une me kto numura. sidomos, nqse nuk kundershtohen nga "ata nolt ne dy krahet e atlantikut", no problem me kto numra, qafiro. inflacion qe s'prish pune fare ky.

ps. s'jom obez mas te vertetes. ene e verteta duhet me karar. si cdo gjo, xhanem!

me ngel vetem versioni zyrtar i komunisteve

Ndersa une jam tifoz i shprehjes: 'there's my side, there's your side and than there's the truth". Sigurisht qe nqs nuk je 'obez pas te vertetes' atehere ske pse te shqetesohesh shume per shifrat e SOE/OSS dhe te Italianeve/Gjermaneve.

Ne varesi te propensitetit per obesitet per te verteten varet shume drejtimi i vendit 'tene'

Ca do behet ke ai vendi tani?

Shatervan. 

PS: Kaq per kete teme, shkinaks, e me radhe, me shume respekt terhiqem nga debati, se s'kam me nerva.  Dhe ato pak qe kishin mbet i ben tel jevgjit e Barces smiley (asgje me arumunet shqiptare.) 

Monda.

Te kam ble per  intiligjente.Gabim.

I vdekuri respektohet njesoj.

Ne qofte se ty, te vjen per mbare te kujtosh deshmoret sipas lufterave, ateher ato qe u vrane nga Gjermani e dhane gjakun kot, sepse Gjermani ishte ne kalim, ndersa Serbi, Malazesi, Greku, Italiani, apo Turku ishin pushtues.

Historia e Shqiperis, nuk fillon me 8 nentir '41, Shqiperia nuk lind me 8 nentir '41, e une nuk kam ardhur ne Shqiperi me 9 nentir '41.

Pse nuk krijoni nje parti me emrin "8 nentir '41", mbase fitoni se jeni shume 8 nentir '41.

E bukur kjo? Cfare eshte? Gjimnastike gjuhe?

8 nentir '41, 8 nentir '41, 8 nentir '41, 8 nentir '41, 8 nentir '41, 8 nentir '41, 8 nentir '41...

Sa bukur...

8 nentir '41...

Te pakten do bejne nje shatervan....qe te vijne rrobt me vrap t'mbushin shishet me uje!

 

Hurbinek,

...a ka mundesi qe nje artian nuk e di kushi ta qepe njehere e mire, sepse gjithcka qe thote ai, eshte nje atentat ndaj logjikes.

Atentat ndaj logjikes!!!! co kjo shrehje njehere pa kuptim pa llogjike?

Une nuk e di qe nje i llogjikshem te shprehet pa llogjike!

 Cer argumenti ke ti per theniet mia nuk e mora vesh!

Djegja e plehnave po i ban te gjallet te dekun...nji dit kur te pastrohet qyteti-tet e te gjallve do pastrohen edhe varrezat e te dekunve,edhe shtatorja do ket nji vend(pa perjashtim deshmor e pa-deshmor edhe tradhetar...)edhe nese e keni fjalen per ata 5heronjt qi jan hek shum mir a ba kjo ska te bej aspak me respekt e perkujtim. kishte te bajn me utilitarisem e estetik.Perkujtimi behet me nji pllak te thjesht,diskrete ku ti shkrun edhe historin e jo me 2ton hekur te panevojshme per me impresjonu me forc armikun...e jo-estetike.Perkujtimi bahet me vargje letrare e histori mbi te gjitha, me te cilat  edukohet brezi i ardhshem me atdhedashni e jo me zajmina  e Big brodher etj...jam dakort me komentin e pare mbi ceshtjen. 

Keta te koklaviturit me Mixhen  ne krye te kujtojne ate fshatarin e Paprit qe po i sqaronte lektori per suvana fumen dhe fumi nosavanen . Ndigjoi sa ndigjoi poplli dhe manej pyti "ore na thuj kush eshte me ne ai qe ka sumen para apo ai qe e  ka sumen mrapa ? Ore hani shqip ju apo jo ! 5 maji nuk ka nevoje per homazh nga huribineker  e soi i tij politiko-histerik  smiley! Nuk eshte date per te perkujtuar te gjithe Shqiptaret e Lumes dhe Vlores as te Kuksit e Sarandes , as te Llapite Gucise as te Piros e Teutes as te Skenderbeut e as te Mehmet Aliut as te Marko Bocarit e Ali Tepelenes te rene ne Historine e Popullit qe jetonte ne Trojet ku eshte Shqipria SOT!. 5 maji eshte dita e perkujtimores se DESHMOREVE te rene ne LII . Ashtu si Neser ne dt 9 MAJ do te perkujtohet nje dite tjeter nga te gjithe Antifashistet e BOTES dhe Popujt e Qyteteruar . Edhe 9 Maji mund te shkaktoje reaksion por gjithnje sipas teorise se te Marreve qe i bejne gjerat Ujem si koka e atij me kar-izem qe i mencuron smiley Varrezat mund te jene per te gjithe Deshmoret e KOMBIT. Dhe ti i nerum shkjanik, shko edhe ne 28 edhe ne 29 Nendor . Nuk te ndalon njeri . Mos u shti !

je yllo o lala driz!

une do e festoj edhe me 5 maj, njelloj me vjen, e thashe edhe me siper po ti je i verbum nga komunizmi( aq poshte ke rene pasi iken ata!) sa nuk me ke kuptuar. problemi eshte se dua te di kush jane deshmore dhe ne emer te kujt po festojme? sepse me kishin indoktrinuar se 5 maji eshte dita e deshmoreve. dhe per mua eshte deshmor edhe ramadani qe permend dikush me siper edhe bato, edhe luftetaret e pirros, edhe turku hasan riza pasha, jane heronj te kombit, deshmore.

bravo. te kam sha nojhere une ty? te kam ofendu? nese po te kerkoj falje. sincerisht. nese jo, te te vije turp. okzemer?

hajt tash tung. gjej naj rob me luj domino sa mundohesh me fitu nje debat duke sha te tjeret. eshte me e ndershme.

Te ka merzit ajo shshkruajtja gabim e Nik-ut...Mbase dhe e meriton me drejteperdrejte se je treguar HILEQAR ! Ne pergjithesi nuk emocionohem nga fyerjet , por ne vecanti kur vijne nga kategori e peshes "pupel" si Ju   nuk  me mbetet hatri...Gjthsesi nje njeri i rendomte i trajton dhe i mbyll gjerat personalisht . Mos e harro kete me qe je edhe i gjinise qe ben nganjehere edhe vergje .gje qe do te thote do te ekspozohesh ne PUBLIK te crfaredoshem . Per problemin me qe ke deshire me e dite....  sa nuk me ke kuptuar. problemi eshte se dua te di kush jane deshmore dhe ne emer te kujt po festojme? ....me thene te drejten nuk te kam faj UNE qe nuk di te lexosh SHQIP cfare perfaqeson 5 MAJI .. Ja po ta perserit edhe njehere ....5 maji eshte dita e perkujtimores se DESHMOREVE te rene ne LII .....dhe me siper te kam kujtuar ne nje pasazh tjeter...ndersa Deshmore eshte TITULL i Larte i cdo KOMBI ne bote . Eshte rrenje e Historise se Kombeve Moderne sidomos pas LII. Ne se e udhehoqen Komunistet ate LUFTE kjo nuk eshte pergjegjesia ime perse nuk e udhehoqen Zogistet , Ballistet apo ata qe bashkepunuan me Fashizmin qe dikush kerkon ti beje UJEM...ku nuk mungove edhe zotrote  te jepje ndonje mendje smiley .Ndersa VARREZA te DESHMOREVE ka kuptim tjeter shume here me te gjere, por, ne se aty ndodhen edhe varret e atyre qe i perkujtojme per 5 maj , me qe ke deshire ti vleresosh mos e ngatro me histori e data te tjera. Ne Shkoder e kane edhe pyetje te drejteperdrejte A je a shtiesh?

idris qi 5maji a dita e deshmorve a nji gja e fotoja a gja tjeter...kush po te pengon me e festu 5majin apo 9majin. thjesht Fotoja ktu nuk me duket se a per perkujtim...apo kta qi vunen Foton e statujs i duket vedi ma te perkushtum ndaj herojve pfffff ...dhe zhvedosja e statujes nuk  "atentat" ndaj deshmorve e kujteses tyne.e tha mi SPEAKER...po nejse

idris qi 5maji...E nerumja Dafina ose e ke shkrujte gabim ose me le pa goje ..Vallaj vetem kete pune s'jam tu e bo ! Te tjerat boi kurore dhe coja Spikeres.Nuk besoj te jesh minioritare .

"i nderuari" idris ban ca te dush e mendo ca te dush,edhe gabim si te dush,sa per kurora po te la ty qi per cdo 9maj t'ia çosh Li & co si "punetore te dallum te Peshku!

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).