Rama prezanton programin për invalidët

Kryetari i Partisë Socialiste Edi Rama është takuar me persona me aftësi të kufizuara në periferi të kryeqytetit për të vazhduar prezantimin e Programit të ri qeverisës të PS, e posaçërisht kapitullin që i përket kësaj kategorie.

Gjatë prezantimit të këtij kapitulli Rama theksoi se së pari do të rishikohet sistemin e vlerësimit të paaftësisë, duke kaluar nga një vlerësim thjesht mjekësor, në vlerësim mjekësor dhe social. Individët që u shërbejnë personave me aftësi të kufizuara tha Rama, vitet që kalojnë pranë tyre do t'u llogariten si vite pune për efekt pensioni. Rama është ndalur gjatë prezantimit të programit edhe tek karburanti që u duhet për lëvizje kësaj kategorie të shoqërisë: "Ne do ta rritim shumën e rimbursimit të karburantit për ju e për ata që si ju kanë nevojë për mbështetjen e shoqërisë, duke siguruar që pavarësisht ndryshimit të çmimit të karburantit, çdo person me aftësi të kufizuar, të mund të blejë të njëjtën sasi karburanti që i nevojitet. Periudha në shërbim të personave me aftësi të kufizuar, do të njihet si vjetërsi pune për efekt të pensionit të pleqërisë."

Për të gjithë shqiptarët tha Rama do krijojmë Kartën Sociale, e cila do të sjellë një revolucionin që Shqipëria dhe shqiptarët kanë nevojë: "Duam që të krijojmë për çdo shqiptar e shqiptare, Kartën Sociale, e cila është një kartë që në bazë të profilit individual dhe gjendjes shoqërore e ekonomike, t'i japë mundësi çdo qytetari e qytetareje të përfitojë në mënyrë të thjeshtë dhe tërësisht transparente shërbime, kujdes social e shëndetësor, arsimor, apo kulturor. Kjo sigurisht nënkupton një revolucion në marrëdhëniet mes qytetarit dhe shtetit, dhe për këtë revolucion në radhë të parë Shqipëria ka nevojë."

1 Komente

Kryetari i Partisë Socialiste Edi Rama është takuar me persona me aftësi të kufizuara në periferi të kryeqytetit për të vazhduar prezantimin e Programit të ri qeverisës të PS

më kujton njërin që kur vajti tek shtëpia e pëllumbave, o diçka e tillë, iu tha : ju jeni e ardhmja e kombit

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).