Imagjinoni një Greqi pa emigrantë...

Imagjinoni një Greqi pa emigrantë! Imagjinoni sikur në muajt dhe vitet e ardhshme do të detyrohen emigrantët me shumë mënyra të largohen nga Greqia.

 

Çfarë do të ndodhte? Me dy fjalë Greqia do të ishte në prag të falimentimit social dhe ekonomik. Le të përpiqemi ta argumentojmë këtë gjë. Cilat shtresa të popullsisë dhe cilët sektorë të ekonomisë do të prekeshin drejtpërdrejt nga largimi i emigrantëve, të cilët do të detyroheshin të largoheshin?

 

Si dhe sa do të ishte papunësia dhe xhiroja e njësive tregtare, ndërtimit, turizmit, bujqësisë?

***

 

Problemi më i ashpër do të ishte fati i të moshuarve, të sëmurëve dhe invalidëve, për të cilët përkujdesen e i kurojnë ushtritë e grave nga vendet e Lindjes, të cilat kanë braktisur në vendet e tyre të afërmit, gjithashtu të pamundur. Shoqëria greke "bleu" përkujdesje dhe shërbime, të cilën nuk mundej ta ofronte nga shoqëritë e tjera. Ku do t‘i gjente tani infermieret e posaçme për spitalet dhe shtëpitë. Pleq dhe të sëmurë do të stivoseshin të mjerë, të pandihmuar e të braktisur në azile dhe spitale po aq të braktisura e të mjera. Godinat publike e private, ministritë dhe spitalet, aerodromet e trenat, zyrat dhe shtëpitë, pastrohen nga të huajt. Çfarë do të ndodhte sikur për magji të zhdukej edhe kjo kategori?

 

Jo vetëm niveli i pastërtisë, por edhe nivele të tjera të shëndetësisë do të mbyteshin e binin menjëherë. Do të duheshin vaksina të posaçme që ndokush të vizitonte Greqinë. Do të duhej që më parë të imunizohej nga të gjitha llojet e mikrobeve.

 

Prodhimi bujqësor, nga njëri cep i Greqisë deri në tjetrin, u mbështet në duart e emigrantëve, fillimisht të shqiptarëve, e tani, vitet e fundit në punën e emigrantëve kryesisht nga Pakistani e Bangladeshi. E imagjinoni çfarë çmimesh stratosferike do të kishin ato në ditën e nesërme të deportimit të detyruar të emigrantëve apo të largimit të tyre? Po qe se do të largoheshin emigrantët, do të bëhej edhe më defiçitar sistemi ekzistues po aq defiçitar i arkave të sigurimeve shoqërore, po aq problematik do të ishte ekuilibri ndërmjet punëtorëve aktivë të cilët me punën dhe detyrimet e tyre sigurative mbajnë e paguajnë pensionet e një pjese jo të vogël të shoqërisë. Sistemi i pensioneve në Greqi në një masë të madhe mbështetet në të ardhurat që fusin nëpër arka nga pagesat e sigurimeve të emigrantëve. Jetëgjatësia e këtij sistemi të sigurimeve shoqërore do të ishte shumë e dyshimtë. Vetë emigrantët në Greqi zor se do të përfitojnë ndonjëherë pensione për vitet e punës në emigrim.

 

Edhe të ardhurat nga taksat do të pakësoheshin ndjeshëm, pasi emigrantët janë shumë më korrektë në krahasim me vendasit për sa u përket pagesave të detyrimeve të tyre. Nuk ka nevojë për shumë fjalë që të mbështetet fakti se dita e nesërme e një Greqie pa emigrantë do të nënkuptonte gjithashtu një rënie të menjëhershme të të gjithë treguesve ekonomikë dhe se punësimi do të zvogëlohej edhe më shumë, pasi do të humbnin veprimtari të cilat mbështesin zinxhirin e ciklit ekonomik. Një largim i emigrantëve do të çonte në një krizë ekonomike, pasi emigrantët përbëjnë 30% të fuqisë blerëse në Greqi. Humbja e një fuqie të tillë blerëse dhe xhirimi të parave do të ishte katastrofike për Greqinë.

 

Por nuk është vetëm kjo. Largimi i emigrantëve do të çonte në falimentimin e mijëra ndërmarrjeve dhe sektorëve të tërë të ekonomisë greke, duke bërë që jo vetëm papunësia të rritej në mënyrë galopante, por edhe sigurimet shoqërore të falimentonin brenda vitit.

 

Një largim i emigrantëve do të sillte edhe një numër të jashtëzakonshëm banesash, të cilat do të boshatiseshin dhe do të ngeleshin të braktisura për vite të tëra. Nënkupton më pak të ardhura për individët, por edhe më pak të ardhura për shtetin, taksat bashkiake, dritat, ujin, etj., etj...

 

Sektori privat do të ishte në prag të falimentimit. Nuk do të kishte fuqi punëtore, por as edhe klientë. Shembulli më i qartë është ai i telefonive celulare, të cilat nuk pranojnë që mos t‘u japin numra personave të paidentifikuar e jo të ligjshëm, sikundër kërkon qeveria, pasi në këtë mënyrë do të humbnin si klientë qindra-mijëra emigrantë pa dokumente.

 

Po qe se do të largoheshin, do të merrnin me vete edhe fëmijët e tyre. Shkolla do të mbylleshin, mësues e pedagogë do të humbnin punën e tyre. Një Greqi pa emigrantë do të ishte një Greqi e plakur, pasi emigrantët janë një popullsi kryesisht e re, dinamike, vizionare...

 

Dhe shembuj të tillë mund të jepen pa fund...

***

 

Po qe se Greqia, politika dhe shoqëria greke e kupton se emigrantët përbëjnë tashmë një pjesë organike të shoqërisë dhe të historisë, do të thotë se duhet të vendosin t‘i integrojnë në një projekt kombëtar të shpëtimit të vendit nga kriza. Ç‘do të thotë kjo? Krijimin e një harte të të drejtave të emigrantëve, të cilën do ta respektojë edhe shteti, edhe pushteti lokal, edhe policia, edhe sipërmarrjet. Në nivelin ku emigrantët mbahen në një gjendje gjysmë-ilegaliteti, ngrihet rreth tyre një rrjet i paraekonomisë së vërtetë, korrupsionit e burokracisë, e cila e çon mbrapa shoqërinë greke dhe vë në rrezik fitoret e shtetit të së drejtës, të shtetit social dhe të kulturës.

 

Çështja e emigrantëve nuk i përket vetëm një pjese të popullsisë greke, u përket të gjithëve. Nga viti 1990 e këtej, historia greke ka një njollë të errët, poshtë së cilës gjendet problemi i emigracionit. Raste emergjente, sikundër është kriza e tanishme ekonomike ose do të zmadhojnë njollën e errët dhe, pas pak vjetësh Greqia do të ketë turp për këtë situatë, ose do të detyrojë Greqinë që ta pastrojmë njëherë e mirë. Shpesh herë shtrohet pyetja për kufijtë e jashtëm të politikës së emigracionit në mënyrë fobike. Çfarë do të ndodhë me emigracionin? Do të vazhdojë me ritme kaq të mëdha vala e emigrantëve nga vendet e varfra në ato të pasura? Si do të duhej që të reagonin shoqëritë tona? Por emigracioni nuk është një valë e verbër. Po qe se papunësia do të përgjithësohet në vendet e pasura, kjo valë do të përmbahet. Por po qe se ndiqen emigrantët nga vendet e pasura dhe ndërpriten ndihmat financiare të tyre në vendet e varfra, atëherë katastrofa e atyre vendeve do të krijojë valë e dallgë të mëdha refugjatësh të dëshpëruar, të cilët vështirë se do të përmbahen. Ndryshimi i krizës së sotme ekonomike me të mëparshmet gjendet në faktin se globalizmi nuk mundet të anulohet. Çdo shoqëri tashmë është e lidhur në një sistem nga ku, ajo çfarë mendon se ke fituar nga njëra anë, e ke humbur nga ana tjetër.

 

Dhe diçka tjetër. Nuk është një e drejtë themelore e demokracive liberale dhe parlamentare ajo që kushdo që paguan taksat duhet të ketë të drejtën të votojë për të ndikuar në mënyrën me të cilën përdoren paratë e tij? Vlerë e vjetër dhe e kuptueshme. Ndaj nuk do të ishte normale që çdo emigrant që merr dokumentin e legalizimit dhe numrin personal të pagesës së taksave, të merrte në të njëjtën kohë edhe librin e zgjedhjeve, e thënë shqip, të drejtën e votës?...

16 Komente

Në vënd të fjalës Greqi mund të vendosej cilido emër i vëndeve perëndimore,të cilat vala e emigrimit i ka përshkuar këto vitet e fundit, e në sejcilin prej tyre do të ishte njëlloj e vlefshme kjo analizë.

Mund ta ktheni pyetjen ndryshe

Imagjinoni nje Shqiperi pa shqiptare jashte shtetit?

Pergjigjet do te ishin njesoj

Autori i Shqip ka haruar se Greket ashtu si dhe shqiptaret ashtu si tere vendet perendimore, ashtu si tere emigrantet nga vendet lindore, apo te afrikes,   JANE NJEREZ dhe njeriu adoptohet kollaj me kushtet  e jeteses. Greket gjeten ( e perseris "gjeten" nuk i moren me zor emigrantet ne Greqi ishin dhe jane emigrantet qe shkuan ne greqi)  dhe bejne kete jete qe po bejne. Sikur te mos kishin emigrante do te benin ashtu sic benin 50 vjet me pare do te punon vete tokat e tyre kullosnin vete bagetin e e tyre  e punonin vete fabrikat e tyre Per pelqete do te kujdeseshin te rinjte si 60 vjet me pare.

Po keshtu edhe per emigrantet qe shkojne ne Greqi Po te mos kishin mundesi te shkonin ne Greqi do te punon vete ne vendin e tyre pasi do tju duhej te hanin e visheshin.

Ndue nga Malsia e Madhe nuk do te shkonte te kulloste bagetine e grekut por kulloste dhente e tij atje  ne Malsi. Filipi nga Fieri nuk do te punte ne fabrikat greke por ne punishtet shqiptare si 70 vjet me pare, Arjoni nga Tirona nuk do te ishte kamarjer ne ishujt greke por kishte kiosken e tij ne Tiron,  dhe Andrea nga Bilishti nuk do te punte tokat e grekut por te tijat atje ne Devoll

Emigracioni ka fitime dy paleshe ndaj te mos kujtojme se katastrofa do te ishte vetem e grekeut sikur te mos kishte emigrante se do te ishte edhe e emigranteve sikur te mos ishte greqia.

Nuk eshte kjo menyra per te luftuar greqien ( si patriote apo komebtar brrrrr)  se kesaj i thone nxirja syte komshiut packa se une vete mbetem pa sy.

Dhe e perseris Ishin emigrante qe shkuan ne greqi nuk ishin greket qe moren me force emigrantet. Keshtu nese do te besh politke kombetare apo pro emigranteve ajo duhet bere me argumenta qe qendrojne, jo keshut kot ne ere bej nganje artikull se e kemi me norme

 

 

Toko, po pse ore, meqë gjeti greku, italiani apo amerikani se kush t'ja u bëjë punët, atëhere duhet edhe t'ju vërë këmbën në fyt?

Nëse emigrantët, për të gjitha ato arsye që rrjeshton autori në artikull, kontribojnë në ekonominë vëndase, atëherë me të drejtë autori shtron pyetjen: Përderisa kemi detyrime (pagimet e taksave dhe të qënit në rregull me ligjin), atëhere përse të mos kemi dhe të drejta?

Toko, deri diku je shume ne rregull por ne krahasim me flamurin qe komenton
te pakten greqia eshte si nata me diten. Nuk besoj se e verteta eshte ashtu sic thua, qe nuk na ftoj greku. Greku na ftoj me menyren e tij se ashtu i interesonte dhe vetem ne ate menyre do ti kryhej puna duke na mbajtur te krrusur e te mbyllur deri ne ditet e sotme. Te punonim si urithat ne buqesi e me tej, te ishin te pa identifikuar dhe nen presionin policor, na zen sot apo na zen neser, nuk figuronim kurrkund dhe nuk kishim te drejten te aplikonim per dokumenta! Na shtrydhi si limoni, na u soll si mos me keq, na detyroj te pagezoheshim ortodoks dhe te nderronim emerin per nje cop leter qe ne fund te fundit nuk kishte vler. Greqia i detyroj shqiptaret te gjenin menyra nga me te ndryshmet qe te paiseshin me dokumenta, saqe tani patriotet tane po mbeten si peshku pa uje se ndryshe quheshin ne shqiperi dhe ndryshe ne greqi,me verifikimin qe po bejne prefekturat dokumentacionit ka filluar te (djegi) refuzoj shume dokumenta te cilat jane ne munges..
 
 

pse s'i ka detyru greku rumunet, bullgaret, pakistanezet, nigerianet etj me "u bo ortodoks me ndrru emrin" etj. mjaft na bot si gjynafaqare. emigrantet jon thjesht skllever modern. ne lashtesi u shitshin ne pazar, tashi eshte zhvillu tregu, se e pagujn vet rrugen...

Autorisu, mos i mer kaq lehte gjerat se thjeshte tani ose me mire sot pjesa me e madhe e emigranteve ne greqi e kan kaluar lumin,  tashme ata ecin me zotesin e tyre bejne cudira dhe pse ty edhe shume te tjereve mund tu duket e cuditeshme. Te bazuar ne vete forcat e tyre se askush nuk j'u doli  per krah, perkundazi e rropen per se gjalli si shteti shqiptare ashtu dhe ai grek.
C'do kush i shikon gjerat nga nje tjeter kendveshtrim dhe i gjykon sipas konceptit te tij por njekohesishte anashkalon dhe realitetin se s'mund ta kete  jetuar ate. Pra tjeter te lexosh e te imagjinosh dhe tjeter ta jetosh dhe ta ndiesh ne shpirte..  smiley

ca je tu thon me lale?! pytja ime qe e qarte fare.

Po pse mer njerez si ja ka pas bo kjo Greqia e shkrete para viteve 90-te? Perkundrazi ajo gjate gjithe ketyre viteve (92-2009) ka sakrifikuar per te kthyer ne njerez normal ata qe i erdhen pa ftuar. Mosmirnjohja eshte tipar karakteristik i te gjithe te lindurve ne regjimet diktatoriale, ndoshta ngaqe u linden dhe u riten pa ndjesite fetare. 

Berber, te lutem mos na ngaterro me Dullen dhe mos na akuzo per mos mirnjohje se eshte fjale e rend.  Ate qe e kam hequr ne lekur dhe e kemi vuajtur si une dhe me qindra bashkeatedhetar si une nuk mundet qe dikush  ta arsyetoj keshtu lehte filozofikishte. Nuk na ka fale greku asnje grosh kete vetem duhet te kuptosh! smiley

 

imagjinoni i Greqi pa emigrante...

gjeja me e thjeshte. robt do jetojne jeten ne nje greqi me vendas.. pa propagande globaliste qe t'i caje veshet 24/365, pa konflikte sociale me rob pa lidhje

 Gjerat jane te nderlidhura me njera-tjetren, dhe kuptohet qe dhe ne kemi nevoje te punojme ne vende te pasura dhe vendet e pasura kane nevoje per krah pune. Pasojat dihen, nese s'do te kishte emigrante apo te ktheheshin te gjithe. Prandaj dhe vendet e pasura e mbajne te kontrrolluar kete levizje. Prandaj jane gjith ato kontrrolle, organizma, ligje, dipllomate, qe merren me kete çeshtje. 

Per Greqine, dihet qe eshte vend me probleme, probleme te akumuluara me vite, qysh pas luftes se dyte boterore, dhe keshilla me e mire per emigrantet atje eshte qe pasi te punojne disa vjet atje, te kthehen ne Shqiperi te hapin ndonje biznes te vogel ose te hidhen ne Europe. 

I gjithe artikulli bazohet ne disa supozime (premisa) false.

E para, se punet qe bejne emigrantet, greket nuk mund t'i bejne. Kjo s'eshte e vertete. Ato pune nuk duan kualifikime te papara... Ajo qe bene emigrantet eshte thjesht rriten kerkesen per pune te tilla. Jo se greket nuk i bejne ato pune, por nuk i bejne me ate lloj page. Pse kush ua ka bere ato pune perpara se te vinin emigrantet?

Se dyti, autori le si ne hije argumentat ekonomike. Ai harron te permende se per te njejten pune qe ben ne Greqi, nje emigrant paguhet mesatarisht 10 here me pak ne vendin e tij. Po ashtu, harron faktin se ne se njerezit nuk do te leviznin ne vendet me te zhvilluara, ekonomia e vendit te origjines do shkonte me keq, per shkak te mungeses se prurjeve  te emigranteve dhe nga nivelet e larta te papunesise. Ne nje fare menyre emigrimi ishte si nje valvul shfryrese qe i jep mundesi ekonomive te pazhvilluara te mekemben. Nga ana tjeter, konkurrimi i emigranteve me vendasit ne tregun e punes ka dy pasoja, e para ndihmon ekonomine e vendit prites duke mbajtur koston e prodhimit te ulet; e dyta, krijon me shume probleme sociale ne vendin prites, si rritje e papunesise, kriminalitetit, apo dhe kosto te tjera te asimilimit te emigranteve ne shoqeri.

Se fundi, ky artikull eshte ne vazhden e atyre "qurravitjeve" nacionaliste. "Shih, sa na detyrohet neve Greqia, ne e ndertuam Greqine" -- Oh, please! Pse nuk bejme vendin tone atehere? Eshte interes ekonomik i dyanshem, bile po ta mendosh thelle, me shume perfitojne keto vendet e origjines se emigranteve...

 

e ku e ka "qurravitjen nacionaliste" ky artikulli? ky eshte komplet qurravitje globaliste "amon mos perzeni emigrantet keta fenere ndricues te botes dhe qe mbajne me pare vendin e origjines"

po te ishte qurravitje nacionaliste do thoshte "t'i organizojme emigrantet ne koloni nga igumenica ne preveze e ne arte dhe t'i mbeshtesim me buxhet nga shteti te ndam per pune territori dhe ekonomie", sic bo serbi ne mitrovice te veriut.

Llogjika eshte e thjeshte:

 Keta njerez qe vuajne kaq shume ne Greqi kane vajtur atje me deshiren e tyre dhe ne qofte se kushtet jane kaq te keqia ( qe une nuk i ve ne dyshim qe jam se i kam pare dhe jetuar vete) atehere perse rin atje dhe nuk kthehen ne atdhe?

Sepse kushte ne atdhe jane akoma me te keqia

Atehere pyetja lind.

Perse ky Ardi Stefa nuk i shkul dhembet qeverise dhe politikes shqiptare qe i ka kushtet per shqiptaret me kete keqia se greqia por i kerkon hesap greqise qe  nuk i ka azgje keta njerez dhe qe ne fund te fundit i trajton me mire se vete vendi i tyre Shqiperia?

Sepse eshte nje kopjac i keq i te "jashtemeve" Meqense disa "te jashtem" flasin per te drejtat e emigranteve hajde te thote edhe Stefa ndonje fjale te behet si ata "te jashtmit" . Haron i ziu se ata te jashtmit i kane punet ne terezi dhe flaisn per sport ndersa shqipot e kane barkun bosh dhe dun buke jo llafet e Stefes

toko thote :

"Haron i ziu se ata te jashtmit i kane punet ne terezi dhe flaisn per sport ndersa shqipot e kane barkun bosh dhe dun buke jo llafet e Stefes"

thene shume bukur!

 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).