Mesim urtesie

Fillimi ishte premtues.

 

I lindur në stallë mes deleve e dhive

Edhe vete si një kafshe e vogël.

klithje  për sisë.

 

Jozefi nuk pyeti shumë

Ai ishte plakur, Maria ishte e re dhe bukur, por sidoqoftë

                                                            ishte ende e tija.

Burrë i mënçur Jozefi.

Që fëmije filloi të të mësonte për llojet e drurëve:

si bëhen tavolinat, dollapet, karriket

Dhe të mësoi zanatin e ndershëm të zdrukthtarit.

Gjithçka mirë deri këtu.

 

Pastaj filluan zdërhalljet e natës

Dhe miqësite me peshkatarë peshqish, peshkatarë xhepash

                                                                 e peshkatarë zemrash.

Besomë, asgjë e mire nuk vjen nga të përdalat

si Maria Magdalena,

qofshin puthjet e saj edhe më të ngrohta e erëmira

se vaji në kandilin e Perëndise!

 

Pastaj fillove t’u japesh mend të tjerëve.

Tregëtareve t’u thuash çfarë të shesin në tezga

e prifterinjve çfarë të predikojnë.

Dëgjo djalë i Jozefit,

Asnjë bandë shënjtoresh nuk është më e fortë se policia.

Dhe për një grusht para ,  tamam atëhere kur se pret

                                                              dikush do të tradhëtoje

 

e në kryq do përfundosh!

 

 S.I.

Mars 2009

57 Komente

Spiro, GREAT to see you again! More, later.

Cimi

Djalë i Jozefit,

Asnjë bandë shenjtoresh nuk është më e fortë se policia.

Dhe për një grusht para ,  tamam atëhere kur s'e pret

                                                              dikush do të të tradhëtojë...

 

Spiro, gjetje e shkelqyer poetike. Per mua kjo eshte jo vetem poezia jote me e forte, por nje nder me te mirat qe kam lexuar ndonjehere. Nuk e harron dot. Nje e vertete tronditese, e perjetshme. Ndoshta dhe shenjtoret kur behen bashke, s'bejne dot gje tjeter vecse nje bande...

Excellent!

 

Pas gjithe ketyre mungesave qe ke bere, une me thone te drejten prisja te ktheheshe me dicka me shume te rrembyer se te urte. Dhe te genjen titulli me kete, se eshte shume shume e urte.

 Ha,ha, ha Lul. Ne fakt eshte e kunderta dhe e gjithe poezia duhej futur ne thonjeza por do ta bente shume te bezdisur imponimin. Thanks anyway.

 

AV, mendimin tend e cmoj vecanerisht sepse ti shkruan vete poezi te mrekullueshme dhe si te thuash flet nga brenda. smiley

Poezia eshte e mire...ka pak konfuzion ,ne role,ai qe tregon per Jozefin,Jozefi e i biri.Mendoj se mund te ripunohet per te dale me qarte.Noton ne kufijte e blsfemit pa blsfemuar...Shume e bukur vertet...

Tregon injorance te madhe ne lidhje me subjektin qe trajton , asgje e perputhur me personazhet , jemi ne lemin e perçartjeve .

Flitet mbi Jezusin pa e perfaqsuar me asgje te tijen , episod te jetes , mesazh te tij .  Ja ke kushtuar kete shkrim ndonje Jezusi latin anonim , peruvian apo meksikan  ne menyre qe te ngresh artificialisht egon tende e te japesh ndonje tipar origjinal mediokritetit .

Uroj te dish se per çfare flet ne shkrime e mbi çfare baze shkruan pasi me shume flet per veten dhe egon e semure se sa per gje tjeter dhe kjo vlen aq sa jashteqitja ne gropen septike .

Suksese !

 

 

 

Daniel me kujtove reagimine botes Arabe karshi karikatures se Muhamedit.

Arti eshte Art mos i ngaterro gjonat.

Pikerisht se nuk shkruhet dot per personazhe te erreta te historise njerezore shkruhen te tilla gjera per Jezusin te cilit edhe kur nuk i gjejne dot nje veprim te gabuar , po nje te vetem ama , perseri kane perqeshjet deri tek shpifjet .

Nese qenka art gjithçka si do te mendoje per dike qe eshte duke te tallur e duke shpifur mbi ty , dhe ti gjithsesi ke arsye ashtu si une per tu perqeshur por jo se eshte e drejte e dikujt kjo .
Po Jezusin , ne ç'kuptim , me çfare te drejte ?

Apo ne kete bote u beka njeriu i madh duke ulur dike ngaqe nuk e arrin dot , kjo per mua eshte thjesht uni ne krize per vemendje dhe egoizem trashanik . Shkrime si ky ka e do te kete me mijra por çfare vlere kane ? Jezusi ka ndryshuar dhe ekzistenca e tij vazhdon dhe frymezon ,ndryshon jetet e miliona njerezve dhe ky eshte fakt , realitet sepse secili gjykohet sipas veprave te tij .

"Mos mendoni se kam ardhur te hedh poshte ligjin dhe profetet, por t'i permbush"
Jezusi

Daniel, avash pak yxhymin. Ardhja e me tej martirizimi i Mesias eshte brenda subjektit te profeteve. Mos trego kaq injorance ne lidhje me subjektin. Ketij mesuesit te poezise se Spirros, vete Jezusi do i thoshte se "nuk e hedh poshte fjalen tende, por e permbush".

Per me teper, nese vertete do te flasim per unin e semure, le te mos harrohet qe tjetri POhoi Zotin duke thene se ishte i biri i Tij. Jane te rralle une te tilla qe vetem POhojne, ekzistenca e te cileve mat kufinjte e unit tone.

Sa per subjektin ne fjale, mos harro qe po qe aq strikt sa e interpreton ti, qe sidoqofte e interpreton gabim, eshte gjithmone ne varesi te Romakeve, Vatikanit, Kishes, perndryshe, ose jemi te gjithe bij te Zotit, ose Zoti ka kohe qe ka marre arratine. Keshtu qe i nderuar, edhe ne qofsh autoritet mbi subjektin, nuk konsiderohesh autoritet mbi Jezusin, por autoritet mbi biblen, pasi do te ishte vertete nje un i semure prej teje nese do e konsideroje veten autoritet mbi Jezusin, si dhe pasi, edhe pse Jezusi eshte gjithmone tjetri, mjafton t'a pranosh, dhe je vete Jezusi.

Dhe po, Jezusi ishte POet. Eshte ne anen e Spirros sot. Profecia shume, por shume e urte e te cilit, (megjithese kot e mohon qe eshte e urte) pres te permbushet te premten. Nga ku marr guximin, dhe e pershendes me kete:

Sot 1968

Sot vrasin Jezu Krishtin per here te 1968.
Une per here te pare vdiqa dje.
Dje kuptova dicka shume te rendesishme:
Gjendja shpirterore imja dhe e nje Mikut tim jane ne perpjestim te drejte.
Rrugeve te Londres dje volla deshperimin te perzier me vere.
Sot ndihem ashtu sic ndihet edhe Jezu Krishti sot.
Me nje perjashtim te vogel...
Ai Qen bir Qeni e di qe te dielen do ringjallet.
Une jo.

Per çfare lloj ligji fliske qe nxit talljen dhe shpifjen dhe qe Jezusi e paska permbushur kete ? Kjo eshte per te qeshur nga mosdija e stazhonuar . Gjithsesi per hir te arsyetimit je i mirpritur te sjellesh fjale si keto qe ke cituar ne krye te postimit qe flasin per drejtesine dhe ndertimin e shoqerive njerezore por qe sipas teje jane mesime talljesh dhe ndotesie . Nese nuk gjen ama i bie te jesh ti formulues shpifjesh ne vazhden e shkrimit qe hap temen dhe per kete je ne rregull .

Uni jone nuk eshte aspak i matshem persa kohe i permbahet vetvetes , ( mund ti telkaloje kufijte qe njeh shoqeria ) por askush nuk ka ndertuar nje un duke qelluar me gure te tjeret per arsye boshe dhe merzie . Por secili duhet te jape prova te vepres se tij ne te kundert mbetesh ne shterpesine e çoroditjes .

Sigurisht qe jemi bij te Zotit sipas shkrimeve te Bibles nga te cilat eshte veçuar edhe Jezusi per te cilin flasim , pasi Perendia i dha frymen e tij njeriut . Ardhja e Jezusit nuk ishte thjesht martirizim per veten  ,por sakrifice per te tjeret ishte e gjithe jeta e tij . Ku Jezusi zemerohet pa vend , ku ben padrejtesi , ku ai i ben keq dikujt ?

Apo mos valle perkundrazi shpeton mekataren e tradhtise bashkshortore nga vdekja me gure ( por edhe duke e qortuar ate me pas ) teksa i sprapsi fetaret me fjalet : Kush nuk ka mekat le te hedhe gurin e pare ?

Apo mos valle ai nxit qe te gjithe ta duan tjetrin si veten vellazerisht , dashurine per prinderit per te afermit po edhe per armiqte ?

Me i madhi le te jete sherbetor i te tjereve , kurse njerezit nga egoizmi duan vendet e para ( komplimentat tek tema ), lene mjekrrat kerkojne tu therrasesh eter , profesore te veseve te tyre , po kujt i vlejne keto ?

Ndjekesve qe genjejne veten se nje dite duke u zene vendin do te lumturohen ... dhe ja tek vijne ne nje fund te tille siç e ke pershkruar : te zgerlaqur ne te vjella nga i pari tek i fundit .

Mateu 5.17

Meso subjektin. Nuk shpif une. Dhe nuk jane objekt talljesh, as prej meje, dhe as prej poezise me larte. Perkudnrazi, prej poezise me larte jane objekt urtesie. Kush tha qe Jezusi u zemerua pa vend, e lloj lloj te tjerash qe permend. Meso te lexosh, dhe meso t'i trajtosh te gjithe njerezit sikur te ishin bijte e Zotit, sikur te ishin Jezusi.

Ato fjale e di shume mire qe jane por perkundrazi jane ligje per perendishmeri , ligje talljesh e shpifjesh nuk jane ndaj kerkova qe te jepje shembuj . Sidoqofte keta mund te jemi ne Perendine :

Romakeve , Kapitulli 8

14 Sepse të gjithë ata që udhëhiqen nga Fryma e Perëndisë janë bij të Perëndisë.

15 Sepse ju nuk keni marrë një frymë robërie, që të keni përsëri
frikë, po keni marrë frymën e birësise, me anë të së cilës ne
thërrasim: ``Aba, o Atë!``.

Lulian, as mos u lodh me ca Aleluja te rekrutuara me peanut butter se nuk ia vlen. Problemet qe kap ky  Danieli (qe mbase do ishte me mire t'ua hidhnin serish luaneve) Europa i ka zgjidhur qe prej 500 vjetesh me Rilindjen.

Kam edhe ketu nje nga keta Deshmitaret e Jehovajit qe perpiqej te me mbushte mendjen qe Obama eshte personifikimi i 666. U perpoqa ta hiqja qafe me miresjellje por nuk funksiononte. Me se fundi fillova qe sa here e takoja, pa e lene te hapte gojen e pyesja "A ke q* gje sot?'' dhe sic i thone ketu nuk e pranoja "Jo" si pergjigje, deri sa nuk me afrohej me.

Po shyqyr qe erdhe o burr i dheut.... ahahahahaaaa....  Hallall!

ps. thon qe s'osht mir kur qesh shume ne mjes... per hajer, o Zot! se osht ne tem me "blasfemi"...  smiley  

Emo! Merhaba zotnis tate!

PF, per mua poezia ndahet ne dy pjese; e para qe mbaron te "gjithcka mire deri ketu" eshte shkruar se duhej shkruar, si funksion i pjeses qe vjen me pas (e dyta) qe eshte shume e mire. E para mund te lihej si nje "note" - mundesisht ne korsiv, dhe natyrisht ne proze. Poezia fillon tek zderhalljet e nates, me ate timen, gjithnji.

Cheers!

 Em.

E gjithe poezia (te pakten ashtu si une e kam konceptuar), eshte nje autoritet, dicka midis nje plaku apo polic i lagjes, qe i shpjegon Jezuit se ka hyre ne rruge te keqe. 

Ironia qendron ne idene se keshillat jane te gjitha te drejta ne vetvete, por ne rastin e Jezuit nuk aplikohen dot. Eshte pak a shume si ajo batuta qe thote se nese Kolombi do te merrte mendjen e gruas, do te ishte akoma ne shtepi dhe Amerika akoma nuk do te ishte zbuluar.

Teknikisht mbase disa shenja pikesimi do ta kishin sqaruar kete me shume, por ne poezi une tentoj ti le sa me shume jashte dhe ta bej thyerjen nepermjet vargut. Ndaj dhe mua nuk me duket se ka shkeputje ne dy pjese.

ndryshe kjo poezi nga stili i zakonshem i fluturakut

me kane pelqyer me shume poezite e meparshme, kjo nuk e di pse me beri te larget prejetimin...

 

Epo ti kujton se jane te gjithe si puna jote.

Kjo eshte e keqja tek ty se ti nuk te len vend te te besh kritike te hidhetsmiley

smileysmiley you're welcomed

Vielen Dank smiley

vargje te mira. te gjithe mundohena me kane perfekta, por secila poezi ne vetvete eshte perfekte nese te ngacmon ndjenjat. e kjo ti ngacmon ndjenjat. masandej secili mundet me pa ate qe do ne secilin varg. kjo ka nje te vecante se eshte edhe e guximshme, mua nuk do ma mbante te futesha kaq thelle, por kjo tregon se ta shkruash kete eshte dashur edhe te mendosh qe te arrish deri aty sa te blasfemosh apo jo?!!!. 

ka dicka latine, dicka bronxiane, dicka te gjithebotshme ne poezi e kjo eshte e rendesishme. te tjerat, te tjerat i rregullojne kritiket e artit e e mesuesit e letersise... 

 Shkinkas, faleminderit per fjalet e mira. Thjesht per hir te muhabetit desha te them serish qe ne kete poezi nuk ka asnje blasfemim. (ose te pakten keshtu me duket mua). Kjo eshte nje situate hipotetike kur nje bashkekohes i Krishtit bisedon me te duke iu drejtuar me "ti", dhe i jep keshilla se si te sillet si nje djale i mbare. Dhe eshte pikerisht ky kontrast qe tregon ne nje fare menyre konfliktin midis brezave, por edhe midis njerezve te jashtezakonshem, gjenive apo profeteve me njerezit e zakonshem.

E te tjerat, ashtu sic thua edhe ti, secili i rregullon sipas menyres se vet. smiley

 

 

well fakti qe ti i jep atesi Jezusit duhet te quhet pakes blasfemi, fakti qe ti flet per femijerine dhe per puthjet e Maria Magdalenes eshte pak herezi. por prandaj eshte e bukur letersia sepse te jep kufinj te rinj per te kapercyer. dhe prandaj nuk guxohet te shkohet tej ca caqeve. une shpesh nuk guxoj per vete. por kur te tjeret guxojne eshte e madhe, me pelqen. e ketu te kjo poezia jane ato vargjet me bandite e me grusht paresh qe e kalojne ne poezite e bukura.

keshtu te pakten e shoh une. dhe me pelqen. me duket e guximshme.

p.s. diku tjeter kemi folur edhe me para dhe personalisht jam i mendimit se maria madalenes i eshte bo padrejtesi. meriton fort ma teper.

Di gjë njeri se si përfundoi ky djali i Jozefit?

Sikur ta kenë dënuar në karrigen elektrike, do të më dukej vërtet profet autori.

E bukur. Pavaresisht formes, nga permbajtja mua me tingelloi me teper si proze se sa si nje poezi. Pershendetje. 

ky është një vështrim poetik mbi botën. Ngucja në titull shkon sinkron me vargjet e zgjedhura nga Av.

Bukur PF.

Po vere tamam ne teme he burre i dheut pse fshihesh skutash . Ja karakteri i shpifarakut

Peshku fluturues :

Me se fundi fillova qe sa here e takoja, pa e lene te hapte gojen e
pyesja "A ke q* gje sot?'' dhe sic i thone ketu nuk e pranoja "Jo" si
pergjigje, deri sa nuk me afrohej me.

Poet kurve apo kurvar e njejta gje eshte , bejne nje mish te vetem , te besh pra gjymytyret dhe trupin te nje kurve  ? Mos qofte !

Daniel00, ju mund ta vazhdoni pa fund kete fill komentesh - rrofte liri e tastieres! - por per mendimin tim po e teproni. E bete te qarte pikepamjen tuaj, pozicionin tuaj dhe OK; u mor vesh ajo gje. Te peshku pa uje nuk eshte konvertuar askush deri me sot. Dhe vertet, as per nick nuk ka zgjedhur njeri Saul, me sa di une.

Sugjerimi im do ishte boll me!

Me vjen keq emigrant nese tu pre buzeqeshja ne fytyre , une mendimin tim e dhashe duke u bazuar tek ky shkrimi i temes , por siç qeshe edhe ti , ndaj meje aludoi poeti me keto fjale qe kam cituar , ndaj nese kjo nuk tu duk e tepert se kuptoj se pse s'te pelqen llogjika qe e ndjek kete menyre arsyetimi .

Me gjithe respektin !

Daniel00, duke dale nga tema e kesaj poezie, mua me ka bere shume pershtypje gjithnje lehtesia me te cilet fyhen dhe ofendohen krijuesit dhe artistet. Kudo. Gjithnje! Kur ata jane specie e vecante dhe kufijte e tolerances ndaj tyre duhet te jene shume te gjere.

Te gjithe mbrohen kur dalin ne mejdanin mediatik. Me rhetorika, me citime emrash te medhenj (keto mua ne 90% te rasteve me shkaktojn urth), me filozofi dhe doktrina; vetam nje krijues a ve shpirtin ne tepsi dhe u a sjell si te ishte koke e prere rebeli sulltaneve lexues. Keta shpesh nuk e kane per problem ti vene ne kamaren e turpit pastaj. Not fair. Not at all fair!!!

Po e fus veten edhe une tek te fyerit dhe nuk eshte se do kerkoja meshire apo tolerance mbi ofiqin e artistit qe i vene vetes njerezit .

Secili eshte i lire te besoje filozofine dhe botkuptimin e vet , une thjesht dhashe mendimin tim se pas ketij shemtimi qe behet me nje personazh si Jezusi duke e sjelle siç e the edhe ti vete , si koke te prere te sulltani ( egoja ne kete rast ) apo edhe koken time si koke budallai qe beson prej gjalpit te kikirikeve , pra nuk e di se me sa dispozita te dyfishta e gjykon ti por jam dakort se nuk eshte fair  .

o Daniel, sikur cdo forme krijimtarie ti ishte nenshtruar asaj frymes (tende) biblike, me siguri, tani do ishim ende ne mesjete.

Une nuk bera aspak thirrje mesjetare dhe komentet dhe kritiken time ndaj ideve te shprehura e kam dhene mjaft qarte qe perpara , duke ju permbajtur te vertetave qe njihen mbi subjektin .

"Arti eshte nje genjeshter qe na ndihmon te zbulojme te verteten"  Picasso.

Secili zgjedh menyren e vet te shprehjes , por te shpifurit mbi dike per te lartesuar veten nuk mendoj se eshte nje gjuhe shprehese e artit , sidoqofte kush jam une te vendos per te tjeret , thjesht mendimin tim thashe .

Nje nga te mirat e peshkut eshte se mundohet te jete, dhe mundohemi ta mbajme si nje qoshe "afetare".  Besimi personal menjane, te mos e prishim kete "ekuiliber."  Arti eshte art; theologjia, dogma, mesha, liturgjia behen atje ku e kane vendin.     

PF, alternative interesante (subjekti dmth) por si e pambaruar me duket ... ndoshta mbase ky ishte qellimi smiley

PS: Me pambarim (per mua) ndoshta mund te kishte vetem nje varg per "rebelimin" e Jezusit, duke i shtuar nje efekt me me shume "climax" mbylljes. 

O Daniel.....eshte perfytyrim i gabuar zoterij i Nik-ut . Me o mbrapa dhe biles me dy O . Si tha Koci " nje shkalle me lart! Jam skulptor !   

Me sa kuptohet qarte Kraist eshte nje simbol i Nje MAJE ku sot per sot nuk eshte per gje te shitet per nje dore Paresh... Filosofite e denglat fetare vec e ngatrojne krahasimin e PERKRYER ( ne kete rast pavaresisht se me mentalitet Hasheku ku te flakin si nje "qen" , permbajtja merr ngjyra te detit Shekspirian)...Argumentet fetare qe u futen sipas teorise se "gurit qe ben xixa" ishin si prelud i nje diturie mesjetare. Liturgjia ka dale nga vija ! Prifti po blasfemon. Ti digjen altaret ! 

"Pastaj fillove t’u japesh mend të tjerëve.

Tregëtareve t’u thuash çfarë të shesin në tezga

e prifterinjve çfarë të predikojnë.

Dëgjo djalë i Jozefit,

Asnjë bandë shënjtoresh nuk është më e fortë se policia.

Dhe për një grusht para ,  tamam atëhere kur se pret

  dikush do të tradhëtoje

 

e në kryq do përfundosh!"

 

 

 

... qe shpirtin te paudheve t'ja u zbukurosh

... qe besimin te pafeve t'ja u forcosh

... qe vdekjen ta mbizoterosh

... qe shpresen ta rikthesh

duke u ringjall perseri!

O Daniel, o trim me flete! Struktura e peshkut eshte qe kur i kthen pergjigje dikujt, komenet rreshtohen prane njeri tjetrit. Ky quhet debat mbi nje teme te caktuar dhe jo fshehje.

E dyta. Ku e gjen ti shpifjen tek citimi qe me ke bere. Apo mos je ti ai deshmitari i Jehovait qe kam ne pune dhe vjen ketu i maskuar me maske qe te me cjerresh masken!!! smiley

Dhe e treta e verteta. Po me mua c'pate xhanem?! As te njoh e as me njeh qe te kafshoje me kaq pasion, vec ne mos qofsh sic thashe me siper ai Deshmitari i Jehovajit qe ke ardhur i maskuar me maske... etj, etj.

Pra sic mund ta shohesh edhe vete, ja ku i bere krejt papritur tre gabime, pra nje me shume se ajo kenga "Dy gabime ne nje dite" smiley

Nese nuk me ke aluduar si besimtar gjalpi kikirikesh apo te atij personazhit tjeter simpatik qe na qenka nje deshmitar i jehovait , pra nese nuk me cilesove me ate shembull te pafajshem , jam une gabim ngaqe s'kam qene ne gjendje te kuptoj çfare ke dashur te thuash dhe kerkoj falje .

Secili eshte i lire te shkruaj si t'i doje qefi , a mos thashe une gje mos shkruaj ? Siç e the as me njeh as te njoh qe te me besh klasifikime qe mund te jesh mesuar te besh .

 Gjithe te mirat se nuk komentoj me  smiley

That sounds better!

Aty fshihen keta te te njejtit ritem daullje ose gjymash Bosh . Kesaj radhe kuptohen menjehere dhe nuk duhet pyetur i nerum PF. Flamuj e Niqe ka plot .Ne Korce thonin..."Po u grinde me ndonjerin ne pune (alias PPU)  inatin ta kane per te qit ke radha e domateve" Mentalitta e uno -  do thoshte ED . Krishti s'ka gjynahe per te la. Ti ke gjynahe ke PPU smiley . Ti fusesh nonje shpulle atij Krishtit qe na msoj te kthejme faqen tjeter . Ndersa ky eshte sikur e ka pjelle Kanuni Lekes .Dhemb per dhemb.smiley

Kanuni bazohet mbi Beselidhjen e Vjeter!

Nuk kishte ardhur ende Krishti ne ate kohe.

Gjithcka shpjegohet pra.

Eshte hebre! smiley

Qe te mos i hyj ne hak artit dhe artistit,une u mundova ta shoh kete poezi pa simbolet e pa idhujt qe kami ne koke prejardhur nga Krishti.U mundova ta shoh si personazh te çfaredoshem,ne menyre qe gjykimi im mbi pjesen te ishte sa me i kthjellet...dhe pyeta vehten..A do ta kishte shkruar krijuesi(poeti),kete poezi,nese nuk do te bazohej tek ideali i lexuesit mbi krishtin dhe krishterimin?:Nga sa lexova,pergjigja qe une i dhashe vehtes eshte "jo".E thene ndryshe,besoj se kjo poezi,eshte vetem nje Abuzim,nga pikepamja e boshtit t angazhimit qe e nderton.Stilistikisht sipas meje eshte mese e zakonte per mos te thene e rendomte,bie ne prozaizem shpeshhere,nuk ka shkujdesje vargjesh por paaftesi vargezimi,thyerjet jane tejet te pallogjikshme dhe detajet nuk jane te mirvendosur.shenje e ngutjes per ta shkruar sa me shpejt.Po e le me kaq...Te tjerat ...po te bjere rasti.

 Dorian

Qe mos te i hyj ne hak edhe une kritikes e kritikut a mund te ma shpjegosh se kush eshte abuzimi qe une kam bere nga pikepamja e boshtit te angazhimit qe ndertoj.

Tek kritikat stilistike nuk po futem tani. Mbase ndonjehere tjeter...po te bjere rasti.

Dorian, e gjej shume njerezore leximin e nje pjese me syrin: si do ta shkruaja une.. Te gjithe bejme keshtu. 

Por me sa kuptoj nga kjo fushe, autori eshte sovrani ne perzgjedhjen e mjeteve artistike per te realizuar, transformuar e jetesuar nje situate poetike. PF gjithmone, ka sjelle ketu poezi shume fine e te latuara. E njeh poezine e tij, thelbin dhe tharmin e saj. Eshte i ndergjshem per te e nuk besoj per asnje çast se ngutet apo i le pergjysme gjerat (perkunder meje  smiley 

Ka qene nje kritik ke PPu qe thoshte continue.... E imitoi dhe dikush smiley  A e ka pa nonjoni ore se metem gjysmak tere jeten. S'po ndricohemi i here tamom e marte Krishti e marte! Ne une me duket ja futa kot. Po sikur mos te ishte Krishti si simbol, ke do gjeja ? Prozaikisht do i isha drejtuar atij shnjtorit tjeter qe Zoti e ka bere per te na hardallosur dhe e quan "Shejtan-budalla".

PF do kishe shpetuar nga Prozaizmi dhe paaftesia e vargezimit po ti ishe drejtuar DREQIT. Ka dhe nje argument . Atij s'ja hudh dot ti me kto vargezime , po ke gjete Krishtin se osht i urte smiley Po ama nuk ke llogarit thyerjet e tjegllave qe i bojne zhurme ke veshet dhe tani qe eshte mbasdite pas nje pune te lodheshme do i cike pushim . Ketu fillon edhe rreziku jot. Je i rrezikuar ! Alo 9111 Dikush po merr Krishtin neper goje.....!!

per Peshkun fluturuessmileyGithmone sipas meje) me "abuzim" ne kete  poezi ,une nenkuptoj ngjizjen.Doja ta lija te kuptohej edhe nga pyetja qe shtrova.Ngacmimi yt poetik nuk ka dale prej teje si ndjenje e mirfillte,"lenda e pare" mund te kishte qene me e pershtshme per nje esse,e çfardolloj tipi qofte,por jo te sherbente si ngacmim poetik.Duke thene keshtu,menjehere mund te me akozosh per skematizem ne perzgjedhje dhe tabu,por ne te vertete pretendoj vetem te shoh qarte(dhe te jem koherent me shijet e mia poetike,sepse ne fund te fundit,po flas dhe po them mendimin tim).Une mendoj se nje poezi nuk mund te nise nga "te tjeret" per te dale ne pergjithesime jetike.ne mos gaboj kete ke bere. Nje shnderrim te fakteve historike apo mitike(si qellim i poezise) me pak fajle ky eshte "Abuzimi" letrar.Sa per angazhimin,ne teorine e letersise thuhet qarte,hapur dhe ne forme deklamative qe tema qe cenojne deri ne kete pike moralin,jane te papranueshme. Sipas meje ne kete shkalle renditet.nese do te pranoja kete do te pranoja edhe poezi himn per Hitlerin..e tj.. e tj.

ps.per anen stilistikore hoqa dore.Sinqerisht te pakten tek kjo poezi nuk ia vlen.

per fh:nuk i kam pare asnjehere poezite(sidomos poezite) me syrin e atij qe mendon "si do ta  kisha shkruar une"Persa thua  ne lidhje me autorin dhe sovranitetin ne perzgjedhjen e mjeteve artistike..jam shume dakort me ty..ashtusikurse besoj se edhe ti je dakort me mua po te them se keto mjete mund te gjykohen nga lexues te çfardoshem apo jo.

 

 

 

 

 

 

 

 

mjete edhe mund te gjykohen nga lexues te çfardoshem ose jo.

 

 

 

 

 

 

 

"nuk i kam pare asnjehere poezite(sidomos poezite) me syrin e atij qe mendon "si do ta  kisha shkruar une""

Ashtu si ka poezi mediokre, ka edhe kritika mediokre. Te them te drejten, poezine mediokre nga poezia, rralle e dalloj, pervecse di te them se me pelqen, apo jo, dhe kur me pelqen, di te jap edhe arsyen pse, nderkohe qe kur nuk me pelqen, nuk di te jap arsye. Megjithate, di te them me njemije perqind, sa do dogmatike tingellofte kjo, se ne dac poeti medioker, ne dac kritiku medioker, fillojne nga pohimi qe kam cituar me larte. Nuk ka poet apo kritik medioker qe te mos mendoje se eshte me i vecanti, dhe se poezia mund te buroje vetem nga vetja, dhe jo nga tjetri. Pergjithesimet jetike nuk mund te nisin vetem nga vetja. Pse ca u be ketu? Diktatura e artit? Pergjithesimet jetike nisin jo vetem nga vetja, por edhe nga tjetri, pikerisht sepse jane pergjithesime jetike. Sa do te thuhet "per mendimin tim" nuk mund te thuash se pergjithesimet jetike te tjetrit jane te pavlera, pasi nuk do te ishte pergjithesim jetik, por perjashtim jetik.

Morali? Angazhimi? Qe kur poezia qenka e prere me thike qe duhet te jete e moralshme apo e angazhuar? Ku e shef ti se kjo poezi nuk eshte e moralshme? Ku e shef ti qe kjo poezi nuk eshte e angazhuar? Angazhimin ti e konsideron vetem me veten, apo edhe me "te tjeret", pasi po qe se eshte kjo e dyta, si shume kontradiktore po me duket te thuash njekohesisht se kjo poezie nuk eshte e angazhuar dhe se kjo poezi niset nga perspektiva e "te tjereve"? Me nje llaf, c'rendesi kane ato normat morale, te cilat jane gjithmone ne marredhenie me perspektiven e tjetrit, kur ti thua se poezia nuk duhet te nise tek "te tjeret"?

Si shume shkurt i bini kritikes, e as qe doni me ia dit per kontradiktat qe mbratni. Nese doni te merreni seriozisht me kritike, ju keshilloj te pyesni veten nje here, si do e kisha shkruar une kete? E nese mendoni qe as qe do e kishit shkruar, mbani parasysh qe kritikes suaj i mungon nje hallke themelore, kritika ndaj vetes.

E sa per prozaizmin qe eshte bere ne goje te kritikes si komunizmi ne goje te McCarthy, ku e gjeni dallimin mes prozes dhe poezise? Nuk mund te jete proza poetike apo poezia prozaike keshtu? Pak me lirshem me keto kufinjte te thana, ndryshe nuk do kishte kurre krijim.

per L. Kodra.Sipas meje ne te dy s'mund te flasim per letersi..e thene ndryshe...pune te mbare e me gaz plot.

Doje te thoshe se ti nuk mund te flasesh per letersi, pasi une e flas gjithe diten, e me kedo. Gjithashtu pune te mbare e me gaz plot.

Nuk mund te kete asnje lloj veprimtarie ne JETEN NJEREZORE nqs nuk nisesh nga te "tjeret" . I  gjith problemi i ketij tjetrit eshte se ne cilen fushe e sjell dhe si e interpeton .Jane fantazuesit e endrrave ne diell ata qe mendojne se uni i paster (ose une kam mendimin tim ) eshte burimi i vetem i frymezimit apo i krijimtarise . Gjeni qofte dhe nje rresht nga krijimtaria ose nga KRITIKET qe merren me LETERSINE ( dhe Skylptyren smiley qe nuk i referohet nje pike "Tjeter" per te thene ate famozin mendimin TIM  Te tilla teori te lindura nga Hici ,e vetem si kombinim fjalesh e jo mendimesh , mba,ne ere "falsitet intelektual" dhe mbi te gjitha askush nuk i ka perfaqesuar  kurre dhe ne asnje rresht per kritiken e Krijimtarive .Edhe sikur te pranosh per nje cast se teori te tilla na u shfaqen per here te PARE smiley me lehtesi do te vesh re se ato i drejtohen krijimtarise se Tjetrit, ne kete rast prurjes shume te thelle ne objektin krahasues (Krishtit) ne poezine e PF. Nje krahasim aq i thjeshte sa qe kush ka dy para tru ne koke e kupton qe behet fjale per nje ANTI-MORAL te nje shkalle te krahasueshme deri ne "shitjen e Krishtit"!!!!!! Dhe te kesh nje perfytyrim e guxim te tille artistik si ky krahasim mendoj se duhet te jesh dikush e dicka ne kete FUSHE qe quhet Krijimtaria Poetike!!!!Nejse mund te ...continue smiley

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).