Shkombëtarizimi i shqiptarëve dhe roli i komuniteteve fetare

Kohët e fundit, qeveria ka nënshkruar një marrëveshje shumë interesante e të rëndësishme me katër institucionet fetare tradicionale të Shqipërisë, përkatësisht: Komunitetin Mysliman të Shqipërisë, Kishën Ortodokse Autoqefale të Shqipërisë, Kishën Katolike në Shqipëri dhe Kryegjyshatën Botërore Bektashiane. Konkretisht, kjo marrëveshje parashikon financimin e komuniteteve fetare nga buxheti qeveritar që, në pamje të parë, tingëllon si anti-kushtetuese, duke pasur parasysh që shteti ynë është laik. Kuptohet që edhe, e bërë pak para zgjedhjeve në mënyrë të natyrshme, lë të dyshohet se ka pasur si veprim në prapavijë një taktikë elektorale për të bërë për vete atë segment të shoqërisë sonë, që shquhet për zell fetar. Megjithatë, futja në qendër të vëmendjes e marrëdhënies midis shtetit shqiptar dhe komuniteteve fetare duhet të shqyrtohet me më shumë hollësi e përkujdesje, duke pasur parasysh kontekstin specifik historik dhe politik shqiptar.

Pikësëpari nuk ka sesi të mos përmendet përgjegjësia e shtetit shqiptar në shkatërrimin dhe çrrënjosjen e institucioneve fetare në Shqipëri, rasti ky i paprecedent në nivel global i ateizmit. Kjo është arsyeja pse ndaj këtyre katër komuniteteve, ashtu sikurse ndaj ish-pronarëve dhe ish të përndjekurve, shteti ynë ka një përgjegjësi të madhe dëmshpërblimi ose kompensimi. Madje, duke pasur parasysh eliminimin e gjithë prelatëve të hierarkive përkatëse të klerikëve, si dhe shkatërrimin masiv të monumenteve të kultit, do të duhej që mes të prekurve nga regjimi i kaluar, institucionet fetare të meritonin të parët kthimin e pronave apo kompensimin. Fatmirësisht, një pjesë e mirë e financimit do ketë për destinacion ndërtimin, mirëmbajtjen e objekteve të kultit, si dhe ringritjen e restaurimin e qendrave të pelegrinazhit dhe infrastrukturës së tyre ndihmëse.

Por ka edhe një element tjetër shumë të rëndësishëm, që meriton akoma më tepër konsideratë dhe analizë, dhe ka të bëjë me praninë e bollshme të donacioneve të huaja. Objektivi kryesor i kësaj nisme, sikurse është deklaruar, është të minimizojë varësinë financiare që kanë këto komunitete nga kontributet e donatorëve të huaj, të cilët padyshim fondet i japin duke infiltruar edhe axhendën e tyre të politikës së jashtme.

Historia ka treguar se institucionet fetare luajnë një rol shumë të rëndësishëm e të dobishëm në procesin e shtetformimit, në konsolidimin e identitetit kombëtar dhe ngritjen e institucioneve shtetërore. Rasti i historisë së Shqipërisë është më i veçantë, si pasojë e pluralizmit fetar shqiptar, por gjithsesi klerikë të lartë kanë dhënë një kontribut thelbësor në ngritjen e vetëdijes kombëtare dhe në pavarësimin e vendit tonë. Ishin shkollat katolike të parat që lëvruan gjuhën shqipe. Nuk është rastësi që komuniteti islam ishte i pari që u shkëput nga drejtimi i kalifatit otoman dhe pranoi që alfabeti shqip të shkruhej me germa latine. Po kështu janë të panumërt rilindësit ortodoksë e bektashinj që kanë mundësuar lëvizjen kombëtare.

Mirëpo, fatkeqësisht këto institucione, që me klerikët e tyre kanë kontribuar për çështjen kombëtare, në fakt si pasojë e ndikimit të huaj po bëjnë të kundërtën sot. Po të shihen vendet se nga vijnë ndihmat për institucionet fetare shqiptare, të "kërcejnë" dyshime të natyrshme, edhe po të jesh një ndër skeptikët më të mëdhenj të teorive të konspiracionit. Kjo, pasi bëhet fjalë ose për vende që në të kaluarën kanë pasur pretendime territoriale dhe interesa ekonomike në vendin tonë, ose për vende që konsiderohen fidanishte të terrorizmit. Kështu, te komuniteti mysliman sunit vihet re një ndikim në rritje i disa fondacioneve të dyshimta dhe prania në mënyrë gjithnjë e më masive e praktikave e sjelljeve të importuara kallëp nga bota arabe apo Lindja e Mesme, por dhe që kanë pak të bëjnë me traditën shekullore islame otomane, që ka mbizotëruar më parë në Shqipëri.

Dominimi i Greqisë dhe i grekëve brenda Kishës Autoqefale Shqiptare është një problem vazhdimisht i pranishëm dhe i pazgjidhur, edhe pse po kalojnë dy dekada nga fillimi i rimëkëmbjes së ortodoksisë shqiptare. Kur bëhet fjalë për Kishën Katolike është normale që ekziston një varësi e drejtpërdrejtë nga Papati, por është e pakuptueshme pse shumica dërrmuese e klerit katolik në Shqipëri janë italianë, kur priftërinjtë katolikë te ne mund të ishin edhe nga vendet e shumta katolike të Evropës Qendrore, Perëndimore apo Amerikës Latine. Edhe flirtimi i shiitëve iranianë me bektashinjtë ngjall gjithashtu dyshim.

Mbulimi i një pjese të shpenzimeve të katër komuniteteve fetare shqiptare duhet shoqëruar gjithashtu edhe me përshpejtimin e procesit të kthim-kompensimit të pronave të shumta të tyre, për të bërë të mundur pavarësinë e tyre financiare. Kjo pavarësi do të përkthehej në më shumë autonomi dhe më pak nënshtrim apo përshtatje ndaj ndikimit politik të vendeve nga vjen mbështetja e huaj. Në kushtet e tanishme, këto komunitete janë të mjerueshme nga ana ekonomike, pasi popullsia shqiptare është ende shumë e varfër, zelli fetar te ne është ende i zbehtë, e për rrjedhojë vështirë se mund të mbahen nga donacionet e besimtarëve. Prandaj, ky kontribut i shtetit dhe kthimi apo kompensimi i pronave do të ishte shumë i dobishëm në sigurimin e vetëfinancimit.

Sigurimi i vetëfinancimit jo vetëm që do të ndihmonte në shndërrimin e këtyre bashkësive në institucione më besnike ndaj interesave të shtetit tonë, por do të ndihmonte edhe në ndalimin e shkombëtarizimit dhe asimilimit që ende vazhdon të ndodhë te bashkëkombësit tanë në shtetet fqinje. Fjala asimilim, nga shumëkush, mendohet si një koncept historik i fillimshekullit të kaluar, që nuk ka vend në epokën e integrimit evropian të Ballkanit. Mirëpo, fatkeqësisht është një proces gradual me përmasa të frikshme, që zor se ka kthim.

Kështu, mes shqiptarëve myslimanë të Maqedonisë gjithnjë e më tepër po zbehet identiteti kombëtar në favor të identitetit fetar, për mos të folur pastaj për shqiptarët e shumtë myslimanë që vetëdeklarohen si turq apo torbesh. Janë të paktë banorët e Sanxhakut, që kanë mbetur shqiptarë, ndërkohë që në fillimshekullin e kaluar ishin të gjithë. Aktualisht, në Tutin e Novi Pazar nuk ka mbetur kush të flasë shqip, ndërsa në Mal të Zi vazhdon shndërrimi në boshnjak apo myslimanac i shqiptarëve myslimanë të Rozhajës. Edhe në Bjeshkët e Namuna, në zonën e Plavës dhe Gucisë, më pak se çereku i popullsisë vazhdon të flasë shqip, ndërkohë që nipërit e Jakup Ferrit dhe Ali Pashë Gucisë flasin vetëm serbisht. Asimilimi në boshnjakë po ndodh edhe pak kilometra larg kufirit tonë, në zonën e Tuzit.

Mirëpo asimilimi nuk po ndodh vetëm me myslimanët, por edhe me të krishterët ortodoksë dhe këtu nuk bëhet fjalë për ata të Bregut të Detit në Republikën e Shqipërisë, që janë të tunduar nga heqja e vizave dhe pensionet disaqindraeuroshe. Nga shqiptarët ortodoksë, dikur të shumtë në Maqedoni, vijojnë ta përdorin shqipen vetëm pak pleq në zonën e Rekës pranë Gostivarit, ndërkohë që pasardhësit e shqiptarëve ortodoksë të asimiluar të fshatrave të Mavrovës, Shkretës, Galicicës, Pelisterit apo qyteteve të ndryshme, janë eksponentë të rëndësishëm të elitës së Shkupit dhe më antishqiptarë se maqedonasit safi. Njësoj janë edhe ish-shqiptarët ortodoksë të Hotit, Grudës dhe Kuçit të Malin e Zi. Për mos të folur pastaj për shqiptarët ortodoksë të panumërt që ende flasin shqip, por nuk pranojnë kombësinë shqiptare në Çamëri dhe në rrethinat e Kosturit e Follorinës. Asimilimi prek edhe komunitetin katolik dhe këtu nuk bëhet fjalë për qendra si Shkupi e Tivari, ku para një shekulli gëlonin shqiptarët katolikë e tani katolikët e paktë të mbetur nuk flasin shqip dhe liturgjinë katolike e bëjnë starosllavisht. Por për një fenomen aktual, mjafton të kalohet lumi i Bunës në zonën e Shtojit në territorin malazez, ku katolikët shqiptarë po përdorin gjithnjë e më dendur serbishten në shtëpi. Edhe zona e Shestanit të Gjon Buzukut, në krahinën e Krajës, buzë liqenit të Shkodrës, është duke u asimiluar, dhe fëmijët e atyre pak shqiptarëve katolikë të mbetur po e bëjnë shkollën fillore në serbisht.

Pjesa më e madhe e këtij asimilimi ka ndodhur gjatë pesëdhjetë viteve të komunizmit, kur Republika e Shqipërisë ishte nën izolimin autarkik enverist dhe popullsia shqiptare e ish-Jugosllavisë dhe Greqisë ka qenë nën një trysni të programuar politike për t‘u asimiluar. Mirëpo është tronditëse që ky asimilim vazhdon edhe sot, kur Shqipëria është vendi i hapur dhe vendet fqinje janë më të demokratizuara se më parë dhe nuk e kanë më dhunën e theksuar shtetërore të mëparshme, të organizuar për asimilimin dhe diskriminimin e shqiptarëve. Bashkësitë fetare tona, nëse do të fitojnë më shumë autonomi e fuqi, do të ishin shumë të dobishme për t‘i dhënë fund këtij asimilimi, duke u lidhur me besimtarët bashkëkombës dhe duke u ofruar atyre mundësinë e ushtrimit të liturgjisë dhe shkollimit fetar në shqip.
 

51 Komente

Pjesa më e madhe e këtij asimilimi ka ndodhur gjatë pesëdhjetë viteve të komunizmit, kur Republika e Shqipërisë ishte nën izolimin autarkik enverist dhe popullsia shqiptare e ish-Jugosllavisë dhe Greqisë ka qenë nën një trysni të programuar politike për t‘u asimiluar. Mirëpo është tronditëse që ky asimilim vazhdon edhe sot, kur Shqipëria është vendi i hapur dhe vendet fqinje janë më të demokratizuara se më parë dhe nuk e kanë më dhunën e theksuar shtetërore të mëparshme, të organizuar për asimilimin dhe diskriminimin e shqiptarëve.

Po nqs eshte keshtu ca kishe me kishat edhe xhamijat ore bir kur sta paskan ato fajin ????

Rri larg nga punet e zotit me mire Adri smiley

Tushe po vazhdoje mi paragrafin smiley

Bashkësitë fetare tona, nëse do të fitojnë më shumë autonomi e fuqi, do të ishin shumë të dobishme për t‘i dhënë fund këtij asimilimi, duke u lidhur me besimtarët bashkëkombës dhe duke u ofruar atyre mundësinë e ushtrimit të liturgjisë dhe shkollimit fetar në shqip.

shkolle per te tere o..

smiley

Eee, u perpoqa ta beja "drite e diturise per te tere o" por s'tingellon aq mire sa me siper smiley

Zoti Nurellari, ke shkruar mire. Me sistem, me metode. Mund te hasesh (them padiskutim) kundershti, ama sistemin dhe metoden nuk mund te ta hedhi poshte askush. Plus ke ilustruar me fakte ne kohe dhe hapsire hipotezen tende me nje barazpeshe te admirueshme. Ndaj te them: te lumte!
Ju bie peshqve qe jetojne ne Shqiperi e perreth qe te thone sa i vertete eshte konstatimi i z. Nurellari aktualisht. Mua me thote nje ze qe kjo qe ngirhet ketu nuk eshte pa gje.

dhe pak me seriozisht tani,

nga njerez te rinj si pune e nurellarit, pritet nje energji e fokusuar ne drejtim tjeter per mendimin tim.

Teza te mbeshtetura ne histori, vezhgime dhe konkluzione akademiko-sociologjike te qis dhe une gjithe diten sipas interesit tend apo te ndonje tjetri.

Per mua, pergjigjja ndaj ketij fenomeni per te cilin shqetesohet autori eshte  Zhvillimi Ekonomik. Eshte dalja nga izolimi i qylafeve, eshte HAPJA, eshte aksesi ne infrastrukture, ne informacion, eshte levizja dhe shkembimi i njerezve, mallrave, ideve dhe informacionit ne pergjithesi.

Por qe prape e them qe te gjitha keto ngercin e kane dhe do ta kene tek ZHVILLIMI EKONOMIK qe eshte pergjigjja me e mire ndaj injorances, humbjes se identitetit, vlerave dhe toruas ne pergjithesi !!!!!

Pastaj teori kishash e xhamish, pronash, shkollash, shitje librash dhe kulture e arsimi, vetefinancimesh kane vend, por gjithnje ne vend te dyte.

A ka b..the ndonje nga keta b.thepamuket e sojit te nurellarit qe jane eksperte ne te gjitha, duke filllu nga Darvini gjer tek Planifikimi Familjar dhe Anijet Kozmike, te ofroje qofte dhe nje ide te vetme te hajrit ide qe i qaset ZHVILLIMIT EKONOMIK ????

NQS jo, le te shkojne te bejne cicin dhe tjua shesin ankademizmat alban dudushit smiley

Dezdemonda, o liberale e panDREQshme  smiley

mgjs te them te drejten kjo pergjigje e dezdemones me duket shume me efikase se imja - eshte nje fare qasjeje qe nuk e ben dot kur merresh me detajet. she's looking at the big big picture do te thoshte obama, apo outside the bun, do te thoshte taco belli smiley

se harrova billin: it's the economy, stupid. ose kryeministrin ne shtypin e sotem: eshte e vertete qe remitancat do te bien, po ne kemi investuar ne turizem.

Emi pse me detyron te lexoj artikuj mbi fene dhe kombesine!

Nurellari mund te kete shkruajtur me kujdes per formen, me sistem paragrafor, madje edhe me informacion interesant mbi shqiptaret ne Maqedoni e Mal te Zi, por medota me duket krejt eseistike dhe kur ceshtja eshte kaq delikate, jo e argumentuar sa duhet. Me konkretisht:

1- Ne c'mase parashikohet financimi i komuniteteve fetare nga buxheti dhe si krahasohet kjo me nivelin aktual te financimit, per te pare nese behet fjale vertet per nje tentative shkeputjeje nga influenca e huaj?

2- Si eshte aktualisht shperndarja e financimeve te komuniteteve fetare? Si ka ndryshuar kjo strukture ne kohe? Te thuash se " te komuniteti mysliman sunit vihet re një ndikim në rritje i disa fondacioneve të dyshimta" kerkon se paku emrat e ketyre "te akuzuarve" nder vite dhe mundesisht numra (njerez apo para). Jo per gje, po ky ndikim mund te jete ne zbritje. Kjo puna e binladenerave te vegjel qe qarkullojne neper Tirane, Kavaje apo Cerrik nuk eshte mire te trajtohet ne menyre paranojake, por me gazetari investigative, ose te pakten nje rruge andej nga Komiteti Shteteror i Kulteve. E njejta gje vlen edhe per donacionet e besimtareve vendas: pse te hipotetizojme qe keto jane thuajse hic, pa pasur asnje shifer? Keshtu lloj thashethemesh, qofte edhe te bazuara ne nje iks te vertete po te kthehesh 20 shtresa mbrapa, kam degjuar shpesh ne Shqiperi, por nuk kam degjuar tregues te besueshem - qofte edhe nje minimum statistikash per perberjen e klerit.

3- Asimilimi etnik, kulturor apo gjuhesor i shqiptareve jashte kufijve te shtetit nuk mund te shihet keshtu shpejteshpejt si asimilim fetar (me nje larje goje qe 'asimilimi ka ndodhur kryesisht gjate komunizmit por ne duhet ta ndalim tani meqe s'kemi me autarki ateiste'). Dhe aq me pak mund te shihet rikthimi ne gjirin e kombit si proces qe kryhet nepermjet kishes dhe xhamise (te krahasohet se paku ky kanal me kanalin shkollor, te aktiviteteve kulturore dypaleshe, etj). A e dime ne se sa shqiptare jashte kufijve jane pjesemarres ne aktivitete fetare dhe te cilit lloj? Perseri, nevojiten statistika. Se keshtu me te degjuar, kam degjuar edhe une qe shume turq ne Maqedoni regjistrohen si shqiptare per te pasur me teper influence politike.

Per keto arsye dhe per ndonje tjeter, sugjerimet e llogjikshme te shkrimit me duken te bazuara me teper ne nje paranoje etnike (qe presupozon nje lidhje etni-fe qe do t'ja kishin zili shume metropolite), ne frike nga dominimi fetar (shekullarizem jokonseguent ne artikull) dhe sigurisht ne frike nga 'terrorizmi islam' (sepse kontaktet greke apo italiane nuk shiheshin si 'te dyshimta'). Pra, frika fillon e zbehet ne kete shkalle: suni, shiite, ortodokse sllave, ortodokse greke, katolike, shoqeri civile me fonde perendimore. Kete te fundit e shtova vete per qejf.

Trop,

Ka nje projektligj mbi financimin nga qeveria. Lajmi perkates nga KM. Per me shume hollesi me c'duket u dashka pritur derisa te dali ne FZ se ne rrjet s'ka gje.

Ll.

Trop, a s'po kerkon pak si shume nga nje artikull?

PS Une artikujt shterrues i shoh me dyshim, edhe pse nuk kam gje kunder tyre.

PPS A qendron mendimi i hedhur mbi ndikimin e financimit shteteror te enteve nepermjet suportimit te pavaresise se ketyre nga te huajt?

Emigrant per mua artikulli eshte vetem panik-perhapes kur nuk mbeshtetet ne informacione te besueshme. Argumentat a rrezikut te huaj fetar jane shuuuuuuume te vjetra dhe ne shumicen e rasteve nuk jane as argumenta. Prandaj dua shifra. Dhe analize.

Argumenti per financimin shteteror besoj se ka te beje me shume me hesape te tjera, po kjo eshte vetem hipoteze.

Sugjerimi per influencen e shqiptareve jashte kufijve nepermjet fese 'ne shqip' besoj se ka nevoje per argumenta, nje minimum ideje per fizibilitetin, se si ide me duket nga ato te programeve te radios.

per mua artikulli eshte vetem panik-perhapes kur nuk mbeshtetet ne informacione te besueshme.

Ne rregull. Mua me mjafton kjo. Sepse ti je atje dhe e prek realitetin.

Flm!

Me pelqen shkrimi..bravo.

Mbetet e debatueshme nese ti meshosh fese, i meshon kombetarizmit, it's a huge gamble in my view.

Por qe integrimi i aktivitetit te tyre sipas nje projekti ose plani, larg prej rremujes e paqartesive eshte i nevojshem, kete e besoj.

Xhanem, si per çdo fushe tjeter, edukimi, burimet e zhvillimit et, nevojitet nje strategji kombetare; ku e shohim veten 20-30 vjet me tej, etj, etj. 

Nure,

dy gjana te vogla : Harroje ate punen e 50 vjeteve.

67 - 90 bejne jo 50 por vetem 23 vjet pra vetem 4 vjet me pak se keto vitet nga 1990 e deri diten qe qe shkruar shkrimin, me mundesi te jashtezakonshme shkollimi te barinjve. Pra nese do me thuash qe u u zhduk tradita, ja ke fut kot se mua me rezulton qe nuk ka pas fare tradite persakohe qe numri i personave qe kane lexuar biblen e plote apo kuranin eshte per faqe te zeze. Pra nuk kemi besimtare praktikante dhe keto ndasite jane pothuaj mediatike ne interes te atyre qe drejtojne keto komunitete. Plus qe eshte bere trendy per te fitu ndonje vend pune deri sa te ndryshoje ky trend dhe do ndryshoje por ne reagojme te fundit kur proceset kane mbaruar pune.

Ato debatet per origjinen e hershme te Shqiptare dhe se Europa ( ketu te flas nje jete te tere po deshe )  nuk na pranon  pa u ndryshuar raporti kristian i popullsise tregojne qartazi qe qe shfrytezohet pikerisht ky stad emancipimi shoqeror ketu edhe fetar po deshe. Po ky eshte debat qe duhet bere ndryshe dhe jo me tranguj peshku.

Po meqe ke dale ne drite me nje shkrim te kesaj natyre ja :

po te merrem me dy paragrafe me shpresen qe mund te jesh ndonjehere ketej.

Dominimi i Greqisë dhe i grekëve brenda Kishës Autoqefale Shqiptare është një problem vazhdimisht i pranishëm dhe i pazgjidhur, edhe pse po kalojnë dy dekada nga fillimi i rimëkëmbjes së ortodoksisë shqiptare. Kur bëhet fjalë për Kishën Katolike është normale që ekziston një varësi e drejtpërdrejtë nga Papati, por është e pakuptueshme pse shumica dërrmuese e klerit katolik në Shqipëri janë italianë, kur priftërinjtë katolikë te ne mund të ishin edhe nga vendet e shumta katolike të Evropës Qendrore, Perëndimore apo Amerikës Latine. Edhe flirtimi i shiitëve iranianë me bektashinjtë ngjall gjithashtu dyshim.

Prandaj, ky kontribut i shtetit dhe kthimi apo kompensimi i pronave do të ishte shumë i dobishëm në sigurimin e vetëfinancimit.

Ja me rradhe sipas boldimeve : Nuk ka asnje gje te pazgjidhur aty dhe duket qarte qe nuk i njeh zhvillimet ne ate komunitet.

Boldi i dyte : ka shume faktore qe ndikojne ne kete, por gjithsesi duke te pranuar qe njeh gjithe pjesen tjeter te problemeve , duket nuk arrin dot te kuptosh qe ne Shqiperi nuk predikohet latinisht  po edhe besimitaret qe ti pretendon se duhen gdhendur akoma nuk e kane lexuar biblen jo me ta kuptojne ate. Kjo duke patur parasysh dhe shtrirjen e vete ketij komuniteti ku deri kohe me pare kishin komshi arushen smiley

Per pjesen e trete bold eshte qartesisht pohim me shkrim qe nuk njeh absolutisht se kush eshte tendenca dhe si stimulohet ose jo ajo. Kot ta hapim ketu kete debat.

Lidhur me citimin e dyte : formuluar ne ate menyre je ok ti, por ceshjtja prone ne Shqiperi eshte ceshtja thelbesore qe gjerat shkojne ne kete fare feje dhe kjo eshte teme e gjere shume.

Tani dicka personale per ty vetem per ty : te shkruash per kete teme delikate eshte guxim i madh ne kuptimin qe merr pergjegjesi te madhe, sepse lexuesi eshte i disa llojeve, ndersa ka dhe komentues qe te zbavisin me budallalikun e tyre, por kjo nuk eshte teme qe mund te behet shaka, ndaj i dashur keto me mire silli si prurje ne forume ku diskutohet pikerisht per fene se sa ja sjell lexuesit qe lidh lopet e nderzimin e tyre me luften ne Sajgon .

Gjithsesi komplimente per guximin !

Do te ishte pozitive nqs shteti shqiptar mbas kaq kohesh te mendonte dhe per fete dhe rolin e tyre ne te mire te vendit.

Megjithse duken me shume si fishekzjarre elektoriale.

Kurse ato asimilimet e shqiptareve perreth sikur s'kane ndonje lidhje me fene ne memedhe.

Financimet nga ata te perjashtmit kane dhe kane pasur monitorim rrigoroz qe nga dita e pare qe kan ardh ketu. Edhe shkollat e mesme monitorohen rrigorozisht edhe ne Tirane edhe ne ne Kavaje edhe ne Cerrik qe diten qe jane krijuar dhe kane aktivitet. Edhe ate fshatin me rite ta pastra talebane ne Librazhd , imtesisht e kane monitoruar  ( po edhe me shume ka )

Kjo do te thote qe Nurja sjell shqetesim te vjeter shume dhe delikat. Kjo ceshtje nuk eshte tralala zura nje gale dhe pikerisht se nuk eshte e tille ka nje Kryetar Komuniteti Musliman te vrare ne zyren e tij ne vitet e cufos.

Po qe te mos komplikohet debati duhet te kuptojme cer dmth te rritet nje femije jetim dhe nje tjeter me prinder apo dhe me shume akoma, me prinder adaptive.

Nuk ka shkence ketu dhe nuk ka nevoje as per statistika per interpretime sepse do gjykohej krejtesisht gabim. Eshte i vetmi rast qe nje veprim i Vekes mund te shfrytezohet per mire po te kemi parasysh ateizmin e disa viteve. Kjo eshte thelbesore. Feja alla shqiptarce me besimin tek zoti jane gjera te ndryshme. Kjo e dyta do breza te kultivohet ndaj nese nuk kuptohet kjo atehere kemi kuptuar gjera qe mund te na kthehen kunder vetes tone.

P.S. Vrapi ben mire per stresin. smiley

Vjetersia e problemeve nuk i ben ato te zgjidhura. Perkundrazi, dhe kjo vlen per rastin ne fjale, te pa trajtuara ato behen gangrene, pavaresisht ja mban apo jo robve te flasin per to.

Temat mbi agresionet ideologjike dhe kulturore duhet ti intrigojne shqiptaret jo me pak se temat mbi korrupsionin. Dhe natyrisht, me teper se temat BBF.

Epo gjinje e prapametme shqipot, merren me "vjetersina." Kur bota ka ec aq shume, sa presidenti i US shko ne Evrop e merret me pune ... "feje."

Artikulli kishte nje nisje apo llogjik te gabuar kur shprehte habi per subvencionimin e komuniteteve fetare nga shteti shqiptar, gje per te cilen autori duhej te gezohej, sepse edhe kendej ne perendim komunitetet fetare subvencionohen, kuptohet qendrat e tyre. Me poshte flitet per subvencionimet e dyshimta te huaja, kur per kete gje do te ishte me mire te flitej hapur, mirpo autori ose s'ka mbledhur mire fakte ose ka frike, gje qe mund te jete me afer te vertetes, po te kemi parasysh qe ka qene dhe keshilltar i Mavrise dhe s'eshte çudi ti ket hyre frika ne palce nga Mavria.  Per asimilimin qe po ju ndodh shqiptarve kudo ne vendet rrotull nesh, une i jap te drejte autorit, por kjo pune nuk zgjidhet me konstatime dhe me qeveritare e administratore  antikombetare qe kane zaptuar shtetin shqiptar. 

Objektivi kryesor i kësaj nisme, sikurse është deklaruar, është të minimizojë varësinë financiare që kanë këto komunitete nga kontributet e donatorëve të huaj, të cilët padyshim fondet i japin duke infiltruar edhe axhendën e tyre të politikës së jashtme.

 

Dr. Isa Blumi, specialist i historise Osmane, ka shkruar nje traktat te tere ku shpjegon se si Shqiptaret e komuniteteve te ndryshme INSTRUMENTALIZUAN institucionet e huaja fetare (madje edhe qeverine qendrore) qe te nxirrnin perfitime per vete. Shqetesimi i Nurellarit zhvleresohet nqs kihet parasysh qe shkolla e mesme Zosimea ne Janine, nje instrument i qellimshem helenizimi, ka prodhuar pothuaj te gjithe burrat shqiptre te shtetit. Pra pavaresisht nga 'axhenda' Shqiptari u be me shqiptar.

Nuk ka arsye pse te shqetesohemi ne shek 21, kur prova e pafrytshmerise te 'axhendes' te huaj jane dhene qe ne shek e 19.

Qafo, ishin tjeter lloj brumi ata burrat.

Ore mire ne qe shqetesohemi kot, pune qulli mo; po keta te "axhendes" sa te hum qenkan. Se paskan kuptu hala qe paskerkan deshtu ke 19tshi? Megjithse, mbase ne budallekun e vet, qerrjen vetem te gjysmes se tortes, nuk e quajne nei hata. Keqkuptim termash - tha.

 

Se paskan kuptu hala qe paskerkan deshtu ke 19tshi?

 

Ne rastin e Zosimeas po flasim per deshtim specifik te 'programimit helenist'.

Ata 'burrat' vertet i perkasin nje kaste fisnikerie qe sot eshte zhdukur, por zevendesohen lehte nga 'njeriu i ri socialist'

Aktualisht, në Tutin e Novi Pazar nuk ka mbetur kush të flasë shqip, ndërsa në Mal të Zi vazhdon shndërrimi në boshnjak apo myslimanac i shqiptarëve myslimanë të Rozhajës. Edhe në Bjeshkët e Namuna, në zonën e Plavës dhe Gucisë, më pak se çereku i popullsisë vazhdon të flasë shqip, ndërkohë që nipërit e Jakup Ferrit dhe Ali Pashë Gucisë flasin vetëm serbisht. Asimilimi në boshnjakë po ndodh edhe pak kilometra larg kufirit tonë, në zonën e Tuzit.

 

Periferia e Albaniandom-it eshte dorezuar me kohe. Atyre ia kemi ngrene pilafin me kohe. Shqetesimi i Nurellarit eshte 'pas pilafit'.

Qafir, mendon qe dy komentet e tu te mesiperm qendrojne se bashku?

pas subvencionimit, hapi i dyte eshte caktimi i nepunesve te shtetit ne gjithe hierarkine e komuniteteve

ide e papame kjo. Te pakten hapim ca vende pune per militantet qe te lirohet administrata smiley  

ka lezet mer lal, deri ke hapi trete

Nuk e di ne se e kuptova une drejt kete ceshtje apo e kam gabim. Se me duket fare pa mend ajo qe thote Nurelalri ( pavarsisht nga e shkrojtura shume mire artistikisht/gazetarisht.)

Nurellari thote me pak fjale  Se feja po behet vegel e te huajve sepse te huajte ndikojne tek institucionet fetare  financiarisht. ( Plotesisht i drejte konkluzioni)  

Ne anen tjeter thote se ndihma qe shteti ju jep ketye instiucioneve e shton varesine e te huajve

Sigurimi i vetëfinancimit jo vetëm që do të ndihmonte në shndërrimin e këtyre bashkësive në institucione më besnike ndaj interesave të shtetit tonë, por do të ndihmonte edhe në ndalimin e shkombëtarizimit dhe asimilimit që ende vazhdon të ndodhë te bashkëkombësit tanë në shtetet fqinje.

Sikur nuk e kuptoj kete konkluzionin apo rekomandimin qe na jep Z Nurellari Me nje fjale qe fete te jene me te pavarura nga ndikim i huaj mjafton ti leme pa para? Shteti te mos investoj dhe ti lere fete te punojne vete.

Si te thuash ti lesh qingjat pa coban se me coban rrezikohen ti haje ujku ndersa pa coban jane me te sigurt???????

Vertet eshte keshtu????? Apoooooo......

Problemi qendron tek pronat e fese. Me cdo menyre te argumetosh qofte edhe duke krijuar teorira te tilla fare pa llogjike ( sipas kesaj radakes time)  mjafton te argumetosh qe Kisha Orthodokse Shqiptare e drejtuar sot nga kisha greke (Janullatosi)  sic e pranon edhe vete Z Nurellari te mare ato prona qe i ka pasur dikur kur ajo ishte kishe e pavarur (KOASH). Si te thuash pronat e nje ish insitucioni ti jepen nje institucion tjeter vetem e vetem se ne vulen e institucionit kane te njetat shkronja -KOASH-.

Si thoni Z Nurellari ti japim Shiiteve te Iranit pronat e ish Bektashinjeve vetem e vetem se ata kane bere nje pazar/marveshje me Bektashnjte e sotem ? Mbetet ketu vetem Kisha Katolike qe pavarsiht si e trajton Z Nurellari ajo ka mbetur ajo qe ishte 26 vjet me pare e varur nga Papati

Sec me duket shume e ndyre kjo menyre e te trajtuarit te gjerave alla shqiptarce. Kjo thurje analiz e gjera te qena e te paqena per te forcuar nje konkluzion qe ose te eshte mbushur mendja se eshte i drejte ose te kane detyrar/paguar te tjeret ta praqesesh ne kete forme.

Me ke perfaqesues te Janullatosit  eshte takur Z Nurellari para se ta kete shkrojtur kete shkrim se me sa di une nuk eshte aq budalla ky Nurellari te bej gomarlleqe te tilla????

Ghithmone kemi gjet "armiq te mrençem dhe te jashtem". E gjithe kjo zallamahi shtet-komb-fe ka vetem nje emer ...INJORANCE...

Skam c'te them e ke thene vete Injorance te mohosh shtetin dhe kombin dhe rendesin e tij. Tamam injorance

Sa per armiqete zatem se harum te gjejme armiq te brendshem e te jashtem jemi bere si mos me keq.

Shiko filmin Tirana ne vitin Zero ta kuptosh kete.

ka organizata te tjera qe i bejne opozite politikes dhe financohen nga organizata te huaja, a mos valle dhe keto mund te jene te varura nga jashte dhe duhet qe shteti ti financoje qe mos te jene te ndikuara nga jashte? pra me friken shpesh dhe te pabaze te ndikimit nga jashte te komuniteteve fetare, problemi zgjerohet tek organizatat e tjera jo fetare qe jo pak bejne politiken e dikujt tjeter qe i financon.

Financimi i komuniteteve fetare nga shteti, a nuk mund te sjelle varesine e tyre, sidomos ne vendime, nga shteti dhe politikat e tij sidomos kur keto bien ndesh me parimet e ndonje feje apo komuniteti ne vend?

 Pra me e mira eshte vetfinancimi i komuniteteve fetare duke  kthyer atyre edhe pronat jo te pakta qe u takojne, qe per çudi nuk u kthehen dhe madje abuzohet me to.

5* per shkrimin. I plote, i argumentuar me premise dhe logjike te sakte. Per mendimin tim shifrat do ja ulnin vleren esese sepse qellimi eshte dhenia e nje perqasje te fenomenit. Do shume largpamesi dhe zgjuarsi ta sintetizosh kaq mire sa e ka bere Nurellari.

----------

Nese do tu referoheshim shifrave, ato jane te frikshme. Po sjell rastin e Greqise, sepse kam rastin ta ndjek nga afer. Sipas statistikave te Eurostat dhe Institutit te Statistikave Greke, ne 2006 ne Greqi ishin te regjistruar si residente mbi 500,000 shqiptare. Nga shifrat jo-formale jane rreth 750 deri ne 800 mije shqiptare. Sipas ligjit grek, nenshtetesine e fiton ne baze te prejardhjes (gjakut) dhe jo zgjedhjes se tokes. Ka nje angazhim nga disa shoqata ligjore te cilat e kontestojne kete ligj dhe kerkojne qe neshtetesia te jepet ne baze te zgjedhjes se tokes, ku futen rastet e femijeve qe kane lindur ne Greqi.

Te fitosh te drejten e rezidences ne Greqi duhet te kesh emer ortodoks. Ne 100% te rasteve, shqiptaret me prejardhje myslymane po edhe disa ortodokse ketu kane dy emra, ate te lindjes, dhe emrin e baptisjes. Ngaqe ne nuk e kemi patur gjate komunizmit dhenien apo vendosjen e emrave te femijeve ne baze te dallimit fetar, ka njerez qe jane me fe ortodokse por qe kane emra shqiptare. Edhe kjo kategori duhet ta nderroje dhe ta beje emrin sa me ortodoks te jete e mundur, nese do te kesh shanse te besh dokumentat. Per me teper vete-deklarohen vorio-epiras, pavaresisht se kur i degjon ne rruge te flasin me njeri-tjetrin ose ne telefon, ne dialekt geg.

Nese do tu referohesh dy census-ve ne Shqiperi, atij te 1989 dhe 2001, apo dhe shifrave te 2008 nga CIA factbook, del se pavaresisht ketij emigracioni masiv te popullsise "ortodokse" vorio-epiriote ne Greqi, perseri minoriteti grek ne Shqiperi eshte rritur dy here me shume sesa vete perqindja e rritjes se popullsise me origjine shqiptare????? 

Ne 2001 minoriteti grek ishte sa 1.2% e popullsise totale.

Ne 2008 ishte 3% e popullsise, nderkohe kur rritja mesatare e popullsise ne pergjithesi eshte tek 0.75%. Pra minoriteti grek, "pjell" tre here me shume se shqiptaret, kur ne te njejten kohe kemi nje ikje prej 750 000 vetesh (net migration) te deklaruar vorio-epiriot. (Does this ring a bell???????)

Ne krahun tjeter vete kompozimi i origjines shqiptare (sipas census-ave) ishte 98% ne 2001 dhe 95 % ne 2008. Pra net migration @ 3% te popullsise.

Edhe vete shoqatat filo-helene, deklarojne se ne Shqiperi ne vitin 1992 nuk ka patur me shume se 250,000 minoritet grek. Edhe kjo eshte nje shifer teper tolerante.

(Ne Itali, sipas shifrave kemi rreth 400 000 shqiptare me letra residenciale, perseri duke iu referuar Istat-it Italian. Nuk e di nese ndasia fetare shikohet si parakusht per marrje dokumentash, por nuk besoj, kur dihet qe komuniteti maroken eshte nje nder me te medhenjte ne Itali dhe dihet qe jane 100 % musliman. Ndoshta ata qe jetojne ne Itali mund te japin me teper argumenta.)

----------------------------------------

I rashe shume gjate per te thene qe edhe me shifra, kemi nje shkombtarizim te nje nga popujve me te lashte te Europes dhe Ballkanit.

Dhe nuk po i hyj fare favoreve qe i ben shteti helen kishes. Nje nga skupet me te medha tani ne Greqi eshte Vatopedis (na falni per shqiptimin se nuk di greqisht) affair, ku eshte nderruar toka e shtrenjte dhene kishes, me toke te lire qe kishte kisha ne dispozicion qe ja dha shtetit.

----------------------------------------

 

 

Gaia ,

Nuk i heq asnje presje asaj qe thua me lart. Plotesisht e drejte po si lidhet kjo me ndalimin e financimit te feve nga shteti? Si lidhet kjo me faktin qe duke mos i financuar fete ato nuk do te lidhen me Grekun, Iranin apo Papatin?

Si ta kuptoj une qe dhenia e tokes Kishes Orthodoske ( As Nurellari nuk thote qe ajo quhet Autoqefale se ajo nuk eshte tille) nuk eshte ne fakt dhenie e tokes kishes greke, apo dhenia e tokes bektashinjve eshte dhenie e tokes Shiihve Iraniane? 

Si ta kuptoj une qe dhenia e tokave do te bej qe ne ato toka te ngrihen varet e ushtrave greke, apo sterviten shiiat islamike ekstremiste?

Nuk e kuptoj se si ato shifra lidhen me faktin qe kerkon Nurellalri qe shteti te mos ndihmoj financiarisht fete se ato keshtu behen me te varura nga shtetet e huaja.

Kete une nuk e kuptoj fare...... more..... fare fare fare......

Mos u shqetsoni kot per shkombetarizimin e shqiptareve.Kane 3000 vjet qe duan te na shkombtarizojne dhe nuk ja kane arritur qellimit.

Ata shqiptare qe ti flet dhe qe kane nderruar emrat, jam i sigurte qe e quajne vetem e tyre shqiptare,jashte zyrave greke.Kushdo qe do ti jepet mundesia te eci perpara do ta beje kete duke bere nje sakrifice te vogel, sic eshte nderrimi i emrit apo fese, qe ne shqiptaret nuk e kemi per gje.Marr shembullin e Pashko Vasos qe u be musliman dhe guvernator i Libanit dhe qindra te tjere.Ali Pasha ishte musliman por nuk e pengoi feja te martohej me Vasiliqine.Doni me per kete ceshtje?

Nese nga keta 500 mije shqiptere ne Greqi, do te kete 10% te tyre qe do te ruajne zakonet dhe krenarine shqiptare, kjo eshte fitore e madhe.Sepse nga keta do te marrin guxim te tjeret dhe do te deklarohen shqiptare me pas.Prisni sa bijte e shqiptareve te zene vende ne administraten greke dhe do te shohim qe shumica e tyre do te jene pro Shqiperise dhe shqiptareve.

 

Toko,

Sipas menyres sime te kuptuarit, Nurellari sugjeron dy politika alternative (policy alternatives/options): se pari te kthehen pronat, qe komunitetet fetare i kane me bollek, si edhe te kete financim nga qeveria per te shkeputur ndervarjen nga financimet e huaja. Pra autori e mbeshtet vendimin e qeverise qe te kete financim.

Pyetjet qe shtron ti jane shume me vend dhe kjo eshte thembra e Akilit. Nuk kam pergjigje per to. Vete presidenti i vendit (Topi) e njeh Janullatosin. Cfare ti thuash kesaj???????

Inferioriteti fillon nga brenda, ky eshte shkaku qe ndoshta Nurellari do kishte bere mire ta adresonte. Bindjet e mia personale jane pro-choice, dhe dikush mund ta nderroje fene sipas deshires. te pakten nga eksperienca ne Amerike. Europa eshte me e lashte ne kete drejtim dhe me konservatore.

 

 

Gaia,

Atehere kerkoj ndjeje se mbase nuk e kam kuptuar sic duhet artikullin e Nurrellarit. Mua kete pershtypje me la

Te kthehemi tek choice-t.  Ideale do te ishte menyra Amerikane. Eshte edhe  demokratike, edhe  me te drejtat e njeriut edhe me lirite e  feve, the gjitha aty jane ne menyren amerikane.

Por....... faktkeqesia qendron se Shqiperia nuk eshte Amerika dhe ajo nuk gjendet ne kontinentin amerikan. Pra ketu   lind nevoja te skarifikohen  disa nga keto te drejta e njeriut e lirite e fese etj per hir te nje gjeje me te madhe KOMBIT. ( pak si e G.W Bush kjo shprehje por une keshtu mendoj per shqiperine) 

 Problemi qendron se te gjithe perpiqen ti quajne shqiptaret jo shqiptar dhe kete e bejne ne baze te perkatesise fetare. Ndaj dhe ceshtja e feve duhet te kontrollohet nga shteti.

Ideale do te ishte qe shteti te kishte te drejte vetoje ne zgjedhjen e kryetareve te komuniteteve fetare.Kete fuqi mund ta marre pasi ti financoje keto komunitete.

Ideja e Nurellarit dhe e sqaruar nga Gaia me duket e cuditshme dhe e pazbatueshme.Komunitetet fetare nuk mund te vetefinancohen ne Shqiperi edhe per aresyen se shqiptaret jane pak fetare dhe nuk kontribuojne me shuma te medha ne komunitetet fetare.Kete vakuum deri tani e kane mbuluar greket,arabet dhe iranianet qe kane bere edhe politiket e tyre ne keto komunitete.Kete tani po e zevendeson shteti yne.Ku eshte e keqja ketu???Se do te behet politike pro shqiptarizmit?

vetoja ne zgjedhjen e kryetareve do ishte fundi i demokracise  dhe i te drejtes se zgjedhjes se tyre nga vete besimtaret. Atehere mirupafshim demokraci dhe bej si them une e jo si bej une.

...vetoja ne zgjedhjen e kryetareve do ishte fundi i demokracise  dhe i te drejtes se zgjedhjes se tyre nga vete besimtaret...

Jam ortodoks dhe nuk e dija se Janullatosi qenka zgjedhur nga ne.E dija qe ai u emerua dhe pasi u be nje votim alla Enver Hoxha, tani nuk iken.Personalisht do te duroja me pak dekmokraci ne institucionet fetare, se sa nje Janullatos ne krye e KOASH apo vellezerit e Bin Ladenit ne krye e komunitetit musliman.

pikerisht se u emerua dhe nuk u zgjodh nga ju do te thote qe ka ardhur me veton e dikujt, sikurse nuk e dija qe kryetari i muslimaneve qenka vellai i bin ladenit

Solidarnosc, duke te dhene te drejte ne shqetesimin qe shpreh, me duhet te te them qe menyra si kerkon te zgjidhet kjo pune nuk eshte e duhura.

Shteti nuk ka pune fare ne komunitetet fetare, nuk ka pune me sakte se si dhe ke zgjedhin ne krye keto komunitete, si qeverisen dhe drejtohen etj.  Keto komunitete kane kanonet e tyre me baze fetare (sigurisht brenda hapesires kushtetuese) qe rregullojne keto pune.  Edhe legjislacioni shqiptar e pamundeson nje gje te tille aktualisht.  Mund te nderhyet me ndonje ligj, qe ka te beje me shtetesine apo kombesine e krereve te komuniteteve, por per mendimin tim edhe kjo eshte e tepert.

Duke vleresuar kete veprim te qeverise, dhenien e parave ketyre komuniteteve, per me teper qe do te perdoren me se shumti per restaurime dhe rregullime objektesh te kultit, megjithate sherbimi dhe ndihma me e madhe qe mund te ju jepet ketyre komuniteteve eshte kthimi i pronave te tyre, qe jane te shumta dhe mund te nxjerrin keto komunitete nga varesia ekonomike e jashtme, dhe te jene te vet-mjaftueshem ne kete aspekt.

Por, e them dhe e rithem qe qasja ndaj bashkesive fetare shqiptare, duhet bere ne menyre te kujdeshme dhe larg, shume larg ateizmit shkaterrues dhe perdhoses komunist shqiptar, ne cfaredo lloj forme te mundshme.

Shqiptaret, si te gjithe njerezit e tjere, kane sentimentet, besimin dhe bindjet e tyre fetare.  Dhe feja eshte element i rendesishem ne mbarevajtjen dhe forcimin e nje shteti, bile edhe ka rol te forte identitar, por ne rastin tone, se jemi te perzier, nuk na hyn shume ne pune kjo.  Prandaj, nga ky kendveshtrim ne duhet te perpiqemi per ruajtjen e harmonise fetare dhe berjen kontributore te ketyre komuniteteve per vendin.  Jo duke ju sulmuar fene e tyre, jo duke ju thene qe hiqni dore nga ajo (se kjo nuk behet, sa do te mundohet dikush), por duke gjetur elemente qe ekzistojne ne fene e tyre dhe qe shkojne nga kahu i sherbimit ndaj vendit te tyre.

Gaia; "....Edhe vete shoqatat filo-helene, deklarojne se ne Shqiperi ne vitin 1992 nuk ka patur me shume se 250,000 minoritet grek. Edhe kjo eshte nje shifer teper tolerante...."

Kjo nuk eshte nje shifer tolerante por nje shifer e genjeshtert, sepse minoriteti nuk i kalonte te 60 mij vetat ne ato vite.  

Hahaha, e sakte Pjer!  Ku i gjeten 250.000 greke etnike ato mer?!  Kjo nuk eshte pune tolerimi, por pune genjeshtre.

PT & DR

E solla si shifer per hir te argumentit. Sigurisht qe eshte e genjeshtert. Por edhe sikur ta fusnim me tolerance ne ekuacion (pra ta merrnim per te vertete), prape si ka mundesi qe 700 000 nenshtetas shqiptare qe jane ne Greqi ala "vorio-epiras" ju pranohet identiteti si i tille, kur vete shoqata filo-helene thone se nuk ka patur me shume se 250 000 ne 1992. Kjo eshte perllogaritja me e thjeshte, pa futur dhe variables te tjere demografike (% e lindjeve/vdekjeve/rritja mesatare e popullsise/net migration etj), se pastaj do dilte shume e lodhshme ne lexim.

Ketu qendron manipulimi dhe genjeshtra.

nje nga temat me te forta te miat eshte feja, dhe tjetra etnografia shqiptare. duhet me thane se mali i zi, (sllobodan milloshevici eshte bjellopavlic, pra ish-arber), kroacia, bosnja, maqedonia, gjysma e greqise, turqise, plot itali jane shqiptare ne origjine. dhe na kane shkombetarizu. dikush pretendon se vetem feja katolike po na ruan rracen. une bashke me do te tjere kembengulim se feja muslimane na e ka rujt rracen nga asimilimi komplet.

por perfundimisht, do te thoja se kete here, desdemona ka fole si burrat. ka vetem nje faktor qe do na e sheptoje kombin. ngritja ekonomike. atehere do i shohesh 6 milionet e turqise duke deklaruar se jane shqitare. edhe 6 milione greke do te mundohen te gjejne se e kane pase tezen e nje kusherire shqiptare vetem per te marre pasaporten.

sa kohe do te jemi dobet ekonomikisht, i kemi 10re ne fe e ne komb e te gjithe ketu, te gjithe pa perjashtim lusim zotin ne kishe e xhami, bejme kryq duke kenduar fatihane e duke permendur ndonje dervish qe te na japin nje nenshtetesi tjeter, bejme cmosin qe femijet tane te fòlasin te gjitha gjuhet pervecse shqip.

ekonomia duhet pare per se pari, por sa kohe do te kemi nje shtrese borgjezie qe kujton se i di te gjitha,nderkohe qe nuk di asgje, atehere vaj medet.

desdemone, une nuk i jap yje kujt nojhere, e ty s'kam ku me te dhane yje.

po sot i ke meritu 5 yje te mdhoj.

adrit,

ka yje adri boll.

Shqiptaret ne drejtim te fese jane laraman,dhe kjo eshte nje instikt i mire per te mbijetuar,asimilimit si komb.

 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).