Pse s'kemi parti nacionaliste?

Në shtetin shqiptar të gjitha grupet e pakicat e njohura kanë partitë e tyre politike ose parti të cilat kontrollohen prej tyre. Tashmë në shtetin shqiptar ka parti politike efektive të të gjitha komuniteteve me përjashtim të shqiptarëve.

Nga një anë kemi partinë e grekëve dhe nga një anë tjetër tashmë kemi edhe partinë e komunitetit rom.

Në mes të ekstremeve të tilla ka të paktën 30 parti që pretendojnë të mbrojnë interesat e shqiptarëve, ose si pjestarë të një bashkësie (partia e çamëve të përzënë me dhunë nga Çamëria) ose si komb (të gjitha partitë e tjera me emra pompozë, me kryetarë e me vula por pa anëtar&eumlsmiley.

Mirëpo, paradoksi është se ndërsa partitë e pakicave ia dalin të marrin thuajse të gjithë votat e grupit të tyre etnik, por edhe të kenë nga dy-tre vetë të tjerë në listat e partive kryesore, në mos në krye të tyre, partitë e ashtuquajtura etnike shqiptare, të gjtha bashkë, marrin më pak vota se partia e grekëve dhe kanë më pak anëtarë se Shoqata e Smokthinës në Tiranë.

Në të gjithë botën partitë me program kombëtar marrin një numër të konsiderueshëm votash. Edhe partitë ekstremiste nacionaliste në vendet kryesore të Europës Perëndimore marrin rregullisht 10-15 përqind të votave.

Në Ballkan, në të gjitha vendet partitë me program nacionalist janë ose në timon të shtetit (Greqi, Maqedoni, Mali I Zi, Bosnj&eumlsmiley ose janë partia më e madhe dhe më e fuqishme por në opozitë (Kroaci, Serbi).

Pra, mungesa e mbështetjes për partitë me program nacionalist në shtetin shqiptar duhet analizuar me shumë qetësi, thjesht sepse në këtë pikë, ne mund të japim një shembull që duhet ndjekur nga të tjerët se si ta shohin edhe ato veten si qytetarë euroatlantikë dhe të modernizuar deri në atë pikë sa nuk kanë ndjenja kombëtare dhe nuk e shohin veten si pjestarë të një grupi të caktuar etnik.

Ka disa shpjegime pse ndodh kjo gjë por në fund të fundit të gjithë shpjegimet përqëndrohen ose tek populli ose tek paria.

Kështu, nga njëra anë na thuhet se shqiptarët nuk janë nacionalistë fare por se që të gjithë janë euroatlantikë të thekur. Por kjo është pak problematike sepse sa herë që luan futboll kombëtarja (që nuk rrahet gjithë kohën) shqiptarët e shprehin vetëdijen etnike jo vetëm në Tiranë, por edhe në Itali, Greqi, Gjermani e kudo që ndodhen; ka pasur shqiptarë që i kanë therur si berrat sepse edhe në mes qyteteve të Greqisë kanë shprehur krenarinë për kombin e tyre.

Po ashtu, numri i shoqatave shqiptare jashtë shtetit ka ardhur duke u rritur me shpejtësi marramendëse. Klube, organizata e shoqata nacionaliste e patriotike ka me shumicë gjithkund si në SHBA, por edhe në Angli, në Gjermani, Zvicër, Itali e Greqi.

Të bëjnë përshtypje librat e gazetat e shtypura nga emigrantët shqiptarë në Greqi, revistat, botimet, gazetat e aktivitetet që zhvillohen, konferencat e takimet që organizohen gjithkund e me një intensitet të lartë, shkrimtarët shqiptarë që mezi e fitojnë bukën e gojës duke bërë punë të rëmdomta e megjithatë duan të jenë pjesë e kulturës kombëtare shqiptare duke bërë sakrifica të panumërta.

Nuk duhen harruar studimet e pafundme nga studentët shqiptarë që duan të jenë e të ndihen shqiptarë dhe që në rrugën e karrierës së tyre zgjedhin të studjojnë kombin e tyre.

Ka shumë shqiptarë që janë kthyer për të punuar e jetuar në Atdheun e tyre të mnotivuar nga dëshira për t'i shërbyer kombit të vet. Ka të tjerë që kanë rënë heronj me armë në dorë si Indrit Cara.

Ka të tjerë që nuk dinë se si ta shprehin vetëdijen kombëtare por e vënë flamurin kombëtar në ditët e festave kombëtare maje të pallateve ku ndoshta punojnë e pastrojnë plehrat gjithë ditën.

Nëse të gjithë shqiptarët janë patriotë të fortë jashtë shtetit e aspak patriotë kur kthehen në vendin e tyre, kjo don të thotë se problemi nuk është me shqiptarët si grup etnik por se duhet kërkuar diku tjetër dhe shpjegimi është tek ajo që po ndodh në shtetin shqiptar ku faktori kryesor është paria e Tiranës.

Siç edhe e thashë më lart, edhe brenda shtetit shqiptar ka shprehje të larta të patriotizmit. Për shembull, mbështetja për Kombëtaren është një shembull i qartë i nevojës që kanë njerëzit për t'u ndjerë shqiptarë e për ta shprehur identitetin e tyre. Krenaria që njerëzit duan të ndjejnë për Tiranën e Durrësin janë po ashtu shprehje e ndjenjës kombëtare.

Pra problem nuk është tek shqiptarët si popull. Nga ana e tjetër, fajin nuk ia vemë dot sistemit politik që mund t'i penalizojë shqiptarët.

Fakti që atje ka mbi 30 (tridhjet&eumlsmiley parti etnike shqiptare, don të thotë se po u organizove, ligji të lejon të veprosh si strukturë politike. Mungesa e suksesit të partive kombëtariste shqiptare duhet kërkuar tjetërkund.

Shpjegimi është i lidhur me diçka tjetër. Pyetja që duhet bërë është se kujt ia japin votën shqiptarët e pse ia japin votën?

Shumica e shqiptarëve në shtetin shqiptar ia japin votën partive politike të kryesuara nga njerëz me problem të theksuara, me mungesë besueshmërie e të vërtetuar si njerëz problematikë.

Partitë që marrin më shumë vota, dhe që vijnë nga PPSH-ja janë të drejtuara nga Edi Rama dhe Salih Berisha. Ky i fundit është me të vërtetë një rast emblematik.

Edhe pse këtij i janë faturuar e do ti faturohen krime të përbindshme, e tash së fundi edhe Gërdeci, aleancat me Fazlliçin, serbët, malazezët, grekët, e mbi të gjitha kriza e vitit 1997, prapë se prapë, të paktën një e katërta e votuesve shqiptarë e mbështet Salihin.

Duke qënë se programet politike të partive në shtetin shqiptar janë fjalë në erë e përralla të pazbatueshme, dhe duke qënë se liderët janë njerëz me probleme, shpjegimi është tek teknika e mobilizimit.

Shpjegimi është se në shtetin shqiptar, paria politike e Tiranës lufton me të gjitha mënyrat të shmangë mendësinë e vlerat kombëtare. Ajo ka organizuar partitë politike që sillen e veprojnë si instrumente të interesave të saj që I mbrojën ato interesa dhe që veprojnë si kartele kriminale.

Paria e ka mendjen vetëm tek pasurimi i saj, asaj nuk i intereson shërbimi kombëtar dhe e ka kuptuar se shqiptarët sundohen kur përçahen mirë e mirë. Duket se ky është çelsi i suksesit të parisë së Tiranës dhe i dështimit të të tjerëve dhe i nacionalizmit shqiptar.

Paria e Tiranës i mban shqiptarët peng duke i detyruar që të jetojnë në të shkuarën, e të shesin të ardhmen e tyre për të gjetur fajtorin, herë real e herë imagjinar, për mjerimin që kanë kaluar nën një diktaturë ose nën një tjetër.

Aftësia e parisë së Tiranës ka qënë që të mos e lerë plagën të mbyllet por ta cingrisë metodikisht. Ku dhemb dhëmbi, shkon gjuha, thotë populli.

Dhe paria e Tiranës e kruan nervin e dhëmbit të sëmurë rregullisht e sistematikisht, thjesht sepse e din se për sa kohë që njerëzit janë peng i së shkuarës individuale, nuk do t'i shohin ato si shkaktarë të tragjedive kombëtare e nuk do të mobilizohen si njerëz e si shqiptarë për të luftuar për të ardhmen e tyre për një jetë më të mirë, më të sigurt e me dinjitet si gjithë të tjerët.

*Ph.D / Clinical Associate Professor, Department of Politics, New York University

19 Komente

Sepse te jesh nacionalist do te thote te duash vendin tend.

Dhe te duash vendin tend do te thote te punosh per te miren e vendit tend 

Dhe te punosh per te miren e vendit tend  do te thote te mos vjedhesh, te mos koruptohesh , te denosh korupsionin dhe te denosh vjedhjen. 

Po te besh keto nuk fiton kurre vota, askush nuk voton per ty  per pasoje nuk fiton zgjedhjet Ne fakt as nuk krijohesh dot si  parti se nuk mbledh dot  as firmat e familjes tende. Ne shqiperi eshte turp te besh keto qe nje nacionalist duhet te bej

Si rezultat s'ka parti nacionaliste dhe kjo justifikohet (per tu dukur te paster qelibar) se nacionalizmi dhe atdhedashuria eshte ose dicka e keqe qe i ka kaluar koha ose komuniste.

Dhe ne tani gjoja  jemi bere  moderne dhe antikomuniste qe do te thote se jemi antikombetare, antinacionaliste qe ne te vertete do te thote se jemi  hajdute, te koruptuar qe  pastaj per te mos u dukur sa te qelbur jemi i hedhim dhe nje batanie internacionaliste siper.

mo u merzit, ta po e bajme dhe nji parti nacionaliste, ene pastaj e ndajme me dysh, ne partine levizja nacionaliste dhe ne partine nacionaliste e re. ene njona gjysme shkon ka PD kurse gjysma tjeter shko ka PS-ja.

vazhdimin e dini vete smiley

Ngaterron dy gjera mendoj ky shoku Shinasi. 

Identiteti kombetar, i cili shprehet, pelqehet, mbrohet etj. nga shqiptaret dhe qe mund te ilustrohet me ato rastet qe permend autori dhe formulimi apo riformulimi, artikulimi apo riartikulimi i nje programi nacionalist, qe detyrimisht do ta vente Shqiperine ne konflikt me Perendimin.  Kjo gje nuk besoj qe perkrahet nga shumica e shqiptareve.

Partite kryesore politike, identitetin kombetar, interesat kombetare (ndoshta jo sa duhet dhe sigurisht jo aq sa kane pritje nacionalistet) jane munduar t'i mbrojne dhe perfaqesojne, i gjithe spektri politik, megjithe ndonje lekundje ne ndonje rast.

Shkrimi gjithashtu me duket se calon ne argumentimin se faji eshte i parise politike.  Sot sigurisht qe Shqiperia eshte demokraci funksionuese, lirite politike te njerezve jane te garantuara dhe shprehen pa probleme, atehere cfare i pengon nacionalistet qe te krijojne nje organizim politik qe te kerkoje mandatin e shqiptareve per t'i qeverisur dhe meqe shqiptaret- sic thote autori - e duan kete, t'i votojne? 

Ne Shqiperi ka nga ato qe quhen parti nacionaliste, qe kane ne program Shqiperine etnike, me radikal per interesat kombetare ne raport me fqinjet e keshtu me rradhe, por qe jane parti te vogla pa peshe ne elektorat, megjithese te provuara shpesh ne zgjedhje.

Nga e kaluara mesojme qe zakonisht ne kohe krizash ekonomike, politike, sociale, ekstremet politike kane terren ku te mbijne dhe te fitojne perkrahjen e turmave te medha.

Lajt-motivet e tyre sigurisht qe jane parajsa qe premtojne, gjetja e nje armiku te brendshem apo te jashtem, te ndryshem nga ai, qe eshte shkaktari i fatkeqesive te tyre dhe shfrytezimi i problemeve qe kalon shoqeria per te bindur turmat. 

I keni pare se si bashkohen bolsheviket dhe ekstremi i djathte ne vajtimet migjeniane per popullin?!

Sa me stabile dhe e prosperuar Shqiperia dhe qe ka nje zhvillim pozitiv te vazhdueshem, sa me e integruar ne strukturat euroatlantike qe tani patem Naton dhe me vone BE-ne, aq me pak kane mundesi te mbijne bimet e keqija qe mund te na kushtojne shume.

O lico e ke nigju at barcaleten qe ai qyrannjosi tha se i binin qyret se eshte dimer Dhe ai tjetri ju pergjigj "Te kemi pare edhe ne behar me qyre"

Edhe kjo puna e nacionalizmit shqiptar. Jo kriza te kete por me keq se 97 dhe prape nuk ka nacionalizem shqiptar.  E kemi pare nacionalizmin shqiptar edhe ne kohe krize. (97????) Sepse na e dume me dru. Komunizmi na erdhi hakut ne, na mesoj nacionalizem , se po te thoshe se je grek, italjon apo Jugosllav , apo paqesor apo per miqesi te mire me komshinjte shoviniste shkoje ne burg, te ikte koka jote dhe e familjes sate. Keshtu qe u bom te gjithe nacionaliste, ndersa me 97 u  bome te gjithe taljone dhe greke dhe Serbe, vec shqiptar nuk deshim me u bo. Tash jena bo te gjithe BE dhe NATO, vec shqiptar jo qe jo nuk bohemi na. Eh e kena per turp me ken shqiptar. Ska si te jesh nacionalist kur vjedh shtyllat e elektrikut dhe askush nuk ban za, kur hedh ne ere nji fshat te tere dhe askush nuk bo as edhe nji fjale, kur shumica si ti  quajne nacionalizin

 bimet e keqija qe mund te na kushtojne shume.

 

 

Zatem prandaj jena katandis keshtu se e shikojne nacionalizmin se bime te keqe. Kena nga firke nga nacionalizmi se ai do te ngreje trekomshin tek sheshi Skenderbe dhe hajdutet e Gerdecit do te varen atje,  ndersa hajdutet e lejeve te ndertimi  te Tirones do te pushkatohen ke stadiumi kombetar.

Po mos ki frik o Lico se nuk bohet kjo, ska kush ta boj se jane te gjithe njesoj.  Hajdute dhe te koruptuar. Fli i qete deri sa  ai ven te mare fund te mos kete mo shqiperi, mas kesaj fillon e keqja dhe mjere ti dhe mjer ne te gjithe Hajt naten, flie i qete se ka kohe deri atehere

shqiptaret historikisht jane te njohur si pasues te mbretit e pa problem dallimin e gjuhes. sepse jena te afte ne pervetesimin e gjuheve te jashtme e ndaj se kemi problem. e merr greki qeverine, ne e bajm emrin thoma e flasim grekce, e merr serbi e bejme stanish e flasim serbce. ca problemi ka ketu. na jemi komb i vjeter i ngulem ne keto toka qysh ateher qe zeusi ende s'ka pase nder mend me rrzu baben e vet, e enea i ka pas ngju prrallat shqip i vogel ndaj ia doli me ba nje qytet kryeqytet te botes. po hajt mo.

nacionalist? cka do ma thane nacionalist. me sa mbaj mend ne zgjedhjet e 2001 ishte alenanca demokratike qe perpiloi nje program mjaft nacionalist. e mori deputete. balli kombetar si parti i takon te jete nacionaliste e i merr votat e deputetet ne parlament.

m,baj mend se ne zgjedhjet qe behen ne himare ps e pd bejene alenace kunder omonias.  ky eshte nacionalizmi politik. ndaj nese zoteriu ne fjale kishte nder mend me kallzu ne menyre te amel se saliu eshte ortak me serbt e fazlliqit gabon. eshte rruge shume e gjate me i ra ka nacionalizmi i dobet i shqiptareve. dhe une per vete fajin per mosnacionalizem e shoh te komunizmi se komunizmi e shkaterroi parine shqiptare, e shkaterroi vetdijen e na la pa asnji trashegimi pa asnje gja te e cila te ishim krenare. e ne 97 patem turp te jemi e te bejme per shqiperi por iu turrem ta shkaterrojme kete vend te poshter. hajt mo. kujtohena kanjihere se jemi nacionaliste. kur na kane mbete femijet pa pune ne new york e bajm brain gain. apo kur kena nevoje me fute noj vlla deputet. atehere kujtohena e e ngreme zanin se jena shqiptare, jena nacionaliste.

mendoj se shqiperia eshte nga ata vende qe duhet marre shembull nga e gjithe bota per tolerancen qe ka, dhe per faktin se goranet e kukesit e ndjejne veten shqiptare edhe pse flasin nje gjuhe tjeter.

dhe nese 97 provoi se nuk jemi nacionaliste, 99 provoi te kunderten. edhe ne politike, edhe me thacin, xhaferrin, majkon, nanon, hajradinin, berishen, mejdanin, etj etj. mund te duash tu zeshkarrigen ketyre burrave por nuk mund ti akuzosh per mosnacionalizem. mund ti akuzosh per paaftesi menaxhimi, por jo per antikombetare.

mudn te vish e te besh edhe ti nje parti GRRN, e te provosh te marresh votat duke ndergjegjesuar njerezit. por mos harro se nuk fiton asnjeher po qe se perpiqesh ti besh gropen tjetrit. me vjen keq qe ti nuk je nacionalist kur e perdor nacionalizmit per interesa te ulta e te ndyta politike.

Shqiptarët duhet ti marrësh të gjithë e ti cosh 1 vit në ndonjë shtet perëndimor e ta kuptojnë se cfarë është urrejtja, diskriminimi, nëncmimi dhe pastaj bëhen të gjithë nacionalist me zor.

Parti politike nacionaliste??!! Vari leshin partive politike.............

Gjithe ky artikull i gjate, nuk e kuptova pse nuk kemi parti nacionaliste!

Ky shkrim te jesh i sinqert, do kishte se titull, " pse mos te krijoj edhe une nje parti politike ?".

Ne cilat shkrime soçiologjike bazohet autori, se po te jesh nacionalist, nuk je i korruptuar, nuk je koktul, nuk sjell ters ?

Ah, po, ne emer te nacionalizmit, korrupsioni falet, idiotsia falet, paaftesia falet, gjithçka sillet rrotull nacionalizmit.

Nacionalisti, mbjell peme qe Shqiptaret (vetem ato qe jane nacionalista) te ecin nen hijet e tyre.

Nacionalisti, krijon parqe per femije ( vetem per ato femije me prinder nacionalista) qe te argetohen.

Kur do jete ajo kohe qe Shqiptaret do i hypin kalit per se mbari?

Koha ka ardhur mor lumidrim.Mendoj qe i kemihipur per se mbari kalit qe tani.

Meqe ky shkruesi i artikullit na pask amarre si shembull partite nacionaliste neper Europe. Duhet theksuar, qe Partite Nacionaliste jane te ndertuar sidomos, kunder emigranteve. Si Lega NOrd ne Itali, apo tipike si keto ne France Germani e gjetke.

 

Ne smund ta kemi kete gje, sepse nuk kemi emigrante, edhe ato pak greke qe jane andej nga kufiri, po shnderrojne zonen aty ne greke e jo shqiptare ti sulmojne. Jepi nje pencion 250 € edhe je ne rregull. Ky eshte aspekti kryesore, ku mbeshteten partite politike nacionaliste ne europe.

Kurse ky artikull shkruasi, po mundohet te na kuptoje qe ne duhet te jemi nacionaliste kunder politikaneve qe jane tani ( me sa kuptova e kishte me Salen,normal se gazeta shekulli fundja fare), ti konsiderojme si Emigrantet ne europe, te behmi nacionalist ne kete drejtim?!?

Nacionalisti lind edhe fuqizohet kur nje Komb eshte i kercenuar, nga luftat ose nga idologji te tjera, si Nazismi, fashizmi etj etj ndoshta edhe nga emigrantet.

 

 

Atikull ordinere, duket qe me shume qellimin e vete e ka pasur te godase qeverine qe eshte tani ne krye. Sepse argumentat ishin shume te vaket, edhe me nje thellim qe te le shume per te deshiruar.

 Ky artikull, mesa kuptoj une, eshte vazhdim i artikullit te pare mbi parine e Tiranes, artikull i shkelqyer. Administratoret e peshkut, mundt ta sjellin ketu titullin e artikullit te pare.

Prof. Rama, mgjth jam dakort me shume nga problemet qe ngre, menyra e adresimit, duke u nisur qe nga titulli, dhe pjese te shtjellimit me duken te paqarta, dhe me hapesire per keqinterpretime. 

Po i pergjigjem titullit me nje thenie te de Gaulle:

"Le patriotisme, c'est aimer son pays. Le nationalisme, c'est détester celui des autres." (Patriotizmi do te thote te duash vendin tend.  Nacionalizmi, te urresh ate te tjereve.)

Jo thjesht nga kjo thenie, por dhe per debat me konstruktiv, do te ishte me mire sikur ju te kishit perkufizuar qe ne fillim konkretisht c'do te thote, c'program, apo e cfare natyre do te ishte nje "parti nacionaliste shqiptare".  Krahasimet me fqinjet si menyre perkufizimi eshte thike me dy presa (si per vete vendet, dhe per rajonin.)  Ndersa analogjia me parti ne vende kryesore te Europes perendimore mund te hidhet poshte psh me perqindjen e votave qe partia e Jean-Marie Le Pen mori ne zgjedhjet e 2007.  

E cfare natyre do te ishte nje "parti etnike shqiptare" ne Shqiperi?  Cfare programi, dhe me c'perzgjedhje anetaresh? 

Dhe paria e Tiranës e kruan nervin e dhëmbit të sëmurë rregullisht e sistematikisht, thjesht sepse e din se për sa kohë që njerëzit janë peng i së shkuarës individuale, nuk do t'i shohin ato si shkaktarë të tragjedive kombëtare e nuk do të mobilizohen si njerëz e si shqiptarë për të luftuar për të ardhmen e tyre për një jetë më të mirë, më të sigurt e me dinjitet si gjithë të tjerët.

Jam dakort me shqetesimet qe ngre mbi pasojat e nomenklatures politike ne Shqiperi.  Metastazat e monopolit te saj ne te shkuaren, te sotmen dhe fatkeqesisht ne te ardhmen (me shprese) e aferme, i kane shtrenguar mushkrite ketij populli dhe s'e lene akoma te marre fryme te lire qe te shfrytezoje plotesisht potencialin e tij.  Por ne artikullin tuaj s'eshte bere e qarte, dhe personalisht nuk mendoj se "eureka" e situates do te ishte nje "parti etnike nacionaliste" shqiptare.

Aspirata "per nje jete me te mire, me te sigurt e me dinjitet si gjithe te tjeret" eshte sllogan, ose le te themi, togfjalesh i cdo partie politike para dhe gjate zgjedhjeve.  Realizimi nuk eshte "nacionalizem" por patriotizem, kombetarizem apo popullizem.   

 

Sepse nuk kemi patriotizem te vertete ,por patriotizem te rreme dhe siperfaqsor.Ne votojme per interesat materiale dhe jo per interesat kombetare.

Ne shkolle kam pasur nje shok dibran, i cili hiqej si patriot i madh. Por nje dite me tha ... Duhet te mesojme sa me shume qe kur te shkojme ne Shqiperi t`ju marrim leket shqiptareve !!!  ....

Sepse na mungon nje prijes politik i cili do te mund te  shprehete thjesht,shkurte,dhe qarte,deshirat e trupit zgjedhor patriotik Shqiptar.Fjalimet e stermedhaja jane per ata qe e kruajne veshin e majte me doren e djathte.

Ne dy kometet e fundit e gjen pergjigjen e pyetjes

Pse s'kemi parti nacionaliste?

Sepse nuk kemi ( si popull) patriotizem te vertete ,por patriotizem te rreme dhe siperfaqsor.Ne votojme per interesat materiale dhe jo per interesat kombetare.

Plus

Sepse na mungon nje prijes politik i cili do te mund te  shprehete thjesht,shkurte,dhe qarte,deshirat e trupit zgjedhor patriotik Shqiptar.

Ketu krijohet rrethi vicios Si popull nuk jemi ptriote dhe zgjedhim udheheqes   per interesa materjale jo patirotike Dhe se udheheqsit e zgjedhur nuk jane patriote por jane pas interesave materjale

Eshte pula qe beri vezen apo veza qe beri pulen?

Toko.

Pyetja eshte " pse nuk kemi parti nacionaliste?" e jo "pse nuk votohet partia nacionaliste?"

Kur shkruesi ben nje pyetje te tille, duhet te paraqes arsyet konkrete, si p.sh ; " persekutimi qe i bejne qeverit kesaj partie, burgosja e liderve nacionalist, antipropoganda e masmedias" , ne kete menyre lexuesit i behet e qarte arsyeja pse nuk kemi parti nacionaliste.

Duke qene se e verteta nuk eshte e tille, autori merret me zgjedhesit, sikur gabimi eshte i votuesve.

Patriotizmi eshte "detyre", nacionalizmi eshte " ndjenje".

Autori kerkon shume nga shoqeria Shqiptare.

Kane kaluar pak vite, ku vendin e qeveriste nje parti antipatriotike, me nje kryeminister pa atdhe.

Punet e mira behen ngadale.

per mua autori ka qene sh i qarte ne çka ka shkruar. s'mund ta di me ç'plan, por shtron e shtjellon nje pyetje qe e bejne shume,jashtezakonisht shume shqiptare.kam menduare jam shprehur ne biseda, shume here me ekstremist se autori. kam thene;pse s'ka asnje grup te rinjsh a te vjeterish, qe antishqipetareve, fytyrekuqeve qe gelojne ne tirane,ne parlament, ne ministrite....,nuk ua numeron n balle.pse s'kemi patriote ektremiste, si çdo komb i botes.

po. patriotizmi eshte detyre, fytyrekuqet s'e bejne, nacionalizmi eshte ndjenje, e madherishme.

dhe le te kete thene nacionalisti de gaulle, qe nacionalizem eshte te urresh te tjeret.

i urrej pa mase , ata qe me urrejne e me perbuzin.

me vjen keq qe s'eshte ndjenje kristiane, por para se te jem kristian, jam shqiptar.  

Sikur tju thoja qe dikush po punon ne krijimin e nje partie te tille, pasi shqiptaret kane nevoje per nacionalizem

Mund ta shikoni ketu nqs deshironi http://www.proletari.com/forumi/viewtopi...

 

Me respekt Proletari

e lexova kete forumin tand lali, e s'na the gjo. me ba nji parti e marre vota e di sa pune duhet? a ia ke idene? si ka mundesi qe ne shqiperi nuk paska parti nacionaliste. te gjitha partite qe njoh une, kush me shume e kush me pak jane partti shqipetare. ti se kupton se edhe ky lali qe ka shkruar do te beje te njejten gje si ty, te krijoje nje parti te re nacionaliste. hajt mor mo.

dhe paska ngele politika shqiptare te shkojme na prej ndertimi e prej bujqesie tu japim mend e tu tregojme si mirren votat. e tu tregojme sa nacionaliste jemi. mah. flasin shqip kalamjt tuj nese ke? kjo eshte pyetja e pare. dhe si i kane emrat. pastaj meso shqiptaret.

Pershendetje shkinaks.

Une nuk thashe se do shpetoj Shqiperin dhe as qe mendimi im eshte i drejte por ne te gjithe anketimet,sondazhet,statistikat dhe pjesmarrjet e fundit ne votime te popullit shqiptar tregojne vetem nje faktor ate qe eletorati eshte i lodhur por jo nga votimi por nga ai qe e perfaqeson.

Me kete dua te them se per momentin situata shqiptare eshte ne duart te dy partive qe i kan rrenjet thelle ne ishregjimin diktatorial dhe kete besoj e dime te gjithe.

Pastaj nje pytje kisha une, sipas tejet ka te djathte te mirefillte poltika shqiptare?

Mos valle do globalizojme Shqiperine sic ben europa k.... apo keni deshire te flasim anglisht ne vendin tone.

Per fat te keq mendimi im eshte per krijimin e nje partie pasi eshte e vetmja qe ka status ne popull pasi poltika ka hyre kaq thethe ne damaret e popullit tone te dashtur sa qe ne qofte se nuk prezantohesh si poltikan veshtire se ta ve veshin njeri. E di ka rreth 76parti Shqiperia jo shume por te ekzagjeruar.

Cfare bejne?

Ku ndodhen keto parti?

PD do qe te fus shqiperine ne europ po si? duke e globalizuar sepse keto jane kushtet, mirpo europa sic e shihni eshte mish e thua e lidhur ngushte me fatet amerikane dhe ne qofte se ndodh dicka ne SHBA menjehere e ndjen ekonomia europiane. Mos valle te duket faktor pozitiv?

 

Poltika Shqiptare gjithmone ka pas nje te mete qe u mundua ta korigjoje Ahmet Zogu por ai e katranosi ne fund, ishte e vetmja qeveri qe krijoje vertet nacionalizmin e pare shqiptar ne rang qeveritar. Po te shikojme sot dhe PBK ata kane mbetur akoma ne vitin '41 sjan azhornuar akoma dhe me duket sduan te kuptojne qe ne qofte se pasardhesi i Lekes qe te mund te leviz ndonje gure poltik duhet se pari te kerkoj te falur per gjyshin Ahmet qe e la vetem Shqiperin ne nje moment shume delikat te historise dhe keshtu ja dhuroji me duart e veta komlotisteve te kuq sllav qe instaluan nen petkun e teoris marksise-leniste diktaturen e proletariatit duke krijuar nje sistem makaber cnjerezor dhe qe populli shqiptar do ta vuajne edhe te pakten 2gjenerata te tjera.

Ne kete kontest te shkurter historiko poltik ne te cilen ndodhet sot Shqiperia dhe populli shqiptar me duket se hyrja ne skene e nje partie nacionaldemokratike i jep nje krah te forte popullit te thjeshte i cili ka nevoje te punoje dhe  te jetoj ne token qe na lan te paret pra aty ku besoj kemi deshire te vdesim te gjithe.

Megjithate une vura linkun e temes ku kam hap nje debat te mirfillte per te marre ide dhe kritika nga te gjithe virtualistat shqiptar sepse debati konstruktiv con perpara deshiren per te kontribuar sa do pak qofte dhe me nje ide vendlindjes tone te dashur.

Nejse se u zgjata shume por te them qe krtika qe bere nuk ishte e mbeshtetur mbi argumenta.

Me respekt Proletari

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).