Çamët, gjyq ndërkombëtar ndaj Greqisë

Partia për Drejtësi dhe Integrim dhe shoqata "Çamëria" kërkojnë mbajtjen e një gjyqi ndërkombëtar ndaj shtetit grek për gjenocidin e kryer ndaj popullsisë çame. Në një intervistë për "Shqip", kreu i PDI-së, Tahir Muhedini, sqaroi se "PDI në bashkëpunim me shoqatën "Çamëria", në një kohë shumë të shkurtër do ta hedhim në gjyq ndërkombëtar shtetin grek për gjenocidin ndaj popullsisë çame". Kreu i PDI-së ripërsëriti edhe një herë kërkesat e komunitetit çam ndaj palës greke dhe kritikoi sërish deklaratat e kreut të PBDNJ-së, Vangjel Dule. Hapi i parë i kësaj iniciative ishte edhe takimi në Strasburg mes kreut të PDI-së dhe komisionerit të Këshillit të Evropës për të drejtat e Njeriut, Thomas Hammerberg.

Zoti Muhedini, cilat do të jenë kërkesat e palës shqiptare për 2009-ën për zgjidhjen e problemit çam?
Siç e dini, PDI në programin e saj ka edhe zgjidhjen e çështjes çame. Komuniteti çam kërkon çështjet më elementare, që i takojnë në bazë të të drejtave të njeriut dhe në bazë të të drejtave të pronës. Komuniteti çam në radhë të parë kërkon dinjitetin e saj për atë gjenocid që ka ndodhur karshi popullsisë së pafajshme. Kërkojmë pronat, kërkojmë shtetësinë, që është hequr në mënyrë kolektive ku pas shkeljes së të drejtave të njeriut në bazë të kartave ndërkombëtare që edhe shtetësia të lidhet me të drejtën e personit që do apo jo ta mbajë këtë shtetësi. Popullsia çame kërkon të kthehet në shtëpitë dhe vatrat e tyre, si shtetas grekë dhe shteti grek duhet të kërkojë falje për atë gjenocid që i ka ndodhur asaj popullsie. Në një kohë që Greqia është pjesë e BE dhe me të drejta të plota dhe duhet të zbatojë në mënyrën më korrekte të drejtat e njeriut dhe të njohë pronën si të drejtë të patjetërsueshme. Por Greqia ka ngelur në ato shprehjet e saj që popullsia çame është bashkëpunëtore e fashizmit. Mendoj se kjo shprehje është bajate. Nuk ka asnjë lloj vlere dhe Greqia nuk mund të hedhë baltë mbi këtë gjenocid sidomos nëpër institucionet ndërkombëtare.

Por përpjekja më e madhe është se komuniteti çam në sistemin e diktaturës nuk ka pasur mundësi t‘u jepte përgjigje Greqisë dhe të kërkonte të drejtat e njeriut. Me ndryshimin e sistemit të diktaturës në sistemin demokratik, kjo popullsi po kërkon sipas standardeve dhe konventave ndërkombëtare të drejtat e lirisë që i takojnë çdo njeriu, të drejtën e shtetësisë dhe të njohjes së pronës. Unë e them hapur se të drejtat e njeriut shihen me dy standarde. Shteti shqiptar e ka tipike nga BE që të drejtat e minoritetit të respektohen të gjitha, Shqipëria përveçse po i respekton dhe i zbaton të gjitha të drejtat e minoritetit grek, por u ka dhënë edhe shtetësinë greke, duke i bërë me dyshtetësi, të jemi të sinqertë që i kanë bërë edhe me prona. E kundërta ndodh me popullsinë çame, e cila kërkon shtetësinë, të cilën e ka pasur dhe ua kanë hequr dhe të drejtën e pronës.

Nuk dua të zgjatem, por ka familje që kanë trungun familjar deri në 850 vjet më përpara. Çamët në krahinën e Çamërisë janë autoktonë. Bashkimi Evropian, Shqipëria dhe Greqia duhet të zbatojnë një standard kur flasim për të drejtat e njeriut. PD kur erdhi në pushtet u mor me popullsinë çame, u integruan në Parlamentin shqiptar dhe institucionet e shtetit shqiptar anëtarë të këtij komuniteti. Me një fjalë, institucionet nga viti 1960 deri në vitin 1991 kanë qenë në mënyrën minimale 1% e popullsisë në institucionet e shtetit. Ky është fakt. PD njohu edhe gjenocidin e 27 qershorit 1944, në vitin 1994, ku Presidenti i atëhershëm, Sali Berisha, me dekret e shpalli datën 27 qershor si ditën e gjenocidit.

Në 1996 u krye edhe traktati i miqësisë midis Greqisë dhe Shqipërisë, por ky traktat miqësie që nga 1996 deri më sot nuk ka kryer asnjë funksion. PS nuk u mor fare me çështjen çame. Unë mendoj se përderisa politika shqiptare është e njohur me shkeljen e të drejtave të njeriut në Shqipëri, të gjithë deputetët shqiptarë e pranojnë dhe ngërçi qëndron se pse Parlamenti shqiptar nuk e lë të zgjidhet çështja çame. Unë mund të them se çështja çame është një çështje kombëtare dhe në këtë çështje kombëtare duhet të kontribuojnë të gjitha forcat politike, pavarësisht forcave të majta apo të djathta. Kombi shqiptar ka pasur dy probleme kryesore siç ka qenë ndarja e Kosovës, krahina e Kosovës dhe krahina e Çamërisë. PDI e mirëpriti pavarësinë e Kosovës dhe falënderon të gjithë kontribuuesit që dhanë forcat politike të Kosovës dhe SHBA që ka ndihmuar se pas një shekulli padrejtësia që i ishte bërë popullsisë shqiptare kosovare më në fund mori pavarësinë e saj kurse me krahinën e Çamërisë nuk është e njëjta gjë. Popullsia çame nuk kërkon të bëhet shtet më vete, por kërkon që të jetë e integruar si shtetas grek me kombësi shqiptare, riatdhesimin, njohjen e pronës.

Cilët do të jenë hapat e parë të Partisë për Drejtësi dhe Integrim gjatë këtij viti për zgjidhjen e çështjes çame?
Për sa i përket gjenocidit, PDI po krijon një dosje në bazë të dokumenteve dhe fakteve të popullsisë çame, në bazë të arkivave të shtetit shqiptar dhe arkivave të huaj dhe mendojmë që ka ardhur koha që karshi shtetit grek të hapet një gjyq për gjenocidin e ushtruar karshi popullsisë çame të pafajshme. PDI në bashkëpunim me shoqatën "Çamëria" e cila na furnizon me materiale, bashkë me institutin e studimeve për Çamërinë dhe ne mendojmë që në një kohë shumë të shkurtër do ta hedhim në gjyq ndërkombëtar shtetin grek për gjenocidin ndaj popullsisë çame. Krahas kësaj, PDI kërkon nga shteti shqiptar që të zbatohen të drejtat e njeriut për popullsisë çame dhe të ndikojë pozitivisht karshi Greqisë, pavarësisht se Athina mban qëndrimin se çamët kanë qenë bashkëpunëtorë të fashizmit, një herë tjetër shprehet se kjo çështje është inekzistente, një herë tjetër sqaron që Ministria e Jashtme t‘i drejtohet Strasburgut, por unë mendoj që shoqëria e shëndoshë në shtetin grek ka pasur reagime pozitive karshi kësaj padrejtësie për komunitetin çam. Mund të them se historianët grekë kanë thënë haptas në disa leksione në Athinë se popullsia çame nuk ka qenë bashkëpunëtore e fashizmit dhe karshi kësaj popullsie është ushtruar gjenocid.
Pas reagimit tuaj për bashkëpunim me PBDNJ-në a ka pasur ndonjë reagim apo reflektim nga kjo parti për njohjen e të drejtave të komunitetit çam?

Pavarësisht se ka pasur reagime shumë të forta nga konservatorët ekstremistë, unë mund të them se e keqja më e madhe është se ne kemi edhe një forcë politike në Shqipëri siç është PBDNJ me kryetar Vangjel Dulen dhe ai si perifan telefonon mediat greke ku në një studio televizive një pjesë e minoritetit çam kërkon të drejtat e njeriut dhe zoti Dule merr në telefon duke thënë se ata që janë në studio janë fëmijë të bashkëpunëtorëve të fashizmit gjerman. Në një kohë që ky kryetar partie flet gjithmonë që të ndikohet pozitivisht për integrimin e Shqipërisë dhe se partia e tij po ndikon që Shqipëria të hyjë në BE, ndërkohë që i takon kryetarit të PBDNJ-së të merret me këtë çështje dhe të mbështesë komunitetin çam, të cilit i janë mohuar të drejtat. Unë mendoj se ky u shërben qarqeve antishqiptare dhe ekstremiste dhe e ka si ideologji integrimin e Shqipërisë, por mendoj se ai ka synim të kundërtën që Shqipëria të mos integrohet në Bashkimin Evropian.

Megjithatë, ne jemi të qetë dhe nuk duhet të merremi shumë me Vangjel Dulen, por ne mendojmë se integrimi i Shqipërisë kërkon bashkëpunim në radhë të parë dhe PDI dhe PBDNJ duhet të kenë marrëdhënie të mira dhe të ndikojnë pozitivisht që marrëdhëniet Greqi-Shqipëri të jetë një urë lidhëse për të zgjidhur problemet që ka edhe komuniteti grek, por edhe popullsia çame. Pavarësisht se ne kemi bërë disa kërkesa për të bërë takime, por na janë refuzuar, por ne përsëri do të bëjmë kërkesë derisa të bindet Vangjel Dulja që të ndikojë pozitivisht karshi minoritetit grek dhe karshi popullsisë çame si kryetar i të drejtave të njeriut. Dules i takon të merret me zgjidhjen e çështjes çame.
Në fakt është folur shumë për të drejtat e njeriut. Kemi vënë re që institucionet shqiptare kanë qëndruar në heshtje për çështjen çame. Personalisht, ju si kryetar i PDI-së a keni bërë ndonjë lëvizje dhe a ia keni parashtruar kërkesat tuaja faktorëve ndërkombëtarë?

Të jemi të sinqertë, BE-ja shtetin grek e ka vendosur si vëzhgues të shtetit shqiptar për të hyrë në BE. Dhe Greqia, përveçse kërkesën që ka ndaj shtetit shqiptar për t‘i zgjidhur çështjen e minoritetit grek, pala shqiptare nuk po bën atë që po bën Greqia që t‘i dalë për zot popullsisë shqiptare për problemet që ka ndaj shtetit grek. PDI po punon shumë për ndërkombatërizimin e kësaj çështjeje. Unë duhet të them se kam qenë i ftuar në SHBA nga shoqata "Vatra" dhe mund t‘ju them që të gjithë bashkatdhetarët tanë në SHBA thoshin një zëri se do të merremi në zgjidhjen e çështjes çame se kjo ka ngelur pa konkluduar nga trungu shqiptar.

Ata thanë se pavarësinë e Kosovës e morën, tani të zgjidhin çështjen çame. Ata po përpiqeshin sesi të ndërhynin në Senatin amerikan dhe më kërkuan që të çojë një dosje të plotë me problematikën që ka çështja çame. Gjithashtu, unë kam pasur edhe një takim me komisionerin e Këshillit të Evropës për të drejtat e njeriut, Tomas Hammerberg, ku i pasqyrova problematikën që ka popullsia çame, mbi shkeljen e të drejtave që ka kjo popullsi, mbi mohimin e pronës që ushtron Greqia karshi kësaj popullsie. I kam dhënë edhe dokumente në bazë të fakteve për qëndrimin e grekëve. Pritja me zotin Hammerberg ishte me interes dhe u tregua i gatshëm të ndihmojë mbi zgjidhjen e problemit, ku bashkë me mua ishte edhe anëtari i kryesisë së PDI, Arben Tahiri.

Ne nga ana jonë do mundohemi të kemi bashkëpunime të mëtejshme që ai duke ndërhyrë të detyrojë Greqinë t‘i japë zgjidhje këtij problemi kaq madhor, por njëkohësisht edhe shteti shqiptar të merret drejtpërdrejt me zgjidhjen e çështjes çame. Ajo nuk mund të zgjidhet me raste sporadike, por duhet marrë seriozisht duke filluar nga parlamenti shqiptar. Ka ikur koha e bisedave sporadike, duhen në bazë institucionale dhe dokumenteve të bëhen gjërat. Institucionet ndërkombëtare nuk kanë dokumente dhe i kërkojnë ato, dhe PDI bashkë me shoqatën Çamëria do të pasqyrojnë realitetin duke u servirur atyre fakte të gjalla dhe dokumente. Popullsia çame ka qenë minoritet në shtetin grek dhe erdhi si rob lufte në Shqipëri.
 

21 Komente

Ju lumtë!

Mos prisni që problemin tuaj ta zgjidhi as parlamenti dhe as qeveritë (se të ishte ashtu në 20 vjet do kishin hedhur ndonjë gjysëm fjale në këtë drejtim).

Mos prisni as edhe që ndonjë analist të shkruajë edhe për çështjen tuaj, ... unë nuk them... unë nuk them... unë nuk them... që të shkruajnë që Janina të bëhet edhe edhe, as as, por të paktën të flasin....

Edrus, ceshtja came ka nje klecke te madhe: Nuk eshte ceshtje mes dy shtetesh, qe Shqiperia, parlamenti apo qeveria e saj ta coje ate ne gjykatat nderkombetare. Edhe ato kane ycklat e veta, se i kane bere gjithe labirinte, pikerisht qe te pengojne ceshtjet e tilla si ajo camja qe te harrohen aty ku kane ndodhur.

Por, nese nje grup camesh mblidhen per te cuar nje ceshtje te vetme pronash, te mbeshtetur ne argumenta e te kopsitur mire, shteti shqiptar mund te nderhyje duke ofruar ndihmen e vet me dokumentacionin perkates kur personi qe ngre ceshtjen eshte pajisur ne Shqiperi.

Arritja me e madhe do te ishte qe nje ceshtje e vetme te fitohej, pastaj ajo mund te perdoret si precedent e te marrin rruge ceshtjet e tjera mbi bazen e pronesise, se si ceshtje came ne teresi, gjykatat nderkombetare as qe kane ndermend te mos i zene bese Greqise.

E hidhur, por e vertete!

GJYKATA EVROPIANE E TË DREJTAVE TË NJERIUT

Konventa e vitit 1950

Neni 5 : E drejta për liri dhe siguri
Neni 6 : E drejta për një proces të drejtë
Neni 7 : Nuk ka dënim pa ligj

Neni 8 : E drejta për respektimin e jetës private dhe familjare

Protokolli n° 1
Neni 1 : Mbrojtja e pronës

Protokolli n°7

Neni 1 : Garancitë proceduriale në rast dëbimi të të huajve

Protokolli n°12
Neni 1 : Ndalimi i përgjithshëm i diskriminimit

Sipas Konventës së 1950-ës, shtetet kontraktuese, kur këto të fundit kishin
pranuar të drejtën e ankimit individual dhe kërkuesit individual (individë, grupe individësh, apo organizata joqeveritare) mund ti drejtonin Komisionit ankesa kundër shteteve kontraktuese kur vlerësonin se ato kishin shkelur të drejtat e garantuara nga Konventa.

---------------------------------------------------

Camet plotesojne cdo nen.. smiley

Eshte budallek te mendosh qe shteti shqiptare nuk mund te bej gje.. Perkundrazi eshte shteti shqiptare qe ndalon kete ceshtje te zgjidhet pasi nuk afron asnje ndihme apo keshille..

 

 

 

firmos

Shoqata "Cameria" dhe PDI mund te veprojne fare mire pa pasur aspak ndihmen e qeverise dhe shteti nuk mund ti ndaloje ne asnje menyre nje grup njerezish qe ti drejtohen organizmave nderkombetare.

Nuk mund te zgjidhet kjo ceshtje  duke fol ne menyre emocionale si zoteria ne interviste..Ne salle gjyqi emocionet, zeri i larte dhe qarja nuk fitojne.. Duhet ekspertize ligjore qe shoqata Cameria nuk e ka kurresesi.. Ketu hyn shteti qe mund dhe e ka menyren per ta gjetur dhe fituar ekspertizen ligjore.

P.s. budalleku me i madh eshte ky zoteria  Cam qe merret me BDNJ dhe Dulen.

 

T_red, ju tiransat nuk e dini se ç'bëhet andej nga bregu... sa herë që dëgjohet ndonjë "bëmë" e Bollanos, merret vesh se ka qënë edhe ndonjë ministër grek për dreka dhe darka tek miqtë e tij... dhe asnjëherë nuk mungojnë dhe deklaratat zyrtare të përfaqsuesve të qeverisë greke për të mbrojtur të drejtat e qytetarëve (!) të tyre...

... atëhere përse qeveria shqiptare nuk u dashka të hapë gojë?

Edhe tiranse me the? smiley

Arsyeja e vetme pse shteti shqiptar nuk mund ta hape gojen eshte sepse ky shtet nuk ka asnje konflikt pronesie me shtetin grek. Camet po, ata kane.

Edhe gjykata e te drejtave te njeriut nuk merr ne shyrtim konflikete midis shteteve, por midis shtetasve dhe shtetit te tyre.

Po pse dreqin me shtyn te flas per pallavra juridike qe jane bere pikerisht per te mos u kuptuar e per te vene ne gjunje edhe ligjerisht te humburit? :@

Të jemi të sinqertë, BE-ja shtetin grek e ka vendosur si vëzhgues të shtetit shqiptar për të hyrë në BE.

 

U, lum si ne ke paskemi kumbar!

Po cfare na kontrollojne keta ne, kur vet mashtrojne bilancet shteterore pa pike turpi? Plus, keta te tanet ku e kane gojen te thone (rol i shtetit ky) qe si mund te kemi mbikqyres nje shtet me te cilin jemi akoma ne gjendje lufte?  Nuk e di sa e vertete eshte nese Greqia ka vertet nje rol zyrtar mbikqyres per kete pune, por ne qofte keshtu, paskemi per t'i pare hajrin.

Camet shyqyr qe u ftilluan ca, te levizin edhe ato lobet qe kane ne Amerike e Australi, se Birisha i ka shitur me kohe.

 

"Popullsia çame kërkon të kthehet në shtëpitë dhe vatrat e tyre, si shtetas grekë dhe shteti grek duhet të kërkojë falje për atë gjenocid që i ka ndodhur asaj popullsie" ...

"Unë mund të them se çështja çame është një çështje kombëtare dhe në këtë çështje kombëtare duhet të kontribuojnë të gjitha forcat politike, pavarësisht forcave të majta apo të djathta. Kombi shqiptar ka pasur dy probleme kryesore siç ka qenë ndarja e Kosovës, krahina e Kosovës dhe krahina e Çamërisë."

"dhe SHBA që ka ndihmuar se pas një shekulli padrejtësia që i ishte bërë popullsisë shqiptare kosovare më në fund mori pavarësinë e saj kurse me krahinën e Çamërisë nuk është e njëjta gjë. Popullsia çame nuk kërkon të bëhet shtet më vete, por kërkon që të jetë e integruar si shtetas grek me kombësi shqiptare, riatdhesimin, njohjen e pronës."

Ju lumte, thua ti Edrus, po per cfare?

Per cfare u lumte atyre? Qe nuk dine cfare kerkojne?

Solla tre citime ketu nga i njejti tekst, nga i njejti person, nga e njejta interviste... tre citime me tre qendrime krejt te ndryshme.

Le te them dhe une timen tani.

Nese camet kerkojne shtetesi greke, kjo mund te jete ceshtje kombetare, por jo ceshtje kombetare shqiptare; ceshtje kombetare greke. 

Per kete aresye, te pakten nga shteti shqiptar nuk mund te kerkojne asgje; pasaportat greke i leshon shteti grek, jo shteti shqiptar, dhe shteti shqiptar nuk mund t'i thote shtetit grek se kujt t'i jape nenshtetesi e kujt jo.

Sa eshte ceshtje kombetare shqiptare?

Keshtu si e shtron ky, aspak.

Nese do te kesh guximin, e ta thuash troc, qe Camet te marrin pronat e tyre, dhe Cameria t'i bashkangjitet Shqiperise, atehere jam dakord; por, nese do te ruhesh se mos ben ndonje "gabim" apo "vetevrasje" politike, duke ruajtur gjuhen dhe deklaratat, e duke bere gafa te tilla, duke mos treguar dot se cfare kerkon ne te vertete, duke dale kaq "konfuz" dhe i paqarte, duke bere deklarata me tre kuptime (as dy jo), tregon mungese serioziteti, dhe qe kesaj udhe i ke hyre kot, sepse nuk e di as vete se ku do dalesh me tafti-baftit e momentit.

Jam i ndergjegjshem qe ceshtja came eshte komplekse dhe nuk mund te mbrohet me nje deklarate, por, 

Kjo ceshtje kerkon seriozitet me te madh, qe te shpresosh te merresh seriozisht nga te tjeret.

Ndoshta eshte me mire qe kjo shoqate+partia, te perqendrohen me mire dhe ekskluzivisht vetem ne kthimin e pronave dhe njohjen e gjenocidit, dhe te kufizohen sa te munden nga permendja e termave te tille si: "ceshtje kombetare", qe vetem sa i demtojne dhe i tregojne me "te rrezikshem" sesa duan te duken... Te kerkojne te drejtat e njeriut qe u jane shkelur, dhe kaq.

Kur te fitojne keto, atehere mund te ngrene klauzola te tilla si "ceshtje kombetare"... Te pakten mua keshtu me duket e urte.

Perndryshe, le te dalin e te deklarojne si burrat, dhe Cameria pastaj fitohet dhe ndryshe.

Zotrules, nuk e di se ku e pe që po kërkoja që çamët të fitonin pronat dhe të drejtat e tyre për t'ju bashkuar Shqipërisë?

Po thoja që ÇAMËT kanë të drejtën e tyre të shpaguhen për ç'kanë vuajtur (dhe mos më bëj që të bëj krahasime me të tjerë popuj që vuajtjet dhe masakrat ndaj tyre i kanë bërë problem botëror).
Se pastaj çamët deklarojnë se janë shqiptarë, grekë, turq o dreqi me të birin nuk më intereson... Më intereson që çamët të fitojnë ç'kanë humbur dhe që të dalë në shesh e vërteta e qelbësirllëkut grek përsa i përket mbrojtjes së të drejtave të qytetarëve (gjë për të cilën Greqia nga një anë pretendon se është e kulluar kur insiston dhe për të vdekurit e para 100vjetëve nga Shqipëria dhe kur "interesohet" për qytetarët e saj të homogjenizuar këto 20 vjetët e fundit).

P.s: Ashtu siç nuk ma ha mëndja të më kesh dëgjuar ndonjëherë që minoritarët grekë nuk duhet të gëzojnë të drejtat e tyre.

Ore kallaus, do sillesh mire ti? C'pate keshtu? Ne sikur merremi vesh edhe pa shkruar fare, - ku e humbe fillin kesaj rradhe?  

Ajdo pezhishke aaaajdeeee...

PS: jemi ne nje vije, thjesht po theksoj nevojen qe u duhet me maturi, dhe kembengulje e mencur, qe te arrijne te hedhin njehere gurin e themelit, pastaj te ngrene murin mbi te. me merr vesh?

 

Arsyeja e vetme pse shteti shqiptar nuk mund ta hape gojen eshte sepse ky shtet nuk ka asnje konflikt pronesie me shtetin grek. Camet po, ata kane.

Ka edhe shqiptare (me nenshtetesi e kombesi  puro shqiptare) me prona me peshe ne Greqi te cilat mbahen te konfiskuara nga ligji i luftes. As ne kete rast nuk quhet konflikt pronesie midis dy shteteve? Shtetit tone si minimum as do i takonte te bente perpjekje per heqjen e ketij ligji absurd? (Traktati i Miqesise nuk zgjidh gje e per me teper ka nje vlere 20 vjecare).

Nese camet kerkojne shtetesi greke, kjo mund te jete ceshtje kombetare, por jo ceshtje kombetare shqiptare; ceshtje kombetare greke. 

Camet kerkojne shtetesine greke, jo kombesine. smiley

Greqise, qe e mban veten si popull me homogjenitet te larte, keshtu i dalin ca minoritare shqiptare ne troje qe i kane patur den babaden... smiley

Pikerisht, zoti nejse... nuk hyn ne ceshtjet kombetare shqiptare.

1. Ne ceshtjet kombetare mund te perfshihet nje kerkese per te mare dicka nga dikush; ne parim, nje dicka qe te takon me te drejte; psh, Cameria, ne rastin konkret; por jo pasaporta greke e cameve.

Madje, po te flasim patriotisht, nese ceshtja do te shtrohej keshtu, atehere per mua perben ceshtje antikombetare shqiptare.

Sepse per mua si nacionalist, psh, Cameria eshte thjesht krahine integrale e Shqiperise, dhe pa Cameri, Shqiperia eshte dhe mbetet e cunguar. U ngul apo jo cami ne Cameri, nuk ka lidhje me plotesimin e Shqiperise, madje marrja e pasaportes greke te nje shqiptari qe banon aty, thjesht sa do legjitimonte ne nje fare menyre (edhe nga ana e te drejtes nderkombetare apo humane) pronesine greke te nje krahine integrale te Shqiperise. 

2. Greqia mund te deklaroje homogjenitet absolut te popullsise sepse ne Greqi, kombesia ka kuptim krejt te ndryshem nga fjala "kombesi" ne te gjitha gjuhet qe njoh une. (dhe nuk njoh edhe aq pak)

Prandaj, kur Greqia deklaron homogjenitet, per mua nuk ka asnje lloj kuptimi.

ta shpjegoj ndryshe?

Greqia deklaron homogjenitet njesoj si nje kimist qe mund te deklaroje qe te gjithe njerezit kane perberje te njejte kimike.

Zotrules,

s'e kuptoj pse ceshtja e minoriteteve shqiptare nuk duhet te quhet ceshtje kombetare, nderkohe qe me greke, maqedonas e arumune po bejne literally letra fallco per pakicat e tyre, pikerisht ne emer te kesaj ceshtje. (Camet nenshtetesine greke kane patur tek e fundit, ua hoqen pa te drejte, ata kerkojne te drejten te vendosin vet ta mbajne ose jo. Kombesine shqiptare as e kane vene ndonjehere ne dyshim a ne diskutim.)

Nuk e di se c'kuptim paska fjala "kombesi" ne greqisht, por ne gjuhen e te drejtave te njeriut koncepti i kombesise dhe i nenshtetesise eshte i ndare mire (ne baze te te cilit jane ndertuar te drejtat e minoriteteve dhe per te cilat po na cajne koken ore e minute edhe fqinjet tane ). Me kete kut duhet matur kjo ceshtje, se me kutin e grekut gjithe bota del helene.

Persa i perket ceshtjes pa Kosove e Cameri... sinqerisht, jemi teper larg.

Zonja nejse smiley

 verzeihung, zonja. Nuk e dija une i shkreti. Bujk hesapi... smiley

Greket kur flasin per kombesine zyrtarisht, thone "identitet".

Ceshtja e minoriteteve shqiptare? Ka came akoma ne Greqi, kete e dije? ka dhe came ortodokse, kete e dije? Ai mund te quhet minoritet shqiptar ne Greqi.

Camet e Shqiperise nuk perbejne minoritet me. A mund t'i konsiderosh minoritet shqiptar ne Shqiperi? Apo do t'i konsiderosh si minoritet shqiptaresh nga Greqia te shperngulur me gjenocid drejt Shqiperise, ne Shqiperi?

Si mund te jene pastaj ceshtje kombetare?

Minoriteti grek ne Shqiperi konsiderohet si ceshtje kombetare greke, sepse Greku pretendon akoma, madje ZYRTARISHT per Jugun e Shqiperise. Greku ka pretendime territoriale ndaj Shqiperise, kurse Shqiperia edhe deklaron zyrtarisht qe nuk ka te tilla mbi Greqine, por ne Shqiperi nuk ka asnje shoqate qe te kete nje ide te tille; madje as shoqata Cameria, e as PDI-ja, qe jane personalisht te interesuar dhe perfshire ne ate ceshtje!!!

Mos harro, qe po flasim per Ballkanin, dhe ketu e natyrshme eshte vetem kjo, qe nese ke interes kombetar mbi nje shtet tjeter, nenkupton gjithnje se ke pretendime, te fshehura ose jo, territoriale.

Nuk eshte si psh, Anglia te ngrihet e te mbroje interesat, apo te drejtat e anglezeve ne Australi, apo Indi, apo hong Kong, nese ato po shkelen apo neperkemben; vende ku anglia nuk ngre pretendime territoriale, por qe ka nenshtetas te vete me shumice! Nuk eshte analogjia e persosur, e di, por vlen, sepse Greqia jo vetem qe nuk e mban mire me Shqiperine qe minoriteti i tyre langaraq prej 5000 vetash te trajtohet mire, sepse minoriteti Grek ne Shqiperi trajtohet si asnje minoritet tjeter ne bote, dhe greku kete e di mire; por ky minoritet perdoret nga Greqia per te arritur supremaci, per realizimin e pretendimeve territoriale, edhe pse nuk deklarohen demek zyrtarisht neper letra e dokumenta.

Ok, zotrules, e qarte se ku i rreh cekani grekut e maqedonasit, por e drejta e respektimit te minoriteteve si princip nuk eshte pretendim territorial dhe nuk eshte ky qe e ben te vlefshem, prej ketu nisesha une. Se si e strumentalizojne vendet ballkanike tjeter pune ajo.

Por une nuk e shoh kaq te kompilikuar ceshtjen e cameve minoritare ne Greqi. Ata qe kane mbetur natyrisht qe jane te asimiluar, se ku te le greku, puna eshte tek keta qe duan te kthehen ne token e tyre. Keta do ia benin muuuu si shqiptare ne toke "greke" dhe po u zgjidh me gjyqe nderkombetare (ata ne te drejte te Zotit jane, ngado ta kthesh), nuk e ben dot te padukshme si ceshtje greku.

Dhe nje dite, ku i dihet, mund te kemi dhe ne nje gozhde Nastradini ne Greqi. smiley

 

Shiko, e thashe ate meqe permende minoritetet e te tjereve.

Ne parim, ceshtja e minoriteteve duhet te jete ashtu si thua ti, e ndare nga pretendimet territoriale, por ne realitet, ne Ballkan eshte ndryshe, te pakten kur kemi te bejme me muhabetin ne fjale. Kete nuk e veme aspak ne dyshim kur behet fjale per minoritetin grek ne shqiperi... kjo eshte e sigurte. Po nuk po flasim per parime zonje, po flasim per realitetin; se po te vije koha per t'u mbrojtur, nuk do mbrohesh kunder parimeve te drejta, po kunder realitetit te keq, makaber, alla greko-sllav.

E sheh, e thua vete qe camet ne Greqi jane asimiluar... ne shqiperi kjo nuk do te ndodhte, sepse ne shqiptaret nuk do ta pranonim grekun t'i therriste vetes "shqiptar", sepse ne e dime fare mire se kush jemi ne, e kush jane ata (greku ne Shqiperi mund te behet 1000 vjec, e ne prape "ai greku" do themi). Greket vdesin per te patur sa me shume gjak shqiptari e sa me pak gjak aziatik, sepse vdesin per nje identitet kompakt si e ka shqiptari, e jo per identitet pacavure, te krijuar me njemije arrna te ngjitura me peshtyme si e kane greket ne te vertete... prandaj ata e kane per nder qe shqiptarin e tyre ta quajne grek, kurse ne po e quajtem grekun "shqiptar", mund ta bejme thjesht per t'i bere nder atij, e jo neve. Ky eshte ndryshimi themelor, parimor, midis "identitetit" konceptual grek, dhe "kombesise" konceptuale shqiptare.

Po jam dakord, qe shteti jone te ndihmoje ne ceshtjen came, kurrsesi nuk jam kunder. Bile me rruge shteterore duhet ndjekur, se kjo eshte me e mira. Por nganjehere rruget shteterore me shume demtojne sesa ndihmojne; ndoshta do te ishte me e thjeshte apo e lehte per camet qe te merrnin te drejte nga Helsinki apo Strasburgu nese ceshtja do te ishte "private"... Nuk e di, por ngritja e ceshtjes shtet me shtet, do te linte ne menyre te paevitueshme shijen apo pershtypjen e ngritjes se konflikteve te ngrira territoriale.

Shteti jone t'i ndihmoje teknikisht camet, t'i ndihmoje nga ana ligjore, te beje ate pak presion qe mund te kete ne dore per te bere te degjohet zeri i tyre, ose qe te arrije ne veshet qe duhet; pse jo, te beje dhe lobingje.

Kjo do te ishte rruga e urte, e ndjekjes se gjerave, rruga e marrjes se kalase nga brenda, po ka dhe rruge qe ta pushtosh kalane, dhe ta pushtosh me shume aleate. Nese Shqiperia do t'i tregonte dhembet Greqise, qofte njehere te vetme, qofte per nje ceshtje cfaredo, pozita e Greqise ne rajon do te ishte marxhinale fare! Me Maqedonine pisk, me Shqiperine po pisk, me Turqine ... 

Nje menyre e mire per ta bere Evropen te shohe qarte qe ceni integrues i Ballkanit eshte Athina.

 



Ndoshta eshte me mire qe kjo shoqate+partia, te perqendrohen me mire dhe ekskluzivisht vetem ne kthimin e pronave dhe njohjen e gjenocidit, dhe te kufizohen sa te munden nga permendja e termave te tille si: "ceshtje kombetare", qe vetem sa i demtojne dhe i tregojne me "te rrezikshem" sesa duan te duken... Te kerkojne te drejtat e njeriut qe u jane shkelur, dhe kaq.

Plotesisht dakord me cfare ka shkruar zotrules. Ceshtja came eshte nje ceshtje me te cilen heret apo vone qeveria Greke duhet te perballet. Nje ceshtje qe nuk duhet lene asnjehere ne heshtje. Camet kane te drejte te kerkojne pronat e tyre, te drejten te njihen si minoritet ne Greqi dhe te demshperblehen per genocidin e kryer ndaj tyre. Do ishte me vend qe keto te behen nje nga nje, duke u perqendruar ne nje problem te vetem ne fillim dhe duke kaluar hap pas hapi ne te tjerat. Fakti se kush do e drejtoje dhe vullneti i mire per mos e politizuar kete problem do jete nje nga faktoret vendimtare. Nese problemi politizohet, i vishen ngjyrat e kesaj apo asaj partie me qellime perfitimi te votave do kthehet ne kocke qe kerkon te rrembehet nga njera apo tjetra Parti dhe asgje nuk do perfundoje ne favor te popullit cam.  Tani eshte koha qe gradualisht te fillojne perpjekjet per kete ceshtje, pa zhurme daullesh, sigurisht.

 Nisma eshte e mire, veç kryetari i tyre duhet te mbledhi sa me shume fakte te dokumentuara, te mos harxhoje asnje minut kohe kot.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).