Intervista e KM për Zërin e Amerikës

"Për mua dhe qeverinë time, këto zgjedhje të lira dhe të ndershme janë më kryesoret, objektivi më madhor dhe i kërkova Sekretares, që ShBA të dërgojnë numrin më të madh të mundshëm të vëzhguesve, se këtë kërkesë ia kam bërë kujtdo... Ku buron ky optimizëm i imi për një proces zgjedhor të lirë dhe të ndershëm? ... Së pari, në zgjedhjet e 2007-ës, të gjitha raportet kanë qenë, kanë faktuar, që qeveria nuk ka ndërhyrë. Kjo ishte një gjë jashtëzakonisht e rëndësishme për qeverinë dhe për kryeministrin e qeverisë. Në raport është bërë fjalë për çështje teknike, serioze, por teknike. Atëherë cila është situata sot nga 2007? Diametralisht e kundërt..."

 

Zëri i Amerikës: Zoti Kryeministër, sot ju po përfundoni vizitën këtu në Uashington, ku morët pjesë në Mëngjesin e Lutjeve dhe tani sapo keni dalë nga një takim me Sekretaren e Shtetit Hillari Klinton. Me çfarë mesazhi po ktheheni në Shqipëri?


[insert caption here]

Kryeministër Sali Berisha:

Po, është e vërtetë që sapo dola nga një takim, që do ta quaja të shkëlqyer, shumë të ngrohtë dhe miqësor, me një mirëkuptim të plotë mbi të gjitha çështjet që u diskutuan. Mesazhi është që, me administratën e Presidentit Obama, marrëdhëniet me Shqipërinë do të jenë të shkëlqyera dhe do të njohim zhvillime dhe dimensione të reja. Unë mund të them, se në të gjithë takimin me Sekretaren e Shtetit u diskutua për Shqipërinë, si për një vend për të cilin njohuritë ishin shumë të mëdha dhe si për një vend, për të cilin, ndjenjat ishin më miqësore, pra të krijohej përshtypja se je në vazhdim të një takimi të mëparshëm. Ky është mesazhi që edhe unë ia shpreha Sekretares Klinton, se ishte një nder shumë i veçantë, që isha kryeministri i parë që e takoja, sikundër e sigurova, se asnjë komb tjetër nuk është gëzuar më shumë se kombi shqiptar, për emërimin e saj në atë detyrë.

Zëri i Amerikës: Shqipëria sot ndodhet përpara disa momenteve madhore. E kam fjalën, pas disa muajsh Shqipëria pritet të anëtarësohet në Nato, vendi ndërkohë ndodhet përpara zgjedhjeve, që janë vlerësuar si jetike këtë herë. Po ashtu, është një moment tjetër që u diskutua edhe sot me sekretaren Klinton, çështja e ligjit aq të debatueshëm kohët e fundit të pastërtisë së figurave.

Kryeministër Sali Berisha: Është e vërtetë kjo, por në takim, në të cilin sekretarja shprehu vlerësimin më të lartë për ecurinë dhe suksesin e reformave, u trajtua problemi i zgjedhjeve. E garantova se për mua është një mision. Njeriu ka detyra në punën e tij, por ndonjë prej tyre është madhore dhe është mision. Për mua dhe qeverinë time, këto zgjedhje të lira dhe të ndershme janë më kryesoret, objektivi më madhor dhe i kërkova Sekretares, që Shtetet e Bashkuara të dërgojnë numrin më të madh të mundshëm të vëzhguesve, se këtë kërkesë ia kam bërë kujtdo, edhe vendeve të tjera. Ku buron ky optimizëm i imi për një proces zgjedhor të lirë dhe të ndershëm? Po këtë ekspoze i bëra edhe sekretares. Së pari, në zgjedhjet e 2007-ës, të gjitha raportet kanë qenë, kanë faktuar, që qeveria nuk ka ndërhyrë. Kjo ishte një gjë jashtëzakonisht e rëndësishme për qeverinë dhe për kryeministrin e qeverisë. Në raport është bërë fjalë për çështje teknike, serioze, por teknike. Atëherë cila është situata sot nga 2007? Diametralisht e kundërt. Janë dixhitalizuar 14 mijë regjistra, pra është kompletuar tërësisht dixhitalizimi i regjistrit civil. Së dyti, ekzistojnë lista të plota dixhitale të votuesve. Së treti, janë pastruar të gjitha dublimet. Katër, është vendosur sistemi i ri i adresave, që po shkon drejt përfundimit. Pesë, qytetarët shqiptarë po pajisen me dokumente identifikimi më të kohës. Pra, një infrastrukturë të tillë moderne, që Shqipëria s'e ka patur kurrë më parë. Tjetër, konsensualisht, vendosëm për kodin e ri zgjedhor dhe po kaq në mënyrë konsensuale, zgjodhëm komisionin elektoral. Pra unë jam i bindur, se Shqipëria dhe politika shqiptare do të nderojë në radhë të parë qytetarët e vet, që ata të votojnë si qytetarë të një shoqërie të lirë, por edhe miqtë e tyre kudo në botë.

Zëri i Amerikës: Një ndër çështjet ishte edhe ligji i pastërtisë së figurave. A ju shqetëson ju fakti se Sekretarja e Shtetit e ngre këtë çështje në takimin me ju?

Kryeministër Sali Berisha: Jo, ligje për pastërtinë e figurave janë ngritur kudo. Vetëm një gjë mund t'ju siguroj juve dhe shqiptarët, se Sekretarja e Shtetit kishte një vetedije të plotë për krimet e tmerrshme të kryera në Shqipëri nga regjimi totalitar, krime kundër njerëzimit. Ajo e njihte shumë mirë këtë problematikë. Unë e sigurova dhe u ndamë me mirëkuptim të plotë me njëri-tjetrin, që ky ligj nuk përdoret për të bërë gjahun e kundërshtarëve dhe ne e kemi faktuar këtë me amendimet që i bëmë me kërkesën e opozitës. E dyta, gjithçka do të zhvillohet në përputhje me rregullat e shtetit ligjor dhe në këtë pikë kishte mirëkuptim të plotë. Pra, çështjen nuk e shtron kush përse Shqipëria (të ketë një ligj të till&eumlsmiley, sepse çështja është më e thellë. Regjimi në Shqipëri ka kryer krimet më të mëdha kundër njerëzimit, se në çdo vend tjetër ish komunist dhe në një mënyrë duhet ndarë me to, problemi është t’u përmbahesh të gjitha rregullave të shtetit ligjor.

Zëri i Amerikës: Zoti Kryeministër, ju erdhët në pushtet në emër të luftës kundër korrupsionit dhe bëtë premtime të mëdha në atë kohë. Ndërsa mandatit tuaj të parë po i afrohet fundi, a jeni në gjendje të shkoni para elektoratit dhe të thoni: Po, unë Sali Berisha i mbajta premtimet që ju bëra për luftën kundër korrupsionit?

Kryeministër Sali Berisha: Absolutisht po dhe me faktet më të pamohueshme. Cilat janë? Le të më gjejë kush një qeveri tjetër që në 3 vjet të ketë vjelë, në proporcion, 3.2 miliard dollarë nga taksat dhe tatimet, që të ketë shkurtuar nga 3% me 2% të prodhimit të brendshëm shpenzimet e administratës, që të ketë kursyer mbi 500 milion euro në prokurime, në 3 vjet, pra pa llogaritur këtë vit. Janë rreth 4 miliard dollarë më shumë se ç’ishin në 3 vjet më parë. E dyta. Ka një organizatë që vlerëson korrupsionin. Çfarë thotë Transparency International? Qeveria e Sali Berishës ishte kampione në reformat e saj kundër korrupsionit dhe se këto reforma, Shqipërinë, nga 24 vendet më të korrupuara të planetit, e bënë që të lerë mbrapa 95 vende, të verësohet si më e mira në rajon, si ndër 10 vendet më të suksesshme për luftën kundër tij vitin që kaloi. A ka korrupsion? Sërish ka korrupsion. Por a ka një betejë në vazhdim kundër korrupsionit? Absolutisht po. Duke filluar nga janari i këtij viti, Shqipëria bëhet i vetmi vend në planet që ndalon të gjitha format e tjera të prokurimit, përveç prokurimit elektronik. Edhe të tjerë bëjnë prokurime elektronike, por i aplikojnë vetëm pjesërisht, kurse ne plotësisht. A ka avancime të tjera? Kemi hequr dy të tretat e liçencave dhe lejeve si çerdhe korrupsioni. Ato që kanë mbetur me USAID-in po i grupojmë në një One-Stop-Shop. Pra, kjo është një betejë e vazhdueshme. Janë penalizuar mbi 160 zyrtarë të të gjitha niveleve, ç'ka do të thotë se edhe ligji po bëhet për ata që preken nga korrupsioni.

Zëri i Amerikës: Megjithatë, si politikan, ju jeni i vetëdijshëm për çështjen e imazhit. Imazhi i Shqipërisë është ende ai i një vendi me korrupsion të përhapur. Qeveria juja ka dy ministra, njeri i dorëhequr, tjetri nën hetime, me raste madhore, siç është çështja e Gërdecit dhe përshtypja është që qeveria nuk po ndihmon sa duhet për zbardhjen e tyre.

Kryeministër Sali Berisha: Ju jeni gazetar. Në qoftë se bëjmë një kontroll në të gjithë historinë e drejtësisë botërore, që nga koha romake e deri sot, nuk gjen një rast të vetëm, me përjashtim të këtij që ndodhi në Shqipëri, që të gjykohen aktet kolektive. Në qoftë se shkohet në një absurd të tillë, ku çdo gjë tjetër veç parimit, ka mundësi, atëhere kjo është çështje jo e qeverisë. Për rastin e rrugës, çdo akt, çdo vendim është absolutisht kolektiv. Pra, çdo qëndrim tjetër është në thyerje të parimeve më themelore të të gjitha kohërave. Megjithatë, pavarësisht nga kjo, është kjo shumicë që i ka hequr imunitetin ministrit, në përputhje me zotimin e saj të plotë, se çdo kërkesë e Prokurorisë për heqje imuniteti, do të gjejë miratimin e saj. Së dyti, për Gërdecin, ka një vit që botohen me qindra e qindra artikuj, nuk kanë qenë në gjendje të faktojnë as edhe me elementin më të vogël të implikimit për korrupsion të zotit (Fatmir) Mediu. Kam qenë i pari, e kam shtyrë dhe kam bërë çdo përpjekje që Prokuroria ta hetojë në mënyrën më të gjithanshme. I kam thënë zotit Fatmir Mediu, që në qoftë se ka një njeri në botë, që ka nevojë të hetohet, je ti. Dhe ka dhënë dorëheqjen. I kemi hequr imunitetin. Por ata që paraqitën kërkesën për imunitet, në mënyrë tërësisht sikundër s’duhet të ishte, se ky ka anashkaluar ushtrinë, në një kohë kur janë mbi 30 dokumente, ku secili prej tyre ka jo më pak se 4 deri në 6 firma ushtarakësh, ata fyejnë kombin e tyre, fyejnë parimet me të cilat drejtojnë, sepse në një vend të lirë, në një shoqëri të lirë, mund të bësh politikë me këtë mënyrë, por nuk bën dot kurrë drejtësi. Por çfarë ishte çështja? A ishte ushtarake, apo jo? Aq sa është predha ushtarake, aq sa është baroti ushtarak, aq sa është depoja ushtarake, të gjitha këto ishin ushtarake. Pra, u përzgjodh një linjë, e cila vetëm përgjegjësinë nuk e nxjerr. Megjithatë, në qoftë se kemi reaguar, kemi reaguar se ajo ishte një fyerje, ishte një papërgjegjshmëri ekstreme, që mund të bëhej. Të gjithë ishim dakord të hetohej. Por, të spostosh të tjerët, do të thotë të devijosh nxjerrjen e përgjegjësive. Përse? Vetëm e vetëm, se në hierarkinë e tyre, dikush, diku, duhej të dilte krejtësisht i paprekur. Kjo është jashtëzakonisht e dëmshme për hetimin.

Zëri i Amerikës: Zoti Berisha, marrëdhëniet tuaja me shtypin, me drejtësinë. A është Sali Beridha siç kritikohet në shtyp, që kërkon t’i vejë nën kontroll shtypin dhe drejtësinë?

Kryeministër Sali Berisha: Marrëdhëniet janë të shkëlqqyera. Kjo qeveri i ka krijuar hapësirën më të madhe drejtësisë. Sa zyrtarë të kësaj qeveria janë penalizuar? Sa janë burgosur? Ndonëse flihet mbi dosje të mëdha korrupsioni të qeverisë së mëparshme, dhe janë jo më pak se 400, është kjo qeveri e cila e falenderon drejtësinë, se gjykon dhe se la mënjanë padënueshmërinë, e cila rrënon më shumë se gjithshka tjetër, moralin e një shoqërie. Unë u kam thënë disa herë, publikisht dhe privatisht bashkëpunëtorëve të mi se e keqja e madhe e vendit do të ishte ishte po të mos dënonin. Ata dënojnë në mënyrë asimetrike, dhe natyrisht pushteti duhet mbajtur më përgjegjës. Pra, nuk ka në mënyrë absolute ndërhyrjeje. Cili proces është bllokuar nga kjo qeveri? E kundërta është e vërtetë. Shumica e këtyre proceseve kanë në origjinë dosje të dërguara nga kjo qeveri. Së dyti, mediat. Më thoni, a dini ndonjë vend tjetër, ku administrata të ketë ndaluar padinë civile, apo penale ndaj gazetarëve? Çfarëdo që ata të shkruajnë, çfarëdo që ata të botojnë që administrata të ketë ndaluar, t’u kërkojë burimin e informacionit mediave? Ky është standardi që solli qeveria ime ndaj mediave dhe ky standard ka patur një efekt jashtëzakonisht pozitiv në shoqëri. Në qoftë se përpara administrata kishte qindra procese ndaj gazetarëve, në qoftë se përpara kontrollonte mediat në tërësi, sot, shihe kryetarin e opozitës; është mizor në kontrollin e tre mediave. Njerës i jep hyrjen e Tiranës, tjetrës i thotë se do të jesh në krye të listës së deputetëve, do të bëhesh ministre etj,. Pra i kontrollon në mënyrë barbare. U çon qindra mesazhe në ditë. Pyeti kolegët e tu gazetarë se sa vuajnë nga kjo. Pyeti, a kanë marrë ndonjë nga qeveria apo zyra. Absolutisht as kanë marrë, dhe as do të marrin. Pra ka procese? As edhe një. Çfarë ndodhi? Edhe qytetarët nuk i padisin më. Dhe më bëhet shumë qejfi. Se nuk është rrugëzgjidhje, sado që edhe gazetarët gabojnë kur shpifin, gabojnë kur thonë gjëra të paqëna, por e vërteta është se gjyqet ndaj tyre nuk janë rrugëzgjidhje.

Zëri i Amerikës: Zoti Berisha edhe një pyetje të fundit. Në gati 2 dekadat e fundit ju jeni marrë intensivisht me politikë dhe është e vështirë të gjesh një zhvillim politik në Shqipëri që nuk mban vulën tuaj, ose emrin tuaj direkt, ose indirekt. Nëse do të flasim sot për trashëgiminë tuaj më të madhe, cila do të ishte ajo? Do të ishte anëtarisimi i Shqipërisë në NATO, rruga Durrës-Kukës, apo diçka tjetër?

Kryeministër Sali Berisha: Unë besoj se kjo është një pyetje që po i bëhet një njeriu, i cili kurrë nuk mendon për historinë, por vetëm për njerëzit dhe për jetën e tyre të përditëshme. Megjithatë, nuk mund të them se pas 20 vjetësh, po të kthesh kokën prapa, nuk sheh që është një Shqipëri 20 herë më e ndryshme. Kjo është e vërteta, pavarësisht nga vështirësitë që ka. Unë besoj se jam përpjekur me të gjitha forcat që të jem serioz me reformat. Këto kanë bërë që Shqipëria të ketë shpresë në ekonominë e saj. Unë besoj se reformat bënë që integrimi të ecë. Kjo është e vërtetë. Mund të them, se pa mbështetjen e Shteteve të Bashkuara nuk do ta merrnim anëtarësinë në NATO, por edhe pa reformat tona dhe pa suksesin e tyre, nuk do ta merrnim anëtarësimin. Unë jam dëshmitar i shumë e shumë takimeve këto tre vjet, i një skepticizmi që ekzistonte qysh në fillim. Pra, edhe procesi i integrimit është një gjë që… nuk mund të them se është trashëgimi e imja por është përpjekje e përbashkët dhe unë kam luajtur atë rol që më ka takuar të luaj. Përndryshe, edhe një herë e theksoj, se historia është e shkuar, e ardhmja është pasioni im. //ii



06-02-2009

44 Komente

Hajdutet ne  pension, betohen se nuk do te vjedhin me.   U betua qeni te zotit te shtepise se nuk do hante me mut.   Kaluan pak dite dhe i zoti i tij e pa qein duke ngrene si perhere ate qe ishte mesuar te hante.  Iu drejtua dhe i tha:   Po  ti u betove se nuk do haje me mut!  Si arrite ti qe te shkelesh kete betim te shenjte?   Gjithe mirsjellje dhe me qetesi, qeni   ja ktheu:  Me vjen keq o  Zotni, por une i mbaj betimet dhe qe ate dite qe bera betimin nuk kam ngrene me mut te thate se per ate u betova e jo per te njomin qe sheh zotrote......

Të gjithë ishim dakord të hetohej. Por, të spostosh të tjerët, do të thotë të devijosh nxjerrjen e përgjegjësive. Përse? Vetëm e vetëm, se në hierarkinë e tyre, dikush, diku, duhej të dilte krejtësisht i paprekur. Kjo është jashtëzakonisht e dëmshme për hetimin.

E thene keshtu taze sapo ka mbaruar ato takimet qe ka bere bashke me Mediun duket si kercenim i hapur qe do flasesh me shume smiley

Duket ajo fjala e urte popullore : Miku i mire ne dite te keqija nuk vle me.

Po nuk na the kush eshte ai dikush, diku qe  duhet te dale i pa prekur ! smiley

 

Aludon per Topin se ai eshte Komandant i Pergjithshem i FA.

Me nje gur do te vrase dy zogj (ose me shume) edhe akuzon Topin edhe Prokuroren e Pergjithshme me qe e vuri Topi.

Jo jo,

nuk ka lidhje fare me Topin.  Topi eshte instrumenti i zgjidhjes.

Intervista eshte bere pa u kthyer nga Amerika. E ka me ata qe e kane lene ne balte.

Ka dy momente kjo histori e thene keshtu thjeshte : e para qe kerkon te implikoje Ushtrine dhe jo emra te pervecem. Shiko cer gabimi skandaloz ka bere kur ka thene :

Por ata që paraqitën kërkesën për imunitet, në mënyrë tërësisht sikundër s’duhet të ishte, se ky ka anashkaluar ushtrinë, në një kohë kur janë mbi 30 dokumente,...

Dhe pjesa e dyte lidhet me presionin e hapur qe ben mbi ata qe dine te verteten e madhe dhe te plote te Gerdecit se do i terheqe me vete . I mbyturi te mbyt.

Fajin e ka vete thjesht qe ra peng i Sabri Godos dhe vazhdimit te simbiozes me instrumentin e grekeve.

Mediat jane duke e cuar vemendjen ne vend te gabuar , nderkohe qe ai eshte shume , shume i qarte ne ate qe thote. Nuk ka kohe te luaje ne minuten e fundit ndaj kerkon te paralajmeroje se cfare kerkon.

Kur te kthehet ketu brenda javes do beje minimumi 2 takime ne popull , do gjeje perseri shkodrane dhe Jozefine qe t`i demostroje atij , dikujt  qe eshte i mbeshtetur ne popull dhe antikomunist i vendosur dhe se eshte e veshtire per ta injoruar si faktor.

Beteje e humbur qe sa e mendon. Eshte duke luajtur me fatin e tij personal.

Kush ben beteje me institucionet kushtetuese eshte i mbaruar.

citim i Sali Berishes:

Cili proces është bllokuar nga kjo qeveri?

 

Procesi kunder Fazllic!!!!!!!!!! Dhe ne menyre flagrante madje. Shqiperia eshte vendi i vetem ne Europe, ku Kryeministri del ne konference shtypi dhe i kerkon Prokurorise se Pergjithshme, qe te leje rehat mikun e tij, i cili nderkohe ne kundershtim me urdhrin e prokurorise per tu arrestuar, shoqerohet nga funksionare te larte te Policise se Shtetit deri tek avioni.

Berisha ne interviste me VOA, thote:

Se pari,... Janë dixhitalizuar 14 mijë regjistra, pra është kompletuar tërësisht dixhitalizimi i regjistrit civil. Së dyti, ekzistojnë lista të plota dixhitale të votuesve. Së treti, janë pastruar të gjitha dublimet. Katër, është vendosur sistemi i ri i adresave, që po shkon drejt përfundimit. Pesë, qytetarët shqiptarë po pajisen me dokumente identifikimi më të kohës. Pra, një infrastrukturë të tillë moderne, që Shqipëria s'e ka patur kurrë më parë.

Faktet flasin tjeter gje:

Dublimet në rregjistra,pengesë për paisjen me kartat e identitetit

Tërhequr më 21 Janar 2009
 

Dublimet e emrave në rregjistrin kombëtar, janë bërë pengesë për aplikimin e kartave të identitetit. Zyrat e gjendeve civile, po përballen me një tjetër problem të këtij procesi, pasi shumë qytetarëve u refuzohet aplikimi pikërisht për këtë fakt. Kryetarja e njësisë bashkiake numër një në Tiranë,Lindita Nikolla, shprehet se vetëm në zyrën e saj kthehen në ditë rreth 20 familje për shkak të dublimeve. Kreu i njësisë bashkiake numër një shpreh gjithashtu shqetësimin, se në sistemin elektronik të të dhënave, ka mjaft gabime dhe pasaktësi, në emërtimin e fshatrave, qyteteve etj. Nikolla thotë se edhe për këtë problem Ministria e Brendshme nuk ka dërguar ndonjë udhëzim sesi do të procedohet. Zyrat e pajisjes së qytetarëve me karta identiteti vijojnë ndërkaq të punojnë me aplikimet. Ajo që të bie në sy ëhstë ngarkesa e madhe e punës dhe rradhët e gjata pranë tyre. Edhe pse këto zyra punojnë 12 orë në ditë, e kanë të pamundur të shmangin fluksin e madh të njerëzve.

 

 

Gazeta Albania ,Koha Jone ,etj shkruajne se problemi i dublimeve te emrave eshte shume i madh ,eshte rreth 144 mije vete ,Me shume se 2000 dublime ekzistojne  ne listat e zyrave te gjendjes civile  te
rrethit Fier
...Vertete ka hyre dixhitalizimi ,por deri tani ka shume probleme ,dhe pasaktesira ,sa zor se mund te zgjidhen perpara zgjedhjeve .

Esigurte kjo qe qe jo te gjithe shqiptaret do te hyjne me karta te plota te identitetit ,ne zgjedhje ,bile do te kete nje deshtim te turpshem ,te premtimeve te Berishes..edhe ne kete ceshtje.

Le qe kane filluar ne mase ,gabimet ne shkrime te kartave ,si pasoje e njorances se atyre qe meren direkt ,me pune vullnetare ,ose goditje perqendrimi te realizimit te detyres qe ka dhene Partia.,qe kartat te mbarojne shpejte e shpejt!,brenda 6 muajve,gje qe nuk mund te ndodh!

 

OK, z. KM "albanian doctor",

Gjithçka është e qartë: korrupsioni edhe në se nuk është çrrënjosur është duke u shëruar, Gërdeci edhe pse nuk është zgjidhur janë duke u bërë analizat, skandali i shpërdorimeve të fondeve të rrugës Durrës Kukës edhe pse bëri bujë nuk është aspak ndonjë simptomë sëmundjeje, Ligji aq i përfolur i pastërtisë së figurave edhe pse tërhoqi rrufetë e Evropës mbarë nuk është i infektuar, zgjedhjet e ardhshme edhe pse dyshohet à priori se do « të stisen » - si gjithë të tjerat – do të merren masat për t’i vaksinuar.
Po me ato rregjistrat e gjendjes civile ç’patët vallë ? Nuk mund t’i numerizoni vallë siç bën gjithë bota e qytetëruar por, ju desh ti dixhitalizoni ? Jemi që jemi pêrse jo një shprehje latine – nga ato të Betimit të Hipokratit ?

 

Xixe,

Rruga Durres - Kukes eshte problem shqiptar dhe kur eshte i tille jane instrumentat qe kjo ceshtje te mbyllet dhe do mbyllet.

Gerdeci nuk eshte vetem problem shqiptar por dhe amerikan qe te mos bejme nje rezyme te perfshirjes ne biznesin e armeve. Shqipot kishin therrime dhe qeveriu e di mire kete, ndaj thote , dikush , diku se e njeh skemen te plote.

Kur qeveriun e terhoqen ne gracken e Ligjit te Lustracionit kishte vetem nje qellim  : ta vendosnin perballe institucioneve Kushtetuese. Gafa e ketij ligji nuk burron nga ai vete, per kete jam i sigurte por nga llumi qe eshte ne Krye te Parlamentit. Ki parasysh ato protestat dhe peticionet e studenteve te Shkodres qe Presidenti te firmoste ligjin. smiley Ndaj dhe rrufete ishin me te medha dhe vijne nga te gjitha krahet.

Zgjedhjet e pergjithshme jane kapitull i mbyllur. Nuk luan njeri me to. E vetmja zone qe do kete probleme do jete Shkodra ( nje here tjeter te them me shume detaje per kete ) . Qeveriu ne kompleks po kujdeset per tjeter gje. Ai do qe te jete i patrazuar dhe friken nuk e ka nga ata qe do marrin pushtetin me 29 Qershr , por nga te vetet, nga ata qe do ndihen te tradhetuar sipas tyre. Nderkohe qe ai nuk e do fatin e Nanos kurrsesi.

P.S. Zgjedhjet ne Parti i la pas zgjedhjeve, megjithese kane skaduar te gjithe afatet statutore. Ka bere disa teste ne rrethe dhe e shikon qe kjo pune do shkoje deri me arme ( Shiko dje ne FIer )

Arritjet gjate viteve te fundit nuk mund te mohoen natyrisht, pavaresisht fushates mediatike te tre musketjerve te Rames. Keto arritje mbase pjeserisht nga puna e administrates dhe pjeserisht nga presjoni nga jashte, pasi ja vune Birishes kembet ne nje kepuce qe te arrinte disa standarte ne menyre qe te ndodhte integrimi ne NATO e me pas ne BE. Po padyshim po ta krahasosh me periudhen e shkerd.hatokracise se dy mandateve te Nanos eshte si nata me diten, ne shume aspekte. Apo dhe po ta krahasosh me mandatet e para te Birishes.

Nga ana tjeter ca gjera Birisha i lyen me boje optimizmi sic leu Rama pallatet e Tiranes. smiley Natyrisht ka shume arritje ne lufte me korrupsionin ne krahasim me te shkuaren, po njekohesisht eshte e vertete qe megjithe kete, Shqiperia eshte prap nje nga vendet me te korruptuara ne rajon. Arritjet fiskale qe permend Berisha per tatimet etj, sado signifikante, nuk besoj se kane menjanuar aq shume aspektet e perditshme te korrupsionit per qytetaret, mitmarrjet tek doktorat, zyrat, etj, apo dhe shume aspekte te tjera.

Kurse per Gerdecin dhe Mediun ja ka fut pak si shume si kau peles. Po faji eshte dhe i gazetarit qe kufizoi pyetjen tek tragjedia e Gerdecit dhe nuk e pyeti per aferat e shitjes se municioneve, per te cilat implikohet direkt me pergjegjsi jo vetem Mediu, po dhe Birisha vete mbase. Po kjo rrezik do ngelet si ceshtja e '97, e harruar dhe e pazgjidhur kurre. Nga ta kapesh, nga fakti qe qeveria shqiptare (ne fakt dhe ajo amerikane) bente tregeti milionash me nje 22 vjecar, apo qe i shiste Amerikes municione kineze, edhe pse nje vit me pare i kishin ofruar Gen. Petraeus ti jepnin municione te tilla falas (Amerikes) per ne Irak dhe pergjigjja ishte shprehimisht jo, ngaqe jane municione pjeserisht te skaduara, po dhe kineze (kundra ligjit amerikan)? Apo qe ja shisnin me dyfishin e cmimit qe merte qeveria shqiptare, nepermjet kompanive ndermjetese fantazma?

Te gjitha keto afera te Pinarit & Co ka mundesi te mos i dinte Mediu, ministri i mbrojtjes, dhe mbase dhe Birisha vete? Ndryshe pse do shkonte Mediu si i cmendur ne ambasaden amerikane dhe ti kerkonte ambasadorit qe te bllokonin aksesin e gazetareve te New York Times, apo pse do pëlliste Birisha para se te dilte artikulli duke thene qe do fshinte prapanicen me artikullin e New York Times? Nese ky s'eshte korrupsion, c'ka eshte?

 

Unë e sigurova dhe u ndamë me mirëkuptim të plotë me njëri-tjetrin, që ky ligj nuk përdoret për të bërë gjahun e kundërshtarëve dhe ne e kemi faktuar këtë me amendimet që i bëmë me kërkesën e opozitës.
 

Cilat jane keto amendamente qe thote ky, di gje njeri?

Kur i ben nje pyetje direkte Berishes ,ai pergjigjet indirekt,gjithmon Berisha verejtjet qe i behen nga amerikanet ,i quan keqkuptime,i bie qe Amerikanet nuk i kuptojne se Cfare po ben Berisha ne te vertetete !!!e cuditshme por e vertete, Berisha te hedh sirren,jo vetem shqiptareve por edhe Amerikaneve .

Qe eshte ky nje mulli me ere korrupsioni  une e shohe -thote KM-por uji ,uji nga ai vjen korrupsionit nuk po e shohe-pergjigjet KM-ja i yne !.

Në qoftë se bëjmë një kontroll në të gjithë historinë e drejtësisë botërore, që nga koha romake e deri sot, nuk gjen një rast të vetëm, me përjashtim të këtij që ndodhi në Shqipëri, që të gjykohen aktet kolektive.

Ja na u shtua dhe nje jurist ne rradhet tona, dhe jo dosido, po nje qe ka lexuar 400 miliarde faqe, qe nga koha e romakeve deri sot

Dhe nje pyetje tjeter, qe ishte enkas e pershtatshme per ty bere mendoj nga gazetari i Zerit te Amerikes (apo nga kushdo per ate pune), meqe Amerika e ka kete ligj (po dhe vende te tjera e kane):

- Do kete ndonjehere mandate te kufizuara qeverisje ne Shqiperi, sic ka Amerika dhe disa vende te tjera? Do ta suportonit juve nje ligj te tille?

Cuditerisht pyetje te tilla nuk hasen ne mediat tona (ose s'i kam degjuar une) se besoj askush nga politikane kryesore nuk i suporton, pasi te gjithe enderrojne te jene perjetesisht ne krye te piramides.

Ashtu sic nuk ka pyetje te tipit si ka mundesi qe nuk ka ligje qe kerkojne qe qeveritaret, administrata dhe parlamentaret te marrin pjese ne menyre te rregullt ne punen e tyre, po ka ligje absurde te tipit hajde 2 here ne parlament dhe merr rrogen per gjithe vitin. Imagjino nje sektor privat ku mund te shkosh ne pune dy here ne vit dhe te paguhesh per gjithe vitin. Pa permendur qe ne kete rast (parlamentit p.sh.) nuk behet fjale per pune ordinere, po per nje njeri qe perfaqson gjithe zonen, dhe gjithe vendin ne nje fare mase, dhe supozohet te merret me problemet e popullit, nderkohe qe ai/ata dredhin lesht e mjekres neper ahengje kushedi ne ca vend te botes, me parate e felliqura qe kane marre si pasoje e te njejtit post.

suportoj=mbeshtet smiley

xhib, po ngaterron "mollet me portokallet" lol.  Amerika, si Franca psh kane qeverisje presidenciale.  Sic e permende ti per US, kufizimi ne vetem dy cikle u vu pas FDR.  Ne France nuk ka pasur limite.  Vjet, me ne fund, Sarkozy ndryshoi (dmth u votua ne parlamentin francez) kushtetuten franceze, dhe presidenti francez gjithashtu u kufizua ne dy cikle. 

Ndersa ne rastin e Shqiperise, ashtu si ne Greqi, Itali, Gjermani, Angli etj, ku kemi te bejme me qeverisje maxhorance, pra me KM, nuk ka limite ne ciklet e kryeministrave.  Limitet e vetme jane zgjedhjet, ose me deshire, ose me marreveshje (perbrenda partise) ne rastin e Anglise.  

Ndersa per kohen e shpenzuar ne parlament, eshte tjeter pune.  Nga ajo ane nuk di statistika per vende te tjera, por ne US pjesemarrja e senatoreve (sidomos) dhe e kongresmeneve le per te deshiruar.  Sa here jane munduar te vene nje minimum me ligj (apo premtimet ne ajer te Pelosit kur PD mori maxhorancen ne 2006) nuk e kalojne nen pretekstin se u duhet te kthehen ne "baza", dmth ne distriktet apo lagjet e tyre qe te jene afer me votuesit.  Llogje dmth.

PS: Ne fund te fundit, dhe vete presidenti amerikan, ish-senator, u paraqit vetem 140 dite ne Senat para se te deklaronte kandidaturen smiley

Ndonjehere njohurite e shumta te marrin ne qafe.

Nuk eshte e thene qe edhe para se te pjerdhim te shikojme si e pozicionojne prapanicen euroatlantiket. smiley Une nuk e di kush ka kufizime e kush jo, me perjashtim te pak rasteve, po i permenda per te thene qe kane dhe te tjeret, dhe meqe Birisha ndodhej ne nje nga keto vende, gazetari mund te merrte shkas per ta pyetur per kete.

Por kryesorja eshte duhet apo s'duhet te kemi, na ben mire apo jo. Personalisht mendoj po ne fuqi te 10. Aq me teper ne nje vend me korrupsion dhe nepotizma si Shqiperia, ku mbas nje fare kohe keta drejtues te larte e kane shume kollaj te kthehen ne qehajaj. Tashme mbas afro 2 dekadash postkomunizem kemi plot njerez te pergatitur, ne te gjitha fushat. Une thjesht nuk dua te mplakem duke pare rotacion pushteti midis Berishes dhe Rames, dhe pas tyre midis nje X te PD e nje Y te PS, perjetesisht. Bile per mua duhet te kete (ose do ishte mire te kishte) kufizime dhe ne kryetaret e bashkise etj, sic thashe duke pasur parasysh kushtet konkrete ne Shqiperi.

E njejta gje per ligjet per parlamentin. C'rendesi ka si jane ligjet ne bote moj? Je ne metro? smiley Eshte absurde qe tjetri te vije dy here ne vit dhe te marre rrogen. As rroje dhish nuk te puneson njeri me dy here ne vit, jo me parlamentar, pervec ne Shqiperi.

Xhibush, po si e nise postin me lart mer?  "... meqe Amerika e ka kete ligj, por edhe vendet e tjera e kane".  Mos me akuzo per pozicionim, se u pozicionove vete lol. 

Keshtu lal.  Dhe te thashe, meqe permende kufizimet, ato jane ne rastet e qeverisjes presidenciale.  Jo ato me qeverisje maxhorance.  Tani, ne mund te diskutojme e te themi pse mos te vene shqiptaret te paret ne Mars (meqe euro-atlanto-kaukazet kane vajtur ne Hene.)  Tjeter ceshtje lol.  

Seriozisht tani, e kuptoj shqetesimin tend, dmth Nano-Berisha, apo teorikisht Rama (se ky s'ka qene ndonjehere km.)  Por meqe praktikisht asnje parti s'do e votonte, dhe meqe praktikisht nuk behet ne asnje vend te Europes, atehere s'ia vlen per mendimin tim te harxhohet kohe me hipoteza te tilla. 

Zëri i Amerikës: Megjithatë, si politikan, ju jeni i vetëdijshëm për çështjen e imazhit. Imazhi i Shqipërisë është ende ai i një vendi me korrupsion të përhapur. Qeveria juja ka dy ministra, njeri i dorëhequr, tjetri nën hetime, me raste madhore, siç është çështja e Gërdecit dhe përshtypja është që qeveria nuk po ndihmon sa duhet për zbardhjen e tyre.

Kryeministër Sali Berisha: Ju jeni gazetar. Në qoftë se bëjmë një kontroll në të gjithë historinë e drejtësisë botërore, që nga koha romake e deri sot, nuk gjen një rast të vetëm, me përjashtim të këtij që ndodhi në Shqipëri, që të gjykohen aktet kolektive.

Në qoftë se shkohet në një absurd të tillë, ku çdo gjë tjetër veç parimit, ka mundësi, atëhere kjo është çështje jo e qeverisë. Për rastin e rrugës, çdo akt, çdo vendim është absolutisht kolektiv.

Pra, çdo qëndrim tjetër është në thyerje të parimeve më themelore të të gjitha kohërave. Megjithatë, pavarësisht nga kjo, është kjo shumicë që i ka hequr imunitetin ministrit, në përputhje me zotimin e saj të plotë, se çdo kërkesë e Prokurorisë për heqje imuniteti, do të gjejë miratimin e saj. Së dyti, për Gërdecin, ka një vit që botohen me qindra e qindra artikuj, nuk kanë qenë në gjendje të faktojnë as edhe me elementin më të vogël të implikimit për korrupsion të zotit (Fatmir) Mediu.

Kam qenë i pari, e kam shtyrë dhe kam bërë çdo përpjekje që Prokuroria ta hetojë në mënyrën më të gjithanshme.

I kam thënë zotit Fatmir Mediu, që në qoftë se ka një njeri në botë, që ka nevojë të hetohet, je ti. Dhe ka dhënë dorëheqjen. I kemi hequr imunitetin. (ky eshte interpretim i paster ,ne numrin shumes ),por" ne" ne fakte ,nuk eshte" ju" si opozite ,nuk e di perse e thote "ne" kur ne fakte kjo "ne", eshte paralametare gjithe perfshirse e te gjithe spektrave politike qe marin pjese ne Parlament pra e PS,PD,LSI,etj ...,dhe "ne" ,ska sesi ta perfaqsoje "te gjithen" Berisha, "ne"e cuditshme kjo shshprehja interpretuese e Berishes !!!!!!!!!!!!!!!!!!!!!!!!!

Ai vazhdon:

 Por ata që paraqitën kërkesën për imunitet, në mënyrë tërësisht sikundër s’duhet të ishte, se ky ka anashkaluar ushtrinë, në një kohë kur janë mbi 30 dokumente, ku secili prej tyre ka jo më pak se 4 deri në 6 firma ushtarakësh, ata fyejnë kombin e tyre, fyejnë parimet me të cilat drejtojnë, sepse në një vend të lirë, në një shoqëri të lirë, mund të bësh politikë me këtë mënyrë, por nuk bën dot kurrë drejtësi. Por çfarë ishte çështja? A ishte ushtarake, apo jo? Aq sa është predha ushtarake, aq sa është baroti ushtarak, aq sa është depoja ushtarake, të gjitha këto ishin ushtarake. Pra, u përzgjodh një linjë, e cila vetëm përgjegjësinë nuk e nxjerr. Megjithatë, në qoftë se kemi reaguar, kemi reaguar se ajo ishte një fyerje, ishte një papërgjegjshmëri ekstreme, që mund të bëhej. Të gjithë ishim dakord të hetohej. Por, të spostosh të tjerët, do të thotë të devijosh nxjerrjen e përgjegjësive. Përse? Vetëm e vetëm, se në hierarkinë e tyre, dikush, diku, duhej të dilte krejtësisht i paprekur. Kjo është jashtëzakonisht e dëmshme për hetimin.

.......

Pu cer interpretimi ,klasik Berishian!

 

Diplomacia eshte arti i te thenit bukur i asaj qe eshte e shemtuar.,arti i mbulimit te nje shemtie me anen e INTERPRETIMIT.

Cdo krim ,qe duket qe eshte krim dhe nuk kerkon shpjegim por vetem shpagim ,me anen e Interpretimit te shprehjeve ,mund te dale i paster.

Interpretimi  eshte hapsira me mire qe kjo kaste politike SHQIPTARE ,i ben mbrojtjes se njerzeve qe jane vertete pergjeqes per nje fakt qe ndodh ne mes te dites,ne mes te camerave dhe faktit .

Por a jane te verteta ato qe thote Berisha ?

Une nuk i besoj interpretimet  perpara afakteve ,Gerdeci ishte nje bombe e madhe ,qe u shkaktua pikerisht nga armet e ushtrise Shqiptare ,....

..jane me 100 fakte,filmime qe provojne se Ushtria Shqiptare,materialet dhe prona e saj qe shkaktoi viktamat ,ne njerez dhe materiale ne driten e diellit dhe te 100 ra mijrave njerezeve prezent ne ate dite .

Por jo,KM thote duke interpretuar:

Së dyti, për Gërdecin, ka një vit që botohen me qindra e qindra artikuj, nuk kanë qenë në gjendje të faktojnë as edhe me elementin më të vogël të implikimit për korrupsion të zotit (Fatmir) Mediu.

Cer fakti do ky mer yahoo, 26 vete dhe disa fshatra te demtuara,nuk jane fakte?

Fabrika ushtarake ,prane Gerdecit prona e kujt ishte ,bisnes i kujt ishte ,i Gerdecarve ,apo i ushtrise Serbe ?

Koth, si gjithmon sistematik ne komente, godas lehtas por ne te njejten pike, keshtu sjell me shume dhimbje, (ne kete rast acarim)

Koth, metode shume e vjeter, eksperimentur rreth viteve 1945-46.

Ne fakt , Kryeministri kur intervistohet, i bie shume gjate, behet terkuze ajo qe do shpreh, fjalet ngaterrohne, hyjne ne kontadite me njera tjetren, jep shkas per paragjykime.

Kjo eshte nje nga arsyet qe edhe "familjet e medha" nuk duan te mbeshtesin Berishen, dhe i kane premtuar " dikujt", Ju duhet te beni te pamunduren ta largoni Berishen nga pushteti, ne te premtojme pushtet sa te duash ti.

Kjo me ngjan me kujtimet e M. Ivanaj, sidomos java e pare e muajit Prill 1939, nje shoqeri Shqiptare, hipokrite, mosmirnjohese, arrogante, cinike, qesharake , si kompleks e neveritshme.

Keto aspekte te sjellejes shoqerore luhen me zgjedhjet.

Te presim kush do fitoje, " kompleksi i neveritshem" apo " e drejta e liris".

 

 

Lum o viktime e Mullixhiut ! smiley

Shiko cer shkruhet dhe lere Kothin ne veprimtarine e vet si ish sigurims, agjent i serbit dhe i grekut bashke me antifamiljemadh !

Fenomenti i pikes se ujit quhet !

Behet presion aty ku pritet rezultati , ku shpresohet qe robt nuk jane bageti dhe nuk iu drejtohet bagetive.

Ndonje peticion nga Universiteti "Luigj Gurakuqi" Shkoder do behet per Prokuroren e Pergjithshme ? Kur ? Po per Gjykaten Kushtetuese ?

P.S. Mos se e bete balte me kete punen e dyerve se une di te lexoj shqip mire e njoh dhe gjeografine Shqiperise mire se ku bien fshatrat e Laçit.

Nuk dua te diskutoj aspektet e tjera te intervistes se Kryeministrit Berisha, sepse nje pjese e madhe e tyre eshte diskutuar gjate vitin qe shkoi. Dua vetem te ve ne dukje aftesine e Sali Berishes per te kapercyr "krizen" me USA ne lidhje me ligjin e Pastrimit te Figurave.

Te mos harrojme se kete ligj e goditen mjaft ambasadat e huaja, si USA dhe KE-ja; presioni ishte i jashtezakonshem nga jashte, qe ai ligj te boshatisej nga thelbi, ose te hiqej fare. Qeveria rezistoje, dhe beri mire, pavaresisht se ligji mund te kishte mangesi. Beri mire, sepse te huajt s'mund t'i fusin hundet kaq thelle ne punet e Shqiperise; Ndrsyhe ne do te dilnim hapur fare si vasale, dhe jo "aleate" - ç'u pa atehere SOVRANITETIT ?

Nga ana tjeter, takimet e Berishes me Biden dhe Clinton dhe permbajtja e ketyre takimeve, tregojne se veshtiresite u kapercyen. S'dua te nxitoj, por per mendimin tim qendrimi i USA ka per te ndryshuar disi, dhe Amerika s'ka per te kritikuar me ligjin e "Dosjeve", perderisa qeveria Amerikane mori garanci te plota se ligji s'do te instrumentalizohej.

Pra, theksoj se ja vlen te vleresohet ky moment, sepse jane shume te paket lideret e vendeve te vogla si ne, qe mund t'i rezistojne presioneve te fuqive te medha. Kjo mund te quhet si nje fitore diplomatike e qeverise sone, dhe duhet vleresuar sinqerisht; Sepse eshte shume e thjeshte te kritikosh, por te gjithe duhet te aplikojme shprehjen e Napoleon Bonapartit : "Para se te kritikosh qeverine, vendosu njehere ne pozicionin e saj"

kjo me lart eshte pergjigja me neveritese dhe njekohesisht nje ofendim per intelektin.

fort e arrirë analiza Koth.

(P.s: kur të behem KM do të të marr pranë si Këshilltar personal për politikën e përgjithshme).

Goxha ambicje ke xixe plus qe mua me rezulton qe ti nuk ke nevoje per keshilltare.

 

Kjo interviste e Arben Xhixhos ,eshte shume profesionale dhe njohese e realitetit shqiptar ,pyetjet jane aq te pastra sa cdo njeri qe e njeh realitetin ,do te kuptoje se dicka me te intervistuarin nuk perputhet realiteti i pergjigjeve .e megjithe ate ,Xhixho, gazetari, e di se intervistuesi do te reshqas pyetjes ,dhe per kete ai nen qesh per ti thene qe nuk eshte ashtu si thua ti,fantastik Arben Xhixho!

 

7 Pyetje ,7Probleme per Berishen .

  1. Zëri i Amerikës: Zoti Kryeministër, sot ju po përfundoni vizitën këtu në Uashington, ku morët pjesë në Mëngjesin e Lutjeve dhe tani sapo keni dalë nga një takim me Sekretaren e Shtetit Hillari Klinton. Me çfarë mesazhi po ktheheni në Shqipëri
  2. Zëri i Amerikës: Shqipëria sot ndodhet përpara disa momenteve madhore. E kam fjalën, pas disa muajsh Shqipëria pritet të anëtarësohet në Nato, vendi ndërkohë ndodhet përpara zgjedhjeve, që janë vlerësuar si jetike këtë herë. Po ashtu, është një moment tjetër që u diskutua edhe sot me sekretaren Klinton, çështja e ligjit aq të debatueshëm kohët e fundit të pastërtisë së figurave.
  3. Zëri i Amerikës: Një ndër çështjet ishte edhe ligji i pastërtisë së figurave. A ju shqetëson ju fakti se Sekretarja e Shtetit e ngre këtë çështje në takimin me ju?
  4. Zëri i Amerikës: Zoti Kryeministër, ju erdhët në pushtet në emër të luftës kundër korrupsionit dhe bëtë premtime të mëdha në atë kohë. Ndërsa mandatit tuaj të parë po i afrohet fundi, a jeni në gjendje të shkoni para elektoratit dhe të thoni: Po, unë Sali Berisha i mbajta premtimet që ju bëra për luftën kundër korrupsionit?
  5. Zëri i Amerikës: Megjithatë, si politikan, ju jeni i vetëdijshëm për çështjen e imazhit. Imazhi i Shqipërisë është ende ai i një vendi me korrupsion të përhapur. Qeveria juja ka dy ministra, njeri i dorëhequr, tjetri nën hetime, me raste madhore, siç është çështja e Gërdecit dhe përshtypja është që qeveria nuk po ndihmon sa duhet për zbardhjen e tyre.
  6. Zëri i Amerikës: Zoti Berisha, marrëdhëniet tuaja me shtypin, me drejtësinë. A është Sali Beridha siç kritikohet në shtyp, që kërkon t’i vejë nën kontroll shtypin dhe drejtësinë?
  7. Zëri i Amerikës: Zoti Berisha edhe një pyetje të fundit. Në gati 2 dekadat e fundit ju jeni marrë intensivisht me politikë dhe është e vështirë të gjesh një zhvillim politik në Shqipëri që nuk mban vulën tuaj, ose emrin tuaj direkt, ose indirekt. Nëse do të flasim sot për trashëgiminë tuaj më të madhe, cila do të ishte ajo? Do të ishte anëtarisimi i Shqipërisë në NATO, rruga Durrës-Kukës, apo diçka tjetër?

Ja qe te mos akuzohet Berisha kot se koti , le tu referohemi vete pergjigjeve te tij dmth ato se perse eshte takuar me znj Klinton dhe cfare mesazhesh i ka trasmetuar ajo popullit nepermjet ....o lele gjaku smiley.....  vuri c'nofke te duash.....KM .Duke perjashtuar pergjigjen e HYRJES qe eshte nje shabllon papagajsh ne gojen e tij njesoj sikur flet me popullin e Vicidolit po i referohemi konkretisht thenieve te tij .

C'permban pergjigja per Pyetjen NR1 .....në të cilin sekretarja shprehu vlerësimin më të lartë për ecurinë dhe suksesin e reformave.......po pergjigjja per Pyetjen NR2......Sekretarja e Shtetit kishte një vetedije të plotë për krimet e tmerrshme të kryera në Shqipëri nga regjimi totalitar, krime kundër njerëzimit......Ja dhe pergjigjja e pyetjes NR3......Ka një organizatë që vlerëson korrupsionin. Çfarë thotë Transparency International? Qeveria e Sali Berishës ishte kampione në reformat e saj kundër korrupsionit...Per pyetjen ne vazhdim ka Dy Probleme , ja c'pergjigje jep per Pyetjen nr4..... Për rastin e rrugës, çdo akt, çdo vendim është absolutisht kolektiv........Por çfarë ishte çështja? A ishte ushtarake, apo jo? Aq sa është predha ushtarake, aq sa është baroti ushtarak, aq sa është depoja ushtarake, të gjitha këto ishin ushtarake......Edhe pyetja ne vazhdim permban Dy Probleme dhe ja pergjigjet per  pyetjen NR5....... Marrëdhëniet janë të shkëlqqyera. Kjo qeveri i ka krijuar hapësirën më të madhe drejtësisë......Pyeti, a kanë marrë ndonjë nga qeveria apo zyra. Absolutisht as kanë marrë, dhe as do të marrin. Pra ka procese? As edhe një. Çfarë ndodhi? Edhe qytetarët nuk i padisin më. Dhe më bëhet shumë qejfi........Dhe ja tani tek pergjigjja e pyetjes se Fundi.....Kryeministër Sali Berisha: Unë besoj se kjo është një pyetje që po i bëhet një njeriu, i cili kurrë nuk mendon për historinë,......

Lexojeni me vemendje te "shtrydhur" intervisten...Ky Mbllacites fjalesh , nga me ordineret , gati-gati sa nuk i thote znj Klinton "Une te kam thirur tye (ardhur ketue) se me ka thane baba mue me t'mesue tye se si te drejtosh USA-n.

Koth,presim nga ti, te na tregosh nje rast ku studentet e nje shteti demokratik kane bere peticion Prokuroris se Republikes, neser ja bejme edhe ne Prokurorus sone.

Me habit fakti, perse ti do merresh me opinionin e je qyteti tjeter e jo qytetin tend.

Ah sikur ne afaret e Gerdecit te ishte nje Shkodran te jepja te drejte, po kemi devirol, delijargj, pinar, trebicke,kapshtice etj.

Ah sikur ne afaret e Gerdecit te ishte nje Shkodran te jepja te drejte, po kemi devirol, delijargj, pinar, trebicke,kapshtice etj.

E di mer kete gjuhe e di. Larg bythes time quhet kjo.

Po une nuk ndikohem ne opinionin tim nga formulimi qe mos e cyt se ka qene goce e mire ne gjimnaz se e kam pas une paralel.

Shif se une nuk kam bere ndonje lidhje te qytetit tend me Gerdecin. Pse me ben te spjegoj komentet e mija.

Lustracioni dhe ato protestat e studenteve te Shkodres per kete ligj i lidh me qytetin tend. ( ta thashe qe mund ta lidh dhe me fshatin )

Per fatin tim te mire une jam konsumator i mire i shtypit dhe me intereson te di si do mund te jene 4 vjetet e ardhshem ( zgjedhjet per to ) e qe te mos katandisen si puna Bushatit qe u desh prania e forcave policore nderkombetare per te shmangur nje gjakderdhje masive.

Me intereson te di si do votoje ai qytet kete here  dhe une besoj  qe atje nuk eshte vetem nje dere e madhe dhe Shkodra nuk eshte mbushur me budallenj.

Po nese nuk ke filluar te kuptosh gje shiko si perfunduan zgjedhjet e Akademise se Shkencave se ben vaki dhe qartesohesh me shume .

Jam kurioz per dicka qe nuk kam informacion:

Kur Ministri i Pare u nis per te kryer lutjet e mengjezit ne SHBA, a ishte i planifikuar edhe nje takim me Sekretaren e Shtetit ?

Nese jo, atehere i bie qe takimi te jete bere me kerkese dhe insistim te State Department. Dhe po qe se eshte keshtu, dmth eshte bere per ti terhequr veshin. Po te kemi parasysh edhe intensitetin aktual te punes  te qeverise amerikane, sigurisht qe zonja Clinton ka pasur arsye shume te forta per te bere nje takim te tille.

Dakord që kujdesesh për halat kur ha peshkun Koth,

Por jo kur të serviret nga peshkatarë si puna ime, pasi shënimi i mësipërm s'kishte asnjë fije ironie. Këtë të fundit e kam harxhuar të tërën tek Metafizika e sotme.

Po e lexova qe kane zgjedhe kryetar te Akademise Gudar Beqraj..Tashti une nga leximi nuk munda te deshifroj as larg e larg ndone grup imp-rev,skenare e kushedi çe.Me ndihme pak Koth ta kuptoj kete rebus??Pastaj ne komente tua Koth me le pershtypjen se asgje nuk eshte ashtu siç thuhet e lexohet.Ka se s'ben nje domethenie qe per ne vdekatarete zakonshem eshte e pamundur te deshifrohet....Ku ka qene ajo gjakderdhja qe paskan nderhyre forcat e nuk e di se kujt per ta ndalur?Sa viktima pati??

 Kam frike se me shpejtesine qe po behen kartat e identitetit, kane per te dale probleme sepse gjate ketyre viteve te tranziscionit jane ndryshuar gabimisht (me dashje apo padashje) germat e qytetarve, si p.sh. Andon ne Anton etj. 

Pikerisht ,prandaj une kerkova ndihmen tende per te sqaruar pak si i brendshem qe je se si ti kuptojme keto lajme thellesisht te kriptuara.Gjithsesi keto qe solle ti jane shume larg nga gjakderdhja qe fole me lart....Me nje fjale jo kaq me top....  smiley

Po une sikur kam shkruar qe : ...u desh prania e forcave policore nderkombetare per te shmangur nje gjakderdhje masive...

dhe nuk e di si e kupton ti kete folje ?

Po gjithashtu mund te kemi dhe perceptim te ndryshem per emrin gjakderdhje bashke me kete masiven qe e pason ne postimin tim.

Ja psh, une them qe Gerdeci eshte kasaphane masive , dikush tjeter e qun aksident nga mosrespektimi i rregullave te sigurimit teknik. Nuk ben ndonje ndryshim te madh, ceshtje perceptimesh, apo jo ?

Koth ,mos e dridh tani me Gerdecin  smiley Ne Bushat nuk pati gjakderdhje ,nuk u vra asnje person ,e per masive  nuk hyn fare....Kjo eshte objektive e jo perceptim.Nejse ,megjithate nuk e di ne jeni koshiente qe ne shqiptaret "e botes"ju ndjekim me shume vemendje shkrimet tuaja te shqiptareve te Shqiperise.Eshte nje fare indikatori,te pakten per mua.Prandaj nje minimun pergjegjesie me kene objektiv e keni...se na besojme pernjimend   smiley

Zane,

shiko se une e kam shume te veshtire te sqaroj komentet e mija, jashtezakonisht te veshtire.

Te thashe qe nuk e di si e kupton ti foljen shmang qe kam perdorur une, ( me shmang ne paskajore se mbase eshte me e kuptushme. )

Nuk pati gjakderdhje se u shmang nga nderhyrja e forcave policore nderkombetare te PAMECES. I di cer jane keto ?

Po ti ke nje fare te drejte sepse une nuk kam nje vidio si kjo te ta tregoj tani

 

P.S. Gerdecin ta permenda sepse nuk jam i sigurte se si e percepton ti ate ne kuptimin e gjakderdhjes masive apo ndonje gje tjeter.

Keto shpjegimet e ketyre puneve juridike nuk ishkojne fare doktori.

Doktor Rrumpalla thote:

Në qoftë se bëjmë një kontroll në të gjithë historinë e drejtësisë botërore, që nga koha romake e deri sot, nuk gjen një rast të vetëm, me përjashtim të këtij që ndodhi në Shqipëri, që të gjykohen aktet kolektive.

 

Ne rradhe te pare nje akt kolektiv mund te gjykohet se prandaj eshte edhe gjykata kushtetuese ,por nuk denohen ata qe e kane miratuar kete ligj megjithese kjo eshte 100% e vertete vetem per rastin e deputeteve jo per anetaret e KM.Megjthate po e anashkalojme kete meqenese anetaret e KM nuk jane te gjithe specialiste ne fushen e ligjeve dhe e kane miratuar vendimin  .Pas kesaj  ky vendim qe bie ndesh me ligjet e shtetit shqiptar ka vajtur per zbatim ne Ministrine perkatese ku atje ka specialiste perfshire ketu edhe titullarin e ministrise i cili me te analizuar VKM duhet te kishte thene "dale nje minute se ky vendim ka probleme me ligjin dhe nuk mund ta zbatoj ".Pra Faji i ministrit nuk eshte miratimi i VKM ne KM por zbatimi i ketij vendimi ne ministri.

 ehe Ai  hajduti i zgjedhjeve premton zgjedhje te lira..  Ai qe bertet dhe pellet ne parlament  se ka "dosje ne syrtare"  per opoziten premton  jo perdorim te lustracionit  kundra opozites..  Ai qe mbyll gazeta naten si kusare dhe qan diten si "liridashes" i shtypit..   Ai qe s'dinte gje per Gerdecin dhe se kishte degjuar ndonjehere sot flet per "firma" dhe per fajesine e pergjithshme... 

Premtimet e korrupsionit i ka mbajt, pervec familjes se vete. Premton per vete Ai jo per kalamaqte.. 

 

Po ti ke nje fare te drejte sepse une nuk kam nje vidio si kjo te ta tregoj tani

E gjeta kete video ne nje kend tjeter ,por me muzik .

(Nga Shekulli)

Nje interviste tjeter e KM me gazeten Illyria:

Zoti kryeministër, na thoni në fillim për qëllimin e vizitës suaj në Amerikë dhe takimet e para që keni pasur me zyrtarë amerikanë?

Këtu kam ardhur me ftesë të bashkëkryetarëve të Komitetit të Kongresit për Mëngjesin e 57 kombëtar të Lutjeve. Kam qenë dhe herë të tjera para disa vitesh në këtë aktivitet. Komiteti përbëhet nga 36 kongresistë e senatorë.

Pjesëmarrja në këtë aktivitet është një moment i veçantë pasi këtu vijnë përfaqësues të politikës, parlamenteve, botës akademike, botës shpirtërore të 163 vendeve.

Por, krahas qëllimit për të marrë pjesë në këtë takim, këtu po takoj miq të mi të shkëlqyer e të Shqipërisë, miq të rinj, kam takime me administratën, me zyrtarë të lartë të administratës, me sekretaren e Shtetit Hillary Clinton dhe përfaqësues të tjerë, por takoj dhe miq të vjetër që e kanë ndihmuar Shqipërinë dhe shqiptarët gjatë këtyre viteve, kongresistë të rëndësishëm.

Ka një bllokim të Sllovenisë për ratifikimin e anëtarësimit të Shqipërisë e Kroacisë në NATO...Shihni ndonjë problem në anëtarësimin e Shqipërisë në NATO?

Ky lloj, nuk po e quaj bllokim nga parlamenti i Sllovenisë, nuk ka asnjë lidhje me Shqipërinë. Unë ju garantoj për këtë. Nuk ka asnjë qëllim tjetër, veçse qëllim thellësisht pozitiv të qeverisë sllovene ndaj anëtarësimit të Shqipërisë. Ka një diskutim mbi kufijtë ose diçka të tillë me Kroacinë, por duket që të gjitha shanset janë që edhe kjo të kapërcehet.

Ligji për hapjen e dosjeve është pritur me rezerva nga BE, OSBE dhe SHBA dhe kërkohet rishikimi i tij. Pse vijnë këto mospajtime nga bashkësia ndërkombëtare për një ligj që i është dashur shumë më herët Shqipërisë?

Problemi ka të bëjë me një jo fenomen, por me një realitet nga i cili Shqipëria pa tjetër duhet të ndahet në mënyrë të qytetëruar.

Themelore është kjo: ka pasur Shqipëria krime kundër njerëzimit apo nuk ka pasur?

Ka kryer sistemi komunist në Shqipëri krime kundër njerëzimit? Krimet kundër njerëzimit janë krimet, torturat, vrasjet, ndjekjet për qëllime politike.

Kësaj pyetje i është dhënë përgjigje përfundimtare se Shqipëria ka pasur krime kundër njerëzimit nga sistemi komunist më shumë se Çekia, Polonia, Sllovakia, Rumania, Bullgaria, Hungaria, po të përjashtosh revolucionin e 54-ës, të gjitha të marra bashkë, shumë më tepër. Po jap vetëm një shifër:

Gjermania Lindore në 45 vjet ka pasur vetëm 250 qytetarë të ekzekutuar me gjyq për qëllime politike, kurse Shqipëria numëron vetëm gra në procese politike rreth 800, pa llogaritur sa kanë vdekur kampeve, pa llogaritur sa janë ekzekutuar pa gjyq. Po flas pra për gratë.

A duhet Shqipëria të ndahet nga kjo e shkuar?

Shqipëria duhet të ndahet nga kjo e shkuar. Po të marrësh historinë e vendeve ish komuniste, ky debat është kudo i gjallë. Vjet Rumania ka vënë ligjin për të çuar për ndjekje penale ata që kanë kryer këto krime.

Atëherë, a mundet që të ndërmerret një zinxhir i pafund procesesh penale ndaj atyre që kanë kryer këto krime. E vështirë kjo. Nuk mendoj se është e mundshme por një formë për ndarje prej sa duhet, sepse po s'u ndave, ato mbeten aty.

Kjo pjesë e shoqërisë që është së paku 25 për qind e saj, kërkon një ngushëllim, një respekt. Çfarë respekti sheh ajo kur në krye të drejtësisë shqiptare janë të vendosur ata që kanë urdhëruar, kanë vendosur për vrasjen e një poeti të ri, për fajin e vet se guxoi të përmend termin të drejtat e njeriut në vargjet e tij?

Çfarë respekti ndjejnë ata kur në vitin 90-të, pasi u hoq ligji për tradhti të lartë për ata që arratiseshin, u ekzekutuan në kufij me dhjetëra, në mos qindra të rinj dhe në disa raste trupat e tyre u zvarritën ditën për drekë në sheshin e qyteteve si Saranda dhe Shkodra, të lidhur me tela me gjemba. Kurse një nga ata ishte deri para tre javësh njeriu kryesor i hetimeve në Shqipëri.

Çfarë synon ky ligj?

Ky ligj synon një gjë: të ndahemi nga këto krime. Të tjerët po e bëjnë me procese gjyqësore. Ne nuk po e bëjmë me procese gjyqësore.

Ne themi, dilni me një anë, sepse këta dolën me një anë njëherë në 95-ën dhe për fat të keq, kur u kthyen socialistët në pushtet, aprovuan pikërisht nenet që nuk duhej t'i preknin. Kur unë u bëra kryeministër, gjeta në Shërbimin Sekret Shqiptar tre ish drejtorë të Sigurimit të Shtetit si këshilltarë. Të shtetit të Enver Hoxhës.

Na thoni konkretisht cilat janë vërejtjet e bashkësisë ndërkombëtare për ligjin e dosjeve?

Shiko, pse bëhen vërejtje. Ka të drejtë bashkësia ndërkombëtare. Pse? Sepse kemi të bëjmë me një kufizim të të drejtave, por ky është një kufizim i përkohshëm. Dhe këtë e ka bërë çdo vend, nuk është Shqipëria që ka shpikur këtë gjë.

Jo. Shqipëria ka ndjekur një linjë. Po të marrësh ligjet e republikave baltike, janë shumë më të ashpra, ligji polak i kujtesës kombëtare, është me seksione prokurorie dhe gjykate, pra është shumë më i ashpër. Ky i yni është në mes. Eshtë një model çek.

Si do të zbatohet ky ligj kur llogaritet se shumë dosje janë zhdukur?

Dakord, kjo qëndron, por mendimi i përgjithshëm është që ato që janë duhet të hapen. Shiko, kur kam ardhur në Neë York për herë të parë, unë kam thënë që dosjet të mos hapen. Pse? Pikërisht jam nisur nga kjo që thua ti.

Por, mendimi im u kundërshtua edhe unë rashë dakord. Unë dija që atë vit, kur isha në opozitë, ata po digjnin çdo ditë dosjet. Megjithatë, ka një gjë: dosjet e proceseve gjyqësore janë të paprekura. Në qoftë se ka një dokument që ekziston në mënyrë autentike, ato janë proceset gjyqësore. Ato janë të gjitha aty.

Koth, thote.

Per fatin tim te mire une jam konsumator i mire i shtypit dhe me intereson te di si do mund te jene 4 vjetet e ardhshem ( zgjedhjet per to ) e qe te mos

Ky eshte problemi, nuk je ti qe konsumon shtypin, eshte shtypi qe te ka konsumuar .

Lum,

ma degjenerove ! C`me bere keshtu ?

Se ne cilin grup vendosesh nuk eshte problemi im, ti vazhdo dhe shkruaj qe baba jem ka qene trim i madh !

Po ketej nga memedheu dje ne darke i kane bere atentat nje gjykatesi.te Gjykates se Larte Me shpejt se Ligji i Lustracionit smiley . I kan heq plumbin nga shpatulla atij mikut.

Si e rrale duket si ngjarje ee. Po une jam i sigurte qe ti ca gjera i ke te pamundura t`i kuptosh dhe te ndash individin nga institucioni.

E Xhusepina ( dhe ata studentet e Universitetit Luigj Gurakuqi , Shkoder ) mbasi ka 3-4 muaj qe i sulmojne dhe flasin dhe me emra te pervecem per gjykates kriminele ka vajt ne spital ene i ka than qe mos u merzit atij robit se na ke na. smiley Na i mbrojm gjyqtaret se ene une jam juriste - ka than

Jane te zorcme ca gjera, me degjo mua. Mos u fut ne keto shtigje.

Asnje njeri nuk e ndjen eren e vet, me degjo mua dhe prandaj jane shpik parfumet qe te te mos ta ndjejne te tjeret eren. smiley

sot, shihe kryetarin e opozitës; është mizor në kontrollin e tre mediave. Njerës i jep hyrjen e Tiranës, tjetrës i thotë se do të jesh në krye të listës së deputetëve, do të bëhesh ministre etj,.

 

Sala mund te jete idiote, por ka thene 2 te verteta te pamohueshme.

1) Belinda Balluku Keshilltarja per Marredheniet Publike ne Bashkine e Tiranes eshte gruaja e Sokol Balles (Drejtori i Departamentit te Informacionit te Top-Channel)

2) Kompania Edil AL-IT, pronarja e Vizion Plus) ka marre me dhjetra leje ndertimi ne Tirane qe nga Qendra Tregetare ETC e deri te grataçela me e madhe qe do te behet ne qender te Tiranes duke prishur Muzeun Kombetar.

 

Keto jane fakte qe askush nuk i mohon dot sepse gruaja e Balles punon akoma ne bashki dhe i ka premtuar vendin e Min, Integrimit dhe pallatet jane akoma aty.

Pra Edi Rama kontrollon mediat me te medha ne vend dhe ketu nuk permenda Koço Kokedhimen, partnerin e ngushte te Rames.

Koth, je nder ato te paket te PPU , qe ndihet mungesa kur nuk shkruan.

Kritikat mos i merr si ndersymje per te ofenduar.

Mos u merr me prinderit, nuk eshte mire, se ndoshta gabon.

Persa i perket gjykatesit, nje detyre e rendesishme e qeveris, e forcave te rendit, e gjithe insitucioneve qe kane si detyre mbrojtjen e shtetit, eshte te zbulojne kriminelin.

Ne te kundert, po nuk arrit te kapet sa me shpejt, eshte nje humbje e madhe per qeverin, per keto instituzione, e per Shqiperin, si per opinionin e mbrendeshem si per ate te jashtem, ku me e rendesishmja mbetet kjo e jeashtme.

Nuk mbetet citim tjeter vetem "SHTET MAFIOZ".

 

 

 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).