Për një ditë të bardhë

"Sa të lumtur ishim kur vuanim bashkë"! Kur njeriu i dëgjon fjalë të tilla me dhimbje vetëtime jo vetëm prej atij brezi që pati arritur t‘ia shijojë disa të mira sistemit të vjetër totalitar, nuk çuditet dhe aq. Në fund të fundit, nostalgjia, në atë kuptim që kjo fjalë përdoret në greqishte, në gjuhën e burimit, është e përjetshme dhe e përgjithshme. Por kur edhe breznitë e mëvonshme vihen në dilemë ku ta shohin të ardhmen e tyre, tek e shkuara apo tek ajo që pritet, kjo s‘është më thjesht "sindromë nostalgjikësh", sikundër thuhet rëndom, por një pikëpyetje jetike për rrugën ku po shkon ky vend.

Në krahasim me fundin e viteve 1990, njerëzit që mendojnë se komunizmi, në atë formë që u ndërtua në Shqipëri e në gjithë botën e Lindjes, ishte një aksident tragjik gjysmëshekullor që jo vetëm shkatërroi jetën e njerëzve, por mbi të gjitha i la ata pa ideal, janë shumicë e padyshimtë dhe strategjike. Zor se mund të kthehet më në këtë vend nostalgjia për një komunizëm ashtu si e provuan shqiptarët në fatin e tyre. Por në një vështrim tjetërsoj -jo si sistem politik- një shumicë alternative sa vjen e po shëndoshet. Të majtë e të djathtë, në qeverisje dhe nën qeverisje, antikomunistë e nostalgjikë, në këtë vështrimin tjetër vijnë shpejt në një mendje: ç‘nuk kishte të mbrapshtë ajo kohë: luftën e klasave, barazinë në varfëri, ankthin e përgjithshëm, ngurtësimin ideologjik, dhunën ndaj kundërshtarëve, vetëveçimin nga bota, dënimin për një fjalë goje. Porse ama kishte siguri.

Jeta e njeriut arriti mesataren e përgjithshme 72 vjet. Lindshmëria e lartë, sido që jo aq sa në pjesën tjetër të botës shqiptare, pati nisur të shqetësonte gjeopolitikisht dhe demografikisht rajonin. "Piramida" e popullsisë, me sundimin e bazës së saj prej moshave të reja, krijonte vetvetiu një gjendje optimizmi. Gjakmarrja dhe hakmarrja mendohej se kishin vdekur një herë e përgjithnjë, vetëm kinemaja dhe libri ishte e interesuar për to. Një shtetas britanik, nga ata të paktë që mund të hynte në Shqipërinë e vetërrethuar, për t‘u bindur se në kryeqytetin e vendit më intransigjent të botës kishte aq siguri sa thuhej, e kaloi natën në një stol në parkun përballë hotelit, pasi iu përvodh personelit që duhej të kujdesej për të. Martin Moir, njeriu që i dhuroi shtetit shqiptar 25 mijë disqe origjinale me regjistrime zërash prej një shekulli, pas kësaj mendoi: "Në këtë vend edhe zogu duhet të marrë leje për të hyrë, këtu thesari im do të jetë më i sigurt se kudo". Dhe pas kësaj, më vjen një nënqeshje pa zë brenda vetes. Njerëzve u kujtohet mirë se me çfarë entuziazmi nisi të ndërtohej në fund të viteve 1990 "shoqëria e konsumit" në vend të "shoqërisë së kursimit". Gjithçka që lidhej me të ardhmen përfytyrohej më shumë se e trandafiltë, megjithëse kishte ardhur koha e një ngjyre krejt tjetër. Thuajse kishim mbërritur në dyert e parajsës.

Po pse njerëzit tashmë nuk besojnë më as tek e ardhmja, as tek e sotmja? Pse thuajse gjithçka e dëshirueshme përfytyrohet në formën e nostalgjisë?! Por do të mjaftonte një fakt krejt i thjeshtë. Në ato vite kur u ndanë kohërat dhe për shumë vite më pas, dënimi i së kaluarës u paraqit me të drejtë edhe si një kusht për t‘u ndarë edhe prej krimeve të saj, në radhë të parë prej likuidimit fizik të kundërshtarëve politikë. Statistikisht numëroheshin 3600 shtetas të pushkatuar, të dënuar me vdekje apo të vdekur para kohe në burgje dhe galeri. Një numër jashtëzakonisht i lartë jetësh njerëzore të harxhuara për përjetësimin e një pushteti hegjemon dhe totalitar, që pretendonte të mbijetonte në jetë të jetëve. Mirëpo që nga viti 1990 e këndej, në më pak se gjysmën e viteve të sundimit totalitar, numri i jetëve njerëzore të humbura për gjithfarë arsyesh: prej mërive politike dhe gjakmarrjes primitive deri te lufta spektakolare e vitit 1997; prej atentateve dhe aksidenteve deri te zhdukja pa gjurmë; prej gëlltitjes në gollet e detrave deri te përhumbja në zgafellat e Malësisë së Madhe. Edhe nëse një shoqatë bamirëse arrin t‘ua heqë duarsh familjeve "pengjet e hakmarrjes" në malësi, ja ku dalin ca vrasës më modernë, që ua marrin frymën pak nga pak, duke u hequr edhe bukën e gojës dhe plaçkat e trupit!

Në Shqipërinë e dikurshme ekzistonte ligji i dënimit me vdekje. Në Shqipërinë e kohëve moderne ligji e ndalon marrjen e jetës së tjetrit. Asnjë gjykatë nuk mund të vendosë për dënimin kapital, sikurse thuhej dikur. Por ç‘rëndësi ka ky farë demokratizimi apo dhe qytetërimi quajeni, nëse numri i jetëve të humbura në dy dekadat e fundme jo për shkaqe natyrore, por se ashtu ka vendosur trilli i dikujt, rezulton ndoshta trefishi i atyre që viktimizoi vrazhdë diktatura?! A nuk është kjo një tjetër formë diktature, diktatura e pasigurisë? Nuk kishte këtë kuptim ideali i njerëzve që përmbysën komunizmin. Ata ëndërronin një shoqëri ku jo të drejtat ekzistenciale, por edhe të drejtat më anësore të njeriut, të respektoheshin.

Njerëzit po shohin prapa sepse e ardhmja e tyre është errësuar. Arsyetimi që ata bëjnë është shumë i thjeshtë: "I kishte të gjitha të këqijat ai rend, por kishte siguri. Kurse tani, të jesh i pasur të vrasin se je i pasur dhe konkurrues; të jesh i varfër të vret varfëria vetë; të duash të dalësh nga varfëria të qërojnë rivalët; dhe nëse ke ndofarë trilli për gjah, për shembull, mos shko se të hedh makina njëzet metra tutje dhe zagari të vajton te koka". Prandaj dhe përshëndetja më e zakonshme e shqiptarëve është: "Hajt, shtyje! Rrojmë sot për sot!". E shtyjmë, po deri kur?

Një popull i tërë që rron me të shtyrë! Një kohë e tërë që ka marrë emrin e Gërdecit! Agjitatorët kanë dalë nëpër tribuna për të premtuar "Shqipërinë e tyre" të pas 28 qershorit. Flasin për plehrat që do të hiqen rrugëve, flasin për pemët që do të shtohen në qytete, flasin për "rritjen ekonomike vjetore rekord prej 6-9 për qind", flasin dhe japin garanci se kriza financiare botërore s‘ka punë me Shqipërinë, sepse ky është një ishull ku dollari dhe euro nuk sëmuren kurrë, edhe sikur në gjithë botën të sëmuren. Flasin për urat që do të ndërtohen në fshat dhe gratë që do të jenë më shumë në qeverisje. Por askush nuk na thotë a do të marrë fund kalvari i quajtur "tranzicion", që po bëhet më i urrejtshëm se "ndërtimi i plotë i shoqërisë socialiste" dikur.

Një mendimtar klasik, Karl Marksi, emri i të cilit tani së voni po evokohet gjithnjë e më shpesh krahas me emrin e J. Keynes-it dhe të pasuesve të tij, është shprehur se një shoqëri mund të vlerësohet me një farë perspektive vetëm nëse "brezi i jetës", brezi që krijon të mirat e jetës, arrin të prodhojë për të rrojtur më mirë vetë dhe një shtesë të domosdoshme për të ndërtuar të ardhmen e brezit pasardhës. Kjo quhet përgjegjësi historike. Mbi këtë bazë krijohet trashëgimia. Nuk bëhet fjalë t‘i lëmë atij brezi të ri përqindjen e rentës, letrat me vlerë, sepse kjo është një e ardhme që blihet. Brezit duhet t‘i meritohet trashëgimia funksionuese, një pasuri që nuk ngrihet e shembet një herë në katër vjet.

Por tranzicioni dhe rruga e pambarimtë drejt zhvillimit të qëndrueshëm ekonomik nuk janë shkaqet e vetme të pasigurisë së jetës. Në Shqipëri bazat e sistemit shoqëror kanë qenë e janë historikisht të paqëndrueshme. Njëqind vjet më parë, kur Shqipëria u njoh si shtet më vete, pavarësisht se historianët heshtin, u njoh si "shtet me kurorë". Kur themeluesin e shtetit shqiptar tamam miqtë e tij e dëbuan duke e akuzuar se e kishte shpallur Shqipërinë të pavarur për t‘u bërë vetë sovran, vendi u kthye në principatë të trashëgueshme, me pak se "shtet me kurorë". Në fund të Luftës së Parë Botërore në krye të vendit erdhi një "pleqësi", "kryesi", apo "këshill shteti", që përbëhej nga katër anëtarë, që populli i quante me qesëndi "çerek-mbretër". Fan Noli zhvilloi për një gjysmë viti qeverisjen më liberale, aq sa dhe në Lidhjen e Kombeve mbajti fjalime satirike, por republikën e shpalli A. Zogu.

Pas tri vitesh, vetë "nuni" i republikës do të fronëzohej mbret dhe asnjë qeveri evropiane nuk e vrau mendjen për atë që ndodhi. I vetmi që kundërshtoi ishte themeluesi i Turqisë republikane Ataturk! Gjatë pesë vjetëve të luftës antifashiste sistemi politik ndryshoi dy herë: në fillim qeverisje me mëkëmbës mbret - perandor dhe pastaj me regjencë, domethënë me mbretëri kolektive, si në vitet 1920. Republika e komunistëve ndërroi formë dy herë, duke ruajtur "presidiumin", përsëri kryesi kolektive formale shteti me 16 anëtarë e më vonë kur mendohej se mbretëria kishte mbetur në muze, mbretnorët arritën të marrin 33 për qind të votave në një referendum plebishitar vetëm 10 vjet të shkuara. Paqëndrueshmëria e sistemit politik nuk është vetëm një çështje e së shkuarës. Nuk mund të gjendet një vend tjetër në botë ku vetë qeverisësit e rendit të parë të sillen me Kushtetutën e shtetit si me një librezë uji. "Këtu fillon e ardhmja", thuhet në ballinën e Kushtetutës së vitit 1998, por aty u pa më vonë se nuk fillonte hiç e ardhmja, por një katrahurë hesap me institucionet?!

Shqipëria është një vend pa konventë, të mirë apo të keqe. Shqipëria madje nuk ka as dhe një orientim politik bindës dhe strategjik. Të gjithë, të majtë e të djathë, thonë se duan ta bashkojnë urgjentisht vendin me Shtetet e Bashkuara të Evropës, por në mendje e në veprim tjetër gjë bëjnë: si ta ujdisin punën me Shtetet e Bashkuara të Amerikës. Nxënësve të shkollave tetëvjeçare u thuhet se ngjarja më e madhe e dy dekadave të fundme është vizita e G. W. Bush në Tiranë, jo shkundja e kësaj bote prej sloganit të studentëve idealistë "E duam Shqipërinë si e gjithë Evropa!". Ndoshta është më mirë vërtet për Shqipërinë që të parapëlqejë si aleat strategjik Uashingtonin, sido që pjesa më e madhe e njerëzve të politikës nuk i dinë dallimet rrugës së formimit shtetëror të njërit apo të tjetrit aleat dhe askush nuk ka bërë një studim se cila strategji është më e realizueshme. Por të thuash "Evropën" dhe të mendosh "Amerikën" është një shtirje që e shumëfishon pasigurinë, një hibrid vizioni që çorienton të madh e të vogël si gjithmonë ndër sisteme të ndërrueshme lehtë në tokën tonë. Kush e di çdo na dalë shpejt ndër hinterlandin evropian ndonjë model tjetër demokracie apo lideri që ne t‘i shkojmë pas për nga moda e jo të bëjmë atë punën tjetër të mirë fort, të studimit të tij e adaptimit të kushteve tona. Një kopjim kaq i shëmtuar s‘të vjen ndërmend!

Shqiptarëve u ka mbetur të mendojë secili për kryet e vet. Të shpëtojë veten, të shpëtojë fëmijët dhe familjen. Të ketë dy lekë mënjanë për ditë të zezë, kur duhej të ishte e kundërta: të ketë diçka që tepron, jo prej kursimit, por prej qëndrueshmërisë së jetës, për një projekt e për një ëndërr. Një ëndërr që mos të lindin më mes nesh breza fatkeq që të vazhdojnë të rrotullohen si një varkë mes vorbullës sepse ne, prindërit e tyre e prindërit para nesh, nuk ditëm t‘u gatitnim një konventë, një konventë në të cilën të garantohet siguria e jetës. E derisa një konventë e tillë mungon, nostalgjia si gjendje, mbetet vetëm një liman për të dremitur nga pak.

 

55 Komente

Nxënësve të shkollave tetëvjeçare u thuhet se ngjarja më e madhe e dy dekadave të fundme është vizita e G. W. Bush në Tiranë, jo shkundja e kësaj bote prej sloganit të studentëve idealistë "E duam Shqipërinë si e gjithë Evropa!"

Ky është një nga shkrimet më të bukura që kam lexuar tek Peshku!

Ed,

per nje moment me bere te shkundem fort...po shyqyr qe u kujtova shpejt per ate manifestimin komunist ne Modena, se per pak te besova vertet qe ky qenka shkrimi me i bukur qe ke lexuar : D

Kafshate qe nuk kaperdihet eshte o vella injoranca

 

Normale...Nje Stafa nuk mund te shkruante ndryshe......

Stafa e ka nga burri moj Zane ...

Citoj:

"ç‘nuk kishte të mbrapshtë ajo kohë: luftën e klasave, barazinë në varfëri, ankthin e përgjithshëm, ngurtësimin ideologjik, dhunën ndaj kundërshtarëve, vetëveçimin nga bota, dënimin për një fjalë goje. Porse ama kishte siguri."

Veteshpjeguese, pa patur nevoje per koment . Po mos u mallengjeni kaq shume...Nuk ngjallet.

Flor, mirë që s'ngjallet, po puna është që po vdiset. 

 

o J, se ty ta nigjaj fjalen une, po a nuk kane keto probleme orientimi politikash e sigurie per shume e shume vende? po mire, si u permendkan me mall keto te mira me tallon te enverizmit (se keshtu ishte) dhe u harruakan keto te sotmet? edhe me tej akoma, cna proponon shkrimi?

mos pash zotin kshu ne pervjetorin e Kinezllikut. kam prape me vone...

Po ke shume te drejte fh,

s`ka sens i gjithe paragrafi. ka lufte klasash dhe ka siguri.

...ka ankth dhe ka siguri

...ka dhune ndaj kundershtareve dhe ka siguri

...ka denim per nje fjale goje dhe ka siguri...

...Ku eshte sensi ketu. Kjo eshte percartje e paster.

Se keshtu i bie qe fjala siguri lidhet me luften e klasave e keto te tjerat. Ose mbase une e kuptoj gabim fjalen siguri.

Citoj:

Brezit duhet t‘i meritohet trashëgimia funksionuese, një pasuri që nuk ngrihet e shembet një herë në katër vjet

Po jo mor jo, se as 500 as 40 nuk na e shembin ket pasuri. Pa merak.Ka te tjera rrenje ajo.

Kush jane komunistet dhe anti-amerikanet ne Shqiperi dhe cili eshte zeri i tyre?  Thjeshte fare.  Televizioni TCH dhe rrogetaret e tij.

Shikoni paturpesine e kesaj kukulles qe ka mbaruar per mesuese historie dhe ben gazetaren dhe spikeren ne kete televizion, se si i ben apollogjine sistemit totalitar.

Ka qene gjithnje prezente tek komunistet, qe nga theqafja e sistemit totalitar qe te nxiste "nostalgjine" tek populli, duke permendur medemek sigurine ne ate kohe.

Po, vendosju te gjithe njerezve nga nje kamer ne shtepi, ne cdo dhome, ne banjo dhe kudo, po ashtu edhe jashte shtepise mbyte me kamera, bile mundesisht tani qe eshte zhvilluar teknologjia, t'iu instalohet njerezve nje lokalizues ku te tregoje ne monitorin e policise se ku eshte ne cdo cep te vendit dhe te raportoje nese del nga zona e lejuar.

Jam i bindur qe kriminaliteti do te jete shume shume i ulet, i paperfillshem, por mos harroni se me kete rast nuk ka edhe liri fare.  Liria e njerezve eshte vrare.

E vetmja pasiguri ne totalitarizem eshte se ti, une, ai, ajo, jemi te pasigurte nga banda qe na sundon.  Banda qe eshte ne krye ka ne dore te te zhduke jo vetem fizikisht, por edhe nga rekordet, bile bile edhe nga kujtesa e njerezve te tu.

Nderkohe per t'u marre vetem pak me shkrimin, mund te them qe nuk eshte fare e vertete qe hakmarrja dhe gjakmarrja ka qene e zhdukur ne ate kohe.  Ka pasur plot raste te vrasjeve per te tilla motive, vetem qe ne ate kohe nuk ishte se raportohej dicka ne media dhe ta merrte vesh mileti.

Njerezit binin ne gjume me barkun bosh, te veshur dhe mbathur me rrecka, vecanerisht ne fshat. Kjo eshte pasiguri edhe me e keqe.

Kaq shpejt valle e harruam mizerjen qe arritem ne vitin '90-'91?

Si ishte ajo qe e nxjerrin nga goja marksistet?  diktatura e proletariatit, si faza e perkohshme ndermjet shoqerise kapitaliste dhe shoqerise utopike komuniste, ku nuk do te kishte klasa (sociale), nuk do te kishte shtet dhe nuk do te kishte dhe para fare.

Hahahaha!  Per keto na ka marre malli ee?  Me falni, per keto kemi nostalgji ee?!

Shkurt dhe shqip, ceshtja eshte qe duhet shikuar  raporti me lirine dhe jo pallavra komuniste te ketij lloj.

 

I tërë artikullit mund të barazohet me "Pse na dhatë të drejtën për të votuar se po votojmë vetëm për ata që s'dijnë të na udhëheqin."

Kështu e ka demokracia, do ca punë. Mua më duket shumë e thjeshtë. I provove komunistët, mos i voto më. I provove demokratët, mos i voto më. I provove socialistët, mos i voto më. Kur s'ka njeri tjetër, voto për Skënderbeun dhe bie rehat. Por gjithmonë duhet votuar. E kam thënë një qind herë, por vetëm këtë përgjigje mund të jap në shkrime të tilla. Në çdo vend normal, ku njerëzit dinë të mësojnë nga gabimet e mëparshme, jo Berisha që s'do të kishte fituar, por as Rama s'do ishte aty ku është. Po njerëzia po atë avaz ka dhe vazhdon e qahet. Ja t'ua mësojë Bushi.

E rezuam sistemin totalitar dhe mire beme por e keqja eshte se deshim te ndertonim nje sistem demkoratik kur nuk kishim idene se cfare ishte demokracia.

Rastesia dhe presioni i te tjereve solli qe  pak  gjera ti benim si ne demokraci, por shumicen e gjerave i kemi bere se mbrapthi.

E kemi kuptuar sikur demokracia eshte prishje , shkaterim ,vjedhje, dembelizem, koruspion, prostitucion, droge, ah po dhe tangerllik prej koti . Kjo eshte shqiperia jone Nuk eshte aspak nostalgjia per sistemin e shkuar por eshte nje proteste per sistemin e sotem.

Per ne demokracia eshte si ajo barcaleta e dembelit.

Nje here Sulltani pasi degjoj se ne bote otomanizmi po identifikohej me dembelizmin dhe nxori nje ligj qe do te vriste tere dembelet.

Nje pasha kishte nje  dylber ( te dashur) qe ishte ne listen e dembeleve. Kur erdhen ushtaret e sulltanit per ta mare, pashai u mundua ta mbronte duke ju thene te mos e mernin dylberin e tij se ai do te kujdesej per te,

"Une do ta ushqej me ara dhe mjalte dhe  dylberi i shkrete  nuk do ti bjere ne qafe njeriu" Lutej pashaj tek komandati Turk

Dylberi qe e degjoj tere biseden midis Pashait dhe komandatit te sulltanit e pyet

Pasha a do te jene  arat te qeruara ?

Per mua ketu Monika ja ka fut kot ne shume gjera. Dhe pikerisht kunder kesaj lloj fryme sherben ai marzhinalizimi i komunizmit qe thoja ca kohe me pare. Siguria ne kohen e monizmit nuk vinte per merite te sistemit por per faj te sistemit. Nqs ti po te dilje mbas ores 9 kishe nje sigurims qe te ndiqte nga mbrapa, sigurisht qe nuk do sulmohesh nga njeri.

Kjo eshte njesoj sikur te thuash qe me mire rri pa henger se mishi, bulmetrat, veza, etj te rrisin kolesterolin. Rrofte "tolloni" qe na shpetoi shnetin!

 Lizandër, mos vallë është bo sekretare (ajo qi ma sekretet) e Fondacionit Stafa kjo Mona ene ne zdim gjo?

Po qe bo me majte sekretet e ka majte sekret ene kte. Jo sinqerisht une Moniken e njoh per gazetare.

 

Cilido me pak, po fare pak zgjuarsi vetem kete paragraf nuk do te shkruante:

"ç‘nuk kishte të mbrapshtë ajo kohë: luftën e klasave, barazinë në varfëri, ankthin e përgjithshëm, ngurtësimin ideologjik, dhunën ndaj kundërshtarëve, vetëveçimin nga bota, dënimin për një fjalë goje. Porse ama kishte siguri."

Pasi permenden tere ato te zeza, une nuk e di se ku qendron e c'mund te quhet: SIGURI?! smiley

pfffffff, peshtirosje...

 Kur do heqin dorë nga hartimet??? Kur? Kur?

Moj xhane, (kush e njeh këtë shoshori-stafën t'ja thot&eumlsmiley artikulli ka 3 pjesë:

1- Hyrjen : ku autori përmbledh në pak llafe ça do trajtojë dhe idenë e asaj që do mbrojë.

2- Mezin: ku shtjellon argumentat e veta

3 - Mylljen: ku përmend edhe njëherë ça ka molloisur dhe nxjerr idenë.

Cuditerisht tek ne shkrimiet e tilla pacavure te tipit "po bie qielli" shtohen ne proporcion te drejte me permiresimin e gjerave; kur eshte keq fare ka ca shkrime te tilla po jo shume, pastaj duke filluar te permiresohen dicka gjerat, shtohen dhe keto shkrimet nga keta neo-komunistet shqiptare, e vazhdon ne kete rritem. Dhe gjithmone behet krahasimi me kohen "stable" dhe "te sigurte" te Enverit. :-D

E gjithe bota e medias tone eshte pak a shume (fatkeqsisht) nje kenete pa uje e madhe, dmth o sa mire me qene peshk pa uje, se ke shanse te lexosh shkrime te tilla tek kategorite kryesore te Peshkut cdo dit.

Dhe le te shpresojme qe Ypi dhe shoqja e Tushes (Spiropalosja) do shkruajne hartimet e tyra te dyta per kete vit. Mezi presim ti lexojme. smiley

po ja me referoni ndonje shkrim nga Ypi qe juve mendoni se eshte me i miri, se mbase ndryshoj mendje.

 

Merre te parin : Natë. Kioskat mbyllur. Profesorat flenë. Në ëndrra shohin Shqipëri me në krye trima. Kur të zgjohen do shohin se nuk janë, as krye, as trima, as burra, por kurva.

Ypi ka kusure sa te dush, po avash mer se e ben te madh hendekun kshu.

 

P.S.  Xhib, kur je ti mungo Grupi, kur vje Grupi mungon ti. Pse e ke cu veten deri ne kete far derexheje ? Merru me grafiqe , numra e statisika si mire dukeshe ne ato ane.

e lexova artikullin dhe jam dakort me gjithçka,nuk kuptoj ata qè e kundèrshtojnè se pèr çfarè e kanè fjalèn...nuk di se çfarè mund ta ringjall pèrsèri atè kohè,dhe nuk di se kush do tè dèshironte diçka tè tillè..mendimi im èshtè se edhe nè se flitet disi mirè pèr atè kohè bèhet pasi zhgènjimi i sotèm èshtè vèrtet tragjik,mund ti gjej aq tè mira asaj kohe sa mund ti gjej kèqija kèsaj tè sotshme......

Mos e qelbni muhabetin duke fshi postat se ishin plotesisht ne koherence me kete qe thote Arbi. (e kom fjalen per keto te fundit se ato te tjerat bote shume mire qe i fshite se ishin pa lidhje) Nuk ka faj as Syribukur, as une qe femijet nuk e kane jetu ate tmerr dhe qe nuk kane patur prinder qe t'i informojne. Besoj se fakti qe po e quajme te vogel ne moshe eshte nder qe po i bejme Arbit, se perndryshe komenti i tij do ishte mostruoz. (nqs do ishte me shume se 25 vje&ccedilsmiley

"Gabimi" qe na induktojne te bejme eshte pikerisht se ajo qe ndodhi ishte faji i sistemit dhe qe eshte budallallik te mendosh se ajo do kthehet. Puna nuk eshte fare a kthehet me ai sistem po a kthehen me po ata njerez. Sistemi nuk na ra nga qielli! Ate e bene nje pjese e madhe e ketyre qe jane sot apo prindet e tyre.

Ju ankoheni per ate qe vuajme sot dhe refuzoni ta kuptoni qe kjo e sotmja eshte VETEM derivati i asaj te djeshmes. Te jeni te bindur se Enveri nuk ishte me i keq se Rama apo Ruçi, qe Ramizi nuk qe me i keq se Sala, qe Rusmajli e Gjinushi nuk jane me te mire se baballaret e tyre. Imagjinoni pak se kush do ishte ne pushtet sot ne Shqiperi nqs nuk do kishte ndryshu Europa lindore! Sa perqind e qeverise apo e deputeteve do ishin ne valle?

Ju krahasoni te keqiat e sotme me pseudo te mirat e atehershme se nuk e kuptoni qe ne akoma nuk kemi dale nga komunizmi.

Pse nuk vendosni nje rregull te tille, secili flet per politike ne Shqiperi, te japi paraprakisht moshen dhe lidhjet me PPSH-ne, se pas pseudonimit eshte shume e thjeshte te besh si "pajtues" dhe partizan i mbylljes se kapitullit te komunizmit. Shumica derrmuese e votuesve te PD-se votojne nga frika e kthimit te kriminelve qe i masakruan, dhe shumica derrmuese e votuesve te PS-se votojne qe te perfitojne privilegje ne emer te se kaluares komuniste.

Dhe eshte PAFTYRESI nga ana e shume prej jush qe beni sikur nuk e kuptoni kte. Hajd shnet se me hapet barkun per sot!

PS : Mendojeni pak çunin e Gëbelsit si zv-kryeminister ne Gjermani (si Rusmajli)! Po t'i dilte njeriu ne enderr kjo gje ne Gjermani do lemeriste lagjen nga ulerimat, kurse ne e jetojme si kulmin e mundshem te anti-komunizmit! 

 

Sot kam ndërmend të të bëj të rrotullohesh si centrifugë... e meriton me këto që thua...

Ate e bene nje pjese e madhe e ketyre qe jane sot apo prindet e tyre.

Nuk e kuptoj pse apriori do duhen dënuar fëmijët, për mëkatet e prindërve?

Le që për më shumë, siç është argumenti yt shumë naiv, ashtu do bëhet edhe praktikimi i tij: në mënyrë përzgjedhëse. Ky që duam ne ka qënë e ai tjetri jo. (do ta shpjegoj më poshtë si bëhet kjo)

Shumica derrmuese e votuesve te PD-se votojne nga frika e kthimit te kriminelve qe i masakruan, dhe shumica derrmuese e votuesve te PS-se votojne qe te perfitojne privilegje ne emer te se kaluares komuniste.

E ke pyetur ndonjëherë veten pse kaq kohë nuk janë hap dosjet?

Kur u propozua kjo, në fillim të viteve 90' vetë Azem Hajdari kishte kundërshtuar, sepse shumica e spiunëve, kishin kaluar me PD-në. PS i kishte pastruar të vetët sepse i njifte. Kështu kostoja binte mbi elektoratin e të vuajturve. Kështu është kur voton për etiketën dhe jo përmbajtjen.

 

 

Ku eshte centrifuga o Jul? Amon se po e pres!

Po ti s'me lexo as per here te pare o burre. Po ti a shef qe mu me shkoi goja mrapa tu thone qe s'e bo dot Sala e PD-ja pastrimin e figurave se jane te piset vete e do bejne paçavure qe te shpetojne bythen e vet?

Po nejse une nuk e di pse merrem me ty politikisht kur ti ke guximin te thush :

PS i kishte pastruar të vetët sepse i njifte.

Sa emra spiunesh do qe jane akoma ne PS, sot?

Kurse mekatet e femijve nuk jane aforfe, por jane te tilla kur per hater te perfitimeve qe kane pas ne ate kohe ata vazhdojne te mos i denojne krimet e prinderve. Ose me keq akoma vazhdojne te bejne te tjera.

Mjaft o burre me idene se ç'u be atehere u be vetem prej regjimit dhe se tani u mbyll ai kapitull. Shumica e gjerave u bene se njerzit ne krye ishin te atille. Dhe femijet e tyre duhet te japin prova qe jane ndryshe nga prindet. Nuk kam pse i besoj une vendin Rusmajlit kur i jati ka qene drejtor i televizionit pra i propagandes gjakatare. Per me teper kur ky vazhdon te tallet me ish te persekutumit.

Kështu kostoja binte mbi elektoratin e të vuajturve. Kështu është kur voton për etiketën dhe jo përmbajtjen.

O Jul a e kupto se car po shkru? A e kupto qe nqs ata qe vuajten votojne PD-ne nga frika dhe se nuk kane alternative tjeter. Kurse PLEHRAT E NDYRA votojne nje fashist (te tille e kane qujte vete) vetem se e dine qe ai do u ktheje privilegjet. Me thuj vetem nje ide te majte qe ke degju nga goja e Rames apo nje gje te majte qe ka bo ai ne Tirane ne 9 vjet?

Po kini o vlla te pakten ndershmerine qe te thoni : "Nuk na rruhet per programe politike, po dume ata njerez qe na kthejne ne pushtet!" Ne fund te fundit, une dhe 5 veta te tjere shkrujme me emer ketu se ju te tjeret te gjithe jeni me pseudonime.

 

koment.. mostruoz???pse??...hej po mè thoni pak ku gabon autorja e shkrimit?? mos ka shpikur ndonjè gjè??sa pèr dijeni unè jam 30 vjeç..dhe sa pèr dijeni me gjithè respektin qè mund tè kem pèr tè gjithè ju,nuk kam nevojè pèr leksione historie pèr atè kohè,pasi e kam jetuar vetè,dhe unè e di se çkemi hequr!!...vèrtet ka njeri kètu qè mendon se ajo kohè kishte vetèm tè kèqija ndèrsa kjo ka vetèm tè mira....me gogolin e komunizmit shkoni e trembni kalamajtè..

O Arb mos e qelb mo shume o burre!

Kush tha qe s'ka te keqija kjo kohe? Po te keqiat kryesore (drejtuesit e vendit) i kemi te trasheguara nga ajo kohe. Kemi sistemin e drejtesise te trasheguar nga ajo kohe e nuk po heqim prej andej as ata qe kane denu njerez me vdekje per nje llaf goje.

Per mua mostruzitet eshte ta krahasosh ate sistem me çfaredo dhe t'i gjesh "te mira" atij sistemi.

A e di ate historine e zogut qe i beri lopa bajge mbi koke dhe i thoshte : "Rri urte se te shpetova nga skifteri!"

Identike jane edhe "te mirat" e atij sistemi.

po lizanandèr...dhe historia qè tregon ti vazhdon mè tej,pasi aty mè vonè afrohet çakalli...i cili e nxjerr zogun nga bajga e pastron mirè e mirè dhe zogu gjith qejf e falenderon kur çakalli e gèlltit tè gjithè dhe atij i mbetet vetèm disa pupla pèr tokè..morali pèr mua?? jo tè gjithè ata qè tè bèjnè bajgèn e bèjnè pèr keq dhe jo tè gjithè ata qè tè nxjerrin nga bajga e bèjnè pèr mirè...p.s. do tè isha i çmendur tè mbroja sistemin komunist, komenti im i referohet artikullit dhe pèrsèri mendoj se autorja èshtè e saktè nè ato qè thotè...

"Ose mbase une e kuptoj gabim fjalen siguri " ???? Per mua Koth. nuk e kupton gabim ...por perpiqesh me "hile " ta ballafaqosh si kabim smiley . Gjith bota ne organizimin e saj ka KSHILLIN e SIGURIMIT  qe edhe kur ben "hile" per ta keqinterpetuar SIGURINE te nxjerr rezoluta IMPONUESE dhe ne befsh "hile" me tej, te dergon ca aeroplane me karamele dhe ca mjete me zinxhire po tani jo imponuese por me "rruge demokratike" dhe si shembull ngre edhe trekembsha me "gjyqtare te ndershem e te pavarur" Pse nuk i dije ti keto smiley Aertikull befasues per thellesine e gjykimit dhe teper i paster e i paaneshem ne ballafaqimin e problemeve kyce. Urime znj STAFA qe dhe nga mbiemri tregon se je e pershtateshme per "Qortime.... "

Kam ndjere dhemshuri dhe keqardhje per brezin 1945-1990. Por nese ka nostalgjike nga ai brez  per te shkuaren,mendoj se e kane merituar fatin qe u erdhi.Se ne fund te fundit ata e duartrokiten ate sistem per 45 vjet rresht.Me vjen cudi qe akoma ka nostalgjike qe thone ishim mire se ishim te gjithe te varfer dhe kishte siguri.Si mund te ndihesh mire kur jane te varfer te gjithe?Apo tani ndiheni keq se djali i komshiut i dergon babes me shume $$ se djali juaj?Ketu eshte  gjithe inati i shumices se nostalgjikeve.

Por edhe ne kohen e  Hitlerit dhe Musolinit ka pasur goxha siguri.Mos duhet qe gjermanet dhe italianet te kthejne sistemet e tyre per te patur siguri?JO!

Gjeja me e gabuar eshte te mendojme se kemi bere gabim qe rrezuam ate sistem antishqiptar.Kete synon te beje gazetarka komuniste Stafa.

Por nje gje eshte e sigurte :koha juaj dhe e nostalgjive tuaja ka mbaruar!

Ky sistem qe eshte tani ndoshta ka te meta por eshte 1001 here me i mire se sistemi i viteve 1945-1990!

Sala apo Rama kane te metat e tyre por jane shume me te mire se Hoxha, Shehu,Kapo apo mostrat e tjera te terrorit te kuq.Te pakten Sala apo Rama nuk kane vrare njeri per bindje politike.

Po koha kalon dhe brezi nostalgjik do te ike dhe do te na lere rehat me piskamat e tyre anti shqiptare.

 

"Nese njeriu sakrifikon lirite personale dhe te drejtat qytatare per sigurine,nuk i meriton as lirine as sigurine"-Thenie nga Beniamin Franklin

me duket se zj.Monika e ka marre malli per t'rregullu fitilat e furrnelles me vajguri....sa per tjerat ç'ta zgjas ...ajo "siguri" i sherbente vetem Bllokut dhe jo popullit qe i diheshin breket ne sirtar;asnje sistem nuk eshte perfekt, asnje popull nuk eshte perfekt,ai edukohet me ligje dhe,kjo eshte nje rruge teper e gjate dhe e mundimshme,kerkon sakrifica dhe pune,pune,pune

anarkia qe mbizoteron atje sot,i ka rrenjet shume te thella,pikerisht te ajo siguria e rreme,te ajo heshtje e qenit pa te zone,te lidhur e te rrahur qe kur leshohet eshte i terbuar,e sa i mire behet kur e edukon,me i mire se ata qenat bijte e qenave qe drejtone sot.

me duket se zj.Monika e ka marre malli per t'rregullu fitilat e furrnelles me vajguri

Xheni, e lexove ti ca ka shkrujt kjo zonja apo i hudhe i sy ene aq?

Shkrim i mire.

""""me duket se zj.Monika e ka marre malli per t'rregullu fitilat e furrnelles me vajguri...."""" Kur vjen nga "hajde pishe  e pishe pes leka dhjete leka" eshte njeqind her me mire me vajguri. Ndersa sot eshte me keq se sa pa drita fare se keni prere dhe PISHAT pese leka e dhjete leka" smiley

Swed, shkrim i mire?!  Ne cfare pikepamje?!

Nga keto sindroma nostalgjie s'vuajme vetem ne.  Perqindja e ruseve (brezi i ri) qe kane mendime pozitive per Stalinin eshte ne rritje. 

 

Monda, t'u duk se autoja lavdëronte Enverin se kishte vrarë më pak se sa kanë vdekur në këto 20 vjet?
Përse nuk e lexon edhe një herë shkrimin?

Enverin ishte epitoma.  Dhe mos me thuaj qe praktikisht ai sistem nuk ishte i nderlidhur me udheheqjen. 

Shkrimin e lexova mire e bukur nje here.  S'eshte nevoja per dy smiley.  Ndoshta per mendjen time jo te thelle nuk ishte e nevojshme per thellim dy-tre here.

Monda, unë s'jam komunist... shumë shumë mund të jem me prirje të majta si LJuli i vocërr (ai shoku jot që e ke inat smiley ), por të njëjtat gjëra që thotë autorja e shkrimit, i kemi thënë që para shumë kohësh... dhe jo për të "kujtuar me nostalgji" vitet që shkuan, por për të bërë njerëzit që të shikojnë me sy kritik edhe qëndrimin e tyre ndaj këtyre problemeve... ku dhe ti je shembulli më brilant i verbërisë së lindur nga urrejtja ndaj komunizmit. Problemi këtu ngrihet që: Nëse Enveri/komunistët ishin kriminelë se zhdukën jetë njerëzish, po për këto vdekje të përditshme, kujt duhet t'ja drejtojmë gishtin?
Zotit?
Zëvëndësit të tij për tokën shqiptare? (dmth atij shokut tat? smiley )

Apo mjaft të gjejmë fajtorë për vrasjet e komunizmit dhe ndihemi më mirë shpirtërisht?

C'verberi edrus?  Se ju te vishni sindroma si te gdhiheni ne mengjes. 

Me pe gje te jem e mendimit qe te mbulohet ai me ate?  (I kam dhene fjale gre-se qe s'e prish gojen.)  Me ke pare/lexuar ketu te ppu te mbroj shkallimin ne te gjitha aspektet e shoqerise ne kete periudhe te mallkuar tranzicioni?! 

Por une, jo verberisht, por ndergjegjesisht nuk mund te flas/mbroj/advokoj sigurine e asaj kohe. 

Me thua mua te thellohem (lexo dy-tre here) ama nga ana tjeter ben karakterizime te tilla bardhe e zi.  Sic thoshte ky ish-karafili yne: "Me ne, ose kunder nesh."

Jo mer lal, jam kunder dhe kunder.

Monda, shkrim i mire ne pikpamjen qe konkludon ".... E derisa një konventë e tillë mungon, nostalgjia si gjendje, mbetet vetëm një liman për të dremitur nga pak", pa u krahasuar as me ruset as me ndonje komb tjeter. Ne fund te fundit, pse duhet gjithmone te zgjedhim krahasimin e gabuar? A nuk do kishte qene me i mire ky sistem sikur sot mos te thoshim psh per kartat e identitetit "ohu, ne kohen e Enverit ishin te gjithe te regjistruar, dhe leternjoftimin e merrnim pa leke biles". Nuk duket sikur Monika ka thene qe neve po na rrjedhin lotet rreke per Enverin, thjesht dhe paster vetem ate qe ndodh, te pakten 10 here ne dite i referohemi asaj kohe per krahasime (te pakten ne qe jetojme ne Shqiperi)

PS: e

Ja nje shtjellim jo i thelle per temen.  Ne ate kohe, s'kishte makina per popullin.  Vetem per partine, bile me shofere.  Bukuri.  S'kishte as trafik, as aksidente, as ndotje.

Sot, makine kane te gjithe.  Ka trafik, ka aksidente, ka ndotje.

Te hiqen makinat.

Te hiqen sobat me korent, t'i zevendesojme me furrnella. Bolieret t'i cojme ne metalurgjik e me ta te ndertojme dushet me vaj guri. Compiuterat t'i shesim e t'i shperndajme popullsise radio me bateri kineze...

Po e ndal ketu, se mund te me kopjojne programin. smiley

Shumica qe flasin ketu nuk kane kuptuar asgje se cfare eshte totalitarizmi.  Ne totalitarizem ka kontroll total dhe ka sigurisht edhe me pak krime, por liria e individeve ka vdekur me kohe.

Pasiguria ne totalitarizem per qytetaret vjen nga ata qe sundojne. 

Mijera vete te vrare me dhe pa gjyqe nga stalinistet shqiptare.  Mijera te tjere te burgosur, internuar, torturuar etj., po nga ky rregjim totalitar per gjera nga me te voglat.

Totalitarizmi tenton te te kontrolloje edhe mendimet.

Ne demokracite liberale, krimi luftohet me ligjin, me aftesimin dhe modernizimin e agjensive te zbatimit te ligjit, te cilat veprojne mbi baze te ligjeve dhe rregullave qe si themel kane lirite dhe te drejtat e njerezve.

Kapitalizmi dhe demokracia liberale, jane sistemet me te mira nga te tjerat qe kemi provuar deri tani.  Nese dikush di dicka te re, te na e tregoje.

Probleme ka pasur dhe do te kete, por te thuhet qe totalitarizmi ishte i mire se kishe siguri, do te thote ose qe je cemndur dhe nuk di se cfare nxjerr nga goja, ose ke qene nje krijese e percudnuar qe e ke merituar ate sistem dhe ato krime.

Megjithatë NJË TEMË mbaj mend, dhe vetëm NJË, të ketë qënë aq popullore sa të gjithë vërshuam me kujtimet kur ishim të vegjël.

Po aty s'kishte politikë...

Nuk zihej në gojë diktatura, pothuajse nuk u përmend fare. Vetëm kujtime nga fëmijëria. Aty nuk u dënua kush, as u bë kush me faj, po prapë.... Prapë ngelet ajo pika e zezë... që e ka emrin NOSTALGJI për të cilën ama nuk u akuzua kush. (ok ishte polici, po polici polic ngelet) smiley

Mendimi im shkurt: Nuk jemi akoma në gjendje të gjykojmë drejt për atë kohë.

Jam pa njolle ne biografi, s'kam shkruar tek ajo teme smiley

PS: Kujtimet, nostaligjite e femijerise, me nostalgji sistemi sikur s'ka lezet te vihen ne nje kandar. 

Ti s'kishte shkru as nga krushku se bëra një kërkim unë smiley "shpëtove"

Mirë hajde fëmijëria dakort nuk quhet. A mund të quash sigurinë, rendin, ligjin, rregullin si tipare të atij sistemi?

Shkon kudo në Evropë, në pjesën më të madhe i ke përsëri këto elementë.

Më jep përgjigje tashi: Pse duhet të ndalohet të themi se atëherë kishte siguri dhe tani nuk kemi? Apo pse duhet konsideruar nostalgji? (dhe kujtimet e fëmijërisë jo?)

 

 

Jul, nuk thashe te mos perdoret fjala "nostalgji" per te dyja rastet.  Por qe te vihen ne te njejtin kandar, e perseris, s'ka lezet.  Dhe robte qe jetojne ne geto kane kujtime femijerie. 

Ajo e puna e "sigurise" ne ate kohe, sic e shtjellova thjesht, ishte si puna e mospasjes se trafikut, ndotjes dhe aksidenteve sepse s'kishte makina.

Siguria si dukuri, s'mund te merret kallep.  Eshte thyes, me numerues dhe emerues, te pakten per mua.  Dhe me tej, emeruesi ishte me i madh se numeruesi, ndaj vlera e thyeses ishte me e vogel se nje. 

Monda, vërtet nuk kishte shumë makina, por të paktë ishin edhe policët smiley .

Nga Fushkruja deri në Milot ishte Vetëm Një Polic Rrugor... Motoja e tij ishte: I bëj unë shoferët që t'ju duken të tërë plepat ndanë udhës Osmënër smiley

Tani unë jam i sigurtë se për të dyja rastet ndikojnë ndjenjat në mes... si për fëmijërinë, ashtu dhe për sigurinë apo rendin. Hiq ndjenjat dhe shikoji në sy.

Siguria e shtetasve është karakteristikë e një shteti të konsoliduar social (parë thjesht nga ana sociologjike). Kështu ishte dhe ky i yni: shtet i varfër social. Merre më me dashamirësi të majtën, se vërtet nuk ofron shumë zhvillim ekonomik-monetar, por ofron siguri.

Lidhja që bën ti nuk është lineare dhe e ndërvarur pra që njera sjell tjetrën. Sepse edhe në Evropë ka siguri edhe shumë makina. Kështu ajo bie. Ti, si një shumicë e madhe njerëzish këtu, refuzoni të shikoni dorëzimin e shtetit përballë përgjegjësive qeverisëse. Asnjë reformë apo iniciativë sociale nuk është ndërmarrë gjithë këto vjet.

Sapo ngrihet zëri për këtë gjë, anatemohet si komunist.

 Sa për fëmijërinë në geto, nuk është asesi njësoj, sepse si të gjithë ne, ti psh në atë sistem e kalove fëmijërinë, po nuk pësove gjë. Përkundrazi, si llokume dole smiley.

Po dikush që jeton në geto, sa mundësi ka të dalë prej saj vërtet?

 

...A nuk do kishte qene me i mire ky sistem sikur sot mos te thoshim psh per kartat e identitetit "ohu, ne kohen e Enverit ishin te gjithe te regjistruar, dhe leternjoftimin e merrnim pa leke biles"....

Leternjoftimin pare?Kush ta ka thene kete ty?

Une mbaj mend te kem paguar pare per te dale ne fotografi.Pra nuk ka qene pa pare por ME PARE.

Vazhdoni genjeni ne mes te dites o komunista!

Edhe une nuk i honeps dot nostalgjiket e atij sistemi, qe me thene te drejten, jane ende te shumte ne kohen tone. SHume prej tyre duket se nuk jane "ambjentuar" ende pas 18 vjetesh me sistemin e ri, dhe u ka ngelur sahati tek ai i pari e rrjedhimisht, çdo gje e masin me KUTEN e asaj kohe.

Nga ana tjeter, nje pjese e mire e nostalgjikeve sot, thone lart e posht se gjate ketyre 18 viteve, s'eshte bere asnje gje ... eshte e kote te lodhesh e t'i shpjegosh ketyre individeve se ç'fare ndryshimesh kane ndodhur - edhe sikur t'a bente dikush - ata prape s'do ndryshonin mendim : keshtu qe leri te jetojne ate "endrren" e tyre, se mire e kane. T'i bien, se i bien bukur atij fyelli

..... Flasin për urat që do të ndërtohen në fshat dhe gratë që do të jenë më shumë në qeverisje. Por askush nuk na thotë a do të marrë fund kalvari i quajtur "tranzicion", që po bëhet më i urrejtshëm se "ndërtimi i plotë i shoqërisë socialiste" dikur.

Kudo qe te veje robi dhe cfardo te beje gjithmone ate do ta krahasoje me pervojen e se kaluares dhe nxjerr si konkluzion; ka perparuar? vazhdon ne te njejten rruge? apo ka bere hapa pas? Nuk ka diskutim qe ne kemi perparuar! Po a mjafton vetem kjo qe ne ta bejme cdo gje te bardhe e te zeze ne te kaluraren tone?! (teme shume e gjate)

Kishte shume te meta ai sistem. Shume te meta! Une kam qene nje femije (femijeri qe do ta kishin zili dhe niperit e Bill Gatesit) dhe te them te drejten nuk ja kam provuar shijen tamam atij sistemi, hiq buken me sheqerr me uje pike-pike nga cezma(do ti s'qe dhe aq e keqe). Mund te jete dhe kjo arsyeja qe shume gjera me duken te egzagjeruara dhe do te genjeja nqs. do tja mohoja cdo gje asaj kohe. Nga ana tjeter jam shume koshient qe; shume njerez e familje te tjera nuk kane patur fatin tim, por une nuk mund te bej hipokritin dhe te flas nga perspektiva e tyre, njelloj sic nuk mund te flase dikush sot nga perspektiva e atij qe merr buken me liste, atij qe i ka perfunduar vajza semaforve te Europes, ose atij qe i eshte vrare djali, vellai ose kushuriri per nje; "pse shikon ne sy?"
Nuk perpiqem ta mbroj ate kohe, por a s'do ishte me e drejte kur ti denon ate qe duhet denuar dhe vlereson ate qe duhet vleresuar, sado e vogel te jete ajo?!
Me pelqen ky shkrim per mesazhin qe percjell. Mendoj qe sa me mendje hapur te jete njeriu aq me shume ngjyre i jep gjykimit ne portretin e se shkuares, dhe del ne perfundimin se jo cdo gje ka qene bardh e zi.

 

Taras, ne komentin tend e te shume peshkatareve, nuk behet asgje me shume se alogjohet thenia e disa legistave italian,; " Shqiptaret jane popull i krijuar vetem per diktature";

Nje pyetje mundesh tia besh vetevetes;

Te merresh me shfrytezimin e te pambrojturave , ti kthesh ne prostituta me dhune eshte nevoje e domosdoshme per te mbijetuar, apo eshte menyra me e lehte per tu pasuruar?????????????

 

Lumidrin, lexoje dhe nje here po ka mundesi. Jam i sigurt se po e kuptove sic eshte e jo sic do ti, do duash ta shuash kete komentin me lart!

p.s. c'do me thene "alogjohet"?

 Shkrimi ishte me brum, biles disa nga temat/mendimet  ketu, mbaj mend qe i bisedonim me Cenin (Shoshori), dhe nuk eshte çudi qe autorja te jete pjese e familjes se tij, dhe me vjen mire qe Ceni ma ka ndigjuar keshillen per tu pajtuar me familjen e tij (te pakten me femijet, tani ai jeton ne shtepine e çunit ne Laprake) . 

Une lashe dhe nje koment tek Shtypi qe fliste per disidentin e madh Hysen Shoshori.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).